رواية دخيل في بيتنا الفصل الثاني عشر بقلم جمانه السعيدي
سعاد....من اول زواجي واني حاسه مو مرتاحه
وكنت افكر اكيد بيوم من الايام راح الكه حل واخلص
بس امي عبالك كاعده بعقلي
كل مره اروح على اهلي امي اتصدني ومتتنطيني مجال
وترجعني العيالي
ماتريدني اتمرد بس الخوف الحقيقي كان
تخاف ارجع عليهم واطلب الطلاك
ساعته غفران تطلك وامي تنحرم من جهال حسن
امي كانت متعلقه باخواني حيل
لان هي عاشت بيت بي بس بنات وكانت تسمع النسوان يعيرن امها بخلفتها للبنات
ولأن تشوف امها بقت وحدها بلدار تنتضر اي احد يمر عليها يساعدها
كانت تعتبر الولد كنز ولازم تحافظ علي
حتلو ادوس عليه بلاخير اني بنضرها بنيه واكيد مكاني بيت زوجي
جمانه السعيدي
كلما اروح الاهلي امي تقسي عليه اكثر وترجعني
محبطه اكثر ونفسيتي تعبانه
لمن صار عندي اول طفل محمد
أفكاري تغيرت شويه
تعلقت بي وكنت أتمنى اوفرله حياة حلوه
وصار هو أكبر اهتماماتي
الحد ماصار عمر حمود سنه وكعت مريضه مااعرف
شنو المشكله
كنت حامل ومااعرف رغم اني ماخذه كل الاحتياطات
الازمه
ابد مااجا ابالي اني حامل
بقيت بلفراش ممده مااكدر اكوووم
واصلا اني ماكنت اتغذا بشكل صحيح
بيت عمي عائله جبيره والاكل على الكد يعني اذا اتغدينا بعد ماكو اكل اله نتعشى
الولد كانو يشتغلون ويطلعون ويشترون بكيفهم
بس اني لا اطلع ولا ادخل
نساوه وتعب وقلة اكل كلهن انجمعن عليه
بقيت نايمه بغرفتي
ثاني يوم نزل علي من الجيش
جمانه السعيدي
بس دخل للبيت كاعد يسلم على اهله خالتي شحنته عليه
صار يومين مريضه مافكرت تسئلني شبيج
بس تعرف تحجي عليه كدام علي
راسا دخل للغرفه واني ممده ضربني
علي...كومي شنو نايمه صارلج اسبوع اليوم الي اني نمت بي صار اسبوع حسب كلام خالتي
شنو تردين خدم تردين امي تخدمج راسا ضربني
قبل حتى لا يسمعني ادافع عن نفسي
سعاد...مريضه تعرف شنو مريضه امك ماكلفت نفسها
تجي تسئلني شبيج
سحبني من الجربايه ووكعني بلكاع
ابني كام يبجي يخاف من الصوت العالي
علي...اني طالع تجين وراي تشوفين امي شتربد منج
تنفذين وانتي ساكته
هو طلع واني لبست عباتي وشلت ابني وطلعت من غرفتي كبل للشارع
على ببت اهلي امشي امسح دموعي
دخلت بيت اهلي كعدت بلكاع ابجي وابني يبججي من الخوف
اجت امي وغفران واختي واخوي الزغير اجتمعو عليه
امي...هااا خير
سعاد...مريضه اني مريضه وتعبانه من امس بلا اكل
وعلي فوكاها يضربني خالتي تحرضه عليه
نكول ماتشتغل وهي ماكلفت نفسها تسئلني شبيج
الله واكبر اني مو بتكم
ليش هيج تسوون بيه
جمانه السعيدي
غفران من سمعت الحجي عوجت حلكها وأخذت جهالها ودخلت غرفتها وطبكت باب الغرفه بقوه
امي افتهمت هذا تحذير من غفران
اذا استقبلتو سعاد وشكيتوها اني اطلع من البيت اخذ جهالي واطلع
راحت امي جابتلي اكل وماي اكلت احس روحي ردتلي
ماكنت اعرف اني حامل
لان كلش متحذره من هاي الشغله
دخلت امي للمطبخ خلتلي اكل وحلويات بلعلاكه
صاحت على اخوي الزغير
امي...تعال وصل سعاد البيت عمك
رفعت راسي
سعاد...تردين ترجعيني اكلج جاي اموت تفهمين شنو اموت انتم عايشين هنا بلخير
والبيت مقبط وتاكلون بكيفكم واني عايشه بجحيم
اني اريد اطلك بعد ماارجع العلي الرجال الي مد ايدا عليه
ماارجعله ابد
جمانه السعيدي
امي...كومي ارجعي البيت عمج ماعدنا نسوان تطلك
سعاد...ماارجع كمت اعيط بصوت عالي ماارجع
امي...بيتنا يتعذر وجودج اطلعي برا
كومي اطلعي وين تردين ترحين روحي
كان كلام امي مثل الموت واصعب
أصعب حتى من ضرب علي اليه
كمت شلت ابني عفت كلشي مااريد منهم اكل ولا شرب
طلعت امشي وابجي وابني يبجي على بجيبي
امسح دموعي ويرجعن ينزلن
ضاكت الدنيا بعيني
ووين اروح ومنو الي راح ينصفني
لا اهل بيهم حظ ولا زوج على الاعتماد
ليش اني الي لازم ادفع ثمن سعادة حسن
يعني حسن اذا طلك غفران شنو مايكدر يعيش
يزوج وتستمر الحياة
ليش اني لازم اموت كل يوم علموده وين العداله
امشي وابجي وابني يبجي ويناشغ
دخلت على بيت بيبي ام امي بيتها بصف بيت عمي
خليت ابني بلكاع وكمت اعيط واشلع بشعر راسي
بيبي خطيه خافت ابني يصرخ واني منهاره فد مره
لزمت اديه
بيبي....الله يستر الله يستر سعاد شبيج
يمه اسم الله
جمانه السعيدي
سعاد...اريد اسكت مااكدر تعبت مااكدر اقاوم اكثر
لمن كلش فحطت وسكتت
بيبي...احجي شبيج شصاير
سعاد....تعبانه بيبي مريضه ومحد يساعدني
لا اهل بيهم حظ ولا رجل اكدر اعتمد علي ووين انطي وجهي
كامت بيبي كوه تمشي بعد كبرت مابيها حيل
جابت ماي غسلت وجهي جابت ماعون فواكه خلته كدامي
جابلتي مخده وفراش كالت نامي ارتاحي
اي واحد يوصلج انعل والدي لا علي ولا امج
تمددت وتغطيت بيبي اخذت مني حمودي
خطيه طابخه شوربت تمن الحمودي وموكلته ومغسلتله
ونيمته بحضنها
نمت ايجوز ساعتين ماادري بنفسي هلكد مافحطت وتعبت
جمانه السعيدي
علي بعد ماضربني اتندم حس نفسه اتسرع
لان توا جاي من الجيش تعبان وخالتي شحنته عليه
تغدا ونام كعد كال الخالتي اني راح اجيب سعاد
خالتي.. خليه تولي حيه كل نفع مابيه شغلها كله عناد
علي...خطيه جانت مريضه
خالتي...عفيه مريضه كل يوم مريضه
علي...اني راح اجيبها مااكدر افارك حمودي
طلع علي من البيت وخالتي ماقبلت علي يرجعني
راح الاهلي دخل سلم على امي وغفران
علي....وبن سعاد
امي.. سعاد رجعت الببتكم
علي...لا مااجت اني اجيت حتى ارجعها
امي هنا خافت توقعت سويت بنفسي شي
امي...ياا يمه تحجي صدك بس اجت رجعتها
علي...مااجت خل اروح اشوفها وين راحت
امي...يمه علي على كيفك وياها سعاد مدلله
علي...صار بس خل الكاها
علي اول مكان فكر بي بيت بيبي
بيبي تعوف الباب الخارجي مفتوح لان كل النهار رايحين جايين عليه ماتكدر كلما تندك الباب تفتحها
علي دخلت للغرفه شفت بيبي كاعده تسبح وسعاد وحمودي نايمين
بيبي بس شافتني هزت راسه عود ماراضيه عليه
كعدت يم راس سعاد
علي...سعاد...سعوده
سعاد...اني نايمه واسمع واحد يصيح باسمي
فتحت عيوني علي كاعد يم راسي
ضجت رجعت غمضت عيوني
علي...سعاد..حبيبتي اكعدي خل نرجع البيتنا
سعاد...كعدت على حيلي
استغفر الله واتوب اليه
علي....يله حبيبتي نرجع البيتنا
سعاد...ماارجع وياك تضربني علي ليش اتمد ايدك عليه
تضربني بدون ماتسئلني شبيج ليش نايمه
اكو واحد نايم هيج وكت
مريضه من امس وجوعانه وحتى مااكدر اوكف على طولي
بمكان ماتطلع تعاتب امك ليش عايفتني
ليش ماتسئلني شبيج
كبل سمعته واجيت مديت ايدك عليه
طلكني علي اني من البدايه كتلك هاي الزواجه ماتصير
علي...حبيبتي لا تكولين هيج لحظة عصبيه وصارت
سعاد...ماكو لحظة عصبيه اني بعد ماارجع
اذا ماا اطلكني اشمر نفسي بلشط وخطيتي بركبتك
دنك عليه وباسني براسي اني اسف وكدام بيبي بعد ماتنعاد
ابد مجاي اكدر اكعد بلغرفه وانتي ماكووو
اشتاقيت الحمودي
بيبي....كومي روحي وياا زوجج مادام عرف غلطه
شوف علي اذا قربت مره ثانيه على سعاد
اني اجي اكسر راسك بلعكاز
البنيه مريضه خاف الله بيها
علي...كومي اخذج للطبيب حتى اشوف شبيج
سعاد.ماعندي احد اروحله مضطره ارجع للببت وانتضر الفرج من رب العالمين
رجعت للببت سبحت وبدلت وطلعنا للعياده
سويت نحليل طلعت حامل وعندي فقر دم
جمانه السعيدي
بس سمعت حامل لطمت على وجهي
حمودي عمرا سنه واني حامل شلون بيه ووين انطي وجهي
اشترالي علي كباب وحلويات ورجعنا للبيت
كعدت بغرفتي ماطلعت ثاني يوم يله طلعت
خالتي...هااا شبيها المحروسه
علي...حامل
خالتي...وشنوعجيبه كل سنه احبل واجيب لمن صارو عشره بعمري مارحت الطبيب واشتغل كل النهار
كلشي مابيه
بس هيه على راسه ريشه
كلما يفوت الوكت اكثر علاقتي بخالتي تصير اسوء
مااعرف ليش تكهرني وماا اطيقني
واذا شافت علي يحبني لو يدلعني لو بس بلكلام
تتخبل عليه تشد وياي اكثر واكثر ماتريده يحبني ابد
امي جايه ورا علي تتاكد اذا كنت موجوده لو لا
خالتي كايلتله أخذها وطلع
رجعت للبيت وبعد ماسئلت عليه
٣ اشهر واني مداخله ببت اهلي ابد ومن تجي غفران البيت اهله اجاهله ادخل غرفتي واطبك الباب
الحد مايوم اجت امي تصالحني وجايبه وياها مسواك وملابس مشتريتلي
صدكو بعد لو تملكني الدنيا كلها مااكدر انسى من طردتني من البيت واني مريضه وجايتها اشتكي عدها
خليها تعز غفران وتقربها وتبعدني عنها
وكانما اني مرض خبيث وتريد تبعدا عنها
بس شفت امي دخلت ببت عمي دخلت غرفتي وطبكت الباب
اكيد ببت عمي عدهم خبر امي طردتني غفران مستحيل أضم هيج شي عليهم
اجت وراي للغرفه
امي...شلونج بمه سعاد
سعاد...زينه
امي...شوفي شنو جبتلج
سعاد....شكرا كلشي مااريد منج اخذيهن الغفران
امي...لا تزعلين عليه اريد مصلحتج
سعاد...شنو مصلحتي ازوج واحد مااحبه
شنو مصلحتي بطني نصها جوع
شنو مصلحتي اعيش بهيج بيت حار بلصيف بارد بلشتا
شنو مصلحتي اختج محاربتني كل الوقت
شنو مصلحتي اشتهي شي ومااكدر اجيبه
هاي مو مصلحتي هاي مصلحت حسن وغفران
اني لازم اموت حتى غفران تعيش بخير اهلي
روحي يمه وانسي عدج بنيه انتي بتج غفران
اخذي كلشي جبتي وياج اني الله عينه عليه وماينساني
مااريد منج شي
روحي الله وياج
شكرا لزيارتكم عالم روايات سكيرهوم
