رواية اوجاع يتيمة كامله جميع الفصول بقلم جمانه السعيدي
اني ايناس مواليد ٩٣وحيده عد اهلى امي ورا ولادتي حبلت اربع مرات وسقطت
كل محاولات الحمل كانت فاشله
والحمل مايكمل ابد
عالجت يم كومه دكتورات
وراحة للساده وماكو فايده
راح احجيلكم على اهل ابوي
ابوي عندا اثنيين اخوان واخت وحده اخوانه اثنينهم ماخذين الخوات بنات عمهم
اما عمتي ماخذه ابن عمها الي هو ابن عم ابوي وعدها اثنيين بنات
بس ابوي ماخذ غريبه الي هي امي
واهل ابوي كلهم ما يحبونه
لان امي السان وماتسكت ابد
ترجع الكلمه بعشره
عمي الجبير ابو حسام عندا حسام الجبير مواليد ٨٨
والثاني عامر مواليد ٩٠ وبنات اثنيين
حسام كلش خوش ولد واخلاقه عاليه ومودب ومتدين اما
عامر الله يستر منه كله مشاكل من راسه الرجلي يشرب ويكبسل ويتعارك يوميه مشكله ولاشغل ولاعمل
واخواتهم اثنيينهن ايدرسن وحده نفس عمري والثانيه ازغر
ااما عمي ابو حسين هو ازغر واحد عندا اثنيين بنات الجبيره
نفس عمري
والثانيه ازغر وولد اثنيين
اني السنه نجحت للاول متوسط عمري ١٣
بعطله اخير السنه صارت المصيبه الي غيرت حياتي
غيرت حياتي تغيير جذري
ابوي عصبي كلش يعني مايتفاهم ابد وايدا والضرب وامي ماتسكت اترجع الكلمه بعشره
امي وكيحه ومآ تخاف منه ابد
اكثر الوقت جانو يتعاركووون
جمانه السعيدي
ابوي مايقبل امي تطلع ابد من البيت ومحذرها ومع ذالك هي بس يطلع تلبس عبايه وتطلع
وتجي قبل لا يجي بشويه
مرات يجي قبله ومن يسئله تكول رحت اذب الزباله
لو افلانه مريضه ورحت اشوفها
وتكب العركه بينهم
عبالكم اتوب لا بلعكس ازيد
واليوم الي صارت بي هاي المصيبه ابوي رجع من وكت
ومالكه امي بلبيت
...وين امج
...هسه تجي
...وين امج احجي
...ما ادري
ضل يشرب جكاير ويتوعدها ومتحلف بيها
اتاخرت ساعه يله اجت وهو استلمها من الباب
كتل وفشار وغلط هي ترجع الكلمه بعشره وابوي يضرب ويغلط
وهي تدفع بي وتصيح وتحجي
واني واكفه خايفه وابجي عرفت هذا اليوم مراح يعدي على خير
لان ابوي اعيونه تطير شرار
امي دفعت ابوي ووكع
وهو هنا صار عصبي بلزايد
كام على حيله وضربها قوي
امي وكعت وابوي صعد على صدرها وخنكها
وهي تدفع وهو يضغط ازود
واني ادفع بي مايندفع
مو ابوي عبالك حايط واني ازغيره ما اكدر
الجوارين كسرت الباب على صوت الصريخ
وهو مايقبل يعوفها
لحد ما شفت امي فتحت عيونها حيل وشخرت بصوت عالي
ونزلت اديها وكامت ماتتحرك
وابوي ابتعد عنها وهو فحطان ويلهث
حركتها ماتتحرك
حاجيتها ماتحاجيني
ركضت فتحت الباب واني اصيح الحكو امي ماتحاجيني
دخلو الجوارين وحركوها ماتتحرك
شكد حاولو وياها وهي ما تتحرك ابد
صاحو ماتت واني اصيح شني ماتت
يمه حاجيني يمه فدةوه لاتعوفيني
يمه ابنيتج لاتعوفيني
الجوارين خابرو الشرطه
وجابو بطانيه وغطوها
اجت الشرطه واخذ ابوي واجت اسعاف
شالت امي
اخذوها للمستشفى يشرحون الجثه ويكتبون اسباب الوفاة
امي عدها اخ واحد وخمس خوات اجه اخوها استلمها حتى يدفنها
وابوي انسجن
واني اجه عمي ابو حسام اخذني البيتهم
انخبصو عمامي خبص لان خالي كاوم عمامي لان ابوي كتل امي
العشيره اخذو عطوه شهر الجووو جان حيل متوتر
واني تمرضت
كلما انام احلم بأمي
وحالتي تصعب على الكافر
جمانه السعيدي
حددو الفصل
واحنا ماعدنا غير البيت
ابوي سو توكيل العمي ابو حسام يبيع البيت ويدفع الفصل
اصبحت اني بلا بيت ولا ام ولا اب
خسرت كلشي
بلحضه شيطانيه
محد فكر بيه ابد
ابوي اهم شي كلامه يمشي
وامي بس تعاند
واني الضحيه بهاي القصه
مرات اكول لو امي ساكته ومآ حاجيه على الاقل اني هسه عايشه بيتنا بين امي وابوب
لحظة غضب ضيعت كلشي من ايدي
واصبحت مشرده
ادور الرضا بعيون الناس
حتى اعيش وبس
جمانه السعيدي
المشكله مرت عمي تكره امي وتكرهني
من اول مادخلت البيتهم كانت ضايجه مني
وتعاملني اسوء معامله
اليل والنهار ابجي ومن انام اشويه اتصير صورت ابوي يخنك امي كدامي واكعد بس ابجي
وما الكه الصدر الحنيين الي يكلي اسم الله
امل من البجي وحدي وانام لحد ماتمرضت من البجي والخوف الي صابني
عمي حنيين عليه بس مرته تكرهني
ابد ما حاولت اطيب خاطري
اتصيحلي بت سهام العرمه يعني الوكيحه
شفت عذاب وضيم محد شايفه
