رواية مليكه كامله جميع الفصول بقلم جمانه السعيدي
مليكه اني مليكه اسمي مليكه بس كلشي مااملك بهاي الدنيا
حرفيااا مااملك شي....
لا ام ولا اب ولا بيت
وعيت على هاي الدنيا لكيت نفسي عايشه بيت جدي
جدي ابو امي
جدي وبيبتي همه الي مسئولين عني
جدي عنده ٣ ولد وبنيه هاي البنيه هناء امي
امي ثالث وحده
كان زواجه من بابا زواج تقليدي
والضاهر بعد الزواج ماصار بينهم توافق ابد
امي اول زواجه حملت بيه وكانت كل أسبوع زعلانه بيت جدي
اتازمت حالته الصحيه بسبب الحمل
وإهمال ابوي زود الوضع سوء عليه
الحد مااكتشفت ابوي يحب وحده عليه
وحده مطلقه وعدها ولد
اكتشفت هذا الشي قبل لا تولد بشهر واحد
زعلت بيت اهله منا لمن جابت
وكان هذا اليوم اخر يوم بحياته
اني اجيت للدنيا وهي طلعة منه
امي ماتت بسبب نزف حاد أثناء الولاده
وهبوط بدوره الدمويه هي ماتت واني انولدت
جمانه السعيدي
كانت فرصه ذهبيه بلنسبه البابا
شمرني على بيت جدي واني بعدني حتى مافاتحه عيوني
ولا سئل عني ولا اهتم الوجودي
وراح ازوج الانسانه الي يحبه
حتى الفاتحه ماحضره ولا كلف نفسه ياخذ العزا باامي
بس يكولون جدي ابو ابوي كان حاضر العزا
وتأثر حيل على امي
بعدين انتقل بابا هو واهله وعاشو بغداد
وهنا انقطعت كل صله الهم بيه
كلشي مااعرف عنهم ولا شي ولا اي معلومه
اني من النعمانيه قضاء تابع المحافظة واسط
المهم كبرت واني عايشه بيت جدي
اني مواليد ٢٠٠٠ طولي ١٥٨ سمره ملامحي حلوه
يعني عاديه بس حلوه شعري اسود سرح
دائما اكصه الحد كتفي ومااخلي يطول ابد
ومالي خلك ارتبه ابد
بيت جدي عايش ويااا ابنه الجبير ناظم عندا بنات ثنيين
وولد معوق
ناضم عسكري ضابط بلجيش العراقي
يعني اني عايشه وياا هاي العائله
بصفنا من جهة اليمين بيت خالي كاظم الي هو الثاني بلعائله اكبر من امي الله يرحمه
عندا ولد ثنيبن هاشم وسالم وبنات ثنيين ايمان وزينب
ومن جهة اليسار بيت خالي سعد الي هو ازغر واحد
عندا بنات اتلاثه وولد ثنيبن
ريهام ونرجس وسمر وعلي وحسين
جمانه السعيدي
كانت حياتي مخربطه مااعرف راسي من رجليه
يعني شبه عايشه حياة نفس حياة الولد
البس كله تراكات وبجايم وبدي
اي وحده من بنات خالي عدها ملابس زايده تنطينياهن
اي وحده عدها حذاء ماتريده اخذه
اي مكان اتواجد بي من هاي البيوت عادي
افرش وانام باي مكان بيت خوالي
واذا الكاهم ياكلون اكل وياهم
حياتي خربطه ومامنضمه ابد
جدي كان تاركلي حرية التصرف لان يتيمه ومايريد يضغط عليه
يكول كلما اشوفج اذكر امج
كنت مخربطه بشكل ومحد يعلمني على الترتيب
يخافون من جدي لان عصبي ويبقى يحجي عليهم
اذا سمع واحد مضايقني لو يحجي عليه
يكووول عوفوه بكيفه كافي محرومه من آلام الاب
مامعتنيه بنفسي ابد يعني اسبح وامشط وهاي هي
الصبح اغسل اسناني وخلاص
شعري دوم مفتوح مااحاول ارتبه اواغيره
اذا رحت البيت خالي كاظم او سعد والباب الخارجي مسدود
ماادك الباب
اصعد على الباب واطفر عليهم
حتى همه مامعتبربني بنيه
اي شغله عدهم يدزوني عليه للمحل للخياطه للصيدليه
هذا الكلام مو يعني جدي مايشتريلي
لا يشتريلي ملابس واحذيه بس ماتبقى عندي بسرعه تخرب لان حركه بشكل مو طبيعي
جدي يكوول سبحان الله انتي ولد الله خالقج ولد شلون صرتي بنيه ماادري
بنات خوالي يلبسن على الموديل ويصبغن اضافرهن
ومعتنيات بشعرهن وشكلهن
اله اني اخر اهتمامي اعتني بشكلي
يمكن لان ماعندي ام تعلمني
او احد يلح عليه اعتني بشكلي
حتى اتعارك وياا ولد الشارع واللعب وياهم طوبه
وللعب وياا ولد خالي اللعب وياا ولد خالي اكثر من بناتهم
جمانه السعيدي
وين اتعب باي بيت انام حتلو بدون فراش اتمدد على الكاع انام
الصراحه زوجات خوالي زينات
مايفرفني عن بناتهن حتى مرات يشترلي وياهن شغلات
بس بسيطه
جدي هو الي متكفل بكلشي يخصني
رغم هذا كنت أنجح كل سنه بس نجاح على الحافه
يعني درجاتي كله خمسينات
ومرات اطلع إكمال بدرس لو درسين اخر السنه وامتحن وانجح
بلمدرسه من سجلوني جدي اشترالي صدريه وقميص
رحت بيهن اول يوم
بس شنو مااعرف امشي بيهن ابد
رجعت من المدرسه وكتلهم لو اداوم بنطرون وبدي لو مااروح للمدرسه ابد
جدي راح وياي للمدرسه وشرح الوصع للمديره
ووافقت اداوم بنطرون وبلوز
حياتي هوسه ومااندل طريقي
جنت الشقاوه مال المدرسه
يعني اي عركه تلكيني بلنص
مااخاف من اكبر واحد واكتل حتى البنات الكبار بلمدرسه
منا لمن خلصت مرحلة الابتدائبه وبدت المتوسطه
بهاي المرحله كبرت
ولازم اصير بنيه لان بلغت صف اول متوسط
شكد كرهت هاي الشغله
كرهت الوضع الدوره الشهريه كانت ازمه بلنسبه اليه
بيبي ماتعرف بهاي الشغلات
واني استحي احجي بيهن
كنت نايمه وكعدت بطني توجعني كمت من الفراش
والدم كان واكع علي
زوجت خالي ناظم شافتني
زوجت خالي....شو خل اشوف
مليكه...جنت كلش خايفه ومااعرف هاي الشغله كمت ادور برجليه خاف مجروحه
زوجت خالي....لا تخافين عادي اني هسه اعلمج لا تخافين هاي الشغله طبيعيه وتجي الكل البنات
اخذتني غسلت ونطتني حفاضه خليت
كانت هاي اول ازمه نفسيه امر بيه
وهنا بدت مشاعر البنات تتفعل داخلي
حسيت شنو الفرق بين البنيه والولد
