رواية زواج حياة كاملة جميع الفصول بقلم جمانه السعيدي
اني حياة بنيه من الريف مواليد ٩١ تحديدا انولدت
بليله الي بدو بيه الامريكان يقصفون العراق
طبعا اهلي يحجولي عن هاي اليله
كهرباء ماكو والماي ماكووو
والجده امجيبه امي على الفانوس
خالتي لازمه الفانوس وامي تصرخ والجده تحاول
تخلي عملية الولاده سهله
وابوي برا رايح جاي قلق كلش على امي
على فكره اني البنت الأولى والوحيده للعائله
على العموم امي تكول اطلك من الضهر
ولان الولاده الاولى كانت كلش صعبه
مامتوقعه هذا الوجع كله
اول مااجيت اني للدنيا خالتي طلعت فرحانه تبشر ابوي
بس ابوي كان همه الوحيد امي تطلع سالمه
جمانه السعيدي
خالتي تكول من كتله مبروك اجتك بنيه
كال اهم شي سليمه زينه كان خايف على امي هلكد ماسمعه تصرخ تعرفون اول مره يسمع وحده تصرخ بسبب الولاده
كان خايف عليه كلش
بعد ما الجده كصت السر ولبستني ملابس وأخذت أجرته وطلعت
دخل ابوي وبارك الامي
وكال هاي البنيه نسميه حياة بلكت رب العالمين يقسملنا حياة حلوه على عينه
ابوي مزوج امي على كبر يعني عمره تقريبا ٣٥ سنه
سبب تأخره بلزواج الحاله الماديه الصعبه
ماكان عنده امكانيه للزواج
من بعد ما اني اجيت للدنيا
امي حاولت كم مره تحبل مره ثانيه بس بدون فايده
ابوي رغم انسان ريفي بس كان معتز بيه حيل
وابد معارض رزق رب العالمين
يكول دائما الحمد لله والشكر
هذا رزقنا ورب العالمين يباركلنا بي
بيتنا بيت بسيط مبني من بلوك مجرد غرفه وهول ومطبخ
بس عدنا احلى من القصر
لان احنا متفاهمين وواحد يحب الاخ
من اني جنت زغيره كانت بداية الحصار على العراق
كلشي كان صعب وغالي
بيتنا مابي اي اثاث
مجرد كم بساط ومطبخ منضدي وكاونتر قديم بي المواعين
ماعدنا تلفزيون بس ابوي عنده راديو يشغله بليل يسمع اخبار
هاااا يشغله على الحجر يعني الباتري لان الكهرباء طولت يله رجعت
احنا من منطقه ريفيه
بس الولايه مو بعيده علينا حيل
تقريبا ربع ساعه بلسياره ونوصل
جمانه السعيدي
ابوي يوميه يروح للولايه عنده بسطية زرع يبيع مخضر وفواكه
يروح ويااا سواق منطقتنا الي ينزلون للولايه
اكو تاجر هناك ابوي يشتري منه زرع على التصريف
اسمه حجي رحيم
رجال بكد ابوي اموره الماديه كلش زينه
بابا دائما يمدح بي
يكول كريم وشهم ونفسه طيبه
حيل يساهل ويااا الناس
اخر النهار ابوي يرجع مهدود حيله وتعبان حيل
كل هذا التعب ويكعد يسولف علينا ويضحك
يخليني بحضنه من ياكل وينومني بحضنه
ماعندي ملابس هواي ولا عندي لعبه ابد
اروح اللعب ويه بنات الجوارين لان عدهن لعب هواي
اول لعبه اشتراها اليه ابوي بعمر خمس سنوات
هاي العابه الواكفه مثل العصه وكلشي بيه مايتحرك
وحتى شعر ماعدها شعرها نايلون مرسوم شويه فوك راسه وهاي هي
بس شني غير بيومه مانمت من الفرحه
يمكن عشرين مره سبحته وامشط بشعرها وهي ماعدها شعر
ونومته بحضني وحتى وكتله وياي
وسميته فطومه واصيحله بنيتي
حياتنا كانت مستقره وماعدنا مشاكل
لان عايشين حياة بسيطه بمعنى الكلمه ناكل اي شي
ونلبس لبس بسيط وفرحانين بي
من كبرت وصار عمري عشر سنوات كمت ابجي اريد تلفزيون
لان اشوف عند الجوارين تلفزيون
ولان اني العزيزه عد اهلي
راح بابا وأشترالي تلفزيون زغير اسود وابيض
مستعمل
بس وصل التلفزيون للبيت كابلته وكعدت
مامصدكه صار عدنا تلفزيون بيتنا
اني مخلصه ابتدائيه سادس ابتدائي
لان ماكو مدرسه متوسطه بمنطقتنا
بس بلولايه وابوي ماقبل اروح ادرس بلولايه يكول اخاف عليج
وامي كانت صاحبت هاي الفكره
وشجعت ابوي مايقبل ادرس ابد بلمتوسطه
وكالت كافي عليه درست ابتدائيه وتعلمت قرايه وكتابه
على فكره بمنطقتنا حتى الابتدائيه هواي على البنيه
عدهم فكرة الدراسه هواي على البنيه
البنيه تكعد بلبيت وتسكت
تشتغل بلبيت وتكعد منتضره قسمته
جمانه السعيدي
كبرت وبدت ملامحي تبرز اني شكلي كلش حلو حنطاويه
وشعري اسود ثخين كصيبتي واصله الخلفيتي
خشمي عدل شفايفي حلوه اسناني عدله
قبل ماكو حلويات هواي مثل هسه الاكل كله طبيعي
وجانت سنونه تطلع عدله
هسه سنون الجهال خربته الحلويات
جسمي كلش حلو رشيقه وتفاصيل جسمي متناسقه
شكلي مرتب
بس مااعرف ليش محد يتقدملي
رغم اني حلوه ومستوره وماعندي خرابيط البنات ابد
بس ابد محد يتقدملي
الخطبه والزواج بمنطقتنا تعتمد على ام العريس
العريس ماله دخل امه تقتنع وتروح تخطب
كانو يكولون عليه وحيده ومدلله وماتعيش ويه العوائل
ولا تخدم هي معلمه على الخدمه
فعلا اني امي ماكانت تقبل اشتغل تخاف عليه
هي تشتغل بمكاني
كلما أقرب للطباخ اتصيح عليه لا تحتركين
والتنور نفس الشي
واي شغله صعبه ماتقبل اشتغله
واكو ناس مطلعين عليه دعايه اهله يردون رجله كعيدي
يعيش وياهم بلبيت لان بتهم عزيزه ومايفاركونه
جمانه السعيدي
ويجوز اكو بعد اسباب اني مااعرفه
كلي هاي الاشياء أخرت قسمتي
صار عمري عشرين واني محد متقدملي
وهنا اني اجاوزت السن القانوني للزواج
لان البنات بمنطقتنا ١٤ او ١٥ سنه وتتزوج
واعتبر اني من وصلت سن العشرين
صرت عانس وعبرت سن الزواج القانوني
كنت اشوف القلق بعيون امي وابوي عليه يردون يزوجوني ويفرحون بيه
بس اني قابل شبيدي
كل البنات الي بعمري ازوجن وصار عدهن اطفال
من التقي ببهن كانن يحولن يخلني اغار
وهنا يحجن عن أزواجهن واطفالهن
واكثر من وحده كانت تكول انتي بعد كبرتي ماتزوجين
ماانكر كنت اضوج من اشوفهن مزوجات وعدهم اطفال
واخاف العمر يمر واني ماازوج
حالي حال كل البنات
المشكله مااعرف ليش اني محد بتقدملي ابد
