رواية سراب كامله جميع الفصول بقلم جمانه السعيدي
سراب مواليد ٩٠
طوالي ١٦٥
حنطاويه ملامحي هادئه وحلوه
جسمي حلو مرتب لا سمينه ولا ضعيفه
اني وحيده عد اهلي لا عندي اخ ولا اخت
ابوي رجال كاسب وامي ربت بيت
اني انولت بعد ٣ سنوات من زواج امي وابوي
بعد عدت محاولات للحمل فاشله
بعدها ماما ماصار عدها حمل
هي ماكانت تريد اطفال من بابا لان وضعا المادي ماعاجبه
امي كلش حلوه وتحب تعتني بنفسه
ومغروره تتكبر على بابا وتحسسه بلنقص
رغم اهله حالتهم الماديه كلش تعبانه
يعني لابت عز ولا دلال
بس دائما تحجي على بابا
ابد ماعاجبته العيشه
زواجهم كان زواج عادي يعني بيبي خطبته البابا وهو حتى ماشايفه
بابا من ازوجه حيل تعلق بيه وحبه حب ماله مثيل
وهي كانت تستغل هذا الحب وتضغط علي
جمانه السعيدي
بطلباته وكل شويه زعلانه بحيث بابا تعب حيل منه
دائما كانت تعيره بلحاله الماديه
وتكول اني استاهل واحد يددلني واعيش بقصر
شنو هاي العيشه
احنا نسكن بيت بسيط وحتى الاثاث بسيط
بس اهم شي البيت ملك بااسم بابا
حياتنا ماكانت مستقره بسبب امي ومشاكله
كنت احس بابا على طول مهموم
وماعندا هم بلدنيا غير يرضي امي وكل شويه يصالحه ويتوسل بيه حتى ترضى
وهي ابد ماعدها احساس
كلما تحسه يحبه تضغط على اكثر
بدا بابا يتعب وبين على الهم لان كلشي يسوي ماعاجبه
ولا راضيه علي
تخلص النهار كله اتنك على راسه وتقلد علي وعلى عيشته
اني كنت اضوج من امي ومن تصرفاته واحاول اواسي ابوي بعد كل مشكله
الحد ماخلصت الثالث متوسط
بيوم كعدت امي من الصبح ماكو على السانه غير طلكني
امي....لا اني بعد مااكدر اتحمل اكثر طلكني
بابا...الله يستر ليش تكولين هيج
امي...طلكني انت هم حاسب هاي عيشه احنا عايشينه
بابا...انتي طلبتي شي وماجبته اللج حتى جاي اتقرض
حتى اجيب طلباتج
خافي من الله اني الي تعبت
ماما...وشنو جابرك طلكني وكلمن يروح بطريقه
بابا...شنو اطلكج عدنا بنيه عمرها ١٥ سنه
انتي بعد مو زغيره شنو اطلكج
ماما...اذا ماتطلكني اكتل نفسي انت شنو ماتفهم
اريد اعيش حالي حال الناس
سراب....بابا حيل انفعل وطلع من البيت عصبي حتى ماتريك
بعد ساعه من طلعته من البيت اتصلو علينا بابا تخربط بلشغل ونقلو للمستشفى
رحنا اني وماما للمستشفى
وكانت حالة بابا مااطمن حالته صعبه
ضاربته جلطتين بوقت واحد
امي كانت واكفه بس مامهتمه الحالته ولا خايفه علي
كانت تكول
خل يموت حتى اخلص منه
للعصر يله بابا كدر يفتح عيونه
ماما...الحمد لله على سلامتك
بابا..بس هز راسه مايكدر يحجي
اصلا الدكتور كال لحد يزعجه لان حالته مااطمن ابد
ماما....اسمع ابو سراب انت كلش تعبان
والدكتور يكول حالتك مااطمن واني وحيده ومالي احد
بهاي الدنيا بعدك
اريدك تسجل البيت باسمي كلشي يصير بلدنيا
باجر يطلعون اخوانك اخواتك
اني مره وحيده اريد اضمن حقي
جمانه السعيدي
سراب...باوعت بابا غمض عينه ونزلت دمعه الله يساعده
وهو حالته متئزمه وتعبانه ومحتاج احد يرفع معنوياته
وهي اطالب بلبيت
سراب...مووكته هذا الحجي خلي بابا يصير زين
اسم الله علي انشاء الله يتحسن ويكوم بلسلامه
امي...اس انجبي لا تفتحين حلكج انتي شنو فهمج بهاي الأمور مااسمع صوتج فهمتي لو لا
اجن عماتي وعمامي يشوفونه وامي ثكلت وجها عليهم
حتى لا يجون بعد
ثاني يوم جابت محامي واجت
بابا كان نايم
امي...ابو سراب هذا اامحامي اجا اريد تسويلي توكيل بيع شرا حتى أحول البيت باسمي
بابا كان نايم وهي تكعد بي
رجعت عادت الكلام علي منه ثانيه
فتح عينه ومايكدر يحجي بس عيونه بيهن حزن موطبيعي
سراب....امي اشرت للمحامي احجي
المحامي...تكدر توقع او تبصم على هذا التنازل الزوجتك
امي..مايكدر يوقع جيب المحبره اني ابصمه
طلع المحامي الاوراق وامي اخذت اصبع بابا وخلته على المحبره وبصمته على الاوراق
بابا غمض عيونه ونزلت دموعه بس بعد مافتح عينه ابد
كانت هاي اخر دمعه نزلت من عيونه
امي بس بصمته راسا طلعت تتفق هي والمحامي
واني قربت على بابا حسيته مايتنفس
خليت راسي على صدره كلبه ماينبض
هزيته بابا بابا مارد عليه ابد
طلعت اركض برا لكيت امي واكفه تحجي وياا المحامي
سراب..ماما الحكي بابا مايتنفس
مااهتمت الكلامي ابد ولا دارت بال وبقت تحجي وياا اامحامي
اني عفته ورجعت للغرفه لكيت الممرضه طالعه من الغرفه الثانيه
سراب...فدوه تعاي شوفي بابا مايتنفس
اجت وياي الممرضه
فحصته كالت هذا ميت راسا طلعت من الغرفه
شويه ورجعت وياها دكتور وممرض ثاني
امي من شافتهم اجو رجعت للغرفه
الدكتور فحصه وحاول ينعش القلب بس بدون فايده
بابا مات ودمعته على خده
حزين ومقهور من تصرفات امي
جمانه السعيدي
سراب...امي من سمعت الدكتور كال البقاء لله المريض فارق الحياة
كانت ردت فعله جدا عاديه
حتى الدكتور نفسه والكادر الطبي متعجب من تصرفاته
اني حضنته وكمت ابجي
بابا انسان حنيبن وطيب وبعمري ماسمعني كلمه مو حلوه
امي اتصلت بعمامي اجو تكفلو بلدفن
بالفاتحه اتعاركت وياا عماتي وطردتهن كدام الناس
امي كانت تخطط تعيش حياته مثل ماتريد بدون مايدخل
اي احد من اهل بابا
فعلا الي رادته صار
عمامي وعماتي ابد ماحاولو يتواصلون ويانه بعد وفاة
بابا
امي ماحزنت ولا يوم على بابا
ولا كانت تذكر العشره الطيبه
رغم بابا كان انسان حنيين وبعمره مازعله
هي الي كانت تخلق المشاكل وتزعل
وهو يسوي المستحيل حتى ترضى ابد مااكدر انسى منضره وهو دمعته على خده
شكد حقدت على امي لان ماغزر الطيب بيه
