رواية جارتي الفصل العاشر بقلم جمانه السعيدي
حنيين...كل عقلي جنت انتظر يتصل عليه
وما يتخلى عني خصوصا احنا صار اكثر من سنه واحد يعرف الثاني وهو يعرفني كلش زين ويعرف شنو اخلاقي
جنت امشي ورا مثل العميه حتى من سلمته نفسي
جنت متاكده هو راح يزوجني
خلصن اسبوعين وهو لا حس ولا خبر
اتصلت علي لكيته حظرني من كل جهات الاتصال
معقوله كل هذا الوقت هو جان يلعب عليه وما يحبني
شلون شلون اني متأكده هو يحبني
بعد اسبوعين انتضرت اليوم الي ينزل بي ورجعت رحت علي للبيت
دكيت الباب طلع اخو بس شافني ضاج
حنيين...اريد احمد
....احمد ما موجود
حنيين...بس هاي سيارته بلباب
...اي طلع بسيارتنا الثانيه
حنيين...كلش محتاجته ضروري الله يخليك
....اي منيين اجيبه طالع من يرجع تعاي
دخل وطبك الباب
اني اعرف هو موجود جوه ومايريد يشوفني
وكفت بلركن وبقيت منتضرته ساعه تقريبا وطلع من البيت مبدل وكاشخ
صعد بلسياره وشغلها من وصل قريب طلعت ووكفت كدام سيارته
حنيين....ادعمني موتني
نزل من السياره عصبي
احمد...شبيج تخبلتي كوه تردين ابتلي بيج
حنيين....ادعمني وموتني احسن مااهلي يذبحوني
احمد...امشي ولي مخبله
حنيين...سحبني من ايدي ودفعني رجعت وكفت كدام السياره
صعد وطبك باب السياره رجع بلسياره ورا يريد يطلع من غير فرع
ركضت وكفت ورا السياره
نزل واجاني اني كلت خلاص راح يذبحني
لزمني من ايدي ودفعني بلشارع
احمد...امشي ولي انتي شنو ما تفهمين انسي انسي
انسي اني وياج نرجع بعد
حنيين...مانرجع تعال أعقد عليه يومين وطلكني
واني ادفعلك اي مبلغ تريده
بس لا تعوفني بهذا الموقف وحدي
احبك تعرف شنو احبك احبك ومصدكه بيك وسلمتك نفسي ليش تغدر بيه
جمانه السعيدي
اجاني بعصبيه ضربني ودفعني حيل
وكعت على ايدي وكعت على حافة الرصيف
ايدي صارت جواي وكامت توجعني
احمد...بشرفي اذا طلعتي كدامي مره ثانيه اقتلج خلاص
حنيبن...اقتلني هسه اقتلني حتى ابطل ماافكر بيك واطلعك من راسي
صعد بلسياره وطلع بقيت كاعده على الرصيف ولازمه ايدي
الضاهر ايدي انفصخت
كمت ابجي اني شسويت بنفسي من مصيبه
ماكدرت اسيطر على نفسي كمت ابجي بصوت عالي
اجت مره جبيره تمشي بلشارع
هااا خاله شبيج
حنيين...كمت من مكاني ملابسي اتوصخن ايدي مااكدر ارفعها
مابيه شي خاله
مشيت واني حالي لا يسر عدو ولا حبيب
وصلت للشارع واني مااكدر اسكت
ماجاي اسيطر على دموعي من كمية الخذلان الي احس
بيها اجرت نكسي ورجعت للبيت
جمانه السعيدي
امي وزوجت اخوي من شافني عيوني مورمه وملابسي وصخه ولازم ايدي
اجن عليه ركض
امي...ياستار شبيج
حنيين...وكعت على ايدي
امي...يااا هذا حالج شنووو ملابسج ليش هيج
ليش ماطلعت من المدرسه للمستشفى ليش اجيتي للبيت
عيونج مورمه خل اشوف ايدج
رفعت الردن ايدي مورمه
امي....يااا بس لا كسر
حنيين...اي كسر بس بروحي مو ايدي
امي....شنو بروحج ايدج مورمه امشي اخذج للمستشفى
صاحت على زوجت اخوي تساعدني ابدل ملابسي
علما امي تبدل وتطلع ادور تكسي
دخلت وياي زوجت اخوي بدلت ملابسي
اجت امي كالت يله التكسي بلباب
طلعت امشي وابجي
امي....لا تبجين ايجوز مو كسر
حنيين.. مسكينه امي ماتعرف شصار وياي
لو على ايدي الموضوع بسيط بس كلبي شلون بي
وصلنا للمستشفى طلع فصخ مو كسر
بس اذا تشوفوني شصاير بيه هلكد مابجيت تكولون اليوم ميت شخص عزيز عليها
فعلا اني اليوم مات أغلى شي عليه مات كلبي
مستحيل اكدر احب مره ثانيه
جمانه السعيدي
ربطو ايدي ورجعت للبيت كبل الغرفتي طبكت الباب
امي...ليش قفلتي الباب ماتاكلين
حنيبن.. مااريد اريد انام تعبانه
امي. اكلي وأخذي العلاج ونامي
حنيين.. مااريد اريد أنام
ماكدرت انام ولا غمضت عيني شنو الحل شراح اسوي
شلون لو كبرت بطني
تعبت هلكدمافكرت بس بدون فايده
نمت الثاني يوم كعدت على صوت المعلمات يتصل عليه
لان اني صار فتره متغيره وهواي مااروح للمدرسه
كتلهن ايدي انفصخت مااكدر اجي على باجر انشاء الله
خلصت النهار بغرفتي وامي رايحه جايه عليه
متوقعه اني نايمه بسبب ايدي
ثاني يوم كوه طلعت للدوام لان المديره حذرتني غياباتي كثرة
فات أسبوع واني مالكيت حل قررت اروح اشتري حبوب تنزل الطفل قبل لا تكبر بطني وانفضح
رحت للصيدليه اشتريت حبوب وأخذت منهن
بس كلشي ماكووو
اخذت تقريبا نص الشريط وكلشي ماكووو
مااعرف هذا الطفل مات لو عدل اخاف اروح الاي دكتوره
وتشوفني وحده تعرفني وتفضحني
شلون ياربي هاي البلوه شلون اخلص منها
شكلي كله تغير صرت صفره وامشي عقلي مو عندي
مابيه حيل تعبانه
مستوى طالباتي نزل لان ماادرسهن
انطيهن واجب واطلع مااكدر ادرسهن
المعلمات محتارات اني ليش هيج تغير حالي
الحد ما فديو اجا واحد عمره تقريبا خمسين سنه
منفصل عن زوجته وبنته ويانا بلدوام امها تريد تزوج
وتنقل البنيه هو عنده مشاكل ويا زوجته
ومايريدها تنقل بنته يريدها تبقى ويانا هنا
اجا للمدرسه هدد المديره ممنوع تقبل نقل هاي الطفله
شكله انسان مو تمام الضاهر يشرب وعنده سوالف تعبانه
وزوجته هاجه منه
اسمر كرشه كدامه جكارته بحلكه شفايفه زرك
هلكد مايشرب ويدخن شعره من كدام واكع
الضاهر صاحب مشاكل لان حجيه كله تهديد ووعيد
اني واكفه صافنه علي واكول هسه هذا لو يزوجني حتلو أسبوع واحد وننفصل بس اعدي هاي الفتره
انتبهت لكيته يباوع عليه
خليل...كلكم سمعتو ممنوع ايه تنقل منا اني عندي مشاكل وياا امها
حنيين...قربت علي وكتله اهدء لا تصير عصبي
الي تكول علي يصير
المعلمات بقن يباوعن عليه مستغربات من حالي
وهو مثل الي تفاجئ
جمانه السعيدي
خليل...بس انتي فهمتيني هاي زوجتي وحده ساقطه
تريد تزوج وتأخذ بنتي وياها تعيش هي وامها يم رجال غريب مااعرف عنه شي
حنيين...ابد مراح يصير غير الشي الي انت تكول علي
خليل...الف رحمه على والديج
حنيين...من رخصتك تعال اريد احجي وياك
اجا وياي كتله انطيني رقم تليفونك في حال اجت زوجتك تريد تنقل بنتك اتصل عليك تجي هنا وتمنعها
خليل...ولله مبينه انتي بت حلال هذا رقمي سجلي عندج
حنيين...اخذت رقمه ماكو غير هذا المخربط هو الي راح ينقذني من هذا الوضع
بس رجعت للبيت دزيتله رساله
...هلو ابو ايه شلونك اني معلمة ايه
خليل...اهلا وسهلا هلو ست شلونج
حنيين....لاتكول ست كول حنيين
خليل...العفو انت ست وغصبا على الكل
حنيين...تسلم اليوم انت كسرت خاطري وبقيت افكر بيك
انت بعد عندك اطفال
خليل...لا هي بس ايه
حنيين....شعجب
خليل.....اخذتني الدنيا ومازوجت من وكت
ازوجت بعمر متاخر وماصار عندي غير ايه
اني وامها انفصلنا شكدجنت مدللها بس هي حشاج حقيره كل شويه وكالت اني زغيره وانت جبير
اني استاهل واحد ازغر منك
لعبت نفسي منها وطلكته
حنيين....الله يساعدك وين عايش
خليل...عندي بيت ملك وموضف واموري زينه
حنيين...الله يسعدك لا تضوج انت تستاهل وحده احسن منها
خليل....الله يجبر خاطرج انتي تفتهمين
حنيين...الرجال ما يتعيب حتلو ينفصل يبقى رجال بس المره اذا انفصلت الناس كلها تحاربها
خليل...انتي مزوجه
حنيبن...لا مامزوجه بعد مااجت قسمتي
خليل.. هنياله الياخذج معدله وشاطره الله يستر عليج
حنيبن...شكر
جمانه السعيدي
بديت اتواصل وياا خليل بس هو جان ما مصدك معلمه وحلوه وزغيره وكاعده بس تحمد بي وبااخلاقه
لزكه هاي الزكه ليل نهار يدز رسايل
يدز كلام غزل وشعر خوب هاي صباح الخير مساء الخير
لعب نفسي منها
بهاي الاثناء اجاني ولد خريج تحليلات يخطبني
شلون ولد ابد ما يتعيب حتى عنده مشتمل طالع من بيت اهله يعني نزوج ونكعد وحدنا
شكله كلش حلووو وأهله راقين
من شفته لعنت الساعه السوده الي عرفت بيها احمد
لا عافني على حالي واشوف غيره ولا اخذني
رفضت هذا العريس وأهلي تخبلو عليه شلون ترفضي
طلعت الف عيب بي وكتلهم مااريده
من بعدها بنيه معلمه ويانا خطبتني الاخوها ضابط
وهمه رفضت الدنيا مليانه فرص واني ضعيت احلى الفرص الي اجتني وضيعت نفسي
المهم ضليت وياا خليل شهر كامل خليته تعلق بيه
سويتله غسل دماغ خليته مايفكر بوحده غيري
هنا اني خلصت الشهر الثالث من الحمل ودخلت بلرابع
كنت اريده يتقدملي بأسرع وقت ممكن
بديت احجيله عن الناس الي جاي تتقدملي وتطلبني للزواج
راسا من سمع بلخطابه صارحني بيوم يريد يتقدملي
صحيح هذا لشي كنت منتضرته منه بس لازم يقتنع بوضعي
بعد لازم احجيله
عن التجربه الي مريت بيها
حنيين...اني موافقه
خليل...تحجين صدك ولله انتي تقبلين تاخذين واحد مثلي
حنيين...وانت قابل شبيك الف وحده تتمناك
خليل...بشرفي اسويلج عرس ماكو منه
حنيين...بس لازم احجيلك شغله مهمه قبل كلشي
اني صريحه والزواج علاقه دائمه لازم تنبني على الصراحه
خاليل...الف رحمه على والديج اني موافق على كلشي
حنيين...بس اسمعني بلاول
شكرا لزيارتكم عالم روايات سكيرهوم
