رواية دخيل في بيتنا الفصل الثالث عشر بقلم جمانه السعيدي
سعاد...طلعت امي بس عافت كلشي مااخذت من الغراض الي جابتهم
ماحبيت ابقى الح عليه ويطلع صوتنا كدام بيت عمي
مهمه يكون تبقى امي وماا قبل اقلل من قيمتها ابد
اني مااروح عليهم بس امي كل فتره تجي تشوفني
وجيبلي وياها مسواك ومصرف
خالتي زهره بكل مره تجي ازورنا كانت تكول محمود
مااعرف شبي
اتوسل بي يزوج ومايقبل
رافض فكرت الزواج نهائيا
خالتي كانت مرشحه اختي الزغيره تربد تخطبها اله
بس هو رافض فكرت الزواج نهائيا
مايقبل يزوج ماكنت اسمع عنا اخبار هواي
نادرا مااسمع عنا خبر
وهو ابد بعد مافكر يجي الهاي المنطقه
واني هم انشغلت عنا صار عندي اولاد ثنيبن والمشاكل مستمره بيت عمي
والحياة صارت أصعب بايام الحصار
بس محمود صارله شي غير حياته تغير جذري
انتقل انتقاله غيرت حياته للابد
فتحتله باب الخير كله
على نياتكم ترزقون
من دخل الجيش العراقي للأراضي الكويتيه
ودخلت القوات الامريكيه
انسحب الجيش العراقي
اكو مجموعه من الجنود طلبو من القوات الامربكيه
يسلمون نفسهم
يردون لجوء خارج العراق
لان القوات الامريكيه وياهم الصليب الأحمر يشتغلون ضمن
حقوق الانسان
وافقو ياخذون الجنود للسعوديه
خلوهم بمخيمات بالسعوديه بمنطقه على الحدود
فترت ست اشهر محمود كان واحد منهم طلع من العراق كله
طبعا كانو يعاملوهم احسن معامله
احسن اكل ولبس وحتى كانو ياخذوهم على شكل دفعات
للعمره
بعد الست اشهر خيروهم الي يريد يرجع للعراق نرجعه
اكو مجموعه عدهم عوائل ماكدرو يكملون
والباقي طلبو لجوء طبعا اكو كم دوله الي
فتحت لجوء للجنود العراقيين
من ضمنهم محمود طلب لجوء الكندا
جمانه السعيدي
بعد مستحيل محمود يرجع للعراق بضل هذا الحكم البعثي
يعتبرونه خارج على القانون
خالتي كانت قلقه علي دائما
لان ماتعرف اخباره
قبل بحكم صدام كلشي مراقب حتى الاتصالات الدوليه
على فكره الاتصالات الدوليه
كانت بفلوس يعني الي يتصل على رقم دولي
يكلف هواي فلوس
المهم محمود طلع من العراق
وهذا كان اخر خبر سمعته عنه
بعد الحصار الوضع كله اتازم الناس حسره عليه الاكل
العالم كانت تاكل شعير وذره مطحونه
حتى حصو اكو بلطحين
الناس كانت تحسب عدد الخبز واذا كان يكفي الباجر لولا
والغاز انكطع الناس تطبخ على حطب
رجعنا لعهد الجاهلي هذا الوضع سنة ٩١
الناس كامت تبيع غراض البيت حتى توفر لكمه تاكله
٣ سنوات شفت الويل حسره الاكل بيت عمي
طبعا الناس كله هيج
بس احنا عائله جبيره كلشي مايكفينا
سنة ٩٣ قررت اطلع من بيت عمي اني اشتغل اي شغله
وراتب علي ونعيش
لان بعد مااكدر صبري خلص
بس علي رفض
علي.. لا مااطلع بيت وحدي شلون راح ندبر المعيشه
سعاد...اني اشتغل واساعدك
كافي تعبت ولله انام جوعانه اذا وحدنا نكدر اندبر المصرف حتى يكفينا
علي...سدي هذا الموضوع كافي طلعه مانطلع
اكثر من ست اشهر واني الح علي حتى نطلع من بيت عمي بس هو مايوافق
طبعا علي كان بس يستلم الراتب ينطي الخالتي
ينطيني مصرف منه وياخذ اجرت السياره الي توصله
للجيش
جمانه السعيدي
ضجت فد مره الحمام سرا التواليت سرا الاكل كلش قليل مانشبع تكرمون ماعندي ملابس زينه
اختي من تشتري ملابس ادزلي وياها
بعد ست اشهر واني الح علي ومايقبل نطلع
قافل فد مره طلعه ماكوووو
يخاف من خالتي
هلمره بس التحق للجيش طلعت الصبح عل اساس القح ابني ورحت ادور ببت ايجار
للضهر يله رجعت بس لكيت بيت ايجار بيت زغير
بس كلش مرتب بناء طابقين والارضيه كلها كاشي
بي غرفه ومطبخ وصاله جوا ونفس البناء فوك
منطقته كلش حلوه
الشارع تبليط حتى الايجار كان معقول مو حيل غالي
قررت ابيع محبسي الذهب وادفع الايجار مال شهرين
والحلقه ابيعها اشتري طباخ وقنينة غاز
وادور شغل اي شغل حتى اعيش
عندي كلاده ذهب ابيعها وافتح بيها مشروع نعيش منا اني وجهالي
كافي اني محد راح ينقذني من وضعي هذا كل واحد يفكر بس بنفسه
اني لازم اساعد نفسي والكه حل اذا ابقى معتمده على علي مستحيل يطلعني من بيت اهله
لازم اخلي كدام الأمر الواقع
مراح اعتمد على علي ولا على اهلي
اريد اعتمد على نفسي وبس
اخذت مفتاح البيت وكتلهم باجر انزل بلبيت وانطيكم الايجار
رجعت للبيت الضهر
خالتي اتلكتني وين جنتي اكو تلقيح باقي الهسه
وين جنتي دايحه البيت هوسه وانتي بس يمشي علي
لبستي عباتج وطلعتي
مع ان اني ابد مااطلع حتى اهلي كل ست اشهر امي ادز عليه اروح ساعه وارجع
جمانه السعيدي
سكتت مارديت عليه مااريد مشكله اريد انفذ الخطه واطلع من البيت
بليل جمعت ملابسي
وكل الشغلات المهمه خليت الذهب بجنطتي
ثاني يوم انتضرت خالتي تطلع من البيت
اخذت غراضي وجهالي وطلعت
اجرت تكسي طلعت بلاول ببت اهلي
دكيت الباب طلع اخوي الزغير
كتله اذا احد سئل عني اني لكيت بيت ونتقلت بي
ونطيته عنوان البيت
خطيه هذا اخوي حنيين كال اجي وياج اساعدج
صعد وياي
طلعت بلتكسي نفسها اني وجهالي واخوي
خليت ملابسي والغراض المهمه وخليت اخوي يم الجهال
ورحت للسوك
بعت حلقتي والمحبس
اشتريت طباخ ابو العين وحده وقنينة غاز
طبعا جانت قنينة الغاز كلش غاليه
بس ميخالف
اشتريت مسواك ورجعت للبيت
بقن عندي فلوس لازم ادبر نفسي بيهن كم يوم
منا لمن ينزل علي واشوف ردت فعله
اخوي هذا عمرا ١٧ سنه
أكرم....شلون تكعدين بدون فراش اني راح اجيللج فراش واجي
علما حضرت الغدا الجهالي
رجع عليه أكرم جايب مفرش للكاع وفراش انام علي
وبطانيات ثنيين
جمانه السعيدي
سعاد....امي عرفت
أكرم...اي كتلها
سعاد...شكالت
أكرم....ماقبلت تكول شلون تطلع بدون علم عمها وزوجها
ايجوز تجي وراي
أكرم بقا وياي لان يخاف عليه
للعصر اجت امي
امي...هااا سعاد ليش اطلعين من بيت عمج
سعاد....هاي حياتي محد حاس بيه اني كل يوم اموت
عايشه بلضيم
اريد اشوف نفسي اريد اعيش حالي حال الناس
امي...وزوجج يدري
سعاد....من يجي راح يعرف
امي...واذا ماقبل ترجعين وياااا
سعاد....اني البيت عمي بعد ماارجع يعجبه يعيش وياي هنا اهلا وسهلا
مايعجبه الله ويااا واذا يطلكتي بعد احسن
كافي شبعت ذل ومهانه بيت عمي
امي....لا تتصرفين هيج تصرف راح تسوين مشاكل بينا وبين ببت عمج
سعاد....شكد تخافين على ببت عمي خافي عليه شويه
يعني اذا طلعت من بيت عمي شراح يصير الهم
مراح يصير شي
بعدين لاتخافين انتي مالج شغل اني ماكاعده بيتج
حتى يحجون عليج
لو ياخذون غفران منج
عود لو اجوج كولي اني ماادري بيها
واذا تخافين منهم اتبري مني احسن
امي...عيب هذا الحجي
سعاد....شنو العيب انتي شمرتيني بلنار علمود حسن وغفران وحتى من اجيكم بس ترديني ارجع البيت عمي
عبالك بيه مرض معدي
اجيبلي اكل وشغلات بسكوت من غفران تخافين منها
وهسه من قررت استقل واعيش حياتي جايه تكولين عيب
اني وحده مااعرف العيب اريد اعيش حياتي
واذا تخافين من بيت عمي لا تجين ولا تسئلين عني
حتلو اسمعين اني ميته لا تجين توكفين عليه
جمانه السعيدي
طلعت امي وهي ماعاجبه كلامي
كافي يتحكمون بيه كلشي ماشفت منهم
طبعا أكرم مايقبل يعوفني يكول من يجي علي يله اعوفج
فدوه للحنيين
اما بيت عمي من وصلهم خبر اني طلعت من البيت
واجرت مكان كعدت بي
بدون علمهم ولا علم علي سكتو
محد وصلني ولا احد اجا وراي
كانو منتضرين علي يجي حتى يحرضونه عليه
خالتي مصممه هلمره اله يطلكني
تعتبرني وكحه ومالي احد يردني واتصرف من راسي
كانت متأكده اهلي مراح يستقبلوني بسبب غفران
واني ماعندي مصدر رزق اعيش منه
إذا طلكني علي راح اضيع بلشارع ومحد اليه
ارجع اتوسل بيهم حتى علي يرجعني واعيش خدامه جو رجليهم
بس اني مصممه هلمره على الضيم الي شفته بيتهم
لو اجدي بلشارع
لا ارجعلهم ولا ارجع الاهلي
وعلي بكيفه يريدني يجي وياي مايريدني الله ويااا
بقت لازم الكه شغل اشتغل واعتمد على نفسي
لان خاف علي يتخلى عني علمود اهله
على الاقل يكون عندي مصدر رزق اعيش منه
بلبدايه دكيت الباب على الجواربن كتلهم اني اعرف احف
محد اجاني اني توني نازله بلبيت ومحد يعرفني معرفه
خاصه
قربت الفلوس يخلصن صار اسبوع اني كلش مقتصده بلمصرف
خطيه أكرم يتسوكلي من مصرفه الي ياخذه من امي
حتلو بس بتيه وطماطه
اي شي مرات يشتري لللجهال حلويات
كنت اصلي وادعي رب العالمين يفرجه عليه
اني ابد مااذيت احد والناس كله اذتني
محد راح يساعدني غير رب العالمين هلمره اني معتمده علي
مااريد احد غيره يساعدني
