رواية رماد انثي كامله جميع الفصول بقلم جمانه السعيدي
اني واختي الأبيض والأسود بهاي الدنيا
وحده عكس الثانيه
وحده ماتشبه الثانيه بلتصرفات والأخلاق والقناعه
اني مرام اني الجبير اني ممرضه اول ماانفتح معهد التمريض دخلت جنت بوقته مخلصه ثالث متوسط
ولأن الحاله مو تمام دخلت معهد تمريض حتى اساعد اهلي
رغم معهد التمريض اول ماانفتح الناس كله ماقابله علي
بس اني كنت اريد ادرس واخلص حتى اكدر اساعد اهلي
احنا بنات ثنيين اني مرام الجبير مواليد ٩٣
واختي هيام مواليد ٩٥
اني حنطاويه جسمي حلووو شعري كيرلي لحد نص ضهري
ملامحي عاديه بس شكلي حلوووو
والأهم من جمالي عندي قناعه مو طبيعيه
ارضى بكلشي حتلو شي بسيط
البس اي شي ولبس يبقى عندي حتى خمس سنوات
واكل اي شي حتلو خبز وماي
عندي قناعه مو طبيعيه
بابا الحد ماتخرجت كان موجود رجال بسيط يشتغل بكال
وامي أفقر انسانه على وجه الكره الارضيه
لو تكلليه الشط احترك اتصدك بيج
بيتنا كلش بسيط واثاثنا عادي
اما اختي هيام غيرنا وغير طبعنا وغير حياتنا
عبالك جايه من غير عالم
حياتنا ماعاجبته ووضعنا ماعاجبه اكلنا ماعاجبه
بيتنا ماعاجبه
ماانكر هي كلش حلوه حلوه حلوه
يعني بيضه عيوني عسلي على خضار رموشه طوال ومسحوبات جسمه انثوي بارز
شعرها اشقر داكن وسرح وطويل
يكولون تشبه بيبي ام بابا
اني مالحكت عليه ولا شايفته
جمانه السعيدي
جمال هيام ونظرات الإعجاب الي تلحكه ووين ماتروح هي سبب هاي المشاكل وسبب تمرده على عيشتنا
ونقده المستمر الوضعنا الي احنا عايشين بي
كل شويه وكالت
الي مثلي تعيش بقصر
الي مثلي لازم عدها خدم وحشم
اني ليش اقبل بهذا الوضع التعبان اريد اعيش حياتي وياا ناس تقدرني وتعرف قيمتي
وهي حتى بلمدرسه مو شاطره رسبت بالثالث متوسط وبطلت
ماتقبل تقرأ ولا تحب الالتزام
اضوج من كعدت الصبح تريد تبقى نايمه
ماتريد تشتغل لو واحد يصخرها
تريد تاكل وتنام
وتطلب اكل كون كله من المطاعم
طبعا احنا مو جوعانيين بس حالنا حال باقي الناس
تمن ومرك شوربه اي اكله ناكل والحمد لله
هي تريد تاكل اكل خاص
وين ماتطلع حتلو لابسه ملابس عاديه الكل يتحرش بيه
والكل يسمعها كلام حلو
والف واحد خطبه وهي بالثالث
بس هي تريد بيت وسياره وتريد واحد شبعان
كون يفرها العالم ويونسها ويصرف عليه
ماتريد واحد فكر
لو مستوى المادي عادي
جمانه السعيدي
اول مادخلن الموبايلات ابوي عندا واحد صرصور اشترا مستعمل ولا فه بلاستيك فلوس
من كد ماوكع وتكسر
واني اداوم بلستشفى هم تليفوني صرصور كلما اريد اشتري واحد اكووول لا بعدين
كنت استرخص نفسي واقبل بلقليل حتى لا اضايق اهلي
اما هيام اذا تريد شي تصمم علي ماتعرف ماعدنا
تبقى تتعارك وتسوي مشاكل منا لمن تاخذ الشي الي تريده
مات ابوي وتحولت المسوليه كله عليه
وراتبي مو قوي يله عايشين بلكوه
هيام..اريد تليفون حديث
مرام...منيين اجيبلج تليفون الراتب يله مكفينا
هيام...ولله مشكلتج
مرام...شويه قدري وضعنا
هيام...شنو اقدر وضعكم اني اريد تليفون لا ولله امشي بغير درب واعرف اجيب أحدث تليفون
مرام...تحجين صدك هاي تربيتنا اللج
هيام...باعي لا تبعين مثاليات براسي انتي مامسؤله عني
اني هسه طلبت تليفون
اذا الراس الشهر مااجاني تليفون وابو الكامرا
راح تكعدون الصبح ماتلكوني
الف واحد يتمنى اكون بيته على شنو متحمله الفكر هذا
مرام...منيين اجيبلج ماتشوفبن وضعنا
هيام...خلاص اني باجر اطلع اشوف شغل بس قسما بلله
اشتغل اي شي
اهم شي شغل بي هوواي فلوس فكري زين ورجعيلي خبر
مرام...حجت ذني الكلمتين ودارت وجه وراحت
هاي من كل عقله تحجي منيين اجيبله
هو اني عندي صرصور مكسر
ماكدرت انام بليل افكر بكلامه ابوي عافه امانه عندي
ومااكدر افرط بيه ابد
واعرف اذا طلعت برا الف واحد راح يفكر يستغله
بعدها زغيره وماتفتهم
وممكن اي واحد عندا فلوس وسياره يقشمرها
ثاني يوم سئلت على احد يبيع تليفونات بلقسط
اكو بنيه كالت اخوي يبيع
طبعا يحمل التليفون فلوس القسط ابو ٢٠٠ يبيعه ٢٧٥
ابو ٣٠٠ يبيعه ٤٠٠
لان قسط وافقت شسوي مابيدي حيله
اريد احافظ على اختي
وصلت للبيت لكيته تتعارك وياا امي لان امي طابخه مركة عدس اصفر وتمن الحصه
هيام...احنا شنو حيوانات كدامج يوميه عدس نريداكل بي حظ ناكل حالنا حال الناس
طبعا امي كلش فقيره وهذا الي مخلي هيام تصيح عليه
امي صابه الاكل وهي كالبه المواعين بلكاع
جمانه السعيدي
مرام....شبيج تخبلتي خوما تخبلتي منيين نجيبلج انبوك خوما انبوك
هيام...اذا ماتكدر توفرلي حياة حلوه ليش تخلف
مامجبوره اني اعيش هيج حياة
مرام...بست امي وكتله ميخالف حبيبتي بعدها زغيره وطايشه
امي...ماعدنا مسواك احنا نهاية الشهر وكلت اطبخ اي شي
منا لمن تستلمين الراتب
مرام...اني اليوم اتسوك راح اجيب من هذا ابو المخضر
وراس الشهر انطي
واجيب لحم من الاسواق
ميخالف حبيبتي انتي
مرام ...بدلت وكعدنا اني وامي ناكل
طلعت هيام من الغرفه لابسه بنطرون جينز وبدي ضيك
مبين كل تفاصيل جسمه
وخاله الشال على شعرها شلون مجان
مرام...ووين
هيام...اريد فلوس اروح اشتري لفات حتى اتغدا
مرام....ومنيبن اجيبلج فلوس احنا نهاية الشهر
هيام...فتحت جنطة مرام لكيت عشره والف وربع
سحبت العشره هاي فلوس راح اشتري وارجع
مرام.. وشلون اروح للمستشفى مشي ماعندي غيرهن
هيام...اي روحي مشي شبي المشي رياضه
طلعت وعافتني ولا دارتلي بال
كملنا غدا وغسلت المواعين ورحت تمددت
رجعت شايله جيس بي لفات دخلت غرفته وكعدت تاكل
مرام...اخاف اضغط عليه لا اضيع مني مااكدر اسيطر عليه ابد
جمانه السعيدي
مرام.... ثاني يوم رحت للدوام مشي ورجعت بلخط البنات طلبن اكل بلمستشفى واني كتلهن صايمه
البنيه الي وصيته على التليفون جابته واجت
اتفقت انطيه مقدمه من نستلم الراتب
مرام.. هاج هذا تليفون
هيام...شنو هذا كلاكسي صار موديله قديم
مرام....يمته دخلن التليفونات يمته قدمن
هيام...يله ماشي امشي بي اموري هلفتره
مرام...اخذته ودخلت غرفته حتى بدون شكرا
ثاني يوم جابت الرمز من الجيران وكنكت عليهم
مرام...اضطريت اتقرض من بنيه صديقتي فلوس لان المستشفى بعيد ومااكدر اروح وارجع مشي منا لمن استلم راتب
من جبت التليفون كمنا مانشوف هيام
لو على التليفون لو نايمه اني هم ارجع تعبانه اكل اي شي
وانام وبليل اكعد اتعشى
واغسل ملابسي وانضف البيت
وهي بغرفته امي تاخذله الاكل وتغسل ملابسه واتنضف غرفته
امي مستعده تسوي اي شي بس هيام تسكت وماتسوي مشاكل
