رواية دار الايتام الجزء الثالث (اللقاء المنتظر) الفصل العاشر
البشر أنواع ناس معرفتهم تقدم
وناس معرفتهم في العمر تعَجل
ناس معرفتهم كابوس وناس معرفتهم كوم من الكنوز.👌
.............
وصل ليل في مكان قريب من المنطقه اللي ساكن فيها وكان مستغرب ياتري ايه المفجأه اللي
عشق هتجيبه عشانها في المكان
ده بالذات. وقف بالعربيه وبص حواليه واتصل بيها.
ليل...الوووو انا وصلت يا عشق انتي فين وجيباني هنا ليه.
عشق....انا شوفتك يا حبيبي خلاص
ليل...انتي فين بالظبط؟
عشق... استني بس انزل وبص وراك.
فتح ليل باب العربيه وبص وراه.
لقي عشق واقفه ومبتسمه
قرب ليل منها بأبتسامه. وهو متفاجئ.
ليل...انتي بتعملي ايه هنا وايه اللي جايبك المكان ده ؟ده مكان مقطوع با عشق واضح ان مش كل الڤلل ساكنه.
عشق...بأبتسامه ايوه ما انا قررت اجي أشتري ڤيلا هنا اقعد فيها انا وسليم ونسيبك عشان تبطل الغيره بتاعتك واهو انام انا وهو عالسرير براحتنا.
ليل...🤨اتلمي ياعشق عشان مقلبش عليكي انتي و أبنك بتعملي ايه هنا.
عشق...بضحك يا ساتر غيار بذمتك عمرك شوفت راجل بيغير من ابنه.
ليل...😡اه انا في حاجه وبعدين انا اللي شوفتك قبله جه هو عالجاهز خدك مني وبقيتي تحبيه اكتر مني يبقي اغير منه ولا لأ.
عشق...بحب اولا بقي مفيش حد يقدر ياخدني منك عشان انت ابني الكبير ثانيا بقي انا بحبه عشان هو حته منك.
ليل...بابتسامه ضحكتي عليا صح
عشق..بحب صراحه اه وانت بيضحك عليك بسرعه
ليل...طيب قوليلي بجد بتعملي ايه هنا وايه هي المفجأه.
عشق...طيب تسمحلي أربطلك عينك بالبتاعه دي.
ليل...😳استهدي بالله ياعشق عين ايه اللي تربطيها اتلمي الجارد واقفين يقولوا ايه علي ليل باشا وهو مغمي عينه وماشي وراكي.
عشق...بضحك وانا مالي يقولوا اللي يقولوه هو في حد ليه عندنا حاجه واحد ومراته حابه تعمله مفجأه فيها حاجه دي.
ليل...بضحك لا ياقلبي مفيهاش حاجه بس بصي اوعدك اني هتفاجئ أغزى الشيطان ياعشق
ويلا ادخلي ده انا بقول عليكي عاقله.
عشق...بغضب زي الاطفال طيب تصدق بالله ياليل مش داخله غير لما اربطلك عينك🤨
ليل...بضحك عشق اتلمي في يومك ده يابت عيب جوزك ليل باشا السيوفي.
عشق...اديك قولتها ياقلبي جوزك يعني انا حره في جوزي
ليل....ياعشق اعقلي عيب عالهيبه
عشق...بضحك والله ابدا هي كبرت في دماغي بقي قال هيبه قال😒
ليل...طيب بصي بقي ياعشق مش هربط عيني ومش عايز مفجأه وانا مروح وخليكي هنا بقي واقولك روحي يلا اشتري الڤيلا واقعدي فيها انتي وابنك
مشي ليل علي العربيه وعشق بتجري وراه وهي بتضحك استني بس
ليل...ابداً يابنتي الهيبه دي اتبنت في سنين.😂😂
بعد وقت بسيط
دخلت عشق من بوابه كبيره وهي ماسكه ايد ليل.
عشق....خلي بالك
ليل....وصلنا ولا لسه😡
عشق...كاتمه ضحكها قربنا خلاص
امسك في ايدي كويس.
ليل...علي فكره اللي حاصل فيا ده مينفعش وهحاسبك عليه😡
عشق...بضحك طب بلاش كلام احسن تقع والهيبه تروح😂😂
ليل...انا تعملي فيا كده ده انتي يومك مش معدي.
عشق...كان من الاول لازم تعمل الشويتين دول ليل باشا والهيبه
خلي الهيبه تنفعك يا سي ليل عشق السيوفي مش سهله بردو.
ابتسم ليل غصب عنه وهو ماشي مربوط في ايدها. وفجأه وقفت عشق.
ليل....خلاص اشيل.
عشق...لا متشلش لسه في كام سؤال كده ايه عايز المفجأه بالساهل كده.🤨
ليل...اللهم طولك ياروح.
عشق...روح مين يا سي ليل.🤨
ليل...اللهم طولك يا عشق.🙈
عشق...بأبتسامه أيوه كده🧐
ليل....فاضل ثانيه واشيل البتاعه دي وهقتلك يا عشق.
عشق...انت بتخوفني كمان طب مش هسأل🤨
ليل...ياستي بهزر بهزر بجد يلا بقي انا مبحبش افضل متغمي كده بتوتر.
قربت منه عشق براحه...ايه خايف
ليل...خايف من ايه ان شاء الله🤨 ليل السيوفي عمره ما بيخاف.
عشق....مش يمكن خطفاك مثلا
ليل...بأبتسامه طب ياريت انا موافق.🙏🏻❣️
عشق....طيب بص بقي انا مش بهزر انا فعلا خطفاك واقولك علي حاجه كمان انا بشتغل تبع ناس مش بيحبوك و عايزين يأذوك والناس دي اللي حطتلك القنبله في المكتب.
ليل...بضحكه سخريه وايه كمان.
عشق...انت بتتريق طيب علي فكره بقي انا اللي خطتلك القنبله بنفسي🤨
ضحك ليل في الوقت ده بكل صوته.😂😂😂
عشق...🤨🤨 انت بتضحك علي ايه.
ليل....عشان ياغبيه نسيتي اني كنت معاكي في الدار يومها حطتيهالي ازاي😂😂
عشق...بأبتسامه بسيطه انا كنت حطاها من الصبح علي فكره🤨
ليل...بضحك امال الناس اللي ضربوا الامن وقتها بليل دول كانوا ايه كانوا جاين يحتفلوا😂😂
عشق...بضحك علي فكره بقي انت رخم كان نفسي اتقمص الدور شويه واحس اني زعيمه عصابه
ليل....طيب ألفي الحوار صح
قربت منه عشق ومسكت ايده يعني لو كنت ألفته صح كنت صدقت.
ليل...ببحه رجوليه تقتل لو كل الناس أتفقت علي أذيتي يا عشق مستحيل انتي تكوني منهم.
عشق...بحب ومن غير ما تفكر قربت من شفايفه بهدوء وباسته.
وبعدت علي طول.
ليل....انتي اكيد مش في وعيك مجرجراني وراكي وانا متغمي زي العيال الصغيره قدام الجاردات
وكمان بتبوسيني ياعشق قدامهم يانهارك مش فايت ده انا بتذل عشان تعمليها واحنا لوحدنا🙈
عشق...بضحك علي فكره بقي مفيش غيري انا وانت وبس.
ليل...بأبتسامه ده انتي خطفاني بقي.
عشق...مش قولتلك
مسكها ليل من وسطها ادام لوحدنا بقي تعالي اما اقولك
عشق...بضحك ابعد يا قليل الادب انت ما بتصدق
ليل...هقولك بس.
عشق...لا خلاص ابعد واسمع الاسئله بقي.
ليل....يارب نخلص😎
عشق....اول سؤال بتحبني
ليل...بضحك يابت هضربك والله العظيم عيني وجعتني.
عشق...بضحك رد وانت ساكت🤨
ليل....بحبك يا ستي.
عشق...بتحبني قد ايه.
ليل...يعني حوالي اتنين تلاته كيلو كده🤔
عشق....نعمممم انت بتستظرف😡
ليل...بضحك طيب اقولك ايه هو في حاجه أسمها قد ايه انتي حبك ما يتقدرش بأي حاجه ياعشق انا ساكنه شاور علي قلبه روحك جوه جسمي عايش بيكي.
عشق...بأبتسامه طب خلاص عشان هعيط خليني اكمل🥺
ليل...بحب كملي ياعشق ياليل.
عشق....ايه اكتر حاجه نفسك فيها
ليل....اشوفك مبسوطه وديما جمبي اشوف سليم زي ما بتمني
اشوف امي بصحه دايماً اشوف كل حد حواليا بحبه في احسن حال.
.عشق...لا دي طلبات بقي تبقي تطلبها من ربنا وانت بتصلي وبتدعي 😡😡😡
ليل...بضحك طب براحه طيب بتتعصبي ليه😂😂😂
عشق...انت انت نفسك في ايه بتحلم بأيه
ليل...امممم والله ما عارف اللي قولته ده اهم حاجه واه صحيح نفسي احقق حلمي واعمل أسطبل للخيول ويكون في خيول فريده من نوعها واقدر اعمل سلاله مش موجوده في اي مكان. واعتمدت علي واحده كده تفضيلي نفسها وتيجي معايا نتفرج علي مكان ينفع ولحد الوقت مطنشاني🤨
قربت منه عشق ولفت وراه ضهره
ومسكت بايدها الربطه اللي عليه عينه فكت العقده بهدوء
عشق....انا عمري ما اقدر اطنشك يا ليل كل الحكايه اني من بدري بحاول أجهزلك مفجأه تليق بيك
يمكن اتأخرت شويه بس فالاخر نفذتها.
فتح ليل عينه بصدمه وهو شايف المكان من حواليه ومش قادر يصدق😳
كانت ارض واسعه وكبيره فيها مبني صغير من دورين فيها بيوت خشب من بعيد مكان للخيول.
وحواجز ماليه الارض عشان الخيول وفي الجنب مكان كله زرع متحاوط بتكعيبه من الخشب عشان الشمس
وحواليه ترابيزات وكراسي وبار
كأنه كافيه او قاعده صغيره شكلها جميل.
بصلها ليل بصدمه عشق هو المكان ده بتاعي.
عشق...بأبتسامه معذور اصلك مشوفتش اسمك عليه وانت داخل
مزرعه الفارس ليل السيوفي للخيول😍
و اسمك علي المبني اللي هناك ده
مبروك عليك يا قلبي اظن انا كده وفيت بوعدي❣️
ليل....انتي بتهرجي صح طيب امته وازاي انا مش بسيبك لحظه
عشق...لا ده سر بقي😎
ليل....عملتي كل ده امته يا عشق انا طلبت منك تيجي معايا نختار المكان سوا و تشاركيني حلمي مكنتش اتخيل ابدا انك تعملي كده وبعدين المكان ده شكله غالي وكل حاجه فيه متكلفه بنيتي امته المبني ده وعملتي كل ده أزاي.
عشق...بأبتسامه طيب تعالي نقعد وانا هفهمك.🙈🙈❣️
...................
وصلت نوني المستشفي عند ريم
سلمت عليها هي ويوسف و اطمنت عليهم.
نوني...كده يا يوسف محدش فيكم يقولي كلكم خبيتوا عليا ينفع ابقي انا اخر واحده تعرف.
يوسف...والله يا نوني انا زيك بالظبط انا مكنتش اعرف وهما كانوا ناويين يخبوا عليا اصلا قالولي لما عرفوا اني سبت الشغل
ورايح عالڤيلا.
نوني....قولي كريم عامل ايه وهي حالتها ايه.
يوسف...كريم بيتحسن الحمد لله ادعيله بس يا نوني
ريم...وانا زي الفل يا نوني والله متقلقيش
نوني...مقلقش ابه بس ده بدر وسيلا قالولي علي شويه حجات تعباكي قد كده.
ريم....الحمد لله كله هيتظبط متقلقيش
نوني...بصت ليوسف اهو كل ده من قلت ادبك انت وهي في الجنينه
يوسف ..بضحك طب والله الجنينه وحشتني😂😂
نوني...هحرقها قريب كلها عشان اطهرها من اللي بتهببوه فيها انت وباقي العصابه😂
ريم...بضحك والله يا نوني لما شوفتك حسيت اني خفيت❣️
نوني....والله لو اعرف كنت جيت من امبارح و مسبتكيش لحظه
يوسف...مكناش عايزين نتعبك ونقلقك يا نوني.
نوني...لو مش هتعب عشانكم يا يوسف هتعب عشان مين بس انت ابني وهي بنتي وكريم ده حفيدي
يوسف...بحب طبعا يا نوني وانتي امنا كلنا ومحدش فينا يقدر يستغني عنك وسطنا يا حبيبتي قوليلي بقي تشربي ايه
نوني ...ولا اي حاجه انا جايه اقعد معاكم بس.
يوسف..بضحك لا والله ما ينفع ماتجيش علي تعبك و علبه الشيكولاته اللي جيباها لازم نقوم بالواجب بردو😂😂😂
ضربته نوني في كتفه شكلك عايز تتضرب
يوسف...بضحك طب والله بتكلم جد وبعدين النوع ده غالي 😂😂
نوني...بضحك شايفه قله ادب جوزك.
ريم...بضحك امسحيها فيا انا يا نوني معلش ده رخم.
نوني...بحب الف سلامه عليكي يا حبيبتي ان شاء الله ازمه وتعدي و هتبقوا كويسين
ريم...يارب يا نوني المهم نطمن علي كريم.
نوني...حبيبي ده اللي مكناش عارفين فيه ايه الحمد لله كله بوقته
يوسف...فعلا كله بوقته الحمد لله
نوني...وانت قاعد كده ليه مروحتش شغلك ايه ولا قولت تجرب قلت الادب في المستشفيات كمان😒
يوسف....فكرتيني يالهوي علي قلت الادب في المستفيات
احساس تاني.
بصت نوني لريم 😒😒
ريم...بصدمه فضلت تضحك يالهوي والله بيهزر منك لله يا يوسف بص بتبصلي أزاي😂😂😂 والله كداب انا فيا حيل🙈
نوني....هو انتوا بتعتقوا اي مكان واي وقت قوم يلا قوم انجر هاتلي قهوه جاتكم الهم😒
يوسف.... بضحك عيوني احلي قهوه لاحلي لنوني. بص لريم طيب مفيش حاجه كده ولا كده تصبيره.😉
ضربته نوني علي ايده امشي ياواد من هنا سيبها في اللي هي فيه.
خرج يوسف وفضلت ريم ونوني يضحكوا🙈🙈🙈🙈🙈
..............
عند ليل وعشق
مشي ليل وراها وقعد علي تربيزه مطبوع عليها اسم ليل وكل حاجه في المكان مطبوع عليها اسم ليل. وعليها لوجو بشكل معين أثار فضول ليل للحظه لكن سكت 🙄
عشق....تشرب ايه الاول🤨 اصل انت عندك هنا تلاجه فيها كل حاجه وعندك حتت كافيه صغير يجنن😉
ليل...بأبتسامه عملتي كل ده أزاي اخلصي قولي انا مش قادر استني.🤨
عشق...هقولك من حوالي اربع شهور لما قولتلى علي الحلم ده بصراحه الفكره عجبتني وقولت اني لازم يوم عيد ميلادك أفاجئك
بس طبعا شهرين علي معاد عيد ميلادك مكانش كافي ابدا اني اجهز كل ده يوم عيد ميلادك اضطريت اني اغرم نفسي واجيبلك هديه تانيه🤨 احسن تقول نسيتني
ابتسم ليل وبصلها بفضول عشان تكمل.
عشق...المهم بدأت فعلاً ادور واللي كان بيساعدني في التدوير ده لان سيادتك زي ما قولت مش بتسيبني هو نوح وادم وجاسر
وبدأ جاسر يدور و يبعتلي صور علي الموبايل لحد ما صورلي المكان هنا وفعلا عجبني اوي و عجبني اوي لانه علي نفس طريق بيتنا مش بعيد زي ما كنت انت عايز..جاسر ونوح وادم جم وخلصوا في المكان واول حاجه صعبه واجهتها هو المكان هيتكتب بأسم مين هما قالولي احاول اعمل نفسي تعبانه في يوم و ماروحش الشركه واجي اكتب العقد بأسمي واروح أوثقه بس طبعا رفضت لان دي هديه مني ليك وانا عيزاها تكون بأسمك
فتحت عشق شنطتها طلعت منه عقد حطيته عالتربيزه قدام عين ليل بص علي العقد ورجع بصلها بصدمه دي امضتي
عشق...بأبتسامه قولتلك كانت اصعب حاجه عليا اني انفذ الخطوه دي
ليل...زورتوا أمضتي🤨
عشق...بضحك لا والله ده انت اللي مضتها بكامل قواك العقليه😉
ليل...ازاي ؟
عشق....انا قولتلهم اني هخليك تمضي عليها قالولي هتتقفشى والمفجأه هتبوظ ليل مش بيسيب اي ورقه غير لما يقرأها قبل ما يمضي عليها قولتلهم هجرب وانا ونصيبي المهم في يوم كان في شويه صفقات وورق في الشغل محتاج يتمضى وانت وقتها كنت بتتكلم في الموبايل قررت ان هو ده الوقت المناسب ودعيت انك متركزش في الورق قربت منك بوستك من خدك وانت شدتني علي رجلك كنت عايزه اخنقك بس قولت لا المفروض اسكت عشان متحسش وبقيت اوريك الورق وانت تمضي وتكمل كلام في الموبايل لحد ما خلصت كله قومت بسرعه قبل ما تقفشني وجريت سلمت الورق لنوح
وراح نوح بعدها سلم الورق و وثقه وبقيت انت المالك الاصلي للمكان. وبعدها جاسر وادم أستلموا المكان وخلصوا حوار المبني والمكان اللي نقعد فيه وعملوا الزرع في الارض والبيوت اللي هتنام فيها الخيول وكان اكلهم ومكان مخصص عشان لو حصل وحد فيهم حمل
وطبعا كل ده من توجيهاتي 😎
ولما المكان خلص نوح هو اللي اشتري كل حاجه فيه الحواجز واي حاجه خاصه بالخيول كل العده اللي بتستخدمها لان هو قال انا عارف كل الحجات دي وعارف الاماكن بحكم يعني انه كان عارف انت بتحب ايه وبتعمل ايه هو وادم.
وبس خلص المكان ومبقاش فاضل غير صاحبه يستلمه
صحيح كلن نفسي اقدمهولك يوم عيد ميلادك بس كفايه عليا الفرحه اللي شيفاها في عينك ❣️
ولسه هشوفها لما الفجأه تكمل
ليل...هو لسه في مفجأت
عشق....طبعاً تعالي معايا
خدته عشق علي المكان اللي بيقعد فيه الخيول..الأسطبل.
فتحت باب تاني اتفاجئ ليل بمهره وعشق
ليل...انتي جبتيهم هنا ازاي😳 انا شايفهم الصبح.
عشق...بضحك هقولك يا سيدي الصبح لما خرجت انت ونوح اتصلت علي ادم وعرفته انك مشيت جه بسرعه هو وزهره وطبعا كان متفق مع ناس تيجي تاخدهم ونقلناهم في عربيه وجبناهم هنا.
ليل....ده انتوا طلعتوا مش سهلين خالص.
عشق...مستعد بقي للمفجأه الاكبر
ليل...هو لسه في مفجأه تاني.
عشق...طبعا يعني بزمتك ينفع المزرعه الطويله العريضه دي تقعد فيها مهره وعشق لوحدهم من غير راجل🤔
ليل...بصدمه😳انتي جايبه حصان
عشق...بثقه مش اي حصان يا باشا ده حصان يتقال عليه الباشا حصان😂😂😂 اصل بصراحه لسه مش لاقيه اسم يليق عليه.
فتحت عشق باب تاني واول ما فتحته وقف ليل زي اللي اتصعق
عشق....عجبك
ليل...عشق انتي بتتكلمي جد ده بتاعي انتي عارفه اني اصلا عايز اجيب المزرعه عشان الفرس ده بالذات
عشق...عارفه يا حبيبي وانا مكانش ينفع اجيبه قبل المكان هو صحيح عذبنا شويه بس قدرنا نوصله مبروك عليك يا روحي.
ليل...بحب انا مش عارف اقولك ايه يا عشق مش قادر استوعب اي حاجه من اللي شايفها امته كل ده حصل وازاي ..
وازاي اصلا انا مخدتش بالي ولا مره منكم وانتوا بتتفقوا مش عارف اقولك ايه يا عشق علي كل اللي عملتيه ده انا بجد فرحان اوي.
عشق...بحب ولا اي حاجه يا حبيبي انا كفايه عندي اوي الفرحه اللي في عيونك دي بس ايه مش هتجربه.
ليل...بحماس طبعا ودي عايزه كلام.
قرب ليل من الحصان فضل يطبطب عليه وخد سكر من جمبه وفضل يأكله حس ليل ان الحصان أتجاوب معاه فك الرباط وخرج بيه بره واول ما وقف نط عليه ليل وكأنه فارس شجاع
أبتسمت عشق بفرحه وفي لحظه شافت ليل طاير بيها كأنه لقي نفسه حاسس انه حر من غير قيود طاير علي الارض
فضل يلف بيها كتير لحد ما وقف ادام عشق ونزل وهو مرسوم علي وشه أبتسامه جميله.
عشق...بحب عمري ما شوفتك غير فارس ياليل.❣️
ليل..وانا عمري ما شوفتك غير مهره أصيله.❣️
عشق...بحبك يا ليل
ليل....وانا بحبك قد حبك ليا اضعاف ياعشق
عشق...بأبتسامه طيب قولي هتسميه ايه.
ليل...مش عارف ده مينفعش يتسمي اي اسم اظلمه.
عشق...طيب هقولك اسم ولو مش هجبك ندور علي غيره.
ليل...قولي.
عشق....أيه رأيك في ( أصيل )
بصله ليل بأبتسامه واسعه وهو بينطق اسمه بين شفايفه أصيييل
رجع ابتسملها يبقي أصيل❣️
شدها ليل لحضنه اوي وفضلوا علي وضعخم ده دقايق
خرجت عشق من حضنه وبصتله مش عايز بقي تعرف اخر مفجأه
ليل...هو لسه في مفجأت
عشق..دي اهم مفجأه😂😂😂🙈🙈🙈كانت هتودينا في داهيه.
ليل...ليه بس مفجأه ايه.
عشق...من اول ما دخلت كده يا ليل مفيش حاجه لفتت نظرك
ليل....مش فاهم.
عشق...مفتاح الحياه ياليل ملفتش نظرك🙄
ليل...بصدمه😳😳
ضحكت عشق🙈🙈انت عارف اليوم اللي حصل المشكله في الشركه وكان يومها افتتاح الدار قبلها بيوم قبل ما نمشي كنت ناويه اني افجأك بعد ما نخلص الحفله في الدار و نيجي كلنا مع بعض علي المزرعه هنا وافجأك وافرحك زي ما فرحتني بالدار.
بس يومها فضلت أدور علي نسخه المفتاح اللي كانت معايا مكنتش لقياها ابداً قولت لجاسر قاللي ان في نسخه تانيه وطبعا المفاتيح دي بتاعت المبني اللي هناك اللي فيها مكتبك قولتله اني معايا نسخه واحده في البيت واللي كانت معايا في الشنطه شكلها وقعت مني
كنا متفقين اننا هنتصرف ومش مهم مفتاح المبني الوقت...و يوم تاني ابقي اجيب اللي في البيت وادهولك..وطبعا فرحتي مكملتش
وحصل اللي حصل في الشركه وبعدها انت اتلخمت كذا يوم في التحقيقات والكلام ده.وطبعا لما رجعت بليل انا كنت بعيط عشان ملحقتش افرحك المهم بعدها الظابط اللي انت قابلته ادالك الميداليه اللي فيها المفتاح ودي انا عملتهالك مخصوص وبما اني بحب اللوجو بتاع مفتاح الحياه قررت اني اصمم الشكل هنا علي كل حاجه حسيت انه ماشي مع الخيل جداً لقيت بعدها جاسر بيحكيلي هو ونوح وادم علي موضوع الميداليه وفاصلين من الضحك وقالولي ان الظابط شاكك انها وقعت من اللي كانوا بيقتحموا الشركه والكلام اللي
انت عارفه ده.
وبعدها قولت لأ لازم نقولك عشان دماغك متفضلش تجيب و تودي
وقررت اني اقولك بعد ما تخلص كل الحوارات بتاعت التحقيق واليوم اللي قررت اني اخدك فيه الصبح علي هنا اتفاجئت بنوح بيقولي بليل ان جاسر كلمه وبيقوله ان السمسار المسؤول عن المكان شاف مايه خارجه من باب المزرعه والدنيا غرقانه راح نوح و جاسر علي هناك وفعلا حد ساب المحبس مفتوح و المايه محدش خد باله منها لحد ما غرقت الدنيا
طبعا الزرع هنا باظ والدنيا باظت وكان لازم كل حاجه ترجع طبيعيه عشان نعرف نجيب الخيول
فا قولتلهم نأجل يومين حتي لحد ما كل حاجه ترجع طبيعيه واول ما كل حاجه ظبطت جبتك هنا ياليل اللي مش قادره افهمه انت ازاي مخدتش بالك ان الميداليه دي ممكن تكون تخصني خصوصا انت عارف اني بحب شكل اللوجو ده وحطاه صوره عالموبايل وعلي شاشه اللاب توب ولابسه سلسله وخاتم نفس اللوجو
ليل....بصدمه طلع المفتاح من جيبه وبص علي اللوجو اللي في المبني ورجع بصلها الله يخربيت عقلكم وانا اقول شوفت اللوجو ده فين و دماغي طول الفتره دي شغاله واقول يا ترى شوفته فين🙈🙈
عشق...بضحك كنا هنروح في داهيه بس عارف الحسنه الوحيده اللي الظابط ده عملها انه ادالك الميداليه دي في ايدك وإلا كانوا زمانهم عملوا شغل المباحث بتاعهم وشافو اللوجو ده معايا وجرجروني من قفايا عالقسم😂😂😂😂😂😂😂
ضحك ليل من قلبه وشد عشق ليه وفضلوا الاتنين يضحكوا
واخيراً أتحل لغز الميداليه بالنسبه لليل🙈🙈❣️❣️❣️❣️
.............
عدت الساعات بسرعه رجع ليل وعشق الشركه وشكرهم كلهم وكانوا مبسوطين عشان فرحه ليل ووعدهم انهم يروحوا يقضوا يوم كامل هناك في الاجازه مع بعض إحتفالاً بالمزرعه.
................
بعد ما مشيت نوني
جات سما وإبراهيم حماها اطمن علي ريم وعلي ابنها وفضل قاعد معاهم هو وسما يوسف كان مبسوط بزيارته جدا بس مضايق انه تعبه.لكن إبراهيم كان مبسوط معاهم لانه مش بيخرج كتير
قضوا مع بعض وقت كويس واضطرت سما انها تمشي لما حست ان إبراهيم تعب من القاعده وقالت لريم انها هتجيلها تاني.
.....................
في خلال اليوم سيلا وروكا كانوا مشغولين جداً سيلا اتلخمت في القضيه اللي شغاله عليها
وروكا اتشغلت في الشركه عشان يخلصوا تجهيز الفساتين ولان شغل كتير اتعطل بسبب عدم وجود روكا اليوم اللي ريم تعبت فيه كله...لكن علي مدار اليوم كل شويه كانوا يتصلوا يطمنوا عليها ويقفلوا.
....................
خلص بدر شغله وخرج هو ومهاب عشان يروحوا يطمنوا علي ريم
ويقابل دياب.
وبعد وقت بسيط وصل بدر ومهاب تحت المستشفي وقابلوا دياب في الوقت ده
خدوا مهاب بالحضن.
مهاب...دياب باشا والله ما مصدق انك جيت.
دياب....بشحمي ولحمي😂😂 واحشني يا مهاب والله
مهاب...والله انت اكتر القاهره نورت
دياب...منوره بأهلها الجدعان.
بدر....ديبووو
حضنه دياب....عامل ايه
بدر...الحمد لله.
دياب ..متأخرتش صح
بدر...لا خالص احنا لسه واصلين حالا المهم عارف تمشي بسهوله ولا مقضبها gbs 🤨
دياب...عيب عليك ده انا خريطه يالا🤨
مهاب...بضحك والله زمان ياديبو.
بدر...طب يلا بقي نطلع ولا ايه عشان نلحق مشوارنا مع ليل السيوفي.
دياب....يلا يا سياده العقيد.
.................
خلص ليل والشباب شغلهم
ليل....ايه محدش فيكم يا اندال ناوي يجي معايا
نوح...لا انا فاصل خالص مش قادر
ادم....وانا كمان صراحه مش قادر عايز اخد دش واكل وانام.
ليل...هو انت وراك غير الامل والنوم😒
ادم...معلش اصلنا بنشتغل مع واحد منه لله مبيرحمش😎
ليل...🤨تقصد مين
نوح...ودي عايزه نباهه اكيد انت تصدق يا ليل انت مش هتورد علي جنه بسبب اللي بتعمله فينا ده😭
ليل...لا يا حيلتها انت وهو مش واخدين عالشغل وخصوصاً انت
نوح....كل ده ومش واخد عالشغل دي الساعه 8 والله انت خساره فيك المفجأه بتاعت انهارده وبعدين يا اخويا ما انت سايب الشغل. من بدري وغطست مع عشق في المزرعه بتاع 3 ساعات😒😒وسايبنا كل ده
ادم...ده مفتري ده والمفتري عليه ربنا😒
خرجت نور وزهره وعشق وتمارا
نور....ايه هنمشي.
نوح...اه يلا بينا
عشق...ايه ياليل هتروح علي طول المشوار اللي قولت عليه
ليل...لا لسه المعاد الساعه 10 هروح اغير الاول واخد شاور
نوح.....بضحك تمارا عامله كده ليه انتي نايمه ولا ايه.
تمارا...بأبنسانه بسيطه لا بس فصلت خلاص.
جاسر...كان واقف ساكت ومش باصصلها😎
ليل....يعني كده خلاص محدش فيكم جاي معاي يا اندال🤨
جاسر...بقولك ايه انا جاي معاك
ليل...والله ماليا غيرك يا صاحبي
نوح...اشبعوا ببعض يا اخويا
جاسر....اكتم يلا🤨 بصوجاسر لليل هروح اظبط نفسي واكلمك
ليل....اعدي عليك ولا جاي ورايا بالعربيه.
جاسر...لا عدي عليا انا مش قادر اسوق.
ليل...خلاص تمام يلا بينا.
..............
طلع بدر بعد ما بلغ يوسف في الموبايل انه طالع ومعاه دياب ومهاب ثواني و خبط الباب
فتح يوسف و أستقبله.
بدر....السلام عليكم يا شباب
يوسف...عليكم السلام يا صاحبي
بدر...دياب باشا مصر اشطر وكيل نيابه فيكي يا مصر.
يوسف...بأبتسامه قرب منه وسلم عليك نورتني والله يا باشا اتفضل
دياب...بنورك يا حبيبي الف سلامه
يوسف...الله يسلمك تعالي اتفضل تعالي يا مهاب ادخل.
قرب دياب من ريم...الف سلامه يا هانم.
ريم...ميرسي اوي لحضرتك الله يسلمك
دياب بص ليوسف ما تمسك بقي الحاجه دي مني🙈
يوسف...تعبت نفسك ليه بس
دياب...مفيش تعب ولا حاجه ربنا يطمنك عليهم يارب.
بدر...تعالي يا دياب اقعد.
قعد دياب جمب بدر
يوسف...تشرب ايه
دياب...لا اشرب ايه بس انا همش بعد شويه انا وبدر.
يوسف...والله ما هينفع عيب
بدر...قهوه قهوه يا يوسف.
دياب...خلاص يبقي قهوه ساده من فضلك.
مهاب...خليك يا چو انا هروح تشرب ايه يابدر.
بدر...قهوه بردو.
مهاب...وانت يا چو قهوه.
يوسف...تمام ريم تشربي عصير
ريم...لا يا يوسف انا شربت كتير اوي
مهاب...طيب مش هتأخر عليكم.
نزل يوسف وفضلوا هما مع بعض.
يوسف...نورتنا يا دياب باشا والله مبسوط اني شوفتك بدر ديما يتكلم عليك بكل خير.
دياب...حبيبي تسلم انا اللي مبسوط والله اني شوفتك وبدر بردو بيكلمني كتير عنكم انا يمكن ما عرفش غير مهاب بس والله كان نفسي اشوفك انت و عامر.
دخل عامر في الوقت ده وسمع دياب.
عامر...بابتسامه وانا جيت اهو سلام عليكم.
بدر ..اهو جه ينط 😂😂
دياب...بأبتسامه قام وقف عليكم السلام ياعامر باشا
قرب منه عامر سلم عليه وباسه
عامر...نورت الدنيا
دياب...منوره بيكم والله
عامر...اتفضل...ايه ياريم عامله ايه الوقت
ريم...الحمد لله يا عامر بخير احسن كتير
عامر...والواد كيمو عامل ايه الوقت.
يوسف...الحمد لله احسن كتير شوفناه من شويه و اتحسن
عامر...الحمد لله ان شاء الله يقوموا بألف خير.
بدر...مهاب لسه نازل الوقت
عامر...اه مانا شوفته وهو نازل.
بدر....انت مروح ولا وراك حاجه
عامر...لا مش ورايا اي حاجه
بدر...طب ماتيجي معانا هنقابل ليل السيوفي
عامر.....خلاص تمام انا كده كده فاضي وروكا هتتأخر انهارده.
بدر....خلاص تمام.
عامر...بابتسامه لدياب خلاص نويت تقعد هنا.
دياب...بابتسامه مبادله والله اللي بيشتغل شغلاتنا دي ديما المكان بتاعه مش مستقر كل شويه في مكان بس اهو لحد الوقت انا معاكم.
عامر...طيب هو انت اتنقلت ليه يعني طلب منك انت ولا هما اللي نقلوك.
دياب....لا والله ولا طلب مني ولا نقل كل الحكايه زي ماتقول كده اني مطلوب بالأسم وبيني وبينك انا يمكن لو كان جالي اي مكان تاني كنت اضايقت بس طبعا لما عرفت انها القاهره اتبسطت يعني القاهره فيها من أسكندريه شويه
وكمان عشان شغلي انا وبدر في شركه الحراسه الراجل ده تعبان معايا اوي بصراحه و شايل الحمل كله لوحده فا قولت أشيل عنه شويه.
بدر....حمل ايه بس وحد الله علي فكره عامر مراته أسكندرانيه 😉
دياب...الله بنت بلد يعني
عامر....بأبتسامه واضح كده ان اسكندريه بتعمل علينا غزو😂
يوسف...طيب انت عارف من غير زعل يعني قبل ما اعرف روكا مكنتش بحب الاسكندرانيه خالص
دياب...الله ليه بس🤨
يوسف...بضحك لا ياعم خلاص حبيتهم😂😂 بجد والله الاول عارف انت اللي هو كنت بحسهم رخمين كده ومعرفش ايه السبب مع اني متعاملتش كنت مع حد خالص اسكندراني بس اتعاملت قبل كده مع واحد عنده شركه هناك وطلع عين اهلي وخلاني كرهت الاسكندرانيه كلهم بس لما شوفت روكا مرات عامر بجد جدعه وطيبه وبميت راجل غيرت مفهومي.
دياب....بص هو كل مكان في الوحش وفي الحلو دي طبيعه بشر مش طبيعه مكان.
يوسف...لا ما انا عرفت بقي بعد ما اتعاملت مع روكا وغيرت فكرتي
بدر...بضحك خد بالك دياب ايده اتقل مني😂😂
دياب...بضحك ياجدع اهدي انت بتقلقه مني ليه بس ليوسف مفيش الكلام ده😂😂
يوسف...بضحك واضح واضح😂
عامر...طب ايه حبيت المكان هنا ولا لسه ملحقتش
دياب....علي فكره انا جيت القاهره كتير اوي يمكن انا اول مره في شغلي اتنقل من يوم ما اشتغلت وانا في اسكندريه بس عادي الموضوع بالنسبالي مش فارق اللي مقلقني شويه بس هو مراتي وابني انت عارف احنا كرجاله مش بيفرق معانا الشغل فين واحنا بالذات عشان طبيعه شغلنا ويمكن بدر ومهاب هيفهموا كلامي ده متعودين علي التنقلات الكتير
والسهر في الشغل فا الموضوع خفيف يعني لكن طبعا هما صعب عليهم شويه يمكن ابني لسه صغير مش فاهم لكن مراتي اهلها هناك و صحابها الست بردو غير الراجل عشان كده مضايق شويه لان هيجي عليا وقت كبير واسيبهم لوحده.
عامر...ياعم لوحدهم ايه بس احنا هنا كلنا معاكم ولو علي الحته دي متقلقش خالص هي بس ديتها تتعرف عليهم مره في التانيه هيبقوا صحاب وهيسلوها
يوسف...طيب هو انت ليه مسبتهمش هناك.
دياب...بص انا مطلبتش منها تيجي وسبتها براحتها مع اني من جوايا عايزهم معايا بس هي كمان صممت انها تبقي معايا.
بدر....مكانش ينفع اصلا تسيبهم صعب حتي لو هتروح في الاجازه مش هتلحق تقعد معاهم يوم وترجع
دياب...بالظبط فا قولنا الاجازه دي نسافر ونشوف اهلنا
عامر....طيب بدر قال انك قعدت في شقه ليل السيوفي ناوي تكمل فيها ولا ايه.
دياب...لا اكمل ايه بس انا بصراحه عايز انقل في اقرب وقت زي ما قولت لبدر وحابب كمان اني اشوف ڤيلا قريبه منكم عشان زي ما قولت كده الاقي حد مع مراتي وابني وابقي مطمن عليهم في وسطكم.
عامر...طيب ما دي سهله نشوفلك ڤيلا قريبه وتبقوا وسطنا.
دياب...ياريت ايدي علي كتفك
بدر...قولتلك متحملش هم يوم الجمعه هاخدك و ندور
عامر....سيبوها عليا دي انا هشوفلك حاجه كويسه وتكون قريبه مننا
يوسف....طيب انت مش ليك في المقاولات صحيح يعني تعرف حد يساعدك في الحوار.
عامر...اعرف سمسار كويس اوي وانا عارف انه هيساعدني في الحوار.
بدر...خلاص يبقي انت معانا يوم الجمعه عشان نخلصله الحوار ده في اسرع وقت
عامر...معاكم طبعا انا اجازه مش ورايا حاجه.
دياب....انا مش عارف والله اقولكم ايه ريحتوني
عامر....ولا اي حاجه وطول ما انت هنا متحملش هم حاجه مش الاسكندرانيه بردو اللي جدعان🤨وبعدين كفايه انك بلديات مراتي
دياب...بضحك الحمد لله لقينا واسطه😂😂
ضحكوا كلهم ورجع مهاب بالقهوه
وبعد وقت بسيط أستأذنوا ومشي بدر وعامر ودياب عشان يقابلوا ليل وروح مهاب البيت
...........
في منزل جاسر.
رن تليفونه كان بيلبس
وتمارا تحت مع تيا ومني في الجنينه.
جاسر...الوووو.
ليل...انا خارج خلاص جهزت
جاسر...اه مستنيك يلا
ليل...تمام انا جاي يلا سلام
جاسر...سلام.
نزل جاسر علي تحت كانوا قاعدين مع بعض.
مني...ايه يا حبيبي خارج
جاسر...ايوه يا ست الكل رايح مشوار مع ليل
مني...هتتأخر
جاسر...والله مش عارف بس غالباً اه أتعشوا انتوا عشان احتمال نتعشي بره.
مني....ماشي يا حبيبي خلي بالك من نفسك
جاسر....حاضر يا امي...توتي حبيبه بابي عايزه حاجه
ابتسمت تيا لجاسر وطي عليها باسها من خدها كانت قاعده علي رجل تمارا غمضت تمارا عينها بحب وهي بتشم ريحه البرفيوم بتاعتها
وقرب من تمارا باس راسها عايزه حاجه.
تمارا....بهدوء لا شكرا خلي بالك من نفسك.
جاسر....يلا سلام
مني...سلام يا حبيبي
مشي جاسر علي باب الڤيلا وهي متبعاه بعينها في الوقت ده جه ليل و شاورلهم من بعيد وركب جاسر جمبه من غير ما يبص لتمارا كانت حاسه انها عايزه تعيط من طريقته معاها وكانت واثقه ان لولا وجودها مع مني مكانش لا سلم عليها ولا كلمها. حاولت تضحك مع تيا و تبان طبيعيه عشان مني متحسش بأي حاجه.
............
بعد فتره بسيطه وصلوا المكان اللي أتفقوا عليه.
كان بدر ودياب وعامر وصلوا.
دخل عامر الحمام.
في الوقت ده دخل ليل وجاسر ومعاهم اتنين من الجارد
شافهم بدر بيقربوا علي التربيزه
قام هو ودياب وبدأوا يسلموا علي بعض..
بدر...بأبتسامه ليل باشا
ليل...بنفس الأبتسامه اهلا يابدر باشا.
سلموا علي بعض.
بدر...اعرفك دياب باشا الدالي من اكبر وكلاء النيابه في اسكندريه مؤخراً وحالياً بقي تبعنا.
ليل...بأبتسامه ياسلام القاهره نورت يا باشا
ابتسم دياب وبادله السلام
منوره بأهلها.
ليل...مبسوط اني شوفتك.
دياب...انا اكتر والله
ليل...جاسر ابن عمي و شريكي
بدر...اهلا يا جاسر باشا
جاسر....اهلا بيك يابدر باشا انا شوفتك يوم المصيبه بتاعت الشركه
بدر....بضحك كله تحت السيطره موصلتش لمصيبه
جاسر...كله بنفسك يا باشا
اهلا بيك يا دياب باشا نورت مكانك
دياب...حبيبي منوره بيكم والله الواحد حاسس انه ليه وسط اهله.
جاسر...انت لسه شوفت حاجه يالهووووي كام سهره معايا وانسيك اسكندريه.
ضحك بدر ودياب علي جاسر.
ليل...الله يكسفك انت جاي تحبسنا بقولكم ايه انا معرفوش😂😂
بدر...بضحك انت شكلك كده تنفع مع عامر هو نفس دماغك دي
جاسر...بضحك عامر عرفني عليه الله يسترك اصلا انا عايش مع ناس محترمه😂😂
بدر...هو في الحمام وجاي حالاً
وفجأه رن موبايل جاسر
جاسر...بابتسامه طيب اسف هرد بس علي الموبايل وارجع اشوف عامر اللي حبيته من قبل ما اشوفه ده😂
بدر...بضحك الله معك.
......
خرج جاسر يرد علي تمارا.
جاسر...ايوه
تمارا...ايوه يا جاسر
جاسر...نعم
تمارا...بحزن هو انت هتيجي متأخر اوي
جاسر....انا لسه ماشي علي فكره من شويه وقولت اني هتأخر يا تمارا وقولت اتعشوا
تمارا....لا انا بسألك يعني عشان اشوف استناك ولا.
قاطعها جاسر نامي يا تمارا عشان احتمال اتأخر
دخل جاسر بخطوات بطيئه تاني
وهو بيقفل مع تمارا
.......
بدر...بضحك يعني الميداليه طلعت تبعك😂
ليل...بضحك الحمد لله انك ادتهالي كان زمان المفجأه باظت
فضلوا يضحكوا وفي وسط ماهما بيتكلموا
فجأه اتقلب المكان والصوت علي🙆♀️🙆♀️🙆♀️🙆♀️🙆♀️🙆♀️🙆♀️🙆♀️🙆♀️
