رواية سراج السادة كامله جميع الفصول بقلم عسق ادريس
_الحمدلله
الحمدلله
الحمدلله
2
_سبحان الله
سبحان الله
سبحان الله
3
_الله اكبر
الله اكبر
الله اكبر
4
_لاحول ولاقوة الابالله
لاحول ولاقوة الابالله
لاحول ولاقوة الابالله
5
_استغفرالله العظيم واتوب اليه
استغفرالله العظيم واتوب اليه
استغفرالله العظيم واتوب اليه
تعلو مدينة النجف قبة الإمام علي بن أبي طالب، اللامعة بلونها الذهبي، لتكون رمزًا للروحانية والمكانة المرموقة التي تحملها النجف في قلوب المؤمنين. في الصباح، كانت أصوات المآذن تدعو الناس للصلاة، بينما يفوح هواء المدينة برائحة البخور والشاي المحلي، مما يخلق أجواءً من الصفاء والسكينة
تتجلى الحياة في السوق القديم، حيث الأصوات تعلو من كل جانب، من بائعي التمر والعطور إلى الحرفيين الذين يعملون بجد في حرفهم المتنوعة. كانت النساء يجلسن في الأركان، يتبادلن الأحاديث، بينما الأطفال يركضون في الشوارع، ملونين اللحظات بالألعاب والضحكات
كانت النجف تتزين بأضواء الشموع، حيث يجتمع الناس في الحسينيات لتناول الطعام وتبادل القصص. كان صفاء السماء بنجومها الساطعة يستحضر الإلهام والتأمل في عظمة الكون. وكانت ليالي النجف تنبض بالحياة، محملة بأحاديث الأجداد وتجاربهم، لتكون ذكرى حية تنقل روح المدينة عبر الأجيال
هكذا، كانت النجف في قديم الزمان مدينة تنبض بالروح، حيث كل زاوية تحمل قصة، وكل صوت يحمل ذكريات تعكس عظمة التاريخ وتراث الحاضر
تسارعت الخطوات داخل احدى ازقه فروع النجف
جدران البيوت القديمه التي ترمز الى
تاريخ هذه المدينه العراقيه
بدء صوت الممجدين في الجوامع
تقربت لخطوات القاصده بيت السيد
_شيكول الكلب دسمع يحيدر ×٢
ب اسم الله ورسوله
_هاك اخذ العهد هاك×2
دنيا واخرى وياك
_حبك ياعلي يسكي عملنا
ب اسم الله ورسوله
_وحلينا بثنايك
دنيا واخرى وياك
اردد ب كلمات القصيده واتمشى ب المصلا حجيت
_سيد البارحه صديقتي اغتابت بنيه ومن سألتني نكرت غيبتها
رفع راسه وابتسم هز راسه
_ان الله عز وجل احب الكذب في الصلاح وابغض الصدق في الفساد
رجع دنك يقره ب الكتاب كملت ادور ب المصلا كعدت كدام رف القران عدلت وكفه القران
_سيد ام مسلم تعرفت عليها ب مرقد الامام علي تفتش بدخوليه كالت كل ماريد اكعد لصلاه الفجر ياخذني النوم ومالحك اصليها سألتني عل ايه او حديث كتلها اسأل السيد ومن اجي ازور اجاوبج
_(اللهم لاتؤمني مكرك ولاتنسنى ذكرك ولاتجعلني من الغافلين واقوم الساعه كذا) ف الله عز وجل يوكل نبي ينبهه للساعه نفسها
اخذت القران وخليت ايدي بنص القران صليت عل محمد واله وفتحته سديت القران ودرت عل سيد
_سيد والاستخاره
_الامام الصادق(ع) يقول اذا اردت امر لاتشاور احد حتى تشاور ربك
_وشلون نشاور ربنه؟
_(استخير الله) مئه مره ثم تشاور الناس فان الله يجزي لك الخيره على لسان من احب
_زين سيد منو الي نشاوره بعد الله عز وجل؟
سد الكتاب البيده ونزع نضارته ورفع راسه يباوعلي ابتسم رجعتله الابتسامه
_الامام الحسين (ع) يقول: ان المشوره لاتكن الا بحدودها الاربعه
_وشنو حدودها الاربعه؟
_اولا الذي تشاوره عاقلآ. ثانيا حرا متدينا. ثالثه صديقا مؤاخيا. الرابعه ان تطلعه على سرك فيكون علمه به كعلمك به ثم يسر ذاك ويكتمه
_وليش بس الاربعه؟
_اذا كان عاقلا انتفعت بمشورته واذا كان حرا متدينا اجهد نفسه في النصيحه واذا كان صديقا مؤاخيا كتم سرك فاذا اطلعته على سرك علمه كعلمك تمت المشوره وكملت النصيحه
صفنت اهز براسي وجهت انضاري للسيد
_سيد اخر سؤال
ضحك ومسح عل راسي
_اي علويتنا شنو سؤالج
_حديث النفس
_حديث النفس؟
_اي جاي اصفن هواي واحجي ويا نفسي هواي وماركز هواي
هز راسه ووكف وكفت وياه اخذ الكتاب وتوجه لرف
_الامام الصادق (ع) يكول ما من مؤمن يمر عليه اربعون صباحا الا حدث نفسه
ادم (ع) شكا لله عز وجل حديث النفس فنزل عليه جبرائيل فكله كول
(لاحول ولا قوه الى بالله)
غيرها الامام الصادق
_عليه السلام
هز راسه ب اي
_عليه السلام يقول جاء رجل الى النبي فشكا اليه الوسوسه وحديث النفس ف الرسول جاوبه ب
(توكلت على الحي الذي لايموت والحمدالله الذي لم يتخد ولدا ولم يكن له شريك في الملك ولم يكن له ولي من الذل وكبره تكبيرا)
فرجع للنبي ورا مده وكله يارسول الله ذهبت عندي الوسوسه وحديث النفس وادى عني الدين واغناني عن العيله
_ان شاءلله ماترك هاي الاذكار
_ان شاءلله علويتنا هسه ترحين تصعدين للساده يتحضرون لصلاه
_ان شاءلله سيدنا
طلعت من المصلاه واني اردد ب الاذكار العلمني عليها السيد مريت عل الصاله شفت علويتنا الجبيره كاعده ويمها خمس نسوان وثنين بنات شابات لابسات بشت وكاعدات يتسمعن عل كلام العلويه عدلت ربطتي ودخلت
_السلام عليكم
توجهت نضراتهن من العلويه الي ردن السلام تمشيت للعلويه بستها من راسها وكعدت يمها
_عليكم السلام
ابتسمت رجعت التفتت عل بنات
_كملي سؤالج بنيتي
جانت وحده من البنات الشابات كاعده انتبهه لشعرها وشالها مشمور شمر شعر وركبه طالعه وتبرج وغيرها دنكت راسي ورجعت اكرر بالاذكار الذكرني بيها السيد حتى لااغتابها ويا نفسي ويتحول ذنبها منها الي
_علويه العبايه واجبه ب السلام؟
_كل مايستر الشعر والجسم يكفي بس العباءة افضل لانها اقتداء بفاطمه الزهراء (ع)
_علويه اني بيوم جنت اصلي وابني كدامي الصغير راد يلزم الكهرباء واني كطعت صلاتي وركضت اله هم بيها حرام علي
_لامابيها حرام
_علويه اني أخر صلاتي لان التهي بشغل البيت والجهال هم بيها حرام علي
_اذا تأخرتي للقضاء حرام وتعجيلها باول الوقت هيه فرح وسعاده الج وتوفير الخير والبركه
_علويه رجلي مايصلي اني شنو واجبي اله
_تنصحي وترشدي بس
_تكدر المراة انو تشرط عل رجل ضمن العقد مايتزوج عليها؟
_نعم يجوز ولازم الرجل يلتزم ب الشرط
_شنو حكم اسمع الاغاني ب الاعراس ؟
_الغناء جائز بليله العرس شرط مايقترن ب الموسيقى والحرام
_علويه يجوز رقص المراة لزوجها لو الزوج لزوجته؟
_يجوز بمفردهما فقط
اترخصت من العلويه وغادرت المكان توجهت لطابق الثاني متقصده غرفه الساده دكيت الباب ودخلت وك العاده
_غضيمر: شمعنى انت تاخذ الدشداشه البيضه وانا السوده؟
_ايليا: لان انا ابيض
_غضيمر: انت ابيض؟ اللاصيفر انت ابيض؟؟؟؟
_ايليا: اصفر ولا جوزي
طفر غضيمر يجر الدشداشه من ايليا وايليا يجر بيها وواحد يشمر عل ثاني دخل مفرقد للغرفه
_مفرقد: شبيكمممم؟؟؟
_ايليا: معليك
_مفرقد: لك؟
_غضيمر: لك انت لاتصيح عل اخوي
_مفرقد: ليش غضيمر افندي اني منو؟
كلبو خلقتهم شمر ايليا الدشداشه عل غضيمر
_ايليا: اخذها
رجع غضيمر شمرها عل ايليا
_غضيمر: اخذها انت راح البس السوده
_ايليا: لاا انا البس السوده
_غضيمر: مووو توككك تريد البيضه
_اايليا: لا السوده تليك عل بيض اكثر
رجعو يتناكرون مره ثانيه عفتهم وطلعت من الغرفه اعرف مايسد حلكهم شي بعد توني اسد الباب واجتني تضحك فاتحه ايدها كعدت فاتحه ايدي اجت شمرت نفسها بحضني بوستها من خدودها وشلتها
_هلا ب ام ابيها
ضحكت بستها بخدها مكززه عليها حجت من بين اسنانها الطايحه ولسانها الثقيل تحاول تلفظ اسمي
_عته
_عاتكه فاطمه كولي عاتكه
_عتته
_يمه فدوه للعتهه
رجعت بستها من خدها ومشيت بقيت احاول اعلمها تلفظ اسمي اعرفه صعب لفظها علي بس احب اشوفها تفحط بلفض اسمي فتحت باب غرفه المحسنات
وهيه غرفه خاصه ب
_فاطمه
_زهراء
_ام الحسن
_ام الحسين
_ام الحسنين
_ام المحسن
_ام المحسنين
التفتن علي سبعتهن ويا فاطمه
_ام الحسن: ها عاتكه
سديت باب الغرفه ودخلت خليت فاطمه يم اخواتها وكعدت عل كرسي شلت كتاب _فاطمه الزهراء _
كعدن كدامي وحده يم الثانيه
_عاتكه: نبدي درسنا
توجهت حواسهن كلها وياي لحظه؟ نسيت اعرفكم منو هذن البنات؟ اي صح عذروني لازم اعرفكم قبل لاابلش درس. الي كدامي المحسنات خواتي الاصغار
_ام الحسن: 13 سنه
_ام الحسين: 11 سنه
_ام الحسنين: 9 سنه
_ام المحسنين: 9 سنه
_ام المحسن: 7 سنه
_زهراء: 6 سنه
_فاطمه: سنتين
_عاتكه: ام الحسن شنو اسماء فاطمه الزهراء (ع) بنت رسول الله (ص)؟
_ام الحسن: لفاطمه الزهراء تسع اسماء عند الله الاول فاطمه والثاني الصديقه والثالث المباركه والربع الطاهره والخامس الزكيه والسادس الراضيه والسابع المرضيه والثامن المحدثه والتاسع الزهراء
_عاكته: جيد زهراء منو اختار اسم فاطمه الزهراء؟
_زهراء: انطق الله عز وجل لسان النبي محمد (ص) فسامها فاطمه ثم قال: اني فطمتك بالعلم وفطمتك عن الطمث
_عاتكه: جيد جيد ام الحسنين كملي
_ام الحسنين: رسول الله (ص) قال لفاطمه يا فاطمه اتدرين لماذا سميتك فاطمه؟
_عاتكه: اوكفي ام الحسين لماذا سميت فاطمه بت رسول الله بهذه الاسم؟؟
_ام الحسين: لانها فطمت هي وشيعتها من النار
_عاتكه: ممتاز ام الحسنين كملي غير روايه
_ام الحسنين: اسم فاطمه محبوب عند اهل البيت ويحترمون من سميت ب فاطمه الامام الصادق (ع) سأل احد اصحابه الي رزقه الله ببنت ماذا سميت ابنتك؟ قال له فاطمه الامام الصادق كله اما ان سميتها فاطمه فلا تلطمها ولاتشتمها واكرمها
والامام الباقر قال (والله لقد فطمها الله تبارك وتعالى بالعلم وعن الطمث بالميثاق)
_عاتكه: ام المحسنين شنو يعني الميثاق!
_ام المحسنين: الميثاق يعني عالم الذر وهم عالم الميثاق الامام الباقر (ع) يشير بكلامه الى ان فاطمه الزهراء الطاهره كانت طاهره من العاده الشهريه من ذالك العالم
_عاتكه: ام المحسن اذكريلي روايه ادم وحواء
_ام المحسن: عن رسول الله (ص) لما خلق الله ادم وحواء تبخترو في الجنه وقالا من احسن منا.؟ بينما كانو يتكلمان راوء صوره جاريه لم ير مثلها لها نور شعشعاني يكاد يطفى الابصار قالها يارب من هذه؟ قال الله عز وجل فاطمه سيده نساء ولدك قال ادم ماهذا التاج على رأسها؟ قال الله علي بعلها قال ادم فما القرطان؟ قال الله ابناءها
_عاتكه: احسنتي فاطمههه
رفعت راسها وضحكت
_فاطمه: ها عتتهه
_عاتكه: يلوح عتتهه
كمت من الكرسي وشلتها ابوس بيها
_درسن درس باجر زين
طلعت من الغرفه شايله فاطمه وابوس بيها دكيت باب الساده فتحت الباب ومديت راسي
_يلا تحضرو للصلاه
سديت الباب وكملت طريقي نزلت الدرج لكيت العلويه كاعده وحدها اشرت لفاطمه بيدها وهاي نخبصت تريد العلويه نزلتها راحت تركض لعلويتنا الجبيره تمشيت افتح بالربطه وارفع ردني دخلت للمغسل كعدت عل محجر الوضوء اتوضه
كملت الوضوء اخذت الربطه لبستها طلعت من المغسل توجهت للمصلا لكيت السيد ب المصلا وحده بصفحه رف القران بهذه الرف موجود كميه كبيره من القران كل قران مطبوع علي اسم مالكه مثل عل قرأني موجود اسمي وهكذا....
_ها سيدنا
_هلا بعلويتنا
اخذت العبايه البس بيها اتجهز لصلاه الضهر التفتت احجي ويا السيد لكيته شايل قران من القرأين وصافن انتبهت للقران البيده قران عمه الساده مكتوب اسمها عل قران
تمشيت اله مسح وجهه
_سيدنا شبيك
هز راسه ب لا ورجع القران لمكانه ورجع يدور ب الرف
_شنو سيد تذكرت العلويه
نزل ايده من الرف وابتسم بدون مايخلي عينه بعيني
_ليش العلويه تنسي
سكتت اخذ قرأنه من الرف ومشى لزاويه مكانه للقرأه اخذت قرأني وكعدت بمكاني الخاص للصلاه بديت اقره عل ماياذن.... رفعت راسي ماضل عشر دقايق للصلاه بست القران وخليته يم التربه لزمت السبحه استغفر مامر دقايق ونفتح الباب دخل ابوي. سيد مهدي
سلم ردينا السلام باس السيد من راسه وكعد ورا السيد
رجع انفتح الباب ودخلو الساده اخواني
_فقار
_فرقد
_غضيمر
_ايليا
_ام الحسن
_ام الحسين
_ام المحسنين
سلمو كذالك وكعدو ورا ابوي رجع انفتح الباب ودخل عمي سيد منتظر وخلفه اولاده وبناته
_ساجد
_سجاد
_حور
_حوراء
_حميده
توهم يكعدون ودخل عمي سيد هادي وكذالك اولاده وياه
_محمد
_احمد
_هدى
_شاهناز
دخلت العلويه الجبيره ويا دخلتهم وهكذا انترس المصلا وعج باصوات الترحيب مثل كل يوم بكل صلاه هذه عدد الاشخاص الي يصلون ب المصلا جان السيد الكبير ابو والدي سيدنا عبد الرؤف بمقدمه المصلا وخلفه والدي وعمامي وخلفهم بمسافه علويتنا الجبيره ام والدي زوجه السيد عبد الرؤف علويه زهراء
وخلف العلويه اني والبنات ب السطر الاول
_عاتكه
شاهيناز
حميده
حوراء
والسطر الثاني العلويات الصغيرات
هدى
حور
ام الحسن
ام الحسنين
ام المحسنين
بده صوت الاذان يحتل المكان الكل هدء وسكت رفع السيد ايدي وكلنا رفعنا ايدينا بدينه ندعي بداخلنا ويا كلمات الاذان يكون الدعاء مستجاب خلص الاذان وكف السيد وكفنا بده السيد يصلي واحنا ورا... خلصنه صلاه الضهر سبحنه ب السبحه وقرينه سوره النبأ
وهاي السوره وصيه من الامام المهدي عجل الله فرجه
بقراءة سوره النبأ بعد صلاه الضهر خلصنه وبدينه ب صلاه العصر وكذالك بس خلصنه صلاه العصر قرينه سوره النوح
وهي كذالك وصيه من الامام المهدي عجل الله فرجه
بدينه ب التسبيح والاستغفار الكل كان هادء بس صوت المروحه ينسمع رفعت راسي الكل جان مدنك الي لازال يقراء ب السوره والي يسبح
السيد كان رافع ايدي ومغمض عيونه يدعي بهدوء والدي وعمامي يقرون قرأن
السيد عنده بس ثلاث اولاد وبنت وحده
عرفتو الثلاث اولاد بس الابنيه الوحيده منو!؟ وليش ماموجوده؟
سكتنا من السيد كام وكف لازم ورده نابته بسندانا لونها اصفر الكل ركز ويا ابتسم السيد وزع نضراته علينه
_السيد عبد الرؤف: شنو جاي تشوفون بيدي
الكل جان مركز ويا السيد ومن سأل كلنا اجينه انجاوب بس لصمنه ايليا بجوابه
_ايليا: انا
لاف علي ابوي خزره هوه وعمامي دنك ايليا يسبح
_شاهيناز: والله اني لو السيد اخليها براسه
خله السيد الورده عل رف كدامنا كلنا
_السيد عبد الرؤف: اليوم اذا سلمتكم قطعه ارض فارغه واريدكم تغيروها لبستان شنو الي نحتاجه حتى نغير هاي الصحراء لبستان ورود؟
_غضيمر: تربه
_ساجد: ماء؟
_مفرقد: شمس
_شاهيناز: هواء سيد هواء
_ايليا: سماد
_عاتكه: بذور؟
_السيد عبد الرؤف: ممتاز يعني هسه حديقتنه كملت هاي هيه
_فقار: لا بعد
_السيد عبد الرؤف: ليش؟ مكوناتنا كملن!
_فقار: نحتاج صبر وعنايه بعد
هز السيد راسه
_السيد عبد الرؤف: الله سبحانه وتعالى سلمنه حديقتنا ونطانا هم مكوناتها وعلمنه شلون نزرعها
_شاهيناز: سيد قصدك بدال الهواء مثلا صلاه؟
_فرقد: بدال الشمس صوم
_ايليا: والسماد نبدله ب زكاه
_عاتكه: والبذور هيه القران
_ساجد: الامر ب المعروف والنهي عن المنكر بدال الماء
_غضيمر: واهل البيت هم التربه
_فقار: والصبر اهم مكون بحديقتنه لان ماكو زرعه تطلع بيوم وليله
_حميده: هسه حتى نحافظ عل حديقتنه مانخلي يدخل الها حيوانات والوصاخه حتى لاتخرب جماليه الحديقه ومنضرها
_حوراء: اكو حشرات هم نبعدها عن زرعنه لان تاكل تعبنه
ابتسم السيد برضى عن اجوبتنا
_السيد عبد الرؤف: احسنتو هاي حياتنا حديقه احنا نزرعها اليوم نزرع باجر نحصد هذه زرعنه كله ناخذه ويانا باجر ماكو زرعه وحده بهاي الحديقه ماتجي ويانا حتى الزرع الذابل هم باجر الله يحاسبنه علي
تخيل ربك يسألك اني سلمتك ارض شكبرها وشكدها وكتلك ازرعها شنو جايني زرعك كله ذابل؟ ماعرفت تعتني بيها؟ لو جان همك كله تباوع لزرع غيرك؟ او شبعت بطنك من زرع غيرك؟ لو خلصت عمرك تقيم زرع غيرك؟ لو تحجي عل زرعات فلان وفلانه؟
_سجاد: سيد واذا زرعنه زرعه وذبلت وبيوم اجينه نشوف حديقتنه شفناها كلها مخضره بس هل زرعه ذابله؟
_السيد عبد الرؤف: ازرع بدالها؟ التأب عن الذنب كأن لاذنب له هيه ذبلت انت ماتعرف تشلعها من ساسها؟ اشلعها وارزرع بدالها خو ماتخلي حديقتك بزرعه ذابله
الكل جان مركز ويا السيد وبكلامه رفعت شاهيناز ايدها
_شاهيناز: سيد اكو شي نسيناه يخلي الورده تورد
_السيد عبد الرؤف: اي علويه شاهيناز شنو هذه الشي؟
_شاهيناز: زياره للمرقد الامامين اباعبدالله وابو الفضل (ع) وزياره ابوهم الامام علي (ع)
_حميده: اييي والله سيد ياريت ويا روحه للحله لشريفه بت الحسن الورده حتى شجره تصير
ضحك السيد وهز راسه
_السيد عبد الرؤف: اذا ورداتنا طلبن ليش مانفذ
ضحكنه متونسات طلعنه من المصلا بعد ما السيد حدد موعد السفره بعد يومين دخلت للمطبخ ويا البنات نجهز الغده دخل مفرقد وساجد كل واحد شايل كتاب بيده
_مفرقد: عاتكه بلا امر عليج جاي
جنت توني صابه للسيد وابوي وعمامي جاي وبعده حار طلعت الكلاصات وصبيت الهم جانو كاعدين عل طاوله وباب المطبخ الخارجي مفتوح داخل ضوه الشموسه قليل المنضر جان حل
_مفرقد:_ نفسي عل زفرتها محبوسه
يا ليتها خرجت مع الزفرات
_لاخير بعدك في الحياه وانما
ابكي مخافه ان تطول حياتي
_ساجد: فراقك اعظم الاشياء عندي
وفقدك فاطم ادهى الثكول
_سابكي حسره وانوح شجوا
عل خل مضى اسنى سبيل
_الا ياعين جودي واسعديني
فحزني دائم ابكي خليل
_مفرقد: عتوكه تذكرين الشعر الي قالته فاطمه الزهراء من اغمى عليها يم قبر الرسول؟
_عاتكه:
_رفعت قوتي وخانني جلدي وشمت بي عدوي
والكمد قاتلي
_يا ابتاه بقيت والهه وحيدة وحيرانه فريدة
فقد انغمد صوتي وانقطع ضهري وتنغص عيشي
وتكدر دهري
_فما اجد _يا ابتاه_بعدك انيسأ لوحشتي.
ولا راداً لدمعتي ولا معيناً لضعفي
_فقد فني_بعدك_يا ابتاه الاسباب.
وتغلقت من دوني الابواب
_فاما الدنيا بعدك قاليه. وعليك ماترددت انفاسي باكيه
لاينفذ شوقي اليك ولاحزني عليك
_ان حزني عليك حزن جديد
وفؤادي والله صب عنيد
_شاهيناز: اللههه حي الله صوتج عتوك
_حميده: حي اللهه احبالج الصوتيههه
_حوراء: اعدد عتاكه اعددد
دخل ايليا للمطبخ مستغرب
_ايليا: شنو راح تهوسن؟
ضحكنا كلنا وبدو الشباب يتحاورون ب الاشعار الخاصه ب اهل البيت طلعو من المطبخ واحنا بدينه نصب الغده دخل فقار اخوي الجبير مدنك راسه صح كلنا متربين سوا وماكلين من نفس الصحن بس هذه مو سبب مانخلي حدود بينه وبين اولاد عمامنا دام محرمين علينا ف موضوع تربيه سوه واحنا خوان محد يتحاور بي!
_فقار: شاهيناز انطيني من يمج الجداحه
شالت الصحن وخلته ب الصينيه وبدون ماتباوعله حجت
_شاهيناز: اخذها انت عندك ايدين
جان مدنك من حجت رفع راسه مستغرب هز راسه بدون مايجاوبها التفت لحميده بدون مايحجي فهمته كامت اخذت الجداحه انطتها اله اخذ الجداحه وطلع
_حميده: هاي شبيج شاهيناز شطلب منج؟
_شاهيناز: انت شعليج؟ موكلج المحامي مالته؟؟
طلعت حميده من المطبخ ولحكتها حوراء باوعت ل شاهيناز ركعت الصحن ب الصينيه ورفعت صبعها تهدد
_شاهيناز: حجايه وحده اطنكر عليج
_عاتكه:سوادين
شلت الصينيه وطلعت من المطبخ شافني فرقد اخذها مني وبده هوا والولد يوزعون الصحون عل سفره رجعت دخلت للمطبخ شفت شاهيناز صافنه تمشيت اخذ الصينيه الثانيه
_شاهيناز: اكلج حسيت ب الندم
_عاتكه: عليمن
_شاهيناز: عل فقار وحميده
_عاتكه: بعد مادوسين ب المصارين تحسين ب الندم والله عمي زين
_شاهيناز: ترا والله انتم حقراء تدرون بيه راح تجيني الدوره وهرمونات بعد شكو تلومني
حجتها وخلت ايدها عل وجهه تبجي عفت الصينيه ورحت الها اضحك مصدومه
_عاتكه: هاي شبيج صدك جذب تبجين
دخلت حميده للمطبخ من شافت شاهيناز اجت تركض عليها مصدومه وهاي شاهيناز شبكتها وزادت بجي
_شاهيناز: اسفه ماقصدي اعاركجج
_حميده: يمعوده فدوه هسه شحجيتي انتِ
_شاهيناز: ترا هاي مو اني هاي هرموناتي
_حميده: ادري حبيبتي ادري
عفتهن يتصالحن واخذت الصينيه وانطيتها للولد طلعن البنات من المطبخ مبتمسات التم الكل عل سفره كعدت وبصفي البنات والولد كدامنا والعلويه والسيد بصف بعض امي ونسوان عمامي كعدن سره واحد وابوي وعمامي كذالك بدينه ناكل واحنا ساكتين جان الغده مطبك دجاج
انتبهت السيد ساكت ويباوع لصحنه صافن ومثل كل مره لازم ايليا يخرب هاي الاجواء ب جفصه من جفصاته
_ايليا: شنو سيد جنه ماعجبك الصدر؟
غص غضيمر ب الاكل وشرك ساجد ب الماي وطاحت الخاشوكه من ايد شاهيناز وتوجهت نضرات الخزره كلها ل ايليا حتى السيد من الصدمه كطع صفنته وضل يرمش بوجه ايليا
من شاف الوجوه شلون تغيرت ونضرات الخزرات صحح كلامه
_ايليا: ترا قصدي صدر الدجاجه لان السيد صافن كلت خاف ماعجبه
باوعلته العلويه صفح وضلت تعوج بحلكها وتهز ب ايدها
_علويه زهراء: اكل يمه اكل سد حلكك بلكمه لاينسد بغير شغله
فعلا كمل اكل بدون مايحجي اصلا مارفع وجهه بعد حتى السيد ماصفن بعد امكن خاف من ايليا يشمرله قنبله اقوه من القبلها خلصنه اكل وعزلنا والكل طش الصفحته
فزيت من النوم عل صوت المنبه الساعه 3:30 كمت من الفراش وطلعت اركض من الغرفه نزلت الدرج بسرعه ماريد يسبقوني ماريد نفس كل مره ضحكت فرحانه من ماسمعت صوتهم فتحت باب المغسل وغابت ضحكتي
شفتهم متجعمين عل مغسل وجانو ساكتين ويباوعلي حاصرتهم الضحكه من شافوني وشلون نصدمت بيهم وغابت ضحكتي ضحكو كلبت عيوني وتمشيت يمهم
كالبه وجهي
جان المغسل ارضي يكعدون بي ثنين مبني عل جهه الحديقه مكان جبير الماي اليروح من الوضوء يروح للحديقه ومانكدر نستعمله غير للوضوء
_فقار: غيضمر ماطلع وضوء مو ماضل النا وقت نريد نلحك؟؟
وكل عاده غيضر مامتهم يغسل وجهه ويصفن ويرجع يغسل ويصفن باوعت للثاني اليتوضا ب الطربمه الثانيه
_عاتكه: ايليا يلا حباب عندي جزء قران اريد اقرا قبل الاذان
جانو عنيدين واذا اجوء للوضوء يصفنون وياخذون وقت مو خباثه بس الوضؤء عدهم دعاء هم وكل مايتوضون يقرون سوره قرئانيه لنوارينه الوجهه وتطهير نفسهم ب الكامل صاح مفرقد بيهم
_ناس وراكم نريد نصلي اليل ورانا قران ورانا ادعيه ورانا تسبيحات ورانا تعقيب مانضل ننتضركم
جانو ساكتين وماهتمين كملو ووكفو يمسحون
_ايليا: اليريد يتوضا يكعد من وكت بعد
مشه وبدت الهوسه مره ثانيه توضيت ومشيت للمصلى وهيه غرفه جبيره وقديمه كانو اجدادنا هنا ويصلون بيها لهذه مانعدل بيها ابد والسيد مايقبل لان يحسه ذكرى ومكان طاهر لان الي صلو بي كلها ساده كبار ومراجع جان طولها 9 امتار وعرضها 6
الحياطين متأكله من الرطوبه بنهايه الغرفه مكتبه عل طول الحايط كلها كتب دينيه ورف خاص ب القران وجان عل قران مخيط علك اخضر بلون غامق ومكتوب عليه اسم صاحب القران عل الجهه الثانيه موجود رفوف بيها سبح وترب والمصلايات ومحارم النساء
جانت الارضيه مفروشه جوته حمراء تشبه المفرش بالمقامات الحسينيه كل واحد اخذ مكانه وبده يصلي اليل الرجال كدام والنساء عل بعد مسافه منهم لان مايجوز النساء تصلي يم الرجال بدينه ب صلاه اليل والقران وبدت الادعيه ماحسينه غير الساعه اذان الفجر
كملنه وقتنا الخاص الي يسمي السيد _ساعه الله_
وبكل مره واحد ياخذه النوم يهز السيد راسه باسف ويجاوبه ب
_حرامات فاتتكك كعده الله
اليوم جان موعدنا لسفره كملنه صلاتنا وكمنا نجهز جنطنه بدو عمامي والولادهم يتجمعون نزلت شايله جنطتي وعبايتي بيدي شفتها كلها مجتمعه ب المصلا
_عاتكه:شاهيناز جبتي مفاتيح الجنان الصغير؟؟؟
_عاتكه: لا حميده جابته
_حميده: عد حوراء
_حوراء: عبالي انت جبتي
_عاتكه: اهوووووو
رحت للمصلا اطلع مفاتيح الجنان الصغير اخلي بجنطه اليد حتى اقرا ب الطريق شفت الساده كلها ب المصلا كعدت ادور ب الرفوف دخل ساجد للمصلا شايل التلفون بيده
_ساجد: تعالو خل ناخذ صوره نكتب في طريقنه الى كربلاء
_ايليا: اي وشنو في طريقنه الى كربلاء هوا انت كل يوم ب كربلاء
_عضيمر: في طريقنه الى كربلاء شنو تعاير الناس
_السيد عبد الرؤف: يلا لمو العلويات خل ناخذ صوره جماعيه
فعلا بده الكل يلتم بالمصلا السيد رتبنه العلويات بصفحه والساده بصفحه واكباريتنا ب النص والعلويه زهراء ب النص هيه والسيد
_ساجد: علويه باوعي اهنا يلا ابتسمو
كلنا ثبتنه وعدلنا وكفتنا منتضرين يكص الصوره توا يكص ونزل التلفون
_ساجد: علويه ليش دايره وجهج مناك؟ باوعيلي علي
دارت العلويه تباوعله ورجعنا مره ثانيه مثبتين ارواحتنا ومنتضرين يكص الصوره رفع الكامره علينه يكص ومركز رفع راسه عاكد حواجبه يباوع للعلويه
_ساجد: علويه متقصده انتِ جنج
_علويه زهراء: خفه الهل وجه شنو متقصده ولك
_ايليا: اكلك ماتكص انت شنو؟ ترا اتشجنجنه
_ساجد: شوفو العلويه كل ماريد اكص ادور وجهه
_سيد مهدي: علويه باعي للكامره وابتسمي
_علويه زهراء: انيي ماريد ابتسم شنو تجبروني
_فقار: علويه لاتبتسمين بس باوعي عل جهه الكامره
_شاهيناز: علويه رجلينا طاحت من الوكفه
رجعنا تشنجنه مره ثانيه رفع الكامره كل شوي يباوع للعلويه حصرتني الضحكه كلنا ماخذين حذر لاترجع ادور اجه يصور جان صفن ورفع راسه
_ساجد: مفرقد ليش ماتضحك؟
اهنا كلها ضلت تصيح ضرب مفرقد ب ايدي عل افخاده
_مفرقد: عوف مفرقد مقندر بس صور ترا والله ماصور
_ايليا: ساجد تحجي صدك لو اشوف واحد خال ايده بخشمه هم ماهتم المهم اصور بعد هوا يفشلللل نفسه
كلها ضلت تصيح وكلها سحبت نفسها من التصوير صاح السيد بيهم يرجعون
_السيد عبد الرؤف: ارجعو اخر مره يلا اذا ماصور ننسحب
رجعنا كلنا برغبه من السيد بس الوجوه كلها مغندب باوعلنه ساجد يريد يحجي بس مايكدر يخاف عل يخلون التلفون براسه اهنا كلنا انتبهنا من رفع ساجد الكامره العلويه تقصدت ادور خلت ساجد صافن عليها
لزم السيد راسها وباسه من فوك كلها صارت عيونها عليهم العلويه وجهه صار احمر والابتسامه شكت الحلك والحياء النزل عليها خلانه كلنا مبتسمه ونباوع الهم بحيث ساجد حتى ب الكاع تمدد يكص الصور
جانت صوره جميله الكل مبتسم ب الصور بعفويه شاهيناز هيه وفقار كاسرين ركبهم يباوعون الهم ومبتسمين وحميده خاله ايدها عل حلكها تضحك حوراء ضحكتها مصدومه ابوي وعمامي نفس الوكفه ونفس اابسمه ايليا يباوع للعلويه صفح ومبتسم تحسه لازم عل علويه لزمه غضيمر غامز للعلويه والولد يضحكون واني صافنه عل سيد واضحك
دار ساجد الكامره الاماميه وخله راسه ويانا يصور من خلص التصوير دار عل سيد
_ساجد: سيد خو سويها من البدايه
حجاها وغمز للعلويه دنكت العلويه خجلانه وتضحك كامت من الكرسي الجانت كاعده علي ماخلت عينها بعين السيد بس السيد جان يباوع الها ومبتسم طلعت العلويه من المصلا والسيد بعده يباوع الها دار علينه
السيد عبد الرؤف: الامام الصادق يقول: العبد كلما ازداد في النساء حباً ازداد في الايمان فضلاً
_عاتكه: من اخلاق الانبياء (ع) حب النساء
باوعلي السيد وابتسم لمينه الغراض وطلعنا من البيت دار علينا السيد
_السيد عبد الرؤف: نروح نزور الامام علي (ع) ونطلع لكربلاء وبعدها دربنا للحله
هيج جان دربنه جانت سيارات الولد صافه كدام البيت كل مجموعه ركبت بسياره ركبنا بسياره ايليا وركب يمه ساجد واني وشاهيناز وحميده وحوراء ورا
السيد والعلويه وابوي وعمامي بسياره كعد السيد العلويه والساده الكبار ورا حصرتنا الضحكه عل منضرهم السيد كل شوي يلتفت للعلويه ويبتسم وهيه تصير حمره وتلوف عل جهه المرايه تضحك ابوي وعمامي يضحكون
امي ونسوان عمامي وغضيمر وفقار بسياره العلويات الصغيرات ركبن ويا سجاد وباقي اولاد عمي بسياره الامام ماجان يبعد عن البيت هواي توا يطلع الفجر الكل جان هادء
_ايليا: سبحان الله فالق الاصباح سبحان الله رب المساء والصباح اللهم صبح ال محمد ببركه وعافيه وسرور وقره عين ورزق واسع اللهم صبحني واهلي ببركه وعافيه وسرور وقره عين ورزق واسع اللهم انك تنزل في اليل والنهار ماتشاء فانزل علي وعل اهل بيتي من بركه السماوات والارض رزقا واسعا تغنيني به عن جميع خلقك.
كلنا صحنا امين وهذه الدعاء السيد علمنا نقره اذا طلع الفجر لزمت المسبحه وبديت احمد عن ابي عبدالله (ع) الرسول (ص) اذا اصبح يحمد الله 360 مره عدد عروق الجسد (الحمدلله كثيرا عل كل حال) ف الحمد بي هواي فضائل البعض غافل عنها
جانت سياره السيد ب البدايه والباقين ورا بده السيد يخفف ب السياره كلنا خففنه
_ايليا: يلا بنات انزلن اهنا عل مانصف السيارت تمشن
نزلنا كلنا من السيارت ونزلو ويانا محمد واحمد وساجد والباقين راحز يصفون السيارات مشت العلويه كدامنا ومشينه وراها الكل جان هادء وساكت جنا نباوع للجماليه المكان وبروده الجو وهدوء المكان
جنت اباوع عل شارع ماحسيت غير دايسه عل عباتي وعاثره بنص الشارع كلها دارت علي سمعت صوت السيد من وراي
_السيد عبد الرؤف: الله الله
لزمت جف ايدي متاذيه مشخط اجه السيد يركض علي قبلهم شالني من الكاع لازم ايدي التمو علي
_علويه زهراء: ششجاج يايمه خو ماتاذيتي
_عاتكه: لاعلويه مابيه شي
لزم السيد ايدي وباسها يمسح عل راسي حتى الوجع راح
_شاهيناز: يااا عتوك عبايتج نشكتت
شفت العبايه مشكوكه عل نزله من ورا سمعت صوت اخواني من ورا السيد
_فقار: شكو شصاير؟؟
_ايليا: شبيج عاتك بيج شي؟؟؟
_مفرقد: شبيهاا منو وياها
_غضيمر: شبيكممم ملتميننن عليها شبيهاا
اجو يركضون يتفحصون واحد يشيل ايد والثاني يدور بوجهي ايليا خال عينه بعيني يشوفوني ابجي لو لا حجت امي
_علويه رقيه: شبيكم ولكم مابيها شييي الناس تباوع علينا
_علويه زهراء: عثرت يمه عثرت وطاحت مابيها شي
لزم مفرقد ايدي يباوعلي
_مفرقد: شبيج عثرتي دختي؟؟؟
_ايليا: خاف داخت من درب السياره
_غضيمر: اجيبلج عصير وكيكه تاكلين؟
_فقار: كعدوها يمعودين لاتدوخ
_شاهيناز: خايبيننن شسالفه عثرت ب العبايه وطاحت وانت ماتحجين لو متونسه عل وضع
_عاتكه: متونسه عل وضع
حجيتها وضحكت دمغني ايليا عل راسيي وابتعدو عني هاي مو مبالغه اخواني يخافون علينا بشكل ودوم احمد الله عل وجودهم بحياتي باوع مفرقد لعباتي
_مفرقد: عبايتج مشكوكه عاتك
_عاتكه: اييي ياربي شنوو هاييي
_ايليا: روحو دخلو هسه اشتريلج وحده واجيج
_عاتكه: شلون امشي بعبايه مشكوكه
_االسيد عبد الرؤف: علويتي انزع عبايتي تلبسيها
_عاتكه: هههه لا سيد شسالفه
_شاهيناز: ايليا روح اشتري العبايه احنا راح نلتم عليها نغطيها وندخلها جوا
_ايليا: يلا ادخلو هسه اشتريلها عبايه
_عاتكه: منين تعرف قياسي
_اايليا: هوا كلج شبر ونص ام القياس
راد ايليا يروح لزمه مفرقد رجعه
_مفرقد: روح انت وياهم انا اشتريلها العبايه
_اايليا: يلا جا
فعلا راح مفرقد يشتري العبايه والبنات والساده التمو علي يغطوني
_مهره_
تمشيت مبتسمه اباوع للمكان بفرح اخر مره اجيت اهنا من جان عمري تسع سنوات واليوم عمري 19 سنه دخلنه عل جهه السوك ب النجف صارت قبه الامام كدامنا ابتسمتت فرحانه واصور ب المكان وجماليته اشر النا واحد من العتبه
_النساء منا خويه
دخلنا اني وامي واختي لجين الصغيره عل تفتيش النساء جان المكان هوسه وهواي نساء موجودات وصل دورنا ب التفتيش فتشت امي اجيت وراها باوعتلي المفتشه عاكده حواجبها
_وين عبايتج؟ شنو هل مكياج وين جايه انت امي؟
صفنت بوجهه مفهيه كلها صارت تباوع النا ماجان جوابي غير
_ها
_ششنو هاا؟؟؟ انتن وين جايات نضل نحجي احنا ونكول جايات بمكان مقدس مايصير الحمر والكحل وفوكها حتى عبايه مالابسه جايه بنطرون؟ هسه هاي تنقبل يعني تردن تمكيجن مكيجن ببيوتجن مكيجن بغير مكان مو جايه تزورين وخاله طن مكياج عل وجهج
حصرتني البجيه والفشله التمن سوا كلها صارت تباوع حتى المفتشات الباقيات ضلن صافنات ويباوعن بنص عين سمعت وحده من النساء الكبار تكول
_والله يمه لاتعبين روحج كلهن هيج مايخافن من اهل البيت مايكولن عيب وحرام الامام يشوفنا همهمن يتكشخن بس
دمعت عيني رفعت عيوني اباوع الامي هزرت راسها خازرتني شفايفي رجفن مستعده ابجي وادكها نوحه اهنا هزت المفتشه بيدها وانطتني كنينس مرطب
_مسحي وجهج هاج مسحي الحمره والكحل البعينج وين عبايتج؟؟
رفعت اكتافي ماريد احجي اخاف ابجي لان الغصه صايره بلعومي حجت امي
_حبيبتي هسه اشتريلها منا عبايه ماعدها ماجايبه
ششو هاي من سمعت نهدت علينه ب الزايد
_ييعني شنوو ماجيبه ماتعرفن هذه مكان مقدس ومحترم؟؟؟ شنوو ماجايبه
سكتت امي واني دنكت حتى استحي اعارك فعلا يعني كلها لابسه عبايه وبشت الى اني بنطرون وفوكها نص شعري طالع من الشال وخاله مكياج استاهل الرزاله وازيد حجت وحده من النسوان
_ييمه كولي يالله الابنيه صغيره ماتفتهم نطيها عبايه منكم وهسه هيه تمسح المكياج وخلصت يا يمه
_حجيه ماكو العبايات اليوم جمعه كلها جايه تزور ونصها هم مالابسه عبي نطيناها الهن وماجابو النا عبي بعد
دارت علي وهزت راسها
_روحي من برا اكو عبي اشتري وتعاي
_خل اشتري من جوا
_رروحي يمه روحي اشتري من برا كامرات تصور اتحساب بعدين
باوعت الامي جرت حسره مارضيه
_انتضرج برا خلصي وتعاي
فعلا سحبت نفسي وطلعت برا حسيت الانضار كلها علي هفيت عل وجهي احبس الدمعه بس ماكدرت غلبتني وطاحت خليت ايدي عل وجهي وضليت ابجي زين جانت اكو مثل الفاصله بين تفتيش النساء والبرا شلت الكنيسه امسح بدموعي طلعت تلفوني اشوف وجهي
حقها تندقني مكياج وشعر وملابس فعلا بس اني ماسويت هيج متقصده متوقعت هيج عبالي اكو غيري يلبسن هم ويدخلون عبالي بس من نزور نلبس العبي مسحت كلشي بوجهي جان عندي بطل ماي فتحت الشال وضليت اغسل بوجهي وابجي من الموقف
نشفت وجهي ولفيت الشال عدل وطلعت اشوف العبي شفت اهل تفتيش الزلم عساكر يباوعون حسيتهم سمعوو الرزاله دنكت راح انفجر من الخجل جان اكو زلمه يبيع عبي شايلهن بيده تمشيت يمه
_عمو بيش العبايه
_25
_شسالفه
مارد علي صفنت فتحت الجنطه ماعندي بس 15
_زين عمو ماتنطيني العبايه ادخل اخذ افلوس من امي واجيك لان مايخلوني ادخل بدون عبايه
هز راسه بلا وكمل صياح عبايه عبايه شكد حقير هذه هيه عبايه اعتبرها دفعه بله يعني شنو اليوم التمن كلهن؟؟ هسه شلون بيه اني بلا ضليت واكفه بمكاني وصافنه بلكت اكسر خاطره وينطيني بس هذه كلش لو الصخر حس هذه مايحس اجاني صوت خشن من ورا
_السلام عليكم
التفت ابو العبي وحلكه النشك ب الضحكه
_عليكم السلام هلا ب السيد
التفتت عل الجهه اليسلم عليها شفت واحد ماشاء الله الطولل يصيح الغوث منه ضخم لابس دشداشه سوده ضابطه عل زنوده وجهه ابيض وصافي حواجبه ورموشه ولحيته سود وكثيفات ضليت صافنه عليه وهما يتسالمون وهذه ماخله ترحيب مارحبه بي جان ثكيل وهادء بلعت ريك عل كد ماصفنت بي
_منورنا سيد شلونه الوالد سيد رؤوف شلونه العلويه شلونها الساده
_الحمدلله كلهم بخير انت شلونك
_الحمدلله والله عايشين
_الف الحمدالله. رايد منك عبايه لمحروستنا
_تدلل انت ومحروستك
بدى يطلع ب العبي والسيد يختار حسدت محروسته علي عل كد ماهتم بنوع القماش وطوله ونزاكه القماش اختار عبايه واخذها ابو العبي يخليها ب العلاكه دار علي ابو العبي شافني بعدني واكفه
_عمي انت بعدج واكفه
_اي عمو
_عمو مابيع ب 15 عذريني
_عمو بس البس العبايه ادخل اخذ الفلوس من امي واجيبهن الك ميخلوني ادخل بدون عبايه
_لايبعد عمج عذريني
والله موقف صرت بي حتى تندمت اجيت ازور جان السيد لازم سبحه طينيه بيده ومدنك ب الكاع بس صوت السبحه ينسمع انطه ابو العبي العلاكه البيها العبايه للسيد والسيد مد الفلوس ينطيهن
_سيد ب 25 العبايه هاي 35
هز براسه ب اي وهوا يشد ب العلاكه
_انطي العبايه للاخت
حجاها ومشه بعد ماودع الزلمه ضليت صافنه علي وهوا يمشي هم سيد وهم حباب وهم يخبل كطع صفنتي ابو العبي
_اختاري العبايه عمي هذه رزقج اجاج
_عمو والله اني عندي فلوس بس عد امي
_اي بويه اخذي العبايه عود اذا شفتي السيد انطيهن اله
فعلا اخذت العبايه ركض ركض لبستها ورحت عل تفتيش شافتني امي التفتيش تباوعلي صفح هاي شبيها؟ ماجنت مهتمه الها بكد مامهتمه اريد الحك عل سيد طلعت من التفتيش شايله العبايه واركض التفتت اباوع وين راح توا اهنا بقيت واكفه اتلفتت ب المكان تمينت ارجع اشوفه اشكره وانطي الفلوس............
