رواية سراب الفصل التاسع بقلم جمانه السعيدي
سراب....طلع رائد من الحمام واني رحت ساعدته حتى يدخل غرفته والجهال راحو ركض دخلو للغرفه
سراب...لا ماما تعالو عيب
رائد..عوفيهم
سراب...لا تنطيهم مجال راح يضوجوك
رائد....عوفيهم مالج شغل بيهم
راسا صعدو على الجربايه وكامو يكمزون عليه ويضحكون
اني طلعت اكمل الاكل وحضرت الزلاطه واللبن
اسمعهم يضحكون
نشفن ملابسهم دخلت للغرفه لكيته متمدد وهمه واحد منا واحد منا يباوعون على الموبايل ويااا
سراب...يله تعالو ملابسكم نشفت تعالو اسبحكم
أنمار....ماااريد يم عمو
مصطفى...ماما
سراب...اسبحكم ورجعووو
رائد...يله رحو اسبحو وتعالو قفلت التليفون وانتضركم
يله بوسه بوسه
ثنيينهم باسو وهو هم باسهم
اخذتهم سبحتهم وخليتهم معطر لكيته بلغرفه ورجعووو
ركض الغرفة رائد
راسا صعدو على الجربايه ثنيبنهم واحد منا وواحد منا
رائد...الله شنو هلعطر الطيب
سراب...اباوع واني مامصدكه شنو هاي كمية الانسانيه
ياربي فدوه الك هذا بشر نفس الناس الي اعرفهم
لو غير شي
ساعه ورجعت الحجيه والسائق دخل كومة علاليك
بس دخلت اني جبتله مي تشرب
الحجيه...الله يرضا عليج الدنيا كلش حاره
سراب....اي ولله السنه حاره بشكل مومعقول
الحجيه....جبت ملابس للجهال
سراب...ليش كلفتي نفسج
الحجيه...خطيه ماعدهم ملابس
سراب...فتحت العلاكه كل واحد ٣ تراكات يخبلن
واحذيه كل واحد زوج حتى كل واحد شفقه جايبتله
ومعطرات وشامبو وطوبات ثنيين وسيارات ثنيين
يلعبون بيهن
دنكت ابوس ايدها ماقبلت
سراب...مااعرف شلون اجازيج انتي احس من اهلي ومن كل الناس الي عرفتهم
الحجيه...ماسويت شي ذوله اطفال خطيه
جمانه السعيدي
وانتي الاج هاي العلاكه
فتحته.تراكات ثنيين ودشداشه قصيره وعطر وشحاطه ونعال
وكماشات شعر
سراب...ليش كلفتي على نفسج اني مامحتاجه شي
الحجيه...انتي بنيه وتحتاجين كلشي قابل انتي وحد من البنات
تدرين ماصدكت الصبح من شفت رائد يسولف ويضحك وياا الجهال
بلكت وجودكم بلبيت يطلعه من حالته هاي
سراب...الله يشافيه ويعافي
الحجيه....رائد جان ولد شاب ماكو منه بلدنيا كله موضف
وأموره تمام احسن ولد ماكو منه ابد
تعرف على وحده وياا وحبه وازوجه
كان سعيد بشكل مامعقول
بعد زواجهم ٣ اشهر زوجته حملت وجابت بنيه تخبل
كانت حياتنا حلوه ومستقره
واني كنت ماامنه خلاص اني اديت رسالتي بلحياة
ابني ازوج وصار عندا بنيه بعد شكووو
وبيوم قررو يطلعون سفره للشمال بسيارتهم
اني كنت تعبانه وماقبلت اروح وياهم
بهاي السفره تعرض الحادث السياره انكلبت بيهم
زوجته وبنته ماتو وهو طلعو بين الحياة والموت
كانت حالته كلش خطره الدكتور كال مو اكيد يبقى عايش
عمليتين سوواله
وبقه شهر كامل بلمستشفى
طلع بااعجوبه من الموت وهل تشوفين حالته
طلع مشلول
جمانه السعيدي
شكد حاولت اعالجه حتى يرجع يمشي مره ثانيه
كل الدكاتره اكدو مستحيل يرجع يمشي مره ثانيه
اني كبرت وتعبانه ومااكدر اداري
تعقد من ماتت زوجته وبنته وحبس نفسه بلبيت
مايقبل يطلع لأي مكان
جماعته يتوسلون بي يرجع الوضيفته وهما يساعدونا
بس ماقبل ابد كره الدنيا كله
بس اليوم اني شفت ابني سعيد وخاصه من شاف الجهال
وكام يلعب وياهم
بلكت يصير وضعه احسن
ويرجع الحياته السابقه حتى حاولت ازوجه
هو رافض فكرت الزواج نهائيا شكد توسلت بي مايقبل
ايكول واني بهذا حالي مراح اسعد اي وحده تزوجني
اضطريت اوضف ناس حتى تساعدني على وعلى البيت
بس كل وحده اوضفه ماتطلع مثل مااريد
وحده تريد تجي يومين وتأخذ اجازه يوم وشغله ماعجبني
وحده باكت فلوس من عدنا ولزمته
وحده...كمشته مدخله صاحبه للبيت بليل
سراب...الله يستر
الحجيه ...هسه انتي كلبي يكلي انتي بت حلال وراح اساعديني على هاي المسوليه
جمانه السعيدي
سراب....بعيوني اخدمج انتي ورائد وحتى بدون مقابل
تكفيني الانسانيه الي جاي تعاملوني بيه
انتم رحمه رب العالمين دزه اليه بعد مانسدت كل الأبواب بوجهي
حضرت الاكل والحجيه راحت تصلي ورائد عاف التليفون بيد الجهال وكعد يصلي وهو على الكرسي
اجمعنا حتى نتغدا اني صبيت للجهال وحد
رائد...لا وين جيبيهم اني اريد اكل وياهم
سراب...بس يطشرون بلاكل
رائد...ميخالف خليهم يطشرون
اخذ مصطفى بحضنه واني كعدت أنمار بحضني
اباوع شلون يوكل مصطفى وماتلعب نفسه منه رغم
مصطفى لعب لعب بلاكل التمن دخل حتى بااذانه
جاي ناكل.وندكت الباب رحت افتح الباب
ولد شاب عمرا تقريبا ٢٥
سامر....هلو
سراب.. هلو
سامر...عمتي هنا
سراب...اي تفضل
دخل وسلم عليهم وكعد على السفره
رائد...وينك شو ماكو صار كم يوم
سامر...مشغول انت شلونك
رائد...الحمد لله
سامر...شنو هذا الحلو الي بحضنك
رائد...هذا مصطفى أبو خدود
سامر...هذا ابن العامله
رائد....اي
سامر...خوش شغله حايرين بيه وبجهاله ولله عمي
اخر وكت وتاكل وياكم
سراب...اني كمت اخذت أنمار اغسله
وأخذته للمشتمل ورجعت اخذت مصطفى غسلتله وأخذته للمشتمل انطيتهم لعبهم ورجعت خليت القوري على النار
وجمعت المواعين
رائد...وين الجهال
سراب..جاي يلعبون
الحجيه....يمه اني راح انام تعبانه
سراب...ماتشربين جاي
الحجيه...اذا اشرب جاي بعد ماانام
رائد وسامر دخلو بغرفة سامر يسولفون واني نضفت المطبخ
بس شكد ضجت من كلام سامر
شكد غثيث وماعندا ذوق
كملت الجاي ودخلت عليهم
سامر يباوع عليه من فوك ليجوه ونضراته ابد مو بريئه
خليت الجاي وطلعت
شكرا لزيارتكم عالم روايات سكيرهوم
