رواية قيود امرأة الفصل الثالث عشر بقلم جمانه السعيدي
رويده....تعودت اسمع الكلام الحلو من هشام
تعودت على الاهتمام منه
سؤاله اليومي المتكرر عني جاي يترك اثر حلو بكلبي
كمت انتضر رسالته الصباحيه
وادور حج حتى احجي ويااا احس براحه نفسيه مو طببعيه من احجي ويااا
عوضني عن كل الناس الي بحياتي
عوض النقص العاطفي بحياتي
كلامه وياي بحدود وما يجاوز ابد
كان يحجيلي كل تفاصيل يومه
اذا وحده من البنات نجحت يدزلي النتيجه
واذا امه تمرضت يحجي عنها
واذا صار شي بحياته مهم اني اول وحده اعرف
مرتين فتح كامرا وحجيت وياا امه
وبناته كل وحده دزتلي حسابه نحجي اني وياها
كنت احسهم عائلتي
او العائله الي عوضتني عن اهلي وزوجي
هشام...صباح الخير
رويده...صباح الخيرات
هشام...شلونج اليوم
رويده...تمام الحمد لله
هشام....البنات البارحه راحن للسوك وجابلج وياهن هديه
رويده...شنو هاي الزحمه
هشام...اني شعليه اني اصلا مااعرف
رويده....ولله انتم جاي تخجلوني
هشام...ما تجين الاربيل
رويده....ويني وين أربيل
هشام...نريدج تفترين هنا وتتونسين
رويده....ايجوز بالمستقبل بس حاليا لا
هشام....براحتج اهم شي راحتج
رويده...تسلم
جمانه السعيدي
من بعد ما ضربني اياد علاقتنا حيل انكطعت اني ويااا
بعد ٣ اشهر من مشكلتي وياا اياد واني وياا ماكو بينا حجي غير عن الاكل والملابس
عبالك مو زوج وزوجته عبالك غرب كاعدين بنفس البيت
بيوم تفاجئت اياد مااجه الصبح ولا رجع الضهر للبيت
كلت ايجوز صار عنده شغل مهم لو راح الغير محافظه يشتري حلال لان هو دائما يروح للمحافظة يجيب حلال
العصر تفاجئت بي داخل عليه وتمشي ورا وحده
بنيه مبينه ريفيه زغيره لابسه ثوب برتقالي وحجاب ابيض وعبايه وحذاء لاستيك شكله كلش بسيط
سمره ووجها ضعيف حتى جسمها ضعيف
دخل هو وصاح تعاي فطيم دخلت ورا تمشي
اياد...تعاي هذا بيتج
البنيه دخلت عبالك مخلوسه بقت واكفه بيدها علاقه سوده يمكن بيها ملابس
ايدها سود وخشنات حيل بيه ريحه مثل ريحة اياد
رويده....اهلا وسهلا منو هاي
ضحك ضحكة خباثه وكال هاي زوجتي فاطمه زغيره
عمرها ١٦ سنه
رويده...ازوجت صدك تحجي
اياد....حتى تعرفين كلمتي ما توكع للكاع ابد
رويده...يااا مكروده بيش طحتي يااا مسكينه اهلج ماعدهم خبز ولج افلتي راح يعصرج عصر
اياد....معليج بيها تحجي هيج من الغيره
اسمعي رويده اطلعي من الغرفه اني اليله عريس
رويده....هاي غرفتي مااطلع منها لو تموت وانت وعروستك شوفو مكان ثاني
اياد...مو بكيفج اطلعين واني وفطومه نزوج هنا
بغرفتج على فراشج
ومنا وهيج فاطمه ام البيت وكلشي هنا بكيفها
وتحت أمرها وكلامها يمشي عليج
يله تعاي فطيم نزعيني حذائي
راسا نزلت العلاكه من ايدها ودنكت نزعته حذاءه
اياد...باعي وتعلمي هاي الزوجه الزينه
جمانه السعيدي
رويده صدك انقهرت مو لان احبه بس واحد مثل اياد يهين كرامتي ليش اصلا هو ما يستاهلني
تالي جايب هاي عليه
روحي شاطت من القهر والنوب يريد يطلعني من غرفتي
ماعدنا بلبيت بس غرفه وحده
يعني انام بلهول
حسبي الله عليك اياد عساك لا تتهنى
قررت مااسكت ابد
رويده.... ولله هاي ثوب ومفصل وياك نفس طينتك
وشكلك اتهنى بيها بس اني غرفتي مااطلع منها
اياد...اطلعين وانتي الممنونه كام ودخل للغرفه وصاح عليها تعاي وراي
رويده...دقيقه اخذ غراضنا اني وبتي
دخلت للغرفه جمعت شغلات وضميت الموبايل داخل الملابس وأخذت فراش وطلعت
دخلو هو وياها جوه وسدو الباب لا غسلو ولا بدلو
على وصاختهم على ر يحتهم
صدك جذب هاي وين لكاها هي هاي ثوب ومفصل علي
دزيت رساله الاختي
........اياد ازوج
... تحجين صدك
...اي ولله لو تشوفين العروسه تحفه
...ولج شو تحجين مترهيه
....عادي خل يزوج هو اني شنو محصله منه حتى اضوج
...وهسه همه وين
...دخلو وطبكو الباب طلعوني من غرفتي
البيت بي بس غرفه وحده طلعوني منها هسه اختج كاعده بلهول منتضرتهم يطلعون حتى اهلهل
....وانتي كاعده هيج وساكته
....شسوي اهلهل لو اللطم
...ولج عيطي كسري الباب عليهم
...ليش احرك دمي هي من ثوبه ومن شكله اصلا
اجتني الفرصه حتى اطلك
...يااا تطلكين وين ترحين
حتى البيت مرتضى كتب علي للبيع وامي وابوي طلعو زعلانيين راحو الكربلا
امي اتكول راح اشتكي علي عد ابو فاضل ياخذ حقي منه ومن مرته يعني بعد ماكو بيت اهل يستقبلج
ووين ترحين
رويده...ومنو كالج اروح الاهلي اني اصلا ماعندي اهل
الاهل الي شمروني هاي الشمره
وما سئلو عني مااريدهم
....وووين ترحين اكعدي بيتج واسكتي الحياة صعبه
وكلشي غالي
اتعاركي وياا زوجته الجديده وهججيها
رويده... عليمن اهججها اني اهج من هذا البيت
اشتغل واصرف على نفسي انتي هم حاسبه هاي عيشه ولج عيشتي سوده ويااا
...ووين ترحين مالج احد
رويده.. الي رب العالمين هو الي يخليني على الطريق الصحيح
جمانه السعيدي
شويه وطلعت العروسه وهي بعدها بنفس ثوبها
ضميت التليفون وخليت بتي بحضني
فاطمه... اياد يربد عشى
رويده...اي حبيبتي الثلاجه بيها كلشي وكلاشي
روحي اطبخي وتعشي انتي ويااا
هاا لا تنسين ارجعي اربطي الثلاجه بخيط لان الباب ما تنسد
كلشي اكو بلثلاجه لحم سمج دجاج كلشي
حتى لا تحتارين بلطبخ
راحت فتحت الثلاجه ورجعت عليه
فاطمه...عدكم غيرها
رويده...شنو
فاطمه.. الثلاجه شو فارغه كلشي ماببها
رويده...لا ولله حبيبتي ماعدنا غيرها بس هي
فاطمه.. شطبخ
رويده.. روحي اسئلي زوجج التحفه حتى البيضات
الصبح اخذهن باعهن والحليب خثرته وباعه
( طبعا اني من كمت اشتغل اوصي على اكل وحلويات وياا ابو حيدر وناكل اني وبتي شنو قابل ابقه علي غير اموت من الجوع بس هو مايدري )
فاطمه.. اروح اسئله
رويده.. اي اسئلي شنو العشى سلطان سليمان
بلكت تتعشون ونتعشى وياكم
دخلت علي شويه وطلع
اياد...كلشي ماعدنا
رويده...سكتت
اياد. مو احجي وياج
رويده.. اسئل نفسك صار اربع ايام ماجايب مسواك
وحتى البيض والحليب بعته
دبر نفسك جيبلنا عشى
إياد...شلون خلصتي اليوم
رويده...صايمه ومنتضره فرج رب العالمين
اياد....ماكو عدس حمص
رويده...كلشي ماعدنا حرك نفسك وروح جيبلنا مسواك
مو علمودنا علمود هاي المسكينه
النوب جايب وحده ضعيفه حتى تموت عدنا من الجوع
عاد ازوج وحده سمينه من تدخل بيتنا تضعف هههههه
اياد.. انجبي واسكتي لاتحجين احسن منج
رويده...بيش احسن مني مسكينه مبينه مغلوبه على امرها
طبعا اني هاي الفتره صرت اخبل جديات احجي
اكل الاكل الي يعجبني من يطلع اياد اشتري اكل واكل
واستعمل كريمات الوجهي واديه
واصبغ شعري وجبت ملابس جدد
صرت وحده ثانيه
المهم طلع اياد راح يجيب شي للعشى
فنكم وين راح عبر للمحصار بلكت يلكه الدجاجه مبيضه
ويجيب البيض نتعشى بي خرب ابو فليس
بقينا بس اني وهاي المسكينه بلبيت
رويده...شجابك على الضيم
فاطمه....غصبا ماعليه
رويده... شلون يعني
فاطمه.. ابوي اخذ من اياد حلال والحلال خسر
اياد يطلب ابوي مليون
كل يوم يتعارك وياا ابوي ماعدنا فلوس انسد المليون
كل يوم مشكله كل يوم طلابه
اخر شي قرر اياد يشتكي على ابوي
ابوي رجال جبير ومريض والخساره اجته من كل مكان
مو بس اياد يطلبه
هواي ناس اطلبه باع البيت وسد الناس
ما بقت فلوس حتى يسد اياد
جمانه السعيدي
اياد اتعارك ويااا من شاف مايكدر يحصل فلوسه
كال الابوي عدك مره تطيني
اني اخر وحده بخواتي ابوي كاله اي اطيك بتي
ويطيح الدين
اياد وافق
راح جاب الشيخ وعقدنا وجابني واجا بهدومي العليه
رويده...با مسكينه بيش طحتي
عفيه رجال ماكو بكلبه رحمه جان صبر عليكم
مره بمليون يا بلاش
روحي اسبحي حبيبتي منتضرتج هواي مفاجئات
ما متوقعتها ابد
الله يكون بعونج على ما ابتلاج
روحي اسبحي وارتاحي خوما جوعانه
فاطمه...اي جوعانه
احنا رحنا للمحصار بلاول اياد كال نضفي المحصار وبعدين نروح للبيت
رويده...الله وكبر شنو من رجال ماكو بكلبه ذرة رحم
رجع اياد جايب اربع بيضات ومشتري نص كيلو طماطه
اني وبتي وهو وزوجته هذا عشنا
اربع بيضات ونص كيلو طماطه
اياد...رويده كومي سوي عشى
رويده...لا عيوني اني ليش اسوي عشه
اياد.. مو انتي تسوين البيض طيب
رويده ...قبل هسه بعد مالي شغل البيت اجت راعيته
فاطمه تحضرلك الاكل
اروح انام احسلي تعاي مامه زهراء انام
عشى ابوج على كده هو ومرته
