رواية هدية الشيخ هشام الفصل الحادي عشر بقلم التميمية
رقية كاعدة بالغرفة مالتها وجاي تتصفح بتلفونها وجان تجيها رسالة من رقم غريب....
كاتبلها...هلاوو رقية ممكن احاجيج بموضوع مهم...
شافت الرسالة وكالت منو هاي...ودزتله منو...
المرسل:اني مخلد الي وياج بالقسم
رقية تذكرت هذاك الغليظ الطايح الحظ الي راسمها وكاتب شعر غزلي عن شفايفها😂....
تذكرت نهاية الشعر من كاتب يهنيال من ضاك الشفة الكرز وطعمهن...
هي صدك حلوة 🤷♀️ بويه...
رقية عصبت بس تذكر ودزتله:ومنين جبت رقمي وشتريد حضرتك..ودزتله فيسات معصبة 😡😡😡...
وجان تباوع للجهاز شلون هي رسلتها للرسالة...
رقية:عزززاااا شلون رديت عليه..اصلاً شلون رديت على رقم غريب..والله هشام يسويني وصل وصل...يماااي خل اغلس احسن..افففف.. ياربي هسة انكتل من وره هذا النذل....وغلست ومسحت رسالتها بسرعة...
دزلها رسالة:ترا قريتها قبل لا افتحها هههههه..ومنين جبت رقمج هاي معليج بيها
رقية ضاجت وكتبتله:وهسة شتريد مني👹
مخلد:مو مصدك رديتي..فدوة للحلو اني
رقية:😡 للتجاوز حدودك وامشي ولي راح احظرك😡😡😡😡
مخلد:لا لا لحظة والله راح اسكت..بس ردت احاجيج بموضوع مهم
رقية:😡 اكيد ماعندك غير الطياح الحظ..يالله خلصنه واحجي
مخلد:على كيفج يابه شنو طياح حظ اشوف طايح من عينج..اريد اكلج..راح ادز امي لبيتكم
رقية:اي طايح اصلا ماشوفك بعيني 😡 خيير ليش بالله شنو عرف ولف تنكه غلف ادز امك لبيتنه..لحظة لحظة انته مو امك ميته 😏
مخلد:اسم الله عليها..اصلاً اكلت كلبي تكول اريد اعرف حبيبتك هاي واخطبها ماحبيت اكسر بخاطرها وكتلها روحي يمه روحي انتي😌
رقية:اياا الجذاب ماعندك غيره بالأول.. وبعدين تموت امك..😡😡😡 امشي لا احظرك واخلي اخوي يجي يكسر خشمك واكله تتحارش بيه
مخلد:لا بويه كلشي ولا الشيخ
رقية:وشعرفك اخوي شيخ
مخلد:يابه نص الجامعة تعرف انتي اخته للشيخ هشام
رقية:وهسة شل المطلوب مني روح عوفني ترا مايصير هيج تراسلني انه اهلي ناس محترمة ومربيني وتعبانين عليه
مخلد:رقية والله انه معجب بيج..وراح اثبت الج نيتي صافية راح ادز امي تخطبج من اهلج حتى لو رفضو هسة ارجع اخطبج والله وحق الله
رقية:اسفين ماعدنه بنات للزواج..ويالله امسح رقمي ولتراسلني بعد...وسدته....
بالصالة...هشام كاعد وبحضنه بت عزام وجاي تسولفله عن نسمه تكلها عمه هي...ونسمه تحبهم وتلعب وياها ساعات وتسويلها جسور من الالعاب مالتها وتكعد تحطلها مكياج وتصورها وهي فرحانة....
بت عزام اسمها رسل:عمو الووح بابا(نروح)
هشام لجمت كلبه بهل الكلمة وظل ساكت شيرد وتجمعت بعينه دموعه على لجمت كلبه بأخوه....
هشام ابتسم الها:مو كلنه عمو هشام بابا..ويريد ينسيها..باجر كرار يوديج للألعاب وتشوفين الحيوانات
رسل بفرحة:اي اي هيوانة...(حيوانات)
وبقه يسولف وياها وسوالفها تخبل مال كرط البنات...
وايمان واكفة باب الغرفة وتراقبهم ولدها ثنينهم يلعبون وره عمهم بأجهزتهم...
ايمان:خرررب بحظي هسة بالله مابيه خير اخلي هشام يحبني امداي..بومة حظي..بس ماراح ايأس هو وحيد اكيد كلمة حلوة على شوية قشمره يصير العاشق الولهان....
مرت ايام وكرار ونسمه احلى عشاق...بس دوم تحس بالنقص وتشتاق لأمها وخواتها...وبعدها الناس تحجي بسالفتهم....
ويكولون ميهمنه بس بالداخل يحتركون من حجي الناس ويحجون على نسمه حجي ماينكال...
وحوراء عمها بهذاك اليوم الي اجوهم خطبها لعباس وابوها اعتذر من اخوه كال بتي صغيرة ومو وقت زواج..وماريد ازوجها لأبنك مو زلمة يستاهلها...
كله اخوه براحتك بتك وكيفك..وهي من سمعت ابوها رفض فرحت برغم تعاسة كلبها...وماتروح لا بيت عمامها ولا بيت جدها تخاف تشوف ايمن العار...
هو جدها عايش بيت ابنه ابو نسمه هاي بيته....بيبيتها مرات يجيبها ابوها كل فترة وتكعد تعصر ظهرها وتتلمس بصدرها تكلها شني ماتاكلين يمه😂😂جويلاتج ماكو....
وبعد سوالف تخلي حوراء تموت خجل..وتكلها جنت بعمرج ارضع تؤم..شمالج يحظي صغيرونات....
وترجع تكلها يالله بعدين ابن المسموط يسويهن الج معدلات وحوراء تموت خجل وتعوف بيبيتها وتكوم بكد ماتفشلها وهالحجي حتى ابوها كاعد....
وتكلها شوفي آيو معدلة حتى ماتعب الرجال...
وابوهم يضحك على سوالف امه يدري بيها مرة جبيرة وتذب خيط وخيط على كولتهم..بس ساعات تتماده يكلها يمه عيب يتعلمن سوالف مو حلوة شهل الحجي عود انتي الجبيرة علميهن شي بي خير........
اما ايمان شكد تحاول تسحب هشام ماتكدر ومو معبرها ولا حتى بنظرة...
وتلبس وتكشخ ومكياج والشعر غيرت لونه بس كون يلتفت الها بس هو يدخل البيت وهو تعبان ومينطيها حتى نظره ومن يشوفها يدور وجهه لو يدنك ويدخل غرفته....
مرة شافها بالغرفة مالته وعساس ترتب وتنظفها بس هو كلها انه مو كايل هالغرفة محد يدخلها ورقية الوحيدة هي تنظفها...وباوع لبسها ابد ميعجبه...
سوت نفسها بريئة وحبابه وجاي تنظف لا اكثر ولأن رقية بالدوام وتتملقه بس بوووم يجيها القصف على شكل تجاهل....
سكت عنها وبس اشرلها عالباب..بمعنى طلعي وهي تفشلت وحست بنفسها وطلعت وهي تتحمحم😂😂...
اليوم كرار طالع ويه جماعته وخذوه مكان هناك يصيدون بي بلابل ورايحين هيج للونسة وسوية سوالف وتحشيش....
حوراء جاي تمشي لمدرستها وهي مكتئبة والدنيا باهته بعينها...باوعت للمكان الي نقذها بي هذا الرجال...الي كل ليلة تحلم بي شكل....نوب يجيها ملثم ويكتل ايمن نوبه يروح لابوها يكله عن العار ابن اخوه....
وباقية بس تشوفه بأحلامها...مشت باوعت مجموعة شباب جاي يضحكون...كالت شكد اكرهم ذولي لا احساس لا ضمير كلهم تررراب بعيوني.....
وراحت لمدرستها وكالعادة بس ساكته ومرات تشارك بالدرس بس...
خلص الدوام وطلعت من مدرستها وراحت تتمشه وهي وجنطتها البيها كتبها وعبايتها الاسلامية...
حمزة جان ويه ولد عمه ثنين طالعين ومن ضمنهم اخو نسمه سلام وشافو كرار ويه اصدقاءه وبمنطقتهم...
حمزة ابتسم بمكر:شوفو منو هنا
جعفر ضحك:خوش صيدة والله لا العن خيره العار
سلام عقد حواجبه:هذا العار ابن الشيخ هشام الي سود وجوهنه واخذ نسمة..والله اليوم اشرب من دمه....
وراحو هجمو عليهم ولزمو كرار تلاثتهم وطاحلو ضرب وهو يدافع عن نفسه واصدقاءه همين يحاولون يفكونه بس همه هم اكلو نصيب معدل من الكتله...
وضربو كرار ضرررب بلا رحمة وهو يصيح عليهم ويحاول يدافع عن نفسه ماكو...واصدقاءه كامو شردو الحقراء...
وبيومها كرار اكل ضرب بحياته مشايفة وكسروه تكسير حتى دمموه ومن صار بلا نفس ولا حركة تركوه بالأرض وشردو الجبناء...
وحوراء شافت اخوها و ولد عمها ركضو شردو استغربت وفجاة شافت شخص مدمم بالأرض بلا حركة..شهكت وخافت رادت تشرد بس ماكدرت تسكت...
صاحت ساعدونه بس محد اكو بهل الطريق ودنيا ظهر كلها ببيوتها بس اجن بنات مدرسة وياها..كامت بخوف وراحت ركض للبيت لان بيتهم قريب من مدرستها هي...
علمى وصلت سوت الطريق شبختين من الخوف لان شافت اخوها مشترك بالجريمة...راحت دخلت بخوف وشمرت كتبها وتدور ابوها....
لان الي ضارب كرار اخوها وتكول موت الولد مصيبة... ودخلت الديوان بدون ماتحسب حساب للي يمه وعنده زلمة بالديوان...صاحت بابا الحك...
ابو حمزة اخترع من دخلتها:خير بوية شبيج
حوراء بصوت متكطع وخايفة كلش:بابا الحك..حمزة موت رجال بالشارع وشرد..شفته والله شفته بابا الرجال مات الحك
الو حمزة كام على حيله:شنووو..وراح طلع وحوراء لحكته ودلته الولد...لكه الناس مجمعين عليه وهو مثل الجثة بلا حراك...
وعرفه هاي كرار ابن الشيخ هشام برغم وجهه كله دم..انفجع ولزمه يشوفه عايش لو لا...طلع تلفونه يتصل ويكل لحوراء روحي للبيت بس هي خايفة وتبجي وبقت يم ابوها...
ابوها عصب عليها وكلها روحي البيت وراحت وهي مرعوبة...
وداه للمستشفى واتصل على شيخ هشام وكله ابنك بالمستشفى...ظل
مايشوف دربه من الفجعة وعاف كلشي واجاه بسرعة...
هشام دخل المستشفى وشاف الشيخ حسين واكف بره وعالم وناس وراحله...
الشيخ حسين شافه:هلا ابو كرار
هشام بخوف:كرار شبي شصار
الشيخ حسين:والله ماعرف شكلج وخجلان منك..هو جاي المنطقتنه والولد متعرضيله بالضرب
هشام حس بتعب:وهسة شلونه وينه وشنو بي كلي
الشيخ حسين:والله ماعرف ياخوي هو لكيته جثة منتهي وجبته هنا ماعرف شبي هسة
هشام كلبه نخبص يريد يدخل يشوفه منعه شيخ حسين وكله مابي شي ان شاء الله اهدأ وخلي نشوف الدكتور شيكول....
هشام بده راسه يصدع ولزم راسه ودنك وانحنى ولزمه ابو حمزة...
ابو حمزة:خيرك ياشيخ شبيك
هشام بألم:كرار..ابني شصارله.........
ماحس غير هو على سدية بالمستشفى وبيده كانونه ويمه حازم وحجي بره وهوسة...كلبه نقزه...
هشام كام بتعب:كراار ابني حازم ابني
حازم:ابقه مكانك ارتاح ظغطك ارتفع..هو يعني..والله ماعرف شكلك..الولد مكسر جم كسر بيده ورجلينه ثنينهن وحدة منهن جبرها صعب شوي..خشمه مكس....
هشام كاطعه بخوف:وشنو يعني شلون صعب
حازم:عنده رجل راح يحطولها بلاتين
هشام انقهر كلش:منو الكلب الي سوه هيج بي حازم منو هو
حازم:انته هسة اهدأ مو زين على صحتك وظغطك توه ارتفع
هشام بحدة:حااااااازم منو هو
حازم تنهد:اخو البنية الي اخذها كرار وياه ولد عمه وابن الشيخ حسين من ضمنهم..متعرضيله لان رايح منطقتهم
هشام عصب:صيحلهم يشيلون هاي..ولزم الكانونه ماينتظر احد يشيلها وفصلها من ايده وظل ينزف الوريد لف البلاستر عليه...
كام من السدية..وطلع وهو معصب وراح يريد يشوف ابنه وهوسه بره والشرطة هم جاية...وجاين ناس سامعين بكرار والحادثه مالته ومنا طيحت هشام....
وطلع ولحكه حازم ويكله اهدا ابو كرار خويه لا يصير بيك شي توه ظغطك مرتفع كلش...يرد على سلام الزلم وبس يريد يشوف ابنه....
راح يدخل لأبنه وسمحوله يشوف ابنه ودخل شافه ويتمنى لو ماشايفة احسن عينه جارمين بيها وجهه كذلك وكله كدمات وخشمه عليه ضماده...
شفته عبارة عن جروح ومشوهين وسامة وهيبة شبله الي ظل يباوعله وهو يكبر شبر شبر..وجان من يطيح ويتوجع كلبه يوجعه قبله...
رجلينه ملفوفة وايده وراسه وماعليه غير السروال الداخلي تألم كلبه من هالمنظر وحس بغضب مو طبيعي شلون هيج مسوين بأبنه وحيده...
وراح طلع وهو متحلف بلي مسوين بي هيج..واتجه للشرطة...وبعدها رفع دعوة قضائية على الي اعتدو على كرار...
واجهه شيخ حسين وعرف ابنه هو جان وياهم من اعتدو على كرار... وكل لشيخ حسين فضلك مانساه بس لهنا وبس ابنك غلطان لازم يتحاسب كسر ابني وجبر كسره صعب...
هشام:انتم اخذتم حقكم لو لا بعد ليش يعتدون على ابني ولد اخوانك وابنك
الشيخ حسين: حقك عليه وامسحها بوجهي وخلي يتعاقبون مو مشكلة همه غلطانين..وانه هم راح احاسبهم بس لا يصير هالشي سبب لعداوة بينه انه وانته ماريد اعاديك ياشيخ..وحقك على راسي احنه اخذنه حقنه وعلى هالخشم اخذلك حقك واليوم وحق هالشوارب..ولو لا بنيتي جان ابنك ظل ينزف وهسة بعداد الاموات والله وحقك مادري هيج مسوين
هشام خجل من الشيخ حسين مهما يكون هو ساعده هواي وماينسه فضله..وهو نقذ حياة كرار من الكتل وهسة هم هو ساعده وجابه للمستشفى...بس مايريد يتنازل عن القضية...
وصار جم يوم ذبو الي اعتدو على كرار بالسجن وياهم حمزة ابن الشيخ حسين...
وكرار سوله عملية تجبير بالبلاتين وميكدر يطلع هسة وراح يبقونه بالمستشفى..هشام مافاركه كل يوم يمه..وحتى شيخ الحسين كل يوم يجيهم ومستحي من هشام على دكت ابنه الناقصة....
كلها الي تعرف هشام اجو زاروه وحب وكفتهم وياه ويشوف انو مقامه ماتغير بين الناس باقي على هيبته وشموخه كدامهم...وهالشي يسعده...بس كاسره هالولد المكسر ونايم بالمستشفى...
نسمة خطية كاضيتها بجي على كرار... ومن تفرغ من الزوار المستشفى يجيبونها بالليل اله تزوره وبيبيته كذلك وتلوم بنسمة تكلها بسببج هيج صار وهسة ابني تأذه هواي بسببكم انتي واهلج...
نسمة تبلعها وتسكت ومن تدخل غرفتها تكعد تنحب وكل يوم تحاجي كرار بالتلفون..لان مرات مايخلون من الزوار ومايقبل هشام يوديهم.. وهو يحاجيها ويهديها ويكلها مابيه شي لتخافين...ايمانو نفس الشر والخباثة تكلها انتو السبب انتي واهلج وتحجي عليها حجي مينكال وتغلط عليها ورقية تعاركها ادافع عن نسمه لان كرار عزيز كلبها وماترضه على مرته...
وفد يوم سمعهم هشام وطيح حظهم بالرزايل وكلتله رقية ايمان هيج وهيج تكول لنسمه..كلهم قسما بالله الي اسمع حسها وتتعارك اكتم الها صوتها تره مامتحمل شي واصلة عندي كلش....
ايمان ماتت قهر وظلت تجمع حقد على رقية ونسمة وتوعدتهن...بالرغم نسمة ماحجت ولا كالت ولا فتحت حلكها المسكينة اصلا شاغل بالها كرار وحالته...
حوراء كل يوم تسأل ابوها عن هذا الولد ويكلها شنو ماشنو وتسأله عن اخوها راح يطلع من السجن لو لا مايتنازلون عن القضية...
كلها راح احاول احلها بدون مشاكل واحاول اقنع الرجال يتنازل عن حق ابنه ولو حقه كاسرينه كسر مو هين..بس هم مايصير ابني بالسجن ورايح جاي للمركز والله كله من اخوي ابو سلام هو وصلها لهل المواصيل....
صارت جم يوم...ومشاكل بينهم العائلتين وابو سلام يصيح يعصب على هشام وحتى كلهم اخوان الشيخ حسين...
بديوان الشيخ حسين....
ابو سلام بعصبية:انته بأي حق جاي وتعاتب وترفع قضية على ولدنه وابنك هو الجاني ودخل منطقتنه وهو ممنوع منها
هشام بعصبية:وانته مقتنع بنفسك يا بو سلام..حتى لو جاي منتطقتكم مو هيج تكسرونه جان راح يموت مسوينه ماينشاف مشوهينه تشويه ومكسرينه تكسر بس ظلوعه مامكسورة..عيب بحقكم هاي انتم اخذتم حقكم كامل ليش الاعتداء على ابني لو ناطيني خبر مو هيج يسون ولدكم..بالنسبة الي ماتنازل عن القضية ابني تأذه كلش وبعده بشبابه وببلاتين جبروه..لو ابني معتدي على واحد من ولدكم جان قتلتوه بساعتها..تره الدنيا مو فوضى
ابو سلام بغضب:ابنك عاار وماترضه عنه ونسيت سوايته بينه وبعرضنه
هشام كلش وصلت عنده:عرضك ظل بالحفظ والصون ومازال محفوظ..واخذتم حقكم..مايحقلكم تحاسبونه بعد..وترا كلش زايده هاي من ولدكم..وترا الأحترام لأهله..ومحترمكم وعلى راسي
ابو عباس:صح كلامك ياشيخ..والله انته انسان ذهب ما شفنه منك تجاوز لا منا ولا منا وحقك حقك الولد غلطانين من اعتدو على ابنك..وجزاتهم التأديب بالسجن..بس هم مو حلوة بحق ابو حمزة رايح جاي للمركز
هشام:تسلم خويه ابو عباس وعلى راسي انته والشيخ ابو حمزة..وكل الاحترام اله..وانه يعز عليه يفتر بالمركز
ابو سلام بعصبية كام:انه ماحظر ديوان بي هالشيخ..وبينه المحاكم...وراد يطلع اخوه ابو حمزة منعه...
وصار نقاش حاد وصياح وابو سلام وباقي اخوانه ضد هشام وابنه...ماعدا الشيخ حسين وابو عباس ويه هشام...
هشام يكلهم مامحتاج فلوس تعوضون ابني بس الا ادب ولدكم بالحبس وهاي العدالة الي اريدها...
ابو حمزة سكت وظل يباوع لخوانه ويفرك لحيته..ويباوع للشيخ هشام الي تلفت اعصابه من تجاوزهم وصياحهم وتعب ابو حمزة وهو يحاول يسكتهم...
الشيخ حسين وكف ولف بشته ورفع راسه وضرب صدره:شيخ هشام ابنك راح يكون علاجه على حسابي من الاول للآخر واعرف مو محتاج انته بس اعتبرها تعويض عن الي سواه ابني لخاطر هالشوارب..ولزم شواربه..
هشام مايكدر يرده:تسلم يابو حمزة وغلاتك وفضلك عليه مانساه والنعم منك ومن شواربك..مقبولة منك ياشيخ..وهاي لخاطرك وخاطر فضلك راح اتنازل عن القضية بس لأنك ماقصرت بحقي ابداً وفضلك على هالراس وهل العين
ابو حمزة ابتسم اله:ابن اصل والله وتسلم وتربية الشيخ ابو هشام ماضاعت بيك ابداً..ربه انسان عظيم..لذلك واليوم وكدام كل هالزلم.. انه راح اهديك هدية غالية عندي حيل وهي وصلة من هالكلب...حتى مايصير بينه عداوة..ياشيخ هشام هديتي الك بنيتي الي ماعندي اعز منها..اهديها الك كحليلة خل يشهد ربي عليه هي غالية عندي حيييل وماراح الكه الها انسان احسن منك ومن اصلك ياشيخ واتشرف بنسبك....
الكل كامو وعمامها رفضو واعترضو وماقبلو..وصارت هوسة وحجي وكلمن يكول لا منقبل بتنه تنطه هدية الهم....
هشام تفاجئ بالهدية وماتوقعها ابداً وظل ساكت مايعرف شيرد او شيكول..
شكرا لزيارتكم عالم روايات سكيرهوم
