رواية إبن عمي دمر حياتي الفصل الحادي عشر بقلم جمانه السعيدي
البارت الحادي عشر
#ابن عمي دمر حياتي
#جمانه السعيدي
بعد التخرج بديت ادور على شغل
مااريد اكعد بلبيت للطبخ والتنظيف اني ماتعبت على نفسي علمود اكعد
قدمت بهواي اماكن
وبابا بدا يوصي الناس الي يعرفهم عليه
بس ماكو كلشي ماكووو
ملتهيه بلمطبخ اطبخ واسوي حلويات
واخترع اكلات
حتى مليت من كعدت المطبخ
بعد ست اشهر من كعدتي بابا كال حضري نفسج باجر تقدمين لكيتلج شغل
جمانه السعيدي
زينب صدك تحجي صدك
بابا اي طبعا احجي صدك قابل اتشاقه وياج
زينب ووين هذا الشغل
بابا اكو شركه عقارات عالميه فرع بتركيا وفرع بدبي
وفرع بلعراق
صاحب هاي الشركه من الامارات
والفرع الي بلعراق بي مدير تنفيذي
مهندس علاء طعمه
مهندس كلش كفوء ويردون مهندسين للشركه
و رجال صديقي بلدوام
يعرف مهندس علاء معرفه شخصيه
ذاكر اسمج كدامهم وكايل طلعت من الاوائل
كال باجر موعد المقابله هي وكم واحد
وبعدين يقررون
زينب اي الحمد لله ربك فرجه كتلتني كعدت البيت
ثاني يوم بابا طلب زمنيه حتى ياخذني للشركه
لبست قاط زيتوني وقميص كرييمي ورفعت شعري
ونزلت كذله وخليت مكياج خفيف
وطلعنا بسيارة بابا
وصلنا لكينا المكان بي هواي ناس والشركه
كلش حلوه تخبل وجبيره
اخذو اسمي وكل بياناتي عدهم
وبدو يدخلون واحد واحد
دخلو قبلي اربع ولد بعدين اجا دوري
دخلت المكتب يخبل وكلش مرتب
المهندس علاء كاعد ورا المكتب
لا رفع عينه ولا شافني
علاء تفضلي
زينب تقربت وكعدت
بس كعدت رفع عينه يشوفني
شكله كلش حلو وشخصيه وتحسينه هيبه
علاء اسمج
زينب اسمي زينب
علاء صار شكد من متخرجه
زينب تقريبا سته السبع اشهر
علاء انت من الاوائل
زينب انشاء الله
علاء ليش ماكملتي ماستر
زينب انشاء الله للمستقبل
علاء اوكي هذا ملفج يبقى يمنا بس سجلي رقم تليفونج واحنا نتصل عليج
طلعت واني كلي امل يقبلوني
جمانه السعيدي
رجعت للبيت بابا وصلني وراح
مااعرف ليش شكل هذا المهندس بقه ابالي
صورته ماتفارق خيالي
عندا شخصيه وكارزمه مو طبيعه
بقيت يومين والثالث اجاني اتصال من الشركه قبلوني اداوم عدهم
كمت اكمز من الفرحه ابد ما مصدكه اني راح اشتغل بهيج شركه
ثاني يوم بدلت لبست بنطرون جينز ثلجي وبدي احمر
وستره قصيره اسود وشعري رفعت نص ونزلت نص
بس شنو من الحماس
الكاع ما شايلتني اريد اطير من الفرح
وصلت حددولنا مكان نشتغل بي
دخلت مكتب اني وياي بنيه وولد
بعدين اجانا مدير المكتب وطلب من عدنا تصاميم
هندسيه
اكو مدينه ترفيهيه ويردون تصاميم حديثه للبناء
يعني مثل المسابقه
الي تصميمه يفوز راح يكلفونه بلشغل
كان بمثابة التحدي اليه
وخصوصا هذا اول شغل
ذبحت نفسي لازم افوز احسن تصميم هندسي
انطونا اسبوع ويشوفون التصاميم
بقيت افكر واخطط اريد احسن تصميم يكون اليه
طبعا يوميه نداوم بس هذا التصميم مثل التحدي النا
كملت التصميم وكلش محافضه علي خاف واحد يبوك الفكره
جمانه السعيدي
اجا يوم التسليم جمعوهن ودزوهن على المهندس علاء
اني بقيت اروح وارجع بلمرر
كلش قلقه ا
اجتمعت لجنه وشافو التصاميم كنا مقدمين
عشر تصاميم
بعدين كالو اسبوع ونقرر لان مانكدر نختار اليوم هواي تصاميم مقدميلنا
زينب بابا ادعيلي يقبلون تصميمي
ماما ادعيلي فدوه
بعد اسبوع دزو عليه
دزو عليه اني وواحد مهندس ثاني اسمه قاسم
لان التصاميم الي قدمناه طلعنا احلى شي
دخلت بس شافني المهندس علاء ابتسم
علاء انتي تستحقين الشهاده الي اخذتيه فعلا انتي مهندسه
جمانه السعيدي
يابه شكد فرحت
بعدين بدا يسئلني اسئله تخص العمل الي قدمته
ويسئل هذا المهندس الثاني قاسم
بقينا ساعه تقريبا نتناقش
علاء اني راح ادزهم للجهات الي تشتغل العمل وهم يقررون
طلعت واني كلي حماس وتفائل
ثاني بوم دز عليه علاء
علاء مبروك تصميمج هو الي فاز وراح يعتمدونه
زينب الله يبارك ببك
علاء خليج مستعده ممكن يطلبونج باي وقت
زينب انشاء الله
زاد عليه الشغل بلشركه وبدو يعتمدون عليه بهواي شغلات
بسبب التصميم الي قدمته كل شويه يستدعوني
مرات نكعد بمكتب استاذ علاء
ونشتغل
الشغل هواي وطول النهار يعني نبدي بلتسعه الصبح
ونخلص ورا الساعه ٣ العصر
هواي مشاريع لازمين والشغل ماشاء الله
بيوم دز عليه استاذ علاء بخصوص الشغل
علاء ست زينب ممكن تجين
زينب قربت علي
علاء هذا مكان الصحيات ممكن ياخذ مساحه اقل لان نريد نخلي ديكورات بلمكان اكثر
زينب بس هيج المكان بي انسيابيه اكثر
علاء يعني ممكن تغير لو لا
زينب ممكن اكيد
بقينا نشتغل ونسينا الوقت باوع للساعه وكال
كال الساعه ٣ واحنا مامتغدين
اني الصراحه جعت
زينب والشغل
علاء باجر نكمله
زينب براحتك استاذ
علاء تجين نتغدا برا
زينب اني تفاجئت من طلبه
....لا اريد ارجع للببت
علاء اني عازمج اليوم اعتبري عربون صداقه
زينب مااكدر لازم اهلي يكون عدهم خبر
علاء اي اتصلي بيهم
زينب حسيت بلحضته باحراج فضيع
..ممكن تعذرني
علاء براحتج انشاء الله باجر نكمل عملنا
زينب رجعت الغرفتي اني غرفتي بلطابق الثاني
وهو غرفته بلطابق الثالث
اخذت جنطتي واريد انزل للمصعد انفتح واذا علاء بوجهي
داخل المصعد
علاء انتي نازله
زينب اشرتله براسي اي
نزلنا للمصعد سويه بس طلعنا من المصعد نمشي نريد نطلع من البنايه رجلي مثل الي التوت ونكطعت حذائي
...متت متتت من الاحراج بلبدايه توقعت ما شافني
بقيت واكفه بمكاني اربده يطلع
واشيل حذائي واطلع
بس هو اجه عليه
علاء هااا تحتاجين مساعده
موقف انحسد علي فعلا صرت بنص هدومي
