رواية قصة زهراء الفصل التاسع بقلم زينب نور
زهراء:نمشي ولاگتنه بنيه وگفت
تغريد: مساء الخير شنو هاي الصدفه
ياسر:مساء النور شخبارج
تغريد:الحمدالله انته شخبارك
ماعرفتنه
زهراء:التفتت عليه
ياسر:زوجتي زهراء تغريد
تغريد:اهلا وسهلا اشرفت
زهراء:بتسمت بوجها ضلو يسولفون وهوه منطلق ماجنه هذا القبل يومين يصيح العرفته هيه مهندسه وياهم
ضليت مثل الطرش بالزفه
تغريد:اتفضل يمنه على العشه
ياسر:لا والله مااكدر جنه معزومين عد عماد
تغريد:ههه ايااا بذات عماد يعزم وميودي عليه
ياسر:ههه خابريه ورزليه
زهراء:شويه وراحت بس فور دمي يسولف ويضحك منطلق
وهيه الحلگ والضحكه للذان
مامحجبه الشعر مفتوح لبسه بنطرون وقميص عليهن جاكيت
اسوت وجسمها مليان مو نفسي ضعيفه مشينه رجع لحالته وصلنه للبيت ....
مر اسبوع كلت اكله اريد اروح ازور الامام الكاظم بس عزت بنفسي اكلمه سكتت اليوم نرجع للبصرة كعدت من الصبح بدلت على ماكعد وطلعنه
وصلنه نزلت دخلت سلمت عليهم
وصعدت للغرفه بدلت ونزلت يم عمتي للمطبخ وطيبه عدهم واكفات يسون غده دعاء عد اهلها
تغدينه وخلصنه للعصر كاعدين
بالصاله مالتمين بس احنه همه طلعو للمظيف
كالت عمتي دعاء حامل اتعجبت ابنها توه عمره سنه
وزينب اخت ياسر هم حامل
احس عمتي عدها حجايه وقصد من كالت هج كالت
ام ياسر:اكلج يمه اريد اكلج شي بس احسبيني مثل امج ولا ازعلين
زهراء:لا عمه كولي ليش ازعل
ام ياسر:مارحتي راجعتي وانتم بغداد
زهراء:ليش اراجع مابيه شي
ام ياسر:على مود الحباله مو جنج طولتي
طيبه:طيبه شسالفه يمه شطولت
مصالهم شهرين بعد وكت
زهراء:ماادري شرد عليها ماتدري بعدني ابنيه وادگلي احباله
سكتت مارديت ضلت طيبه تحجي وياهااا
شويه وكمت صعدت للغرفه
باوعت متمدد على الجربايه وتلفونه بيده
ماحاجيته تمددت على الكاع ودموعي نزلن وحدهن ليش يصير وياي هج والله ماليت ياالهي
الناس عبالهم الصوج بيه مايدرون بالي انه بيه
ماحسيت على نفسي كمت ابجي بصوت شويه وشتغل الضوه وهوه واگف فوگ راسي
ياسر:سمعتها تبجي طفرت شغلت الضوه
شبيج
زهراء:مارديت عليه كمت مسحت وجهي ردت ادخل للحمام صاح
ياسر:احاجيج ليش تبجين منو وياج
زهراء:يهمك ليش ابجي هاا
ياسر:ايي جاوبي
زهراء:عاااد هنا نفجرت ابجي وصيح عليه كتله البيه
امك شنو قصدهااا من ادكلي مارحتي راجعتي
بغداد على مود الحمل
كله من وراك كله بسببك ماابريك الذمه وحوبتي ماتتعداك
ودخلت للحمام وابجي ماسمعت بس باب الغرفه انطبگ حيل
شفت الموس سحبته وقربته على ايدي وايدي ترجف لحظه نعلت الشيطان وذبيته ليش اخسر اخرتي ودنيتي كمت غسلت وطلعت
كلت من باجر مااضل عنده اروح لهلي واطلب الطلاگ خلي شيريد يسوي يسوي يطلگني مايطلگني بكيفه بس مال اضل يمه بعد يحلم
ياسر:نزلت اخذت السيارة وطلعت راسي راح ينفجر
جاي ائذيها بدال مااسعدهاا اخذت فره ورجعت دنيا اليل ساعه ١١ كلها نايمه صعدت شفتها نايمه
تمددت بصفها عيونها مورمه من البجي
اباوع بوجها شويه وغفيت
زهراء:كعدت شفت الساعه بالسبعه باوعت هوه نايم كمت لبست
ثوب وطلعت العبايه ماادري الجاي اسويه صح لو خطا نزلت على كيف محد بالصاله بس صوت عمي وعمتي بالغرفه كلعت من باب الكراج خاف جدي كاعد ويشوفني
طلعت غطيت وجهي وصلت الباب اهلي دگيت الباب بس كلبي يدك وياه شويه وطلع حسين اخوي
حسين:بسم الله شنو خويه حلمانه بينه
زهراء:دخلت مارديت عليه وهوه يصيح وراي طلعو ابوي وامي على صوته
محمد:صباح خير انشاءالله شعندج بويه من الصبح منو جابج
حسين:، وحدهاا
زهراء:انه اجيت وحدي وماارجع بعد لو تنگلب الدنيه ماليت
محمد:يمره دخلي بنتج وخل نفتهم شنو مليت شنو مااىجع لا. تاخذنه .بصوتها والصياح
زهراء:دخلت جوه طلعن البنات سميه واسماء مستغربات
كعدت اجت امي سولفيلي شعندج
عااد نفجرت عليها
كتلها هاااي الذبيتوها ذبت الجلب على واحد مارايدها انتم هم تنحسبون اهل
امي:احترمي واحجي عدل
زهراء:احجي عدل من ذبيتوني عليه وهوه مايريدني لا سىلتو ولا كلتو لوعندي ابوو نفس العالم جا ماانطاني لواحد وهوه يدري بيه مايريدني
امي:صوتج لا يسمعج ويكلب الدنيا غير نفتهم شصاير بينكم
زهراء:سولفتلها بس ماكلتلها ماماخذني خفت لا تصير براسي السالفه كامت عني واجن البنات
يصبرن بيه
واسمع ابوي يصيح شلون تطلع ورجلها مايدري بيها
طلعت كتله مااريده طلگوني
محمد:ايي مووو هوه لعب زوجوني وطلكوني انه ماعندي بنيه تطلگ
زهراء:رجعت للغرفه وابجي مرر الساعه
ياسر:كعدت ماهيه شفت الساعه ١٠:٣٠ كلت نازله بدلت ونزلت كلها كاعده صبحت عليهم وصحت زهراء ريوگ
فاطمه:فوگ بعدها زهراء
ياسر:لا ماهيه نازله
ام ياسر:شبيك يمه مانزلت البت ماهيه
ياسر:شالقصه يمه ماهيه تلكينها بره بالحديقه
سعاد:كاعدين من الصبح وماشفناها نزلت
ياسر:كمت طلعت جدي بالمظيف هوه وابوي وعمامي عمي محمد يمهم
محمد:اكعد بويه اريدك بجلمه
ياسر:تفضل عمي
محمد:بويه حرمتك عدنه
ياسر:طفرت شنو عدكم
محمد:اجتنه من الصبح تبجي وادكول ماارجع وماريده
هسه اجيت افتهم السالفه منك شصاير بينكم مصالكم يومين من رجعتو من بغداد
ياسر:تخبلت شلون طلعت بلا مادگول ووحدها بسيطه يا زهراء كتله عمي
ماصاير شي وبنتك خليها يمك بعد رجعه الي ماترجع
الجد:شهل حجي ياسر
ياسر:كمت واصيح جدي المره التطلع بلا شور رجلها هااي مااحسبها مره وخل يوصلها الحجي وتسمع هاي كدامك عمي
بعد مالها رجعه عدي
صالح:اذكر الله واكعد كلشي ينحل بالهدوء
ياسر:شينحل هاااا اذا وحده من نسوانكم طالع وحدها من الصباحيات وبلا مادكلكم سكتوو
انه هاااي مااحسبها مررر عندي هاي ثاني مره تعودها اول مره سكتت وبس هسه تحلم ترجع بعد خليت وطلعت والله من اكضها افرغ حركت كلبي بيها
زهراء:امي كالت راح ابوج لبيت جدج
للساعه١٢ اجه ويصيح ويغلط انه ماطلعت من الغرفه سميه يمي ساعه تلومني لئن طلعت وبلا مااگله
و ساعه تصبرني
شويه ودك تلفونها ردت فاطمه
فاطمه:دخل ياسر للبيت ويغلط ويصيح ماخله شي ماكسره اخر شي صعد للغرفه وطبك الباب حيييل كل البيت هتزز
منه اجه عمي حاجته عمتي سعاد وكالها عزه العزاج زهراء
ركضت دكيت على سميه
الووو
سميه:هلا خيه شلونج
فاطمه:_شلوني وين زهراء انطيني اياها بسرعه
زهراء:اشرتلها مااريد احجي مالي خلگ فتحت سبيكر سميه واسمع فاطمه سولفتلها كلشي كايله ياسر ومامخلي شي ماكاسره
اصخام اصخمني انه جبتها الروحي سدت الخط وانفجرت بواجي
سميه:ماايفيد البجي بعد انتي ماتعرفين اهلنه شنو عدهم كلشي ولاتطلع المره وحده ومن غير شور زلمتها
زهراء:بجيت لمن مامليت صاحو على الغده ماكمت وانه على لحم بطني من امس للعصر اندك الباب صحت لفرح بنت علي منوو اجه
فرح:جدي الشيخ وجدي صالح وجدي حاتم
زهراء:خفت شويه واجه علي صاحلي رحت دخلت كعدت بصف حسين اخوي
الجد:يالله سولفيلنه
زهراء:سكته
صالح:شوفي عمي كلنه مارضينه عليج من اطلعين من الصباحيات ووحدج
بس مانريد المشكله تكبر واجينه نردج
زهراء:ماارجع
الجد:ترجعين ماعدنه بنات تزعل وتطلك تردين ازعلين ازعلي بيت رجلج
زهراء:كلمن يصيح بصفحه ابوي مانطاني مجال احجي ليش مايحترمون كلمت المره
كمت اخذت العبايه ورجعت وياهم طلعت سكته دخلت للبيت عمتي وجها ثكيل عليه ماهتميت صعدت للغرفه ماهوه
ظليت لليل مانزلت ماريد اشوف احد همه الدمرو حياتي
للساعه١٠:٣٠ انفتح باب الغرفه ودخل باوعلي بخزر جمدت بمكاني
ياسر:هلا بيج اجيتي برجلج والله
زهراء:كمت رجعت ليوره احس صوته موو طبيعي اجه لزمني من ايدي بيه ريحه تالعب النفس
ياسر:شلون اطلعين ومادكولين
هااا
زهراء:حط ايده على رگبتي يخنگ بيه ويحجي
ياسر:لو صارتلج عاده مره ويه سيف وهل مره خاف هم رحتي وياه وشكيتيله
زهراء:اوخر بيده مايوخر كتله مااريدك طلگني
قرب وجها عليه وريحته لعبت نفسي عرفته شارب كشيت منه
ياسر:تحلمين اطلگج اذا مااكسر خشمج انتي الجبتيها لروحج مااطلع انه من ضهر زلمه
واعلمج شلون اطلعين وحدج ومادكولين
زهراء:قرب راسه يريد يشم رگبتي وخرت ايده ودفعته حيييل وركضت للحمام وقفلته ودموعي عشره عشره
وامسح بوجهي. وركبتي من ريحته
غسلت وسمعت باب الغرفه انفتح فتحت باب الحمام باوعت ماشفته
طلعت تلفلفت بالغطه وتمددت اجه كلامه ابالي شيقصد اكسر خشمج
معقوله يزوج عليه لالا مستحيل
شلون اشوفه ويه غيري غير اموت مجرد افكار ضلت تجي ابالي تخبلت ابجي لمن غفيت
سعد:اكبر غلط السوته زهراء
فاطمه:ادري غلط بس مايفيد الحجي بعد الصار صار
زهراء:مرن ٣اياام على نفس الحاله
قليل انزل جوه
الظهر شريت الملابس غسلتهن وره الغده وصعدت شريتهن ونزلت فتت للمطبخ اماعين الغده بالكاع
فاطمه عد اهلي راحت الصبح ودعاء حامل عود تعبانه
وكفت اعزل بيهن
المطبخ اله بابين واحد يطلع على الكراج والثاني على الصاله يعني البلمطبخ يشوف الكاعد بالصاله.
عزلت الماعين ووكفت امسح الكاوتنر واسمعه
ياسر:جدي مادامكم كاعدين عندي كلمه وياكم
الجد:كول
ياسر:اريد ازوج دورولي مره
صالح:اتخبلت انته ومرتك شبيها وشلون تزوج حتى اربعين بيبتك بعدها
ياسر:بويه كلتلكم المره التطلع عن شوري مااحسبها مره وكلتلكم مااريدها رحتوو ورجعتوها بلا ماادري وهيه كالت طلگني هسه ماطلگتها بس ازوج واذا على اربعين بيبيتي ماكو لا عرس ولاشي جيبوها سكته وعشه بينه انسوي
الجد:بس متوصل تزوج عليها بت عمك
ياسر:انه كلت هسه وماارجع عن كلامي اريد المره واعقد قبل لا اروح لبغداد ومن ارجع اجيب المره
الجد:بكيفك بس تندم خافنك
ياسر:لا جدي ارتاح عليمن اندم لا انه اول واحد ولا اخر واحد اخذ نسوان ثنين والشرع حلل اربعه
زهراء:اسمعه ماجاي استوعب احس مثل الواحد الصاطرينه ١٦ راشدي معقوله هذا كلامه لوو انه سمعت خطأ
اديه ورجليه بادن
عفت البيدي وكعدت ابجي على حضي وعلى روحي انه الماعرفت اصرف من البدايه
دخل احسه فرحان باوعلي ودار وجها فتح الثلاجه طلع بطل ماي اخذ وطلع كمت غسلت وجهي وصعدت انعل ابوو اليغسللهم اماعين بعد خليت راسي على المخده وشكو بجي بالدنياا الله ذبه عليه احس ادموعي تنزل جمرر
اريد اكله لاتزوج وماريد منك شي بس لاتزوج بس ماعندي الجرئه واكله هيج
مانزلت منه الثاني يوم صعدتلي فاطمه
فاطمه:كافي لا سوين بروحج هيج محد يستاهل دمعه منج
زهراء:الحجي سهل بس هذا احسه راح يطگ ائشر على كلبي
ولج والله مجرد ماافكر انو راح يلمسها يبوسه ينومها بحضنه انجنننن
فاطمه:كافي راح تنعمين من البجي
زهراء:ماعرفتي منو راح يخطبوها
اله
فاطمه:لا بس سمعت عمتي اسولف هيه وعمتي سعاد على بنت اختها
هاي الي اجت بعرسنه اسمها منال
زهراء:زدت بالبجي طالعت فاطمه هوه شويه ودخل
ياسر:اشوفها تبجي ماادري شيصير بيه احس كل دمعه منها تحرگ بكلبي حرگ دخلت شفتها تبجي
ليش تبجين موو انتي كلتي طلگني واخذ غيري شنو تراجعتي عن كلامج هسه
زهراء:درت وجهي عنه وكالساع انعل اليوم الي دگ بيه كلبي اله
اجه تمدد انطيته ظهري كلت هسه. يحضني ويكلي احبج وخل ننسه الصار اه بس ماصار الرته هسه على شنو اهتم اذا هوه مامهتملي
بس جذب والله ايي مره ماتتحمل اشوف رجلها بحضن غيرهاا
مرن يومين السمعته همه منطينهم البت موافقين همه هم بالبصرة يمنه بس غير منطقه
وانه القهر والحرگه تاكل بروحي اكل من جوه اليوم يروح يعقد عليها مستعجل كاعده بالغرفه
دخل اخذ ملابسه وسبح وطلع
لبس دشداشته وتعطر والساعه والمحبس اخذ السبحه والجكاير والسويج وتلفونه كبل لا يطلع دار عليه تنهد وطلع
احس اخذ روحي ويااه سمعت هوسه جوه شويه وراح الصوت صعدتلي فاطمه
كلتلها منو راح كالت كلهم
بس ابوي واخواني مارايحين
مرت الساعات وانه اتخير عقدو ولبسها الذهب ولمسها وباسها اتخبلت من التفكير ودموعي اصب كمت للحمام اذب على وجهي ماي بارد رغم بروت الجو بس احس روحي كاعده بتنور رجعت للغرفه
لمن سمعت اذان المغرب صليت وضليت بالغرفه مانزلت وهمه بعدهم ماجايين نص ساعه وسمعت صوت سياراتهم
شويه وصعد خل ذب السويج والغراض وجها متكدر
كتله مبرروك انشاءالله
ياسر:التفتت الها ماشفت نفس صلافتج
زهراء:كمت ليش شسويت فوگاها لئن اتباركلك
بس ليش ضايج هاااا بس لا العروس مووو حلووو
ياسر:لزمتها من زندها شوف لا تقيسين صبري لا ومحمد اندمج دفعتها معقوله مكيفه لهل درجه
وين راح بجي البارحه
زهراء:دخل للحمام بالكوه امثل القوه لفيت الشال ونزلت كالها عدهم عمامهم ونسوان
فاطمه:دخل سعد للغرفه
كتله هااا
سعد:كلاص ماي بسرعه
فاطمه:جبتله وسئلته
سعد:عقدو وطلع ماندري بيه صاحو يلبسها الذهب ماكو لگو ماخذ سيارته وطالع فشلنه ويه العالم انته كلت وهسه كمت وطلعت اذا ماتريدها ليش خطبت بت العالم
فاطمه: مو دخلتو سوه شلون موو وياكم
سعد:هناا لگيناه بالباب
زهراء:واكفه بالمطبخ واسمعهم يسولفون حتى الذهب ماملبسها ايااه فرحت بداخلي يعني مايحبها
بس ليش خطبها
اتعشوو وطشت العالم وكفنه نغسل انه وفاطمه اماعين عبالك مووكب
كملنه لليل كلمن راح لغرفته صعدت شفته يحضر بملابسه باجر يروح للدوام بدلت وتمددت ودرت وجهي غفيت
للصبح فزيت وهوه يبدل نايمه على ضهري ومراقبه كل حركاته كمل وانه صافنه عليه
التفت كال
ياسر:انشاءالله دعيتي ربج بعد ماارجع
زهراء:باله هذا شكله فتح الباب وطلع طبكه حيل
تنهدت وكمت بدلت ونزلت شفته كاعد بالصاله امه اتخليله الريوك
رحت دخلت للمطبخ شويه واجت طيبه بايته عدنه ماراحت خلت الصينيه تعزل بيها مالت الريوك مالته
اجه هوه كالها
ياسر:خوويه ارجع الگه كلشي جاهز والغرفه وصيت احمد يجيبها فوگ بصف غرفتي
مااريد اي شي ناقص
زهراء:طلع واحس اشتعلت نار طيبه تهدي بيه احسه يتعمد يحجي كدامي .. ..
مر ٦ايام باجر يجي وكل هاي المده مالتهين ترتيب وجابو الغرفه نصبوها بالغرفه الي بصف غرفتنه
امي مااجت ولا شفتها من يوم الرجعوني
لليل كلمن بغرفته صعدت
تمددت مااتحمل ياربي شلون
ماادري يمته غفيت
كعدت الصبح ريوگ وهوسه اجتنه زينب اخته للساعه ١٢ انه وزينب ودعاء وفاطمه بالمطبخ شويه ودخل من باب المطبخ الي على الكراج سلمن عليه البنات
ياسر:اهلج مامعلمينج اشلون تردين على الي يسلم
زهراء:هلا خله وطلع
كامت تحجي عليه زينب
كلتلها لو عمار يريد يزوج عليج وشهرين ماصاير الزواجكم اسكتين
سكتت ماردت خليت وطلعت افرر وين اروح ياربي
توضيت وصعدت اصلي فوك لئن جوه هوسه جهال زينب واحمد صايين
دخلت كاعد يفتح بقميصه
طلعت المصلايه والتربه ولبست الحرام مال الصلاة
خلصت هوه سبح ونزل يتغده انه ماردت ساعه واسمع صوته بالغرفه مالته يسولف هوه واحمد
لليل اتفقو عگب باجر يجيبون العروس بس سكته هيه باجر اسوي حنه ابيتهم
ثاني يوم راحن عمتي وبناتها
هوه ماراح مارضه
رجعن المغرب جايبات ملابس العروس
اسمع البنات يرتبن بيهن
الليل المر انه نفس السمجه المزوهره ادكلب منه ومنه وهوه منطيني ظهره اتخيل باجر ينومها بحضنه انجنيت والله
صعبه اشوف التحبه ويه غيرك
لمن سمعت اذان الفجر كمت توضيت وصليت قريتلي شويه قران
لمن ارتاحيت شويه رجعت شويه وغفيت
كعدت ساعه٩ نزلت الها جايه بيت عمي حاتم وخالات ياسر وكرايبهم منه ومنه
ماتريكت وكلها احس عيونهم عليه هوه ماشفته طبخن غده مادنيت ولاجست شي صبن الغده انه رحت لغرفه بيبي محد بيها تمددت على جربايتها وبجيت
تعاي بيبي شوفي زهرتج اصار بيها تعاي خذيني وياج والله مااتحمل
اشوفه ويه غيري
ضليت ابجي واحجي وياها ماحسيت بس على ايد انحطت على راسي باوعت عمي صالح
صالح:كومي يابعد عمج غسلي وجهج وارتاحي
زهراء:رجعن نزلن دموعي شارتاح مادكلي شرتاح
صالح:بويه مو زين عليج والله
هوه الراح يتندم ومرده الج مايلكه احسن منج كومي بعد عمج غسلي واطلعي تغدي لخاطري والخاطر بيبيتج ماجانت تحب اشوفج تبجين
زهراء:باس راسي وطلع كمت لفيت الشال وطلعت كالها تتغده بالصاله
غسلت وجهي وصعدت للغرفه
تمددت غفيت ماحسيت بس على باب الغرفه وهوه ينفتح فتحت عيوني شفته دخل درت على الساعه ٣:٣٠ كلت راح يروحلها
سبح واكف يبدل وانه عيني عليه
ياسر:ادري بيها تباوعلي مادرت عليها تعمدت اسوي هيج فتحت الباب وصحت على ابن احمد اجه كتله كالهم ياله راح نتئخر على العروس
زهراء:الله ياخذك انته والعروس انشاءالله يحرك بعصابي يمشط ويدندن نزع الحلقه مالتنه لبس حلقتها اهنا قهرني بالزايد كمت وانه اعصابي مشتعله اخذت الحلقه من الميز وسحبت ايده بنتر نزعته ولبسته حلقتنه
ياسر:ضحكت بكلبي على تصرفها
بس مابينتلها
شسويتي منو كلج
زهراء:كالشي سويت ماعليه بيك حر بس هاي الحلقه لاتنزعها من ايدك
ياسر:ضليت صافن عليها اخذت السويج وطلعت
زهراء:طلع وهنا انتهيت رجليه ماشالني كعدت بالگاع وابجي بقهر
.......
ماتمنيت البكاء يوما ولكن هم الزمان ابكاني
تمنيت ان اعيش كما تريد نفسي ولكن عاشت نفسي كما يريد
زماني...
شكرا لزيارتكم عالم روايات سكيرهوم
