رواية خواطر رجل الفصل الثاني عشر بقلم جمانه السعيدي
ياسر....اني من استفردت بمرام ابد موقصدي العلاقه
بس حبيت اخليه تقرب مني وتعرفني زين
وتتأكد من حبي اله وبيني وبينكم مخلي ابالي جنص اخير هلمره اذا رفضتني راح ادوس على كلبي وابتعد عنه
الحب والزواج مو بلغصب والايام كفيله تخليني انسى
وابدي من جديد
لا اني اول ولا اخر واحد يمر بتجربه فاشله
المهم تريكنا وأخذت بندول بس بعدها تعاطس
ياسر...تعاي نتمشى بلزرع
مرام....يله نمشي طلعنا برا
اريد اسئلك الناس شلون تعيش هنا يعني لا كهرباء ولا نت
وماكو وسائل ترفيه
يعني بلصيف ماكو كهرباء والدنيا حاره
وبلشتا نفس الشي
ياسر...انطيني ايدج لا توكعين
لزمت ايدها وكمنا نتمشى
...ياعزيزتي الناس الي عايشه هنا كلهم صحه ونشاط
الاكل كله طبيعي بزرعون فواكه وخضروات وياكلون
والحليب والروبه والجبن بدون مواد حافظه
ويتعرضون للشمس طول النهار يعني اجسامهم كله حيويه
اما بلنسبه للحر البيوت الطين يرشون عليه مي
ويخلون سعف بذني الفتحات الزغار بلحايط ويرشون عليهن مي يصير البيت بارد
اما بلشتى يشتغلون طول النهار بلشمس وبليل يشعلون نار
ويدفون يتعشون قبل اذان المغرب
وينامون من وقت ويكعدون من وكت اجسامهم قويه
تعرفين سهر اليل يمرض
جمانه السعيدي
بعدين شيسون بلنت اغلب شغلات النت سخيفه وبدون معنى ومايتحملون ذنوب ابد
لا اكو يمهم ناس ويغتابون ولا يتفرجون على اشياء محرمه
الناس الي عايشه هنا اكيد من اهل الجنه
مرام...بس اني مااعرف اعيش هنا ابد رغم الجو حلو هنا
ياسر... بس تبقين فتره هنا راح تتعودين
مرام...اي والبس فوطه واخلي هنا واشرت على حنجي
نقط زرك مااعرف اسمهن
ياسر...دكه هاي اسمه دكه كانت من علامات الجمال عند النساء مثل الوشم حاليا
جمانه السعيدي
اوكفي لا تتحركين
مرام...شكو خوفتني
ياسر..اكو فراشه وكفت على راسج لزمته يكولون الفراشه
لو تتحقق امنيتج لو شخص عزيز ذكرج
مرام...اكيد ماما ذكرتني ماكو غيرها
ياسر.. واذا امنيه شتتمنيبن
مرام. لازم اكوله بكلبي حتى تتحقق
ياسر.. يله كولي بكلبج بس اذا تحققت تكولين شنو هاي الامنيه
مرام...تمام وكفت شبكت اديه بطريقة التوسل وغمضت عيوني وكعدت اتمنى
ياسر.. اباوع عليه وهي كل يوم تحلى بعيني اكثر شلون اذا عافتني مااعرف
ماكدرت امنع نفسي قربت عليه وبسته بخدها
راسا فتحت عيونه
ياسر.. بستج حتى اخذ امنيتج
مرام...ليش تاخذها
ياسر...لان احبج
مرام...خل احجيلك نكته
ياسر.. اذا ماتضحك اخذ بعد بوسه واذا تضحك اضحك بصوت عالي
خل نكعد شويه شكد طيبه الريحه مالت الزرع
مرام...اني من جنت زغيره من يخلولي عطر يجون اخواني يشموني اكوم ابجي
ياسر...ليش
مرام...كنت اعتقد الي يشمني ياخذ عطري وتصير ريحتي مطيبه
ياسر..مااضحك
مرام.. دضحك بلجذب ليش تفشلني
ياسر...اول اخذ البوسه وبعدين اضحك جذب
مرام...لا ماكو بوس اضحك حتلو بس اطلع سنونك
ياسر...راسا عوجت حلكي وطلعت سنوني
مرام...لا مو هيج شكلك يضحك هههه
ياسر.. انتي بوسيني لان ضحكتي
جمانه السعيدي
بس قربت تبوسني بخدي التفتت بسرعه وتباوسنا اني وياها
مرام...ياغشاش خل ارجع للبيت احسن
ياسر...تعاي كوميني وياج
بس قربت انطتني ايدها وهي تكول اي حقك شايب ماتكدر تكووم
سحبته بقوه ووكعت بحضني
ياسر.. هااا منو الشايب
هسه اشوفج الشايب كمت وشلته وركضت
مرام...نزلني اخاف الله عليك نزلني لا نوكع ثنيبنه
ياسر...كولي انت شباب واني انزلج
مرام.. شباب بس نزلني
ياسر.. اكول خطيه نزلته
مرام...اجذب عليك شايب وركضت
ياسر.. هااا هيج اوكفيلي
هي تركض مثل الفراشه بلزرع واني اركض على كيف وراها
ياسر.. انتبهي لا توكعين
مرام.. تريد تقشمرني حتى اركض على كيف وتلزمني مو
ياسر...تمنيت هاي الحظات ماتخلص ابد
اتمنيت عندي عمر ثاني اعيشه وياها
جمانه السعيدي
وصلت قبلي ودخلت للبيت
اني بقيت واكف برا خمس دقايق وطلعت اتشوفني
لان تخاف وحدها
ياسر...بخخخخ
مرام...ولله كمزتني
ياسر.. وانتي شعندج طالعه ادورين عليه
مرام.. اخاف
ياسر..تخافين عليه لو تخافين من المكان
مرام..ثنيينهن
ياسر...يله تعاي نطبخ غدا
مرام...وشراح نطبخ مثلا
ياسر...نكلي بيذنجان وطماطه منا لمن يجينا المسواك
مرام.. منو راح يجيب مسواك
ياسر.. احمد باجر يجيبلنا مسواك
مرام.. احمد يجي باجر
ياسر...اي ليش فرحتي تردين ترجعين ويااا
مرام.. هااا بكيغك
ياسر.. اذا ضجتي مني ارجعي براحتج
مرام.. تحجي صدك
ياسر..اكيد صدك اني مااكدر اجبرج تعيشين وياي بلكوه
اني الي عليه سويته وقدمتلج كلشي
واذا تريدين تنفصلين عني براحتج
لان اني تعبت واريد اشوف حياتي هاي الايام محسوبه
من عمرنا واتنمى الله يسعدج
مرام...شكرا يله نحضر الغدا
ياسر...يله
جمانه السعيدي
مرام...تعرف اني مااعرف بس اكلي وبس مااعرف اطبخ اشياء ثانيه مثل الدولمه والبرياني
ياسر...اوكفي والطبخ الطيب ايام عرسنا منو جان يطبخ
مرام...يبوووي كشفت نفسي امي تطبخ ودزلي
ياسر...واني اكل واكول الطعم خرافي اكلج امج عدها اخت
مرام...عدها ثنيبن ليش
ياسر...ويطبخن مثله
مرام.. اطيب من طبخه
ياسر مزوجات لو لا
مرام اي مزوجات ليش
ياسر. ...حرامات ردت اخطب وحدا منهن
مرام.. يمعود كبار
ياسر. وانتي شعليج اهم شي طبخه طيب
مرام...اصلا ولدهن بكدك
ياسر.. عدهن بنات
مرام...شمرت السجينه اسكت احسلك
ياسر. ..وانتي شعليج
مرام. ...تصدك اذا اذبحك وادفنك هنا محد يعرف
ياسر.. ايباخ تذبحني منو البارحه تبجي من مشط الحيه
مرام.. ولله مشط الحيه يخوف
ياسر. اسكتي احسلج بس اوصل افضحج جبانه
مرام.... جيب الطماطه خل نكليه اني احبه لا جعه
ياسر...عشرين يوم اكل من ايد امج وعبالي زوجتي طباخه وماكو منه
مرام...شورطني وحجيت ياكلمه ردي المكانج
جمانه السعيدي
كعدنا نتغدا تصدكون الطماطه والبيذنجان من ايدها
اطيب من خروف محشي
بس اني لازم اثكل عليه بلبدايه من كد ماتشوفني احبه
شردت مني
لازم انطيه حرية الاختبار
واعوفه تقرر هلمره وحدها بدون تدخل مني ومن اهله
بعد الغدا خدرنا جاي وكعدنا نشرب
مرام...انعس اريد انام لان البارحه مانمت زين
ياسر.. نامي واني هم راح انام
مرام...بس اريد مي اغسل المواعين واخاف اروح للنهر لا اوكع مثل الصبح
ياسر...نامي واني اغسلهن هنا قليلات
مرام...لا نغسلهن سويه
ياسر...خل اجيب مي واجي
جبت مي وكعدنا نغسل واني كل شويه اشمر عليه مي
مرام...اتبللت كافي
ياسر...اي كافي اخذت المي بلجدر وشمرته كله عليه
مرام...اه اه اه ولله تبللني اوكفلي
ياسر...يله واكف شوفيني شراح تسوين
هي قربت عليه حضنته ومشيت بسرعه ووكعنا اني وياها بلنهر
مرام...طلعني اخاف من ماي النهر
ياسر...لا اطلعي وحدج
مرام.. فدوه طلعني راح اتمرض
ياسر.. صعدت وسحبته وطلعته من النهر
مرام...بعد مااتشاقه وياك شسويت بيه
كعدت امسح وجهي والم شعري
ياسر...هااا ماتشاقين وياي رجعت حضنته ووكعنا اني وياها بلنهر
هلمره...كامت تضحك بصوت عالي
ياسر...كولي التوبه مااحجي عليك واني اطلعج
مرام...اني اطلع وحدي بس خليت رجلي على الحافه راسا زلكت
ياسر... هههههه هههههه
مرام...بمكان ماتضكك عليه طلعني
ياسر...يله تعاي اطلعج خطيه
شكرا لزيارتكم عالم روايات سكيرهوم
