 |
رواية دار الايتام الجزء الثالث (اللقاء المنتظر) الفصل الرابع عشر بقلم اميرة اسامة
الحياه بِتفرض عليك إختياريين مهمين جداً الذكي اللي يقدر يفاضل بينهم.
الإختيار الاول انك تعيش في تباعد إجتماعي.
الإختيار الثاني انك تعيش في
تواصل إجتماعي.
بس الاهم وانت بتختار تقدر تفرق فين التباعد وفين التواصل
لانهم للاسف بدلوا الادوار👌👌
السعاده للأذكى😉
..................
خرجت نوني ووراها البنات
سامعين صوت ضحكت الشباب
الشاب طالع من قلبهم بجد.
نوني....ضحكونا معاكم بتضحكوا علي أيه.
بدر....بضحك علي الكارثتين دول
فاضل شويه و هنقوم نحجز بينهم
😂😂😂😂
نوني....ليه بس الطيب أحسن
سيلا...أتفضلوا القهوه
ليل...تسلم ايدك تعبناكى
سيلا...بضحك انا معملتش حاجه انا يادوب جبتها عشق اللي عملتها
ليل...بأبتسامه حب تسلم ايدك
عشق...بأبتسامه تسلم.
سما....وده عصير لو حد حابب يغير رأيه.
مهاب...لا انا قهوه بعد الاكل ده
عامر....بدر قري الطفايه دي
جاسر....ماهي قدامك😏
عامر...بضحك يا ابني انت اسمك بدر بقولكم ايه عشان تبقوا شاهدين هو اللي بينكشني اهو
روكا....بضحك معلش انا عندي سؤال و فضولي هيموتني انتوا في بينكم ايه😂🙈
عامر...أبداً يا قلبي والله انا لسه متكعبل فيه من يومين😉
جاسر...ليه ان شاء الله طوبه😡
روكا....بضحك استني بس لجد والله انتوا كنتوا تعرفوا بعض قبل كده اصل عامر عمره ماجاب سيرتك
عامر...بضحك ايوه اصله مش معروف😎
ضحكت تمارا وبصتله😂😂🙈
جاسر...بتضحكي علي ايه 🤨
عامر...الله ماتسبها تضحك هو الضحك اتمنع😂😂😂
دياب.....والله هو سوء تفاهم وانا عند كلامي ان الاتنين دول هيبقوا صحاب جامدين اصل اللي في اول تعارف بينهم بيحصل بينهم صدام كده تعرفي انهم هيبقوا حبايب أسألوني انا وبدر😂😂
بدر....متفكرنيش😂
لمار...صحيح يا دياب انت قولتلي هتحكيلي اتعرفت انت وبدر ازاي
و محكتليش.
دياب....ابدا هحكيلكم اول قصتي مع بدر انتبه الجميع لدياب وهو بيحكي وبدر بيسمعه ومبتسم.
دياب...كنت في القاهره كان في قضيه قتل كده كنت شغال عليها
لقوا جثه المجني عليه مرميه في ابو قير ومبدأياً كده القضيه دي اصلا بعيد عن الدايره بتاعتي وكان ماسكها ظابط تاني بس النصيب بقي ان انا اللي امسكها المهم في البدايه فضلوا يدوروا علي اي حاجه تكشف هويه المجني عليه مكانش معاه اي حاجه لا بطاقه ولا رخصه ولا الهوا و كانوا راميين علي وشه ميه نار و معالمه كلها راحه في داهيه😂
بقوا يحاولوا يشوفوا اللي مبلغ عن غياب شخص بنفس الاوصاف مفيش.. بس اللي كان يلفت النظر انه باين عليه انه شخص مرتاح مادياً وشكله مم لبسه ابن ناس لابس تيشرت وبنطلون نايك ولابس كوتش نايك اصلي شكله مرتاح يعني لما حسوا انهم مش عارفين يوصلوا لأي حاجه كلفوني انا بالقضيه دي.
بدر...بضحك خدوا بالكم مش عشان دياب قاعد بس بجد دياب ظابط مباحث شاطر جدا ودماغه دي فظيعه.
دياب...بأبتسامه المهم روحت المشرحه فضلت قاعد مع الجثه حوالي ساعه وشوفت لبسه من الحجات اللي لفتت نظري نوع البرفيوم بتاعه لانه هو المفضل ليا قولت بس الراجل ده كان برنس في نفسه😂😂🙈 لبس رياضي وعضلات وجو جامد قولت الراجل ده لا هو بلطجي ولا ليه في المشاكل وشكله كده حوار كبير وبعد كده اتفاجئت بقي انه راسم وشم علي دراعه عامل لوجو كده غريب ومكتوب ماكس چيم حسيت ان ده مفتاح بسرعه مسكت الموبايل وكتبت الاسم علي جوجل طلعلي چيمات كتير اوي بنفس الاسم وفجأه لقيت صفحه مرسوم عليها اللوجو بتاع الچيم اللي مرسوم علي دراعه وهو الفرع الوحيد كان زايد المهم بقيت اقول زايد في القاهره طيب ايه اللي جايب الراجل ده هنا المهم فتحت الصفحه ووقتها اتصدمت لقيت الراجل ده متصور مع شباب كتير هو بجسمه بهيئته بكل حاجه حتي الوشم اللي علي دراعه كان ظاهر في اغلب الصور
كان اسمه هيثم تقريبا وشاب يعني 38 سنه ولا حاجه.
طبعا بلغت باسم الشخص وهويته وسجلت كل ده في المحضر وقررت بقي اني اروح القاهره بنفسي وفعلا روحت الچيم علي اني عايز اتمرن فيه وسألت عليه شاب هناك بالاسم ولحسن الحظ كان صاحبه الانتيم قولتله انا عايز اقابل كابتن هيثم و بتاع لقيته بيقولي انه هو حاليا مش موجود وانه سافر اسكندريه يغير جو بقاله كام يوم بس كان باين عليه القلق
طبعا عرفت بعد كده انه كان بيدور عليه هو واهل هيثم لانه مش بيرد عليهم ولان صاحب هيثم ده ميعرفش هو سافر ليه ولا مع مين المهم مش هطول عليكم الحوار اتعرف والدنيا اتقلبت وطبعا انا مسكت القضيه هنا وكمان عرفت اوصل للي عمل كده وفي يوم بقي جالي بلاغ ان في حد تاني بيهدد صاحب هيثم وقبل ما نوصل للي عمل كده عن طريق الموبايل لقيته بيكلمني تاني وقاللي ان الرقم اللي كلمه كلمه تاني وقاله انه حاطط قنبله في جهاز من الاجهزه الرياضيه وخلال 40 دقيقه هتكون منفجره
وقدر طبعا يلاقيها ومكانش مجرد تهديد بلغت بسرعه وطلع علي هناك حمله وكان مين معاهم 😂
ليل...بدر
دياب....هو بعينه دخل بدر طبعا متعرفش وقتها كان مش طايق نفسه ولا حد منكد عليه ومكشر تكشيره ومش طايق حد المهم امر باخلاء المكان وفعلا بعدنا كلنا وهو بدأ شغله والدنيا تمام وقدر يفك القنبله فعلا طبعا انا بقي عشان محترم😂😂رحت اشكره يعني علي المجهود اللي عمله بكل روح رياضيه.
بدر فضل يضحك🙈🙈
دياب....شكرا يابدر باشا علي مجهودك و بتاع يرد عليا يقول
مجهود ايه😒ده شغلي قولتله اكيد بس ده حقك
قالي حق ايه وبتاع ايه بقولك ايه في حاجه تانيه مطلوبه مني😡
صراحه كنت جبت اخري من خلقته وتكشيرته واسلوبه😂
كلمي مني علي كلمه منه كان فاضل ثواني و يحجزوا بينا😂
جه اللواء إدانا كلمتين زي الفل وقال هستناكم في مكتبي
روحنا طبعا و خدنا كلمتين في جنبنا تاني اعتذرلي وانا اعتذرتله
ولما عرف اني جاي من اسكندريه مخصوص عشان القضيه تقريبا صعبت عليه وقاللي انا عازمك عالغدا وفعلا روحنا واتغدينا وخدنا ارقام بعض وبقينا من وقت للتاني نسلم علي بعض لحد ما بقينا صحاب جدا وبعدها بقينا شركاء في شركه الحراسه😂😂
ليل...بضحك يعني اولها كانت خناقه.
دياب...بضحك والله ما كنت ناوي اتخانق هو اللي دخل فيا شمال😂
نوني...هو بدر كده خلقه في مناخيره ومبيسترش😒
ضحكوا كلهم علي نوني.
ليل....المهم في الموضوع ده ان في امل جاسر وعامر يبقوا حبايب.
جاسر...مين ده انا والكائن ده😡
عامر...بأستفزاز انت تطول بس سيبك انت حلو بردو انك جاي بقميص اسود عشان لو القهوه وقعت متبانش😉
جاسر...عض علي شفايفه بغيظ😡
يوسف....اشمعني😂😂
عامر....اصل يعني مش معقول كل شويه ابوظله قميص حرام مش مال سايب هو.
نوح...بضحك قميص ايه اللي بوظتهوله😂😂
جاسر....لنوح مالك يا ظريف فوقت الوقت😡
عامر...بضحك هحكيلك يانوح مش خساره فيك وبعدين انا هحكي بس عشان انا حاسس انه بيتوه 😂😂
بص يا سيدي لما اتقابلنا من يومين انا والشباب روحت مع بدر ودخلت الحمام وانا خارج كان ليل وجاسر 😎 وصلوا كنت بتكلم في الموبايل وهو كمان كان بيتكلم مخدتش بالي منه وهو داخل ودخل في وسطنا الويتر وهو شايل صنيه عليها كوبايات عصير هوووب لبستهمله😂😂😂😂
تمارا.....يعني القميص اللي سألتك عليه وقولتلك ايه اللي عمل فيه كده مكانش انت اللي وقعت عليه العصير زي ما قولتلي🤔
في الوقت ده كله فطس من الضحك😂😂😂🙈
جاسر....بصلها هي وعامر وهو شر الدنيا في عينه 🤨
روكا...بضحك قومي من جنبه بسرعه😂😂😂
عامر...بضحك طب ما تقول ان انا اللي حميتك مكسوف ليه.
جاسر...تصدق هقوم اضربك 😡
نوح...بضحك وفيها ايه بس يا جاسر دلق العصير خير
جاسر...في ايه يا خفيف هي الحفله عليا🤨
نوني...بضحك ولا يقدروا
بدر....ما خلاص بقي صافيه لبن وبعدين ما محبه إلا بعد عداوه.
عامر...بصحك خلاص ياعم عفا الله عما سلف انا مسامح😎
جاسر...مسامح في ايه علي اساس انا اللي غرقتك😡
عامر...بضحك ياعم ما انا وقتها اتأسفت وانت اللي مقبلتش وفضلت تبرطم بالكلام اسمي عليك يعني😎
ادم....ما الراجل اتأسف عايز ايه تاني يا مفتري😂
جاسر....صباح الفل🤨 انت دخلت وسطهم انت كمان
تمارا...كتمت ضحكها طيب سؤال من غير ما تتعصب انت ماقولتش ليه لما سألتك
عامر...هيقولك ايه هو ليه عين😂😂😎
جاسر....شايف الرخامه😒
بدر...بضحك امسحها فيا حقك عليا😂😂
فضلوا يضحكوا و يهزروا و ضحك معاهم جاسر هو كمان وكل شويه حد فيهم يتكلم في التليفون عشان شغله مره ليل مره يوسف مره دياب مره روكا مره سيلا
ومره عشق تطمن علي سليم وبعدها زهره
قامت نوني دخلت جوه ورجعت معاها بوكس هدايا من الكرتون وحطته قدامهم علي التربيزه.
بدر...ايه ده يا نوني هو عيد ميلاد حد ولا ايه.🤨
نوني...عيد ميلاد ايه اتلهي بقول ايه بصوا بقي 😡 كلمه ومش هكررها ثواني وكل واحد وواحده فيكم يحطوا الموبايل بتاعه هنا
ليل...بضحك احنا بنتقلب ولا ايه😂😂
يوسف...ولا يابدر امك بتقلبنا😂😂
بدر...في ايه يا نوني مالك عامله زي الظباط كده ليه 😂
نوني...هو كده سلموهم في الامانات وهتاخدوهم وانتوا ماشيين.
سيلا...بضحك شاطره يا نوني😂
نوني...انتي اول واحده تحطي موبايلك احنا هنقعد مع بعض ولا هنتلهي في الموبايلات.
ليل....انا بتكلم في الشغل والله😂😂🙈
نوني...انت انهارده شغل ولا اجازه
ليل....لا اجازه انهارده وبكره.
نوني...بس يبقي متتكلمش في شغلك طول ما انت في اجازه
ليل...بضحك غصب عني اعمل ايه طيب من يوم اللي حصل في الشركه عندي وانا بقيت اقلق يكون في حاجه مهمه ولا عايزه حد يفجر الشركه المرادي بجد😂
نوني....مفيش حاجه وحشه ان شاء الله وبعدين لما شركتك تتفجر امال المحروس ده لزمته ايه😡
بدر...ياعم حط الموبايل متجبلناش الكلام😂😂
ليل...بس كده ادي الموبايلين كمان مش موبايل واحد.
عشق...بضحك انا كده حبيتك يا نوني.
ليل...بأبتسامه فرحانه فيا
عشق...صراحه اه ما انت طول الوقت ماسك الموبايل حتي في الاجازه
نوني...دي بقت عاده مرهقه نفسيا حقيقي....وقامت وقفت وفضلت تلف عليهم كلهم واحد واحد وطبعا كلهم حطوا الموبايلات من غير اي اعتراض لكن ميتين من الضحك.
نوني...يلا يا چو حط موبايلك.
يوسف...بضحك عيب والله يا نوني 😂😂😂
نوني....حط وبلاش تناهد عشان مفرجهمش عليك
يوسف....يانوني انا راجل مهندس برمجه يعني عيب اتخلي عن موبايلي.
نوني...طيب انا هعد لحد تلاته
يوسف بسرعه حط الموبايل.
نوح....بضحك سلمت من قبل ما تعد😂😂😂
يوسف...اصلك مش فاهم هتعدهم علي سهوه زي الراجل اللي بيصور صوره البطاقه بالظبط هي واحد اتنين تلاته مش هتركز الضربه جاتلك من الشمال ولا اليمين😂😂😂
نوح...بضحك الحمد لله حطيته بسرعه😂😂😂
قفلت نوني الصندوق وراحت حطته علي تربيزه بعيده
ورجعت قعدت في وسطهم وهي مبتسمه..
نوني....هاااا قولولي بقي كلموني كده عن أحساسكم وهو الموبايل مش في ايدكم😍
روكا...بصراحه يا نوني انا عن نفسي مبسوطه جدا يمكن انا اكتر حد بمسك الموبايل حتي لو مش بتكلم افتح التصميم و ابص علي صور وطول اليوم كلام سواء من الموظفين ولا من شركات الاعلان ولا من العملاء.
ليل.....علي قد ما هو بيسهل حجات كتير جدا وحقيقي مبقيناش عارفين نعيش من غيره علي قد ما هو فعلا مرهق جدا وديما مقيدنا.
نوني....بالظبط ياليل هو ده اللي أقصده التقييد!! الموبايل و النت دول زي ما بتقول علي قد ماهو سَهل حجات كتير اوي علي قد ماهو بعدنا عن بعض خلانا نستسهل كل حاجه حتي اننا نتعب عشان نوصل لبعض ونطمن علي بعض بقينا بضغطه زرار او ماسچ علي الواتساب نخلص كل حاجه النت ده كارثه علي قد ما هو في مميزات كتير علي قد ما هو مرض وانتشر بيننا واغلبنا بيستخدمه غلط هو المفروض موقع تواصل أجتماعي بس في الحقيقه بطريقه أستخدمنا ليه بقي موقع للتباعد الأجتماعي.
كل واحد فينا حاطط وشه في الموبايل وناسي الدنيا من حواليه بقينا ناسيين ناكل ونشرب بقينا نسهر بقينا وبركه يومنا تضيع في النوم بقينا وسط ما احنا قاعدين مع بعض كل واحد فينا في وادي
ملهي بحتت حديده في ايده
المريض بقينا نكلمه في التليفون
او نبعت رساله نعيد فيها علي بعض. فقدنا بهجه اللمه والتجمعات اللي المفروض هتبقي ذكري جميله في يوم من الايام
سما....عندك حق يانوني بس كمان منقدرش ننكر يعني انه بيخلينا طول الوقت نطمن علي بعض يعني انا مثلا بعيد عن مامي الوقت بعد الجواز فا كل يوم بكلمها وبطمن عليها في اوقات انا مش بروحلها لازم اكلمها.
نوني...جميل يا سما ومش بقول انه اختراع فاشل بالعكس ده اختراع مهم جدا بس احنا بقينا نستسهله فهماني يعني مثلا كلمتي مامتك مره مردتش تفضلي وراها بالنص ساعه و بالساعه علي امل انها هتشوف الموبايل الوقت في الوقت اللي ممكن تجري عليها من غير تردد وتشوفيها فيها ايه ومش بترد ليه
ريم....بس يا نوني انا مثلا لما تعبت لولا يوسف كلم روكا كان زماني انا وكريم جرالنا حاجه.
نوني....فعلا عشان كده بقولك هو مش اختراع فاشل هو بينجز حجات كتير و بيختصر وقت اكبر
وبيقرب المسافات
يمكن زمان احنا مكانش عندنا الميزه دي مكناش بنعرف نوصل لبعض بالسهوله بتاعت الوقت بس
كان في حاله حلوه وروح جميله كان البعيد ديما قريب كنا بنتجمع كتير وبنشوف بعض اكتر عشان نطمن علي بعض الوقت التليفون بينجز المهمه دي بسهوله.
يعني مثلا في اوقات كان يبقي بدر في اوضته فوق قبل جوازه كان يكلمني وانا في المطبخ يقولي انه جعان متخيلين احنا وصلنا لأيه.
بدر...بضحك راجل كسلان نقول ايه😂😂
نوني....انت بتقولها بتهريج بس دي حقيقه يابدر ودي مش مشكلتك انت بس دي مشكله جيل الموبايل كله حتي احنا الكبار قعدنا و كسلنا و صابنا حاله من الخمول ..علي قد ما التكنولوچيا دي ريحتنا كتير علي قد ما هي مع الوقت تعبتنا زمان كانت الواحده فينا تقوم من بدري تغسل وتنشر وتستني الغسيل ينشف وتقعد تطبق فيه وتخلص الشقه وتعمل الاكل وتعمل الحلو كمان وتقف تغسل تل مواعيين ولا لما يبقي في عزومه زي دي كانت تقضي نص يومها في المطبخ
الوقت بترمي الغسيل في الغساله تطلعه ناشف كمان ومبقاش عاجبنا بقينا نتمني انه يخرج متطبق.
عشق...حضرتك معاكي حق في كل كلمه.. ديما بقول ان التكنولوچيا دي نقمه مش نعمه ابداً
نوني...بالظبط عشان كده يا ولاد هنصحكم نصيحه هتنفعكم بعد عمر طويل ليكم اوعوا تخلوا التكنولوچيا تاخدكم من بعض اوعوا تضيعوا لمه حلوه وتجمع زي ده تبقوا قاعدين وكل واحد فيكم في وادي. اسرقوا من الدنيا لحظات حلوه لان الدنيا لحظاتها المره اكتر ...ربنا سبحانه وتعالي قال في كتابه الكريم..
لقد خلقنا الإنسان في كبد..
يعني شقاء وتعب وشده فا طبيعي اننا هنشقي فيها فا لما تجيلكم لحظه حلوه امسكوا فيها بايدكم و سنانكم قربوا من بعض
وساندوا بعض روحوا لبعض واطمنوا علي بعض يوم اجازتكم خلوا يوم خاص بيكم وبحبايبكم
واصحابكم ودوا بعض صلوا رحمكم خلوا الموبايل مش اساسي في حياتكم خلوه وسيله مش رئيسيه تستخدموها عند اللزوم في شغلكم لكن حياتكم اصحابكم اهلكم اشبعوا منهم فاهمني.
ليل...بأبتسامه جميله مسك ايد نوني باسها انتي جميله يا نوني.
بدر...بضحك امي دي هاا😂😂
عامر...ربنا يخليكي لينا يانوني طول عمري بقول كل مره اقابلك فيها حتي لو كانت مقابله سريعه بتعلم منك حاجه.
نوني...حبيبي يا عامر انتوا كلكم ولادي وعايزه اشوفكم مبسوطين ديماً.
عشق...بأبتسامه حزينه يابختك بمامتك .
بدر....بابتسامه حب لنوني .
نوني دي مش بس امي بعيدا يعني عن هزاري و مناقرتنا سوا بس نوني دي صحبتي واختي وامي ديما هي مرايتي نوني ام جميله بجد.
سيلا....بحب ده حقيقي عمري ما حسيت انها حماتي ولا عمري جربت معاها احساس الحماه اللي بيقولوا عليها نوني امي وصحبتي وحماه بدر 😂
عشق... الحقيقه انا كمان ربنا كرمني بأم جميله مامت ليل حد جميل وطيب وحنين حد مثقف محترم بجد ربنا يحفظكم يمكن انتوا هديه ربنا لينا في الدنيا ربنا
يبارك في عمركم.
نوني...لا بقولكم ايه انا كده هعيط
مكانتش نصيحه🤨
دياب...بضحك اهي هتقلب اهي😂😂
نوني...طيب بقولكم ايه بما اننا بنتعرف علي ناس جديده في حياتنا عرفونا كده بنفسكم بتعملوا ايه بتشتغلوا ايه اتعرفتوا علي بعض ازاي.
بص بدر وسيلا لبعض و انفجروا من الضحك😂😂😂😂
دياب...في ايه 😂
روكا...بضحك اصلك مش فاهم يا مهاب هما بيضحكوا ليه🙈🙈
اصل تعارف سيلا وبدر كان مرتبط بكوارث😂😂
بدر...بضحك اهي قالتلك😂
سيلا...تقصد اني كارثه😂😂
بدر....انا ابدا ياقلبي ده انتي احلي كارثه في الدنيا🙈🙈
تمارا....بضحك اكيد خناقه😂
بدر...مش اي خناقه اول مره شوفت سيلا كنت واقف بعربيتي في إشاره مرور
ادم...إشاره مرور🤨
بدر...اه والله الاشاره نورت احمر هديت ووقفت ومره واحده هوووب لقيتها لازقه في عربيتي
ليل...نزلت طبعا اتخانقت معاها😂
بدر...ياريت😂😂 ورحمه ابويا هي اللي اتخانقت معايا
فضلت سيلا تضحك وهي مخبيه وشها😂😂🙈🙈🙈
ليل...اتخانقت معاك انت طب ليه
بدر...أفتري بعيد عنك سيلا اليوم ده كانت مثال للستات اللي بيسوقوا ويغلطوا وينزلوا يتخانقوا معاك
روكا...لا بقولك ايه متجمعش انا محدش زيك.
بدر...لا انتي برنس يا روكا روكا دي قلبها ميت بجد حريفه سواقه.
المهم نزلت انا عربيت من ورا الصدامات بتاعتها جامده صعب انها تتخبط بسهوله بس من الخبطه الفانوس بتاعها هي اتكسر هاتلها بقي عقل علي عقلها يقنعها انها غلط فضلت تزعق وتتخانق وتقولي كسرتلي الفانوس وهوديك في داهيه
جاسر.....بضحك يا اخي ده احنا غلابه والله قدامهم😂
بدر....الاشاره بقي فتحت والعربيات بقت تمشي من حوالينا وهي مكمله جه الظابط اللي واقف في المرور وهي ابدا لازم تعملي محضر الظابط يقولها انتي اللي خبطاه من وراء تقوله عربيته سليمه وهربيتي اللي باظت وهو اللي وقف مره واحده.
ياستي دي إشاره وهي ابدا الظابط طلب البطايق انا ادتهاله اول ما شاف انا بشتغل ايه وقف اعتذرلي لما شافت بقي كده وعرفت اني ظابط تقوله ايوه ما انتوا عشان ظباط زي بعض وانا واقف بضحك كانت بجد مستفزه
لما حست بقي ان الظابط هيقلب خدت بطاقتها وسكتت ومشينا
كل واحد في طريق.
لمار...اتقابلتوا تاني ازاي بقي
بدر...وحياتك في نفس اليوم😂😂😂 وبكارثه تانيه اكبر
ليل...بضحك هي كانت مرقباك ولا ايه.
ضحك بدر بكل صوته تصدق بالله انا قولتلها كده وكنت شاكك اصل مستحيل الصدفه تكون كده. بس اسمع ده لسه بدري احنا الصدف لعبت معانا كتير قبل الارتباط
بليل جاتلي إشاره ان في ڤيلا في منطقه معينه فيها حجات غريبه وإرهابين والجو ده روحت طبعا انا ومهاب. وبعد وقت بسيط اقتحمنا والضرب اشتغل في كل مكان منا ومن الخليه دي.
بدر...الاقيلك ايه بقي😂😂😂🙈🙈 حد بيصوت ابص بعيني الاقي بنت مستخبيه ورا شجره وخايفه.
سيلا...بضحك مكنتش خايفه علي فكره بس الصوت بتاع الرصاص كانت مضايقني.
روكا...قادره😒😒
بدر...بضحك قادره فعلا وعلي فكره هي مش بتهزر هي حقيقي كانت مضايقه من الصوت😂😂😂😂
المهم الدنيا كانت ضالمه مكانتش باينه جريت عليها ومهاب بيحمي ضهري ومسكتها ورا ضهري وكملنا ضرب عادي وفي وسط الضرب من صواتها شافونا وخدت انا رصاصه في كتفي بعد ما الدنيا هديت كنت بتحامل علي نفسي
ابص الاقيها مين هي اتصدمت وكل اللي جه في بالي انها مزقوقه عليا وبعدين بقي قولت بس دي شغاله معاهم اصل ايه اللي هيجبها في ڤيلا كلها إرهابيين في نص الليل اتخانقنا تاني وطبعا هي كانت لسه شايله مني بسبب العربيه. بعد خناق بقي كان مهاب بيخلص بينا😂😂 انا وقتها حسيت ان طاقتي خلصت مش من الرصاصه من صداعها😂😂 اغم عليا علي بال بقي ما ودوني للإسعاف كانت هي اختفت ومعرفناش نلاقيها وقتها مكنتش طايق مهاب وحلفت بيني وبين نفسي لا هلاقيها.
عدي ايام وكنت واخد اجازه انا والشباب قررنا نسافر نقضي يومين حلوين في شرم.
جاسر...اوعي تقول انك قابلتها هناك🤨
بدر...بضحك حصل😂😂🙈🙈
دياب...بقولك ايه اسمع مني دي كانت مرقباك
سيلا...بضحك والله ما كنت اعرفه🙈🙈
بدر.....كانت حوالي الساعه 2 او تلاته بليل اول يوم روحنا فيه كنا فاصلين فا طلعنا علي الجناح بتاعنا نسهر فيه اتفاجئ بصوت عالباب قمت اشوف في ايه لقيت واحده مدياني ضهرها واول ما فتحت زقتني لجوه وقفلت وراها كان في واحد شارب تقريبا وركبت معاه الاسانسير وضايقها
ضربته وهربت منه وهو كان وراها فا نصيبها ونصيبي انها دوناً عن غرف الفندق كله تستخبي في الباب بتاع الجناح اتصدمت لما شوفتها وبقي عندي قناعه انها مرقباني اصلها مش هتيجي غير كده قولت بس والله ما هسيبها
بس هي كانت خايفه جدا وبتعيط ومش عيزاني اعلي صوتي واعتذرت عن حوار العربيه وبعد كده فهمتني ان الڤيلا اللي شوفتها فيها قريبه جدا من الڤيلا بتاعتها وبما ان سيلا صحفيه بمجرد ما سمعت صوت الرصاص حصلها نوع من الفضول بدافع الشغل وراحت تشوف وتصور وقالتلي اسمها بالكامل ومكانها ومكان الجريده صراحه صدقتها بس مكنتش طايقها😂😂
بس تاني يوم قابلتها هي واصحابها علي البحر واتعرفنا ومن هنا بقي بدأت حكايتنا.
ليل...والله طيب😂🙈
عشق...بضحك انتي صحفيه ياسيلا.
سيلا...ايوه
زهره...هو انتوا اصلا صحاب.
سيلا....ايوه انا وروكا وسما وريم صحاب من زمان اوي من واحنا اطفال.
جاسر...طب وانتي يا مدام روكا اتعرفتي علي الكائن ده ازاي.
عامر...يا اخي انت مالك حشري اوي وبص لتمارا مستحملاه ازاب ده😎
تمارا...بضحك علي فكره بجد والله مش عشان جاسر جوزي بس جاسر طيب اوي وجدع يبان انه عصبي بس هو مفيش حد حنين قده.
نوح...ايوه بقيييي ياعم جاسر.
جاسر...اطلع منها يارخم وبص لتمارا بحب وغمزلها.
عامر...بأبتسامه أستفزاز بس مايبانش عليه.
جاسر...ركب نضاره 😏
نوني...انا بقول اقوم اجيب من جوه خرزانه اضربهم بيها
بدر...بضحك هاتي المسدس واخلصي علي طول يا نوني😂😂
يوسف....انت بايعهم دي ما هتصدق😂😂
روكا...بضحك بصي يا ستي بقي انا وريم وسما تقريبا كملنا حكايه بدر وسيلا اتعرفنا علي بعض زي ما بدر قال وسبحان الله تقريبا كل واحد لقي اللي شبهه ريم ويوسف مجانين زي بعض ومهيبرين سما ومهاب بيشتركوا في 3 حجات الهدوء والنوم والاكل.
ليل...بضحك مش بنقول ان ادم ومهاب شكل بعض النسخه دي عندنا احنا كمان ادم وزهره نفس الطبع علي فكره.
روكا...بضحك واضح زهره حسيتها هاديه وفيها من سما كتير.
نوني...وعشق بردو هاديه ماشاء الله عليها.
تمارا...مين دي 🙄 عشق مظنش
عشق...بضحك بس يارخمه.
روكا...عشق مش هاديه قد ما هي عاقله يعني من خبرتي المتواضعه حسيتها كده عاقله راسيه عقلها اكبر من سنها.
ليل...بحب ده حقيقي عشق عقلها سابق سنها بكتير ويمكن دي اكتر حاجه شدتني ليها.
ابتسمت عشق بأحراج وحبت تهرب من كلام ليل ونظراته
عشق...طيب وانتي يا روكا ايه المشترك بينك وبين عامر.
جاسر....الرخامه
ريم...بضحك قلت الادب😂😂😂
روكا....بضحك انا رخمه طب انت مضايق منه انا مالي
جاسر...بضحك مش وافقتي تتجوزيه
روكا...بضحك وانتي ياجزمه قلت ادب ايه🤔
عامر...بضحك سيبك منهم يا قلبي دي عالم حقوده.
نوني...بابتسامه بصوا انا من واقع خبرتي بقي هقولكم عامر وروكا بيشتركوا في ايه ومن وجهه نظري دي اهم نقطه اشتركوا فيها.
روكا...ايه يانوني.
نوني....انهم حبوا بعض زي ما هما كده بحسهم فاهمين الدنيا صح وعارفين يسايروها عامر وروكا بيشتركوا في اهم حاجه ممكن تريح الطرفين انهم مكبرين دماغهم بيستغلوا كل لحظه انهم يكونوا مع بعض ماسكين في بعض بجد كانهم روح واحده يمكن سيلا وبدر وريم ويوسف وسما ومهاب...فيهم صفات جميله تجمعهم يمكن بيحبوا بعض بجد
بس انا بالنسبالي روكا وعامر حاله خاصه في بينهم كده حب علي دلع علي جرأه بيعبوا عن حبهم لبعض في اي وقت وفي اي مكان.
يوسف...بضحك ويشهد عليهم مطبخك يا نوني
في اللحظه دي ضحك الشباب كلهم وحدف عامر يوسف بعلبه المناديل.
عامر...انت عيل مش مظبوط
دياب...بضحك العيب علي سياده العقيد😂😂😂
بدر...بضحك غفلونا والله
روكا...بضحك علي فكره بقي يا يوسف انت متربتش😂
عامر....قولتلك عالم حاقده🤨
ليل...بضحك انتوا مشكله والله😂😂
نوني...بضحك ابوه عالم حاقده وعاملين نفسهم مؤدبين وانا معلمه عليهم كلهم.
ادم...بضحك انا بقول نمشي ودي مشاكل عائليه 😂😂
نوني....بجد والله هما بيبعدوا عن المشاكل من الاخر بياخد ا كل حاجه بتفاهم يمكن عشان كده بحسهم مميزين.
روكا...حبيبتي يا نوني 🙈
دياب....شهاده حق بما اني اعرف روكا من زمان بعد اذنك طبعا يا عامر باشا😎
عامر...بأبتسامه اتفضل يا حبيبي وماله🙈🙈
دياب....روكا فعلا زي ما نوني قالت هو ده طبعها من زمان تحسوها كده عامله دماغ لا ليها في المشاكل ولا الزن ولا ليها في اي حاجه مكبره دماغها بتحب تكون مع ناس روحها حلوه وبجد هي من الناس اللي اتعرفت عليهم ورغم انها اصغر مني بس كانت شخصيتها بتعجبني جدا وقت ما تحتاجها تلاقيها وعمرها ماتتأخر عنك اي قاعده فيها ضحك تلاقيها موجوده اي قاعده فيها وجع دماغ تنسحب منها والحقيقه اني لما شوفت عامر بجد ودي شهاده حبيته و أستجدعته وحسيت كده انه في شبهه من الأسكندرانيه تقعد معاه مره تحس انك عارفه من سنين مكنتش اعرف انه واقع في أجدع اسكندرانيه
روكا....حبيبي يا دياب ربنا يخليك بجد دي شهاده في حقي وحق عامر ويمكن عامر فعلا زي ما قولت جدع وراجل وحد يعتمد عليه وبصتله بأبتسامه حب اصلا مينفعش حد يشوف عامر وميحبوش
جاسر...بصوت واطي مش اوي كده🙄
عامر...بأبتسامه رخم😎
روكا...لا والله بجد بعيداً عن الموقف اللي بينكم ده بس لما تعرف عامر هتحبه من قلبك
جاسر...🤨علي ضمانتك
روكا....علي ضمانتي
جاسر...خلاص افكر 🤨 وهختبره واديله فرصه🙄
عامر...برفعه حاجب ما تعملي كشف طبي احسن🤨
بدر...بضحك يخربيت قلت ادبك
😂😂
نوح...بضحك طب والله انا حبيته ده المفروض يشتغل معانا في الشركه عشان يروق جاسر😂😂😂😂😂🙈🙈
ليل...بضحك والله با نوح قولتها لبدر😂😂😂
جاسر...بضحك هز راسه والله لا اطلعه علي عينكم😎
روكا....دياب بجد شكرا علي كلامك الحلو ده وعايزه اقولك بجد ان سواء دي صدفه او مفجأه اني اشوفك وتطلع انت صاحب بدر فا انا مبسوطه بجد وكانت احلي صدفه.
دياب...والله العظيم وانا ياروكا اول ماشوفتك في ثواني افتكرت ذكريات كتير كأنه شريط.
روكا....طيب قولي بقي انا اخر مره سبت فيها اسكندريه مكنتش مرتبط ولا كنت بتفكر اصلا اتعرفت ازاي علي لمار وشوفتها فين.
بص دياب ولمار لبعض وفضل دياب ساكت مش عارف يقول ايه وخايف لو اتكلم لمار تزعل او تضايق او حتي تفتكر ايام مكانتش عايزه تفتكرها🥺
أبتسمت لمار بحب وحطت ايدها علي خد دياب بحب ورجعت بصت لروكا.
لمار....انا هحكيلكم ويمكن تكون اغرب حكايه ممكن تسمعوها بس عندكم وقت
روكا....طبعاً احكي
سيلا...بأبتسامه انتي هتحكي وبعدين هيجي الدور علي عشق والبنات.
بصت عشق والبنات لبعض وكل واحد فيهم بص للشباب
اما ليل فا اتحولت ملامحه لصدمه متقلش ويمكن تزيد عن صدمه دياب كان نفس احساس دياب
أبتسمت عشق لليل ومسكت ايده وبصت لسيلا.
عشق....خلي لمار تحكي وانا هحكيلك بنفسي حكايتنا انا والبنات وبيتهيألي ان حكايه لمار
عمرها ما هتكون اغرب من حكايتنا وبعيداً عن الوقت الكافي للحكايه أتمني يكون عندكم قدر كافي من استيعاب الحكايه دي وتصدقوها🙂
روكا...شوقتوني طب يلا احكي.
بصت نوني علي البنات بخبره ست شافت من الدنيا كتير.
وابتسمت ابتسامه بسيطه وحست ان اللي هتسمعه اكبر بكتير من مجرد حكايه🥺
