رواية بنات نعمة الجزء الثاني (الدرويش) الفصل الثاني عشر 12 بقلم احمد حسن

فعلا اتوجهت هدى برجالتها على وكالة ومحلات المغازي

وقفت هدى في وسط الشارع وأعطت إشارة البدء للرجالة

وبالفعل محدش قدر يقاوم رجالة هدي ونشبت الحرائق في 

كل مكان الوكالة والمحلات بتولع والبضائع بتاكلها النار 

ورجالة هدى مش سايبة بتكسر كل حاجة تقابلها في وشها

ويافطة مرسي المغازي بتقع وبتاكلها النار

وهدى في إبتسامة عريضة مرسومة على وشها وهي بتبص 

للخراب ال بتعمله في المغازية 

لحظة لحظة ✋

👈هدى بصت لأخر الشارع !

👈ابتسامة هدى وقفت!!!

👈عنيها منصوبة بإهتمام على حاجة شايفاها !!!

مين ده ! دالكبير واقف متابع ال بتعمله هدى ؟!

هدى بصت ليه بإستغراب وقلق !

بس بعد ما الكبير اشار ليها بالإعجاب ومشي ، اترسمت على 

وش هدى الإبتسامة وحست بالطمأنينة نوعا ما 

____________

نروح عند مرسي والدرويش

مرسي .. ياخراااااب بيتك يامرسي

الدرويش .. اهدى يابوي متعملش إكده في نفسك كله هيتعوض

مرسي .. جالكم كلامي قولتلكم بنت نعمة مش هتسكت

 مصدقتنويش ااااااه ياخراب بيتك يامرسي 

صفية .. كفياك عاد ياراجل عمال تندب كيف الحريم ليه!!!!

مرسي .. اقفلي خشمك ياوش الفقر ،قعدتي تقولي العيار ال

 ميصبش بيدوش ! اهي بنت نعمة زرعت العيار في قلبنا

 عاجبك إكده يابوذ الإخص

الدرويش .. ما قولنا كفياك عاد يابوي ! وديني وما أعبد

 لأدفعك التمن غالي ،وغالي قوي ياهدي 😡😡

___________

في بيت المغازي

توحيد .. البيت خرب ياناس ااااه على تعبك وشقاك يامغازي

ال قعدت تبني فيه عمرك إتهد في لحظة 

نظيمة .. ااااااه يامين ياملكني بت نعمة في يدي 

كوثر .. مالكم محروقين كده وكأن يعني كان مالكم واتحرق!!

نظيمة .. امال مال مين يامصراوية عاد

كوثر .. الأسم طوبة والفعل امشير ، الأسم مال المغازي ،وهو 

مال مرسي والدرويش بعد ما كوشوه على كل حاجة حتى 

البيت ال احنا عايشين فيه طمعانين فيه وعايزين يرموكم 

في الشارع ،جرالكم ايه ماتفوقو بأه ويمكن ال عملته هدى 

النهاردة يخليهم مايفكروش في البيت أو على الأقل في 

الوقت الحالي

عثمان ..امي عندها حق ياجماعة ال حصل النهاردة هيضعف

قوة الدرويش قبل عمي مرسي وهيخليهم يفكرو في الأنتقام

قبل ما يفكرو في البيت وفي خلال الفترة دي نكون إحنا 

مستعدين أكتر لطاغوت الدرويش وعمي مرسي

نظيمة .. وانت كمان ياصابر منفسكش تقول حاجة بدل ما 

أنت قاعد حاطط إيدك على خدك إكده

صابر .. هقول إيه يانظيمة غير ربنا يجيب العواقب سليمة

توحيد .. هو ده ال قدرك عليه ربنا !!!

صابر .. ياعالم حسو بيا انا مش طايق نفسي ومش عارف 

أعمل ايه ياأمي ، أحط إيدي في إيد مرسي وأقتل بنتي ولا 

ولا أقف جنب بنتي وأقتل أخوي !!! مالكم سكتم ليه ما تردو 

علي ياامي انتي ونظيمة !! وبعدين انا من رأيي إن كلام كوثر

هو عين العقل ، ال حصل النهاردة في صالحنا ياامي 

توحيد .. ااااااااه ياريتني مت ولا شوفت الأيام الغبرة دي 

______________

في بيت نعمة

هدى .. صباح الخير

ريهام .. صباح النور صحي النوم ياعم الحاج الضهر جه واحنا 

هنموت من الجوع مفطرناش 

هدى .. طب وسايبيني نايمة ليه لحد دلوقتي

ريهام .. قلنا نسيبك تريحي أعصابك شوية

تغريد .. اسكتي ياهدى البلد كلها عمالة تحكي وتتحاكة بال 

عملتيه  في مرسي والدرويش

ريهام .. ال حصل هيفضلو يتحاكو بيه العمر كله

هدى .. مش مهم ال حصل المهم ال جاي عشان ال جاي

 ميجيش نقطة في بحر ال حصل وأنت ياناصر أنا مكنتش 

متوقعة منك ال كنت بتعمله 😅

ريهام .. ههههه ناصر يطلع منه كل ده هههه

هدى .. ابقي بخري جوزك احسن يتحسد😅

ناصر سمع كلمة جوزك ال قالتها هدى لريهام وبص لريهام

 وريهام بصتله وكأنهم بيقولو ياريت

في النهاية نظرات ناصر وريهام

 دفعت ناصر إنه يقول لهدى إنه عايزها في موضوع على 

إنفراد بعد ما يفطرو 

_______

ولحد ما يفطرو بقا تعالو نروح عند رياض ال أخيرا ظهر عند

 صاحبه فرحات مستخبي عنده

فرحات .. يابوي يابوي يابوي سمعت عن ال عملته هدى

 ياصاحبي

رياض .. ومين مسمعش يافرحات

فرحات .. مين كان يقول إن في حد هيقف في وش مرسي

 والدرويش باينها الوليه دي واعرة وغشيمة قوى يابوي

رياض .. ال انت بتقول عليها غشيمة دي مش هتصدق لو

 قولتلك إنها معاها شهادة طب 

فرحات .. به انت بتقول ايه !!!!! دي معاها طب!!!!!!

رياض .. لا ومن التلاتة الأوائل على الجمهورية واتكرمت في

 حفلة كبيرة كان عاملها الرئيس للأوائل على الجمهورية 

فرحات .. يانفوخي ياني دكتورة وبتعمل ده كله ، اما دي

 حكاية ياولاد

رياض .. امال تفكر ايه يافرحات ، ربنا يستر من هدى تخيل بقا انت الدماغ ال في الخير جابت شهادة طب لما تشتغل في الشر هتعمل ايه

فرحات .. ععععارف يااخويا رياض انا خوفت عليك اكتر من الأول 

رياض .. ليه يافرحات !!؟

فرحات .. السسسست ال أنت بتحكي عليها دي لو شافتك

 هتعمل معاك زي الشاعر ماقققال

رياض .. والشاعر قال ايه يافرحات ؟

فرحات .. الشاعر قال هوووهدي لو لمحتك هتمرجحك 

رياض .. يعني الشاعر قال هدي لو لمحتني هتمرجحني 

فرحات .. ايوا الششششاعر فرحات هو ال قال اكده 

رياض .. ايوااااا طب انت متعرفش الشاعر فرحات حصل فيه 

ايه بعد ما قال إكده

فرحات .. وووومش عايز أعرف يارياض

رياض .. لا إزاي لازم تعرف خد 👋✊👊

فرحات .. ااااااه ييييخربيت الشعر وسنينه

______

الخراب بيجيب خراب 

والدرويش بدأ يطلع الشيطان ال جواه

اما ناصر ففتح النار على نفسه 

الكبير وما ادراك ما الكبير التقل صنعة والحرب خدعة

اما أحدهم سيفقد ما يريد ويفرض عليه ما لايريد