رواية عوده مستحيله كامله جميع الفصول بقلم جمانه السعيدي
اني نسرين مواليد ٩٠ اني الثالثه بين اخواني ولد ثنيين
علي وحيدر واني وهدى ازغر وحده
طولي ١٦٠ حنطاويه عيوني حلوات صاحبت خدود
جسمي مليان انثوتي طاغيه
عمري عشرين سنه واني صف سادس
صديقاتي وصلن كليه واني منوره بالسادس
هاي السنه الثانيه اعيد سادس
وراسبه سنه بالثالث متوسط
احنا من مركز محافظة الديوانيه
اني مو هلكد عندي واهس بلدارسه
بس مااريد اترك المدرسه لان بس اتركه يزوجوني لابن عمي واحد عطال بطال
جمانه السعيدي
اكثر شغله يبقى بيه اسبوع ويبطل
بس لازكلي واني خاله حجتي المدرسه
بيت عمي عائله جبيره كلش وزوجت عمي هي الحاكم الناهي بلبيت
ووضعهم المادي تعبان يعني يردون ياخذوني بلوشي
اي ابن عمه وين تلكه مثله يحبه ويريد خاطره
بلكت على عينه يشتغل
الرزق يجي على عين المره
كله حجي يردون يكربسونه براسي
وابوي حجي عدنان كلش يحب اخووو ومايرفضله طلب
حتلو اني كنت الضحيه بهذا الموضوع
ابوي يكول الفقر مو عيب ابن عمج احسن من الغريب
واحنا راح نسد النقص بحياتج
والحياة مو بس فلوس
جمانه السعيدي
كله هذا حجي اني اكره ابن عمي ومامستعده أخوض هاي التجربه وازوج واكعد انتضره يتغير
الاعوج يبقى اعوج
بعدين ابوي مادايم اليه اذا صارو عندي اطفال
وين انطي وجهي ووين اروح
ايجوز نكعد نجدي اني وياهم
جمانه السعيدي
واكو سبب ثاني محد يعرفه بس اني اني احب
اي احب ولد
اسمه وليد جاي المركز المحافضه يدرس
يوميه اشوفه بطريقي
طبعا هو أول سنه كليه
من بداية السنه وهو ينتضرني ويسمعني كلام حلو
اول مره شفته بيه كنا نعبر الشارع اني ويااا
اخر الشارع بعد ماعبرنا سياره فاتت اكو مي بلشارع
طفر على ملابسنا بسبب هاي السياره
اثنيبنه انزعجنا وبقينا نحجي على السايق
هو يباوع عليه ويكول شلون اروح للدوام
واني ماعوزي بس ابجي من هذا الموقف الزباله
بعدين اني كلت راح ارجع للبيت
وهو كال ارجع البيت خالي ابدل ملابسي
اجينا نرجع نعبر الشارع
للنص واجت سياره
وليد اوكفي ديري بالج شنو السالفه الدنيا راح اطير شببهم السواق اليوم مستعجلين
وكف بصفي وفتح ايده حتى اني هم اوكف خاف تضربني
السياره
بعدين عبرنا هو يمشي كدامي واني امشي ورا
كل شويه وكال استغفر الله
اخير شي التفت عليه وكال شنو هذا المصباح الحلو
وياها ابتسامه عريضه
ماكدرت ماابتسم رغم اني كنت كلش منزعجه من هذا الموقف
جمانه السعيدي
رجعت للبيت وبعد مارحت للدوام بيومه
بس مااعرف ليش بقيت افكر بي
ثاني يوم نفس المكان عبالك منتضرني
عبرنا سويه وهو كل شويه عينه عليه
ثالث يوم اني وصلت قبله اجا يركض وكانما يريد
يلحك بيه
وصل وهو يلهث
وليد صباح الخير همزبن لحكت اجيت اركض
اني مارديت لان اكو بنات وولد هواي بلشارع
واكو بنات ثنيبن جيرانه
خفت يشوفني ويحجن الاهلي
عبرنا وبقه يمشي بصفي وكل شويه يشمر حجايه عليه
كمت احب المدرسه من ورا
اكره يوم العطله والاجازه لان مااشوفه
الاسبوع الي بعده وصلت قبله وبقيت امشي على كيف اريده يجي
وصل بس شافني ابتسم
واني هم ابتسمت
وليد صباح الخير
نسرين حجيت بصوت ناصي صباح الخيرات
وليد اني وليد مرحله أولى كليه تربيه
نسرين واني نسربن
وليد اعرف اسمج سمعت صديقتي اصيح باسمج
وليد انتي منا
نسربن اي
وليد اني ضيف عليكم اني ساكن بيت خالي علمود الكليه
اهلي بعد ساعتين ونص بلسياره
نسرين مشيت بعيد عنه والتفت اشرتله بحركه سريعه بايدي باي ومشيت
كل يوم اروح من وكت حتى نكدر نحجي سوا
كانت هاي اللحظات القليله اسعد لحظات حياتي
وكل عاده مشغوله عن الدراسه ملتهيه افكر بوليد
مرتين اخذتله وياي كليجه من اروح
اهلي متوقعين اخذها الصديقاتي
ومره اخذته خبز عروك
كل يوم يسئلني ليش ماعندج تليفون اريد احجي وياج
التليفونات بوقته ستوها داخله
واحنا عدنا ممنوع التليفون بلبيت
بس ابوي وخواني عدهم واحنا البنات لا
جمانه السعيدي
استمرت علاقتنا نحجي كلمتين بلشارع على الماشي
شكد طلب مني يشوفني بغير مكان بس رفضت
ولله لويعرفون اهلي احجي ويااا اله يذبحوني
بس صديقاتي المقربات عرفن كلشي
لان مبين علينا نضراتنه فضحتنا
ونحجي سوا
صديقاتي هنيالج وهنيالج حلو ومرتب وطالب كليه
ونفس عمرج
الحد ما طلعت بنص السنه ناجحه بدرسين وبس
وباقي الدروس كلهن راسبه بيهن
عود اني عايده السنه
جمانه السعيدي
وهنا اهلي كلهم هجمو عليه
خوب امي لعبت لعب بيه
المن يوميه رايحه وراجعه كدام الناس
اكعدي واسكتي هاي السنه الثانيه وانت راسبه
طبعا امي الها غايه اني كلش شاطره بلطبخ والتنظيف من ايدي وبس
تريدني اكعد حتى تشمر كلشي براسي
ابجي واتوسل بيه يمه فدوه هدي الوضع لاابوي واخواني يسمعونج
ابد بعد المدرسه انسيه مااخليج ترحين
زعلت وكطعت الاكل ابوي حن كلبه عليه
كال اللج منا الاخير السنه لو تعدلين درجاتج وادخلين بكلوريا لو انسي المدرسه بعد ماتشوفينه بعيونج
فرحت همزبن راح اشوف وليد مره ثانيه
طلعت لكيته منتضرني
بس شافني ضحك وفرح حيل
وليد.. يمعوده وينج ضل بالي عليج
نسرين .. اهلي يردون يبطلوني لان طلعت راسبه
وليد لا لاتكولينه
نسربن صار يومين ابجي وبدون اكل يله بابا سمحلي ارجع للدوام
وليد شدي حيلج شويه
نسرين لو مو أشد حيلي مستحيل انجح السادس صعب
وليد وبعدين
نسرين اكيد مصيري للطبخ والتنضيف ويزوجوني ابن عمي التحفه
وليد تزوجين
نسرين....منتضرني من الفكر محد تقبل بي بس اني
واني اريد المدرسه حجه حتى اخلص منه
وليد اني احبج واريد اخطبج
بس مامتوقع ابن عمج هيج كاعدلج كعده
نسرين ...اني هم احبك وخفت بعد مااشوفك اذا عفت المدرسه
