رواية دار الايتام الجزء الثالث (اللقاء المنتظر) الفصل الخامس عشر
مش ديما كل الحكايات تشبه بعض ولا ديماً أغرب حكايه بنسمعها بتكون أصعب حكايه
ممكن نقابلها لسه في حكايات
في حياتنا منعرفش عنها حاجه وطول ما احنا عايشين هنقابل حكايات ميصدقهاش عقل.👌
.........
روكا...يلا احكي يالمار.
مسك دياب ايد لمار اوي
نوني...بأبتسامه بقولكم ايه قبل ما تتكلمي يا لمار معلش هقطاعك.
لمار...لا ابدا يا نوني اتفضلي.
نوني... لو في حد مش حابب يحكي حاجه ميحكيهاش نصيحه مني اوعوا في يوم تقولوا حاجه وانتوا من جواكم مش حابين تحكوها عشان ميجيش عليكم وقت و تندموا.
لمار....بتنهيده طويله بالعكس يا نوني خالص والله يمكن لو القاعده دي حصلت من سنتين مكنتش قدرت احكي وكنت هفكر الف مره قبل ما اقول حاجه ويمكن كمان انا من الشخصيات اللي مش بحب اتكلم في حاجه تخصني غير مع اقرب حد ليا ويمكن دياب عارف عني كده
ويمكن كمان انا نص أجتماعيه بمعني اني اجتماعيه جدا مع الناس اللي اعرفهم مع صحابي لكن اي حد تاني او حد بعرفه لاول مره ببقي ساكته تماما بس صدقيني انا مليش في المجاملات خالص بس حقيقي انا مبسوطه جدا اني وسطكم ويمكن انا مستغربه نفسي اني بتكلم وبهزر وبضحك وعلي طبيعتي واللي مستغرباه اكتر اني معنديش مانع اني احكي.
نوني...بابتسامه واحنا هنسمع يالمار بس زي ماقولتلك اي وقت حابه توقفي احنا هنتفهم جدا يلا ياستي احكي. وشوفي بقي حابه تحكي من اول ما عرفتيه ولا من بعد الجواز
لمار....بابتسامه حكايتي مع دياب مكمله بعضها.
خدت نفس طويل اوي وبصتلهم ثواني وهي ساكته وبعدين بصت علي نافوره المايه كأنها بتسترجع ذكرياتها.
لمار....عشت عمري كله في شعبي في اسكندريه وحيده ماما وبابا مليش ولاد او بنات ويمكن ماما وبابا كانوا شبهي هو وحيد وهي وحيده كانوا كل حياتي الحي بتاعنا كل اللي فيه كانوا اهلنا وعزوتنا.. بابا كان حاله كويس جدا كان عنده مكتبه علي اول الشارع بس كانت مكفيه كل طلباتنا او بالاصح طلباتي انا بالاخص الحقيقه انه عمره ما خلاني محتاجه اي حاجه كل طلباتي كانت بتتنفذ عمره ما حرمني من اي حاجه حتي لو مطلبتش كان هو بيجيب لوحده شوفت معاه ايام جميله وذكريات عمرها ماتتنسي كل مناسبه تعدي علينا كان لازم يعملها احتفال كملت بضحكه سخريه لكن تحمل وجع العالم كله.كان بيتفنن ازاي يقدر يسعدني ويخليني مبسوطه كان بيشرف علي تعليمي بنفسه و علمني احسن تعليم لحد ما حققت حلمي ودخلت كليه هندسه.
كان بيقعد جمبي من غير ما يتحرك طول ما انا تعبانه بابا مكانش بالنسبالي مجرد أب عادي لا لا...ده كان روحي كان النفس اللي بتنفسه كان صاحبي قبل ما يكون ابويا كنت بغير عليه من ماما وعلي قد غيرتي كنت ببقي طايره وانا شيفاه بيحب ماما الحب ده كله بيتنا كان كله دفا وحب وطبعا اللي كانت محليه حياتي اكتر هي كارمن صاحبتي وصاحبت عمري كانت اختي كل يومها بتقضيه معايا من واحنا صغيرين مكناش بنسيب بعض حتي حلمنا كان واحد ودخلنا مع بعض نفس الكليه...والدها كان راجل قاسي بابا عشان كان بيحبني اوي كان بيحاول يعوض كارمن عن قساوة والدها وعشان بس يحس اني مبسوطه لما اشوفها مبسوطه كان بيعوضها عن أي تقصير مادي من والدها كان بيعوضها الحنان اللي افتقدته
من والدها كانت ديما تقولي ياريت بابا ربع حنيه عمو خالد
كانت بتتعامل معاه زي ما انا بتعامل معاه صاحب واخ واب حتي مناسبتنا كان بابا بيعمل حسابها هي كمان...كان راجل عظيم بجد كنت شايفه انه حد
نادر مش موجود في الدنيا دي
الكل كان بيسمعها بتركيز لكن حاسيين من تعابير وشها وشرودها وهي بتحكي ان قصتها فيها وجع مستغربين ليه بتحكي عن والدها و محكتش عن دياب.
لمار...بتأثر مليش اي ذكري معاه وحشه عمره ما زعلني عمره ماعاقبني او مد ايده عليا.
عشنا سنين كتير في نفس الجو الجميل ده لحد ما في يوم ماما تعبت ووقعت ولما جرينا بيها عرفنا انها جالها شلل كامل في جسمها نتيجه جلطه في البدايه استغربوا الدكاتره حالتها لانها مكانتش بتشتكي من اي حاجه
وشخصوها نفسي وقالوا انها ممكن تكون زعلت .وبالنسبالي دي كانت حاجه مستحيله محدش فينا عمره زعلها احنا طول الوقت الناس كانت بتحسدنا علي حبنا وقربنا من بعض.
قاطعتها روكا...لمار انا ليه حاسه انك هتقولي صاحبتك اتجوزت بباكي🙄
ابتسمت لمار لروكا...ياريت يا روكا طبعا محصلش كده كارمن دي كانت ومازالت اختي اللي امي مجبتهاش.. وبابا كان اعظم راجل في الدنيا كان شايل امي شيل في مرضها كنت بشوفه بيتقطع عشانها وفي نفس الوقت بيحاول يخرجها ويخرجني من الحاله اللي وصلنالها..بس مش كل حاجه بتكمل زي ما احنا متوقعين.
نوني....هو بباكي اتوفي يالمار.
بصتلها لمار بأبتسامه ورفعت وشها بهدوء. أتقتل.
بصولها كلهم بصدمه وسكتوا شويه.
سيلا....اتقتل ازاي ومين قتله.
لمار....بنبره قوه مع ضعف صوت قوي وصوت مهزوز ابتسامه مع دموع....انا اللي قتلته!!
صدمه اصابت الجميع وبدأوا يبصوا لبعض بدهشه وصدمه.
عشق...مستحيل؟!
لمار...بوجع لا دي حقيقه قتلته
ولو رجع بيا الزمن مش هتردد اني اعملها تاني.
نوني...ازاي وليه وازاي متحاكمتيش يعني انا اسفه.
سيلا...بحزن ايه اللي خلاكي عملتي كده.
لمار....اليوم اللي قتلته فيه هو نفس اليوم اللي اتعرفت فيه علي دياب هو اللي كان ماسك القضيه
كنت ساكته مش بتكلم خالص
ايام كتير في التحقيقات مش بتكلم ومكنتش ناويه اتكلم اصلا
حتي بعد ما اتحكم عليا بالاعدام.
يوسف...اعدام😳
ريم....اعدام ازاي.
لمار....ايوه اعدام كنت موافقه علي فكره ومكنتش معترضه ولا حتي حاولت ادافع عن نفسي.
الجيران والعزوه اللي كنت فكراهم اهلي كانوا سبب قوي اني متكلمش اصلا تخيلوا تعيشوا مع جيرانكم واهل الحته بتاعتكم وتعتبروهم اهل ويوم ما تقعي اول ناس ينهشوا فيكي يبقوا هما
يمكن انا كنت مقرره متكلمش بس يمكن كمان لو كنت لقيت حد ماسك فيا وبيحاول يمنعني ويدافع عني كنت ممكن افكر بس انا محدش وقف جمبي غير كارمن الوحيده اللي اقوالها كانت مختلفه عنهم هي ومامتها الوحيده اللي كانت بتموت قدامي وهي بتحاول تلاقي حل تطلعني ويمكن هي الوحيده اللي قدرت تخس بالسبب الحقيقي من قتلي لبابا بس كدبت نفسها..الدنيا اتقلبت وكل حاجه بسرعه اتغيرت ودوناً عن البشر كلهم طلعت شبه بنت جاسوسه مصريه اتقتلت واللي كانت بتشتغل معاهم معرفوش انها ماتت وقرروا يحطوني مكانها بما اني كده كده ميته مكانش قدامي اي حل غير اني اقبل واكمل مكانها عرفوا الناس ان الحكم اتنفذ وبعدها مشيت من السجن علي مكان اتدرب فيه و في يوم وليله اتحولت حياتي من هدوء وحب ودفئ لواحده مجرمه قتلت والدها وبعدين لواحده بتقوم بدور جاسوسه متخيلين في وقت قصير حياتكم تتقلب بالشكل ده.وكل ده امي في المستشفي من بعد الحادثه .
دياب دربني وبعد وقت سافرنا
وكأن القدر وداني هناك عشان اكتشف ان البنت دي اصلا مكانتش جاسوسه كانت مصريه قويه قدرت حتي بعد ما اتقتلت انها تسيب دليل يوقع كل اللي وراها..ورجعنا من إسرائيل تاني
وانا عارفه ان الحكم هيتنفذ مفيش بديل..
في الوقت ده دياب كان حبني وانا حبيته اكتر بكتير ماهو حبني كان بالنسبالي النور اللي ظاهر من بعيد وسط ضلمه محوطاني
كان بيترجاني اعترفله بالسبب لكن ده كان وعد بيني وبين امي مكانش حد يعرفه غيرها هي وبابا الله يرحمه..
قرر دياب يقول لماما اني عايشه وانه محتاج مساعدتها كان فقد الامل فيا لحد ما في يوم امي اتكلمت في اللحظه دي نزلت دموع لمار بغزاره..لاول مره كنت اتمني انها تفضل تعبانه كنت بدعي ارجع اسمع صوتها من تاني لكن بعد اللي حصل كنت بدعي يتنفذ الحكم قبل ما تنطق.
مسكها دياب من ايدها اوي وبايده التانيه بيمسح دموعها.
دياب....لمار كفايه عشان خاطري.
فضلت لما مكمله كلام كأنها مش سامعه اي حد
وبدأوا البنات تنزل دموعهم وهما لسه مش عارفين ايه اللي بيحصل.
لمار...وصلت امي واعترفت بكل حاجه مكنتش اتمني اي حد يعرفها....اعترفت ان الانسان اللي كان عندي بالدنيا كلها حاول يتحرش بيا
صدمه...اصابت الجميع😳
لمار ..اعترفت انه مش ابويا
😳😳😳😳
اعترفت ان اليوم اللي قتلته فيه كنت راجعه من الجامعه وسمعته بيتخانق معاها وهي قاعده عالكرسي لاحول لها ولا قوه وبيقولها انه استحملها كتير عشاني وانه مش قادر يبعد عني اكتر من كده وانه بيحبني سمعته بيقولها انه اتستر عليها واتجوزها وهي حامل فيا.
مكنتش شايفه قدامي ودخلت مصدومه ولما اتاكد اني سمعته خلاص حاول يعتدي عليا محستش بنفسي غير وانا بقتله
امي حبت بابا اللي مكنتش اعرفه ولما قرر يتجوزها جدي رفض حصل مشاكل كتير وتعبوا كتير عشان يقنعوه رفض لحد ما بابا قرر يسيب كل حاجه عشانها ويتجوزا ويحطوه قدام الامر الواقع اتقدم لماما هو واخوه ومراته ولما جدي عرف تعب وجاتله ذبحه وصمم انه يتجوز بنت عمه و يسيب امي و راح في يوم وهو غضبان عشان تحكمات جدي وهو مقرر يتجوز امي لكن امي حاولت تهديه وتقنعه انهم يستنوا عليه ويقنعوه تاني سمع كلامها وفي الوقت ده للاسف ضعفوا وغلطوا ..واتفق معاها علي يوم هيروح يتجوزها فيه لكن للاسف قدر جدي.يغصب علي بابا يتجوز بنت عمه وكتبوا الكتاب
وراح لماما قالها انه بردو مش هيسيبها وقرر ياخدها ويسافر ويسيب البلد واتفقوا علي معاد وبعدها عدت الايام وبابا مختفي كانت ماما حملت فيا ولما حست ان الدنيا اسودت في وشها كتبتلوا جواب وراحت سابتهوله مع البواب وللاسف وقع الجواب في ايد بنت عمه وراحت بعدها هددت ماما انها هتقول لوالدها و تفضحها او تجبلها عريس و تداري عليها
اضطرت توافق وخوفها كان سبب ضعفها وفعلا أتجوزت
والعريس ده كان هو الراجل اللي كان معيشنى في اكبر كدبه
بابا🥺 اللي اتفق مع بنت عم بابا الحقيقي علي اللعبه القذره دي
روكا...بحزن قدرتي توصلي لبباكي الحقيقي يا لمار.
لمار...بابتسامه حزينه.. دي كانت اخر صدمه في الحكايه..بابا طلع
عادل الدالي عم دياب
روكا..😱😱
صدمه اصابت الجميع
دياب...بابتسامه حزينه قرب راسها منه باسها بحب وهمسلها بهدوء
ممكن كفايه كده بقي
هزت لمار راسها بأبتسامه.
نوني...يعني انتي ودياب طلعتوا ولاد عم بجد.
لمار...ايوه ودي كانت صدمه ليا وانا بسمع اعتراف امي لاول مره في المحكمه..
سيلا...بدموع انتي قويه جدا علي فكره.
لمار....يمكن ربنا اداني القوه دي وقتها بس صدقيني.
ليل...بابتسامه بسيطه بالعكس هي معاها حق انتي فعلا قويه
بدر...بصدمه انا اول مره يا لمار اعرف حكايتك انتي ودياب صدقيني دياب عمره ما حكالي حاجه تخصكم .
لمار...بابتسامه مسحت دموعها عارفه يابدر لان دياب اصلا مكانش عايز حكايتي دي حد يعرفها خالص عشان مرجعش اتعب تاني بس انا بقيت احسن يمكن اه بتأثر لما افتكر بس صدقني دياب قدر يعوضني عن كل الوجع ده هو وكارمن وامي وابويا الحقيقي يمكن كنت بخاف بعد اللي حصل ده اثق في حد بس بردو قدرت اتخطي كل ده.
نوني....بحزن وجعتيني يا لمار وصدمتيني بجد ومعنديش اي كلام اقدر اقوله يعوضك لاني الحمد لله شيفاكي احسن واقوي اللي يمر باللي مريتي بيه ده ويفضل بالقوه والرضا ده كله فعلا قوي .
ابتسمت لمار متقلقيش انا فعلا كويسه جدا يمكن كانت تجربه قاسيه بس خرجت منها اقوي بكتير وشخصيتي مختلفه.
نوني....هو انا ممكن احضنك🤔
ضحكت لمار طبعا وقامت راحتلها حضنتها اوي ونزلت دموع البنات مع ابتسامتهم البسيطه.
رجعت لمار مكانها اسفه بجد لو ضابقتكم ونكدت عليكم مكنتش اقصد والله.
روكا...لا يا حبيبتي متقوليش كده المهم انك مرتاحه والاهم انك فوقتي من كدبه زي ما قولتي.
لمار....معاكي حق فعلا..وبصت لعشق بابتسامه...ايه يا عشق لسه عند كلامك ان حكايتك اغرب
عشق...بابتسامه بسيطه مسحت دموعها يمكن يالمار التجربه اللي عشتيها دي صعبه اوي ويمكن كمان لو حد فينا او انا شخصيا كنت مكانك مكناش قدرنا عليها
كل واحد فينا بيعيش تجربه قاسيه بيبقي حاسس انه وجعه كبير وغيره يستهون بيه مش معني كده ان حكايتك نقدر تستهون بيها بالعكس هي فعلا تجربه صعبه اوي...بس صدقيني
يمكن لو سمعتي تجربتي او تجربتنا عموما انا والبنات تقولي اللي يسمع بلاوي الناس تهون عليه بلوته...زي ما انت سمعت حمايتك وحاولت اهون علي نفسي حكايتي.
نوني....بقول ايه انتي حكايتك تزعل كده انتي كمان احنا قولنا اتعرفتوا ازاي 🤔
عشق...بابتسامه يمكن لمار شبهنا شويه معرفتها بشريك حياتها جزء كبير من حكايتها زي ما احنا كده حكايت كل واحده فينا كانت جزء كبير من شريك حياتنا.
روكا....بحزن طيب احكي عشان اعيط مره واحده🥺 مش هفضل اعيط كل شويه انا.
ضحكت عشق بهدوء وبصت لدياب.
عشق...انا حكايتي انا والبنات بدأت بحلم
يمكن طول الوقت الاحلام كانت جزء كبير من حياتي
اول حلم فيهم حلمته اني اصحي من كابوس عايشين فيه وهو اننا نطلع من الدار.
استغرب الجميع 🤨
نوني....دار تقصدي البيت يعني.
عشق....بثقه كبيره في النفس.
لا دار الايتام اللي عشت واتربيت فيها انا وتمارا وزهره كبرنا فيها واتربينا فيها اختلفنا في الطباع لكن اتفقنا في حاجه واحده بس
اننا محدش فينا يعرف مين اهله.
بصولها بصدمه هي والبنات اللي كانت ملامحهم هاديه ومبتسمين
وكأنهم مش فارق معاهم خالص.
وبدات عشق تحكي حكايتها هي والبنات 👌
مشاعر كتير عاشها الجميع بين صدمات وتأثر ودموع وحزن وغضب و أستغراب ودهشه.
حاله غريبه أتملكت منهم كلهم
وهما سامعين عشق بتحكي حكايتهم الغريبه من بدايه ما طلعوا من الدار لحد ما اتجوزوا
عشق...بصتلهم بأبتسامه رضا
هي دي حكايتنا ابتدت بحلم وانتهت بتحقيق حلم اما اللي وسط الحكايه من صعوبات وتعب ووجع دي كانت ضريبه للراحه اللي ربنا كاتبها بعد كده وبعد ماكان خروجي من الدار حلم رجعتله تاني لكن وانا صاحبه الدار اللي عشت فيه رجعت بحلم جديد مقرره اني احققه مع كل بنت فيه مقرره وعارفه ان ربنا عمره ما هيخذلني اني اقدر اطلع 200 بنت زوجات وامهات صالحين حلمي اشوفهم متخرجين من اكبر الجامعات و معاهم شهادات تشرف...والاهم اني اعرف الناس كلها ان الايتام عمرهم ماكانوا وصمه عار و انهم بني ادمين ليهم حقوق و ليهم مكان في الدنيا نفسي الناس تتقبلهم يمكن احنا كان ربنا لطيف بينا وكرمه علينا كان كبير لما رزقنا بأزواج صالحين متفهمين كانوا ضهر وسند لينا بجد. اتمني الناس كلها تكون كده محدش فينا يحكم علي حد منجرحش في بعض حتي علي سبيل الهزار منقللش من إبتلاء حد لان محدش فينا اختار حياته احنا جينا الدنيا لقينا في حجات بتتفرض علينا ملناش ذنب فيها حاولنا علي قد ما نقدر نكون افضل نكون احسن عشان الناس تتقبلنا لما نخرج ويحسوا اننا حد كويس فا مينفعش انا وغيري من البنات نبذل مجهود كبير عشان نكون أفضل والناس توجعنا بحاجه احنا مخترنهاش وأتفرضت علينا.. يمكن زمان لما
لما كانت مديره الدار توجعنا وتجرحنا بالكلام وخاصتاً كلمه بنت حرام كنت بتوجع اوي كنت ببقي اصرخ كان وقتها الشيطان يقولي موتيها اخلصي منها ومن لسانها حقك دي بتجرحك كنت بضغط علي نفسي اوي وبسرعه ألجأ لربنا اصلي واستغفر وأقرأ قرآن لحد ما أحس اني هديت وبقيت أفضل بس صدقوني ضغطي علي نفسي اني اتحمل لسانها هي وغيرها كان أحساسه مميت بس قدرت لحد ما بقي كلام الناس ميفرقش معايا بالعكس بقيت أشفق علي الناي اللي بتتنمر والناس اللي لسانها سليط و أدعيلهم بالهدايه بقيت احسن من نفسي عشان اثبت اني افضل من اي حد وجعني وحسسني انه افضل مني. قبل ما نتجوز ليل والشباب كانوا عايزنا منتكلمش في الموضوع ده خالص مع اي حد ولا حد يعرفه مش عشان هما محرجين مننا خالص بالعكس بس ليل بالاخص كان عايز يحسسنا ان دي صفحه واتقفل عليها ونبدأ حياتنا من جديد عشان محدش يضايقنا.
لكن انا اعترضت وكان شرطي الوحيد انا والبنات ان حكايتنا الناس كلها تعرفها وكمان نفتخر بنفسنا احنا ملناش ذنب في اللي حصلنا عشان نخبي ونداري حكايتنا او انتكسف منها بالعكس انا شايفه اننا أفضل من غيرنا شايفه ان حكايتنا لازم تكون درس للناس عشان يقدروا يتعاملوا بطريقه كويسه مع الايتام وميحسسوهمش انهم مذنبين درس لاي راجل او ست الشيطان يغلبهم ويبقوا عارفين ان مصير الطفل هيبقي زينا...ودرس اكبر واهم للبنات والولاد اللي زينا.
انهم يتعلموا ويقربوا من ربنا ميعترضوش علي حياتهم اللي ربنا اختارها ولا يبقوا مثال سئ ويقولوا مش ذنبنا العيب في أهلنا
في ايدهم يبقوا احسن من الاهل اللي غلطوا ورموا في ايدهم يبقوا احسن من اي حد في الدنيا يتعلموا ويطبروا ويشتغلوا يحلموا ويحققوا الحلم في ايدهم يبقوا حد محترم.. وفعلا قدر ليل وجاسر وادم يتقبلوا وجهه نظرنا ووافقوا اتكلمت في حكايتنا في كذا ندوه وقدرت اوصل رسالتي ولسه هوصلها يمكن مرينا بصعب كتير بس ربنا كفئنا في النهايه اتعلمنا احسن تعليم واتجوزنا رجال اعمال ورزقنا ربنا بذريته الصالحه..بيتهيألي مفيش طبطبه بعد كده..
نوني...بفخر ودموع صقفت بأيدها بحب...براڤو يا عشق براڤوا ياتمارا براڤو يانور عشان كنتي ليهم ونعم الاخت وبباكي الله يرحمه كان راجل عظيم انا فخوره بيكم اوي فوق ما تتخيلوا انتوا شرف لكل بنات مصر حقيقي ده مش تعاطف اللي بقوتكم و احترامكم مينفعش حد يتعاطف معاه بالعكس ده انتوا مثال لكل حاجه حلوه.
ابتسموا البنات بحب.
لمار....بدموع عارفه يا عشق يمكن انا ليا نصيب اشوفك انهارده انتي والبنات عشان ربنا يوصلي رساله عن طريقكم ويأكدلي اللي انتي قولتيه اني اشوف حكايتي اللي كنت فكراها كبيره عليا بالنسبالكم قد كده و يحسسني اني لازم انسي واكمل واكون اقوي و مزعلش علي اي حاجه حصلتلي.
ريم...بدموع لمار معاها حق تصدقوا اني اول مره احس اني مكسوفه من نفسي اوي طول الوقت حاسه ان جوايا حاجه مكسوره من اهلي اللي بحسهم بعيد عني طول الوقت شيفاهم كل همهم ازاي يوفرولنا الفلوس اللي تعيشنا صح ورغم حبهم الكبير لينا إلا اني كنت شايفه انهم مقصرين جيتي انتي انهارده ياعشق اديتي قلم فوقني من غير ما احس واعرف ان انا كنت مكبره الحكايه اوي ومصعباها علي نفسي هو انا ممكن أحضنكم.
عشق...بحب طبعا🥺🥺
مشاعر كتير متلغبطه ومتخبطه كل واحد فيهم كان حاسسها
جوه كل واحد فيهم كان بيردد الحمد لله علي ابتلاءك يارب
وبدأوا يلوموا نفسهم علي لحظات الاعتراض اللي عاشوها.
رجعوا كلهم تاني قعدوا مع بعض
عامر...بابتسامه بعيداً بقي عن كل المشاعر اللي فاتت دي بس انا بجد مبسوط وفخور بيكم وبعيدا عنكم انا يمكن فخور بالشباب اكتر
يمكن انتوا نموذج راضي جدا وده صعب نلاقيه الوقت لكن الشباب نموذج يشرف فعلا ويأكد ان في ناس لسه راقيه متفهمين ومش بيحكموا علي اي حد علي ذنب ملهمش فيه.
تمارا...عندك حق وهما كانوا فعلا كده.
جاسر...ليل وادم وجاسر ودياب ونوح كمان بجد انا اتشرفت بيكم جدا.
بدر....بابتسامه حزن وانا كمان وبجد مش لاقي كلمه اقولها.
جاسر...بابتسامه بعيداً بقي عن كل اللي حصل ده انا مش مصدق نفسي انت بتشكر فيا🤨
عامر...بابتسامه ده حقك ياجاسر انت راجل جدع وانا بحب الرجاله الجدعه
مهاب....بضحك طيب مش كنتوا تحكوا يابنات حكايتكم من بدري عشان نعلن التصالح ده😂😂
عشق...بضحكه بسيطه الحمد لله تم التصالح علي ايدنا.
زهره...عشان تعرفوا ان الستات ديماً هي اللي بتبدأ الخير😂
نوني...بقولكم ايه احنا عيطنا كتير غيروا بقي الموضوع وقولولنا بتشتغلوا ايه.
عشق...انا عن نفسي الدار طبعا شغلي الاساسي وبشتغل انا والبنات مع ليل والشباب في الشركه. وبحضر ماچيستير كمان
نوني...ماشاء الله ماچيستير ايه.
ليل...بابتسامه عشق دكتوره قد الدنيا.
ريم...ايه ده الله بجد طيب ما تشوفيلي حاجه لكريم والمرض الغريب اللي عنده ده.
عشق...بضحك لا مش تخصصي خالص انا مش دكتوره بشريه حضرتك.
يوسف...بضحك صابت الهدف😂
عشق...انا دكتوره بيطريه والمفروض ان الماچيستر اللي بعمله ده عشان اتخصص.
روكا...تتخصصي في ايه هو مش الدكتور البيطري ده ملهوش تخصص ولا انا فاهمه غلط.🙄
عشق...لا طبعا الدكتور البيطري ليه تخصص زي الدكتور البشري بالظبط. احنا عندنا 19 قسم
بدر...ده بجد انا كنت فاكر كده زي روكا بصراحه
عشق...لا ليه تخص يعني مثلا
قسم تشريح واجنه قسم كيمياء حيوية قسم ادويه قسم طفيليات
قسم الطب الشرعي والسموم قسم دواجن قسم اسماك
قسم الرقابه الصحيه اللي هما بينزلوا يراقبوا المجازر ومحلات الكل والحجات اللي شبه كده
يوسف...ايه ده هما دول بيبقوا دماتره بيطرين😳
عشق...بابتسامه ابوه طبعا.
يوسف...والله ولا اعرف انا كنت فاكرهم بينزلوا عشان يطمنوا علينا😂😂
جاسر...بضحك ليه وانت كنت العجل اللي متعلق😂😂
عشق...بضحك لا هما بينزلوا عشان يطمنوا ان المنتجات دي صالحه.
روكا...بضحك العلم نور بردو انا كنت فاكره الموضوع اسهل من كده
عشق...بالعكس خالص هو معقد
نوني...طيب ليه اختارتي الطب البيطري يا عشق.
عشق...ابدا انا بصراحه كان حلمي اني ادخل طب قسم اطفال بس للاسف المجموع كان اقل شويه فا قررت اختار البطري بالنسبالي الاطفال والحيوانات مش هقول واحد بس هما ميقدروش يشتكوا وجعهم فا كان حلمي ادرس حاجه ليها علاقه بيهم واقدر اساعدهم بس محصلش نصيب فاختارت البيطري
سيلا...طيب انتي ناويه تتخصصي ايه بقي.
عشق...انا ناويه اتخصص طب حيوان وده خاص بامراض الباطنه يعني اقدر اكشف علي اي حيوان واعرف بيعاني من ايه وبصراحه
انا كنت حابه قسم التوليد والتناسل والتلقيح الاصطناعي لاني حضرت حالات ولاده كتير وحبيت الموضوع وكنت لاول مره اولد بنفسي كانت عشق فرسه مهره بتاعت ليل ودي كانت بدايه معرفتي بيه تقرييا كان فاكر اني مش هقدر وعرفت.
يوسف...ايه ده الله انت عندك خيل.
ليل....عندي مهره وعشق اللي اتولدت علي ايد عشق ومؤخرا من يومين تقريبا عشق هادتني باحلي مزرعه ده كان حلمي بجد وكمان انضملهم اصيل.
روكا...ايه ده الله بجد 😍🙈
عامر ..بضحك مش قولتلك روكا هتتبسط.
روكا...اوي بجد انت عارف انا كنت ركيبه وكان حلمي اجيب حصان بس بابي رفض رفض تام هو مش بيحب الحيوانات ابدا وعنده فوبيا منهم بس كان بيخليني اركبهم عادي وادربت فروسيه شويه وقعدت ومركبتش بقالي سنين
عامر...بس انا وديتك نزله السمان قبل كده تنكري🤨
روكا...لا روحت فعلا بس الخيول هناك مش اوي.
ليل...خلاص يا ستي انا اصلا كنت ناوي نخلي القاعده دي في المزرعه بس ليل قال المرادي عندي شوفوا جاهزين امته ونروح نقضي اليوم هناك
نوح...حلو ده ونشوي ونعمل احلي قاعده.
روكا....الله انا موافقه اوي.
ليل...طيب ايه رأيكم الجمعه.
روكا...طيب بلاش الجمعه دي خصوصا اني عندي مناسبه مهمه قبلها بيوم واتمني تكونوا كلكم موجودين معايا من غير اي اعذار
ليل...خميس🤨🤨 ده شغل
دياب....مناسبه ايه يا مصيبه وامته بالظبط انا هنزل شغل من يوم الاحد مش هعرف اخد اجازه
روكا...لا بقولكم ايه انا اروح فيكم في داهيه🤨🤨
ضحكوا كلهم.
جاسر...عنيفه اوي😂😂😂
روكا...بقول ايه ده عرض ازياء خاص بيا في فندق الشيراتون وهيكون الساعه 9 بليل يعني هتكونوا خلصتوا
تمارا...الله انا عمري ما حضرت عرض ازياء.
نور...وانا كمان بس المشكله انك اكيد مش عامله حاجه للمحجبات
روكا...مين قال كده هي دي المفجأه في الحقيقه دي اول تجربه ليا واتمني انها تنجح وقدرت اعمل 6 تصاميم.تعالوا بقي
سيلا...هيجوا طبعا دي عايزه كلام
بدر...بس سيلا حكمت ولازم تنفذوا 😉
ليل....خلاص احنا هنيجي ان شاء الله تسعه معاد كويس بس بردو مفيش مشكله اننا نقضي اليوم في المزرعه روم الجمعه
نوني...انا معنديش مانع ولا انا مش معزومه🤔
ليل...ياخبر ده انتي قبليهم كلهم هما يقدروا يجوا من غيرك اصلا
وكمان هتكون والدتي و والدت جاسر موجودين هما مش مش بيخرجوا كتير يعني يغيروا جو واهو بالمره تتعرفوا غلي بعض انا واثق انك هتحبيهم وهما هيحبوكي جدا.
نوني...ياحبيبي ده شرف ليا طبعا وبعدين انتوا ليه مجبتوهمش
ليل....والله انا لو اعرف اننا هنكون مبسوطين بالشكل ده مكنتش اترددت ابدا بس هي قاعده مع الولاد في البيت.
جاسر...وانا كمان والله والدتي في البيت مع بنتي .
نوني...انتوا عندكم ولاد صحيح؟
ليل...انا عندي سليم
نوني...ياحبيبي ربنا يبارك فيه.
نوح...وانا تاليا.
نوني...ماشاء الله.
جاسر...وانا تيا
زهره...واحنا تولين.
ريم...ايه ده الاسامي شبه بعض حلوين اوي.
سما...عشق مسمتيش ليه بحرف التاء زيهم.
عشق...بابتسامه ماهو مفيش قدامي غير تامر وانا بصراحه مش بحب الاسم ده😂😂
نوح....ليل كان هيبقي ابو تامر
😂😂
ليل...بضحك اتلم🤨
بدر...ربنا يخلي ويبارك يارب.
نوني....عشان تغير الموضوع بسرعه خصوصا لما لمحت الحزن في وش روكا وسيلا.
بقول ايه تعالي يا سيلا انتي وسما معايا نعمل قهوه ونسكافيه ونجيب التورتايه ده في حتت تورتايه جوه شكلها يجنن مين اللي جابها.
جاسر...بأبتسامه تسلم ايدي مش كده😂😂
عامر...😏😏اللي يشوف كده يقول هو اللي عملها.
جاسر...اعوذ بالله برميل رخامه
عشق...بضحك انتوا مش اتصالحتوا
عامر....لا انا غيرت رأيي
جاسر..وانا كمان😒😒
قامت نوني وسيلا وسما
روكا...بابتسامه بسيطه عشق ممكن طلب.
عشق...طبعا اتفضلي.
روكا...هو انا يعني ممكن اجي يوم اشوف الدار والبنات ولا ممنوع
عشق...بسعاده طبعا ده انتي تنوري نشوف يوم مناسب ليكي انتي والبنات واخدكم تتعرفوا عليهم وتقعدوا معاهم
روكا...بسعاده بجد.
عشق...طبعا بجد❣️
بص عامر علي روكا بحزن واول ما بصتله أبتسملها ومسك ايدها😉
ثواني وقام جاسر دخل الحمام
قامت روكا قعدت جمب دياب
وكل واحد كان ماسك التاني بيتكلموا في حاجه مختلفه.
روكا...بأبتسامه مبسوطه اني شوفتك يا دياب والله
دياب...مش اكتر مني والله يا روكا انا اتفاجئت
روكا....حبيبي يا دياب والله
دياب....مبسوط كمان انك اتجوزتي راجل بجد امسكي فيه يا روكا اكتر حاجه فرحتني انك مبقتيش مع مازن انتي كنتي عارفه رأيي فيه.
روكا...بابتسامه عامر ده غالي عندي اوي و اطمن مازن خرج بره حساباتي من زمان اوي
دياب....طمنيني علاقتك عامله ايه بهشام باشا انا بقالي كتير اوي مشوفتهوش ومن يوم ما انتي جيتي علي القاهره تقرييا مبقتش اشوفه كتير اه بكلمه كل فتره واوقات كنت بعدي عليه في شغله اسلم عليه وامشي ومكنتش بسأل عليكي بصراحه لاني كنت عارف الحوار مكنتش بحي اضايقه وانتي كنتي مغيره رقمك حتي لمحت مازن مرتين تلاته بس لا كلمته ولا سألته.
روكا....انا وبابي علاقتنا رجعت احسن من الاول يمكن عامر كان ليه فضل كبير في ان كل حاجه ترجع زي الاول وقدر يرجعنا من تاني لبعض.
دياب....مش بقولك انه غير مازن خالص
روكا...بحب مفيش مقارنه بينهم يا دياب انا اول مره في حياتي احس اني اختارت صح
دياب...بسعاده انا مبسوط اني بسمع منك الكلام ده.
قربت منهم لمار بطفوله بتتملمو في ايه😎
حط لمار ايده علي كتفها بابتسامه
روكا...بسعاده بيوصيني علي عامر وانا كمان عايزه اوصيه عليكي
لمار...بحب من غير ما تقولي دياب ميتوصاش.
روكا....عرفت تختار ياديبو كنت فكراك طيب وقعت علي بطل😉
دياب...بضحك يابت بطلي قلت ادب.
روكا...بضحك طب والله بطل صح ولا لا يالمار.
لمار...بضحك ايوه انا بطل عندك اعتراض🤔
دياب...بضحك الله يخربيت عقلك كانت بعقلها🙈🙈
روكا....بضحك ربنا يسعدكم ويخليكم لبعض بقول ايه هطين عيشتك لو مجتش يوم الخميس
لمار...انا عن نفسي لو مجاش هاجي واسيبه
دياب...علي اساس انك هتعرفي تروحي من غيري ده انتي تتوهي
روكا...مين ده ليه مورهاش روكا ولا ايه🤨 انتوا فاكرين اننا منعرفش نعمل حاجه من غيركم
لمار...قوليلوا احسن فاكرني عبيطه
دياب...انا 🤨
روكا...وانبي ما في اعبط منهم احنا بنسد في اي حاجه وعموما انا اجيبلها عربيه بسواق لحد عندها
دياب...اطلع منها يعني
لمار...وروكا...اااه
دياب...بضحك😂😂🙈 قال وانا اللي كنت خايف عليكي انا اروح ادور علي حد يخاف عليا
روكا...بضحك لا ياحبيبي احنا ميتخافش علينا
دياب...عموما ياستي متقلقيش هنيجي ان شاء الله متقلقيش
روكا...خلاص هستناكوا.
خرجت نوني والبنات وانضم اوليهم من تاني قضوا وقت جميل مع بعض وبعد وقت طويل
سمعوا آذان الفجر.
ليل...بصدمه ايه ده هو ده الفجر
عشق...بصت في ساعتها ايوه 🙈
دياب...ياخبر ابيض احنا قعدنا كل ده
نوني....فين كل ده بس
جاسر...الوقت جري بجد محسناش بيه
ادم...بضحك غريبه انا محستش اني عايز انام.
نوح...بضحك ايوه فعلا انت لسه صاحي😂😂
ليل....الوقت بجد جري معاكم
بدر...والله كان وقت جميل.
قام الكل وبداوا يسلموا علي بعض.
ليل....بسعاده بدر مش عارف اقولك ايه بجد علي استقبالكم واستقبال نوني وبجد يا نوني انا يمكن عندي ام جميله بس انا بردو بحسد بدر عليكي
عشق...دي حقيقه نوني دي جميله.
نوني...ياحبايبي ربنا يحفظكم بجد اليوم كان حلو بيكم اوي واتمني يتكرر
دياب...متقلقيش يا نوني انا عن نفسي هكرره انا والغلبانه دي ملناش غيركم هنا يعني هنقرفكم😂😂😂😂
نوني...ده انتوا هتوروني والله
روكا...متنسوش الخميس معايا
ليل...والجمعه في المزرعه.
دياب...وادعولي انجز الاسبوع ده انا ولمار في الڤيلا و العزومه اللي جايه هتكون في بيتنا.
نوني...ايوه الحقوا كده كام عزومه قبل رمضان كل سنه وانتوا طيبين
الجميع وانتي طيبه يا نوني.
عشق...متنسيش يا روكا هنحدد يوم احنا والبنات ونزور الدار ارقامنا معاكم.
ريم...هنعمل جروب علي الواتس.
نوح...احيه يبقي هيتفقوا علينا
روكا...بضحك طبعا دي عايزه كلام😂😂😂😂
نوني....هتزوروا الدار
عشق...ايوه ولازم تيجي معاهم
نوني...ان شاء الله يا حبايبي.
روكا....هستناكم يوم الخميس.
الجميع..ان شاء الله
سلموا علي بعض وبعد وقت بسيط كان الكل مشي.
وفي انتظار يوم العرض ويوم المزرعه❣️
