رواية وعود الحب الفصل التاسع بقلم ملك ياسر الشرقاوى
مريم و امها بصوا لبعض بصدمه و لكن شريف قال: موافق مريم بكنوز الدنيا كلها و بكره تعرف قيمتها.
مريم بزعيق: انتوا عمالين تبيعوا و تشتروا فيا و انا واقفه انا مش موافقه على الكلام ده و بصت على ابوها و قالت انت ازاي عايز تبيع بنتك عشان 2 مليون و بعدين بصت ل شريف و قالت و انت موافق على كلامه ازاي انت متعرفنيش ولا تعرف الناس اللي قدامك دول انت عايز ايه بالظبط.
شريف بهدوء: عايزك تكوني مراتي و اطلعك من اللي انتي فيه ده ولا انتي عاجبك عيشة التهزيق و قلة الكرامه دي.
ابو مريم: مش عايز اسمع كلمه تاني الخطوبه بكره و لو عايزين كتب كتاب موافق المهم عندي الفلوس توصلي.
مريم بصتله و بصدمه و قالت: هتبييييع بنتككك عشان فلوووس انا مش عايزه شفقه من حدددد سيبوني في حالللي بقىىى.... و جرت على اوضتها.
ابو مريم بخبث: معلشي ي باشا متاخدش في كلامها احنا على معادنا مافيش حاجه هتتغير و انا هعرف اربيها ازاي.
شريف بصله بشر و مسكه من هدومه: لو ايدك الوس*خه دي لمستها تاني قول على نفسك ي رحمان ي رحيم وحيات امي ما هرحمك.
ابو مريم بخوف: ح.. حاضر ي باشا.
شريف زقه و مشى.
ام مريم بإستحقار: اكبر غلطه عملتها في حياتي اني اتجوزت واحد زيك حسبي الله و نعم الوكيل فيك ي شيخ ينتقم منك ربنا... و سابته و مشت.
ابو مريم ضحك بخبث و قال: و اخيرا الدنيا هتحلو معايا و هعرف ادخل العمليه الجديده.
في بيت إيناس كانت خالة ايناس جت لما عرفت اللي حصل و كمان عشان تكون جنب اختها.
هدير بعد ما هدت خدت اسلام في حضنها و سلمت عليه و قالت: بس انت ملامحك متغيره ي إسلام.
إسلام بإبتسامه: لما عملت الحادثه حصل تشو*هات ف اضطريت اعمل عمليه تجميل و كانت فكره مناسبه عشان محدش يعرفني و يرجع يأذيكم تاني.
هدى مامت إسلام: طب و هتعملوا ايه في زين و ابوه ي إسلام هتسيبوهم كده لحد ما يخلصوا عليكوا يبني.
إسلام: اكيد لا ي ماما انا و شريف هنتصرف و في خلال يومين مش هتشوفوا زين و ابوه تاني و هتسمعوا احلى خبر في حياتكم ادعولنا بس ربنا يسهل الحال.
إيناس بخوف و استغراب: انا مش فاهمه حاجه هو الموضوع ده فيه خطر عليك؟
إسلام ابتسم على خوفها عليه و قال: لا متقلقيش كل حاجه تمام ادعولنا بس.
هدير: طب قوموا يلا ننام عشان زمنكم تعبتوا.
إسلام: طيب انا هنزل ابات في الشقه اللي تحت و انتوا خدوا راحتكم هنا.
هدى: ماشي ي حبيبي لما تصحى تعالا.
إسلام قام و إيناس وصلته ل باب الشقه و قالت: خلي بالك من نفسك و لو احتجت حاجه ابعتلي... هتلاقي تحت في الدولاب لبس بتاع بابا تقدر تاخد منو.
إسلام بصلها بحب: حاضر ي حبيبي متقلقيش.
إيناس بخجل: احم... تصبح على خير.. و قفلت الباب.
اسلام ضحك عليها و نزل...
عدا اليوم و صحت ايناس على صوت رسايل كتير من مريم شافتها و لبست الاسدال بسرعه و جرت على باب الشقه لسه بتفتح الباب لقت اسلام في وشها مصدوم هو كمان...
الاتنين قالو في صوت واحد: مريم و شريف خطوبتهم انهارده.
كانت هدى و هدير قاعدين و مستغربين و مش عارفين مالهم.
اسلام: ايوا لسه عارف من شريف دلوقتي و قال هيخليها كتب كتاب عشان لو ابوها غير كلامه.
إيناس: طب هو ايه اللي حصل ل ده كله انا مش فاهمه حاجه و مريم وافقت ازاي.
إسلام شدها من ايديها و دخلوا جوا و قعدوا يكملوا كلامهم و حكالهم اسلام على كل اللي حصل.
إيناس فضلت حزينه على صاحبتها و قالت: طب و مين هيقنع مريم دلوقتي.
اسلام: انتي... شريف كلمني و قال مافيش حد غيرك هيقدر يقنعها غيرك.
إيناس: طيب حاضر هروح لها انهارده و احاول اقنعها بس هو انت واثق في صاحبك ده.
اسلام: انا واثق فيه اكتر من نفسي شريف اجدع و احسن صاحب شوفته في حياتي. بالمناسبه هو الدكتور اللي عملي عمليه التجميل و وقف جنبي و كنت عايش معاه في فتره علاجي لما عرف حالتي و ساعدني نقنعكم اني م*ت ليه جمايل كتير اوي عندي و مش عارف حتى اردها ازاي.
إيناس بإبتسامه: انا عارفه هردها ازاي... و قامت عشان تلبس و تروح عند مريم.
هدير و هدى حضروا الفطار و الكل اتجمع و فطروا....
إيناس: انا نازله ل مريم لو اتأخرت متقلقوش.
إسلام: استني اوصلك و اروح ل شريف.
إسلام وصل إيناس عند مريم و راح هو ل شريف.
مامت مريم بإبتسامه: اتفضلي ي حببتي البيت بيتك تعالي... ي مريم إيناس جت.
اول ما مريم عرفت ان ايناس جت جرت عليها و حضنتها و قعدت تعيط..
إيناس بحزن: معلشي ي طنط اعملي كوبايه لمون ل مريم عشان عايزاها في موضوع دي عروسه و اليوم يومها.
دخلوا الاوضه و قعدوا...
إيناس بحزن: طب بزمتك في عروسه تبقى بالشكل ده و عيونها وارمه و معيطه كده يوم فرحها و بعدين قالت بمرح يبنتي ده شرف ليكي انك تتجوزي قبلي 😂
مريم بحزن: جواز ايه بس ده واحد معرفهوش مشفتهوش غير مره واحده امبارح و واخدني شفقه عليا و ابويا بايعني ليه ب 2 مليون جنيه.
إيناس بصت بصدمه و قالت: ي نصيبتي ابوكي باعك عشان الفلوس.. طب انا لو منك بقى اوافق على العريس و امشي من وشه و اعيش حياتي بقى.
مريم بتفكير: بس انا معرفش عنه اي حاجه ي ايناس ده واحد هياخدني شفقه مش حب.
ايناس: الحب هيجي بعدين ي مريم و انتي هتبقي مراتك يعني هيحبك ده اذا لو مكانش حبك اصلا.
مريم بإستغراب: حبني؟! ايه ده لا طبعا ده احنا لسه عارفين بعض امبارح يبنتي.
ايناس: ي هبله هو لو مكنش حبك و شافك محترمه و حلوه مكنش قال لأبوكي هيتجوزك و يدفع 2 مليون كمان ده شاريكي مش بياخدك شفقه مافيش حاجه اسمها كده ده جواز و بصراحه هو باين عليه طيب و حسيته من نظراته ليكي امبارح انه استلطفك و دخلتي دماغه.
مريم بحيره: يعني اعمل ايه دلوقتي انا عايزه اطلع من بيت ابويا اللي انا مش معتبراه ابويا ده اصلا و في نفس الوقت خايفه من حوار الجواز دي حياه ي إيناس.
إيناس: طب عشان اطمنك ي سيتي ده الدكتور اللي عمل ل اسلام عمليه التجميل و ساعده في انه يعيش حياه كويسه و بيساعدوا دلوقتي عشان يخلصوا من زين و ابوه ده كله و مش باين عليه طيب و شخص كويس.
مريم بتفكير: عندك حق بصراحه و هو شخص ميتعوضش.
ايناس بغمزه: طب نقول مبروك 😉
بتصلها مريم بخجل و قالت: على بركه الله 😂
ايناس بصوت عالي: سمعينا زغروطه حلوه ي طنط.
مامت مريم فرحت و قعدت تزغرط.
ايناس عن اذنكم اكلم اسلام يطمن العريس😉
اسلام: الو ي ايناس عملتي ايه؟
ايناس بفرحه: فرح صاحبك ي سيدي و قوله العروسه موافقه و انا هجهزها بإيدي كمان.
اسلام قالها: شكرا بجد ي إيناس مش عارف اقولك ايه بس بحبك اووي.
ايناس اتصدمت من الكلمه و قفلت في وشه السكه...
مريم: طب مين بقى اللي هيجهزني و الفستان انا مجهزتش حاجه ولا عامله حسابي في حاجه.
ايناس كانت لسه في صدمتها...
مريم بإستغراب: ايناس ي ايناس.
ايناس: ها.. في حاجه؟
مريم بزعل: بقولك انا مين هيجهزني و معملتش حسابي في فستان.
ايناس: تصدقي فاتتني حكايه الفستان دي.
مريم: طب هنعمل ايه دلوق.... و لسه هتكمل كلامها دخلت مامتها و في ايديها فستانين..
مامت مريم: شريف بعتهم واحد ليكي و واحد لإيناس.
ايناس خدت الحاجه من مامت مريم و لقت فيهم ميك اب.. و بدأت تجهز مريم و شغلوا اغاني...
بعد 3 ساعات كانوا الاتنين جهزوا و العريس و اسلام جهزوا برضو و كل حاجه تمام....
ابو مريم كان بيتكلم في الفون و بيقول: الو ي جمال باشا انا جاهز معاكم في العمليه الجديده بليل هجيلكم نتفق على كل حاجه.
جمال بخبث: اه و مالو تنور.
ابو مريم سمع صوت الجرس راح فتح كان المأذون و اسلام و شريف و كان معاهم الشهود...
دخلوا و قعدوا و بعدين
ايناس بفرحه: يلا ي مريومه العريس و المأذون بره.
مريم بخوف: انا خايفه ي إيناس اطلعي قوليلهم اني مش موافقه.
ايناس: ايه الكلام ده لا طبعا يلا اطلعي ي مريم مينفعش الكلام ده الناس بره و بعدين لازم تخلصي من العيشه بتاعت ابوكي دي.
مريم هزت راسها ب ماشي و الاتنين طلعوا...
شريف بص على مريم لقاها أيه في الجمال و ملامحها هاديه و الميك اب هادي برضو و لايق مع لون الفستان كانت تفاصيلها بالنسبالو تحفههه.
اسلام بص لإيناس و قرب عليها و قال: عقبالنا و غمزلها..
ايناس اتكسفت و بعدت عنه...
الشيخ: اين الشهود.
قرب عليه اسلام و اتنين من صحابه.
الشيخ: اين والد العروسه.
ابو مريم راح و قعد جنبه و...
انهى الشيخ بكلمته الاخير و هو يقول: بارك الله لكما و بارك عليكما و جمع بينكما في خير.
تعالت الزغاريط و الفرحه كانت تعم المكان مع توتر و خوف من مريم...
شريف بص ل مريم بحب و مسك ايديها و قال: متخافيش انا جنبك.
خلص كل حاجه و راح شريف و مريم الڤيلا ووو
شريف: تقعدي تنامي في الاوضه دي و اعتبريها اوضتك و انا مش هضغط عليكي في حاجه متقلقيش.
ابتسمت مريم و دخلت اوضتها.
فجأه سمع شريف صوت صويتها طلع يجري على الاوضه ووو..
