رواية نهوة صقر كامله جميع الفصول بقلم جمانه السعيدي
اني صقر مواليد ٨٠ طولي ١٨٢ اسمر
يمكن اني اول واحد راح يكول على نفسه مو حلووو
اي اني مو حلووو اسمر وخشمي جبير ووجهي بي آثار حب الشباب وعيوني زغار
لكن عندي كلب ماكو منه احب اهلي وأصدقائي واساعد اي واحد محتاج مساعده بدون تردد
ولا حتى افكر بالمقابل
اني وحيد الاهلي عمري خمس سنوات واستشهد والدي بحرب ايران
بعد استشهاد والدي الدوله انطتنا قطعة ارض وسياره
وراتب
جدي يستلمه وينطي الامي
جدي متكفل بكل مصاريفنا
والراتب امي تشتري منه اشياء خاصه اليه والها
جنا عايشين بيت جدي بوقته بيت العائله
الي سماني صقر جدي ابو ابوي
بلبيت يصيحولي صكر
جمانه السعيدي
جدي هو الي تعب عليه بتربيتي وتعليمي كان ياخذني وياا
لأي مكان يروح فاتحه عرس فصل عشائري
ايكول اريدك تطلع زلمه معدل
علاقتي باامي اكثر من علاقة ابن باامه لان احنا مالنا غير بعض وكانما اصدقاء
على فكره امي مو جبيره من ترملة كان عمرها ٢٤ سنه
جدي عرض عليها تعوفني وتروح ترتبط وتشوف حياته
بس ماقبلت تعوفني
على هذا قراره وتمسكه بيه ورفضه للزواج كبرت هواي بعين جدي وكان يعامله احسن معامله بلدنيا
دوم يكله انتي بنتي مو جنتي
امي مو غريبه ابوها وجدي ولد عم
جنت دائما اتعرض للتنمر من ولد عمي يقلدون على شكلي
بس اني ولا بهمني عندي ثقه بنفسي عاليه
جدي هو الي عزز هاي الثقه بتعامله وياي
بتربيته اليه
حتى اذا رحنا نشتري ملابس يكول انت اختار الي يعجبك
بكيفك
واذا راد يشتري دشداشه لوصايه جديده اله
هم ياخذ رائي والي اكول علي يمشي
واذا كعدنا بديوان وصار حجي على اي موضوع
يكول انت شنو رائيك
ويخليني اكول رائي كدام الزلم
واذا سمع واحد يقلد عليه لو يتنمر شيخلصه من جدي
حتى ولد عمي كامو يخافون يحجون عليه
وخاصه اذا جدي موجودد
سنة ٢٠٠١ كنت مرحله ثالث كليه
كلية هندسه مدنيه
اني بطبعي مو هلكد احجي وياا البنات مو قلة ثقه بنفسي
ولا بشكلي لان البنات بكل الأوقات يدورن حلوين
بس اني ابد ماحسيت اكو وحده دخلت كلبي
البنات اهم شي عدهن المضاهر والشكل الخارجي
لان اني شكلي موحلو محد كانت تقرب عليه ولا اني حاولت أقرب على اي وحده
هذا الشي مايمنع اكو زماله بيني وبين البنات
كلام مايتعدا السلام لو سوال عن محاضره او امتحان
فقط الكلام مايتعدا هذا الشي
جمانه السعيدي
بيت العائله كان بي اني وامي وجدي وبيبي
وعمي يحيى عندا ولد ثنيين وبنيه
وعمي طاهر عندا اربع ولد
يعني ازدحام مو بيت
بهاي السنه عمي الجبير يحيى قرر يزوج ابنه لؤي
بس مستحيل يزوج بهذا البيت بيتنا بعد مايتحمل نفر زياده
الحمام علي سرا والصحيات بلدور ندخله
يعني ماكو مكان يزوج بي ابن عمي وهو كان يلح على موضوع الزواج بشكل موطببعي
جدي جمع عمامي ثنيبنهم وتفق وياهم كل واحد ياخذ حصته ويطلع يشتري بيت ويستقر
عمامي فرحووو بهذا القرار وين لاكينه كل واحد ياخذ حصته وبطلع
اصلا نسوانهم وحدا ماتريد الثانيه
البيت كله كانت تقوده امي الطبخ بكيف امي والخبز بكيف امي والترتيب والمشتريات
يعني البيت اذا بعوز خاشوكه اله امي توافق
هاي الصلاحيات جدي خوله عليهن
طبعا راح تكوولون عمامك ليش ولدهم شباب كبار وبعدهم عايشين بنفس البيت
بوقت صدام محد يكدر يطلع بيت اله الشبعان كلش
وهمه رواتبهم يله مشيتهم النص الشهر
وجدي كان متكفل باقي المصاريف النهاية الشهر
طبعا احنا جيرانه بيتهم كبال بيتنا ناس ساده كانو خمس عوائل بيت واحد لان وضعهم المادي صعب مايكدرون يطلعون كل واحد بيت
ضربتلكم مثل حتى تعرفون الأوضاع بذاك الوقت شلون جانت
المهم جدي قيم البيت باع قطعة ارض عندا بلريف
هاي القطعه كانت منتجه بشكل مو طبيعي وهي مصدر عيشتنا الاساسي
والفلوس قسمه بين عمامي ثنيينهم على شرط يكون بيت العائله باسمي
يعني كل واحد ياخذ حقه ويتنازل الصكر عن حصته بلبيت
جمانه السعيدي
عمامي وافقو لان هاي فرصه حتى يطلعون ويستقرون
كل واحد بيت
وهمه بعد يدبرون نفسهم
بقن عد جدي كم فلس خلاهن بلمصرف على أمل يكدر يكملهن ويشتري قطعة ارض حتلو زغيره
البيوت بهذا الوقت مو غاليه نفس هسه اذا بيت نص قطعه ١٥٠ متر بناء قديم يتحصل ٧٠٠ إلى ٧٥٠ الف
يعني حتى مو مليون
النضام السابق كان مسيطر على اقتصاد البلد
واذا بيت زين ومرتب وبناء حديث مليون او مليون وربع
واذا البيت قطعه كامله يعني ٣٠٠ متر سعرا تقريبا ٣ مليون
المهم عمامي كل واحد سحب سلفه من الدوله وكمل الفلوس الي عندا واشترا بيت
الكل كان فرحان بهاي الخطوه وأولهم عمامي وزوجاتهم
اله اني شكد ضجت لان البيت صار خالي علينا
بعد ماكان مزدحم بشكل مو طبيعي
والهوسه كابه طول النهار
اذا يوم عندي امتحان لو تحضير اطلع اشوفلي مكان واقرا بي
لان كلشي ماافتهم
بس من طلعو وفرغ البيت علينا كلش ضجت
حلوه اللمه حلوه العائله
يمكن اني لو عندي اخوان او خوات مااضوج ابد
بس لان وحيد وماعندي بس جدي وامي
جمانه السعيدي
امي بدت ترتب البيت ترتيب جديد اشترت صبغ وصبغت البيت اشترت اثاث جديد يعني شغلات بسيطه بس حلوه
بيتنا صار حلووو بس فارغ مابي حس على طول هادء
اما اني من اضوج اروح يم بيت عمي اتسلى وارجع للبيت
بهاي السنه عمي قرر يزوج ابنه لؤي الي كتلكم علي
وبدت تحضيرات العرس
جدي عندا اخ وحيد اسمه ماجد
اخو مزوج وعندا ولد وثنيين بنات بعد وفاة ماجد اخو جدي البنات ازوجن وابنه ازوج وحده من بغداد وستقر هناك كنا مانشوفه غير بلمناسبات
وحتى زوجته ماكانت تحضر مناسباتنا العاديه
اله مناسبه قويه يله تحضر
مثل عرس او فاتحه يله تحضر
يعني ولاده او تخرج او انتقال البيت جديد ماتحضر
بس عمي علي زوجه يحضر وحدا على كد العشى
ويرجع البغداد
احنا الصراحه شبه ناسينهم ومانذكرهم دائما لان تواصلهم وبانه قليل كلش
المهم جدي اتصل على عمو علي وأكد علي يجون كلهم للعرس
عائلة عمو علي زوجته وأبنائه صار اكثر من ١٢ سنه ماشايفيهم لان ماعدنا مناسبه قويه حتى يجووون
عمو علي أأكد راح يجون كلهم ويحضرون العرس
