رواية إبن عمي دمر حياتي الفصل الثاني عشر بقلم جمانه السعيدي
زينب بقيت واكفه وميته بدمي
مهندسه وشكبرني والكشخه والكل المهندسه زينب والمهندسه زينب
والحذاء فشلتني وانكطعت
رجع عليه علا هااا الحذاء انشلع
زينب عضيت شفايفي ودنكت من الخجل
علاء يلله عادي اني اوصلج
زينب لا استاذ اني اروح وحدي
علاء وشلون راح توصلين للسيارات
هاي المسافه تقريبا ٢٠٠ متر شلون راح توصلين للسياره
زينب اني
علاء امشي اوصلج يله
هو مشه كدامي وجاب السيارة ووكفه باب الشركه كلش
يعني اقصد بابا الشركه الداخلي
واني رجل اشيله ورجل اسحبه بسبب الحذاء المشلوع
وصلت فتحلي الباب دخلت وكعدت ليكدام لان هو فتحلي الباب الامامي
واستحيت منه
يابه بساعته يمكن لو يذبحوني مايطلع دم متت من الخجل
المواقف واحد ورا الأخ كله محرجه
زينب أقرب مكان توكف بي السيارات واني اصعد
مااريد ازعجك
علاء ماكو اي ازعاج نهائيا
انتم وين بيتكم
زينب انطيته العنوان
جمانه السعيدي
اخذني وطلع على محلات راقيه بلكراده طفه السياره
ونزل
اني الصراحه ارتبكت لان لاهذا طريقي للبيت
ومااعرف ليش نزل
رجع عليه شايل كارتونه
ضرب الجامه واشري افتحيه
زينب نزلت الجامه
علاء فتح الكارتون وكال هذا الموديل يعجبج
زينب فتحت عيوني حيل وماكدرت احجي
رايح مشتري حذاء ماركه وجاي يشوف الموديل يعجبني والقياس يجي على كدي
زينب العفو استاذ ولله ماله داعي
علاء يله اخذي وقيسي اني هذا الموديل حيل عجبني
ومااعرف راح يعجبج لو لا
زينب شلون يالاهي بكميه الاحراج هاي
علاء يله راح نبقى هنا طول اليوم
زينب اخذت الحذاء يخبل موديله ومبينه غاليه حيل
قسته هاي هي كلت بكلبي شمعرفه بقياسي
هاي هي تمام شكرا
علاء تستاهلين
زينب رجع للمحل يحاسب ورجع صعد بلسياره
ممكن اطلب منك طلب
علاء اامري
زينب ممكن تأخذ فلوس الحذاء
علاء اكيد تردين ازعليني منج شنو قيمة هاي الحذاء
بعد لاتعيدين هذا الكلام ابد
جمانه السعيدي
زينب شكرا استاذ
وصلني للبيت ونزلت واني لابسه الحذاء الجديد
حسيت نفسي حيل فرحانه رغم هذا الموقف ايجوز الاغلبيه اشوفه موقف طبيعي
اي واحد مكانه لازم يتصرف هيج
بس اني كنت سعيده جدا بهذا الموقف
بعد هذا الحادث صار تقارب بينا اكثر
يعني نحجي اكثر ونلتقي بلشركه اكثر
الصبح اول مايدخل للشركه يطلع على غرفتي ويصبح علينا
وبعدين يصعد الغرفته
لمن سئلت طلع مايروح الكل الغرف غرفتنا وبس
حسيته يجي علمودي
اني هم كمت اهتم بنفسي اكثر ويوميه كاشخه
بيوم جاي نشتغل سوا بغرفته
اني ومهندسه ثانيه والمهندس قاسم
هو صار قريب عليه أثناء الحديث عن العمل
قرب بحجة تعديل الخريطه وكال عطرج طيب
اني التفتت علي مثل الي مامصدكه بس هو استمر بلكلام عن العمل وكنما ماحاجي اي شي
شخصيته قويه ويكدر يسيطر على المواقف
واني كل مايحجي شي اتفاجئ يمكن لان معوزه حنان
ومن زمان ماسمعت كلام حلو ابد
بعد اربع اشهر عمل بلشركه اجيت للشغل وبقيت انتضر يجي يصبح عليه مثل كل يوم بس مااجه
حتى ماليه واهس اشتغل ابد
عيني على الباب وانتضر صارت بلعشره وهو ماكو
للساعه ١١ وماكو
قررت اطلع اسئل علي ليش ماكو
اليوم ليش مااجه صبح عليه مثل عوايده
طلعت سئلت علي السكرتير
زينب اليوم استاذ علاء مامداوم
...اي اليوم مجاز راح ببقى اسبوع مجاز بس بمكانه
استاذ عمار اذا تحتاجين شي
زينب ليش مجاز صاير شي
....حسب ما سمعت مسوي عمليه الايده والدكتور طالب منه يرتاح حتى تصير زينه
مااعرف اسبوع اوثنيين ويجوز اتلاثه
بس اكيد راح يرجع بأقرب وقت لان استاذ علاء يحب الشغل حيل
زينب بقيت احوس يعني اني راح ابقه اسبوع مااشوف
ويجوز اكثر
لازم اجيب رقم تليفونه واتصل علي
رجعت للسكرتير ممكن رقم تليفونه
طبعا احنا كنا نتواصل عن طريق تليفون الشركه
واني ماعندي رقم تليفونه ابد
جمانه السعيدي
اتصلت علي مره وثنيين وتلاثه ومايرد
كلت ايجوز ماخذ مهدء ونايم
بس ماكدرت اشتغل ابد المكان مو حلو اذا هو ماكو
رجعت الساعه بلوحده اتصلت هم ماكووو
الساعه ثنتين وربع اتصلت ورد عليه
زينب السلام عليكم شلونك استاذ
علاء هلو ست زينب شلونج
زينب الحمد لله انت شلونك طمني عليك
علاء مابيه شي الحمد لله عمليه كلش بسيطه عملية تحرير عصب
كلش سهله وبسيطه وباقرب وقت ارجعلكم انشاء الله
زينب الحمد لله على سلامتك
علاء الله يسلمج
زينب يمته سويت العمليه انت البارحه مداوم ويانه
علاء عمليه بسيطه سويته بلعياده بليل
زينب الحمد لله طمنت عليك
علاء شكرا لان انتي اهتميتي
زينب الله يحفظك مع سلامه
ثاني يوم قررو المهندسين والكادر يرحون اله للببت
بعد الدوام يطمنون علي
واني اتصلت بابا وانطيته خبر حتى لايضل بقلق عليه
ورحت وياهم
طلعنا بعد الدوام
وصلنا بيتهم بمنطقه كلش راقيه وبيتهم يخبل
بس الحديقه بكد بيتنا كله
دخلنا وستقبلنا اخو وامه ورحبت بينا
كعدنا شويه جابو العصير والمي
شويه واجه بس شفته حسيت كلبي انشرح
ياناس طلته غير حتى وهو لابس تراك بلبيت يخبل
سلمنا على كلنا وكعدنا شويه
بعدين بدينا نترخص ونطلع
جمانه السعيدي
طبعا العمليه الايده اليمنى
الكل سلم وراد يطلع اني ردت اطلع لزمني من ايدي
بايده الثانيه وكال انتضري شويه
بقيت واكفه بين محتاره وبين فرحانه وبين خجلانه
مجموعة احاسيس خربطة كياني
احس وجهي صار احمر اكو حراره تطلع منه
رجع عليه ابتسم وكال شبيج صرتي حمره
زينب دنكت راسا صاح على امه ماما ماما تعاي ياست الحبايب اعرفج على زينب
دخلت امه وكالت اهلا وسهلا طبعا علاء بس يحجي بيج
بس مايعرف يوصف زين
انتي احلى بهواي من الوصف
زينب ياربي فوك مااني خجلانه زاد الخجل اكثر
علاء مو بس حلوه شاطره ومؤدبه ومربايه صح
ام علاء الله يحفضه الاهله
زينب شكرا خاله بس من ذوقج اترخص منكم
علاء لازم تتغدين ويانه
زينب لا مااكدر بابا ينتضرني على نار
علاء زين اوصلج
زينب شلون توصلني وايدك
علاء عادي اسوق بايدي الثانيه ترا عمليه كلش بسيطه
صمم اله يوصلني بنفسه
صعدنا بلسياره شغل موسيقى هادئه
واني عبالك طايره فوك السحاب
بعدين التفت عليه وكال هااا شلونه الدوام خلصتو مني
زينب لا ولله الشركه ابد مو حلوه لان انت ماكو
علاء واني هم اشتاقيت للداوم حيل التفت عليه وكال
الدوام كام يفرق عندي مو مثل قبل
زينب اني فهمت بس غلست
جاي يتغزل بيه عيني عينك المهم اني فرحانه لكلامه حيل
وصلنا ونزلت ودعته ودخلت للبيت
جمانه السعيدي
واني اريد اطير بلجووو من كمية السعاده الي حاسه بيه
معقوله هاي اني زينب
من كد ماشفت ضيم مامصدكه ابد
بيومه امشي بلا وعي
عقلي وفكري كله بقه يمه ويم كلامه الحلو
كل شويه اكول ليش صمم ابقه وليش عرفني على امه
اكيد اني مميزه بلنسبه اله
اكيد افرق عن باقي الموضفين
لليل اريد انام
واجتني رساله عكرت مزاجي
احمد زينب اني احمد شنو هاي السيارات الحديثه الي توصلج للبيت
اي انتي مهندسه صحيح ولازم اللعب يصير ويه الكبار
وأصحاب السيارات الحديثه
هذا الأفندي الي وصلج يعرف كلشي عنج
لو مسكين ياغافلين الكم الله
صدكي بس يخطبج او يتقدملج أحول حياتج إلى جهنم
وافضحج
اكيد واحد مثله مايقبل يرتبط بوحده معيوبه مثلج
اني حذرتج
لو اني لو ماتتزوجين طول العمر
