رواية بنات نعمة الجزء الثاني (الدرويش) الفصل الحادي عشر
الساعة 3 الفجر !
كامل ابن هدى في الحضانة '
وشخص ملثم واقف جنبه !!!
ايه ده ! بيبص للطفل بطريقة مخيفة !!!؟!
دا شال الطفل وماشي بيه !!!!
يارب ما يكون ال في بالي🙏
فعلا الشخص ده شال الطفل وخده وخارج وبمجرد ما فتح
الباب لقي حد مغمي وشه وماسك مسدس في إيده
وبسرعة خبطه على دماغه وخد منه الطفل بعد كده ميل
عليه وكشف وشه لقيه الدرويش
الدرويش وهو دايخ قاله انت مين ؟!
رد عليه وقاله أنا الكبير انا الكابوس ال هيطلعلك في كل حتة
بعدها الكبير خد الطفل وراح على اوضة هدى ال كانت
صاحية بسبب إن قلبها اتقبض اول ما دخل عندها الكبير
اتخضت وهي شايفاه شايل أبنها وجاي عليها
من غير ولا كلمة حط إبنها جنبها وهي مبلمة مش عارفة ايه
ال بيحصل المهم خرج الكبير وهو في طريقه للخروج سألته
هدي أنت الكبير ؟!
الكبير بص ليها وهز براسه بإجابة ايوة انا الكبير وخرج بعدها .
______________
هدى حضنت إبنها ودماغها عمالة تودي وتجيب
فجأة دخلت عليها تغريد بتنهد
تغريد .. انتي بخير ؟؟!
هدي .. اه ؟! ليه!!!؟
تغريد .. ااه الحمدلله الف حمد وشكر ليك يارب إنكم بخير
هدي .. مالك ؟!! ايه ال حصل!؟
شفت الدرويش نازل على السلم
واتنين من رجالته مسندينه
وتقريبا مجروح في راسه
هدى .. اه ! كده انا فهمت ؛ بس معقول ؟!
تغريد .. معقول ايه ؟؟!!
هدى .. كده معناه إن الكبير أنقذ ابني من الدرويش ،
تغريد .. هو الكبير كان هنا ؟!
هدي .. أيوا
تغريد .. معقول هو ال عمل في الدرويش كده !
هدي .. ال مستغرباله هو ليه بيعمل معانا كده ! هو معانا ولا
علينا ؟! إزاي خاطف أمي وإزاي بيدافع عننا ؟!!!!؟
تغريد .. الشخص ده وراه لغز ! طب عرفتي هو رياض ولا لأ
هدي .. مقدرتش أتعرف عليه ! كان مغمي وشه وطفى نور
الأوضة وهو داخل ! الكبير ذكي أوي ياتغريد
تغريد .. بس شخص بيتمتع بالذكاء ده كله مظنيش يكون رياض جوزي
هدي .. رياض كمان وجوده في المزرعة المهجورة بعد نص
الليل لغز كبير وممكن يكون لو مش الكبير يبقا ليه صلة بيه
والكارثة الأكبر يكون ليه صلة بال في دماغي !
تغريد .. قصدك يكون ليه صلة بالدرويش !!؟ لا ياهدي مش
للدرجادي رياض مش بالخباثة دي عشان ياكل معانا في طبق
واحد وهو في نفس الوقت بيطعنا في ضهرنا
هدى .. الأيام ال جاية صعبة قوي ياتغريد لازم ناخد بالنا
كويس ولو انتي فاكرة إني هعدي جيت الدرويش لحد هنا
ومحاولة خطف ابني مني تبقي غلطانة
تغريد .. حاولي تهدي اللعب ياهدى ، وخافي لو مش على
نفسك يبقا على ولدك
هدي .. لو فاكرة إن ابني هيبقا نقطة ضعفي يبقا لا فوقي
ياتغريد ، العالم دي لو حست بضعفنا هينهشوا لحمنا ، وعز
الضرب على الحديد وهو سخن 👌
_____________
في بيت مرسي
مرسي .. هه بقا الكبير يعلم عليك ، مش عيب عليك وعلى طولك
صفية .. مالك ياراجل بتسخن فيها ليه انت شايفها ناقصة 😡
الدرويش .. سيبيه ياامي عنده حق ،الواد علم عليا
مرتين ،مرة لما خطف نعمة مني، ومرة كمان النهاردة،
هوووووف ياويلك مني لما تقع في يدي ،دا انا كنت خلاص
هجيب رقبت بنت نعمة تحت رجلى 😡
مرسي .. غبيييي غبي 😡
صفية .. في إيه عاد يامرسي أنت اتخبطت في نفوخك ولا إيه 😡😡
مرسي .. لا ياختي متخبطتش في مخي ، بس ال أنتوا
متعرفهوش إنكم فتحتو باب جهنم عليكم ،وبنت نعمة مش
هتعديلك الموضوع بالساهل يااهبل
صفية .. لا ياابو مخ زنخ ، محاولة خطف ابن هدي هيخليها
تعيش في رعب وتمشي جنب الحيط عشان تحافظ على
إبنها ،والعيار ال ميصبش بيدوش
مرسي .. لا والنبي هيه ، بنت نعمة مش هتكست ،وبكره
تقولى مرسي قالها
الدرويش .. ياهوووف انا مش طايق نفسي وانتم قاعدين
تناقرو في بعض ! انا سايبهالكم وماشي
_______
عند الكبير
الكبير .. سلام عليكم
نعمة .. عليكم السلام
الكبير .. عندي ليكي خبر هيفرحك
نعمة .. خير يارب !؟
الكبير .. بقيتي جدة يانعمة 😅
نعمة .. ها؟!
الكبير .. بنتك هدى ولدت وجابت ولد
نعمة .. بجد 💙💙💙💙💙
الكبير .. ايوة بجد ياستي
نعمة .. ياما انت كريم يارب 💙💙 بس ولدت بدري عن
ميعادها ! اوعاك تكون بتلعب بيا!
الكبير .. هههههههه لا يانعمة ، وعشان خاطرك صورتو عشان
تشوفيه ، شوفي كده
نعمة .. الله اكبر 💙 بسم الله ماشاء الله 💙💙
الكبير .. فيه شبه منك 😅
نعمة .. ايه ده ! انت كنت شايله فين !! ووصلت ليه إزاي !!؟
الكبير .. لا متشغليش دماغك بعدين هتعرفي كل حاجة
نعمة .. طب الواد فين !؟؟؟
الكبير .. متقلقيش مخطفتوش 😅 الواد في حضن أمه
أسيبك انا دلوقتي
_____________ #روايات_احمدحسن
الكبير ساب نعمة وإتوجه ناحية الأوضة ال فيها فؤاد
الكبير .. ازيك يافؤاد
فؤاد .. عايز ايه ؟!
الكبير .. عايزك تهدا وتروق كده 😅
فؤاد .. ايه ! خلاص نويت تقتلني !
الكبير .. لا فكرة قتلك بقت ملهاش لازمة
فؤاد .. امال عايز إيه ؟!
الكبير .. عايزك تستعد ، عشان هخرجك قريب
فؤاد .. ما تتكلم معاي بوضوح عاد ؟!
الكبير .. بيت المغازي بيقع وخروجك هو ال هينقذهم
فؤاد .. ياجدع انت حيرتني معاك !!!! انت عايز ايه ؟!! وايه
الهدف من ال بتعمله ده ؟!!!!
الكبير .. كل كويس وحاول تسترد عافيتك عشان تركيزك يبقا
حاضر للجاي وتقدر تنفذ ال هقولك عليه .
_________ #روايات_احمدحسن
بعد شهر وبالتحديد في بيت نعمة
هدي .. اسمعو يارجالة عايزاكم تنفذو ال قولتلكم عليه بالحرف الواحد
تغريد .. كنتي صبرتي شوية ياهدي يمكن ربنا يصلح الحال من عنده
ابراهيم .. استهدي بالله ياهدي والدنيا هديت ليها شوية
بلاش تفتحي الحرب علينا
ريهام .. ال أنتي هتعمليه ده ياهدي هيقلب الدنيا علينا ياريت
تراجعي نفسك يااختي
هدي .. بطلي خيابة انتي وهو ، اسمعوني يارجالة
وكالة المغازي وكل المحلات التابعة لبيت المغازي عايزاها
تيجي ارض ارض احرقو المحلات وال ميتحرقش كسروه
وال ميتكسرش اتلفوه ، عايزاه درس ليهم ميتنسيش
فاهمين يارجالة ؟!
الرجالة .. فاهمين ياست هدى
هدي .. فاهمني ياناصر ؟!
ناصر .. فاهمك ياهدي ، بس ده مش كفاية
هدي .. خلى الدم وتار ابوك للنهاية ياناصر ،اما دلوقتي نفذ
ال بقولك عليه وبس
ناصر .. تمام ياهدي
هدي .. يلا بينا
____________
فعلا اتوجهت هدى برجالتها على وكالة ومحلات المغازي
وقفت هدى في وسط الشارع وأعطت إشارة البدء للرجالة
وبالفعل محدش قدر يقاوم رجالة هدي ونشبت الحرائق في
كل مكان الوكالة والمحلات بتولع والبضائع بتاكلها النار
ورجالة هدى مش سايبة بتكسر كل حاجة تقابلها في وشها
ويافطة مرسي المغازي بتقع وبتاكلها النار
وهدى في إبتسامة عريضة مرسومة على وشها وهي بتبص
للخراب ال بتعمله في المغازية
لحظة لحظة ✋
👈هدى بصت لأخر الشارع !
👈ابتسامة هدى وقفت!!!
👈عنيها منصوبة بإهتمام على حاجة شايفاها !!!
