رواية خواطر رجل الفصل الحادي عشر بقلم جمانه السعيدي
ياسر...غمضت عيوني وبعد ماحجيت وياها
وهي بقت توصل للباب وترجع خايفه
اني اباوع عليه وارجع اغمض عيوني
بعدين كعدت بلجهه الثانيه مقابيل المندر الي نايم علي
وبقت كاعده
اني عبالك بسابع نومه
نص ساعه وشفته قربت عليه
مرام...ياسر ياسر ياربي حاجيني شلون نمت بهاي السرعه
ياسر....شكو شتريدين واحد مايعرف ينام من وراج
مرام..على اساس نايم بفندق سبع نجوم
ياسر...شتريدين لا اضلين تتحججين فضيني
مرام...عطشانه اريد مي
ياسر.. افتحي ذيج الجنطه بيه كلاص وهاي الدبه واشربي
واكو بسكت ونستله اذا تردين اكلي
بس عوفيني نايم
مرام...انت شلون نايم البك موتني
ياسر...طفي الفانوس ويروح البك
مرام...خل اشرب ماي واطفي
جمانه السعيدي
طلعت الكلاص شربت مي بعدين تنفخ على الفانوس مايطفه
هي ماتعرف شلون اطفي تنفخ علي من ورا الجامه
صارت الغرفه بيه ريحة دخان وهي كامت تكح
ياسر...حتى هاي ماتعرفيله لعد شتعرفين
كمت طفيت الفانوس ورجعت تمددت
هي سحبت مندرها للجهه الثانيه وتمددت
طلعت دشداشه قصيره سوده من جنطته وبدلت لان الغرفه ضلمه
اني مااعرف هي بدلت
مرام...استغفر الله ياربي هذا شنو من امتحان
ياسر..اني اسمعه واضحك اي مرام اله اطلع الدلال من خشمج
شويه ماكو خمس دقايق وعاطت ووكفت على حيله
ياسر...ياستار شكووو
مرام...اكو شي مشا على رجلي
ياسر..يتهيئلج ماكو شي نامي
مرام...ولله اكو شي خشن مشى على رجلي ماابقه هنا دقيقه وحده يله رجعني الاهلي
ياسر....اهلج منو اهلج انسي شي اسمه اهلج
اهلج همه الي خبلوج وخلوج ماتتحملين اي شي
مرام... ولله اخاف زين شوف شنو
ياسر..كمت وطلعت جداحه وجدحت كلشي ماشفت
ماكو شي شوفي
مرام...ولله اكو شوف خاف جوا الفراش
ياسر...تحجي وتاشر بعصبيه التفتت عليه فاتحه شعرها
والثوب عليه يخبل
مرام...فدوه شوف جوه الفراش
ياسر...رفعت الفراش جان اشوف مشط حيه اسود
راسا هي عاطت ورجعت ليورا مو كتلك اكو شي
اني راسا جبت الشحاته وكتلته
يله مات ارتاحيتي
مرام...شلون راح انام بعد مااكدر انام اخاف
ياربي مو ليله فلم رعب
ياسر...يله نامي تعبتيني
غيرت مكان فراشه صار قريب عليه وكعدت ولفت جسمه بلجرجف حيل وبقة كاعده تخاف تتمدد ويطلعه شي ثاني
اني رجعت تمددت بمكاني
مرام...ياسر
ياسر. هااا خير
مرام...اريد الجداحه خليه عندي
ياسر...تعاي اخذيه
مرام...اشمرها عليه
ياسر....هاج شمرته عليه اخذته ورجعت لفت نفسه بلجرجف
جمانه السعيدي
احمد رجعت للبيت
امي...هااا شو رجعت ووين اختك
احمد...اختي راحت هي وزوجها سفره
امي...دقيقه مرام راحت هي وياسر سفره من يمتى هذا الحجي شنو رجعو سويه
احمد...اي تصالحو وراحو سفره كم يوم
امي...شلون ترجع بدون ماتاخذ رائينا بكيفه ترجع
احمد...مره هي وزوجها انتم شكووو مدخلين نفسكم بكلشي
امي.. ابوك يدري
احمد...لا محد يدري اخذو رائي ووافقت
امي خل اتصل عليه ارزله مسويه نفسه تموت منه وماارجعله تالي ترجع بدون ماتكول
احمد...لا تعبين نفسج موبايله عندي يعني محد يكدر يتصل عليه
امي...زين وين راحو
احمد....شمدريني وين راحووو هو تحقيق خوما تحقيق
من رخصتج اريد انام
ام احمد....تعال يارجال بنتك رجعت الزوجه
...شلون...شلون يعني رجعت الزوجه
...مثل ماسمعت احمد يكول اخذها وسافر
.. جيبي التليفون اليوم شسوي بيه
..لا تعب نفسك تليفونه عد احمد
...ترجع لو لا بعد مااعرفه ولا تعرفني شلون تكسر كلامي وترجع مو قبل يومين وهي تكول اريد اطلك
شلون رجعت وبدون ماتكول
...مااعرف ولله من ترجع اسئله
جمانه السعيدي
ياسر... الصبح كعدت لكيته نايمه بصفي والغطا واكع منه
والشعر مشمور على المخده
مبينه تعبانه حيل يله نامت
غطيته وطلعت همزين الجو حلو بنهاية شهر ١٠ يعني لا حاره ولا بارده
رحت للمطبخ خليت بيض بلجدر وسلكته
وطلعت خبز جايب وياي وطماطم وخيار
كصصت وخليت بلماعون
حضرت الصينيه واجبت للغرفه
ياسر.. مرام...مرام اكعدي خل نتريك
راسا كمزت وكعدت
مرام...راسي يوجعني مانمت زين البارحه
ياسر.. تريكي واشربي جاي وخل نتمشى شويه الجو كلش حلووو والكاع خضره
مرام. فركت عيوني ولميت شعري ترجعني الاهلي
ياسر...باوعت الدشداشه سوده وتور من الصدر والردن كشكش قصير والشعر مفتوح
ياسر. الله هاي الدشداشه تخبل عليج
هي مثل الي مامنتبه باوعت النفسه وسحبت الجرجف
وغطت نفسه
مرام...لا تغير الموضوع ترجعني الاهلي اليوم
ياسر...مو كلنا انسي اهلج
مرام...لا عفيه ولله البارحه عشت برعب فدوه رجعني
ياسر...اذا تنطيني حقوقي كامله ارجعج
واذا بقيتي راسج يابس انسي اهلج راح نعيش كل العمر هنا
مرام...شلون نعيش هنا هذا المكان ماله اهل
ياسر.. اني اجرته منهم
مرام....مراح اكدر اتحمل اعيش هنا
ياسر.. لا تتحملين
جمانه السعيدي
مرام...شنو المطلوب مني خلصني
ياسر. نزوج حالنا حال كل الناس
مرام...ولله انت احسن شاب شفته والمشكله مو منك المشكله مني اني خوافه
ياسر...نتعاون اني وياج منا لمن تتخلصين من هذا الخوف
مرام... صحت اهوووو بعصبيه ضوجتني
ياسر.. اس ولا كلمه انتي مجربتني شلون ايدي ثكيله
اكتلج كتله ومحد راح يخلصج مني
مرام...يمه صدك تكتلني
ياسر...واكسر راسج تكسير لان راسج بي حجاره مو عقل
مادام تعرفين اني شاب واحسن الشباب
ليش ماتنجبين وتقبلين بلواقع
مرام...خل اسكت احسن
ياسر...اي اسكتي وتعاي تريكي
مرام...اريد اغسل اكو مي
ياسر..بس مي النهر
مرام شلون اغسل بي اخاف اوكع
ياسر...تعاي اني وياج
طبعا النهر مو طبيعي الفلاحين حافرينه ومو عميق كلش
يعني اني اذا وكفت يبقى راسي طالع
مرام...زين اطلع بلاول اغير ملابسي
ياسر...بدلي كدامي ترا مو حرام يمكن على مااعتقد اني زوجج
مرام....اطلع ماابدل كدامك
طلعت برا ورحت اتمشى بتجاه النهر طبعا هو كلش قريب على البيت
شويه وطلعت لا بسه تراك وردي وشايله شعرها
وصلت يم النهر واني واكف وراها
مرام ...شلون اغسل
ياسر.. مثل الناس اكعدي على الضفه واخذي مي وغسلي
مرام...بس هذا المي مو نضيف خابط
ياسر...هذا الموجود تردين تغسلين بكيفج
كعدت على الضفه وهي متردده وخايفه
مرام.. ياسر تعال يمي خاف اوكع واغرك
ياسر...بعد احسن حتى اخلص منج
جمانه السعيدي
كعدت تغسل طلعت غسول الوجه وبدت تغسل بوجه
اني قربت عليه على اساس اكعد يمه ودحجته برجلي
هي وجه كله صابون وماتشوف
اتزحلكت خافت توكع لزمتني بس ماسيطرت
وكعنا ثنيينه بلنهر
الماي بارد وهي كامت تعيط راح اغرك راح اغرك
طبعا حضنتني وتعيط راح اغرك
وهو الماي مايغرك ابد واني مكيف على الموقف
لان حضنتني من ركبتي
ياسر.. لا تخافين ماتغركين
مرام.. الماي بارد راح اموت
قربته على الجرف وكتله اصعدي واني ادفعج
طلعت بس شنو مبلله ومنضره يضحك
مرام...بردانه
ياسر... طلعت لزمته يله ندخل جوا لا تتمرضين
دخلنا جوا طلعت ملابسه وراحت للحمام الحمام بلوك
وبي بردا والكاع حصو
رحت جبتله مي بلجدر وكامت تغسل
بدلت ولفت شعرها بلمنشفه وطلعت بس طلعت كامت تعاطس
ياسر...ادخلي بلغرفه ولفي نفسج زين
رحت غسلت وبدلت ورجعت
البيض برد وبعد ماينوكل طكيت غيره وخدرت جاي
رجعت لكيته تمشط وكل شويه تعطس
تعاي تريكي واشربي جاي وانطيج بندول
مرام...اني كلش جوعانه
ياسر.. يله تعاي قربي
كعدنا نتريك
ياسر...راسا طكيته ضحكه
مرام...ليش تضحك
ياسر....اضحك عليج راح اغرك راح اغرك وحاضنتني بكل قوتج وهو الماي يوصل الجتفي
شلون تغركين
مرام...واني شمعرفني الماي مو عميق خفت اغرك
ياسر...خوش سبحه يوميه نسبح اني وياج
مرام.. التوبه أقرب على النهر مره ثانيه
شكرا لزيارتكم عالم روايات سكيرهوم
