رواية معالج الروح كامله جميع الفصول بقلم جمانه السعيدي
معين اني شاب اعمل معالج بمجال العلاج الطبيعي
اني مواليد ٩٠ شاب ماينقصني شي طموح وشاطر
طولي ١٧٥ حنطاوي جسمي رشيق
عيوني عسلي شعري سرح اسود
الحمد لله الكل يحمد بااخلاقي
الشي الي ماكدرت احصله بطفولتي احاول انطي الكل الناس
اني ماحصلت اهتمام كافي من اهلي من جنت زغير
بعمر سنه وحده انفصلو امي وابوي
امي اخذتني ورحنا نعيش بيت اهله
اني جدي متوفي باقيه بيبي وعندي خوال ثنيين وخاله وحده
خالتي اكبر من امي مزوجه ابن عمه عدها اولاد ثنيين وبنيه
ابوي غريب مو من اقارب امي ولا حتى من عشيرته
كان زواجهم زواج تقليدي
وابد ماتراهمو حسب كلام امي وبيبتي
امي كان عمرها ٢٨ سنه من ازوجت ابوي
ابوي كان منفصل قبل لا يزوج امي ولمن تقدم الامي
الكل كال ماكو منه وشاطر ويشتغل
بس هذا الكلام طلع كله جذب
عصبي وانتكالي ويذمر هواي وخاصه على امي
لو اي شي تسوي يحجي عليه
وماعاجبه العجب
مابقت وياا غير ٣ سنوات سنتين قبل لا انولد وسنه من عمري ونفصلو
ابوي من انفصل عن امي ابد ماسئل عني
ولا كان مخليني بحساباته
اصلا سافر الغير محافظه حتى لا يدفع نفقه وضيع عنوانه عن امي حتى ماتكدر توصله لو اطالبه باي شي
رجعنا البيت جدي
نسوان خوالي ماعجبهن الوضع مشاكل وياا امي
واني وجهال خالي دائما نتعارك
بيبي كانت اضوج على امي حيل
بس هم ماتكدر تحجي لان خوالي صعبين حيل ابد ماتقبلو فكرة طلاك امي ورجعته للبيت
من صار عمري سبع سنوات
تقدم شخص الامي جمانه السعيدي هذا الشخص اكبر من امي ب١٥ سنه
مزوج وعندا ابناء بس ارمل
بيبي وكانما ماصدكت راسا وافقت تريد تبعد امي عن أجواء هذا البيت والمشاكل المستمره
رغم خوالي ثنيينهم عارضو لان جبير وعندا عائله
وأهم شرط عنده مااريد ابنه ومااتحمل مسوليته
خوالي ماوافقو لو ياخذه هي وابنه لو يعوفه فوك ماجبير وعندا ابناء هم يشرط علينا
بس بيبي صممت علي
وكالت معين يبقى عندي اني اربي
كانت دايره حرب بهذا البيت على زواج امي
امي وبيبي موافقات وخوالي رافضين
بلاخير خوالي وافقو لان بيبي زعلت عليهم
وكانت تكول
بيبي..انتم ماتردونه ونسوانكم ماتريده عوفوها تزوج
وابنه اني اتحمل مسوليته
تمت الموافقه على هذا الزواج وبدت امي تستعد
كنت بوقته افتهم بس مامستعوب امي راح تعوفني
وخاصه هي كل شويه تحضني وتكول اني راح اجي اطمن عليك واجيبلك اللعاب
وكلشي تريده
ماانسا يوم عرسه ابد كلما اذكر هذا اليوم كلش اضوج
عافتني وطلعت واني دمعتي على خدي
حسيت نفسي اكرها بهذا اليوم لان مارجعت مسحت دمعتي واخذتني بحظنه
عادي عافتني ابجي وطلعت
بيومها خالتي اخذتني وياها البيتهم
لان بيبي راحت وياا امي البيت زوجها
شكد حاولت خالتي تسكتني بس اني ماكدرت اسكت
اشترتلي حلويات
انطتني بايسكل ابنه العبي بي بس اني قافل كلش
ليش امي تعوفني
بهاي اليله نمت بيت خالتي
قررت الصبح بس خالتي تاخذني الامي ابقه يمها
وماارجع البيت بيبي
بس خالتي الصبح ماطلعت من البيت
معين...خاله يمته نروح الامي
خالتي...انت ماتروح الامك العصر اخذك البيبي انت بعد صرت جبير وتفهم امك ازوجت
معين...يعني شنو بعد مااشوفه
خالتي ...من تجيكم للبيت تشوفه
معين...بس اني اريد اروح ابقه يمها اني سمعت عدهم ولد وبنات اللعب وياهم
خالتي...ولد وبنات كبار مو بعمرك بعدين زوجها مايقبل
معين..بس اشوفه
خالتي....العصر نروح البيبي ونشوف تقبل تروح عليه لو لا
معين ضجت اكثر من قبل شنو بعد مااشوف امي
رحت كعدت بلغرفه وكمت ابجي
ليش اني من دون الاطفال لا ام ولااب
هاي خالتي شلون حايره بجهاله ليش امي ماتريدني
اكيد تحب زوجها اكثر مني
لو ماتحبه ماعافتني علموده
عقلي بوقته يكلي امي صار عدها جهال غيري
راحت تهتم بيهم وبعد ماتريدني
للعصر خالتي رجعتني بيت بيبي جمانه السعيدي طلعت بيبي رايحه الصبح مطمنه على امي وجايه
بيبي بس شافتني حضنتني حيل
بيبي...هله بوليدي مشتاقتلك
معين...اريد امي
بيبي..انس امك اني امك بعد
معين...اريد اروح ابقى يمه
بيبي...وتعوفني شلون تعوفني غير اني بيبي
معين...لا مااعوفج هم اجي اشوفج
بيبي...لا عيب انت ولد جبير عيب تروح عليه كم يوم واخذك تشوفه وترجع وياي
تقريبا ٣ ايام بعد زواج امي وبيبي اخذتني اشوفه
اول مادخلت وشفته كانت لابسه ثوب وري ومكيجه وتضحك اني راسا ركضت حضنته وكمت ابجي
حسيته مرتاحه بحياته الجديده
وهذا الاحساس عزز شعور بداخلي ضوجني
امي مرتاحه يعني بعد ماترجع وماتريدني
كمت ابجي
امي...ليش تبجي حبيبي احد ضوجك
معين...لا اهي اهي اريدج
امي...اي اني وين رايحه اني اجيكم واجيبلك هدايه والالعاب لا تبجي
كعدتني بحضنه وجابتلي جكليت
بعدين بقت تسولف وياا بيبي الحد مآ ردنا نطلع
لزمته من ايدها وكتله اريد ابقه اليله يمج
امي...لا وين تبقى يمي روح وياا بيبي واني اجي اشوفك
بقيت لازم ايدها حيل واتوسل بيه بس ماقبلت ابقى يمه
رجعنا للبيت واني الطريق كله ابجي
حسيته ماتريدني
حسيته تغيرت عليه
يمكن تحب حياته الجديده اكثر مني
بعد هاي المره اني مارحت البيت امي ابد بس هي كانت تجينا كل عشر ايام بعدين كل اسبوعين تجينا مره
حبلت وجابت بنيه
من تجي مهتمه بته وتوكله وتلبسه وماتقبل توكع بلكاع
صح هي اختي بس اني كنت اضوج
ليش اني ماتنطيني هذا الاهتمام
اما وضعي الجديد بيت خالي بدون امي
كان وضع كله اذلال محسسيني همه مستحمليني كوه
وكانما عايش بمكان مو مكاني
لاتحجي لا يسمعك خالك
لاتضرب ابن خالك لان خالك مايقبل جمانه السعيدي رغم همه يضربوني
لا اطلع صوت من تلعب
اسكتي لا تحجي
اشوف جهال خالي امهم تقريهم وتلعبهم
واذا صاح ماما ترد علي هاا حبيبي
واني مالي غير بيبي
الي اغلب وقته نايمه ولا تعرف تقرا حتى تقريني
زوجت خالي اجمع الزباله تترس السطله
ابنها يكله اشمرها برا تكله لا معين معين يطلعه ثكيله عليك
اذا عدهم شغل يدزون معين
واذا صارت مشكله معين السبب
معين مامتربي معين مستهتر
بس بااي شغل لازم معين يكون أول واحد
من كمية القسوه هاي قررت انجح اعتمد على نفسي وانجح
لازم أحقق نفسي
لازم احضن نفسي بنفسي
لازم الكل يعرف اني مو قليل
واكدر اكبر واصير شي
