رواية زوجه ثانيه كامله جميع الفصول بقلم جمانه السعيدي
اني فاطمه مواليد ٨٢ اني بيضه كلش وطولي ١٦٥ باقي ملامحي حلوووه يعني شكلي مميز
احنا عايشين بأطراف المدينه منطقه شبه ريفيه
يعني عدنا ماي وكهرباء
بس منطقتنا زراعيه
اهلي وعمي نشتغل عد الناس بأجره يوميه
نشتغل بارض زراعيه
عمي هو الجبير ويشتغل سايق دركتر عد ناس أصحاب ارض زراعيه وابوي عسكري هاي بوكت حرب ايران
وعندي عمه وحيده بس هي وابوي وعمي
كلنا كاعدين بيت واحد
عمي مزوج وعندا اربع ولد وبنيه الي هي من عمري واسمها زينب
وابوي عندا اني فاطمه الجبيره مواليد ٨٢ واخوي علي مواليد ٨٤ واختي الزغيره مريم مواليد ٨٦
قصتي بدت واني بالرابع ابتدئي
امي جميله بشكل موطبيعي تخبل واحنا ماخذين جمالنا منها
هي بت عم ابوي
وابوي ماخذها عن حب
قبل الحب حقيقي لان البنيه تفتح عينه على زوجه ويكون هو أول انسان بحياته
يكوون الحب حقيقي وصادق
وامي مزوجه وعمرها ١٣ سنه يعني اول مره تجيها الدوره بيت زوجها
المهم واني بالرابع ابتدائي فتحت عيني الفجر على عياط امي كعدت خايفه
لكيت الناس ملتمه بيتنا وامي تعيط وتملخ بنفسه تملخ
حتى ملابسه شاكتهن وخدودها يجرن دم
حضنت اخواني وبقيت كاعده بمكاني واني مامفتهمه شنو صار بعدين عرفت انو ابوي استشهد
وعمي راح يستلم الجثه
امي ابد مابطلت تصرخ وتبجي ووجها كام يجري دم وصدرها
انزلغ من اللطم
للضهر يله وصلت
الجثه وشيعوها وامي نهارت فد مره عمتي وزوجت عمي يحاولون يهدونه وماكو
بعدين كامت وتريد تركض ورا التابوت وهي هذا حاله
اقصد يعني ملابسه مشككات وجها يجري دم
وزوجت عمي وعمتي وخالتي كوه لازماته
امي عوفني هو مايعوفني هو ماميت انتم وين ماخذينا
هي تعت بيهن وهنه لازماته كوه
لحد ما فحطت ووكعت اغمى عليها
ذبن عليها ماي وكعدنها
بس هاي كانت آخر لحضة اله ويه العقل
اي امي انجنت
صابها جنون على فقدان ابوي
بلفاتحه وهي ساعه تصرخ وساعه تهلهل وساعه تريد تنزع ملابسها وتطلع بلشارع
هاي كانت آصعب لحضات بحياتي
علما خلصت الفاتحه اني كانت مسؤليتي اراقبها واراقب اخواني لان بعدهم زغار
المشكله حالتنا الماديه ماتسمح نعالجه
قرر عمي ياجل علاجها بين ماتخلص معاملة راتب ابوي
ومن يستلم الراتب يعالجه بي
بدا عمي يمشي بلمعامله شهرين ونص يله كملت
وبدأ ينطونا راتب الشهيد
وطلع النا بيت جبير بلولايه الحكومه كانت كل شهيد تعوض اهله بيت وسياره تعويض
عمي اخذ السياره يشتغل عليهاحتى يعيشنا
وبدأ يستلم الراتب ويأخذ امي وتروح وياها عمتي ويراجع بيها للدكاتره
لكن شفاء تام ماكو كان علاجها مجرد مهدئات
حتى كوي كوها بس ماكو فايده
تحولت مسؤولية مراقبت امي عليه
بهذا العمر اني محتاجه امي تهتم بيه وتهتم باخواني
لكن اني الي اخذت مكان امي
صرت ام واني عمري سبع سنوات
اي اني ام لامي والاخواني
استلمنا البيت بلولايه منطقه حلووه البيت جبير وبناء حديث
بس الارضيه صبه ماكو كاشي وناقص بعض الاشياء
وانتقلت للسكن ويانه عمتي
وعمي وزوجته وجهاله
كانت اسؤ ايام حياتي
اصلا اني ماشفت اي طفوله اذكرها
بدت المدارس وبديت اداوم لكن من ارجع اسمع عمتي تتذمر من امي
لان امي تحتاج مراقبه طول الوقت
واخواني بعدهم مامسجلين مدرسه
بس اني جنت احب المدرسه واريد اتعلم على الاقل اتعلم اقرا واكتب
كنت محتاجه امي اسولفله تفاصيل يومي ومدرستي
محتاجه انام بحضنه واحس بالامان
لكن مجرد ما اوصل للبيت لازم استلم مراقبته
راح اكللكم جزء بسيط من الأشياء الي امي تسويها
تجمع المخاد وتشمرهن على الجوارين
لو تنزع ملابسها وتمشي مصلخه
لو تريد تطلع بلشارع بدون عبايه
لو توكف وتهلهل حتلو نص الليل
من عرفت اسم جيرانه تكعد تفشر على المريه وهي انسانه طيبه وحبابه بشكل
الراتب كله رايح للدكاتره عدنا امل تتعالج وطيب
لان هي عمرها زغير بلعشرينات
بس كل العلاج مابي فايده ابد
حالنا من سى إلى اسؤ
زوجت عمي قررت تعزل لان شغل زوجها يادوب مكفي عيشتهم
الصراحه حقها تصدكون ماعدها بس دشاديش اثنيين
ولله تلبس دشداشه قديفه بعز الصيف
لان وضعهم مايسمح والشغل قليل واحنا اجيناهم زياده
اخذت زوجت عمي غرفه وجوه الدرج تطبخ الجهاله
واحنا وعمتي النا غرفه وهول وصاله
بس عمي كل فتره اذا الله يرزقه يسوكلنا
يعني مسواك بسيط
بسبب علاج امي مرينا باصعب الضروف
يعني ناكل عدس لو روبه وتمن والصبح خبز وجاي
والعشى لونسلك بتيته لو نشوي بيذنجان
ماهمنا الأشياء الي ناكلها كان همنا الوحيد امي تتحسن
وتاخذنا بحضنه
استمر وضعنا من سئ إلى اسوء
مرآت اقاربنا يعطفون علينا بشوية اكل
اتلث سنوات واني بنفس ملابس المدرسه اداوم
ومرات خالتي اجيبلنا ملابس بناتها الزايده
البسهن واداوم بيهن
بلمدرسه البنات يضحكن عليه وعلى ملابسي
جنت كلش اضوج بس ماكو اي حل
اسكت وما ارد عليهن ابد
وصلت للسادس ابتدائي وقرر عمي بس انجح ابطل
لان صادفت ايام الحصار
والمصاريف ماتكفي
وعمتي تعبت من امي
الصراحه عمتي اكثر شي مضوجه فاتها القطار ومحد تقدم اله
يعني هي جان شكلها عادي كلش وكل البنات بعمرها ازوجن
وهي لسه ما اجت قسمته
خلصت السادس وكعدت بس اخوي علي يداوم ومريم اداوم صف اول حبيبتي
صرت ام لامي اغسل وابدل وانطيها علاجها واراقب تصرفاته
على العموم الجيران تعودوو على صوت عياطه
وعلى ضحكاته قصص وروايات عراقية كرار صلاح
ومرات تكعد تتعارك ويه نفسه بصوت عالي
عمتي شمرت كل المسوليه عليه
يعني اني الاطبخ وانضف واعتني بامي واقري اخواني
وهي كاعده طول النهار تندب حضه
وتندب القسمه الي تأخرت وما اجت
ايام صعبه كلش مرت عليه
بلاخير اني بنيه ومحتاجه الكه ناس تهتم بيه حالي حال باقي البنات
هذا المرار كله واني عمري ١٣ سنه
يمكن الي بعمري بعدهن يلعبن بلشارع
على فكره احنا عائله محافضه كلش الصلا والصيام واحنا زغار امي جانت وعمتي وزوجت عمي الكل لابس بوشيه
اني بلبيت لابسه دشداشه ردن وحجاب طول النهار لان ولد عمي ويانه بلبيت
حتى عمتي رغم ماكو احد محرم ويانه بلبيت بس لابسه
حجاب طول النهار
مرت علينا ايام صعبه الله لايراويها العبد مسلم
جان اهم شي علاج امي حتلو نبقى جوعانيين
لان اذا ماتاخذ المسكن
تهجم علينا ولاتنام ولاتكعد تلم الناس علينا بلصريخ والحجي والفشاير
كل يوم ادعي بلصلا الله يشافيه وترجع الوضعه السابق
ويتحسن وضعنا شويه
تعبنا من هاي الضرووف الصعبه كلش
حاولت اشتغل اي شغله حتى يتحسن وضعنا شويه
بس اني ما اكدر اعوف امي
اتصدكون بليل اقفل الباب مال الغرفه لان اخاف تطلع وما ادري بيه
جانت الايام تمر علينا طويله وصعبه
اخوي بعدا زغير يعني مومال يشتغل واخاف علي من الناس
ولد عمي بدو يشتغلون يدفعون عربانه بلسوك لو يبيعون علاليك
وصمم على يطلع وياهم ويشتغل بدا يدفع عربانه
بس جان الزغير يعني مايكدر يشيل جيس طحين
او دبة غاز
يعني اله اشياء خفيفه
مثل علاليك مسواك خفيف
يحصل شي قليل كلش
وبلمدرسه اني ما اقبل يشتغل لان يلتهي عن دروسه
