رواية خيط الدم الفصل الثالث عشر بقلم زينب طالب
ورقة ومشت بيها النَار
حتى المَاي اذا طفاني يكتلني
.........
شفق...
من شفتة گمت على حيلي وگفت
مقابيلة حچيت بدون مقدمات
صارم اني موافقة اتزوجك
نرسمت ابتسامة على شفاه
اخذ ايدي ودخلني للبيت راد يفوت جوة
ماقبلت بقيت بالطرمة دخل هو بقيت
انتضرتة شوية وطلع مغسل ومبدل ملابسة
جاب الكراسي گعدت وهو گعد مقابيلي
صارم :: اي شفق احچيلي شنو لتغير
_صارم لاتسألني بس گتلك موافقة
واذا متريد اني أروح ردت اگووم
لزم ايدي ورجعني گعدت مدنگة راسي
مستحية رفع راسي بأيدة بعدت و خزرتة
لاتلزمني شبيك استهترت
صارم :: اي هذا لسانچ اريدة ميلوگ الچ
دور المستحية
_هسة شنوو
صارم :: شنو؟
_شگلت ليش تخليني اعيدد
صارم :: اطيني وقت افكرر
_حچة هيچ نهضت معصبة انتَ متستحي
والله مو صوچك وگمت اروح ركض وراية
گعدني يضحك هسة شكوو تضحك يعني
وقتهااا شبيك بابا شاخط انت؟
صارم :: ههههه وعلي احب عصبيتچ
يلة موافق موافق لتلحين
_ترة صايرراغثيث
صارم :: ادري
_كافي احچي
صارم :: هذا هو حبيبتي نتزوج بس
شغير رأيچ قبل كم يووم رفضتي
_خااف احچي وتگول مصلحچية
صارم :: لااحچي اريد اسمع
_امي طردتني من البيت وهددتني و اني
اخاف من تهديداتها لأن سوتهن بية قبل
وبيبي متأذية بالدار بس متحچي ومتقبل
إاجر بيت واشتغل واخذهاا وجوري من تطلع
قابل ارجعهاا لرجلها لو لأمي حتى تشوفلها
غير عريس
وهم اخاف من الباشا على اي ساعة
يرجع يخطفني واذا سلمت منة مرة
مااسلم مرة ثانية
صارم :: حتى املص راسةة غير اذا
فكرر يأذيچ
_صارم اني تعبت خلاص اريد ارتااح
والله من مقتل ابوية لليوم مانايمة مرتاحة
مليت والله مليت واني احس حياتي وحياة
الأحبهم بخطرر
صارم :: شفق گتلچ اني قبل ذبي حملچ
علية واني اشيلة بس ثقي بية ولاتغدريني
اطيچ عيوني سمعي كلامي اطيچ روحي
طاوعيني افرشلچ الگاع ورد شنو تردين
اسووي
شفق اني مااعرف اگول كلام حلو بس
وحق علي من ساعة لشفت بيها عيونچ
وانتِ دخلتي گلب صارم وطلعتيه من عزلتة
چنت ميت وبدخلتچ بذاك اليوم رديتي
الروح الية اني شبه ميت مغدور جارت
عليه الدنيا وبخستها هية وناسهاا بس
من دخلتي لحياتي احس ردتلي روحي
لغابت مني من سنين من طلبت ايدچ
مو بس ردت اخلصچ من حياتچ
لاردت منچ ادخلين لحياتي وتنتشليني من
هذا الظلام لدفنت نفسي بيه من سنين
_صارم اني اقدر مشارعك بس اريد
اگلك اني...
ماخلاني اكمل ،اعرف شنو تردين تگولين
انتِ ماعندچ مشاعر تجاهي واني عاذرچ
انتِ حتى ماعندچ وقت تفكرين بنفسچ
اني مااريد منچ غير تثقين بية وتمشين
وراي وانتِ مغمضة وبس
_ماشي هسة شنوو
صارم :: تردين حفلة عرس شنو تردين؟
_لالا وين اني بس اريد عقد وبيت اگعد
بيه اني واهلي وبس كلشي مااريد حتى
اذا تريد اطلع اشتغلل
صارم :: تشتغلين واني ويااچ ماحبيتها منچ
_زين انتَ عندك شغل منين عايش وشلون
راح نگعد هناا شو هذا البيت يقبض الگلب
افتح گلبك سولف يعني اتزوجك واني
كلشي مااعرف عنك؟
صارم :: تعرفين كلشي بس موهسة بعد
واي اشتغل لعد شلون ومنگعد بهذا البيت
لا نأجر بغير مكان حتى من المنطقة هااي
نطلع شتگولين
_ياريت والله كرهتها وكرهت ناسها
هسة اني اروح لبيت اهل هدوء ابات
يمهم لبين ماتكمل وضعك
صارم :: باتي هناا
_لااا
صارم :: مااجي صوبچ لاتخافين
_مخايفة بس اكره هذا البيت
نهضت يلة تعال وصلني صارت ظلمة
هز راسة ومشى وياي
وصلني للباب وراح دگيت الباب
طلع ابو هدوء رحب بية ودخلني جوة
اجتِ امهاا بوستني وگعدت يمي
بقيت ساكتة مااعرف شنو احچي
وهمة يردون يفتهمون مني
ام هدوء :: شبيچ شفق حبيبتي وجهج
تعبان بيچ شي؟
_نزلت دمعتي امي طردتني
ام هدوء :: شبيهاا هاي تخبلت شو من مات
رجلهاا لليوم حارت شنوو تسووي بيچن
ماعدهاا احد يردهاا
ابو هدوء :: لاحول ولاقوة الا باالله
لاتبچين بابا البيت بيتچ وانتِ حالچ
من حال هدوء تبقين هنا معززة مكرمة
_الله يسلمك عمو بس اني مااطول هاليومين
رايحة لأن جوري اذا صحت يطلعوها وبيبي
متأذية بالدار اريد اخذهاا
ام هدوء :: وين ترحين؟
_راح اتزوج خالة
ام هدوء :: تتزوجين منو؟
_ولد خطبني بالشارع الثاني يمكن
عموو يعرفة
ابو هدوء :: بيتمن؟
_مااعرف عمو البيت مهجور وبس
هو گاعد بيه
ابو هدزء :: بس هذا البيت محد يوصل الة
من سافروا اهلة محد دخل بس بإخر كم سنة
صارت الاصوات تجي منةة حتى الناس اليمة
اكثرها عافت بيوتهاا يگولون مسكون
_لاعمو بيه شخص وهو خوش ولد ساعدني
هواي وخطبني واني وافقت راح يعقد علية
ويأجر بيت بعيد عن هناا حتى اطلع بيبي
من الدار
ام هدوء :: زين اهل عندة گرايب شنو يشتغل
ولچ بنتي لاتذبين روحچ هيچ بلة يطلع صاحب
مشاكل لو عندة سوابق يعني انتِ بس حتى
تأمنين مكان لأهلچ تذبين نفسچ بالنار
ابو هدوء :: بابا احنة مو من حقنة ندخل بس
فكري ترة الزواج مو لعب واذا على المكان
هذا بيتنة موجود تعالو هناا يمنة لو اني
أجر الچ بيت وعيشي بيه واني اتكفل بيكم
بس لاتتزوجين شخص مارايدتة وماتعرفينة
هو شنوو
_لاعمو متقصرر والله انتم اهلي بس اني
اعرفة الولد وواثقة بيه هو راح يجيك
وتشوفةة وانت هم رح تتعرف عليه صدگني
راح ترتاحلة
ام هدوء :: شفق بنتي..
_خالة الله يخليچ اني حاسمة قراري يعني
لاأتعبون نفسكم وياي اترجاكم
ابو هدوء :: بكيفچ بابا احنة نحچي لمصلحتچ
معزتچ بمعزة بنيتنا الله شاهد
_حبيبي عمو وانتم اهلي صدگ ..
ام هدوء :: گومي يمة ارتاحي روحي
بغرفة اخيتچ اخذي راحتچ محد يصعد
فوگ التعب مبين على عيونچ
_تشكرت منهم وصعدت للغرفة دخلت
على حطتها مثل من چنت ادخلها بس
مابيها روحها الحلوة شگد مشتاقة
الهاا يربي من يوم العرس ماشفتها بس
خليها بعيدة وسعيدة لاافگرها وياي
خليت الجنطة بالگاع ودخلت بس
غسلت وغيرت ملابسي تمددت على فراشهاا
ورحت بالنووم گعدتني المرة اتعشى ماقبلت
عافتني وطلعت خطية كملت نومتي
ثاني يوم گعدت من وقت على صوت
المنبه غسلت ونزلت جوة مبين بعدهم
نايمين رحت للمستشفى شفت جوري
ورجعت گالوا بعدها على وضعهاا
مصاحية
من رجعت لگيتهم گاعدين تعذرت
منهم لأن طلعت وهمة مايدرون بس
ماحبيت اگعدهم و ازعجهم سوينة
ريوگ اني وام هدوء وتريگت وياهم
اني متعودة عليهم ماتقيدت اكلت
ونضفت البيت وياهاا
للعصر اجة صارم گعد وية عمو
واني وخالتي نتسمع عليهم حچة
وضعة وضروفة الأعرفهن وطلب
ايدي منة اجاني سألني
ابو هدوء :: شتگولين بابا موافقة
شفق حبيبتي فكري زين لاتستعجلين
واني ويااچ بكلشي تقرريه
_متقصر عمو بس اني شرحتلك
وضعي وگتلك قراري من البارحة
رجعلة الموافقة
ابو هدوء :: بس هو اليوم يريد العقد
وباچر ياخذچ
_اي عادي كلما استعجل احسن
هز راسة حاير ورجع يمةة
سحبتني ام هدوء تحچي
ام هدوء :: ولچ ذشفق شلون تعقدسن
اليوم وانتِ هذا حالچ وكلشي ممحضرة
خليهاا كم يوم اجهزهج بيهن
_ابتسمت ولزمت ايدهاا خالة حبيبتي
اني مااريد اي شي بس احل عليه متهمني
لاملابس ولاتحضيرات بس اريد اطلع
بيبي مناك حتى ارتااح خالةة اني مقتنعة
الله يخليچ لاتسوين اي شي
ام هدوء :: مو على كيفچ هسةة اخبار
هدوء تجي يمچ تحضرچ واني رايحة للسوگ
اجيبلچ فستان ماكو كل اعتراض
_شگد ردت امنعهاا ماكو بس طلع صارم
اخذهاا ابو هدوء للسوگ واجتني هدوء
بس شفتهاا حضنتعاا ابچي
ولچ والله مشتاقتلچ هدوء صايرة تخبلين
بالعباية هاي كلها تأثيرات الشيخ عليچ
هدوء :: اني اكثر والله عوفي الشيخ
وتعالي گليلي صدگ راح تزوجين هذا
المخبل
_ههههه اي شفتِ شلون
هدوء :: امشي خلينة اشتغل بيچ
وسولفي الية واذا ضميتِ علية
انتف كفشتچ
_شسوين والله بطرانة عوفيني هيج
هو راضي بية بهذا حالي
هدوء :: اي موهية بكيفة لو بكيفچ
دمشي
_سحبتني من ايدي صعدتني فوگ
فتحت جنطتها جايبة العدة مالتهاا
طلعت الشيرة واني صرخت
هيووو شبيچ ترة مابية شعرر ميحتاج
هدوء مو وقت خبالاتچ
هدوء :: اششش لاتزعجيني بلة
سولفي وخليني اشتغل براحتي
_ماگدرت علية اني اسولف وهية
تهلسس بيةة اخخخ ولچ الغمة
عوفيني ولاتسمع من سولفتلها على
جوري صارت تبچي بس ماعافتني
هسةة انتِ مو تبچين عووفيني
هدوء :: روحي يسهاام عساااج
بمرض بمكانج الحساس لاتگدرين
لاتحچين ولاتشكين لزمي حاجبج
لچ
_كملت جسمي حولت لوجهي حفتني
وسوتليي تنظيفااتت اطتني غراض
ودفعتني للحمام
هدوء :: هااچ ذني روحي سبحي
بيهنن عطرهن يوگع اكبرر زلمةة
_اگوول شلوون وگعتي الشيخ
هدوء :: شعبالچ لعددد يلة امشي
راح يصير الليل ويجوون
_دخلت سبحت واخذني الواهس
خليت من هاي المقشرات والمرطبات
اول مرة استعملهن طلعت المع بس
طلعت بعدني مامبدلة گعدتني شسورت
شعري ومكيجتني واني كلساع اعترض
تكفخني وترجعني لحدما سوت لتريدة
اجتي امهاا جايبة فستان ابيض لبستة
چان كلش حلو ومبين غالي تشكرت
منخاا هواي لليل اجة صارم وياه
السيد وكم شخص سمعت بس اصواتهم
عقدنة وام هدوء تهلهل والحجية ام
جعفر وابنها هم اجوي صارت اجواء
حلوة ماانسى وگفتهم اليةة راحوا
الزلم وبقى بس هوء صاحنني ابو
هدوء گال رجلج يريدچ
ابتسمت لكلامة صارم لمخبل صار
رجلي دخلت لگيتة گاعد لابس
قاط وصاير حلو حچيت
اول مرة اشوفك مرتب
صارم :: واني اول مرو اشوفچ نظيفة
_شنوو قصدك اني وسخةة
صارم :: لابس مبهذلةة
_موصوجك صووچي وافقت عليك
صارم :: انتِ خطبتيني شنو نسيتِ
_صااارم
صارم :: عيووونة
_لم روحك احسلك
صارم :: صار بس تعالي اشوفچ شوصايرة
حلوة ولچ
_حچة وتقرب مني لزم ايدي اجيت اسحبها
خزرني
صارم :: بعد ماكو حرام صرتِ حرمتي
_امممم
صارم :: تدرين شفق حالياً اني اسعد شخص
بالديناا ماتخيلت بيوم ترجع الدنيا تضحكلي
مرة ثانية
_دوم السعادة هسةة شنوو
صارم :: شنوو؟
_كافي مجاملات ادخلي بالمفيد
صارم :: هسةة؟
_لعد شووكت ترى مستعجلة اني
صارم :: مو بعيني قفلي الباب
_حچة هيچ ونزع السترة فتحت عيوني
يااا شسووي انتَ
صارم :: غير انتِ مستعجلة وتعرفيني
مااردلچ طلب
_انتَ صدگ تفكيرك وسخخ صاارم ركز
وياي بلا سوالفك الماصخة
صارم :: مركز حبيبتي والله مركز كلي ويااچ
_لاوالله لگيت بيت صارم بيبي تعابنة ترة
واني استحي ابقى هناا اكثر من هيچ
استعجل فدوة
صارم :: البيت لگيتة وأجرتة بس أاثثة
واسوي كهرباء وكم شغل يومين بالزايد
ونگعد بيه ولايهمچ بس ريحي حاالچ
_شلون اريح حالي واني مااعرف اختي
شوكت تگووم مو گال هاي ال24ساعة
شنو يضحك علينة
صارم :: قابل بيدة الرجال لو اطانة گرنت
گال احتمال بعدين ليش مستعجلة مادام
عدت الخطر تصحى تصحى لاتخافين
_وبيبي
صارم :: بس يكمل البيت اروح اجييها بيدي
واجي بعدد
_اوووف هم صدگ اگعد وياهن واستقر
والله تعبت حتى وراهاا التفت لقضية
ابوية
صارم :: هم رجعنة مو گتلچ عوفيها لهسالفة
_دير باالكك صاررم توگف بوجهي خصوصاً
بهاي السالفة لأن اخررب ويااك دير باالك
صارم :: براحتچ بس اهدي لا تتعصبين
يلة اني اروح زحمة من العالم اريد اخلص
كم شغلة ، هاليومين انشغل عنچ بس
اخابرچ خلي التليفون يمچ ولاتطلعين
وحددچ شفق
_لابسى اروح لجوري اخلي ابو هدوء
يوصلني
صارم :: اي زين ، اگلچ هذا الشيخ يصير رجل
بنتة
_اي شيخ جعفر
صارم :: شو يخوزر بيةة ماارتاحيتلة
_هو انتَ منو مرتاحلة شوف شمسوي
والزلمة يخزر بيك سوالفك هواي
اكيد مسوي وياه مكسورة
صارم :: حرام كلشي مامسووي
_اي صدگتك يلة روح كافي حجيت.
هواي ترة
صارم :: هيچ صارت مع الأسف عليچ
_طلع وعافني علساس زعلان والله ياالله
بس طلع اجتي هدوء تركض ولاعقل
هالبنية علساس تزوجت سحبتني صعدتني
فوگ
هدوء :: يلة سولفي شحچيتوا هم بااسچ
ولچ اي اكيد مادام يحبچ يعني باسچ
رومانسي لاولا هاا احچيي
_هدوء تدرين بنفسچ صايرة خفيفة
هدوء :: اي ادري گايلتها من زمان شنو
الجديد احچي لاتغيرين الموضوع
_والله انتِ لو الشيخ مطلع عينچ
لو طالعة من زمان معليج لچ لاتدخلين
بين المخطوبين
هدوء :: ها هيچ صارت چاشوفي منو يعلمچ
حَيل توگعين بيهاا راس صرماية مالچ
ولااطيچ من خبرتي ضلي
_امداچ وامدة حَيلچ وخبرتچ خليهاا الچ
وللشيخ المسكين الأبتلة بيچ،
بعدين شنوو صرماية ولچ صارم صارم
طيحتي حضة للأسم غبرةةة
هدوء :: ديلة شلون صارم علساس
يتفلس عالباگلة
_باوعتلها صفح يلة گومي روحي
لرجلج صايرة لغوية تعبانة اريد
انام
هدوء :: ياا ترة گاعدة بغرفتي وتطرديني
منهاا والله خووش
_هاا غرفتج خووش خالة خالة
صعدت المرة تركض هاا يمةة
خالة بنتچ تطردني من غرفتهاا
ترضيهاا؟
ام هدوء :: الله يطيح حضچ هديووة ولچ
عبالي عقلتي من عرستي شو متسودنة.
بالزايد
هدوء :: يا يمة والله تجذب لاتصدگيهاا
ام هدوء :: لااعرف سوالفچ يلة امشي.و
وياي ساعدني بالعشة نزلي بسرعة
_رزلتهاا ونزلت بس طلعت هجمت علية.
طيحت حضي بالكتل ولگطتني بعضة
ونزلت لمخبلةة
بيومهاا باتت يمي بس شنو صرعت راسي
هواي تحچي اخرر شي خليت المخدة
على راسي ونمت وعفتها تخابر بالمگرود
ثاني يوم طلبت من عمو ابو هدوء
يوصلني للمستشفى خطية ماگال شي
وصلني وراح لأن عندة شغل دخلت
للعناية سألت عليها گالوا نقلوها لغير
غرفة لأن صحت ماصدگت رحت اركض
على وصفهم
وصلت للغرفة لگيت نفس الضابط بالباب
ويمة واحد ثاني چان ذاك عصبي ويدخن
وصديقة يهون عليه بس شافني اجةة
يمي عصبي وينتر بوجهي
اكرام :: ووين عايفةة اختچ ورايحة
شلون تطلعين وتعوفيهاا خبلة انتِ.؟
_سيدي لاتغلط البارحة اني يمهاا ماخلونني
ابات شسووي يعني شبيهاا صارلهاا شي.
اكرام :: روحي دخلي جوة يمعودة حرامات
هالبنية بتكم رووحي
_رزلني وعافني وراح يااا هذا شبيه والله
بطران دخلت عليهاا لگيتها گاعدة مفتحة
عيونهاا وصافنة ركضت عليهاا حضنتهاا
بقوة ونت بألم ابوس بوجهاا ودموعي
تجري
جوري حبيبتي يروحي گعدتِ يمة اروحلچ
فدووة ولچ جووري مامصدگةة انتِ گدامي
احچي ولچ سمعيني صووتچ جووري
يعمري اروح فدوة لهلعيوون حبيبتي والله
مشتاقة لصووتچ سمعيني حسچ ولچ متت
الف موتة وراچ بسس ماطلعع بيدي شي
اخخخخ يانار گلبي شبيچ يروحي
شنوو يوجعج حاچيني حبيبتي
احچي وابوس بيهاا ودموعي تجري
بس ماكو منهاا كل ردة فعل صافنة بالفراغ
والدموع تنزل من عيونهاا شنوو شفتِ وهيچ
حالتچ شنوو سووو بيچ اكثرر من هيچ واني
مااعرفة شنوو شفتِ بذاك البيت وهيچ ذبلتِ
اخخخ سهاام الله لايسامحچ
تمددت يمهاا وراسهاا على صدري
چانت مثل العجينة بيدي اسولف وياهاا
اريدهاا تحچي ماكو بهالأثناء دخل الدكتور
والممرضة وياهم الضباط الاثنين
رحت بسرعة يم الدكتور احچي وياه
فدوة دكتور اختي شبيهاا ليش متحچي
اسولف ويااها ماعدهاا ردة فعلل شنوو
متعرفني لو متسمعني بس هيةة بچت
اي نزلت دموعهاا علية يعني حست
بية ليش ماكو ردة فعل؟
الدكتور :: اهدي بابا اهدي خليني بس
اشوفهاا ونكمل كلامنة برة
راح هو واللمرضة يفحصوهاا سحبني.
هذا الضابط لمخبل لبرة الغرفة سحبت.
ايدي منةة
شبيك سيدي ليش هيچ وياي غير.
اعرف شمسوية وحاقد عليةة
اكرام :: انتِ شبيچ صار ساعة تعوين
يم البنية متشوفين حالتهاا تردين
تزيديهاا عليها يعني؟
_اگلك شنوو انتَ احن من اختي علية
تدري شگد صاار ماشايفتهاا لو من سمعت
اختفت الف موتتة متت تعرف اني شنوو.
سويت ووين ذبيت نفسي حتى أمن الهاا
حياة قبل لاتطلع هسةة انتَ جااي تگلي
خافي عليها اني اعرف شنوو اسوي.
خليه نصيحتك الك ولاتدخل رجاءاً
اخذت حقهاا مشكور بعد مايحتااج تبقى.
هناا
تقدم مني بعصبية سحبة صديقة
اكرام شبيك عوفهاا خليت عقلك
ويااها
اكرام: للك شفتهاا شلون تحچي وياي
لسانهاا متررر
محمد :: حقها مو احن منها انتَ
يلة امشي شعندك هناا ترة مصختهاا
_مارد علية ندار عليه خازرني واني
عفتة و رحت للدكتور لأن طلع من غرفة
جووري هاا دكتور بششر اختي ليش
هيچ حالتهاا؟
الدكتور :: بابا المرت بيه اختچ مو شي
قليل حسب اعترفات المجرمين هيةة
متعرضة للتعذيب ومحاولة القتل والله
اليعلم شنو كانت تعاني طول الفترة لكانت
عايشة وياهم نجت من الموت بأعحوبة
حتى لو تعافت جسدياً راح تعاني نفسياً
ويراد الها علاج ويمكن طبيب نفسي
وانتو لازم تساعدوهاا لازم تشوفكم قوايا
حتى تستمد منكم القوة البچي والعتب واللوم
ميفيد قوي نفسچ وسندي اختچ حسب
لسمعتة ماعدهاا غيرچ صحح
_هزيت راسي واني دموعي تنزل اي
صح ماالهاا غيري بس من اشوفها هيچ
تنمرد روحي مااتحمل
الدكتور :: بس اذا تحبيها راح تقوين
نفسچ لخاطرهاا مترديها تگوم على
حيلهاا وترجع مثل قبل؟
_اي أريدهاا شلون مااريدها
الدكتور :: لعد قوي نفسچ بابا
لخاطرهاا
_هزيت راسي مسح على شعري
وراح گعدت على الكرسي يم.الباب
بچيت بچيت لحدما برد گلبي يلة
گمت مسحت دموعي ودخلت للغرفة
لگيتهاا نايمة تقربت منهاا ابوس
بأديهاا واحچي بس گومي وطلعي
مناا اشتريچ بروحي شنو تردين
اسويلچ بس خليني اشوف ضحكتچ
مرة ثانية وغمازاتچ الحلوة الأبوية يحبهن
راح ترجعين متأكدة انتِ قوية وتعدين
هالمرحلة هااي
بقيت يمهم النهار كلة لليل اجاني
صارم مبهذل شحالة وهدومة متربة
جايب اكل وياه دخل يمي فرش
الأكل
صارم :: يلة تعالي اكلي بسرعة اريد
اروح
_عوفهن اني اكل شبيك شصاير
بحالك
صارم :: چان عندي شغل بالبيت
اشتريت غراض صح مو كلهن جدد
بس غرفتنا تخبل
_حچاها وغمزلي، اگلك منيلك فلوس
انت شتشتغل؟
صارم :: اجدي بالتقاطع
_مااستبعد كلشي منكك
صارم :: تعالي اكلي يمعودة اريد
اروح
_تقربت منة مبين تعبان خطية اكلت وياه
جوري چانت نايمة حچيت الدكتور گال.
اذا تحبون اسجل الكم خرووج ميحتاح نبقى
بعد هناا بس گتلة خلينة لان اعرف بعدك
مامكل مااگدر اروح لبيت هدوء عيب
صارم :: لايا بيت هدوء باچر للعصر
اني اجي اخذچ تحجي بأي شي بعدين
ميحچون وياكم الجماعة موصين عليكم
صارم :: منو موصي؟
صارم :: حضرة الضابط
_اگلك شو احسة هواي مهتم بالقضية
شنو كل قضية يلزمهاا هيچ؟
صارم :: لا بس اضنة طايح
_وين ووگع
صارم :: بصخام وجهه
_انتَ ليش حچيك ممفهووم عودد
صارم :: عود مال شخاط
_صاير تافهة تدري رفع راسة علية
خزرني
صارم :: لسانچ طولان تدرين ؟
_اي ادري
صارم :: لميه لااگصةة الچ
_سكتت شو خفت منة كملنة اكلنة على
الصامت خلص قبلي وگاام
صارم :: اني اروح انت باتي يمهاا ابقي
بالغرفة ديري باالچ تطلعين ادري بيچ
ماتثبتين بمكان
_ليش توصي هوواي صايرر شي
صارم :: لاماكو بس الحذر واجب.
_سلم وطلع كملت اكلي ولميت الباقي
خليتة على صفحة غسلت ورجعت
يمهاا نمت على الكرسي للصبح
فزيت عليهاا تحركت گعدت لگيتها
مفتحة عيونهاا بفرحت سألتها
ترحين للحمام هزت راسهاا اخذتها.
للحمام غسلت ورجعت للفراش
طلعت بسرعة اشتريت الهاا حليب
وكيكة ورجعت شگد ردتها تاكل ماقبلت
اجتي الممرضة شكلت الهاا مغذي
لأن بدون اكل بس گالت هذا اخر
واحد من تطلعون جبريهاا على الاكل
بقيت يمهاا اسولف الها على ايام
قبل شلون چنة عايشين بسعادة.
امي مچانت هيچ وابوي ويانة.
وبيبي هم
ساعة تبچي وساعة تبتسم اسولف.
الها خبالات هدوء اريد اغير جو
الهاا تباوعلي بعيون ذابلة وحزينة
من اشوفها هيچ انمرد بس مابينت
الهاا مااريد تنتكس حالتهاا
للمغرب اجانة صارم چان مبدل وصاير.
حلو كمل اجراءات الخروج وجاب
الها عربانة ماتگدر تمشي هواي ادوخ
دفعتها بيها مأجر تكسي صعدهاا وصعدت
وياهاا ورة طول الطريق ساكتين محد
يحچي ووصلنة للبيت لچان مأجرة
نزلت من السيارة گايدة جوري
فتح الباب النة كان طلاقة وحدة
صغيرة فتت وساندتهاا الطرمة
صغيرة وحديقة هم صغيرة.
باب واحد أشرلي افوت دخلت
چان مطبخ أشرتلة مكانهاا
اخذني لوحدة من الغرف
مرتبة وبيها سريرين ابو النفر
خليتهاا بمكانهاا وغطيتهاا باوعت
للغرفة مرتبة وحلوة كنتور ثلاث خانات
وميز صغير وكرسي والگاع مفروشة
طفيت الضوة وطلعت حسب رغبتهاا
صحت بأسمة مالكيتة يااا هذا وين
راح يمكن طلع اخذت جولة بالبيت
چان مدخل واحد على المطبخ
وصالة بالنص بيها تخم مرتب
مبين مستعمل بس نظيف، دخلت للمطبخ
كاونتر وطباخ وثلاجة وميز طعام كلة مرتب.
مبين ذوقة حلو تمشيت للغرفة الثانية
فتحتها وانصدم غرفة عروسس بس
شنوو تخبل اخشاب تركية ابيض وبيها.
خط ذهبي نازك فرشة عرس بيضة
والغرفة مفروشة ودافية تعجبت شوكت
سوة كل هذاا فتحت المنتور واتعجب
متروس ملابس گلبت بيهنن يااا هاي
قياسي شلون عرفة الميز متروس عطور
افتح المجرات مكياج عززة هاي شوكت
اشترة كل هذا وين لحگ والله هالصارم
مو هين
سمعت صووتة برةة يصيحني
صارم :: وينچ شفق تعالي شوفي منو
اجاج
طلعت وانصدم بالشخص الواگف يمةة
بيبييي؟!
......
جوري...
اي اني جوري البنت لفتحت عينهاا على هالدنيا
وسط عائلة مليئة بالحب والأمان اب حنون وأم
مطيعة لزوجهاا واخت تفديني بنفسها وجدة.
حنيتها تتوزع على الدنيا كلهاا، بس كلشي
تغير من بعد ذاك اليووم اليوم المشؤوم الأخذ
بيه الأمان والحنان والدفوء وكلشي حلو ممكن
نعيشةة من بعد ذاك اليوم تغيرت امي
امي مو امي لكانت مثلهاا من ابوية عاايش
نگلبت گلاب اول شي تجردت من امومتها
وحنيتهاا علينة خلت شفق تشغل فراشة
بالمدرسة الچانت متفوقة بيهاا ويحدسوها
على شطارتهاا عاملت بيبي معاملة العدو
كنت شاهدة على أذيتها الهاا أما اني
كانت الية الحصة الأكبر من هذا العذاب
بيوم باعتني لشخص اكبر من ابوية
بس علمود تربح كم فلس وتخلص مني
مكانت لوحدهاا بقراراتهاا كان اكو من يسيرهاا
متأكدة چنت
بس بهاي عملتهاا خسرت هواي واول شي
خسرتة نفسي بيووم لدخلت لهذاك البيت
واني مامتفائلة شفت انواع الأذية النفسية
والجسدية ضرب سب شتم تحرش اعتداء
اشياء تلعب النفس خلتني اشوفهاا ذيچ
المرة كانت ماتمت للبشر بصلة شيطان على
هيئة مرة شگد ردت اخلص منهم ماگدرت
الى ان اجة اليووم لاتفقوا بيه على قتلي
بدون ذنب بس لأن عارضت مصالحهم ماأنبهم
ضميرهم وهمة ينهشون بية ولا تحركت انسانيتهم
أتجاهي وخافوا الله بيه نسوا اكو رب كريم
شاهد على افعالهم اذا هم رادو يخلصون مني
الله كتبلي عمري جديد وحياة جديدة مااعرف
شلون راح اكملهاا
من بعد ذاك اليوم لهجموا علية فقدت من
كثر الضرب ومادريت بروحي بعدد مااعرف
شگد مر وقت كنت اسمع اشخاص يتكلمون
يمي بس مااگدر افتح عيني لو احرك جسمي
فكرت اني متت بس من سمعت صوتهاا وهية
تترجاني اگعد احاول اسمع كلامهاا وافتح
عيني ماگدرت عجزت نزلت دموعي غصب
عني استمرت محاولتي انهض بروحي
الي ان اجة اليوم الگدرت بيه افتح عيوني
كنت اشوف خبصة الدكتارة اسمع كلامهم
بس مااگدر احچي مااعرف اذا خرسيت او
فقدت قابليتي للكلام
شفق تخبلت حارت شنو تسوي تمنيت ارتمي
بحضنها واشكيلها ظلمهم بس ماگدرت اكو
شي يمنعني شي جاثم على صدري
طلعتني من المستشفى واني مثل الدمية
بأيدهم شنو يگولون اسووي دخلت للغرفة
مثلت النوم حتى تعوفني وحدي وهية حست
علية غطتني وطلعت
غمضت عيوني وصارت الافكار السيئة تجيني
منضرهم وهمة ينهشون بية گبال عيني.
مديت ايدي علة بطني اكيد راح بعد هذا
الضرب مستحيل يبقى نزلت دموعي
بقهر على نفسي ولصار الهاا مااعرف
اذا اعدي هالفترة او لاا
فتحت عيوني على اصوات برة عالية
صوت شفق وهية تصيح وتبچي
حاولت اگووم ماگدر گعدت لحيلي اريد
احد يدخل علية يفهمني شديصير برةة
مااكوو ردت صوتي يطلع اصيح عليهم
عجزت للأسف بقيت بمكاني انتضرهم
شوية ونفتح الباب شفق وبيبي وراهاا
فتحت عيوني على وسعهاا مبتسة يالله
شگدد مشتاقةة الهاا
شفق :: جووري شوفي منوو اجتِ.
ولچ بيبي جوري بيبي
_تفاجئت بردة فعلهاا ليش بيبي وين
چانت قابل؟
تقربت مني حضنتني بقوة وتبچي
جمارة :: يمةة جويرية يمةة هيچ صااير
بيچ عمت عيني عليچ بيبي سودة بوجهي
كوون
_تبوس بية وتبچي واني بس دموعي تنزل
مشتاقة الها حيل اتمنى اضمهاا بروحي
جمارة :: سودة بوجهج سهاام شمسوية
بناتج ولچ ماكفااچ كلشي سويته رجعتي
لبناتچ ربي شوفني بيهاا يووم اللهي
شفق :: كافي بيبي راح تتخربطين
شمدريچ انتِ
جمارة :: رجلج كلشي حچالي شلوون
وليد الله يرضة عنةة ولچ شفيقة تتزوجين
وماتگليلي
تعجبت شفق متزوجة يعني هذا الولد زوجهاا
ردت عليها
شفق :: شسوي بيبي انتِ ردتي نسيب تگعدين
عندة ومالگيت غيرة ازوجتة مجبوورة
صارم :: حجية جذابة مامجبروة هية خطبتني
شفق :: لاتلزگ بالشغلة بعدين شلوون تسولف
لبيبي شنوو تريد تجلطهاا
صارم :: شسوي هية فتحت تحقيق وياي
واني نقطة ضعفي العجايز عاد كتيتهن
الهاا كلهن
شفق :: اخخخ لو صاير الهاا شي شيخلصك
مني
صارم :: لاتخافين ميصير بيها شي شوفي
وجها شعرضة چنة مخبازة
جمارة :: يايا مو هسة گلت عليك خووش
وليد ليش تخليني اغير راي بيك ولك حاط
عينك على وجهي منين اجاني السمن
صارم :: هسة اني گلت سمينة شبيچ حجية
ليش تتبلين عليةة شفق حبيبتي تعالي اريدچ
شفق :: روح مااجي اريد اگعد يم اهلي
جيب عشةة جوعانين ترة
صارم :: اي موتددلين انتِ واختچ وجدتج
_طلع ضايج وهية تضحك علية رزلتها بيبي
جمارة :: ولچ لساني لزمي شووية ترة
هذا رجلح مو اخووج الصغير ليش مرحتي
شفتِ شيريددد
شفق :: سوالفة تعبانو بيبي تعلميني بيه
تعالي گليلي من اجاج شگلچ شلون ثقيتِ
بيه واجيتِ ؟
جمارة :: لايمة دخل حچة وياي وسولفلي
كلشي حتى طريقة زواجكم وعلى جوري
حچالي عاد امنت وأجيت بس ام الدار
مارضت رادت تخابرر امچ ورجلهاا لأن همة
سلموني بس هوو اخذهاا على صفحة مدري
شنوو حچة وياها يلة قبلت اطلع
شفق :: اي هم عوزنة ناخذ رأي وليد
يلة تطلعين شو تهذري هااي ماگتلي
شنوو رأيچ بيتنة وهاي غرفتنة
جمارة :: اي يمةة حلو الله يستركم
بس شنوو انتِ هم هناا تنامين؟
شفق :: لعد وينن؟
جمارة :: غير يم رجلج شسوين يمي
شفق :: لابيبي احنة زواجنة هيچ اسمي
الله وكيلچ علمودكم صحيح هو يحبني
ويريدني بس اني بعدني احس نفسي
مامستعدة لاللحب ولاللزواج بكبرة خلينة
هيچ احسن الي والةةة
جمارة :: بس حرام عليچ يمةة يعني
الولد شايل همنة وفاتح بيتة النةة ومبهذل
روحة وميشووف منچ شي يسمونة استغلال
هذاا لو ادري هيچ ولااقبل اطلع
شفق :: بيبي الله يخليچ اني وياه متفاهمين
انتِ ارتاحي لاتشغلين بالچ ويانةة
_چانن يسولفن واني اسمعلها هوااي سوالف
مافاهمتها شنو دار بيبي وين چانت ليش
هيچ تدعي علة امي ووليد شعليه بس
مااگدر اسألل
گطع نقاشهن زوج شفق من اجةة جايب
العشة جهزت صينية وگعدو كلهم ياكلون
واني سوتلي لفة اخذتهاا واكلت صح مااشتهي
بس لخاطرهاا توسلت بية هواي مااريد
اتعبهاا اكثرر
كملو عشة وراحت غسلت مواعين واجت
تمددت يم بيبي وتسولف ويهاا وتشاركني
بالحديث واني بس اهزز براسي الهاا
ندگ الباب گامت تشوف منوو عيني منهاا
اكيد هو تحچي وياه متعصبة سحبهاا
من ايدهاا حيل وطلعهاا من الغرفة وطبگ
الباب علينةة باوعتلي بيبي
جمارة :: الله يعين الولد على اختچ وعنادهاا
عايفة الزلمة عريس وجاية يمي
_ابتسمت الهاا وغمضت عيني احس تعبت
حيل
يومين مرت واقترحت شفق علية تاخذني
لطبيب نفسي زوجهاا يعرفة ماعارضت لان
اريد اتخلص من هاي الحالة اريد ارجع
طبيعية
اخذتني هية ويا بعد ماحجزوا النةة
دخلت للدكتور وهمة بقو برة رحب
بية گعدت ومددت رجلية حچة هو
الدكتور :: شلونچ جوري؟
_هزيت راسي يعني زينة
الدكتور :: تدرين اول مرة تمر علية
بنوتة بهالجمال انتِ حلوة كلش تدرين؟
_ابتسمت مبين يجاملني وحمى هواي خطية
الدكتور :: صحيح انتِ حلوو بس عندي
حفيدتي احلة منچ بس مو تزعلين
_هزيت راسي بالنفي بقى يجامل بية
هواي واني مثل الهبلة بس مبتسمة مااگدر
احچي رجع گال
الدكتور :: بس تدرين اني احسدچ
اي لاتباوعيلي هيچ احسدچ لأن الله يحبچ
واختارچ حتى يختبرچ الله سبحانه وتعالى
مو كل شخص يختبرة لو يبلى بمصائب
بس الشخص ليحبة بس البششر ميتحمل
ويوصل للجزع يگول ليش الله يبتليني
ليش الله يذبني بمصايب اكيد ميحبني
بس هو العكسس الله سبحانة مايبتلي
عبد لان يكرها لاا يبتلي العبد لأن يحبة
ويريد يشووف شگد راح يتحمل ويصبر
حتى يجتاز هذا الاختبار ومرات يبتلي العبد
الغافل عن الله ملهيتة الدنيا فرب العالمين
ينطيه تنبيه احنة نسميها "فركة إذن" حتى
يرجع لصوابة فيا بنتي لمريتِ بيه انتِ
هذا اختبار من ربچ يشوفچ راح تحافضين
على ايمانچ لو تجزعين
_بقى يحچي وياي هواي كلام كلة طاقة
ايجابية ورضا حبيت گعدتي وياه ساعتين
هو يحچي وياي اخرر شي گاال
الدكتور :: نكتفي اليووم بهذا القدر من
الكلام وبالجلسة القادمة نكمل
_هزيت راسي وطلعت لگيت شفق
ورجلهاا منتضريني ماحچوا شي
اخذوني وراحوا طول الطريق كلامة
يون بأذني شگد حبيت كلامة يمكن لان اول
مرة اسمع احد يحجي بهالطريقة وياي
رجعت واني متحمسةة للجلسة الثانية
اول مادخلت بيبي سألتني
جمارة :: هاا بيبي بشرري ماحچيتي؟
شفق :: شنوو بيبي وين ماخذيهاا
حتى بسرعة تحچي بس اني اگلچ يراد
الها جفلة معدلة وصوتهاا يطلع لان چنها
جاي تتعاير علينةة
_يردوني احچي بالگوة مايدرون اني
متحمسة اسمع صوتي قبلهمم حتى احسن
نتسيتة شلون يكوون بس شنوو يطلع بيدي؟
رحت للغرفة تمددت اهرب من واقعي
بالنووم
استمريت على جلساتي النفسية بكل
جلسةة احس نفسيتي تتحسن اكثر
من القبلها صحيح بس اسمع الة بس
احس كلامة يفيدني هوااي
اليوم گاعدة مقابيلة وسألني
الدكتور :: شنو اكثر موقف هزچ بذاك
البيت تحسيه بشع لدرجة ميستوعبهاا
العقل
_احس بيه لچم جروحي ورجعني
لذاك اليووم لمااگدر اذكرة حتى مع نفسي
لكمية الأبتذال البيهه
بيووم من الأيام من كنت عدهم جاي
انظف كالعادة بالمطبغ واجةة غالب
مثل كل يووم صاحت عليةة اقدم
الةة سممم يشربةة جهزت بببسي
واخذتة دخلت للصالة والگاها تبچي
وهوو يمسح دموعها مااستغربت قربة
الهاا لأن مهما كان هذا اخووهاا قدمت
الببسي اخذة من ايدي
شربهاا اجيبت ارووح صااحني
غالب :: شبيچ ويااها لچ ليشش
تحرگين گلبهااا ومخليتهاا تبچي
_ليش شسوويتت؟
غالب :: متعرفين نفسچ شمسووية
شلوون تصيرين حاامل على شنوو ناوية
انتِ؟
_ماناوية على شي بعدين هية من خطبتني
على هذا الأساس لعد شنو چانت منتضرة
من تزوج رجلهاا يگعدد يباووع عليةة
ندار عليهاا وگال
غالب :: اگلچ رجلج مو عطلتة منين
حبلت هااي
غصون :: شمدريني يمعود تلگاه حتى مو
منة والااني ليش لهسة ماشلت
_احترمي نفسچ غصوون عيب هيچ تحچين
مو انتِ گلتي اني مااحبل ليش تهميني بشرفي
مگااعد افهمم
_گامت علية مثل الثوور الهاايج
سحبتني من شعري ودخلتني غرفتهاا
اجة وراهاا هو وسد الباب
غصورن :: كم مرة گتلچ لزمي لساانچ ليش
تخليني اهينچ هسةة اگول اصير زينة ويااج
تجبريني أذييچ ها
_تحجي وتكف على راسي وهوو يتفرج سحبهاا
من ايدهاا ويمسح على وجهاا ويعدل بشعرهاا
حركاتة وياها عجبتني
غالب :: لا تقهرين گلبچ عليهاا تدرين بية.مااتحمل
اشوفچ هيچ
_باوعتلي صفح مثل لتغورني مااعرف شنو
فتحت عيوني على وسعهاا واني اشوفة يتقرب
منهاا ويبوسهاا بحلگاهاا مثل المرة والرجال
اني شفتهاا هيچ وبقيت اصرخ يردون يلزموني
مايگدروون اخرر شي سدت حلگي وربطو وادية
وحبستني بالغرفة بيومهاا لليل يلة فتحتني
بعدما هددنتني اذا حچيت شي لرافد
تقتلني هية واخووها
_نعاد الموقف براسي مااحس الا صووتي
طلع واني احجي الحادثة كلهاا للدكتوور
دكتوور شفتهاا بعيني تبووس بأخووها دكتور
وهوو هم مثل المتزووجين مايخافوون الله
شلوون هيچ سووو شلوون اخخخ تعبت والله
تعبتب شووكت تروح هالمشاهد من باللي
شووكت ارتااح ياارب ساعدني يارب
بقيت ابچي واصرخ وهو يباووع علية
اخر شي ماتحملت ركضت لسطل الزبل
استفرغت حسيت روحي تطلع
گملت اخذني للحمام غسلت وجهي
ودموعي مو راضية تووگف طلعت أشرلي
اگعدد انطاني كلنس نشفت وجهي
الدكتور :: تدرين هسةة انتِ حچيتي
وطلع صوتچ، كنت متقصد اذكرچ بشي
قووي لأن لازم صدمة قوية ترجع الچ
الصووت حتى تگدرين تفرغين لبگلبچ
لازم تواجهين مخاوفچ حتى تتخطيهاا
_دكتور اريد اروح للبيت تعبت حيل
اليوم
الدكتور :: براحتچ بابا بس لازم نكمل
مو متجين بعد
_لااكيد اجي بس ارتاح فترة،
سلمت عليه وطلعت چانت شفق
حايرة وصارم يهدي بيهاا بس شافتني
اجتني تركض لزمت وجهي وتحچي روحها
رايحةة
شفق :: جوري يروحي سمعت صوتچ جوة
گليلي صدگ هذا صووتچ لو يتهيأ اليةة
احچي جووري ردي علية بردي گلبي
_لزمت ايدهاا بستها وحچيت اي صوتي
شفق :: يروحي حچيتِ اي والله حچيتِ
صارمم شووف اختي حچت مو گتلك
اختي بطلة وراح تعديهاا صارم اسمع صوتهاا
شگد حلووو احجي احچي خلي يسمعچ
هو جذبني من سااعةة
_اهدي شفق اهدي شبيچ اي حچيت لاتخافين
علية زينة اني بس قووي روحچ لأني استمد
قوتي منچ لا تفشليني ،سحبتني لحضنهاا
وعصرتني عصرر
شفق :: بس رجعي مثل قبل شنوو تردين
اسويلچ بسس تحسني اني بخيرر ولچ
باليووم اموت الف مووتة من اشوف حالتچ
_سحبها صارم من يمي
صارم :: كافي احضان العالم تباووع امشن
الزلمة منتضر بالسيارة وبالبيت كملن حچي
_حجة هيچ وطلع رادت تلحكة تعاركة لزمت
ايدهاا اهديهاا لچ شفتِ شيگول دومة مفشلني
_كافي شفق والله تعبانة اخذيني اريد ارجع
شفق :: اسفة اسفة يلة امشي
_لزمت ايدي وطلعنة لگيناه واگف يم السيارة
يدخن من شافنة شمرة الجگارة وإشرر النة
نصعد صعدت والطريق كالعادة ساكتين لأن
سيارة اجرة منگدر نحچي عيب من الرجال
وصلنة للبيت هو دخل للغرفة وهية
لحگتة تعاركة ولاتفوتهاا الة لگيت
بيبي منتضرتني من سلمت عليهاا
تسودنت وگامت تبچي
شبيچ بيبي حسيت نفسي سبيچ مو سلمت
علمين هالبچيي
جمارة :: يمةة واخيراً حچيتِ يمة صلوات.
على النبي گلوووووش گلوووش
صارت تجر بالهلاهل ضحكت ورحت شبگتها
يمة اروح فدوة لحنيتچ هااي
جمارة :: اسم الله عليچ يمةة، خيتچ وينهة؟
_بالجبهة بيبي
جمارة :: يمة اسم الله شوداهاا؟
_ههههه والله ضحكتني لا هية ورجلها اضنهم
عدهم عركة متسمعين التنعووص جوة
جمارة :: حچي بيناتة يمةة اختچ عقلها طگة
ونص ويابسةة مدري أشايف منهاا الرجال
وكاتل نفسة عليهاا شو بس ترزل بيه وهو
مبتسم الهه
_والله لو تسمعچ الا تگلب عليچ بعدين هو
هم منبين مينحمل يستفزهاا لاتشوفيه
فقير بس گدامچ
جمارة :: ها صرتن احزاب على المگروود
الة الله
_لليل اجتِ هدوء بس دخلت لازمة
العباية وتهووس
هدوء :: وجوري رجعت تحجي گلوووش
وجوري رجع لسانهاااا گلووووش
_بعد ووقت شگد صاار من طلعت ما اجيتِ
هدوء :: خليني اسلم نووب عاتبي
_اجتني تبوس بية وتحضن جعصتني
جعص اخخخ ولچ عضامي توجعني على
كيفچ
شفق :: عذريهاا عبالهاا الشيخخ
هدوء :: مو صووج ولچ غيرر مشتاقة
الچ شلونچ بشريني
_تحت رحمتةة، انتِ اخبارچ شنوو
هدوء :: اممم زوينة لاتخافين
شفق :: هااا شعندچ شو من ورة خشمچ
تحچيهاا
هدوء :: خليها سكتةة اگلچ شفق جعفر
مامرتااح لرجلج يگوول مو راحةة شافت
بيه صديقتچ
شفق :: رجلي هم مامرتاح لرجلج يعني
لگلوب عند بعضهاا خليهم بأسهم بينهمم
هدوء :: نوب احنة ردنة نزوج خوان لو صحبان
هسة چنهم اعداء واحد يخزر الثاني
شفق :: رجلج معقد
هدوء :: ورجلج مستفزز
_هاا سالمين راح تتعاركن على الزلم الله
يقرضهم ونخلص من حچيت سكتن
بقينه لليل نسولف ونضحك وبيبي
ويانة حيل ونستنة هدوء وطلعتني ولو
شوية مت ضوجتي لليل كلش اجة رجلهاا
من الباب اخذهاا
بهاي الفترة استمريت على جلساتي مع
الدكتور وماتأخرت بموعد صرت اسولف الة.
كلشي صار وياية من وعيت للدنيا لليوم
ساعة افرح ساعة احزن وكل جلسة اصير اقوى
من الجلسة البعدهاا صحيح كلامة من گمت اعيد
الاحداث الصارت وياية مااتعب مثل اول مرة
واجهتهن ماتركت الجلسات لحدما رجعت
طبيعية صحيح مو مية بالمية بس گدرت
امشي يومي بدون بچي وانام مرتاحة
اليوم گاعدين الصبح صارم موجود وبيبي
تسوي كبة للغدة واحنة نلف وياهاا وشفق
ورجلها يتداهرون ندگ الباب طلع صارم
يشووف منوو شوية ورجع ضايج باوعلي
وگال
صارم :: جوري الضابط بالباب ويريد
ياخذ اقوالچ حضري نفسچ...
شكرا لزيارتكم عالم روايات سكيرهوم
