رواية عشيق زيتونة الفصل التاسع
صاهب….
كنت واقف وسامع كل الحوار اللي بيدور بين مولاتي الأميرة لاقيس وبين الأميرة زيتونه وانفعالهم لما عرفوا من "هيروح" اللي البشر. اتفقوا عليه. ومدي إحساسهم بخيبة الأمل…
قولت لهم أنا عندي اقتراح ويمكن اتنين كمان وحتى لو فاشلوا. مش هنكون إحنا السبب…
هنا قالت الأميرة زيتونه قول بسرعة من غير مقدمات…
قولت لها في الازمنة الأخيرة البشر طلعوا أشعة وصدقوها وهي بأن في منهم اللي بيعرف المستقبل. وبيقدر يكشف المستخبي كمان..
وبقوا يقولوا عليهم الست دى مبروكة والراجل ده بركة..
ومعظم الناس دى بتكون ملبوسة. بأحد اعوانا من الجنn..
وأغلب الناس اللي بيتقال عليهم مبروكين. ميعرفوش أنهم ملبوسين.
ردت عليا مولاتي لاقيس وقالت ما إحنا عارفين ده واستغلناهم. في أن البشرr يؤمنوا بهم ويرتكبوا المعصية. ويؤمنوا ب الأمير المخلد وبقو'ته… بس كلامك ده هيفيدنا ب إيه!!!
قولت لها يا مولاتي إحنا هنخلي القرين يساعدنا بأنه يقنع حورية أنها مبروكة وبتعرف المستقبل..
ومش بس كدا دى هى بنفسها اللي هتبعد عن التعاويذ بتاعتهم وساعتها يقدر القرين يشربها السحرr وهى نايمة ويكون سهل ع سلاب يدخل لها حتى وهى متجوزة…
صحيح الموضوع هياخد وقت بس هتكون اللعبه ممتعة وخصوصاً أن هى بنفسها هتخلي فارس يبعد عنها ويكرrها…
وهنا وقفت الأميرة زيتونه وقالت أنت ماكرr يا صاهب. وتفكيرك عجبني ازاى راح عن بالنا الفكرة دى هاهاهاهاها..
الأميرة زيتونه….
بعد اقتراح صاهب اعتقد أننا نقدر نخترrق. جسد.حورية بسهولة وكمان ممكن نستعين ب شياطينe الإنس…
كل الإنس.اللي بتؤمنe بينا وبقدرتنا ممكن نستغلهمe في تأكيد أن حورية مبروكة.. ويذاع سيطها في كل القرية..
بركاتك يا ست حورية ههههههههههه….
وطلبت من "هيروح" تنفذ. وبسرعة وأننا معتمدين عليها اعتماد كلي…
والأميرة لاقيس قالت ليا أنها اتفقت مع ست من الإنس بقالها فترة بتحاول تستعينe بالجنn علشان نفسها تبقي غنية ومعاها فلوس كتير وتقدر تنtقم. من طليقها…
ظهرت لها وقولتلها كل طلب لكي وله طلبات مننا.. تنفذي طلبي الأول وأنا انفذلكe طلبك في الانتtقام… لكنها طلبت المال. في البداية علشان تخلي طليقها يتحسرe أنه تركها…
ومن اللحظه دى هي معاها أمر بنشر خبر بركة حورية…
قولت لها هايل يا لاقيس ودلوقتي بقي نقعد ونتفرج ع الإنس وهما بينفذوا طلباتنا من غير أى مجهود. مننا 😂😂
فارس….
خلصت الوردية ورجعت المعسكر واخدت طلب الإجازة وسافرت للبلد… ياااااه إحساس غريب أوى أنا عريس..
مش عارف اوصف إحساسي فرحان وقلقان وحاسس أن ورايا تجهيزات كتير والف ع كل المعارف اعزمهم بنفسي وأروح أشتري فستان ل حورية تلبسه يوم الحنه وهى في بيتها وسط الستات قرايبهم وجيرانهم وتفرح وتتصور زى ما هى عاوزة..
وأول ما وصلت البلد روحت ع بيت عمتى وأول ما شافتني هى وعمتى نوال زغرطوا وقولت لهم اومال فين حورية..
عاوز أقولها حاجه مهمه وأول ما نزلت قولت لها قدام عمتى أنا أخدت إجازة علشانك وهننزل أنا رشامنصور وعمتى ونشتري أحلي فستان وبخصوص البنت اللي هتذوقها اتفقتي مع حد يا عمتى ولا لسه.. أنا عاوز عروستي تعمل كل اللي نفسها فيه..
ردت عمتى نوال وقالت أنا روحت مع مامتك الكوافير واتفقنا مع بنت هناك هتجيلها وتعمل لها كل حاجه…
قولت لها يا عمتى مصاريف كل حاجه عليا أنا وخلي البنت تجيلها قبلها بيومين وتعمل لها كل طلباتها..
ومشيت بعد ما شوفت الابتسامه ع وش حورية…
نوال…
من بداية اليوم وأنا عند سعاد اختى وكل شويه أطلع ل حورية واطمن عليها ولقيتها بتقولي يا خالتي فارس في الطريق وجاى ع هنا قبل ما يروح بيتهم…
قولت لها هو كلمك وقالك… لكنها قالت ليا لأ أنا فجأة لقيت نفسي شايفه فارس وهو بملابس عادية وركب القطر ومعاه شنطة هاند باج كبيرة لونها أزرق غامق..
وع فكره يا خالتي أنا شوفتك وأنتي طالعه السلم وداخله ليا وأمي دلوقتي هتنادي عليكي علشان تجهزى الأكل ع ما تروح هى وتحلب. البقر…
فضلت باصه لها ومستغربة. ولسه هتكلم لقيت سعاد اختى بتنادي عليا وبتقولي انزلى يا نوال جهزي الأكل زمان الجيران جاية تساعدنا في خبيز العيش ع ما احلب. البهائم…
فضلت أقول الله أكبر… طول ما أنا نازلة السلم وحكيت لسعاد اختى ع كل حاجه وبعد ساعه لقينا الباب بيخبط ولما فتحت لقينا فارس قدامنا ومعاه الشنطة الزرقاء فضلنا نزغرط.. من فرحتنا به وب حورية.. البت دى فيها شئ لله ومكشوف. عنها الحجاب..
وأول ما خرج فارس لقيت حورية بتقولي صدقتي يا خالتي.. وع فكره مافيش سحرr في البيت ولا حاجه وانتوا ظالمين. الست أم سليم معملتش ليا حاجه هى صحيح نفسها تجوزني ل أبنها بس علشان هي من زمان بتقوله أنها هتجوزني له وكلامها ده خليته يتعلق بيا ومصمم أنه يتجوزني..
وع فكره هى طول الليل بتبكي لأنك رافضتي تاخدى منها النقطه (الفلوس) هى فعلاً كانت عاوزة تساعدك في مصاريف الكعك والخبيز وكانت مكسوفه. وفكرت تساعدك من غير ما تحرجك…
قولت لها لو كلامك صحيح بابت يا حورية يبقي إحنا ظلمنا'ها..
استني أنا هروح لها بحجه أنها تساعدنا في العجين والخبيز.. ولو فعلاً بايته طول الليل بتبكي هيبان ع وشها وساعتها يا سعاد نراضيها بكلمتين برضوا إحنا جيران ونبي وصي ع سابع جار…
وروحت للست أم سليم بصراحه مش علشان أراضيها لكن علشان من جوايا نفسي أتأكد من كلام حورية وافهم هى انكشف. عنها الحجاب امتى واشمعني دلوقتي وليه مش قبل كدا…
روحت ع أم سليم وفتحتلي الباب وشوفت عينها ورمه. وحمراء أوي وباين فعلاً أنها بكت كتير… قولت لها سلامتك شكلك تعبان وأنا اللي كنت جاية علشان تساعدينا..
لقيت الست أبتسم وقالت تحت أمرك عاوزين إيه فلوس..
قولت لها كتر خيرك ده خال حورية هو وفارس متكفلين بكل حاجه بس عاوزينك تساعدينا في الخبيز لو مكنش يضايقك..
قالت يا سلام ع عيني دى حورية غاليه عليا أوى واخدت الطرحه وقفلت الباب وجت معايا وأول ما دخلت فضلت تزغرط وتقول عقبال ما نجهز لسبوع حفيدك يا أم حورية…
وبصيت ل حورية ولقيتها ابتسمت وقالت أنا جعانه هجهز الفطار لنا كلنا ع ما تجهزوا العجين انتوا بقي..
هيروح….
ابتديت في تنفيذ. طلب الأميرة زيتونه والأميرة لاقيس وكان سهل عليا أوى إني أقنع حورية بأنها تقدر تشوف وتعرف كل حاجه وطلبت من قرين خالتها أنه يقنعها بأنها مكشوف. عنها الحجاب..
وطبعاً بعد ما خالتها ومامتها شافوا بنفسهم أن كلام بنتهم صح… كدا ثبت عندهم قدرات حورية ووافقوا أنها تترك غرفتها وتقعد معاهم تحت ودى كانت أول خطوة…
وبلغت بالنتيجة للأميرة لاقيس وفرحت جدااا وقالتلي استمري وكل اللي هتحتاجي له بلغيني وأنا هنفذه. لكي…
وطبعاً كنت مبسوطه جدا مش من السهل ع أى جنn التقرب من الأميرة لاقيس لكن أنا دلوقتي بروح لها واكلمها في أى وقت..
حورية…
دخلت المطبخ اجهز الفطار وفجأة شوفت مرات خالي بتعمل بط😲 ده فارس مش بياكل البط وهو راجع من السفر جعان…
أتصلت ع مرات خالي وأول ما ردت عليا قولت لها يا مرات خالي فارس في الطريق لكم وهو مش بياكل البط.. طلعي الديك اللي في الفريزر بسرعة علشانه واعملي معاه ملوخيه..
ولسه بتقولي وانتي مين اللي قالك ع الديك اللي في الفريزر ده أنا شيلاه ل فارس لما يبقي ينزل إجازة…
قولت لها طب هو داخل من الباب أهو 😲😲…
وقفلت معاها وأنا بضحك وهى اللي طالع عليها تقول الله أكبر.. بسم الله الرحمن الرحيم… أنت يابني جيت أمتي..
أنا فرحانه اوي بقيت أشوف وأعرف أى حاجة ومن اللحظة دى محدش يقدر يخبي. عني حاجه ولا حد يتحكم. فيا..
وكفايه أني قدرت أنزل من غرفتي وكمان فارس هيشتري ليا فستان كمان هييييييييييه وفضلت اتنطط. من الفرحة وشغلت الأغاني وفضلت أرقص. أنا عروسة…
وبعدها حسيت اني عاوزة أنام وابتديت أحلم ب حلويات كتير عمري ما شوفتها وأنا بجري وبلعب وفرحانه وفجأة 😲..
