رواية جارتي الفصل الثاني عشر بقلم جمانه السعيدي
حنيين...وصلنا للبيت امي اجت وياي
كاعده ويانا بلسباره ورا
بس طول الطريق تبجي مامصدكه اني هيج ازوج
نزلنا ودخلنا للبيت
البيت زين مرتب يعني مو كلش راقي الأثاث بسيط
دخلنا غرفة النوم
غرفه مستعمله بس مرتبه
اني كل هاي الأشياء مو بعيني اريد اخلص من هاي المشكله وبس
امي دخلت للبيت وهي تمسح دموعها
حنيين...يمه كافي لا تبجين خلاص هاي قسمتي واني
قابله بيها
امي...انت حنيين الي مايعجبج العجب ترضين بهذا
هاي قسمتج ليش يمه ليش هيج حركتي كلبي
حنيين...ميخالف يمه كلشي قسمه ونصيب
دخل خليل علينا للغرفه
خليل...حنيين تعاي حضري الاكل اني جبت جاهز
حنيين...اي اجيت
امي...اني اروح للبيت
حنيين...ابقي اتعشي ويانا
امي.. مااريد كلشي مااريد
طلعت امي وهي تمسح بدموعها
حنيين. خليل وصل امي
خليل.. اي صار
امي... مااريد احد يوصلني اني اروح وحدي
طلع وراها خليل بس ماقبلت تصعد بسيارته
اباوع عليها تمشي وتمسح بدموعها
حنيين...كلت بكلبي اعذريني اني مو بس غلطت بحق نفسي غلطت بحقج وحق اخواني هم
اني ضحيه الإنسان مايخاف من الله دمر عائله كامله
مو بس دمرني
دخلت حضرت الاكل
كعد خليل ياكل واني دخلت اغير ملابسي
خليل. .... حنيين تعاي اكلي
حنيين. ماااشتهي تعبانه ومالي نفس
بهاي اللحظه بلذات حسيت اني خسرت نفسي واهلي وحياتي وكلشي حلو
دخل خليل بدل ملابسه بقا بس بلشورت
طلع برا واني غيرت ملابسي وفتحت شعري ومسحت المكياج وكعدت
تقريبا نص ساعه ورجع عليه بس شنو ريحته تكتل
خليل...حبيبتي عيوني كليبي تعاي
حضني ماكدرت اتحمل الريحه دفعته
خليل...شبيج
حنيين...شنو هاي الريحه
خليل...هااا بدينا ياا ريحه تعاي تعاي
حنيين...مااكدر رايحك تكتل
خليل...هو كلاص على الماشي اصلا ماكثرت علمودج
حنيين...وماكدرت تبقى بدون شرب بس اليله
خليل...وشلون اعدل مزاجي اذا مااشرب
حنيين...مااكدر اخليك تقرب عليه نفسي تلعب من ريحتك
خليل...اعتبريني خطيبج شلون نمتي ويااا
قابل ريحته احلى من ريحتي
حنيين...باوعت علي وكلت اي هم صدك اني رخصت نفسي الدرجه واحد مثلك يعيرني وهو مايسوه نعال
جمانه السعيدي
بعد وبعد الدنيا راح تخليني اشوف اشياء
كله من ايدي روح احمد الله لا يوفقك لا دنيا ولا اخره
انشاء الله حوبتي ما تتعداك
هجم عليه خليل يريد ياخذ حقه مني واني عبالك واحد ميت جثه ومدده لا حس ولا نفس
بس دموعي تنزل منا ومنا
عبالك وحش وهجم عليه كل انسانيه ورحمه ماكو بكلبه
خلص وبتعد عني
نام بوصاخته وقذارته
ماكدرت اتحمل ريحته على جسمي
دخلت للحمام كمت ابجي بصوت عالي
اصرخ من كل كلبي اني شسويت بنفسي
شنو هذا الضياع الي وصلتله
طلعت من الحمام مااكدر ادخل الغرفه ريحة نفسه تقتلني
جمانه السعيدي
رحت نمت بلصاله تمددت وبقيت اتكلب
مكاني متغير ونفسيتي زفت
اريد انام مااكدر طلع الصبح واني كاعده بلكوه غمضت
سمعت صوته يصيح عليه
فتحت عيوني واكف على راسي
خليل...ليش نايمه هنا
حنيين...مااكدر انام يمك صوت نفسك عالي وريحة المشروب تكتل وتشخر بصوت فضيع
طبعا واكف فوك راسي بلشورت وعيونه حمره
خليل...ماكدرتي تنامين يمي لو وعدتي صاحبج
من انام تفتحيله الباب ودخلي صوجي اني اتسترت عليج
حنيين...انت صدك تحجي شنو صاحبي شنو هذا الحجي عيب عليك اني حجيتلك كلشي وانت وافقت
لو اريد صاحبي جان اخذته
مو راجعه عليك شايب وسكير
من كتله هيج ضربني راشدي فر راسي فر
خليل...انجبي دايحه ك...ح...ب...ه ام الزلم لاعبه
لعب الله اعلم نايمه ويا كم واحد جاي تبيعين شرف براسي
مو عبالج احبج واخذتج
لا اني جنت محتاج خدامه بهذا البيت
وردت احرك كلب مرتي الاولى الي تسواج الف مره اريدها تعرف اني ازوجت وحده ازغر منها واحلى ومعلمه
لا عبالج صدكت كلام الحب الي كلتي
انتي جنتي محتاجه جسر تعبرين علي وضمين فضيحتج
واني محتاج خدامه
اسمعي كلامي وجري عدل احسلج لا أدمر حياتج
فهمتي لو لا
ترا مسجل كلامج وانتي تكولين اني مو بنيه وشلون
ضحك عليج ذاك صاحبج
اي حركه منج افضحج فضيحه
جاي تبيعين شرفيات براسي
حنيين....طلكني طلكني وريحني ورتاح
خليل.. لو تموتين مااطلكج كتلج اريدخدامه
يله كومي اريد ريوك اريد بيض على بتيته ولاتخلين طماطه مااحبها ويا البيض
جمانه السعيدي
وجاي ثكيل اعدل بي راسي
وهاي اخر مره تنامين هنا ماكو نوم خارج الغرفه
فهمتي لو لا
حنيين ...كمت عدلت شعري امشي واكول الله ياخذك انت وأحمد بوقت واحد
سويتله اكل خليته كدامه ودخلت للغرفه
راسي يوجعني وكلامه خلاني اضوج واتحسر على نفسي
الي ضاعت من ايدي
كمل اكل دخل سبح وطلع سمعته قفل الباب عليه
شكد حيوان وناقص
ريحة الغرفه تكتل طلعت جرجف غيرت الفراش
عطرت الغرفه فتحت الشباك
راسي ذبحني من الوجع تمددت وغفيت
كعدت على صوته يعيط عليه
خليل...هييي انتي شنو ماشابعه نوم بيتكم
اكعدي يله اتحركي غسلتي ملابسي اطلع بيهن
العصر
حنيين...هسه اغسلهن
خليل...جبت دجاج اطبخي غده مو تطبخين الدجاجه كلها
والتمن قياس اذا بقت حبابة تمن ماتلومين اله نفسج مشيت من يمه واني اكول تاكل سم انشاء الله
غسلت ملابسه ودخلت للمطبخ طبخت نص دجاجه
وكلاص تمن نظفت المطبخ رحت لكيته نايم
اخذت تليفوني واتصلت على امي لان وضعها ماعجبني البارحه
ردت عليه صوتها ماعجبني
حنيين...هااا يمه سلامتج
امي...مابيه شي
حنيين...صوتج ما يطمن تعبانه
امي...كله بسببج حلكي مطكك وضغطي صاعد
اريد اموت
حنيين....ليش حبيبتي اصلا خليل كلش زين وياي وحباب
خوش رجال بس الناس ضالمته
امي...اعرف جاي اجذبين عليه اني اعرف الرجال
بس اشوفه اعرفه زين لو موزين
حنيين...يمه فدوه ديري بالج على صحتج اني اعرف احمي نفسي واعرف اتصرف زين
لا تخافين عليه
امي.. ولج يمه شلعتي كلبي موتيني
حنيين...تردين اجيج
امي...لا لاتجين هسه اصير احسن
جمانه السعيدي
طلع خليل من الغرفه
خليل...ويامن جنتي تحجين
حنيين...وياا امي
اخذ التليفون من ايدي وشاف اخر مكالمه
رن على الرقم سمعت صوت امي تكول هااا يمه حنيين
راسا طلع من المكالمه
حنيين....ليش هيج تسوي وياي
خليل...بكيفي
حنيين...لان امنتك سري اذا ماتكدر تثق بيه
عوفني اروح الحالي
خليل...اي بعد ماعديتي بر الأمان بعد ماازوجتي ومحد راح يلومج اذا اطلكتي
بعد ما تخلصي من فضيحتج
خوش شايفتني كدامج زوج تضحكين عليه
بعمرج مراح تخلصين مني فهمتي لو لا
حنيين...عفته ومشيت
خليل...ووين رايحه اريد غدا
حنيين...رجعت حضرت الاكل وخليته كدامه
كعد ياكل وماكال تعاي اكلي وياي
صار يومين كلشي مااكلت بس مالي نفس للاكل
دخلت الغرفة النوم راسي ذبحني من الوجع
خليل...تعاي حنيين وين رحتي اريد جاي
استغفر الله ربي واتوب اليك
رحت خدرت الجاي وخليته كدامه بدون ما يغسل ادي من زفرة الدجاج
كبل شرب جاي
راح للغرفه واني كعدت انضف المطبخ
ماكل نص الدجاجه كله ومبقيلي بس شوية تمن
خليتهم بماعون بلثلاجه
نظفت المطبخ ورحت للغرفه رغم أكره اكعد وياا بمكان واحد مااتحمل لا نفسه ولا ريحته
تمددت بلكاع هو طلع تليفونه واتصل بجماعته
حتى يسهرون
اتفق على كلشي شرب واكل وحتى نسوان
بعدين قفل التليفون ونام
واني هم نمت لان راسي يوجعني مانايمه زين
خلصت الاجازه حضرت نفسي للدوام
خليل....باجر اداومين
حنيين...اي خلصت اجازتي
خليل...ممنوع مكياج ممنوع لبس ضيك ممنوع اطلعين من المدرسه الاي سبب كان
حنيين...سكتت مابيدي شي
من وصلت للدوام البنات شافني وستغربن مو حال عروس
لا كشخه لا لبس قوي نفس ملابسي الي جنت اداوم بيهن قبل
كلهن سئلني ليش هيج شكلي
من عرفن ازوجت خليل تخبلن عليه شلون تزوجين واحد مثل هذا ووين عقلج
زوجته شردت على عمرها منه وانتي رايحه تزوجي
حنيين...كلشي قسمه ونصبب ماعندي غير جواب
قبل الدرس الأخير اتصلت اطمن على امي
صوتها جان كلش تعبان والبارحة بليل ضغطها صاعد
وما خذيها للطوراء
استأذنت وطلعت كبل البيت اهلي
اتصلت على خليل مايرد دزيتله رساله
حنيين...خليل.. اني رايحه اشوف امي البارحه ماخذيها للطوراء
وصلت لكيتها ممده بس شافتني كامت تبجي
هي تبجي واني ابجي
رجع علاوي من الشغل
بس شافني ضاج
علاوي...حنيين ليش اجيتي
حنيين...اريد اشوف امي لو ممنوع
علاوي...امي بسببج مريضه من ازوجتي لليوم وهي
وضعها الصحي موزين
امي...يمه علاوي لا تحجي ويا اختك هيج
علاوي...قابل مجذب عليها هي السبب بمرضج
حنيين...لاتخاف هسه اشوفها واطلع
جمانه السعيدي
حنيين ...امي صممت اتغدا وياها تغدينا اني وياها وشربت
جاي احس امي من شافتني صارت احسن
اني هم صرت احسن ووال مره من ازوجت لليوم اكل واشبع
الساعه ثنتين ونص الضهر رجعت البيتي
طبعا خليل لا اتصل ولا كال شبيها امج
بس دخلت للبيت
خليل...وين جنتي
حنيين... دزيتلك رساله امي مريضه وماخذيها البارحه للطوارء
خليل...واني كتلج روحي انتي شنو شايفتني غبي كدامج
تواعدين صاحبج وطلعين من المدرسه
علموده وتكولين امي مريضه
حنيين...اتصل بأمي وسئلها
اني كلت ذني الكلمتين وهو هجم عليه ضرب ضرب
قوي وبكل مكان براسي بطني عل عيوني
ضرب مال واحد مخبل عبالك يريد يموتي
مااحس اله اخذني النزيف
ووكع مني شي اشبه بلكيس الدموي حجمه جبير
شكرا لزيارتكم عالم روايات سكيرهوم
