رواية علي اليتيم الفصل العاشر بقلم جمانه السعيدي
امل....حرت شلون راح اطلع ووين اروح
اجت الممرضه كالت فرغي المكان بعدها تحجي دخلت
وحده وثنيين نسوان لازماتها منا ومنا
تاخذ مكاني حتى تتعالج
نزلت من مكاني وصعدت على السرير
نزلت وأخذت علاكتي طلعت بلحديقه كعدت
مااعرف وين اروح بقيت كاعده للضهر
طلعت الدكتوره شافتني بلحديقه
بس ماحجت وياي
بعدين من رجعت بعد ساعه تقريبا هم شافتني بنفس مكاني
اشرتلي تعاي
شلت علاكتي ورحت وكفت يمها
دكتوره سميره....هااا ماما شو بعدج هنا
امل...ماعندي مكان اروح
دكتوره سميره....شلون يعني
امل...ماعندي اهل وزوجي شمرني بلشارع
دكتوره سميره.....انطيني عنوان زوجج واني هسه اخيلهم يجيبونه ويتعهد ياخذج للبيت ويصرف عليج
امل.....زوجي .من غير محافظه
دكتوره سميره....تعاي وياي الغرفتي خل اعرف قصتج شنو
تمشي واني امشي وراها دخلت للغرفه
دكتوره سميره.... اطبكي الباب وتعاي اكعدي
امل...اجيت كعدت كباله وخليت علاكتي بلكاع
دكتوره سميره....احجيلي شنو قصتك ايجوز اكدر اساعدج
امل...اني من عائله فقيره اني وامي وابوي نشتغل بيت عائله كلش غنيه وواصله
بحكم اني موجوده بيتهم كل يوم ابنهم ضحك عليه
وقشمرني باسم الحب
الحد ما حملت منه من عرف اني حامل نكرني
ونكر كلشي صار بينا
ماكدرت ابقى بيت اهلي واني بطني تكبر كل يوم اكثر
انهزمت منهم
جمانه السعيدي
دكتوره سميره....وين بيت اهلج باي محافظه
امل...مااكدر اكول بس يعرفون مكاني يقتلوني
دكتوره سميره...زين اسم هذا الحيوان وعنوانه واني اخليهم يجيبونه ويجبرونه يزوجج
امل...محد يكدر يجبره يزوجني ابو مسؤل واصل بلدوله
وضهره قوي محد يكدر يجبره على شي
دكتوره سميره....زين شلون وين ترحين
امل...اذا تكدرين ادبرلي شغل اي شغل حتلو عامله
هنا بلمستشفى ميخالف
حتلو مقابل الاكل والسكن مااكدر اطلع برا اخاف من الناس اني كلشي مااعرف
اذا تخدميني هيج خدمه ادعيلج ليل نهار الله يوفقج
اني اذا طلعت منا اضيع اكثر مااني ضايعه
دكتوره سميره...عندج جنسيه
امل...اي هاي جنسيتي
دكتوره سميره....خلاص راح تشتغلين هنا عامله وتاخذين راتب بمكان تعبج
تشتغلين شفتين
امل....حتلو ٣ ميخالف بس اريد ابقى هنا
اذا طلعت برا اموت فدوه دكتوره اني بحما الله وحماج
دكتوره سميره....خلاص اعتبري نفسج اشتغلتي
ثاني يوم جهزت اوارقي وبديت الشغل بلمستسفى
بللدايه كنت اخذ شفتين شغل
من كبرت بطني صار شفت واحد
منا لمن وصلت للولادة دكتوره سميره جزها الله خير
وكفتلي وكفه منا لمن جبت
وجهزتني جهاز طفل كامل
بقا بس الاسم
دكتوره سميره كالت تعرفين اسم ابو الحقيقي الثلاثي
امل...اي اعرفه
دكتوره سميره...اني راح اسمي باسم ابو الحقيقي
وراح اساعدج حتى يطلع جنسيه
شنو رائيج اندبر جنسيه بدل ضايع الابو حتى تمشين شغلج بيه
امل...فدوه اروحلج دكتوره الله يطول عمرج ويحفضج
ساعدتني الدكتور حتى جهزتلي غرفه خاصه اكعد بيها
اني وابني اشتريت هيتر كهرباء وثلاجه زغيره
وبقيت بلمستشفى الحد ماصار عمرك اربع سنوات
جمانه السعيدي
الدكتوره انقلت الغير مكان فقدت الحمايه
طلعت اجرت بيت وطلعت
لاتزعل عليه اقسم بلله انت ابن حلال مو ابن حرام
عقد الزواج يشهدون علي ثنيين
من البشر من اي ملة ومن أي مذهب حتلو حراميه
بس اني وابوك عقدنا شاهد على رب السموات والارض
رب البشر كلهم كان شاهد على هذا الزواج
ابوك عمل بااصله
واني حافظت عليك وعملت بااصلي
والحكم رب العالمين هو العدل
علي....لو باقي مااعرف الحقيقه جان احسن اليه واللج
ليش هيج ضيعتني وضيعتي نفسج
اني طلعت ابن حرام
يمه انتي ضيعتني بلزايد
امي...لا تكول هيج انت ابن حلال لو ابن حرام
ماطلعت هيج معدل
ماطلعت الناس كلها تحلف بااخلاقك
ماطلعت بار باامك انت ابن حلال غصبا على كل واحد
علي....الله ينتقم منه ضاع عمري واني عايش يتيم
وهو عايش حياته
بعمري مراح اسامحه
علي.......بليل ماكدرت انام هاي الناس كلها الي تعرفني من سنيين اذا عرفو اني ابن حرام شراح يسووون
شلون راح تكون نظرتهم اليه
اكيد راح اوكع من نضر الكل
وريحانه اي ربحانه قصه ثانيه
ابوها رفضني لمن كتله اني يتيم وماعندي احد
كيف اذا عرف اني ابن حرام
مبينه هاي الزواجه مراح تكمل
معقوله هسه ابوي عايش حياته بلطول والعرض
واني هذا وضعي
يملك كل هاي الفلوس واني عشت الناس تتصدق عليه بملابسهم المستعمله
مو وحده يتحمل المسؤليه
امي شريكه بهاي الجريمه
لمن رخصت نفسها اله ضيعتني وضاعت
اليوم الي بعدا اجا مهدي اطمن علينا وجاب اكل
مهدي....شبيك شكلك كلش ضايج
علي...مابيه شي ضايج على امي
مهدي....الله كريم الله يساعدك هاك هذا المبلغ خلي جوه ايدك
جمانه السعيدي
علي...لا عندي فلوس
مهدي....اعرف عندك فلوس قابل ماعندك بس خليهن امانه عندك بعدين رجعهن
خله الفلوس بجيبي طلعت وياا اوصله
علي...مهدي انت تعرفني من زمان
مهدي....انت اخوي
علي....شنو الشي الي يخليني اوكع من عينك
مهدي...الله يستر كلشي بهاي الدنيا ما يخليك توكع من عيني انت اخوي اكو اخ يوكع من عين اخو
علي...اني كلش تعبان وضايج
مهدي....ليش احجيلي
علي...مااكدر احجي اكو غصه بكلبي
مهدي...تعال نكعد بلحديقه واحجيلي لا اضم الحزن بكلبك اخاف يصير عليك شي
علي...مااعرف احجي لو اسكت احسن احس نفسي ضايع
مهدي...بكيفك تريد تحجي اسمعك
تريد تسكت براحتك يمتى ما تحس نفسك محتاج تتكلم
اني بخدمتك
كعدنا بحديقة المستشفى
علي...طلعت مو يتيم ابوي موجود
مهدي....لا بشرفك
علي... صدك ابوي موجود ومن أصحاب الأملاك
لان امي فقيره مايريدها شمرها بلشارع
اتخيل اني عشت كل عمري يتيم وابوي عايش
مهدي....امك حجتلك
علي....اي طلعت السر الي كانت كل عمرها ضامته وساكته
مهدي...ليش ماتروحله
علي....اكيد اروحله بس من اطمن على امي
اريد اروحله واواجها اريد اعرف ليش عشت كل عمري يتيم وهو موجود وعايش
مهدي....الله يساعدك ياخويه بس ليش تكول اطيح من عينك انت هسه كبرت بعيني
ابوك موجود وتريد تروح تواجها
علي....لان حتى زواجه من امي كان زواج سري
زواج محد يعرف بي من حملت بيه رفض يعترف اني ابنه
طرد امي وهددها اذا ما تسكت يكول عليها حراميه
مهدي....شكد ناقص عافها تواجه مصيرها وحدها
علي... مدري اكره امي لان وثقت بي وسلمته نفسها
مدري اسامحها لان صبرت واشتغلت وكبرتني وبقت محافظه على نفسها
جمانه السعيدي
مهدي....اكيد تسامحها لان هي ما سوت شي غلط
حبت حالها حال الناس بس الغلط حبت الشخص الغلط
ماعرفت تميز الصح وين
سلمت نفسها الواحد استغلالي ماله امان
شوف لو امك مو زينه جان مشت بلطريق الموزين
بس مادام حافظت على نفسها
واشتغلت وحاربت حتى تكبرك وتعيشك بكرامه
هي ما غلطانه
امك هسه تمر باصعب مرحله محتاجه توكف وياها وتساندها نفسيا مو تكعد تلوم عليها
بعد شي وصار ومن زمان
ابدي صفحه جديده وياها
علي....كلامك معقول
مهدي....الله يساعدك كل عمرك عشت يتيم
وبيوم الي تكتشف ابوك موجود تكون امك مريضه
ومريضه خطير احتمال تعوفك
لمن لكيت ابوك ضيعت امك
علي....احس نفسي تايه ضايع حتى لمن عرفت ابوي موجود مافرحت ابد
اني راح اخسر امي
لو امي تبقى مااريد ابوي اني راضي بهاي العيشه
راضي بكلشي بس امي تبقى
شكرا لزيارتكم عالم روايات سكيرهوم
