رواية دخيل في بيتنا الفصل الرابع عشر بقلم جمانه السعيدي
سعاد...بدت فلوسي تخلص ومابقى عندي غير الكلاده الذهب
بس أكرم خطيه جاي يساعدني بلي يكدر علي
طبعا امي عدها وكاله مواد غذائيه باسمها
قبل الي عندا وكاله صيته عالي محد بكده
قبل صدام كلشي يوزع بلحصه التموينيه
تمن درجا اولى يخبل وفاصوليا وعدس وحليب للكبار وللزغار ومعجون وجاي وشكر
بحيت الحصه التموينيه تغنيك
وماتحتاج تشتري اي شي من برا
أكرم.. كلمايروح الاهلي بجيبي وياا تمن عدس
شكر جاي اي شي بنقصني بس كميات قليله خاف يكشفونه
لان امي تحجي علي
ماتقبل يجيبلي اي شي
تكله خلي اختك ترجع البيت عياله فشلتنه
واذا تستحي ترجع خلي تجي اني ارجعه
كنت مدبره اموري بلقيل بس لازم الكه شغل اشتغل
حتى ماااحتاج اي احد منهم
هلمره مصصمه لو الموت لو الانتصار اي رجعه ماكووو
خلصن اسبوعين بعد اسبوع وينزل علي
جمانه السعيدي
الصبح كعدت على دكت الباب
فتحته امي
سعاد...هله يمه
امي...اني امج لو امج جان سمعتي كلامي يله لمي ملابسج وجيبي جهالج حتى ترجعين البيت عمج
قبل لا يرجع علي من الجيش والسالفه تكبر
سعاد...عجيب امرج يمه ترا اني بتج ليش تردين ترجعيني للجحيم مره ثانيه
امي...لا تحجين حجي كبار انتي ماتفتهمين لو تفتهمين
ما تخالفين رجلج
وتبقين كاعده بيتج خليتنا علج بحلك اليسوه والمايسوه
كل اهلنا والكرايب تسولف بيج
شلون سعاد طلعت من بيت عمها واجرت بيت تكعد وحدها
يله جيبي جهالج وتعاي
اخذج طيحي على عمج وبوسي ايدا وخالتج دنكي عليه
بوسيه
بلكت يرضون عليج
سعاد....ههههه ههههه ههههه ههههه ضحكتيني
اقسم بلله ضحكتيني
ابوس ايد عمي وخالتي حتى يرضون عليه
ليش اني شسويت
شنو الغلط الي سويته اريد اعيش بيت وحدي اريد استقل
صار خمس سنوات عايشه وياهم شفت الويل
شفت الضيم جعت وتمرضت ومحد بحالي
السبب انتي اي انتي السبب
انتي الي قدمتيني الهم لحم رخيص
كامو يبيعون ويشترون بيه لان يعرفون انتي كلما اجيج للبيت اطرديني صرت رخيصه بعينهم
مو مثل بتهم معززه مكرمه
كاعده تامر وتنهى بكيفها هم عزو بتهم ورفعو قدرها
وانتي كلما اجيج اذليني وتنزلين قدري
جمانه السعيدي
روحي يمه الله وياج توصلين بلسلامه
اني مااخاف بس من الي خلقني
واذا طلكني علي مراح ارجع عليج اني راح اعيش
اشتغل واكون نفسي
الله كريم الي خلقني مراح ينساني ابد
امي.. انتي صدك صاير وكحه ومحد يكدر عليج
سعاد...الفضل الكم صرت وكحه حتى اعيش لان كلكم ادوسون عليه
طلعت امي زعلانه لان ماقبلت ارجع وياها
بهذا اليوم مااجاني كرم
خفت خاف امي اتثر علي وبعد مايجيني
بليل اجاني حيل ضايج
سعاد...شبيك ليش ضايج
أكرم...حسن نزل مجاز اليوم وغفران حجتله كلشي عنج
راح اعتذر البيت عمي
وكاللهم باجر اني ارجعها
غفران شافتني اخلي شكر وجاي بلجيس
كالت الحسن عليه تعاركنا اني ويااا وحلف اذا شافني
اخذلج شي بعد مايحجي وياي
جمانه السعيدي
اليوم غفران ضمت كل الحصه بغرفتها حتى لا اجيبلج
اي شي
ديري بالج حسن متحلف يجي ياخذج بلكوه البيت عمي
حتى تعذرين منهم
سعاد...بعد مااخاف حتلو يموتني ماارجع إلى متى اضل ادفع ثمن سعادت حسن كافي علي الحد هنا
انشاء الله تخرب حياته مثل ماخرب حياتي
سعاد...أكرم بقى يمي يخاف يجي حسن يضربني
شويه وندكت الباب قوي
كلت منو
حسن...اني افتحي الباب
سعاد...ماافتح الباب واذا مارحت منا اعيط واجمع الناس عليك ولله اروح اشتكي عليك بلفرقه الحزبيه
والبسك قضيه
حسن...اكلي خرا حيوانه انتي شنو محد يكدر عليج
تتصرفين بكيفج
سعاد...انت مالك شغل بيه فهمت لو لا انتي الي دمرت حياتي على شنو جاي تحاسبني
حسن...افتحي الباب اكلج اليوم اذبحج وحتلو انسجن
سعاد...روح روح خويه زوجتك وجهالك منتضرينك
انت من بمتى تدري بيه
تدري اني جوعانه عطشانه عريانه
وضعي زين موزين شلون عايشه حياتي
ماتدري لان ملتهي بحياتك شمرتني بيت عمي وماتسئل
عني خليتني ادفع ثمن سعادتك
روح وخليني ساكته ولله هلمره عليه وعلى اعدائي
كام يدفع بلباب بقوه يريد يدخل يضربني
أكرم....روح حسن كافي عيب منا الناس
حسن...اي انت كاعد يمها وتنكل عليه شجعه على الغلط
ولك راح اجيبلنا العار
افتح الباب واني وياك خل نذبحها ونخلص من عارها
أكرم....روح حسن كافي هلمره سعاد مو وحدها اني وياها
اذا قربت عليه اني اكتلك
فهمت لو لا
جمانه السعيدي
على صوت عياط أكرم وحسن انجمعت الناس
اسمع الناس برا يكولون شكوو شكوووو
تعرفون الناس شكد فضوليه خصوصا بهيج مواقف
سعاد.... كمت اعيط بصوت عالي ياناس ياعالم الحكو علينا
بلغو الشرطه شوفو اخوي جاي يتهجم عليه
بوكته الحزب منتشر بكل مكان وخاصه بعد فشل الثوره
الشعبيه هواي اعتقالات اكووو
والي يلزمو مايرحمون بحاله
حسن بس شاف الناس اجمعت علينا واني كمت اعيط
طبعا كرم ماقبل اعيط يكول اسكتي
هو هسه يروح وحده
عافنا حسن ورجع كلشي ماحصل من جيته
هو جاي يضربني وياخذني بلكوه البيت عمي
مالكه مراجله بس عليه
يريد يبين البيت عمي هو رجال براسي
جمانه السعيدي
الصبح كرم راح للبيت حتى يشوف شنو الاخبار بس حسن تعارك وياا وطرده من البيت
بس لان دافع عني
هذا النهار ماكان عندي غير الف دينار وشويه جاي وشكر
خدرت جاي واشتريت خبز بالف
سويت مثروده جاي وخبز واكلنا اني وجهالي
كرم ماقبل ياكل ويانه
رجع البيت اهلي
خليت سجادة الصلا صليت ودعيت رب العالمين يفرجها عليه لان الكل صارو ضدي
ماعندي احد غيره
العصر ماعندي شي للعشى كاعده ومنتضره رحمة الله
اندكت الباب
طبعا اني ماافتح االه اعرف منو بلباب خاف حسن يرجع عليه
لو عيالي يتهجمون عليه
سعاد....منو
....اني خاله
سعاد...منو انتي
...اني جيرانكم ام سمير اجيت احف
سعاد...فتحت الباب وبكلبي اكول يافرج الله صار ١٨ يوم
من نزلت هنا محد دك الباب عليه من الجواربن
تفضلي خاله تفضلي
دخلته استغربت من شافت البيت مابي كلشي غير فراش بلكاع
ام سمير...خاله بيتج فارغ
سعاد...اي منتضره زوجي يجي من الجيش ويجيب الأثاث
اتفضلي اكعدي
كعدت واني رحت جبت الخيط والملقط بس ذني عندي
ام سمير.. انتي من زمان تحفين للنسوان
سعاد... اي اعرف احف هسه شوفي شغلي واذا ماعجبج
كلشي لا ادفعين
ام سمير...مو تخربين وجهي
سعاد... شلون اخرب وجهج انتي بس اصبري وشوفي
شغلي
ام سمير...ذوله وليداتج الله يخليهم
سعاد...اي جهالي انتي من زمان بهاي المنطقه خاله
ام سمير...اي صار فوك العشرين سنه بهذا بيتنا
سعاد...زين اني هنا ماعندي معاميل ومحد يعرفني
كلما اجيبين وحده تحف عندي
احفلج بدون فلوس ويمتى ماتردين احفلج
هااا شكلتي
ام سمير... خوش موافقه اني راح اسولف للنسوان على حفافتج بس كون اطلعيني حلوه
سعاد...خاله انتي حلوه
ام سمير...يابعد كلبي كون تردين قماش رخيص
اكو ناس يجيبون قماش باله ويبيعون على الكليو
سعاد...شلون مافهمت
ام سمير...القماش غالي بسبب الحصار ذوله الناس
يرحون المعامل القماش بغداد
المعامل من يخيطون يبقى عدهم قماش وصل قماش
جبيره اكو بيهن حتى يصير ثياب مال نسوان
وبيها شتوي وصيفي
اكو حتى قماش بدلات بيهن يطلع حتى قماش مطرز
هاي المعامل للدوله
يبيعون القماش على الكليلوات يكولون رخيص
بس يفتحون الباله النسوان تنكلب عليهم
بسرعه تخلص
جمانه السعيدي
سعاد...خطرت ابالي فكره ليش مااجيب اني وابيع
يجوز رب العالمين دزلي هاي المره
حتى اشتغل ورب العالمين يرزقني
سعاد....زين خاله اذا جبيلي عنوان المكان الي يشترون منه القماش الج يمي قطعة قماش هديه
اني اريد اشتغل بس حايره شنو اشتغل
انتي مبينه خيره واني اتفائل بيج ايجوز الرزق على عينج
ام سمير....باجر اروح واجيبلج عنوان المعمل
المره صاحبتي راح اجرجره بلكلام واجيبلج العنوان مضبوط
سعاد...اي ولله فدوه العمرج
خلصت حفافه طلعت الف تنطيني
سعاد. لا هلمره خليه عليه خل اجيبلج مرايه شوفي حواجبج شلون طلعن حلوات
جبتلها مرايه زغيره تعجبت
ام سمير....الله حلوات عاشت ايدج
سعاد. بلعافيه
راحت ام سمير فرحانه لان مااخذت منها فلوس
رغم اني هذا الالف يفرق هواي ويأي جان جايبه بي خبز
نتعشى بي
بس ميخالف انشاء الله تهون
صليت صلاة المغرب كعدت على السجاده
يارب اذا هاي المره انت دزيته اليه حتى تنفتحلي باب رزق
اريد اشاره منك
تجي باجر وجيبلي العنوان بلتفصيل
لان راح ابيع كلادتي وماعندي غيرها اذا هذا المشروع مابي خير وراح اخسر فلوسي
لا تخليها تجيني
اني بحماك وبرعايتك لا اضيعني
بعدني كاعده بمكاني حمودي كال جوعان
ذاك الزغير سمعه كال اني دوعان عود جوعان
سعاد.. اي هسه اسويلكم اكل اريدهم يسكتون
هو اني كلشي ماعندي بلبيت
حتى المواد الي يجيبهن اليه أكرم كطعتهن غفران
عبالك جايبهن من بيت ابوها
ياربي اني ليش الناس كله محاربتني امي وحسن وغفران
عمي وخالتي
ليش اني مااذيت اي احد منهم
كام يبجي حمودي من الجوع لان من الضهر اكل ثيرد خبز وجاي
كمت ادور بلكت الكي شي وجهالي يمشون وراي ويبجون
امشي وهمه يمشون وراي
بلكت يتعبون وينامون
راسا سمعت الباب اندكت كلت يالله فرجك يارب الكون
سعاد.. منو
ام سمير اني افتحي الباب
فتحت الباب بيدها صينيه بيها ماعون تمن وماعون مركه بتيته صفره بدون لحم
وعليها كرصت خبز وشويه خضره
سعاد...ليش كلفتي نفسج خاله
ام سمير....اني حبيتج وجبتلج من عشانا على كد الحال
سعاد...الله يسلمج خاله شكرا يكثر خيركم
ام سمير خلي الصينيه عدكم باجر اجي اخذها
جمانه السعيدي
طبكت الباب رفعت عيني للسما فدوه الكرمك ياربي
كلها تنساني وانت ماتنساني ابد
خليت الصينيه وجهالي فرحو بلاكل
كلت بكلبي ام سمير لو تشوف الخير الي عد اهلي
وتشوف بيتهم ولا ثاث جان ركعت الصينيه براسي
فرحانه بماعون تمن ومركة بتيته صفره الف الحمد لله والشكر الله لا يعوزني الاحد
وكلت الجهال بلاول ا ريدهم يشبعون خطيه هالايام اكلهم موزين
بس شبعو غسلتلهم نامو واني اكلت الباقي من الاكل
حتلو قليل الحمد لله والشكر
اليوم كله اكرم مابين عليه اندكت الباب
سعاد...منو
أكرم.. اني اكرم
دخل شايل علاكه فرحت بدون مااعرف شكو بيها
أكرم.. تعشيتو
سعاد. الحمد لله شبيها علاكتك
أكرم...غفران وحسن راحوالبيت عمي حتى يتفاوضون
بموضوعج
واني استغلبت الفرصه دخلت غرفتهم وجبتلج
تمن وشكر واجاي ومعجون وعدس
وأخذت من امي فلوس على اساس اشتري ملابس
بس اني جذبت عليه
جبتلج مصرف
سعاد. ....حضنتا الله يحفظك اليه
رفعت عيني للسما الف الحمد لله والشكر كل هاي علامات
انت ما ناسيني ابد الف الحمد لله والشكر
ثاني يوم رجعت عليه ام سمير جايبه العنوان بلضبط
وجايبتلي وحده من الجواربن تحف
راح انتضر علي اذا اجا ومازعلان مني اروح اني وياا ابيع الكلاده واشتري قماش واجي
واذا علي مااجاني اخذ اكرم واروح اجيب قماش
كعدت احفلها واني فرحانه شكد رب العالمين كريم وياي
كل الناس اتخلت عني اله هو
بعد يوم وينزل علي مااعرف ردت فعله شنو
الله يستر من الجاي
اليوم الي ينزل بي علي ام سميرجابتلي ثنيبن نسوان يحفن عندي اشتريت بتيته وطماطه وخيار
سبحت وبدلت وتعطرت وكعدت انتضر علي
الضهر لازم ينزل للعصر ماكووو لليل ماكوووو
كرم كاعد منتضرا حتى يرجع للبيت
بقيت انتضره للساعه ١٢ ومااجا
اكيد خالتي وعمي اثرو علي اني اعرف هو يحبني
ومستحيل يستغني عني
بس مااعرف ردت فعله شنو
ثاني يوم هم مااجا معقوله بعد مايريدني
ايجوز ياثرون علي حتى يطلكني
ميخالف راح انتضره هو هذا الاختبار الحقيقي الحبه اليه
اذا صدك يحبني راح يجي وراي
واذا مايحبني راح يعوفني
ثالث يوم ايست كلت بعد مايجي
العصر حمودي كعد بلباب يباوع على الناس ضايج هو واخو من الحبسه
اني كاعده جوا وافكر بردت فعل علي
سمعت حمودي صاح بابا بابا
فرحت يعني علي اجا ورانا ولو اتأخر بس اهم شي اجا
بقا يبوس بلجهال والجهال حيل فرحو بي
شالهم دخلهم للبيت
وكفت برا دخل باوع عليه
سعاد...الله يساعدك
نزل حمودي وطبك الباب
علي....ليش تعوفين البيت بدون علمي
اني شنو كدامج مو رجال لو مالي عينج اني مو كلت لا
ليش تكسرين كلامي كدام اهلي وتزغريني بعينهم
شكرا لزيارتكم عالم روايات سكيرهوم
