رواية جارتي الفصل الثالث عشر بقلم جمانه السعيدي
حنيين...شكد ضربني بس وجع الإسقاط غير عبالك بطني انمردت ووكعت كدامي
الكاع كلها دم جسمي كله دم ضربني بوحشيه
عبالك متحلف بيه وكعت على الكاع
هو من شاف الدم ترس الكاع وشاف هذا الكيس اتوقع رحمي طلع
او وحده من ضربأته ووكعت على بطني مردتها
مايعرف هذا طفل الي وكع
بس شاف هذا المنظر انتبه على نفسه
عافني بمكاني ودخل غسل وبدل لان ملابسه كلها دم
وطلع من البيت
هو يتوقع اني صار وياي شي موزين وراح اموت بعد ماشاف منظر الدم
طلع من البيت راح يجيب اخته تشوفني ويتأكد من اهلي
خاف جنت بغير مكان واجذب علي
اني من طلع ركزت زين شفت الطفل مبين من داخل الكيس بس هو من شاف الدم ترس الكاع
خاف ماركز زين توقع رحمي طلع من بطني
اديه من الضرب كلهن دم وجهي دم رجليه كتلكم ضربني بوحشيه عبالك جاي ينتقم مني
خفت يرجع ويشوف الطفل وتصير مصيبتني مصيبتين
بعد شيخلصني منه
كمت ازحف الحد ماسندت على الحايط
مااكدر امشي بطني توجعني جسمي كله يوجعني
الحد مادخلت للمطبخ طبعا الدم يمشي وراي
الكاع صارت تلعب النفس
جبت علاقه من الكاونتر خليت بيها الطفل طلعت مااكدر امشي مكسره تكسير
كوه وصلت للحاويه شمرته بلحاويه
الحاويه خاليها بيتنا بصف الباب الخارجي
ورجعت امشي واني لازمه الحايط وصلت يم باب المطبخ
دخل عليه هو واخته جمانه السعيدي
بيت اخته شارعين ورانا كلش قريب
بس دخلت اخته وشافت الكاع كلها دم تخبلت
الدم الي بلكاع مو مال وحده مكتوله لا دم هواي
اخت خليل...يااا هاي شسويت بلبنيه
خليل...بيها بخت اخوها كال جانت عدنا توها طلعت
اني رحت اتأكد من كلامها
كلت بس يكولون ماجايتنه ارجع اذبحها
...ليش هيج خويه موتتها ليش هيج انت تخبلت
حنيين...كمت ابجي وكعدت بلكاع مااكدر اوكف على حيلي
اخت خليل ...كومي كومي تعال خليل تعال ساعدني نوديها للمستسفى
خليل...كلشي مابيها مثل حيل الحصان
....يااا شوف الدم خاف صار عدها نزيف شوف عينها
ووجها مورم
خليل...دخليها جوه تبدل كلشي مابيها
.حنيين...اجت عليه كومتني من مكاني دخلتني للحمام غسلت
اني بس ابجي حتى حجي مااكدر احجي
عقلي كله يم الحاويه اخاف يشوف العلاكه
دخلتني الغرفتي وطلعت
...شبيك خويه ليش هيج ولله خوش بنيه وحبابه وزغيره
وحلوه انت شايف نفسك منو ترضى بيك بعد
كبرت وحالتك حاله
خليل...ماكبرت بعدني شباب واكدر ازوج عشره ازغر منها واحلى منها
...انت منو تحملك ذيج هجت بليله سوده منك
وهاي هم راح تهج وتعوفك
خليل...يطبها مرض حتى مرض
حنيين...كمت جبت حفاضه وخليت لان اكو دم جاي ينزل عليه
دخلت عليه اخته سويت نفسي نايمه
واني مااكدر اتحرك احس جسمي كله يوجعني
طلعت اخت خليل غسلت البيت من الدم
وخلت معطر
خليل...يله اوصلج
...اطمن على حنيين جمانه السعيدي
دخلت للغرفه
....حنيين حنيين شلون صرتي اخذج للمضمد
حنيين...ماحجيت وياها اريدها تطلع هي وخليل واتخلص من العلاكه الي بيها الطفل خاف تطلع ريحتها
اخت خليل.. ...نامت المسكينه الله يساعدها
خويه على كيفك وياها ترا تهج وتعوفك
خليل...ما تهج لازمها من ركبتها تعيش وتموت جوه رجليه
لو اموتها خلاص مراح تتنفس
اخت خليل...لازم عليها شي
خليل...اي لازم ركبتها بايدي
اخت خليل...ولله خطيه عليك تعذب بيها هيج
خليل...تستاهل اكثر حتى بعد ما تتحرك منا لهنا اله باامري
حنيين...شكد جنت اكرها كرهته اكثر انكطع صوتهم
كمت اريد انزل رجليه وامشي مااكدر عبالك مكسره تكسير
طلعت لكيتهم ماكووو طالعين من البيت
امشي واني لازمه الحايط منا لمن وصلت للحاويه
فتحت الباب شفت سيارة خليل ماكووو
لفيت الكيس بلحاويه مابي وصاخه هواي شي قليل
بس جيس الطفل
سحبته طلعته فتحت الباب شفت ولد تقريبا عمره عشر سنوات يمشي بلشارع
حنيين.. من رخصتك حبيبي
الولد من شافني خاف لان حلكي مجروح ووجهي مورم
حنيين...فده تعال بس اخذ هذا الكيس اشمره بعيد الله يخليك
الولد اجاني اخذ الكيس الحمد لله بقيت فاتحه الباب
اباوع علي لمن شمره بلزباله
بلحاويه الجبيره مال الشارع
طبكت الباب ورجعت اتمددت
جمانه السعيدي
هسه اني الي راح اخططلك ياخليل اني الي راح اعلمك
اذا مااسجنك على مدت ايدك عليه
بسيطه اصبري
سمعته رجع كبل غمضت عيوني
اجا للغرفه هيييي كومي مو عليه هاي السوالف
حنيين...اريد اهلي ارديهم ياخذوني للمستشفى
راح اموت جسمي كله يوجعني
هنا هو خاف خاف اروح للمستشفى يشوفون حالتي
يسئلوني واشتكي علي
خليل.. انجبي ماكو اهلج اكعدي واسكتي كلشي مابيج
حنيين...تليفوني بقا بجنطتي برا من ضربتني بس جيبلي تليفوني اني اتصل عليهم
خليل...ماكو تليفون نامي
طلع من الغرفه وطبك الباب
اني اجذب علي لا اتصل بااهلي ولا شي بس ردت اخوفه
حتى يبتعد عني
اخواني اذا شافو هذا حالي راح يكونون اول الشامتين بيه
وامي اذا عرفت اني هيج انكتلت كبل اتموت من القهر
اني مااريد اهلي يعرفون
اريد اخذ حقي من خليل بايدي
بس مو هسه لمن اصير زينه حاليا مااكدر اشتكي علي ولا اطالب بلطلاك لان ماصار اسبوعين من ازوجنا
وهو عنده تسجيل بصوتي اعترف بي بمصيبتي
وكل الناس راح تشمت بيه محتاجه وقت اصبر علي
اخذت مسكن ونمت كعدت ثاني يوم وجهي كله مورم
اديه يوجعني بطني توجعني
رجليه مااكدر امشي عليهن شلون راح اروح للدوام
اتصلت على المديره
حنيين...هلو ست شيماء شلونج
شيماء...هلو حبيبتي شو اليوم ماكووو
حنيين...امي كلش مريضه ومااكدر اعوفها فدوه اريد يومين بس تتحسن ارجع للدوام
شيماء...سلامتها الف سلامه عليها
يومين خليل مايجي بس بليل ويجي متاخر
ماعدنا مسواك ولا جابلي علاج ولا اله شغل بيه
امشي نفسي بلمسكنات
ثالث يوم رجعت للدوام من شافني المعلمات
التمن عليه شبيج ليش هيج شكلج اكيد هذا خليل اعتدا عليج اصلا زوجته السابقه جانت تبجي بجي منه
حنيين...لا خليل ماله علاقه اني وكعت من الدرج
طبعا اكيد ماصدكني لان مبينه الشغله مو مال وحده واكعه من الدرج
من شافني خليل رجعت للدوام يعني لا اشتكيت علي
ولا زعلت بيت اهلي
ولا حجيت اي شي حتى ماطالبته ياخذني للمستشفى
رجع للبيت هلمره رجع أقوى من كبل
لان وين اكو وحده هيج يسوي بيها زوجها وتسكت
اذن هو مسيطر عليه
رجع الاوامره وتحكماته
كلما اطلب منه شي يكول مو عندج راتب اشتري
من راتبج
فلس مايصرف عليه والمسواك حسب مزاجه
يعجبه يتسوك ما يعجبه ما يتسوك
مرات نبقى أسبوع وعشر ايام بدون مسواك
اني اجيب بيض وطماطم واجبان واكل
بس احجي يكول اتسوكي من راتبج
جمانه السعيدي
اول شي سويت دفتر توفير خليت بنيه صديقتي سوتلي الدفتر انطيتها كل المستمسكات
دزيت فلوس المهر الي جنت ضامتهن خليتهن بلمصرف لان اخاف منه
جنت ضامتهن وياا الاحذيه بلجزامه
كمت راتبي مااستلمه اخذ منه شي قليل واحوله
للمصرف كبل اريد أأمن نفسي
اما بلبيت امشي مثل الساعه شيكول خليل صار وحاضر
اريد ياامنلي
خلص شهر والثاني والثالث ماتت امي
امي الي كتلتلها الحسره عليه من ازوجت لليوم وهي مقهوره ضغطها صاعد و ما مستقر
بين يوم ويوم ياخذوها للطوراء
كله بسببي خسرت امي
جنت اريد احافظ على ماي وجها هي واخواني تالي خسرتها
واي واحد يعرفني راح ينقهر عليه
كلها تكول شلون اخذتي خليل
اني من عالم وخليل من عالم ثاني
ايام وليالي واني ابجي احساس الذنب مايفاركني
امي ماتت بسببي كل ماامر بازمه ادعي اكثر واكثر على احمد هو الي بدأ الشراره
دمر حياتي وحياة اهلي
اخواني كرهوني اكثر
حتى مايردون يسمعون اسمي
ولا يشوفوني بعيونهم حذروني اجي للبيت بعد وفاة امي
بعد منو يسمعني ومن يفقدني
امي الحنينه راحت
هلمره الضياع حقيقي
امي ماتت واخواني مايردوني وخليل جحيم ماينتهي
اول شي لازم اخلص من خليل وبعدين ادور احمد
مراح ارتاح اذا ماادمر حياته مثل مادمر حياتي
ورا ست اشهر من زواجي
كنت افكر ليل نهار بخطه اخلص بيها من خليل للابد
بيوم ماكان عندي حصه اخيره طلبت من المديره اطلع
قبل لا ينتهي الدوام مادام ماعندي حصه
صح هذا الشي ممنوع بس الله هداها وقبلت تخليني اطلع
رجعت للبيت بس دخلت سمعت صوت سوالف وضحك
قربت سمعت صوت خليل وياا وحده بغرفتي
اذا هجمت عليهم مراح احصل لا حق ولا باطل
باوعت تليفون خليل على الميز برا
اكيد هنا التسجيل الصوتي الي يهددني بي
لزمت التليفون اول شي فرمته يعني مسحت كلشي
ثاني شي فتحت الماي وخليته جوا الماي
من فتحت الماي سمعو الصوت جمانه السعيدي
طلع خليل يشوف شكوووو لان اني المفروض بلدوام
خليل...هاي انتي
حنيين...اي اني ليش ماتريدني اجي
خليل...لا انتي اصلا ما تهميني اجيتي اولا
حنيين...بس اسفه حبيبي تليفونك وكع بلماي
راسا اجا يركض شاف تليفونه غركان
لا يابت الكلب انعل ابوج حركتي تليفوني
تردين اطمين عارج اني اعلمج هجم عليه ضربني
راسا صاحبته طلعت تركض من الغرفه
شالت حذائها بايده وهي تركض
وهو مستمر يضربني هلمره مراح اسكتله
هو يرضبني واني اضربه صح هو أقوى مني
بس على الاقل اطلع حركت كلبي بي
ضربني قوي ردت اضربه لزم ايدي ولواها حيل
كمت اعيط بصوت عالي
شردت منا لحكني يم الباب
كمت اعيط بصوت أعلى الناس اجمعت على صوت العياط
بس شنو موتني تموت
عباله مثل ذيج المره كتلني وسكنت
طلعت بلشارع اركض واعيط الناس لزمته
اجرت تكسي وكبل المركز الشرطه سجلت علي دعوه
حولوني للمستشفى جبت تقرير جسمي ازرك من الضرب وايدي ورمت ربطو ايدي وانطوني تقرير
رجعت للمركز انطيتهم التقرير
طلعت الدوريه اجيب خليل
اخذو اقوالي كتلهم رجعت لكيته ويا وحده على فراشي
ولمن حجيت كتلني
خليل..اجذب هاي اني اخذته مو بنيه وسترت عليها
حركت تليفوني حتى مااحجي عليها
حنيين...حضرت الضابط تكدرون تسئلون زوجته السابقه هي هم مسجله دعوه ضده
واحد.سكير ومجرم والجوارين كوه خلصوني من ايده
دخل خليل السجن واني خليت محامي وطلبت الطلاك واخذ كل حقوقي يله اتنازل عن الدعوه
ولا راح يبقى بلسجن
شكرا لزيارتكم عالم روايات سكيرهوم
