رواية علي اليتيم الفصل الثالث عشر بقلم جمانه السعيدي
علي....بقه حاضني ويبجي
ابد ابد ماكنت متوقع ردت فعله هاي
كنت متوقع راح يرفض يصدكني لو يطردني
من كد الصدمه من هذا الموقف بقيت واكف ومتبسمر
بمكاني
لزم وجهي بثنتين ادي وكام يباوع على ملامحي من قربب
محمد...همزين اهي اهي مسح دموعه رجع كال
همزين امل ما سمعت كلامي ونزلتك
اني ما مصدك لكيتك يابويه يابويه تعال واشوف حالي
اهي اهي
علي...استند عليه ودار وجها على العمال
محمد...اطلعو برا وسدو الباب
راسا طلعو وسدو الباب وراهم
راد يمشي لزمته رجع كعد على الكرسي مقابيلي
محمد...وين جنت كل هذا الوقت
علي...اني الي جنت لو انت اصلا عشت كل عمري ماا
اعرف غير اني يتيم
المنطقه كلها تسميني علي اليتيم
امي كانت رافضه تحجي عنك اي شي
محمد...حقها امك حقها الي سويته بيها مو شي قليل
ووين امك هسه اني اريد اعتذر منها
اريدها تسامحني شوف حوبتها شيوت بيه
امك اشرف انسانه اتعرفت عليها
بس اني قليل الحظ وماكدرت احافظ عليها
علي...امي ماتت صار ٤٣ يوم
محمد...لا لا تحجيها امل ماتت ليش ماتت بعدها زغيره
علي...تمرضت بلسرطان وكانت ترفض تاخذ علاج
لان اني ادرس ووضعنا كلش تعبان
محمد...يابويه امل ماتت بسببي اني الي استاهل الموت
ضحكت عليها وغدرت بيها
امك أطيب كلب شفته وانضف انسانه التقيت بيها
كانت بسيطه وتصدك بكلشي
بس ولله حوبتها غلبت حوبتي
بيوم الي قربت عليها كالت اله تزوجني ويكون رب العالمين شاهد على هذا الزواج
هي خلة رب العالمين شاهد
رب العالمين الي عينه ما تنام
واني كنت ناوي اغدر بيها من البدايه
لمن اجت وكالت حامل تخبلت منها وشفت نفسي عليها
شلون اني ابن الحسب والنسب
ابني يكون من امل طردتها من البيت
بعدها بيومين سمعت امها تبجي وتلطم بيتنا
وتكول امل ماكو ماخذه ملابسها والجنسية وطالعت من البيت محد كان يعرف السبب الحقيقي غيري اني
مع ذالك سكتت وسويت نفسي كلشي مااعرف
جمانه السعيدي
ابوها مااتحمل الفضيحه ضربته جلطه مات بعد اسبوع واحد من اختفائها
راجل شريف عايش على سمعته الطيبه وبس
اكيد ما يتحمل مثل هيج صدمه واني ولا عبالك
وكانما مااسمع
بعدها بسنه تخرجت وزوجت ووحده بت حسب ونسب
على اساس وحده من مستواي
بعد عرسي بشهرين اتعرضت الحادث
سيارتي انكلبت بيه ماوعيت اله بعد ٣ ايام بلمستشفى
فتحت عيوني لكيتهم باترين رجلي
ضلوعي مكسرات وجهي مشوه بعدها اكد الدكتور اصابتي بالعجز مستحيل يصير عندي اطفال
وهنا وكعت أكبر مصيبه عليه
زوجتي ما تحملت ست اشهر ونهزمت البيت اهلها
انهزمت من الخدمه لان اني صرت انسان عاجر
واكثر شي لان سمعت مايصير عندي اطفال
انفصلت عني بااول ازمه تعرضت الها
ساعته صارت امل كدام عيني وعرفت كلشي صار وياي
بسبب ضلمي الامل
دعت عليه كالت كون مايصير عندك ضنا ولا تتهنى
فعلا اني عايش وميت ابد مو سعيد بحياتي
بس شويه تحسنت حالتي
بديت اوصي كل الناس الي اعرفهم يدورون امل
ماخليت مكان مادورت عليها
جنت متوقع الكاها وارجعها ونتزوج اني وياها
بس تعبت ومالكيتها
اريدها تسامحني هاي حوبتها سوت بيه هيج
الله يرحمها ويغفرالها
علي...الله يرحمها
محمد...انت شمخلص دراسه
علي.. معهد تحليلات
محمد...عفيه عفيه ولله وأمل عرفت تربي
شلون جنت عايشين كل هذا الوكت
علي...امي من انهزمت منا وكعت من كد التعب
دخلت للمستشفى وهناك حجت قصتها الدكتوره
هاي الدكتوره عطفت عليها وشغلتها عامله بلمستشفى
كل هاي السنين وهي عايشه علمودي
كانت امي وابوي بنفس الوقت
محمد....اني لحد هاي اللحظه ما مصدك جنت اتمنى التقي باامل بيوم من الايام واطلب منها تسامحني
مااعرف الموت سبقني الها
جنت مغرور وشايف نفسي
بس امك جانت احسن مني امك انتصرت عليه
جابتك للدنيا وتعبت عليك درست ونخرجت
جمانه السعيدي
علي...شلفايده عاشت بلفقر والضيم والجوع
انت املاكك ماليه الدنيا واني وامي جنا عايشين على الصدقات
محمد....سامحني سامحني انت وخلي امك تسامحني
غلطان اني غلطان وأخذت جزائي الي استحقه
علي...رب العالمين هو العدل ما يقبل بضلم البشر
محمد...اتمنى رب العالمين يغفرلي ويرحمني كنت شاب وطايش عاميه عيوني الفلوس والمناصب
تالي رب العالمين اخذ حق امل مني
لازم تجي وياي للبيت
علي...لا اريد ارجع
محمد...ابد ماترجع اني ماصدكت لكيتك
وين تروح وتعوفني اني مامصدك الوكت رجع جمعنا سويه اني وياك
هلكد مادورت على امل ايست كلت مستحيل الكاها
عشت بندم مايعرف بي بس رب العالمين
علي....منو بقا من بيت جدي
محمد...اذا قصدك على اهلي امي وابوي ماتو
واخواني الي بلخارج واحد منهم مات والثاني عايش بامريكا وعمامك امجد واحمد موجودين
اني انطيتهم حصصهم من بيت ابوي واخذته اليه
علي...اقصد اهل امي
محمد....هسه اخذك الهم باقيه بيبتك وخالتك احلام
خطيه ترملت واجت تعيش ببت ابوها هي وابنها وبتها
علي.. اريد اروح اشوفهم
محمد...اي هسه مو تدلل واخذك البيتك بيت ابوك
طلعنا واشر الواحد من العمال يقفل المكتب
والثاني كاله جيب السياره
كل الوكت كانت عينه عليه حسيته يريد يحفظ ملامحي
ما مصدك اني واكف كباله
صعدنا ورحنا البيت اهل امي
واخيرا راح اشوف اهل امي البيت الي عاشت بي امي
جمانه السعيدي
بيت قديم كلش
دكينا الباب طلع ولد شاب تقرببا بعمري
محمد....هلو سعيد
سعيد...هلو عمو تفضل اهلا وسهلا
محمد...بيبتك موجوده
سعيد اي موجوده تفضلو
دخلنا للبيت كلش قديم دخلونا بلصاله بس فراش
بس البيت كلش نضيف
طلعت خالتي احلام اول ماشفته رف كلبي عليها
حسيت نفسي شفت امي
كلش تشبها حتى نفس الصوت حتى طريقه امي
شلون تحرك اديها من تحجي
كانت لابسه عبايه وحجاب
احلام...اهلا وسهلا هله استاذ محمد زارتنا البركه
محمد...نريد الحجيه نسلم عليها
احلام...اي صار هسه تدلل
بقت تباوع عليه مستغربتني واني عيني ما نزلت منها
ودي اطفر واحضنها
ذكرتني باامي
دخلت جوا وسعيد جابلنا ماي وكعد
راسا اجت بيبي مره حبيره ضهرها محني بلكوه تمشي
لا بسه عبايه وفوطه وثوب اسود
الحجيه....هله هله يمه محمد شلونك زارتنا البركه
اليوم مذكرنا
محمد...ولله ياحجيه الدنيا مشاغل واني صحتي على كدي
بهاي اللحظه رن تليفوني
باوعت ربحانه انطيته رفض
راسا دزتلي رساله
مجاي اكدر انساك كل هاي الفتره واني مريضه
وحاولت انساك بس ماكدرت
اني منتضرتك من تفرغ اتصل عليه
طبعا طول هذا لشهر الي مضى هي كل يومين تتصل
عليه بس اني ماارد عليه
لان اريدها تنساني ماكنت اعرف شنو مصيري
اعتبره مصير مجهول
كنت اريدها تمل وتبطل تتصل عليه
بعد ماقريت رسالته قفلت التليفون لان اريد اتعرف على اهلي اني ما صدكت لكيتهم
جمانه السعيدي
محمد...اني اليوم جايبلج مفاجئه وياي
بيبي...شنو المفاجئه
محمد...تعرفين هذا الشاب المعدل
بيبي...لا ولله ماشايفته قبل
محمد....هذا علي ابن امل
راسا بيبي نشغت وضربت على صدرها وخالتي نفس الشي
احلام...ابن امل اختي
محمد...اي ابن امل
احلام....يمه من ريحة العزيزه تعال ابوسك
كمت ورحت عليه وهي اجتني بلهفه وحضنتني وكامت تبوس بيه من كل مكان
يمه من ريحة الحنينه
وين امك ليش مااجت وياك
من سمعت ذني الكلمتين نزلن دموعي ماكدرت اسيطر علي
نفسي
عفت خالتي ورحت كعدت بلكاع يم رجلين بيبي
وبست ايدها
راسا هي دنكت وباست راسي
بيبي...وين امك ليش مااجت وياك
علي....امي ماتت ماتت بيبي وعافتني وحدي
بيبي...يااا عمت عيني امل ماتت
احلام....سوده بوجهي امل ماتت
علي...ماتت صار ٤٣ يوم تمرضت بلسرطان بقت ست اشهر تعاني من المرض لمن ماتت
جمانه السعيدي
راسا بيبي وخالتي كامن يبجن ثنيبنهن
جنت منتضر هاي اللحظه منتضر الكه اهلي ويواسوني على فقد امي هلمره البجي صار حقيقي
اني وأهلي نبجي على امي
كوه سكتت عاطفتي غلبت عليه
بعدين بيبي بقت تسئلني على امي وشلون جنا عايشين
وطلبت اخذها الكبر امي حتى تزورها
علي...انشاء الله نروح كلنا الكبرها نزورا
محمد اني هم اروح وياكم
وهنا بدا ابوي يحجي البيبي سبب اختفاء امي
اول مره يحجي كدام اهل امي بهذا الموضوع
كال امل انهزمت بسببي لان كانت حامل بعلي
علي هذا ابني اني وامل
وكلشي صار وياي بسبب حوبت امل اني ضلمتها
ورب العالمين اخذ حقها مني مربع
من يوم غدرت بيها واني فقدت كلشي عزيز عليه
اليوم رجع ابني الحظني
أريدكم تسامحوني اني السبب ورا كلشي صار وياكم وياا امل
اعرف انتم الكم حق يمي وهذا الحق ما يخلص بكلمة اعتذار
بس اني مستعد الكل طلباتكم
وحاضر ابوس رجليكم واحد واحد
هذا ابني راح اعترف بي كدام كل الناس وامشي وافتخر بي
مااريد منكم شي بس تسامحوني
بيبي...بعد يايمه ابد مايفيد الحجي امل ماتت وابوها مات من القهر الحجي بعد ما يفيد
الله يسامحك ويسامحهم
اريد اطلب منك طلب ابن امل اليوم يضل يمنا اريد اشبع منه
احلام...اي اريده يحجيلي عن امه وشلون جانو عايشين
محمد...اني ماصدكت لكيته
أخذه اليوم وارجعه الكم باجر
بيبي...لا اني اريده اليوم وباجر تعال اخذه
علي...اني اربد ابقى يم بيبي اريد اشوفها واطمن عليها
جمانه السعيدي
طلع محمد وكال باجر من الصبح يجي السايق وتعال وياا
اريد اذبح ذبايح
اعزم اخواني وكبار المنطقه
وكل الناس الطيبه حتى يتعرفون عليك
راح ابوي وبقيت كاعد وبيبي وخالتي وبتها وسعيد كاعدين
ويسولفون عليه
ويسألوني عن امي ووين جنا عايشين
رغم الحزن الي بداخلي بس كنت فرحان بجو الاسره
وخاصه بيبي وخاله
بيهم ريحت امي
اجتني رساله من ريحانه
ريحانه..مافرغت كلبي طك
علي.. من رخصتكم بس كمت رن عليه مهدي
علي.... هلو مهدي
مهدي...وينك شو مااتصلت رجعت لو بعدك
علي....مفاجئات لو احجي للصبح مااخلص
مهدي...يالله انت وين
علي...ما تصدك اني حاليا بيت اهل امي
مهدي...هاا وصلت الهم زين وابوك
علي...ابوي قصه ثانيه بس ارجع احجيلك قصه عجيبه
مهدي....يعني شنو
علي...ابوي ماصدك لكاني فرحان بيه
مهدي..خير انشاء الله ماترجع اليوم
علي...لا ماارجع واحتمال حتى باجر ماارجع
مهدي...براحتك اهم شي انت زين
علي...الحمد لله كلش زين
جمانه السعيدي
قفلت التليفون واتصلت علي ربحانه
ريحانه...همزين واخيرا ليش صار شهر اتصل عليك وماترد عليه حتلو حزين على امك
قابل اتصالي هلاهل لو موسيقى بس اريد اطمن عليك
علي...حتى تنسيني
جنت ضايع ومااريدج اضيعين وياي
ريحانه...حاولت بس مااكدر اني احبك مااكدر اعوفك
علي...جاي افكر اجي اخطبج
ريحانه...لا تلعب بااعصابي
علي...احجي صدك لكيت اهلي وراح اجيبهم واجي اتقدملج
ريحانه....تحجي صدك
علي...لا اكذب عليج
ريحانه....يمتى تجي
علي...كم يوم بس ارتب وضعي اجي اتقدملج
بس خطوبه ماكو زواج قبل التعيين وقبل لا يصير سنه على وفاة امي
ربحانه...واني موافقه اي شي منك حلو
علي...اتفقنا يله اريد ارجع اني اليوم بيت اهل امي
ريحانه سلملي عليهم كلهم
علي...يوصل
بليلتها نمت وياا بيبي بغرفتها
عبالك نايم يم امي حسيت براحه ما حاس بيها من يوم امي تمرضت لليوم
ثاني يوم كعدنا الصبح نتريك ونسولف ونضحك
طبعا اني نمت بتراك سعيد لان ماجايب وياي ملابس
اتوقعت ارجع بنفس اليوم للبيت
شويه واجا السايق وكف بلباب
طلع سعيد ورجع
سعيد...استاذ محمد دز السايق على علي
علي...بس ابدل واجي شويه ينتضرني
بدلت ردت اطلع
بيبي....مو تنساني من اشوفك جني شايفه امل
علي...شلون انساج وانتي من ريحة العزيزه
احلام...واني مو عزيزه
علي.. انتي الخير والبركه
صعدت بلسياره ورحت وياا السايق
البيت نفس ما وصفته امي بيت جبير وبنائه كلش حلو
لكيت ابوي وعماني منتضريني برا
وولد عمي كلهم واكفين
سلمو علبه بحراره ابوي عينه عليه ومبتسم
دخلت جوا لكيت الببت متروس ناس
أشكال واللوان
ابوي حتى لا يقلل من قيمتي بعيون الناس
كان يكول هذا ابني كان يدرس بلخارج
خلص دراسه ورجع
شكد ناس موجوده كله ناس واصله ناس لابسه عكل وناس افنديه
هلكد ماسلمت على الناس تعبت
ولا ١٠٠ رجال
الناس بقت كاعده الوكت الغدا
الغدا كان على مستوى رفيع
اكل عزايم مو اكل عادي بهذا اليوم كنت حديث المنطقه كلها
كاعد اباوع على الناس واكول
ووين جنت ووين صرت
طول عمري عايش بدون اهل ولمن عرفت اهلي
طلعو ناس واصله وعددهم مو معقول
كل ذوله كرايبي ومعارفي
ووين ابو ربحانه يجي يشوف هاي الناس حتى يقتنع
الناس تغدت وراحت
واني كعدت اتعرف على عمامي وواحد وواحد
وعلى اولادهم
كانت هدية عمامي سياره حديثه بااسمي
وكانما كاعد احلم
بس اكو شي ماكنت حاسب حسابه ابد
لمن تعرفت على زوجت ابوي وابنها
حسيتها تكهرني من زمان اجت سلمت عليه بحقد
طبعا وين جانت مفكره كل هذا الخير الها وابنها وبتها
وووين هسه طلع الوريث الوحيد الهذا الخير كله
شكرا لزيارتكم عالم روايات سكيرهوم
