رواية هدية الشيخ هشام الفصل الرابع عشر بقلم التميمية
فز على صوتها فزعت من فراشها شافت الظلمة خافت وتصيح آيووو..آيووو..بابا...وينكم..وخايفة...
شغل الضوى الي يمه وكام الها...........
بالجهة الثانية ايمان تسحن واداوي بنفسها...وتكول والله ماخليها تتهنه بي ابداً حتى اسويله سحر..وتبتسم بكل حقد وشر....
من فزت حوراء خايفة كام الها هشام وهي من شافت الضوى يالله هدأت....
هشام:شنو صار
حوراء كاعدة ومتكرفصة وغطت نفسها باللحاف حتى حلكها بس عيونها طالعات...
حوراء بخجل:ماصار شي..اخاف من الظلمة
هشام:اي صح والله نسيت حقج عليه طفيت الاضوية.. نامي بويه راح اخلي مشعول
حوراء بخجل:اسفة كعدتك ياشيخ
هشام راح لفراشه:مو مشكلة..ذكريتني بأيام مراهقة كرار هههه جان يخاف من الحية..شما اطفي الضوى يصيح بويه حية يمي..جان عمره 12 سنة..وينام بنصنه انه وامه هههههه
حوراء تظن انو يستهزء بيها ويقصد مراهقة...كامت وكفت وتحمست الفاهية...
حوراء:ياشيخ ترا انه مو مراهقة ومو طفلة عمري 17 سنة بعد اشهر ابلغ سن الرشد
هشام ضحك:خير بويه سلامات تحمستي..ومنو كال انتي مراهقة وطفلة..منو يحجي على مرته للشيخ هشام
حوراء خجلت حيل منه ومن كلمة مرت الشيخ..وظلت دكات كلبها تزعجها من جديد..وكعدت بالأرض ونطت ظهرها لهشام وهي تعض شفتها من الخجل....
فجأة كامت وخذت شال وتريد تلبسه وتطلع....
هي لابسة تراك تشيرته نص الفخذ وكرار بحسبة الأم اله بالشرع لذلك عادي يشوف شعرها...بس تستحي تطلع وكفت وكالت نايمين اكيد هسة...
هشام:وين طالعة
حوراء بدون ماتلتفتله:اريد اروح يم رقية انام
هشام كام الها وتريد تطلع سحبها بسرعة:تردين تفضيحن السالفة يابت الناس وين تنامين يم رقية ثاني ليلة عرسج
حوراء من ايده لزمت ايدها كزبر كل جسمها وكلبها يكول بوياااي ايده ادفه من دفو دمي...زارت اهلها بهالأسبوع وفرحانة بشوفة اخوانها مشتاقتلهم وحتى امها وابوها وحتى خالاتها نسوان ابوها...
اما هشام يلاحظ حوراء هادئة دوم وقليلة الأبتسامة والضحكه بس تعجبه بأدبها وحتى يم كرار قليلة الكلام...
تعجبه احياناً بس احيان ثانية لا بسبب صغر سنها...
وكلتله عالمدرسة وافق كال ماعندي مشكلة تكملين مدرسة..بالرغم مامقتنع بسالفة الكلية الها بس كال تكمل الاعدادية وهذا هو...ويكول الله كريم اذا عايشين منا لذاك الوقت...
كرار بعده مقعد واله وقت يالله يصير زين..وهو ونسومه احلى عشاق..بس جاي تحس بفراغ جبير بدون اهلها..وعطشانة على شوفة امها...مرات تكعد تبجي على كرار وهو يضوج يشوفها هيج ويهديها ويبوسها وبالكوة يسكتها....
رقية صارت تنجذب لهذا مخلد بس متمسكه ماتريد تحبه..وبعدها اطنشه..زحف زحف لمن اتشككن ايديه...
يكل لصديقه..لك والله تملخت كلي من الزحف وما معبرتني..يكله صديقه انته من صدك هل كثر متمسك بيها بابا خليلك كرامة..انته زيرو كرامة مو جاي ترفضك يابه عوفها....
مخلد يكله لو شيصير ماعوفها اليه هي وبس تتعدل اموري اخطبها والله ولو رفضت العباس اخبلها وعلي كدام الجامعة كلها....
يضحك عليه صاحبه يكله مخبل انته ماناطيتك وجه وتزحف وماكو فايدة بيها ولا بيك حمار شسويلك لاطش على هاي وترس الدنيا بنات....
يكله اكل تبن وعلف هوش.. واسكت ابو الكرامة عيني ابقه دايح مثلك لعد.. راح ابطل دياحة وزحف واستقر😂😂...
رقية كاعدة يم كرار بالصالة...وهو نايم وحاط راسه بحضنها وبيده مبايله جاي يقرا بحث...هي شافته نايم بالصالة حطت راسه بحضنها...
رقية:كرير شنو تقرا
كرار يقلد عليها: اقوا بحث عيني وقية(اقرا بحث عيني رقية)
رقية كرصته:اي عفية شاطر حبيبي
كرار: اخخخ خبيثة...اي قابل مثلج بايولجي..عوووع انتي وقسمج
رقية جرت شعره:عابت خبصتنه بقسمك تره
كرار:آخخخ اشتعل ابو...شاف ابوه دخل...اشتعل الراح يزوجج
رقية:هاااا بدلت حبيبي كمل كمل كول ابوج
كرار:انجبي هذا جدو حبيبي
هشام كعد يمهم:وين الحجية
رقية:يم ابوي راحت تنطي دواه وتجي
هشام باوع يسار ويمين:احم.. وين حوراء ماكو
كرار كام كعد عالنص شوي وانتجه على القنفة ساعدته رقية وحرك حواجبه لرقية...
كرار يباوع لأبوه: حوراء خطية مريضة اليوم
هشام:خير شكو..خو ما بيها شي..وينها هي
كرار ابتسم:يمكن راح تسويلنه صغيرون اخيراً بعد انتظار سنين
هشام ضحك ويكول بكلبه ياصغيرون وهو اسبوع صارلها عندي ولا طخيتها ابد...هشام تحم حم:هم تريد اخ ولك كرار
كرار:وليش لا...هاي امنيتي
هشام ضحك:واحفادي يجون ويه جهالي
كرار:وشبيها حلوين يربون سويه..همه وينهم احفادك شكلنه مطولين وماكو حفيد الك..يابه اربع اشهر راح اظل مقيد بهاي السالفة التعبانة..هاي صاير حطبة من الجفاف وداعتك..انته شد حيلك وجيبلي اخ يابه اعرفك اسد لا اطولها ترا مو حلوة...ويغمزله...
رقية:عززااا هشام هذا ابنك انحرف خل اكوم لا انحرف من وراه
هشام:اي والله بعد اخوج صاير سرسري من ازوج ليهسة
كرار ضحك بصوت:يابه ليش اطكطكهن عليه..لتسوي نفسك بريئ وانته عندك بنت ال17..يابه حتى اصغر مني شتريد بعد..شباب.. شباب وترجعك للشباب..ويغمز اله...
هشام:لا هسة صدك انحرف ابني..كوووم شوف دراستك احسن من هالسوالف التعبانة
كرار يضحك:يابويه يادراسة مو مأجل هاي شبيك كمت تخربط هههههه..واصلاً اذا كمت اروح لحبيبتي.. تجي يمي اخذها بحضني واسولفلها سالفة طويلة...
كاطعه هشام:طايح الحظ ابوك وعمتك يمك شهل الميانة الطايح حظها..جيل اخر زمن
كرار مات ضحك:الشيخ غركان عسل وحب وعشك ومعاشك وجاي يكلي...
هشام كاطعه:لك اسككت ماتستحي مو عمتك يمك انحرفت من وراك..هاي سوالف الادوية التاخذها مأثرة على راسك
رقية ضحكت وسدت ذانها:عادي ماسمعت شي هههههههه
كرار:ههههههههههههههه هي رقيوو حرفتني جنت خوش ولد خخخخخ
رقية:عمه بعينك انته منحرف من كاعك
اجت حوراء:رقية فدوة تكدرين تجين تساعديني
كرار يباوع لأبوه:يابه صدك اريد اسألك شصار على روحتنه للدكتور شوكت يشيل الجبس...
هشام ما جاوبه وصافن بلي مسويه شعرها ظفيرة اليوم ويكول صدك طفلة... وهي تستحي من كرار تلبس حجابها دوم بس بأهمال...
راحت حوراء وكامت رقية وراها...تريدها تشرحلها مسألة...
هشام التفت لكرار:شكلت ولك
كرار ضحك وصاح:ولج رقيوو مو كتلج الشيخ واكع بالعشك..وحالته ميؤوس منها
هشام كام على حيله وكرار كله اسف اسف بويه راح اسكت والله ههههههههه...
حوراء سمعت هيج كال كرار انقهرت تظن هو يحب ايمان...
وشوي اجت يمهم بعد ماشرحتلها رقية مسألة... وكلها هشام بويه سوي جاي...راحت سوته ورجعت كعدت يمهم...
اما ايمان خذت جهالها وبغرفتها...
اجت الحجية ونسمه همين يمهم وكرار نايم عالطقم وماد رجليه..هو راح يبقه ميمشي عليهن مدة اشهر...
جاي يسولفون بسالفة روحة كرار ومراجعاته للدكتور...وشوكت يشيلون الجبس...من ايده ورجليه...
تباوعله بكل عشك وشلون يحجي ويه ابنه وامه...
حوراء بينها وبين نفسها:ياترى وحدة مثلي يحقلها تعشك شخص مثل هشام..هيبة وجمال وحكمة وعقل وطيبة واخلاق...
ظلت صافنه بوجهه وشنو يحجي وكل كلمة تطلع منه تكعد ترن براسها وتخلي
كلبها ينبض حيل...
وتباوع حتى على حركة عيونه ونظراته وحتى رمشاته..وحركته المعتادة من يحك اطراف خشمه..ومن يلزم لحيته..ومن يبتسم ويشاقه ويه الحجية...
فززها من صفنتها صوته الرجولي...كلها شبيج بويه...
حوراء بفهاوة:هااا..صحتني
هشام ضحك:صارلي ساعة اكلج وين الجاي
حوراء كامت بسرعة: ياربي نسيته..احترك هسة...وراحت بسرعة للمطبخ...
وصدك صاير الجاي اسود ليل..كامت سوت جديد...
حوراء:اففف شكد اكره كلمة بويه من يكلي اياها..ياربي شبيه هاي عود من صدك حبيته انه.. وهو معتبرني زعطوطة وما معبرني..يالله شصارلي..اي شبيه واذا حبيته زوجي مو عيب ولا حرام
ايمان اجتها:هاي شبيج خبلة...
بعدها ما كملت حوراء فزعت وطاح منها قندول الشكر وتطشر بالارض....وراحت تلمه...
ايمان:الحمدلله والشكر شبيج اخترعتي..وهو انتي تحاجين نفسج مثل المخابيل
حوراء بكلبها:من كبر حتى الاحلام ممنوع عليه..وطلعتلي هل الحية هسة شرد عليها بالله..احسن شي اتجاهلها هاي علاجها ولسمها الاناكودة..الارملة السوداء تففف اي والله......
ايمان:انتي مو احاجيج
سكتت عنها وكنست الشكر وانتظرت الجاي وصبته ودته اله وللحجية...
رقية باوعت الها:حور وجهج اصفر شبي..خاف صدك مريضة
حوراء بصوتها الهادئ:لا مابيه شي وجهي طبيعي
هشام وهو يشرب جايه وعينه عليها...
رقية بحماس:اكول حور ماكو عنون بالطريق
هشام سمع هيج وفرط ضحك حتى شرك بالجاي وظل يكح ويضحك....
هشام صار وجهه احمر:والله سؤالج ضحكني..هي كلها صارلها اسبوع عندي مو سنة
رقية ضحكت:شعرفني اريد افرح بأبنك الزغير وكرارو يصير عنده اخ
ام هشام:اي والله يمه راح اموت واشفلك طفل
هشام:والله ماعتقد الي طاقة تربية طفل وبعمري هذا..كرار يجيبنه جهال بعد
كرار:هو وينه كرار مجبس ومقعد لا تنتظر منه جهال يابه ترا عاطل عن العمل ابنك حالياً....
هشام فرط ضحك عليه ورقية هم...وبيبيته تكله هم تطلع من هالحال يمه مادوم هيج...
حوراء خجلت من سوالف كرار وهي تباوع لهشام..وتتخيل يصير بينهم شي وتصير حامل وتنفض الافكار وتكول مستحيل يصير صدك ويجي يمي ويقرب والله يغمه عليه...
هو انه مرة لزم ايدي بغير قصد ومتتتت خجل انوب هاي...لا لا ماترهم...
وكامت من يمهم وكعدت بغرفتها...ومرت بعد جم يوم واختلف هواي اشياء بهل الفترة..حوراء صارت تعشكه لهشام وتمووت بحبه بالرغم فترة قصيرة مصارلها عنده هواي...
تعودت عليه وحفظت من اطباعه شوي وبطلت تخاف منه لانها صارت واثقة منه بس بعدها تمووت خجل منه وهو تعود عليها شوي وشافها مؤدبة وطيبة وهادئة...بس تحسه مو مقلدها ابداً وبنظره هي مجرد زعطوطة ماتلوك اله ولا لكلبه وتكول مستحيل يحب وحدة اصغر من ابنه...
ومرات تتخيل يحب ايمان بس تكول هو مايروحلها بالغرفة وصارت متأكدة مية بالمية انو هشام ولا مرة راح لإيمان او طل عليها حتى...
ايمان تتمشكل ويه نسمه هواي على اتفه سبب وتبسمر بيها عينك عينك وتكلها لو بيج خير ماشردتي من بيت ابوج ويه رجال غريب...
ورقية تعاركها ماتقبل على نسمة...وحتى تعارك حوراء ايمان بس حوراء ماتجاوبها ولا تعارك ابد...
الجو تغيير وصارت دنيا باردة...رقية كامت تميل لهذا مخلد وظلت تحس بشي داخلها تحرك اله..الحاحه وتغزلاته بيها بالرغم ماترضه وتتفاداه بس هو متمسك بيها...
كلها راح ادز امي الكم والله صادق بنيتي...
كاعدة عالستيج وفاتحة الملزمة وجاي تقرا..جان تشوف وردة طاحت بنص الملزمة...
رفعت راسها باوعتله بنص عين...
رقية:خير شتريد
مخلد:اووييلي عالواو امووت عليه امووت
رقية:عابت راح تلزك هسة..روح منا فضحتني عيب عليك كل الجامعة تدري تركض وراي وتتغزل عيب ترا بحقي وبحق اهلي..انه ما جاية من الشارع
مخلد:يابه على كيفج غير كايللهم خطيبتي
رقية:عزززااا بعينك منين اجيت خطيبتك والله راح يسبب شنقي هذا الفاقد الاحساس
مخلد:اولاً انتي حبيبتي وثانياً انتي خطيبتي وثالثاً انتي....
كاطعته رقية:لتكول مرتي ترا ابتلي بدمك هنا بنص الكلية
مخلد يحشش:لا ردت اكول زميلتي
رقية تفشلت:فلشك راسك كون وساطور بشر..امشي روح وعوفني بحالي مو فارغة الك..وكامت وحضنت ملازمها وتريد تروح...
مخلد:آخخخخخ لو الزمهن آخخخخ
رقية شطحت نيتها عالترابي:عززززاااا ياماتستحي ياساقط..ان ما اشتكيت عليك عند الادارة تتحارش بيه
مخلد مات ضحك:اي غير جيت اطلب الملازم وكلت اخ لو الزمهن من بعد لزمت ايدج..شبيج رحتي رون سايد
رقية صغرت عيونها:الملازم مووو... خذت الوردة من على الاستيج وشمرتها بوجهه ومشت...
مخلد يعض شفته:آخخخ لو الزمها هي آخخخ....وعض قبضة ايده بقهررر...
😂😂😂😂😂😂😂😂
بيت الشيخ...
اندك الباب وراحت وكالت منو...
صفية:ملت الموت...(ملك الموت😂)
ايمان فتحت الباب:ياخذج كون كولي آمين..شتردين
مخلد يحشش:لا ردت اكول زميلتي
ايمان:خنكوج الفين فيل كون.. وكرصتها حييل..شصخمين هنا يالله روحي بيتكم
صفية:آييي وين الشيخ اكله ايمانو تكرصني
رقية شطحت نيتها عالترابي:عززززاااا ياماتستحي ياساقط..ان ما اشتكيت عليك عند الادارة تتحارش بيه
صفية خبله لزمت ايمان وشمرت روحها عليها وكعدت فوكها واتدوس حييل وذيج تصيح وتضربها وتريد تكومها ماتكدر...
وخنكتها صفية وداست بببطنها...وبدخلت هشام للبيت وشاف ايمان جوى صفية وكاعدة عليها...كال شصاير...
ايمان تصيح فكني منها هالمخبلة موتتني بوزنها...
هشام ضحك:ياهلا بصفية..كومي يابه هسة تموت المعزاية وترحين السجن
صفية كامت عن ايمان:لا سجن لا شرطة
هشام:تعاي لعد يم الحجية تسويلج جاي
صفية:اي يا شيخ..الوحن فدوة الك...وراحت دخلت داخل يم الحجية...
ايمان كامت من الارض ووتنكت بروحها من حشيش الحديقة الي لزم بملابسها.....
ايمان:كطيعة مو مرة فرس النهر
هشام:وانتي ماعرفتي بيها هي من دكت الباب كبل تفتحين الباب
ايمان:والله كلت منو وكالت..وتقلد صوتها الخشن..منت الموت..ردت اضحك عليها شوي
هشام عقد حواجبه:وانتي الناس عندج مضحكه..امشي داخل الف مرة محذرج من منظرج هذا وسطوح الناس عالية..ماعندج احساس على نفسج
ايمان باوعت لنفسها هي لابسة دشداشة حصر والشعر مفتوح ومكشف وكاصته لجوى ذانها بشوي ومسويته احمر وحلو عليها المصيبة لانها بيضة تشع مو بس بيضة بس للأسف سودة من الداخل...
ايمان بثقة:شمالني اخبل والله وانه ماخذه راحتي ابيتي شعليه بالناس
هشام:الحجي وياج ضايع..وزمخ بيها..امشي لبسي عدل وغطي راسج من اطلعين هنا..فهمتي
ايمان تخاف منه:صار..وراحت وهي تغلي من الداخل...
هو هشام مو يغار عليها بس عرضه مايرضه عليه كلشي ولا عرضه وهي ماحاسبه حساب لعرضه ابد...
ودخل سيارته البيت وهو اعصاب بسبب ايمان...
بالليل...
من ينام هشام الغرفة ماتطلع منها...ونايمة على الأرض...
احتارت شسوي وظلت تحوس وهي بردانة وبطانيتها متدفيها وماتعرف ليش تستحي تروح تجيب بطانية ثانية من بره...
اصلاً ماتريد احد يعرف انها تنام عالأرض وانو مابينهم علاقة زوجية...
تكورت على نفسها من البرد وهي تتأمل السرير والي نايم عليه...كامت كعدت ظلت تباوعله وهو غافي ومامتغطي ومستغربة منه برغم البرد ما متغطي...
كامت بهدوء وهي تقترب من السرير والغرفة مو ظلمة تيب لمبة مشتعل لأن تخاف من الظلمة لذلك هشام يخلي واحد مشتعل...
راحت كعدت بهدوء كباله وهو نايم..باوعت لعيونه المغمضة ولخشمه وحواجبه ابتسمت وباوعت لحيته حلوة عليه..كلبها دك حيل...
حوراء همست لنفسها:الدنيا كلها تحله بعيني من اشوفك وانسه كلشي حوالي..وكأنه ما موجود غيرك بهالكون..خليتني احب الحياة ياشيخ..دخيل الله شيصير بكلبي المريض من يشوف ابتسامتك.. كلهم مجرد تراب بالنسبة الي بس انته قطعة ذهب
فتح عيونه..وهي فزعت وكامت من كباله بسرعة وهو لزمها بسرعة...وهي رجفت كل خلايا جسمها..وجهها صار ازرك من الخجل...
سحبت ايدها تريد تروح ماكدرت لازمها قوي..وتحس بحرارة دمه ودفو ايده على ايديها...
حجت بتوتر:أ أ أسفة ج ج جيت اغطيك
هشام كعد وهو بعده لازم ايدها:وليش تعتذرين بويه وشبيج خايفة وترجفين
اختفه صوتها:ب ب بردانة ما ما ب ب بيه شي
هشام ابتسم:تعاي بويه انه ادفيج..واخذها لحضنه وهي ظلت ادور بيها الدنيا وكلبها تحسه طلع من خواصرها من الخجل والمشاعر الشايلتها بين ظلوعها...
هشام الي تعشقه اخذها لحضنه وهاي اول مرة يحضنها هيج...حست تنفسها ضاق من الخجل والمشاعر المختلطة...
سحبت نفسها ومو بس دفت الا كل خلية بجسمها شعلت نار من الخجل الي اجتاحها...
راحت من يمه بسرعة ودخلت بالبطانية وغطت حتى راسها وهي تتنفس سريع واختنكت من العشك الي بكلبها لهشام...
هشام رجع انسدح:هههههه ترا كلها حضنه ماسويت شي
حوراء انعقد لسانها ماتكدر تحجي وتسمع صوته بأستمتاع...غمضت عيونها..وتتخيل يخلص صبره عليها..وتكول بكلبها لا ياربي...
غفت وهي تفكر بي لا غير..وهو كذلك نام وهو يفكر بحالهم هذا ومتردد بهالموضوع خايف يأذيها لأنه اكبر منها بهواي...
حجت بتوتر:أ أ أسفة ج ج جيت اغطيك
كامت وفايت وقت الصلاة وتريد تروح المدرسة...شافت هشام ماكو..تكول طالع شعجب ما كعدني للصلاة...
راحت قفلت الباب حتى تبدل رادت تنزع تشيرت التراك ورفعته وطلعت بطنها...وبطلعت هشام من الحمام...فزعت خرعة وصاحت يمممه...
هشام ضحك:شبيج يابه شني شفتي جني
حوراء كلبها وكف من الهبطة:لا حشاك ياشيخ بس عبالي طالع ماسمعت صوت الماي
هشام:مصار شي مو مشكلة...
وراح لبس دشداشته وعدل شماغه وعكاله وكل هاي وهي تراقبه بفهاوة...
راد يشد كبكات البصمة..التفت عليها واكفة بمكانها...
هشام:شنو راح تصلين الصلوات الخمسة وانتي بمكانج هههههه..تعاي يمي
حوراء بخجل راحتله:نعم ياشيخ
هشام مد ايده الها:شكليهن..مو المفروض مرتي..ولازم انتي تشكليهن اليه
حوراء ابتسمت بغير شعور:اي تدلل يابو كرار..وشكلتها اله وماتدري بالعيون الي تراقبها وتحب ابتسامتها رغم شوفتها قليلة...
مدلها ايدها الثانية تشكل الثانية..شكلتها اله...وكرص خدها وكلها شكراً...ابتسمتله ببراءة وكالت العفو بخدمتك....
هشام رجع كرص خده وخر ايده ودنك على وجهها يبوس خدها وباسه وبقت مصنمة وماعترضت...رجع دنك على وجهها و................
