رواية ضلام قاتل كامله جميع الفصول بقلم جمانه السعيدي
اني جنه مواليد ٨٥ طولي ١٦٥ حنطاويه عيوني حلوات
خشمي عدل صاحبت شفايف سنوني حلوات
كلشي بيه حلوه
بس عندي عيب واحد دمر حياتي
كل البنات الي بعمري ازوجن وصار عدهن اطفال واني بعدني بسبب هذا العيب
عمري ٣٠ سنه واني يوميه يعيروني بهذا العيب
المشكله ماله حل
او محد يساعدني اتخلص منه
بلعكس الكل يعريني بي
مع انه عيب ولادي واني مالي دخل بي ابد
اني انولدة واني عندي عيب ولادي اكو وحمه جبيره بخدي
الوحمه حجمه على كد خدي كله
ولونه اسود بحيث مشوه وجهي كله
وجهي صاير نص اسود ونص ابيض
كنت من اروح للمدرسه البنات كله تتنمر عليه
ويضحكون على شكلي
فعلا حقهم اني شكلي مو حلوووو
اكو يصحون عليه ام وجه الأسود لو المحروكه
ابقه ابجي واني اسمعهن لان مابيدي شي ابد
بعمر عشر سنوات امي ماتت بلمرض الخبيث
وعشت اسوء ايام عمري من بعدها
بعد وفاة امي بسنه وحده ازوج بابا
ازوج وحده كل رحمه ماكو بكلبه
اول شي سوته بطلتني من المدرسه بس خلصت سادس ابتدائي
شكد توسلت بيه هي بابا اريد ابقه بلمدرسه
بس ماقبلو ابد
وخصوصا هي شهرين وحملت وبديت اتحول إلى خدامه بهذا البيت
كلشي براسي وهي كاعده
ياريت اكو حمد شكر على الشغل
لا تكومني وتكعدني ام وجه الأسود
من الصبح لليل اركض واكرف
وهي ماعاجبه ابد من اطلع اذب الزباله واشوف البنات بعمري لو رايحات للمدرسه لو جايات اموت من القهر
على نفسي
اني ماالومه ألوم ابوي الي تحول انسان ثاني مجرد مادخلت زوجته الحياتنه
نسا اني بنته ويتيمه
بلعكس كان يقويه عليه
واذا تشتكي مني كبل يكتلني بدون مايسئلني صدك كلامه لو كذب
صار عندي اخوان من زوجت بابا
٢ ولد وبنيه
كلهم يغلطون عليه مثل امهم ويصيحولي ام وجه الأسود
ويضربوني ويتفلون بوجهي
امهم تشتريلهم اشكال واللوان واني اباوع بعيني وساكته
يعني كل واحد تشتريله لبستين واتلاثه
واني لبسه وحده وبس
كل واحد ياخذ مصروف شكد مايعجبه
واني من اطلب مصروف
تكول شسوين بي انتي لا اطلعين ولا ادخلين
همه مدارس ويأخذون مصرف
اي صح هم عدهم مدارس ونست اني هم جنت بلمدرسه وهي الي خلتني اعوفه
حتى اخدمه وهي ترتاح
جمانه السعيدي
مااسولفلكم على حياتي كانت اصعب حياة
بليل ابقه ابجي منا لمن انام
كبرت واني نفس الشي نفس وضعي ماتغيررر ابد
كل البنات الي بعمري انخطبن وزوجن
واني ولا واحد دك الباب عليه ابد
زوجة بابا كانت حتى بهاي الشغله تعيرني
اي كل البنات ازوجت وام وجه الأسود مكابلتني وكاعده
منو ياخذه منو ميت على وجه يصابح بي
هذا الكلام مو بس يضوجني لا يخليني اكره نفسي
يعني اني هسه لو وجهي طبيعي على الاقل ازوج حالي حال البنات
واخلص من هاي العيشه المره
اكو مثل قديم يكول اكل مر واشرب مر ولا تعاشر المر
هاي مو حياة جحيم
اذا حجيت لو ماقبلت على شي
بس يجي بابا راسا تكبر الموضوع وتزود علي حبشكلات
بحيث احصل كتله مو طببعيه
اتندم على الساعه الي حجيت بيه
ماكان كدامي غير اخلي عيني بعين رب العالمين وادعي يخلصني من هاي الشده
جمانه السعيدي
المشكله اخواني يقهروني بلزايد
اذا امسح يجبون ماي عصير ويشمرون
اذا احجي يلتمون عليه يكتلوني وارجع امسح من جديد
يعني ضلم لا ينوصف ولا ينحجي عنه ابد
بهذا الموضوع ماقاهرني غير ابوي
اشوفه يشتريلهم ويجيبلهم ويدور خاطرهم
زبن اني ليش لا
اني مو بنتك حالي حالهم
جمانه السعيدي
ترا ٣٠ سنه هواي عليه عشت بس عشر سنوات منهن مرتاحه من جانت امي موجوده
وعشرين سنه عذاب والم وحسره
اعتب على رب العالمبن لا اني بنيه مثل البنات
مامشوه وجهي
وهسه مزوجه ومرتاحه
ولا امي بقت عايشه حتى اعيش حياة حلوه حالي حال باقي البنات
النوب الكلام الي ينزل على كلبي مثل السم
الكل يصيحلي ام وجه الأسود
كم مره ومره حاولت انتحر واخلص
اكيد محد راح يضوج عليه اذا متت ابد
جمانه السعيدي
بلعكس يخلصون مني
اني ارتاح وهمه يرتاحون مني
بس مااكدر قرار الانتحار صعب عليه
والحياة بهذا البيت اصعب اكثر
اتخيلو حتى من ادخل للحمام اسبح
يضلون يصيحون عليه
اطلعي ام وجه الأسود لو تسبحين سبعين مره
مايتغير حالج ابد
انتي ام وجه الأسود ماغيرج
كلامهم تأثيره على نفسي أقوى من الضرب الف مره
حرت وبن اروح وشسوي بنفسي
ماليه احد غير رب العالمين
الي يخلصني من هاي الشده
وبدزلي ابن الحلال الي يطلعني من هذا البيت
واعيش حالي حال باقي البنات
