رواية دار الايتام الجزء الثالث (اللقاء المنتظر) الفصل الحادي عشر
..............
البشر في الحياه بيكملوا بعض منهم السئ اللي بيديك درس من غير ما يحس ويخليك اقوي وبيعلمك تواجه اي صعوبه في الحياه ومنهم المحب اللي بيملا حياتك فرحه ومن غيره مينفعش تعيش الحياه منهم اللي بتتولد تلاقيه في ضهرك ومنهم اللي الايام بتحطه في طريقك ومنهم اللي بيتفرض عليك.. ومنهم اللي اول ما تشوفه تبقي مش طايقه و كارهه لكن مع الوقت بتكتشف
انه وجوده في حياتك كان لازم يكون بدري عن كده.
زي ما بيقولوا ما محبه إلا بعد عداوه❣️
..............
ضحك بدر علي ليل وضحك دياب وليل و قطع ضحكهم صوت عالي.
وبسرعه وقف الجارد حوالين التربيزه وكأن المشهد أتحول لمشهد تمثيلي
انتبه بدر وليل ودياب للكارثه اللي علي وشك الحدوث وبسرعه راحوا بسرعه يلموا الدنيا قبل الجريمه.
...........
عامر....ما خلاص يا عم قولنا أسف😡
جاسر...أصرفها منين أسف دي ان شاء الله.
واحد من الموجودين علي التربيزات بالقرب منهم خلاص يا جماعه مفيش داعي لكل ده حصل خير.
جاسر....هو فين الخير انا مش شايفه.😡
عامر...بأبتسامه أستفزاز تبقي مشكلتك ركب نضاره😎
جاسر...شايف قله الذوق والله لولا اننا في مكان عام كنت وريتك شغلك
عامر...اللهم طولك ياروح.
جه بدر وليل ودياب في الوقت ده.
بدر...في ايه؟
جاسر....الحلو ده ماشي بيتكلم في الموبايل والويتر جاي وماسك العصير خبطه ووقعه عليا.
عامر....الحلو 😒 طب اتكل علي الله عشان انا لساني مش هيعجبك.
جاسر....لا يبقي متعرفنيش ده انا لساني يالا مولود قبل مني بسنتين😡
عامر...طب تصدق بالله لو ماختفتش من قدامي هبوظ وشك وهعمله لوحه فنيه😡
جاسر.....تبوظ وشي؟😳
ليل...ماتستهدوا بالله بقي خلاص حصل خير
جاسر....استني بس انت كده يعني ايه تبوظ وشي🤨
عامر....هبوظ وشك وخلاص سبني افاجئك وبعدين انت بتقرب مني كده ليه يالا🤨 اجري اعقد
جاسر....انت بتمشي ابن اختك ولا ايه مش قاعد.😡
دياب...يا شباب صلوا عالنبي فرجتوا علينا الناس.🙈
بدر....بضحك الله يخربيت عقلكم مش بقولك شبه بعض.
بصله ليل بأستفسار..🤨
بدر....ده عامر الالفي صاحبي.
وبص لعامر ده جاسر السيوفي ابن عم ليل السيوفي فرجتوا علينا الناس 🙈
ليل....هاااار اسود ومنيل 🙈
دياب...بضحك 😂
خلاص يا جماعه حصل خير كل واحد علي مكانه مفيش حاجه
بص دياب للويتر بقولك ايه يا كابتن
الويتر...تحت امرك.
دياب...ماتشوفلنا تربيزه حلوه في الدور اللي فوق وتكون في مكان هادي كده😉
الويتر...تحت امرك اتفضلوا معايا.
ليل...بضحك يلا يا جاسر
بدر....يلا يا عامر تعالي
غمز عامر لجاسر بأستفزاز 😉
جاسر...شوف بيبصلي ازاي😡
ليل...بضحك يا عم معلش امسحها فيا انا وبعدين في ايه انتوا عاملين زي العيال الصغيره كده ليه فرجتوا علينا الناس اطلع يلا.
دياب...بضحك هما اول مره يشوفوا بعض😂
عامر....واتمني تكون اخر مره😎
بصله جاسر من فوق لا والنبي ما تحرمناش من طلتك الحلوه😡
ليل...بضحك بص لعامر ياعم اسكت ابوس ايدك🙈🙈
طلعوا ورا الويتر اختارلهم تربيزه هاديه في ركن لوحدها بعيده عن باقي الناس.
وقعدوا كلهم بدر وليل ودياب كاتمين ضحكهم وعامر مبتسم بأستفزاز و جاسر عفاريت الدنيا بتتنطت في وشه.
ليل....نهدأ بقي كده ونصلي عالنبي
بدر....انا بس عايز أفهم حصل ايه.
عامر....ولا حاجه خارج من الحمام وانا بتكلم في الموبايل والحلو اللي هناك ده كان بيتكلم في التليفون هو كمان مخدتش بالي من الويتر اللي جاي يعدي من وسطنا خبطته وزي ما انت شايف أستحمي بالعصير😂😂
جاسر....تصدق بالله انا في حياتي ما شوفت حد مستفز زيك😡
عامر...طبعاً امال ايه ده إنفراد يا ابني عامر الالفي يبقي زيه زي اي حد كده عادي.
دياب...اقسم بالله انتوا الاتنين مسخره.
بص جاسر بغضب علي حرف قميصه اللي اتغرق عصير بغضب
عامر...بأبتسامه علي فكره كده لونه بقي اجمد شديد😉
بدر...بضحك بقول انا بفكر نلغي القاعده دي ليوم تاني😂😂😂
ليل...بضحك لا لا نلغي ايه انا انهارده بصراحه مبسوط جداً ودي فرصه نشوف مع بعض اللقطه دي وانا رايق كده.
جاسر...بغضب انت جاي تحقق احلامك انهارده انت التاني انا ماشي😡
وقف جاسر بغضب
مسكه ليل من ايده اقعد بقي متبقاش دماغك صغيره
جاسر...اقعد ازاي انت كمان انت مش شايف القميص متبهدل أزاي
عامر....اقلعه وخليك بالتيشرت الحملات وخلي الويتر يغسله وينشره علي فكره التيشرت الحملات هياكل منك حته😉
جاسر...شايف شايف جر الشكل😡
بدر....امسحها فيا انا يا جاسر عامر بيحب الهزار والله هو بس الموقف جه كده واول معرفتكم خناق.
دياب...صح وبعدين يا سيدي ما محبه إلا بعد عداوه😂🙈
بدر....وانت كمان اتلم شويه
عامر...هو اتكلمت ماهو اللي لابسه عفريت و بيتنطت
جاسر....تصدق بالله اول مره أشوف راجل كياد😡
عامر...طبعاً مش بقولك عامر الالفي مش اي حد ديماً هتلاقيني منفرد بالجديد.
دياب....بقول ايه نهدي بقي وبلاش شغل عيال وبعدين يا جدع انت وهو انا يعتبر لسه ضيف عندكم هي دي أصول الترحيب.
عامر...علي راسي يا باشا😉
جاسر...😡😡😡
بدر....طيب عشان نهدأ كده هنعيد التعارف بسرعه عشان عامر مكانش موجود.. ده ليل باشا السيوفي يا عامر صاحب مجموعه الحديد والصلب.
عامر...طبعاً اشهر من النار علي العلم سمعته سبقاه
ليل...بضحك حبيبي ربنا يخليك
بدر....وده عامر الالفي صاحب شركه الالفي للمقاولات
ليل....تشرفنا ياسيدي ونورت الدنيا.
عامر...حبيبي😉
بدر....طبعاً يا عامر ده جاسر باشا أبن عم ليل وشريكه في المجموعه.
ولع عامر السيجاره وخد منها نفس طويل ونفخ الدخان قدام جاسر اللي باصصله بغيظ
عامر....ولا سمعت عنه في طبق اليوم بس يلا تشرفنا لأجل عيون ليل باشا😉
بدر...بص لجاسر لا قوم اقتله بقي انا عملت اللي عليا😂😂🙈
جاسر...بغضب انت هتصيع مين ده اللي مسمعتش عنه في طبق اليوم هو مش انت من كام سنه عملت معانا شغل في الشركه وبالاماره كان معايا انا وادم.
عامر...والله انا فاكر ادم لكن انت لأ😎
جاسر...لا فاكرني زي ما انا فاكرك
😡
عامر...طبيعي تفتكرني عامر الالفي ميتنسيش يا ابني 😎
بدر...تصدقوا بالله انا عندي أحساس انكم هتبقوا صحاب😂
ليل...بضحك وانا والله بقولك ايه يابدر ما تقنع عامر يشتغل معايا في الشركه معايا اصحاب شركات مش اوي في التعامل وعامر هيجلطهم😂😂
جاسر.....انا شايف ان الجو حلو وعاجبك😡
عامر...ببرود بقولك ايه يا ...انا شايف انك متعصب اوي بسبب قميص ما تقوم تغسله وترجع او تقعد بيه كده والله شكله بقي حلو واسكت بقي شويه صدعتني.
جاسر...طيب انا هسكت عشان والله فاضل شويه و هضربه😡
ليل...طيب بقول انا عجباني القاعده وشكلها كده هتبقي سهره هتاكلوا ايه.
بعد وقت بسيط كان الاكل جه وبدأوا ياكلوا.
ليل...بأبتسامه انت مش هتاكل ولا ايه؟
جاسر....انا هموت واعرف ايه سر الأبتسامه اللي علي وشك دي😡
ليل...بضحك يا ابني انا نطقت ما تاكل.
بدر...بضحك انت ولا علي بالك 😂
عامر...اصل الاكل حلو وبصراحه نفسي مفتوحه اوي انهارده مش عارف ليه وبص لجاسر وغمزله😉
جاسر...لبدر انت طايقه أزاي.
عامر...والله خدت السؤال ده من علي طرف لساني كنت لسه هسأل ليل باشا طايقك ازاي ده انت ذنان ذن يا جدع😒
دياب...بقول ابه اسكتوا بقي شويه وخلينا نتكلم في اللي جايين عشانه
ليل....ايوه صح عملت ايه ياباشا في موضوع الحراسه.
بدر...انا تمام دياب جه اهو وشوف امته واحنا معاك عرفني بس محتاج قد ايه حراسه وعلي الشركه بس ولا فين.
ليل....انا محتاج حراسه للمجموعه
ومحتاج للمخازن عندي مخزنين مخزن في اكتوبر ومخزن علي طريق اسكندريه الصحراوي وده المخزن الكبير
دياب....هو انت سايبهم من غير حراسه.
بدر...لا طبعا في حراسه بس بصراحه من بعد اللي حصل ده في الشركه وانا مقلق وبيني وبينك انا مبقتش أثق في حد مش بعيد الجارد يكون اللي عمل كده شاريهم بالفلوس.
دياب...انت ليك أعداء.
أتنهد ليل و بصله كان ليا بس ده من فتره والحوار خلص ومن بعد ما خلص كل حاجه رجعت طبيعيه
ومفيش حاجه حصلت خالص غير اللي حصل في الشركه ده.
دياب....بدر حكالي كده بأختصار اللي حصل وانا شايف علي قد ما الموضوع يبان انه مجرد تهديد بس بردو يقلق.
ليل...طبعاً يقلق بس اللي مجنني اني بجد حالياً معنديش اي عداوه مع حد.
بدر...مش يمكن اللي كان علي عداوه معاك رجع من تاني.
ليل...لا خالص اصلا عداوتهم ليا كانت عداوه شخصيه ملهاش علاقه بشغلي.
بدر...طيب ما تفهمنا يمكن نقدر نساعدك او دياب يساعدك متستعونش بيه ده عليه دماغ أبليس نفسه ميعرفش يوصل لتفكيره.
بص ليل لجاسر ورجع بص قدامه وسكت.
جاسر...بص لليل بأبتسامه أحكيلهم ياليل يمكن يقدر يساعدنا بفعلا
ليل...بتوتر مش وقته يا جاسر.
جاسر....لا وقته ياليل لما يكون في قلق عليك وعلينا كلنا يبقي وقته لما يبقي في حاجه ممكن تهدد شغلنا وحياتنا وحياه اللي تبعنا يبقي وقته.
بصوا كلهم لجاسر بتركيز.
جاسر....انا هقولك اكبر عدوا كان لليل هو ابويا.
بصوله كلهم بأستغراب.
جاسر...بابتسامه حزن متستغربوش هي حكايه طويله أختصارها ان ابويا كان عايز يخلص من ليل عشان ياخد كل حاجه منه وبعدها يخلص من نوح اخوه الصغير كان فاكر انه بيحميني وبيأمن مستقبلي كان شايف انه مش عدل ان والد ليل يسيب كل ده في ايد ليل ابويا كان شايف كل ده كتير علي ليل و مينفعش ليل في سنه ده يبقي كل الملايين دي في ايده ويبقي هو الكبير. ووقتها طلع متفق مع حبيه ليل القديمه ومع خطيبتي القديمه واخوها و سكرتيرت ليل عليه وطبعا خطيبتي وحبيبه ليل عملوا كده لما لقوا ان في حد تاني دخل في حياتنا يعني الحوار بالنسبالهم كان بدافه الانتقام
عامر...ده ايه الفيلم الهندي ده كله.
جاسر...😒رغم انك بتقولها بتريقه بس هو فعلا فيلم هندي انا حاولت أختصره بس لو حكيت الحكايه كامله مش بعيد تكدب اللي هتسمعه.
بدر....طيب بعيد عن اللي بتقوله يعني هما راحوا فين الوقت مش يمكن رجعوا اتفقوا من تاني.
جاسر...اللي مات ما بيرجعش تاني يا بدر باشا..ابويا موت نفسه بالرصاص يوم ما اكتشفنا اللي عمله والباقي اتقبض عليه
عامر...طيب ما يمكن خرجوا وحابين يكملوا باقيي الفيلم😏
ليل....لا يا جاسر مخرجوش لانهم اتقبض عليهم اصلا بسبب كميه تعم تخليهم ما يطلعوش من السجن. تحريض علي قتل وخطف وتحريض علي الاغتصاب يعني زي ما جاسر قالك باقي الحكايه فيلم بجد مش ممكن تصدقه.
صدقني الحكايه طويله اوي متتحكيش في قاعده.
عامر....طيب يعني انا بصراحه دبس ومدب ومبحبش ازين الكلام وفي كلمتين محشورين في زوري واتمني يعني يا استاذ جاسر متطلعش فيا😒
جاسر...لا قول مع اني ممكن اكون عارف انت هتقول ايه...مش بردو انت شاكك ان ممكن انا اللي اكون عامل كده.
بصله ليل بغضب...ايه الهبل اللي انت بتقوله ده.
عامر...صراحه بقي اه كنت هقول كده.
ليل...مستحيل يا عامر اللي بيني وبين جاسر مش زي ما انت فاكر صدقني جاسر اصلا من اول الناس اللي اتأذت في الحوار ده
جاسر اخويا وابن عمي وصاحبي
جاسر....انا خسرت ابويا ووقفت قدامه عشان خاطر ليل سجلتله وبلغت عنه عشان خاطر ليل
غامرت بأسمي وسمعتي ووصمه العار اللي ابويا سبهالي بسبب طمعه عشان خاطر ليل ولاني بأختصار مش طمعان في اي حاجه تخصه يمكن ابويا مكانش يعرف ان ليل عمل معايا اكتر بكتير ما كان يتخيل سلمني كل حاجه معايا توكيل عام منه علي كل ممتلكاته من قبل ما يحصل اي حاجه اصلا كان سهل اخد كل حاجه و أديله ضهري وساعتها القانون لا يحمي المغفلين ومن غير بقي لا قتل ولا أذى ولا اي حاجه بس انا عمري ما فكرت ولا طمعت في حاجه تخصه ولا عمري راجعت وراه ولا سألته عن ارباحى و فلوسي في الشركه وللأسف ابويا مكانش يعرف اللي بيني وبين ليل انا يمكن مليش اخوات بس ليل ونزح وادم انا اتربيت وسطهم من وانا عيل صغير كانوا اخواتي واصحابي وعيلتي اللي لايمكن الفلوس تقدرهم بتمن.
دياب.....جاسر طبعا كل اللي انت بتقوله ده حلو وعلي فكره انا مصدقك بس زي ما عامر قال عن رأيه من وجهه نظره اي حد ممكن يكون ده رأيه خصوصا لما يعرف الحكايه وعموما انا فعلا شايف ان الحوار بعيد خالص عن اي مشاكل شخصيه وبعيد كمان عن الاذي اللي عمل كده قاصد يوترك او يقلقك مش اكتر وغالياً منافس ليك في الشغل.
ليل...انا معنديش مشكله في اي حاجه المهم ان اي أذى ما يطولش عيلتي.
بدر...اطمن كل حاجه هتبقي تمام انت هيبقي معاك جارد متدرب علي اعلي مستوي الدبانه مستحيل تدخل او تخرج في المكان اللي هما فيه.
ليل....وانا واثق فيكم يابدر.
بدر...بكره ان شاء الله بالكتير هتلاقي الجارد عندك في الشركه
و هبعتلك الجارد علي مخزن اكتوبر وبعد بكره هبعتلك جارد علي المخزن الكبير
ليل...طيب بخصوص العقد.
بدر...هبعتهولك تقرأه براحتك وتمضيه
دياب...طيب خلصنا بقي من حوار الحراسه وبما اننا فتحنا حوار العقد والفلوس كنت عايز اولا اشكرك علي الشقه وتاني حاجه كنت عايز اعرف طلباتك.
ليل...بأبتسامه طيب بس كل وصلي علي النبي كده وانسي الحوار ده.
دياب...انسي ايه انا جايلك انهارده مخصوص بسبب حوار الشقه ده
ليل....بقولك ايه انا عرفت من بدر باشا انك قاعد فيها شويه لحد ما تنقل يعني كده او كده انت مش مكمل فيها واصلا انا من البدايه لما فهمت منه قولتله ان دي شقتي وانب ليا في البرج ده شقتين دورين كاملين خاصين بيا يعني دي بتاعتي انا لا بأجرها ولا ببيعها ولا اصلا بسكن فيها حد بس زي ما قولت في بدايه القاعده انت هنا ضيفنا ولازم نرحب بيك بطريقتنا.
دياب...بأحراج لا بالله عليك مش هينفع خالص وطبعا احنا اول مره نتعرف علي بعض وانت متعرفش نظامي يمكن بدر اللي عارفني كويس انا بحب كل واحد ياخد حقه وزي ما انت هتدفع مقابل الحراسه فلوس فا انا لازم ادفع مقابل قعدتي في الشقه دي فلوس ده حقك.
ليل...اولا اللي بيني وبينكم ده شغل ملهوش علاقه بحاجه شخصيه لكن الشقه دي اعتبرني يا سيدي اخوك ودي شقه اخوك يعني شقتك وبلاش بقي كلام كتير عشان لو عملت ايه مش هاخد منك اي حاجه الشقه عندك و مفتاحها معاك اقعد فيها زي ما تحب يوم اتنين شهر سنه زي ما انت عايز ووقت ما تحب تسيبها سيبها يا سيدي
دياب...باحراج انا مش عارف اقولك ايه بجد انا والله لو اعرف من البدايه كنت نزلت في فندق
جاسر...فندق واحنا هنا معاك تبقي عيبه في حقنا يا باشا.
عامر.....وانت مالك هي شقتك حشري اوي😏
بدر...بضحك انت صحيت تاني يا عم اسكت ما صدقنا سكت😂
جاسر....والله ما عارف انت مستحمل الكائن ده أزاي 😡
دياب....بأبتسامه طيب بعيد عن ناقر و نقير اللي قاعدين دول انا بجد والله ما عارف اشكرك ازاي أذا كان انت ولا بدر اللي ديماً تعبان معايا واللي عمله معايا اول ما وصلت.
ليل....طيب يعني ينفع بدر باشا يوجب معاك وانا لأ ترضهالى يا باشا🤨
دياب...طيب بمناسبه بقي الالقاب دي احنا بقي في بينا عيش وملح بلاش الالقاب دي بالله عليك لاني مبقتش اسمع غيرها لحد ما نسيت اسمي.
بدر....صراحه انا كنان مليش في الالقاب دي.
ليل....خلاص ياسيدي انت وهو مفيش القاب ولا ايه يا عامر باشا😂😂
عامر....طبعا بلاش ألقاب بس ليك انت بس انما حد تاني يلزم حدوده طبعاً😎
جاسر....بصوت واطي أبو تقل دمك يا اخي😡😒
ضحك ليل وضربه في كتفه ما تتهد بقي😂😂😂🙈
جاسر...بصوت واطي مش بالعه😡
ليل...بضحك اشرب وراه شويه مايه وهتبلعه😂
عامر...في حاجه ياليل😎
جاسر...ليل هياخد عليك😒
ليل...بضحك لا يا سيدي مفيش جاسر بس بيقولي انه حبك اوي😂🙈🙈🙈
عامر....القلوب عند بعضها😉
بدر...داخلين جهنم من غير أي مجهود😂😂😂
دياب....طيب بقول ايه بقي بما اننا كده بقي في بينا شغل وتعارف حلو و جمايل في رقبتي وعيش وملح فا انا بقترح يعني انكم تشوفوا يوم كده مناسب ليكم تنوروني في الشقه نتعشي سوا ونتعرف اكتر علي بعض
بدر...طيب اولا كده قولنا مفيش بينا جمايل وبلاش كده عشان متزعلنيش اللي بينا اكبر من كده علي الاقل انا وانت ثانياً بقي ياسيدي لو معندكمش مانع نخلي التجمع الحلو ده عندي انا في الڤيلا اهو مراتك تتعرف علي البنات عندنا وليل كمان هو و جاسر يجوا و ينورونا و نقضي يوم حلو كلنا مع بعض. وياسيدي بدل ما ابعتلك العقد بكره تمضيه لما تيجي وهو اعتبر العزومه دي بمناسبه الشغل اللي هيكون بينا.
ليل...مبدأياً كده قبل ما اقول حاجه علي العزومه انا هأكد علي كلام بدر احنا مفيش بينا جمايل انا في العادي مبعرفش اجامل ابداً ويمكن المقربين مني عارفين عني الطبع ده مليش في الجمايل خالص ولا الشكليات الاجتماعيه انا حد دوغري جداً واي حاجه بعملها بتكون من قلبي بجد ويمكن كمان انا مش بدخل أي حد في حياتي بسهوله ديماً حياتي وبيتي مقفول عليهم وعلاقتي في العموم يمكن تبان كبيره لكن في الحقيقه هي محصوره بين اخويا نوح و جاسر وادم ابن خالتي وامي و مراتي وابني بس انا اول مره في حياتي اعرف حد واحس ان هو شبهي واكون مرتاح في التعامل معاه يمكن لما شوفت بدر اول مره ورجعنا أتقابلنا و اتكلمنا
ورجع قالي عالشقه وانا قولتله عالحراسه حسيت انه جدع وابن بلد وصاحب صاحبه بجد يمكن انت ده اول تعامل معاك انهارده بس انت متختلفش عنه خالص
فيكم شبه من بعض والاهم بقي هو عامر 😂 عامر ده انا حبيته بشكل مش طبيعي
عامر...حبيبي والله القلوب عند بعضها
جاسر....😒😒😏
كمل عامر وهو باصص لجاسر مع ان والله ياليل في قلوب كده بتبقي عايزه الحرق😎
ليل...بضحك😂😂🙈خلينا في المهم بدل ما نتضرب اللي اقصده يعني اني بجد انا مش بعرف اجامل ولو مش مرتاح لاي حد فيكم مكانش زماني قاعد الوقت معاكم.
بدر....زي ما قال عامر بجد القلوب عند بعضها ياليل
ليل....انا مبدأياً معنديش مشكله بس ايه رأيكم نعمل تعديل بسيط ونخلي العزومه والتجمع الحلو ده يكون عندي في المزرعه الجديده بتاعتي صراحه دي هديه من مراتي اول مره اعرف عنها انهارده ويمكن هي سبب فرحتي وحابب انكم تشاركوني فيها واعرفكم بقي علي اغلي حاجه ليا بعد عيلتي
مهره وعشق و أصيل.
عامر....دي مزرعه خيول؟
ليل....ايوه عرفت ازاي
عامر...يعني من اسم مهره واصيل
بس عشق ده اللي جديد وجميل بصراحه.
ليل...بأبتسامه ده اسم مراتي الفرسه دي أتولدت علي ايدها قبل ما يكون في بينا اي حاجه وقررت يومها اسميها عشق يعني تقديراً ليها عشان انقذت مهره من ولاده خطيره وبصراحه مهره دي غاليه عندي اوي لانها هديه من ابويا الله يرحمه بس قولي انت ليك في الخيل ولا ايه.
عامر...لا عادي يعني انا بحبهم بس صراحه من بعيد لبعيد مجربتش خالص اركبهم او اتعامل معاهم بس مراتي بتحبهم اوي كانت من فتره طلبت مني نركب وكده ورحنا نزله السمان ركبنا. هي كانت بتركب زمان بس مش احتراف حب مش اكتر وكان بقالها سنين مش بتركب. عشان كده ودتها.
ليل...خلاص ياسيدي يبقي تيجوا عندي انا ادام الفكره عجبتك
ونقضي اليوم من اوله مع بعض في المزرعه ولو مناسبكم يوم الجمعه او السبت لانهم ايام الاجازه عندي في الشركه
واهو بالمره تتعرفوا علي نوح اخويا وادم ابن خالتي.
بدر...بقول ايه خلي المزرعه دي يوم تاني لان انا اصلا كنت قايل لدياب اننا هنتعشي مع بعض يوم الجمعه سوا واليوم ده هنروح بدري نتفرج مع بعض علي كام ڤيلا كده جمبنا وبعدين نروح علي عندي نقضي اليوم. انت تيجي انت و المدام وطبعا جاسر كمان يجيب المدام وتجيب معاك نوح وادم واهو نتعرف علي بعض
ليل...طيب ما تيجوا اي وقت المزرعه عادي.
دياب...هو في ايه انت ا بتتعازموا علي بعض اصلا دي فكرتي🤨
بدر...لا فكرتك ولا فكرته انا قايلك من الاول وخلاص انا قولت كلمتي
🤨
دياب...ياعم خلاص انا معنديش مشكله.
بدر...وانت ياليل الراجل ده جاي هنا و جايب معاه مراته و متعرفش اي حد هنا حابين نعرفها علي مراتي ومرات عامر ويوسف ومهاب وانت كمان اكسب فيه ثواب اهي يبقالها هنا عزوه لما الراجل ده ينزل شغله.
ليل...ماشي ياعم انا عموما معنديش أعتراض بس المره الجايه تبقي عندي في المزرعه.
بدر.....وانا موافق و انت يا عم دياب المره اللي بعدها تكون عندك حتي تكون أخترت الڤيلا ونقلت فيها واهي تبقي بمناسبه الڤيلا
دياب....ماشي كلامك باشا😉
بدر...وانت يا جاسر انا مش عايز اعتراض .
جاسر....والله انا معنديش مشكله بس سؤال بس
بدر...اتفضل.
جاسر...هو الكائن ده هيكون موجود😡
بدر...بضحك خليها عليك بقي😂
جاسر...عليك ايه بس ياعم انا قاعد بالعافيه والله عشانكم
عامر...بأبتسامه مستفزه أحفظ بقي وش الكائن ده عشان هتشوفه كتير مش بعيد يجليك في احلامك كمان🤨
بدر...بضحك يبقي أتفقنا وغيروا بقي الموضوع ده احسن يقوموا يمسكوا في بعض😂😂
ضحك ليل ودياب وبعد وقت بسيط خرجوا كلهم مع بعض
ومشي جاسر جمب ليل وهو بيحاول يداري نفسه عشان القميص.
عامر.....مالك عامل زي المقفوش أداب كده ليه.
ليل...بضحك صحيح انت ماشي تخبي في نفسك و هدومك كده ليه.
جاسر...انت مش شايف منظري وانت اسكت خالص متتكلمش معايا.
عامر...انت تطول تتكلم معايا.
وصلوا قدام عربياتهم.
بدر...ياعم يلا بقي.
دياب...انا بقول اخلع انا قيل ما يسخنوا علي بعض وانا مش فاضي اقف اكتر من كده مراتي وابني لوحدهم من بدري😂😂
ليل...بضحك وانا كمان بقول كده يلا ياجماعه اشوفكم علي خير ان شاء الله وبجد بعيد عن اللي حصل بينهم انا مبسوط جدا اني اتعرفت عليكم.
دياب...انا اكتر والله
سلموا علي بعض كلهم
ركب جاسر وليل
جاسر...من الشباك اليوم انهارده مش محسوب يا عامر النهارده كان واحد صفر ليك بس عد بقي اللي جاي ولاحق عالاجوان😉
عامر ..بأبتسامه عامر الالفي مبيدخلش فيه اجوان ياجاسر
يا سيوفي 😉 انا طول عمري في الملاعب برقص لكن عمر ماحد رقصني بقولك ايه لما نتقابل المره الجايه متبقاش تيجي بقميص ابيض مش معقول كل مره ابوظلك قميص ومتبقاش تغسله خليه كده لونه احلي😉
جاسر...😡😡اطلع ياليل عشان منزلش ابوظ وشه😡
ضحك ليل وضحكوا الشباب من قلبهم.. و اتاكدوا ان الايام اللي جايه عامر و جاسر مغامراتهم مش هتخلص🙈🙈
...........
بعد وقت مش طويل وصل ليل
كان الفجر بيأذن دخل لقي عشق بتصلي.
ابتسم وفضل واقف لحد ما خلصت.
ليل...تقبل الله يا حبيبي❣️
عشق...منا ومنكم اخيراً جيت
ليل...معلش يا حبيبي القاعده خدتنا شويه.
عشق...ماشي يا سيدي علي فكره بقي دي اول مره تخرج من غيري من يوم ما اتجوزنا.
ليل...بأبتسامه و اوعدك مش هتتكرر تاني اصلا انا مش بعرف اقعد من غيرك.
عشق...ماهو واضح شكلك راجع مبسوط.
ليل...من ناحيه مبسوط فا انا فعلا مبسوط اليوم انهارده كان حلو من بدايته. بدأ بالمزرعه وانتهي بسهره حلوه
عشق...بحب ربنا يحلي كل ايامك يا حبيبي.
ليل....شايفك يعني بتصلي من غيري🤨
عشق...بأبتسامه معلش بقي الفجر أذن قولت اصليه معرفش انك هتبجي الوقت كنت استنيتك يلا ادخل خد شاور واخرج صلي وتعالي بقي عشان تلحق تنام شويه.
ليل...حاضر يا حبيبي صحيح يوم الجمعه احنا معزومين بره.
عشق...بجد فين اول مره نتعزم يعني.
ليل...بدر الخياط عزمنا كلنا عنده بمناسبه التعارف اللي حصل بينا والشغل اللي هيكون بينا وبعدين دياب صاحبه اللي قاعد في شقه الزمالك هنا هو ومراته وهي متعرفش حد وهو قلقان عليها خصوصا لما ينزل الشغل يعني فا هتتعرفوا علي بعض كلكم
عشق....ماشي يا سيدي بس صحيح انا كل ما اجي أسألك انسي هو قاعد في الشقه اللي كنا قاعدين فيها انا والبنات ولا اللي تحت.
ليل...اللي تحت طبعاً اما بقي الشقه اللي كنتي انتي قاعده فيها دي مستحيل حد يدخلها بعدك يا عشق دي حاجه خاصه بيا فيها ريحتك اللي مستحيل اخلي حد يقرب منها ابداً عشان فيها ذكريات تخصنا.
عشق...بحب ماشي يا حبيبي يلا ادخل خد شاور وهستناك بس لو اتأخرت هنام واسيبك.
ليل...لا تسبينى ايه مش هتأخر وهاجي انام عشان حضنك وحشني.❣️
عشق...بحب طب يلا ياحبيبي❣️
...................
وصل جاسر فتح الاوضه براحه
كانت تمارا نايمه دخل خد لبس ودخل علي الحمام عشان باخد شاور ويحاول يهدي نفسه شويه من العصبيه اللي حصلت.
اول ما دخل علي الحمام قلع القميص وبصله وهو ملامحه كلها غضب وأفتكر كلمه عامر.
عامر....بقولك ايه متبقاش تغسله كده بقي احلى😉
جاسر...بغضب ماشي يا عامر الكلب وديني ما هحلك ابداً انا تعمل فيا كده 😡مبقاش جاسر السيوفي إن ما كرهتك في عيشتك.
حدف القميص بغضب ودخل خد شاور وبعد وقت بسيط خرج راح عالسرير. بص علي تمارا وهي نايمه ومنكمشه علي نفسها
ابتسم وحس انها وحشته قرب من وشها شويه شال شعرها المفرود ومغطي ملامحها
فتحت تمارا عينها بهدوء من لمسته كانت فاكره انها بتحلم.
بصتله شويه من غير اي كلمه
جاسر...بأبتسامه هاديه وحشتيني وحضنك وحشني
أتجمعت الدموع في عين تمارا من غير ولا كلمه.
جاسر...بحب نفسي مره اقدر اكمل زعلي منك للاخر بس مش بعرف ولا بتهوني عليا عارفه يا تمارا لو زعلتيني تاني هعمل فيكي ايه
نزلت دموع تمارا مقصدش ازعلك
جاسر...بحب مسح دموعها وقرب من خدها باسها براحه. عارف بس زعلتيني ممكن بقي متزعلنيش تاني.
تمارا بأبتسامه هزت راسها
جاسر...طب يلا تعالي في حضني❣️
لفت تمارا بسرعه واترمت في حضنه ومسكت فيه بايدها جامد قربها جاسر من حضنه اكتر وباسها من راسها تصبحي علي خير يا عمري.
تمارا...بتنهيده طويله وانت من اهل الخير❣️
...........
في صباح يوم جديد
صحي بدر كانت سيلا صحيت وفي ايدها اللبس بتاعها.
بدر....صباح النور يا حبيبي.
سيلا...بأقتضاب صباح النور😔
دخلت علي طول علي الحمام من غير اي كلام استغرب بدر طريقتها مكشره و ساكته على غير العاده قام طلع لبس وولع سيجاره فضل يشربها لحد ما طلعت.
بدر....هدخل اخد شاور سريع كده واخرج عشان ننزل نفطر مع بعض.
سيلا....تمام اتحركت سيلا من قدامه عشان تسرح شعرها مسكها بدر من ايدها.
بدر...سيلا الجميل مكشر ليه عالصبح.
سيلا...ابدا مفيش بلبس بس بسرعه عشان مش عايزه اتأخر
بدر....سيلا مالك شكلك زعلان من حاجه.
سيلا...مفيش يابدر انا كويسه وقبل ما تمشي تاني شدها ليه ولف ايده علي وسطها.
بدر...ده حبيبي شكله زعلان مني بقي
رفعت سيلا عينها وبصتله بزعل
من غير اي كلام.
بدر....حبيبي ماله انتي زعلانه مني ولا ايه.
سيلا....هو انت زعلتني
بدر...لا بس شكلك زعلانه.
سيلا...وهي بتبعد طيب ادام مش زعلتني خلاص
بدر....بأبتسامه بت استني هنا بلاش لعب عيال انتي مقموصه مني عشان اتأخرت ولا ايه.
سيلا....كويس انك عارف انك اتأخرت.😔
بدر...امممم قولتيلي بقي شوفتي قفشتك أزاي.
سيلا...اتأخرت ليه😔
بدر.....والله غصب عني القاعده خدتنا وكنا بنتكلم في شغل.
سيلا...كل ده يابدر وبعدين انا مش شوفتك من امبارح الصبح من ساعت ما فطرنا سوا حتي مش كلمتني مرتين علي بعض.
بدر...والله غصب عني اليوم كان طويل وكله مشاوير الصبح شغل وكنت مشغول واخر النهار روحت لريم اطمن عليها ودياب جالي وبعدها طلعنا علي ليل وبعدين ما انتي كمان كنتي مشغوله في شغلك.
سيلا....ايوه بس اول مره احس اني مفتقداك كده حتي لما بكون في الشغل بتكلمني كتير كلمتني مره واحده اطمنت عليا والمره التانيه سألتني رجعتي ولا لسه
حتي لما عرفت اني وصلت مفكرتش تسألني نمت ولا لأ.
بدر...في دي بقي عندك حق بس لما اتأهرت ولقيتك متكلمتيش قولت اكيد جيتي تعبانه ونمتي علي نفسك مرضتش اقلق عموما حقك عليا انا اسف مش هتتكرر تاني
سيلا....ماشي يا بدر.
بدر....فكي بقي وانا وعد مني هعوضك عن امبارح ماشي
بصتله سيلا بحب وحشتني اوي
ابتسم بدر وحضنها انتي وحشتيني اكتر ياقلبي
.........
نوني...بدر سيلا يلا الفطار جاهز
بدر...بضحك انا بقول تبعدي وننجز بدل ما تيجي تفتح علينا ويبقي يومنا مهبب🙈🙈
سيلا...بضحك طيب يلا ادخل خد شاور بسرعه.
بدر...ماشي يا حبيبي ثواني و هخرج.❣️
...........
في المستشفي.
يوسف....كملي بقي اخر حته دي عشان خاطري
ريم...مش قادره والله يا چو انا كلت كتير ومن وقت ما جيت المستشفي وانا باكل وبس عوضت الفتره اللي فاتت كلها.
يوسف...بألف هنا ياحبيبي واعملي حسابك ده هيبقي النظام الجديد من هنا ورايح
ريم...ياسلام ووزني يزيد🤨
يوسف...وايه يعني كده او كده قمر بس المهم ان صحتك تبقي احسن الحمد لله الدكتور بيقول انك افضل بكتير الوقت حتي كريم أتحسن.
ريم...الحمد لله بس ايدي بايظه خالص وازرقت من كتر الكانولا
يوسف....معلش هي بتتسد كتير مش عارف ليه وبعدين ياستي لو عالزرقان ده كام يوم ويروق.
ريم....يوسف عشان خاطري ادام بقيت كويسه قول للدكتور اني امشي بقي انا بجد اتخنقت اوي والبيت وحشني
يوسف...هو هيجي حبيبتي الوقت يطمن عليكي ولو طمني والله اوعدك اني هخرجك بس يطمنا كمان علي كريم.
ريم...هو قاللي انه اتحسن ونفسه اتظبط وبقي افضل وينفع يخرج خلاص بس هنتابع معاه عشان الصداع
يوسف...ماشي ياقلبي هشيل الاكل ده و هروح انادي عليه يجي يشوفك.
ريم...بفرحه طيب انا هقوم اظبط معاك بسرعه.
يوسف...تظبطي ايه يا مجنونه اقعدي هنا بلاش هبل انا هظبط كل حاجه.
باسته ريم من خده ربنا يخليك ليا ياحبيبي انا عارفه اني تعبتك اوي اليومين اللي فاتو وتعبتكم كلكم مكنتش اعرف اني غاليه عندكم اوي كده.
يوسف...بحب تعب ايه يا عبيطه لو متعبتش عشانك اتعب عشان مين بس وطبعا انتي غاليه عندنا كلنا ربنا يخليكي ليا يااحلي ريم في الدنيا.
ريم...بابتسامه بحبك
يوسف...انا بحبك اكتر😉
خرج يوسف وجه معاه الدكتور وبعد ما كشف عليها.
الدكتور.... ماشاء الله بقينا زي الفل خلاص.
يوسف...يعني مفيش اي قلق عليها خلاص يا دكتور
تلدكتور...لا الحمد لله هي افضل بكتير الضغط مظبوط جدا السكر الحمد لله زي ما قولت كان عرضي
الانيميا رفع واحد مش وحش بس المهم نكمل العلاج ونتابع ديما ومنهملش في صحتنا.
رسم...يعني اقدر اخرج يا دكتور متقولش لا انا ب.زهقت خالص وحاسه والله اني بقيت افضل.
الدكتور....مين بس اللي قال اننا عايزينك هنا من فضلك اخرجي بقي عشان نسيب الاوضه لمريضه تانيه🤨
ريم...بفرحه بجد يا دكتور.
الدكتور...بأبتسامه طبعا بجد الحمد لله بقيتي كويسه و تقدري تخرجي وتمارسي حياتك طبيعي بس زي ما قولت مش عايز أهمال تاني والاسبوع الجاي هنكرر كل التحاليل دي عشان نطمن اكتر.
ريم....حاضر طيب وكريم يا دكتور.
الدكتور...كريم كمان بقي كويس النفس اتظبط والتهاب الاحبال الصوتيه اتحسن كتير وهو كمان لو حابين تاخدوه معنديش اي مشكله هو حالته مستقره جدا وعلي فكره انا بدأت من اول امبارح علاج الصداع اللي قولت عليه والي حد كبير الحمد لله هو اهدي والعياط قل كتير عن الاول
هنتابع مع بعض بره في العياده
مش اكتر.
يوسف...بفرحه الف حمد وشكر ليك يارب مش عارف اقول ايه لحضرتك يا دكتور بجد انا مديون ليك بكتير اوي.
الدكتور...دين ايه بس ده شغلي ربنا يطمنك عليهم وهمتك بقي معانا يا بطل عايزهم يرتاحوا خالص عندك مجهود كبير.
يوسف...متقلقش يا دكتور عليهم انا عارف هعمل ايه كويس.
الدكتور....حمدالله علي سلامتهم هسيبكم بقي تظبطوا نفسكم وانا هكتبلكم علي خروج.
يوسف....شكرا مره تانيه لحضرتك.
الدكتور...العفو بعد اذنكم.
ريم...يوسف... أتفضل.
عدي حوالي نص ساعه كانت ريم بتشيل حاجتها ويوسف بيساعدها
خبط الباب ودخلت روكا.
روكا....الله الله بقينا زي الفل الحمد لله
ريم...بفرحه روكااا
روكا...وحشتيني حقك عليا معرفتش اجيلك امبارح
ريم...حبيبتي انا عارفه والله انك مشغوله عشان العرض وبعدين انتي كلمتيني امبارح كتير اوي
روكا...اعملي حسابك العرض قدرت أجله الحمد لله وهيبقي الخميس الجاي.
ريم...ليه بس كده مش قولتلك خليه في معاده.
روكا....واعمله من غيرك ولا تيجي وانتي تعبانه خليه يكون احسن تبقي متحسنه اكتر.
ريم...بحب ربنا يخليكي ليا يا احلي روكا في الدنيا.
يوسف....ايه اللي جايبك بدري كده 🤨
روكا...جيت اشوفها وهروح الشركه عشان وحشتني.🥺
ريم...روكا انا هخرج انهارده😍
روكا....بجد طيب الدكتور اطمن عليكي.
ريم...اه قال ان انا وكريم ينفع نخرج ونكمل علاج في البيت
روكا...طيب الحمد لله قوليلي بتعملوا ايه.
يوسف...تعالي ياروكا الله يكرمك حطي باقي الحاجه دي في الشنط
وانا هنزل اخلص الحساب لحد ما يجيبوا كريم الممرضه خدت لبسه من شويه و بتجهزه انتي بقي ساعدي ريم.
روكا....طيب يلا انزل انت😍
................
عدي حوالي ساعه كانت ريم وصلت البيت وكريم في حضنها
وروكا وراهم بالعربيه رفضت تمشي غير لما توصلها لحد الڤيلا.
ركن يوسف وروكا وراه.
راحت روكا فتحت الباب وخدت منها كريم كان نايم.
يوسف...يلا يا حبيبي تعالي
ريم...الله البيت وحشني اوي حاسه اني سيبته من كتير
روكا... ان شاء الله متتكررش تاني وتفضلي في بيتك يا قلبي.
يوسف...يلا تعالوا اشيلك ياريم.
روكا...تشيل ايه يا نحنوح ما هي زي القرده اهي سيبها تمشي رجلها 🤨
يوسف...بضحك شكل عامر مش بيشيلها.
ريم...بضحك ايوه صح غيرانه 😂😂
روكا....غيرانه ايه ياللي تتشكي انتي وهو طب ده انا علي طول بتشال😉
يوسف...بضحك الله يسهلوووو😂😂😂😂
ريم...طلعت مش سهله 😂😂
فتح يوسف الباب
ودخلوا براحه كانت فرحانه انها رجعت تاني. وفجأه وقفت مصدومه وبصت ليوسف😳
ريم...مين دول.
يوسف...بابتسامه تعالي يا داده سميره. تعالي يا مدام نيره
سميره...حمدالله علي سلامتك يا مدام ريم نورتي البيت.
نيره...نورتي البيت حمدالله علي سلامتكم.
ريم...بأبتسامه الله يسلمكم شكرا جدا بس انا مش فاهمه حاجه.
يوسف...بأبتسامه دي ياستي داده سميره هتساعدك في شغل البيت والمطبخ ودي مدام نيره البيبي سيتر مسؤوله عن كريم من هنا ورايح وطبعا انتي زي ما انتي محدش هيقول انه هيحرمك من اي حاجه حابه تساعدي داده سميره في اي حاجه ساعديها واتسلوا سوا حابه تاخدي كريم تعمليله اي حاجه بنفسك اعمليها بس هما هيكونوا معاكي يعني بدل ما كل حاجه بتعمليها لوحدك هتتقسم علي تلاته واللي حصل ميتكررش تاني ومتتعبيش.
ريم...بأبتسامه عملت برده اللي في دماغك.
يوسف...مش هقدر اعمل غير كده ياريم وعشان خاطري متعترضيش
لازم اكون مطمن عليكي انتي وكريم.
ريم...مقدرش اعترض يا يوسف وبعدين هما مريحين جدا وانا شكلي كده هحبهم🥺
سميره...شكرا لحضرتك ان شاء الله هنكون عند حسن ظنكم اطلعي بقي ارتاحي وانا هحضرلك الاكل ويارب يعجبك.
نيره....ممكن بقي الاستاذ الصغير عشان اطلعه الاوضه.
روكا...بأبتسامه اتفضلي الاستاذ كيمو القمر.
خدته نيره واستأذنت منهم وطلعت بيه واستأذنت سميره ودخلت عالمطبخ.
ريم...ربنا يخليك ليا.
يوسف...ويخليكي ليا واقدر اسعدك واحافظ عليكي انتي وكريم.
روكا...طب انا همشي انا بقي احسن لمحت الشيطان داخل من الباب😉😉
يوسف...بضحك هي البت دي من زمان كده ولا كانت مؤدبه.
ريم...بضحك لا والله من زمان وهي قليله الادب😂😂
روكا...بضحك قليله الادب في عينك ما انا شايفه عصافير و نحنحه و كأنى مش موجوده قولت اقوم امشي قبل ما الشيطان يبوظ الدنيا 😉😉
ريم...طب خليكي شويه متبقيش رخمه.
روكا...هرجعلك بليل ابص عليكي ماشي.
ريم...ماشي يا قلبي.
روكا...يوسف اتصل بالعيال عرفهم لحسن يروحوا هناك و يطينوا عشتك.
يوسف...كويس انك فكرتيني احسن يروحوا ويتحولوا عليا لو ملاقوناش.
روكا...ماشي حمدالله علي سلامتك ياقلبي نورتي بيتك يارب ديماً اشوفك في احسن حال😘😘😘
ريم...بحبك يا روكا🥺❣️
روكا...وانا بموت فيكي ❣️
قربت روكا من يوسف باسته يلا باي يا چو بقولك ايه البت لسه طالعه من تعب اصرف الشيطان يا اخويا واغزي الشيطان😒
يوسف...بضحك الله يخربيت قلت ادبك يلا يابت من هنا.
مشيت روكا ووقف يوسف وهو لافف ايده علي ريم وميتين من الضحك علي روكا❣️
.................
بلغهم يوسف كلهم انهم روحوا.
و بلغهم بدر انهم معزومين بكره كلهم عنده في الڤيلا.
بلغ ليل ادم ونوح بعزومه بدر
والكل وافق.
وبعد ما وصل ليل الصبح علي الشركه اتفاجئ ان الجارد كانوا موجودين قبل وصوله وبلغوه انهم جايين من طرف بدر.
رحب ليل بيهم وعرفهم شغلهم
وعرف ان مخرزن اكتوبر وصل فيه الجارد..اتصل وبلغ بدر وشكره جداً
.........
عدي اليوم بسرعه اتصلت روكا علي عامر تشوفه فين عشان يروحوا يبصوا علي ريم في بيتها.
روكا...الووو. حبيبي فينك
عامر...قلب حبيبك انا في الشركه لسه
روكا...قدامك كتير
عامر...ساعه ياقلبي بالكتير انتي خلصتي
روكا...اه خلصت في شغل لسه بس انا مليش دعوه بيه كنت بشوفك عشان نروح سوا لريم.
عامر...طيب يا قلبي روحي انتي حصليني انا هاجي وراكي
روكا...اوك ياقلبي اشوفك هناك باي
عامر...باي ياروكا❣️
..........
بعد حوالي ساعه إلا ربع
كان عامر بيخلص شغله دخلت السكرتيره في الوقت ده ادتله ورقه بكل اماكن الڤلل اللي طلبها منها عشان دياب. وخرجت
بص عامر علي الورق برضا تام لما شاف ان اغلب الڤلل في نطاق المكان جمبهم
ثواني ورجعت السكرتيره خبطت تاني ودخلت وفجأه وقف عامر بصدمه.
عامر.....😳😳
