رواية اخذوني دفع للدار فصليه كامله جميع الفصول بقلم زينب الموسوي
حطب روحي بديار البعد ..هميت
وعلى فراك لاحبهم شكثر ..هميت
المفارك لاتحسبه عدل ..هم ميت
تره الميت ولمفارك سويه💔
مرحبا شلونكم شخباركم
اني راح احجيلكم قصدي وراح اسرد عليكم كلشي صار وياي بالتفصيل الممل
اني نهر ....
لاتتعجبون من اسمي هذا اسمي واني كلش احبه احسه اسم مميز وجميل جدا امي ختارته الي تعالو اسولفلكم ليش سموني هالاسم نوب اكمل الكم الباقي لما جنت بطن امي جانت حيل فرحانه لان راح تجيها بنيه على سبع ولد ف بيوم من الايام وبوقت عصريه امي دورت على اخويه الصغير مالكته دورت ودورت مالكته خبرت ابويه بالوضع ونخبص خبص احنه كاعدين بمزرعه كلش جبيره بوسط اشجار ويمنه نهر دجله مزرعتنه طل على هذا النهر دورو ودورو مالكو طبعا هذا اخويً الصغير كلش الي صار قبلي عمره اربع سنين ف جانوا كاعدين امي وابوي وسمعوا اخوي عبدالله الجبير يصيح يصيح لحكونه سامر مات سامر مات سامر غرك وهنا امي دخلت بأزمه كلش قويه وقهر على اخوي سامر الي بعده صغير بهذا الوقت امي عليها سابع فبسبب الحزن تهدد الجنين بالاسقاط الي هيه انه فبهاي المده وبقه شهرين على ولادتي بالعرك امي يلا تكعد وماتشتغل جانت تريدني اموت لان عبالها اني السبب بالي صار وي اخويه وانو انه وجهي مشؤوم عليهم مرت الايام والشهرين خلصن وصرت اني وامي هنا قررت تسميني نهر وصار اسمي نهر وهاي قصه اسمي يلا نرجع عليه اني
بعد ماكتلكم اني اسمي نهر عمري 17سنه طالبه سادس علمي جنت حيل شاطره واحب الدراسه وجان حلمي اصير دكتوره اسنان كلش احب هذا المجال ونفسي ادخله اني مواصفاتي بيضه كلش لدرجه يميل للوردي شعري بني فاتح عيوني جانن حيل زرك بلون نهر دجله ف اسمي نطبق على لون عيوني طولي 165 بوزن 62 جنت حيل معتنيه بروحي وبشعري وبشرتي احنه من السماوه بمنطقه زراعيه بس والدي اصله بغدادي وبسبب شغله انتقل للسماوه وهنا شاف امي وحباها وتزوجها طبعا اني اشبه امي نسخه منها ومن جمالها ابوي صاحب عقارات كلش جبيره ابوي اسمه علي وامي اسمها سميه عندي سبع اخوان ولد
الجبير عبدالله عمره 32 سنه
والثاني ايمن 30 سنه
الثالث سامر 28سنه
والرابع والخامس توئم احمد ومحمد عمرهم 27 سنه
والسادس عمار عمره 24 سنه
والسابع صار ورايه ورا ما مات اخويه سمته ماما ساهر عمره 15سنه وهذا مدلل البيت الي امي ماترفضله طلب
وهسه نبدي القصه
سميه : ولج نهر نهر كومي كعدي كافي نوب ساعه ثمانيه كومي نهر
نهر: ها ماما اي اني اجيت كعدت والله كعدت اف
طبعا ماما ابد معاملتها الي موزينه كتلكم عبالها اني وجه شؤم عليهم
كعدت وغسلت وجهي ولبست ملابسي ونزلت صبحت عليهم
نهر :صباح الخير جميعا
ردو : صباح النور
سميه : اي ست نهر موعندج عطله ليش متكعدين تساعديني بالبيت واني وحدي
نهر :ماما شالقضيه موهالنزلت بعدين ستوها ساعه 8وربع
سميه : هذا الفالحه بيه لسانج شطوله ويايا يلا كومي منا روحي اغسلي الماعين
علي : شسالفتج ام عبدالله البنيه ستوها كاعده ليش هيج تصيحين عليها ع الاقل خلي تتريك
نهر :خليها بابا اصلا هيه دائما تفرق بيني وبين اخواني وتصيح عليا ماشي ماما كايمه اغسل الماعين
كمت وغسلت ماعين وكالعاده تنضيف البيت كله عليه وطايح براسي
اف يعني مارتاح انه بحياتي كله هيج ابقى
شويه ودخلت عليا منار طبعا منار مرت اخويه عبدالله عدها ولد واحد سمها ادم وحيل احبه ومتعلقه بيه
منار : مساء الخير نهوره
نهر : مساء النور اوي انتي متبطلين هاي كلمه نهوره اني هيج ومتعقده من اسمي
منار : ولج نهر اسم على مسمى شحلاتج وعيونج بلون نهر دجله شتردين بعدً
نهر : هسه انتي حاسدتني على هاي ديلا فوتي الدنيا ضهر وحاره
منار : اوكي داخله انتضرجً جوه
نهر : اوكي
طبعا منار بصف بيتنه كاعدين ابوي بنا بيت لعبدالله وايمن وساهر حتى من يتزوجون كبل يطلعون ماله خلك مشاكل
مرت الايام وبدت المدارس واني صف سادس وحيل متوتره وخايفه
سميه : نهر ولج نهر وسم كومي ساعه سبعه راح يجيج السايق ولج كومي
نهر : كعدت كعدت اف ماتعرف تصيحلي مثل الناس الا تغلط
كعدت وبدلت ونزلت صبحت على ابويه وايمن جان كاعد صباح الخير
الكل : صباح النور
علي :صباح الخير بابا
نهر : صباح الخير ياروح نهر وحياتهاً
تريكت واجه السايق وطلعت
وصلت للمدرسه وماصار شي تطونه كتب ونطونه تعليمات ورجعنه مرً اليوم عادي بين اهاين اميً وعصبيه سامر الي متخلص كعدت ثاني يوم رحت للمدرسه ودرسنه كلش هواي وتعبت بس اليوم شعوري يختلف حيل عن كل مرا وكلبي حيل ممرتاح وحيل بالي مشوش كلت يجوز ارق او تفكير بسبب دراستي
رجعت للبيت وجان اشوف ....
......................//////
نروح للبصره ونشوف بطلنه شنو مسوي
ولك غضب مايصير سوي هيج انت واحد بلا عقل ومتهور انت شلون تسوي هيج
غضب : يا اخي انه احبها واريدها ولو باخر الدنيا اخذها واتزوجها
ولك شلون تاخذها وهيه من غير محافضه ومن غير طائفه ابوك وجدك مايقبلون
غضب : الله يخليك الله يخليك ليث انت ساعدني ماكدر اعيش من دونها اموت والله اموت
ليث : مرحبا انه شيخ ليث الفارس من شمال البصره عايش بقريه وكلش احب منطقتي والمكان الي تربيت بيه اني الابن الاكبر للشيخ فهد الفارس عمري 38 سنه وبسبب شخصيتي وعقلي وفهمي وشهادتي اختارني جدي اصير بمكانه بسبب وضع الصحي الابوي وبسبب انو انه جبير اخوتي طبعا اني خريج قانون ودكتور جامعي وبسبب المشيخه تركت التدريس داخل الجامعه حتى اتفرغ بس عندي شغل خاص بيه عندي معارض سيارات ومزارع اغنام وابقار ودواجن وكلش احب هذا المجال احس بروحي وبقيمتي وباصلي رغمً مااني مثقف وخريج وعندي مكتبتي الخاصه بكتبي بس ابقى رجل شرقي وعندي عادات وتقاليد مااتخطاهن انه انسان كلش عصبي ومستبد وكلمتي متصير ثنين بصوت واحد اسكت الكل وماخاف من احد بس من الي خلقني اعز شخص عليا بالدنيا جدي لويطلب روحي انطيها اله هوه الي رباني وكبرني وعلمني كلشي اعرفه واخذت ذكائه بحيث احل اكبر مشكله بعشر دقايق عندي ثنين اخوان غضب وعلوان غضب عمره 35سنه ومامتزوج يحب وحده من الانبار ومتعلق بيها لدرجه الجنون ومنتضرها صارله عشر سنين من وهيه هم تحبه خريج هندسه وعنده شركه بمركز البصره
وعلوان اخ ياعلوان شالع كلبي شلع عمره 22 سنه وحيل متهور انه اخاف عليه كلش ومتابعه كلش حيل لدرجه حيس بيه مراقبه فيضوج مني هوه طالب طب مرحله رابعه
وعندي ثلاث خوات مياده ولجين ونور مياده متزوجه عمرها 34سنه وعدها ثلاث ولد اكبرهم 16سنه اسمه كرم ولجين ونور بعدهم منتزوجات وحده 20وحده 17سنه بعدها طالبه صف سادس وكلش مهتم الها حتى جيب معدل وتدخل الكليه الي تريدها
امي الشيخه قسمه روحي من الدنيا وحبيبه كلبي الي ما فضلها طلب ابد .
جدي عگاب : هلا بشيخ الشباب هلا بروحي هلا بسندي
ليث : هلا بيك جدي شلونك شخبارك مشتاقلك
شيخ عگاب : اي مشتاقلي وانت ماتدري عندي يجدي ملتهي بهالطاليب والشغل يمته تتزوج اريد اشوف جهالكً يبا
ليث : جدي عوف هاي السالفه هسه عندي شغل اهم وماجاي على بالي اتزوج هسه
الشيخ : دائما تتهرب من هاي السيره روح يبا روح
ليث : ضليت اضحك ورحت دخلت للبيت شفت امي بست راسها وايدها وصعدت فوك كتلها يمه لتصيحيلي على العشه ماريد راح انام حيل تعبان
قسمه : تدلل وليدي عمري انته نوم العافيه
صعدت نمت وكعدت على صوت تلفوني يدك بصوره موطبيعيه رديت وكلت الوو...
