رواية دخيل في بيتنا الفصل الحادي عشر بقلم جمانه السعيدي
سعاد... امي ابد ماحاولت تفتح موضوع محمود وياي
ولا حاولت تسئلني لو تستفسر عن هذا الموضوع
تعاملت وياا وكانما ماسمعت شي
يمكن خافت تحجي وياي خاف تسمع مني اني احبه
لو تعرف امي جاي ارفض على علموده
يمكن ماتريد تحجي وياي بهذا الموضوع
حتى انسا
غفران رجعت للبيت مسيطره اكثر من قبل صارت الها قيمه
حطولها اعتبار بلبيت
وراح يضحون بسعاد علمودها
امي اخذت الفلوس وكملت عليهن وجابتلي ملابس وذهب
مااكنت احسهم يحضرون العرسي
لا كانو يحضرون الجنازتي
جمانه السعيدي
كلشي كان يمر بسرعه بس امي وصلت خبر الخالتي محمود سلم نفسه
اتصلت عليه من تليفون الجوارين
عرفت بعدين محمود من مسلم نفسه خالينا بلسجن
وحالقين شعرا صفر
بوقته لازم يبقى بلسجن ٣ أشهر وبعدين يلتحق بوحدته العسكريه
اجا يوم الحنه ماقبلت اسوي حنه امي بلغصب خلت حنه بايدي واني مسحتها
اما علي سوا حنا تخبل والناس كله انكلبت عليهم
تعرفون ولد هواي وكل واحد عزم اصدقائه
ماكدرت انام اتخيل نفسي هاي اخر ليله اليه بيتنا
وراح انتقل للسجن
نمت وجه الصبح شويه وكعدت
اسمع غفران ...يله اكعدي عروسه ليش نايمه
علاوي دزلج معلاك ريوك
غطيت راسي وسويت نفسي مااسمعها
أكرها واكره اهلها كلهم
جابولي بنيه بلبيت تمكيجني لبست البدله عبالك وحده
ميته يلبسونها الجفن
مكيجتني بوقتها ماطلعت حلوه
مااعرف لان اني ضايجه حاسه نفسي مو حلوه
اصلا مااهتميت
اي شي حتلو مو حلوه
اجا عمي وخالتي ياخذوني بلزفه
عمي كاعد بلصدر وامي وخالتي كاعدات بصفي منا وحده ومنا وحده عبالك ماخذين للاعدام
ماعرف شلون وصلت البيت عمي
ماحسيت غير امي نزلت وتريد تنزلني
طبعا بيت عمي كشف مامقبط
يعني غرفه بصفها غرفه وكدام مطبخ كلش زغير ممترين بمتربن واستقبال ليكدام
وحوش جبير بعني الشمس والمطر كبل على الغرف
دخلوني بغرفتي كبل كعدوني على الجربايه
اي احساس ماعندي غير احساس الالم والضلم
جابو العشى ماكدرت اكل عبالك معدتي داخلها طابوكه
شويه وكالو الزفه راح يزفون العريس
قبل بس يخلص العشى كبل يزفون العريس
امي....صيري مطيعه ولا تعاندين بعد انتي صرتي زوجته
سعاد....مارديت عليه ابد
دنكت عليه باستني طلعت سمعت صوت الزفه
شويه ودخل علي لابس قميص وبنطلون
علي....شلونج
سعاد...مارديت علي ولا كمت من مكاني
علي... مبروك
دنك عليه باسني براسي
مارديت علي
علي....اساعدج تنزعين البدله
سعاد....لا
جنا ماصدك
بدل لبس دشداشه بيضه وطلع علت الهلال
جمانه السعيدي
دخلت امي عليه
امي....يااا شو بعدج بلبدله
سعاد...طبعا اذا انتي مزوجتني واحد كلشي مايفتهم
امي... اس لا يسمعونج
سعاد...على اساس اذا يسمعوني عدهم احساس
امي...بطلي هاي السوالف
سعاد....الله لا يسامحكم ولا يغفر الكم حسبي الله ونعم الوكيل عليكم كلكم
خطيتي بركبتكم اليوم القيامه
امي كامت تنزع بلماشات وفتحت البركع
...كومي بدلي وكولي يالله
سعاد...انتم تعرفون الله لا ولله انتم يهود
فتحت امي سحابت البدله ونزعته مني طلعت ثوب نوم وكالت البسي
سعاد...المن البس ثوب نوم
جريته وشمرته كمت طلعت دشداشه لبسته
طلعت كلنس مسحت المكياج
المكياج قبل مو مثل هسه ضد المي
صرت عبالك واحد صابغين وجها
الألوان اختلطت سوا ووجهي صار ازرك
امي باوعتلي تحسرت طلعت وسدت الباب
جمانه السعيدي
شويه ورجع علي
علي...هاي شبي وجهج
سعاد...مابي شي
علي...اطلعين تغسلينه
سعاد... لا عاجبني هيج
علي.. اعرف انتي ماترديني بس انتي ابد ماانطيتيني
فرصه اقرب عليج
اجا يمشي على كيف وكعد بصفي على الجربايه
سعاد...انت هسه مرتاح
علي.. اي اكيد اخذت حبيبتي
سعاد... حبيبتك الحب يعني مشاعر متبادله بين ثنيين
بس اني الف مره كتلك مااحبك
علي. ماتحبيني لان ماتعرفين اني شكد احبج
سعاد..بس اني مااحبك
علي...من تعاشريني وتشوفين اني شكد احبج راح تغيرين رائيج
سعاد...شنو حب بلكوه
علي...اي شسويلج اجيتج بلمروه مااجيتي
سعاد....تعرف لو عايفني بحالي جان دخلت الجنه من وراي
علي.. انتي بس انطيني مجال وشوفي
سعاد...حرام عليك
علي...اقسم بلله احبج ومستحيل اتخيل وحده غيرج
تكون شريكه الحياتي
اني احبج من زمان
من جنا اطفال واني احبج ومتعلق بيج
اهلي شكد حاولو حتى اتركج بس اني مااكدر احب وحده غيرج
سعاد..كمت وصرت من الجها الثانيه
...ممكن انام
علي.. اي اني هم اريد انام
سعاد...دير بالك تقرب عليه
علي....احنا عرسان اليله عرسنا
سعاد... عرسك وحدك اني ابد ماحاسه نفسي عروس
علي...بس اني عريس
سعاد...يعني شنو غصب
علي....لا مو غصب بس هي هاي الأصول اني مااكدر اطلع من هاي الغرفه اذا مانزوج اني وياج
سعاد....برضاتي مراح تاخذ مني شي اذا غصب عليه
مثل هاي الزواجه كله
تعال اذبحني حتى ترضي اهلك
جمانه السعيدي
علي كان مشحون من اهله اذا ماتقرب عليه اليله مراح تكدرلها طول عمرك أخذها واكسر عينها
قرب عليه واني مثل الجثه الهامده مابيه اي يروح
ابتعد وهو ضايج مني ومني نفسه
اتغطيت وكمت ابجي بصوت عالي
اكرها واكره قربه عليه حتى أنفاسه اكرها
طلع من الغرفه حتى يبشر اهله ويثبتهم هو رجال
دخلت خالتي للغرفه
لكتني متغطيه وابجي
رجعت طلعت بدون ماتحجي وياي اي كلمه
بعدها كلما يقرب عليه اصدا واتهرب منه
مو بيدي مااكدر مااتحمل قرب عليه
صحيح علي بحبني بس مو الحب القوي الي يهز حياتنا
لا حب تعود
بعني تعود من زغير يكولون سعاد العلي
حب هاي الكلمه وتعود عليه
مو نفس احساسي وياي محمود
بعد شهر واحد من سجن محمود انتهت الحرب الايرانيه العراقيه
طلعو من السجن ولتحق بلوحده العسكريه
لان صدام ابد ما فكك الجيش بقا التجنيد الزامي
جمانه السعيدي
ماكدرت اعيش عيشت بيت عمي
الباب مفتوح كل الوقت ناس داخله للبيت وناس طالعه
ماكو اي خصوصيه
الاكل مو نضامي اي واحد يجوع يروح يطبخ وياكل
البيت على طول وصخ
لو شما انضف مايفيد
ادخل الكاهم كاعدبن بغرفتي
مامتعودين على النظام بلاكل والنوم
ياكلون ويشمورون الزباله جواهم
البيت حار بلصيف لان مامقبط وبارد بلشتا المطر يدخل للغرف
علاقتي بخالتي كلش مو زينه
ماتحبني ودائما تحجي عليه لو شما اسوي
علي ماعندا شخصيه بلبيت
الحل والربط كله بأيد خالتي حتى عمي مابيده شي
يخاف منها
اذا اخلي اي اكله بغرفتي مالكاها ماخذينها
من غير الخطار
البيت مايفرغ من الخطار لان ولد كل واحد يجيب اصدقائه
ويجي يلعبون دومنه لو محيبس
ماكو اي نوع من انواع الخصوصيه
تعبت اكثر مااني تعبانه وعلي كل ٣ اسابيع ينزل اسبوع واحد وأهم شي عندا الفراش
طلعت حامل شكد ضجت من نفسي
اتنسى وخالتي ماتقبل يجيبلي اي شي اريده
تكول اجذب قبل احنا ماجنا نتنسى حياله
اروح البيت اهلي الوجوه مو نفس الوجوه القبل
اشكي الامي حالتي
تكول اتحملي هاي حياتج لازم تتحملين
اباوع غفران غركانه بخير اهلي والبيت كله بايدها
تطبخ بكيفها تشتري بكيفه
واني اتنسى وحسره عليه الاكله الزينه
امي عدها مبدء مقتنعه بي ماتريد اتشجعني اكعد اشكيلها
وهي تسمع وتشكيني
حتى لا اتعود اي شي اشوفه انهزم واجي البيت اهلي
هاي حياتي ولازم اكون قويه وتحمل
ماتريدني ازعل حتى لاغفران تزعل
ونرجع النقطة الصفر
ابد ماكانت حاسه بيه
تشتريلي وتطيني بس ماتقبل ازعل واكعد اشكي
تكول عيب اطلعين اسرار عيالج
اتحمليهم بلحلوه والمره
جمانه السعيدي
اي غير كون اني احب زوجي حتى اكدر اتحمل اهله
اتاكدت ابد ماكو فايده
كلامي محد يسمعه
جرعت المر بكل انواعه
وتحملت لان مالي سند بهاي الدنيا غير رب العالمين
الحد ماوصلت للولاده
جبت بيت اهلي ثالث يوم امي كالت ارجعي العيالج
انهضمت من كلامها
البنات تبقى للاربعين واني ثالث يوم تكول روحي
صادفت صيف والبيت حار
صح غرفتي ببها مبرده بس حاره
كلشي مافهمت من حياتي
علي يحبني بس الحب العادي يحب وجودي بحياته
بس مايحاول يسعدني
يحبني وبس حب تعود مايحاول يرضيني
مايحاول يتعب علمودي من اكله مااكدر عيشتكم صعبه
يكول شبيها عيشتنا لا تتبطرين
مايحاول يخلي أفكارنا تتقارب
دائما احس فهمه على كده
اني بس واحد يحجي يمي شغله كبل افهمه واذا اي تصرف
اعرف ليش هذا التصرف
بس هو ابد ماعندا هاي القابليه
عايش على الله مرات من احجي كدامه يكول انتي شلون تفهمين هاي السوالف
راسا يجي ابالي محمود
يفهمني من حركت عيني
بدون ما حجي يعرف شريد
برأيكم الزواج قسمه لو اختيار
اذا اختيار اني مااختاريت علي ليش صار من قسمتي
