رواية اشتغالة الفصل الثامن بقلم ليل ادم
بعد وصول زين الي المصحه
الممرضه: مستر زين صباح الخير
زين : صباح الفل ريهام فاقت
الممرضه: لا لسه ممكن ساعه بالكتير
زين : تمام
الممرضه: حضرتك تحب اجبلك فطار أو حاجه تشربها
زين : لو ينفع قهوه يبقا تمام جدا
الممرضه: ثواني تكون عند حضرتك
زين : (فتح باب الغرفه في نفس اللحظه اللي ريهام كانت بتفتح الباب و بتبكي بحرقه ضمت زين أول ما شافته)
زين : مالك في اي اهدي
ريهام: كنت فين
زين : قاعد بره مالك خايفه من اي تعالي اقعدي ( قعدت ريهام على السرير وزين علي ركبته على الأرض) اهدي أنا معاكي اهو خايفه من اي
ريهام: كنت فكرتك زهقت مني
زين : ازهق منك ليه بقا في اي يزهق من بنته
ريهام: (بتهز رأسه) لأ
زين : خلاص يبقا أنا عمري ما همشي من هنا إلا وانتي معايا
ريهام: احلف
زين : والله ما هسيبك
ريهام: أنا جعانه
زين : ماشي وأنا كمان جعان
الممرضه : مستر زين القهوه
زين : تسلم ايدك (وخد القهوه ) مالك بتبصيلي كده ليه
ريهام: وحشتني
زين : (مبتسم ساب القهوه وقعد جمب ريهام وضمها في حضنه ) وانتي كمان وحشتيني
ريهام: بجد
زين : طبعاً بجد ها تحبي ناكل اي
ريهام: اي حاجه حلوه
زين : طب اي رايك نطلع نفطر بره
ريهام: لا بخاف أنا
زين : خايفه من اي
ريهام : كلو بره بص عليا اخاف منهم
زين : خلاص أنا هطلب أكل هنا بس بليل لازم نطلع بره شويه أتفقنا
ريهام: موافقة
تليفون زين رن
زين : الو
ياسمين: صباح الخير يا مستر زين
زين : صباح الفل يا ياسمين
ياسمين : حضرتك طلبت مني اول ما اجي اكلمك
زين : لا خلاص خليكي في واحد اسمه جوده هبعته تديله الاوراق اللي وقفه على الامضاء بتاعي بدال ما حد يتعطل على فلوس ولا حاجه
ياسمين: تمام يا مستر زين أول ما يوصل هكلم حضرتك
زين : تمام يا ياسمين شكرا
ياسمين: تحت امر حضرتك مستر زين مستر زين
زين : نعم يا ياسمين
ياسمين: عم محمد السواق بقاله يومين مش بيعمل حاجه وبيسأل هو حضرتك استغنيت عنه
زين : لا أنا هكلمه متشغليش بالك
ياسمين: تمام يا فندم سلام
زين : سلام
ريهام: ياله يا زين جعانه
زين : حاضر استني اعمل مكالمه مهمه بس
ريهام: يووه بقا
زين : (بيضحك) معلش حقك عليا اصبري لحظه الو
عم محمد: تحت امرك يا زين بيه
زين : يعني ينفع الكلام اللي ياسمين بتقوله ده عايز تسبني يا راجل يا عجوز انت
عم محمد: لا والله يا مستر زين أنا تحت امر حضرتك
زين : ياعم محمد ولو مفيش ليك شغل انت تقعد في بيتك والفلوس تيجي لحد عندك وكل اللي تطلبه كمان ياعم
عم محمد: ربنا يعزك يا مستر زين ويفتح عليك زاي ما انت فاتح بيوتنا كلنا
زين : ربنا يديك الصحه يا عم محمد فينك كده
عم محمد: في الشركه
زين : اطلع على البيت خد جوده روح بي الشركه وهبعتلك لوكيشن تيجي عليه
عم محمد: تحت امرك يا مستر زين
زين : سلام يا عم محمد
عم محمد: سلام يا بيه
ريهام: عايزه سندوتشات كتير
زين : كتير اوي
ريهام: اوي اوي
زين : حاضر من عيني
ريهام: عايزه بيبسي وشيبسي
زين : حاضر اظن انت سامع
عامل المطعم : سامع يا فندم
زين : هات بقا اللي سمعته ده كله وتعالي (وبيضحك)
عامل المطعم: ربنا يخلي يا فندم
زين : انت بتتريق انت كمان
عامل المطعم: لا والله يا فندم
زين : ياعم ولو بتتريق ولا يهمك المهم تنجز علشان رورو جعانه اوي صح.
عامل المطعم: صح
زين : ياعم مش انت
ريهام: صح يا زين
زين : سلام
عامل المطعم: سلام
في جانب آخر كان جوده صحي من النوم
جوده : اي المكان ده أنا فين ينهار اسود ل اكون موت ينهار اسود
باب الغرفه بيخبط
جوده : الحساب كده رسمي انتهيت يعني اصلي طول عمري يوم أسكر اموت اي الفقر ده
ام زين : انت ياض يا جوده
جوده: مين
ام زين: (فتحت الباب) أنا خالتك ام زين يا منيل اي هتنام لحد بكره قوم أفطر معايا أنا وعمك
جوده : زين مين انتي شكلك مش غريب عليا بس اكيد مش اللي في بالي
الأم: هتيجي تتنيل معانا ولا اسيبك
جوده : لا جاي أنا جعان أصلا
في جانب آخر كان عم محمد وصل إلي منزل زين علشان ياخد جوده الي الشركه
بعد انتهاء جوده من الافطار وعرف أن زين هو اللي جابه منزله في اخر الليل خرج ركب العربية مع عم محمد الي الشركه علشان ياخد الورق الي زين
في جانب آخر
زين : ادي ياستي الفطار اهو وكتير كمان وريني بقا هتاكلي كل ده ازاي
ريهام: حاضر
وفجأة باب الغرفه اتفتح سابت ريهام الاكل و استخبت ورا زين
استاذ احمد: أنا جيت أديكي الفرصه اللي قال عليها الموظف بتاعك يارب تكوني فوقتي ل نفسك وأتعلمتي أن في حاجات اهم من الفلوس
ريهام: (حطا أيديها على ودنها ومغمضه عينيها خايفه من صوته العالي وخايفه يضربها )
زين : انت اي يا اخي اطلع بره بقولك اطلع بره
استاذ احمد: زاي ما انت مكنتش قادر تستنا الصبح يطلع أنا مقدرتش استنا برضوه وجيت علشان أقضي على الفرصه اللي قولت عليها زاي ما ابني مات بسبب بخلك
زين : بقولك بره انت مش بتفهم (وشد عم ريهام بره الغرفه بس للاسف كان صوته عالي عمال يقول ابني مات بسببك الله لا يسامحك ولا يوفقك ابدا )
الدكتور: انت انسان مريض انت مش شايف حالاتها انت خربت الدنيا خالص
زين : الأمن يرمي الراجل ده بره
الدكتور: ادخل ل ريهام انت يا مستر زين سيبه معايا
زين : (فتح باب الغرفه ودخل على ريهام كانت قاعده على الأرض من الخوف ضم جسمها في بعضه سده ودنها بأيديها الاتنين بتردد كلمه واحده) ممعيش فلوس ممعيش فلوس ممعيش
زين : اهدي يا ريهام حقك عليا اهدي
ريهام: أنا مكنش معايا فلوس مكنش معايا فلوس
زين: خلاص مصدقك اهدي معلش حقك عليا شيلي ايدك اسمعيني
ريهام : كنش معايا فلوس أنا اسفه مكنش معايا فلوس
زين : طب خلاص أنا غلطان حقك عليا انا (وضم ريهام في حضنه وكانت ريهام تردد نفس الكلمه كتير مش عايزه تسمع حد وبدأت ترجع أسواء من الأول)
الدكتور: مستر زين بعد اذنك استنا بره
ريهام: لأ لأ (وشدت زين من هدومه) اسفه مكنش معايا فلوس مكنش معايا فلوس
زين : طب خلاص أنا مش هسيبك بس اهدي طيب
الممرضه:( كانت حقنت ريهام ب المهدئ وبدأت ريهام صوتها يختفي شئ ف شئ مع ترديد نفس الكلمه حتا دخلت في غفوه )
الدكتور: متقلقش يا مستر زين هيا نامت الوقتي علشان اعصبها ترتاح من الموقف اللي كانت في مش عايز تتعرض ل صدمه من جديد كفايه اللي هيا في
زين : أنا غلطان اني روحت للحيوان ده
الدكتور: انت ذنبك اي هو حد يصدق أن واحد يجي لحد مصحه نفسيه علشان يشمت في مريض بالشكل ده
زين : أنا مش عارف قلبه اي ده بس
الدكتور: هيا الوقتي مش هتفوق قبل ساعتين من دلوقتي لو حضرتك حابب ترتاح أنا ممكن ابعت حد من الممرضات يعمل ل حضرتك سرير مرافق تنام شويه تهدأ انت كمان
زين : لا لا أنا تمام شكرا يا دكتور ماجد
الدكتور: بعد اذنك يا مستر زين
زين : اتفضل
في جانب آخر تليفون زين رن
زين : الو
ياسمين: جوده اخد الورق وفي طريقه ل حضرتك يا فندم
زين : ياسمين أنا عايز رقم السكرتيرة اللي كانت شغاله مع ريهام
ياسمين: حاضر يا مستر زين
زين : تمام ماشي شكرا يا ياسمين
ياسمين: ولا يهم حضرتك سلام
زين : سلام (وقفل مع ياسمين بعت لوكيشن ل عم محمد علشان يعرف يوصل ليه وبعد أقل من نص ساعة كان جوده عند زين )
جوده : زين يخرب عقلك بتعمل اي هنا
زين : جوده وحشني اوي عامل اي يابني واي اخبارك
جوده : الحمد لله تمام والله يا زين انت عامل اي
زين : الحمد لله تمام
جوده : أنا جيت بيتكم اذاي هو اي اللي حصل
زين : ابدا يا سيدي امبارح كنت تحت البيت القديم لقيتك ماشي تطوح بقيت تسكر يا جوده
جوده: اعمل اي بس يا زين والله كانت أول واخر مره
زين : طب عملت كده ليه
جوده : اعمل اي بس ابو اسماء دماغه والف جزمه اني مش نافع بنته علشان مفيش عندي شقه
زين : ينهار ابيض بعد الخطوبه دي كلها
جوده : علشان كده طلبت منها تبعد حرام البت تستاهل كل خير أنا خلاص يا زين مستقبلي ضاع كده كده انا بقيت عندي ٣٦ سنه بدون جواز مين عروسه الوقتي تقبل تتجوز واحد من دور ابوها
زين : بس اسماء بتحبك يا عبيط
جوده : عارف والله ولسه لحد الوقتي بتكلمني بس حرام اربطها اكتر من كده يا زين و أبوها مش طايق يسمع اسمي
زين : طب هات الورق اللي معاك ده وكلم اسماء قولها تقول ل ابوها أننا رايحين نتفق على كل حاجه النهارده معاه
جوده: وغلوتك امك
زين : ايدك والقميص يا حيوان روح كلم ابوها ل ارجع في كلامي
جوده : عليا الطلاق اجدع من ابويا يا جدع هات بوسه ياض
زين: ياض بس (وبيضحك)
جوده : وربنا ل ابوسك
زين : اهو بوس خلينا نخلص
جوده : عليا النعمه بيه ابن بيه
زين : (في لحظه مع جوده حسيت اني زين المحاسب بتاع زمان اللي كان على طول مبسوط وفرحان في لحظه واحده قدر جوده يرجع ايام كنت فاكر اني نسيتها من سبع سنين علشان كده كان وجود جوده في حياتي مهم جدا وقررت أنه يكون معايا فى شغلي وحياتي القادمه
