رواية خيط الدم الفصل الخامس عشر بقلم زينب طالب
مَحد يحتَرك گلبه علِيه
ويمَد إيده ويطفِي النَّار بيه
إذا الي بيتِي ضِدي شحَال جَاري
يَلم فُوگي الحَطب ويزيد نَاري
..........
جوري...
_أرتعب گلبي من سمعت الشرطة بالباب
صارت تجيني تخيلات تخووف اكره الشرطة
والمراكز والسجن احس حيلي يروح من اسمع
بيهم شحال لو اشوفهم واحجي وياهم
_بقيت ساكتة وأباوعلة تقربت مني شفق
خايفة لزمت ايدي وتحچي وياي
شفق :: جوري شبيچ وجهج صار اصفر
عززة صارم اختي مدري شبيهاا تعال حباب
_اجاني والخوف بعيونة گنبص گبالي ويحچي
يحاول يهدي بيةة
صارم :: جوري جوري تسمعيني شبيچ هيچ
خفتِ مجرد شغلة روتينة حتى يدونون اقوالچ
وتثبت عليهم التهمة اكثر اني ويااچ مااعوفچ
اخذچ بيدي وارجعج قوي گلبي خيتي
_حچيت وشفتي ترجف خاف انسجن
صارم :: ليش شنو سويتِ حتى تنسجنين
لاتصيرين جبانة گومي يلة غيري هدومچ
شفق گوميها واطيهاا شوية من عرامتچ
اختچ نعجةة خايفة
شفق :: كلما اريد الزم لساني عنك تحچيني
شفتِ بيبي وتگولين رجلج خطية عاملي
زين
جمارة :: ولچ يمةة گومي اختچ عوفي الدهرة
هسةةة شجاكم
_سحبتني من ايدي دخلت للغرفة شوية ورجعت.بيدهاا ملابس خلتهن بيدي
شفق :: هااچ ذني مني لبسيهن هدومچ
لتطلعين بيهم غسلتهم لبسي ذني لبين
مااشتريلچ يلة جوري الناس بالباب لا تفهين
شبيچ صايرة كلشش غيرر صارم وياچ لاتخافين
ولچ شغلة نص ساعة وترجعين تحرركي
_اخذتهن منهاا وهية طلعت بدلت واني
بالگوة اتحرك حيلي باد من سمعتت بيهم
مشطت شعري وضفرتة وطلعت لگيت
صارم مبدل هم اجة يمي
صارم :: يلة همي رووحچ وقويهاا
_طلعت بعدما سمعت التشيع من بيبي وشفق
لگيت اثنين ضباط واحد بالسيارة يسووق
واحد واگف قريب الباب يدخن من شافني ذب
الجگارة وبقى صافن بوجهي دنگت راسي
خايفة حچة صارم
صارم :: سيدي ماكان الة داعي تجي بنفسك
چان دزيت اي احد واني اجيبهاا واجي
_يحچي وياه وعينة مني
اكرام :: ماكو فرق
_سحبني صارم من ايدي خلاني وراه
وحچة ضايج من نضراتة
صارم :: انتو توكلوا احنة نلحگكم بتكسي
مترهم تصعد بالسيارة
اكرام :: ماالة داعي التكسي صعدوا ويانة
_ضلوا يتجادلون اخر شي استسلم صارم
من ملحتة وصعدنة وياهم
_الطريق كلة محد يحچي ادية بحضني
افرك بيهن من التوتر كلما ارفع عيني الگاه
يباوعلي بالمراية وارجع ادنگ هذا شبيه هيچ
يباوع شككني بنفسي
_تقرب صارم حچة بأذني
صارم :: عيونچ لاترفعيهاا لأن راح ارتكتب
بيه جريمة ابن السطل
_دنگت حيل خايفة رگبتي نكسرت نزلت من
السيارة من شفت المركز والشرطة برة بطني
مغصت لاارادياً لزمت تشيرت صارم من ورة.
ندار علية يطمني بنضراتة
_عيوني صارت على الضابط يباوع لأيدي
ويخزرني يربي شبيه هذاا شيعدي هاليوم
على خير
_مشينة وراه بعدما وصفلنة المكان وصلنة
يم غرفة ندار علينة وحچة
اكرام :: بس هية تدخل
_حچة هيچ ودخل باوعت لصارم خايفة
لاعفية تعال وياي اخااف وحدي
صارم :: ميصير جوري بس يسألچ كم سؤال
وتطلعين يلة فوتي واني
واگف هناا مااتحرك من مكاني
_ما ما معليةة تعال وياي عفيةة عض
على اصابعةة طالعة روحةة
صارم :: اللهم طولچ ياروح احترگت امچ
على هاي الخلفة هي تخلف واني ابتلي
امشي فوتي لا اسمطچ براجدي اطيرر
معاني وجهح يلة لچ
_عززة هاي شبيك انتَ هم تعصب عبالي
حباب
صارم :: هو ليشوفچن يضل عقل براسة
هو اني طگة ونص وشفت اختچ مابقت.
الية ولاشوية فوووتي خلصيني
_رايحة رايحة لاتعصب بس اذا صيح
علية اغلط عليه واجيك
صارم :: اي عفية حتى ننحبس سوية
شلون يونس الحبس اسأليني اني امشيي
ولللي
_بسطية الا اگل لشفق عليك اني الك عفتة
ودگيت الباب صاح ادخل دخلت أشرلي اسد
الباب سديتة وبقيت واگفة يمة حتى اي
شي يسوي اطگهاا ركضة حجة هو
اكرام :: راح تبقين واگفةة تعالي هناا
_لاسيدي خليني هناا
اكرام :: گلت تعالي هناا لاتأخريني
_رحت گعدت بالكرسي مقابية ذب القلم
وشبگ اديه بعضهم وباوع بوجهي
وگال
اكرام :: يلة جوري سولفي
_شسولف سيدي
اكرام :: سولفي من يوم لتزوجتي الى يوم
صارت الحادثة مااريد تنسين شي مفهووم؟
_باوعت علية وقويت نفسي وبديت
احچي سولف الة كلشي ماخليت شي
ماحچيتة من سوالف غصون لأخوهاا
لرافد احجي وابچي وهوو مركز وياي
_سيدي حتى مرة هية گلتلي كتلت بنية
لأن حبهاا رجلها وراد يزوجهاا خلت اخوها
يغتصيهاا وكتلوهاا، من حچيت هيچ بسرعة
سحب الدفتر وصار يكتب بيه
اكرام :: شنو من بشر ذولي عصاابة، زين
متعرفين منو البنية اسمهاا او اي شي
_لامااعرف مرة ذكرت اسمهاا بس نسيتة
سألوهاا هيةة تجابكم
اكرام :: بعد شنوو عندچ احچي
_نزلت دمعتي بعد اكو اكثر من هيچ!؟
مااعتقد سيدي والله أذوني حيل لليوم
اني اعاني من مخلفاتهم حتى طبيب نفسي
رحت في سبيل ارجع طبيعةة وتحسنت بس
ابقى كلما اذكر خستهم تلعب نفسي،
سحب كلنسة قدمهاا الية اخذتها مسحت دموعي
عيونة چانت تباوع بوجهي بقهرر حچة
وعينة بعيني
اكرام :: مسحي دموعچ ولاتبچين همة لخسروا
وحقج يوصل لعندچ ماارتاح اذا مااوصلهم بيدي
بحبل المشنقة وعينچ تشووف
_شكراً سيدي شكراً
اكرام :: بس اريد منچ تسامحيني
_ليش شمسوي انتَ
اكرام :: متتذكريني
_لا بس وجهك مو غريب احس شايفتك
قبل
امرام :: نفسي الرجعتچ بيدي الهم بيوم
لشردتي منهم
_ركزت زين اي والله هو هذا ليگلي هذا
شعرچ لو باروكة ورجعني لبيت رافد
حچيت بس ان ممحملتك ذنب حتى اسامحك
انتَ سويت واجبك تجاهي قابل تعرف بيهم
هيچ حيسوون وياي
اكرام :: يعني مسامحتني؟
_اي مسامحتك بس اريد منك تاخذ حقي منهم
بلكت يبردد گلبي وتطفى نارة
اكرام :: وداعة الرصعات ذني حقچ يوصل لعندچ
_دنگت راسي يااا هذا يتغزل والله ضابط كيوت
شوو برة عصبي وهناا حباب رفعت راسي
لگيتة صافن بيبة حچيت مستحية هسة
شنوو سيدي ارووح؟
اكرام :: والله الگعدة ويااچ حلوة
_هااا؟
اكرام :: احححم اي اي روحي هذا هوو
الله ويااچ
_طلعت بسرعة مبتسمة مدري شبية وسديت
الباب ففزني صووتة
صارم :: ضحكينة ويااچ حجية
_هاا مجاي اضحك ترة
صارم :: اي زعطوط گدامچ دخلتي الخلقة
تلطم طلعتي الوجه مورد شسوالچ لچ
_ياا هاي شبيك صارم وجهي احمر من البچي
غير چنت اسولف الةة الصار وياي
صارم :: علساس هو ميعرف سودة علية
بس هاي حجة لااكثر ولااقل وين اكو
ضابط يجي للبيت ويگول لوسمحتوا
جيبو جوري ناخذ اقوالهاا ابن النغل
_لسانك يمعودد امشي نروح شنو حلتلك
الوگفة هناا
صارم :: لاخاف انتِ تحبين تبقين
_لاشعندي اني عفتة ورحت وهو يخزر بية
صدگ مسودن هذا ماجذبت شفق رجعنة للبيت
بتكسي تلگتني شفق حضتني تسأل
شفق :: جوري حبيبتي خوما سوولچ شي
أذووچ احچي لاتسكتين
_بهالأثناء دخل هوو گال
صارم :: لاتخافين عليهاا شوفي الوجه
مورد مدري شحاچي ويااها حضرة الضابط
دخلت تبچي طلعت تضحك
_ياا وين دخلت ابچي ليش تجذب شفق
هذا رجلج بس يخزر ويرزل بيةة شوفي
شفق :: شبيك ويااهاا صاارم هاي امانتي
يمك هيچ تسووي وياهاا
صارم :: امداچ انتِ وامانتچ
_غمانة اثنينة ودخل ندارت علية متعجبة
شفق :: اگلچ هو غمانة لو يتراوالي؟
_لا غماني وغماچ روحي وراه لاتسكتين الة
وهية مثل العربانة ركضت وراة نداريت لبيبي
لچانت تصلي كلمت وگالت
جمارة :: ولچ جوري شحنتي البنية على رجلها
والله بيچ البلة
_شعلية بيبي هو يتاحرش بيهاا
جمارة:: تعالي فهميني شسويتوا
_ماسوينة شي اخذوا اقوالي وهذا هوو
جمارة :: لعد شبيه الزلمة متصرگع
_بيبي هو شاخط معليچ منةة اروح ابدل
حتى نحضر الغدة متت جوع،
_عفتها وفتت للغرفة غيرت ملابسي وطلعت
صبيت الغدة وصحت عليهم طلعوا واحد مدخن
على الثاني شفق تخزرة وهو يباوعلي بحقد
واني اضحك عليهم وبيبي تنشرر عليهم
جمارة :: يمة سور بطن سور وبيرغ الله المنشور
شجاكم يمة نضربتوا عين
_بيبي هو منو داخل الهم حتى يضربهم عين
بس همة زوج مخابيل الله وكيلچ
صارم :: ها الخرسة طلع الچ صوت وصرتِ
تحچين
_هسة غير اعرف ليش ضايج مني شسويت
يمعوود شككتني بنفسي والله
صارم :: متعرفين موو
_لاوالله شكووو
صارم :: نچبي واكلي معليچ
_ياا هذا صدگ شاخط سكتت منة كملنة اكلنة
بوسط جو مشحون كملنة نضفت المطبخ
ورحت للغرفة اخذ قيلولة الضهر تمددت
واجت نضراتة گدامي يباوع اليةة بنضرات غريبة
وحلوة مشايفتهاا من قبل
_لو كلمتة من يتغزل بغمازتي عبالة ماسمعتة
بس غلست والله لو يدري بيه صارم الا يكتلة
بمكتبة ويطب سجن بيه، اووو والله عليچ
سوالف جوري نامي ونخمدي احسلچ
_مرت الأيام باردة مابيها شي جديد مجرد اكل
ونوم وشغل البيت شفق وصارم بحياتهم واني
وبيبي ملتهين يوم نسوي كبة ويوم نسوي
دولمة ويوم كليجة مگضيها بالمطبخ هية تگعد
وتبقى تتأمر علية
_ اليوم گاعدة بالصالة صافنة على الحايط
وفكرة تاخذني وفكرة تجيبني اجت شفق
يمي فززتني
شفق :: اگلچ جوري
_يمة اسم الله شبيچ يمعودة وگعتي گلبي
شفق :: دسمعي هسة اكلچ ليش ماترجعين
للمدرسة مو احسلچ من التصفن بالحياطين
ليل ونهار
_ضحكت عليها شبيچ شفق يامدرسة وين
عندي عقل بعد واگدر اقرة ماالي كل واهس
لااختلط ولااجامل الناس احس نفسي اكتفيت
شفق :: شوفي التبچبچ اكرهاا اني شنو اكتفيتي
ترة بعدچ صغيرة شنو تدفنين روحچ بالحياة
لان تزوجتي وزواجج فشل !
_بس فشل؟ شفق يازواج مو انتِ چنتِ شاهدة.
على حالتي وشصار بيةة شلوون ترديني ارجع
طبيعي
شفق :: اي ترجعين طبيعيي لعدد تموتين نفسچ
الصار صار والأذوچ هسةة بالسجن وراح ياخذون
جزاتهم وان شاء الله ينعدمون شعندچ بعدد
_ترة اني لهسة على ذمة رافد لاتنسين
شفق :: خلي نشووف تاليها وياه ويطلگچ
غصب عنةة هم عوزة يطالب بيچ بعدد
_واذا طلع من السجن وماطلگ
شفق :: اي مو هية بكيفة الله وكيلچ
اخلي صارم يشلخة وصلتين
_تدرين والله صرت استحي منة
شفق :: منو؟
_رجلج يعني احنة اكل ونوم وهو يطلع
من الصبح ويرجع كلة دهن مال سيارت
ويصرف علينةة بديت احس صرت ثگيلة
شفق :: ليش مسمعچ حچي هوو؟
_لاوينن بالعكس كلما يطلع يسألني اني
وبيبي شنو محتاجة حتى علاج لبيبي يجيب
شفق احس جاي نستغلة احنة
شفق :: نچبي غير رجلي وانتوا اهلي يعني
هذا واجبةة
_لا مو واجبة بلة انتِ زوجتة اي بس احنة شنو
زيادة خيرر عليه؟
شفق :: تردين الصدگ اني هم ضايحة لأن
گاعدة بدون شغل اريد اشتغل مليت من
گعدة البيت
_ليش مدخلين كلية احسلچ من الشغل
شفق :: والله بطرانة اني مال كلية عندي
هواي سوالف اريد اسويهن يلةة
_شنوو؟ بس لا علمود مقتل ابوية
شفق :: اخخخخ سكتِ لاتهيجين المواجع
علية والله گلبي محروگ احس التهيت
ونسيتة
_قابل ملتهية بروحچ غير وياي اگلچ شفق
انتِ ماسولفتِ الية شلون تزوجتي صارم
كلما اريد اسألچ انسى بلة بيبي عرفت منها
امي شمرتها بالدار وتزوجت وليد وحچتلي
سوالفهاا شجاها ليش هيچ سووت والله
ماچانت هيچ قبل لايموت ابوية
_امچ تسودنت والله وشوفتني الويل تدرين
اذا وحدة تجي وتگلي امي هيچ سوت وياي
مااصدگها يعني وين اكو ام تزوج بتهاا الصغيرة
وبعد ما تسأل عناا ولچ بست ايدها في سبيل
تنطيني العنوان متقبل مااعرف ليش
_وكلة كوم ومعاملتهاا الية ولبيبي كوم ثاني و
تريد مني مصرف واذا مااطيها تهددني تذب
بيبي بالشارع لو بدار المسنين وصدگ سوتهاا
لأن منعت منهاا المصرف وساومتها الا تنطيني
عنوانچ يلة
_نوب تزوجت هذا الخيخة وكلما يشوفني
يحرگ گلبي واخر شي ختمهاا بطردي من
البيت وهددتني اذا مااطلعت تدخل زلم علية
ياخذون شرفي شايفة ابشع من هيچ
_ضاگت بية الدنيا ورحت لصارم ووافقت عليه
بشرط يلمني اني وانتو وياي من الشارع وشوفت
عينچ ماقصرر
جوري :: زين وبعدد سولفي اليةة لاتضمين
شي عليچ الله صفنت شوية وغيرت الموضوع
شفق :: هسةة شلچ بهاي السوالف راحت
وفاتت گليلي ترجعين للمدرسة لو لا؟
_ادري بيهاا ضامة هواي سوالف علية
متريد تضوجني حچيت مامقتنعة لاماارجع
يمعودة بعدين وين ترة صديقاتي خامس
هسةة صارن
شفق :: اي عادي رجعي للرابع وين المشكلة
اعتبري نفسچ رسبتي
_لامتسوة بعدد ترة مابقى شي لنصف
السنة يمعودة شداووم
شفق :: مو هيةة بكيفچ اني احچي وية
صارم اذا گدر يسويهاا تداومين وغصباً
عنچ فاهمةة
_عافتني وراحت منين طلعت الية بهالسالفة
هااي وشيخلصني منهاا بعدد
_وصدگ سوت لبراسهاا حجت وية صارم
وگال اني ادبرهاا اسبوع يركض بيها لان
متأخرة على الدوام مابقى شي ونمتحن
نصف السنةة مااعرف شلون سواهاا
_رحنة للسوگ حتى نشتري ملابس
احسن نفسي مستحية حيل مناا احس
كبرت مو مال دوام مع العلم ماتركت هواي
كلها سنة وهاي الثانية راح ارجع بنصهاا
ومنا من صارم هم يركض ويانة وهم يصرف
علينةة
_اختاريت صدرية وقميص وحذاء كل لوازم
المدرسة اشترولي حتى قرطاسية ماخلوا شي
اني اگول كافي وشفق تگليي معليچ اشتري
بعد منطلع ترة
_رجعنة للبيت بالطريق انتبهت شفق صافنة
على سيارة تمشي بصفنة نخطف لونهاا
خايفة عين على السيارة وعين على صارم
لاينتبه عليهها ندستهة شبيچ شكوو منو
هذا.
شفق :: اششش صوتچ ماكو شي ديري
وجهج لاتباوعين
_طول الطريق لازمة ايدي بس وصلنة
نزلت بسرعة وسحبتني وراهاا حتى
ماخلتني اخذ الغراض، بس دخلت
حچيت شبيچ يمعوودة احجي شكوو
نخطف لوونچ
شفق :: ماكو شي لتتلحين سكتِ لايسمعچ
_بس سمعت صوتة راحت تمددت بحضن
بيبي وغمضت عينها احسهاا تشرد منة لاينتبه
عليه دخل يعيط
صارم :: خادم الخلفتچن اني تنزلن وتعوفن
الغراض بنات المسموطة
_شبيك حضرة النسيب غير مرتك داخت
ونزلنة بسرعة شوفها شحالهاا خيطة بسرعة
صدگ ، شمر الغراض وركض الهاا
صارم :: شفق حبيبتي شبيچ يوجعج شي
شو وجهج اصفرر حاچيني
جمارة :: يايا اگوول البت ليش طالعة عينها
من دلالاك الزايد ولك ميل عنهاا شبيها يعني
تتعاير كلشي مابيهاا
صارم :: شعليچ جمارة هسة مدللة عليچ هية
خليها تددل علية على گلبي مثل العسل
جمارة :: يا واني احجي عليها النهار كلة وأوصي
بيك اثاريك تستاهل انتَ مرخي الحبل
شفق :: شبيچ جمارة شنو مطي اني ومرخي
الحبل اليةة
جمارة :: والله انتو اثنينكم مناعيل شنوو جمارة
ولكم صديقتكم اني گووموا مني گووموا
_دفعتهم تصيح وهمة يضحكون عليهاا
اخذهاا لغرفتهم وراح واني گعدت يمهاا
اشوفهاا ملابسي فرحانة وهية تشجع
بيةة وفرحانة لفرحتي
_شوفي بيبي اشتريت اثنين صداري رصاصي
واسوود وقمصان هم اثنين نوب خجلت منة.
غاليات بس لاهو ولاشفق يسمعون مني
جمارة :: الله يرضة عنة ويرزقة مثل مافرحچ
يلة گومي علگيهن لايتدمرن وتعالي اخلي الچ
حنة شعرچ معاجبني هالأيام
_لابيبي فدوة شيغسلهاا الية والله متطلع
من الشعر تشلع الگلب..
جمارة :: اششش مو بكيفچ شوفي شعرچ
شصار عليهاا انتِ وأختچ لا تتعايرين علية
ولچ تقوي الشعر وتطولة
_شيطول اكثر من هيچ راح يصير بطولي تدرين
كلما اسبح ابچي بالگوة امشط
جمارة :: ولج صلي على النبي لاتحسديه
يمفلوكة مايحسد المال الا اصحابة
_اللهم صلِ على محمد وآل محمد بيبي
راح اکصة شوية حبابة والله يتعبني
جمارة :: حتى اطيح حضچ جووري گومي مني
لاتضوجيني شجايج اليوم على شعراتچ
والله اذا گطيتي شعراية تنتهي ويااچ
ولچ حلات البنية بشعرهاا شبيچ غمة
_تذكرت من غصون رادت اگصة وشردت منهاا
اخخخ والله لو تدرين صاحت بيه
جمارة :: وين صفنتِ شيلي هدومچ تعقچن
_هاا اي گايمة، لميت الغراض ورحت
للغرفة علگتهن وخليت الدفاتر بالجنطة
والكتب لأن گال مينطوچ هسة فأشترالي
_اليوم ادوام گعدت من الصبح نشيطة
شگد چنت رافضة الفكرة بس من صارت
صدگ تحمست ادوام بلكت اغير من نفسي
ومن وحدتي العايشة بيهاا
_دخلت للحمام سبحت طلعت لگيت بيبي
گاعدة تسوي ريوگ صبحت عليها وحچيت
ها حجية گاعدة اليوم
جمارة :: شلون مااگعد واخلي
بنيتي تروح للمدرسة بدون ريوگ
_رحت حضنتها و بستهاا افيششش
بوستچ ترد الروح يلة نتريگ وضفريلي
شعري مثل قبل من چنت صغيرة
جمارة :: عساچ على ضفيرة يلة
تعالي
_گعدت يمها اكلنة وراها رحت بدلت
وگعدت گبالها سرحت شعري وضفرتة
خطية تعبهاا بس هية متگول لاا
_باوعت لروحي بالمراية صرت طالبة
حلوة بس اهم شي الشطارة رشيت
عطر وطلعت لگيت صارم گبالي
يشرب چاي صبحت عليه باوعلي وگال
صارم :: اني اوصلچ انتضري
_ميحتاج قريبة المدرسة
صارم :: لاتناقشيني گتلچ اني اخذچ
تمشين بهاي كفشتچ لتجيب التايه
شنو مگرن گدامچ اخت مرتي
_لاحشاك بس زوجتك هم ممحجبة يعني
مو بس اني
صارم :: زوجتي زلمة محد يحارشهاا
بس انتٓ نعجة بسرعة تتقشمرين
_ماارد عليك اكبر مني
صارم :: يلة لچ امشي ترد علية ام
الگلگ
_يااا انت منين تجيب هاي المسميات
صارم :: غير تگعد راحةة المثقفة امشي
عطلتيني ترة
_طلع قبلي واني وراه يمشي نافش
ريشةة احسة بس احد يحچي وياه
يعاركة وصلني للمدرسة قريبة علينة
قبل لاافوت گال
صارم :: تنتضريني اني ارجعج ممنوع
ترحين وحدچ فاهمةةة
_خووش خزرني وراح اجيت اغمة بس
استحيت مو زين خايف علية بس اسلوبة
يلعب النفس ،
_دخلت للمدرسة خايفة احس نفسي اول
ابتدائي رحت للأدارة حچيت وية المديرة
عرفتني دزت بنية وياي دلتني على شعبتي
رحت وياها باوعت للصف مكتوب صف
رابع أدبي شعبة "ب"
_دخلت الصف فارغ كم بنية بيه لأن وقت
اصطفاف سلمت ردن علية مستغربات
باوعت اريد رحلة فارغة ماكو كلهن بيهن
جنط حچة وياي وحدة منهم
:: خير حبيبتي شنو تردين؟
_اني طالبة جديدة وياكم
:: هاا اهلا بيچ تعالي گعدي ليش واگفة
_اكو مكان لو كلة محجوز؟
:: تعالي هناا يمي اني وحدي گاعدة
صديفتي بطلت وتزوجت بقيت وحدي
_ابتسمت الها رحت گعدت يمها چانت الرحلة
قبل الأخير بالسرة اليم الشباك خليت جنطتي
وگعدت سألني البنات الأثنين الگاعدات بالسرة
الثاني
:: شنوو انتِ منقولة لو شنوو ترة مابقى شي
للأمتحانات وهسة يلة تنقلين
_لامامنقولة چنت تاركة وهسة رجعت
:: يعني بهاي المدرسة چنتِ؟
_لاغير مدرسة بعيدة مناا، حچت لبنية
لبصفي
:: شنوو أسمچ؟
_جوري
::الله حلو أسمچ وانتِ تخبلين ماشاء الله
_شكراً حبيبتي وانتِ شسمچ
عبير :: اسمي عبير
_عاشت الأسامي
عبير :: شكراً الچ اگلچ شنو تردين گليلي
اني اساعدچ اكيد فايتچ هواي دروس
_اصلاً مفاتحة الكتب ولااعرف شنو بيهاا
عبير :: سالفتچ مكيسة خيةة بس معليچ
محسوبتچ شاطرة خليهاا عليةة واني
اطيچ المهمات لتقريهن وتنجحين بس
لاادورين معدل
_لااريد بس انجح خلي المعدل للسادس
عبير :: حلوو اذا بس نجاح يمي
_ابتسمت الهاا دمها خفيف بسرعة اخذت
علية بقيت اسولف وياهاا شوية ودخلوا
البنات بالصف ياهي تدخل تباوع علية
حسيت نفسي قرقوز وهيةة كلساع
تعرفهن جوري طالبة جديدة
_خلصت يومي ويااها المدرسات حبابات
هم تعرفت عليهنن عبير حددتلي المن واصلين
ويامادة داخلة للأمتحانات هواي حيل مااعرف
شلون الحگ شگول عليچ شفق
_خلص الدوام وطلعت واگفة بالشارع
ومنتضرة صارم ميقبل اتحرك الا يجي
سمعت كلامة وبقيت انتضر على صفحة
شوية واجاني باوعتلة چان ضايج
ولو هو على طول هيچ حچيت واني امشي
وياه شبيك صارم
صارم :: مابية امشي
_عفتة ماحچيت وياه وصلت للبيت
لگيت شفق تنتضرني بالمطبخ
سلمت عليهاا وحچيت رجلج
شبيه شايط
شفق :: من ورة هذا الضابط
_ياضابط؟
شفق :: شبيچ اكرام لمتكفل بقضيتچ
_ليش وين شافة بعد
شفق :: مو اليوم هم اجانة وية دخلة صارم
للبيت يگول هذا رجلة اخذت شگد اكبس بيه
ميفيد شايل الحساسات
_ليش شعندة جاي اليوم؟
شفق :: بلغة باچر محكمة غصون ورجلهاا واخوها
ويريد منچ تحضرين...
......
شفق...
_شبيك صارم ؟
صارم :: شفق الولد لچنتِ تشتغلين وياهم
بالمطعم ..
_اي حمزة وعباس شبيهم؟..
صارم :: حمزة مااات
_ماات؟ شتحچي صاارم شتحچي شلوون ماات ولد
شااب ولك بعدة صغير وحاير بالعيشةةة
شلوون ماات شلووون گلي جذب عليك الله
گلي جذذب
صارم :: اهدي شفق شبيچ اعرفچ قوية
هدي حاالچ حبيبتي
_شهدء صاارم ولكك شلووون گلي شلوون ماات
صارم :: هذا الكلب مبطلة من الشغل بالمطعم
راح يشتغل يصعد على التيل يصلح الكهرباء
ومنتل وكاتلتة بمكانةة
_يمةةة گلبي سوودة علية گلبي صاارم
يوجعني والله يوجعني گعدت بالگااع نهد حيلي
اجةة يمي لزم وجهي ويمسح بدموعي
صارم :: هدي روحچ حبيبتي وجهج انگلب
اصفرر
_چان نعم الأخ والسندد كلة يصيحلي خيتي
كل يوم يگلي شنو تحتاجين تعالي ولاتتردين
اخرر لقاء النةة اطاني رقمة وگلي شتردين
بس دگي تلگيني گداامچ عديني اخووچ
حتى رقمةة عندي لهسةة والله گمت بسرعة
مثل المخبلة طلعت الجنطة من الكنتور طشرتها
سحبت الورقة هذا رقمة شووفة هذاا مالحگت
ادگ عليه مالحگت احتاااجة ولك عبااس يمووت
هذا اخووو مايتحمل فرااگةة حااچيني ولك بردد
گلبي وگلي جذذب هزني حيل وصااح بيةة
صارم :: بسسس اهدددي شبيچ هذا حدد يومة
بدال هالبچي هذاا اقري قراءن ترحميلةة
شيفيدة البچي
_مسحت دموعي شوكت ماات؟
صارم :: البارحة
_وديني لبيتهم تندلة؟
صارم :: ماكو روحة كافي شفق ولد غريب عليچ
شنوو ترحين بصفتچ شنوو لو ادري مگايلچ
_شبيك صاارم اخووي هذا
صارم :: الله يرحمةة ماات اخووچ واهلة متعرفينهم
شفق سدي هالموضوع وگومي غسلي وجهج
_گومني من ايدي واني گلبي ينزف عليه اتذكر
كلامة وياي وضحكة وشقاه وية عبااس
ووگفتة الية وسؤوالة عليةة مواقفة حلووة
شينسي منهم دموعي تنزل وهو يغسل بوجهي
اجت بيبي وجوري من شافن حالتي ضلن يسألني
حچالهن ضلن يهدن بية ويترحمن عليه
_عفتهم وفتت للغرفة تمددت بفراشي وايدي
علي عيوني وسوالفة وضحكتة براسي شحال
اهلة هسة وشحال احبابة يعني والله حرام
هيچ شباب تمووت وهية تدوور على لگمة
العيش شاب خريج يشتغل بمطعم عامل
لو يصلح كهرباء هوو هذا العدل يارب استغفر
الله يارب سامحني لااعتراض على حكمك
_ايام ونفسيتي مدمرة من الموضوع اكلي
قل ونومي هم قل انعزلت عنهم كلة بالغرفة
من يجي اسوي نفسي نايمةة حتى ميحچي
وياي مالي خلگ كلش بيبي وجوري ماعافني
لوحدي بس چنت اطلعهم اريدد ابقى وحدي
من ابچي احس ارتااح
_اليوم بالليل گاعدة وحدي هو بعدة مجاي
مطفية الضوة وابچي فتح الباب وشافني مالحگت
امسح دموعي من شااف حالتي سدد الباب واجة
بأتجاهي لزمني من ايدي بعصبيةة
صارم :: شفققق بسسس عاااد ترة مصختيها
صااار اسبووع وانتِ موووتة نفسچ شنووو.
من بقيةة اهلچ هووو لاتشوفيني اطيتچ مجاال
اصحي على نفسسسچ شبيچ وووين اكوو مرة
تبچي علة ولددد زميلهاا گدااام رجلهاا عيب
عليچ بسس اني لأن اعررفچ شنوو انتِ قدرت
وضعچ بس اذا طولت تشووفين تصرف ميعجبج
ترةةة
_خفت من صياحةة ووجهة احمر وعيونة ناطة
نزلت اديةة واخذتهن بين ادية احچي بهدوء
صاارم اني أسفة بس انتَ ماتعرف شلون ولد
چان حتى لو تشوفة مرة وحدة تحزن عليه
شلون اني اشتغلت اشهر وياه حقي من ابجي
وانقهر عليه
صارم :: ماگلت شي اني بس زاددت الشغلة
حيلل زادتت حسي بيةة والله تعبان
_شبيك شمتعبك
صارم :: كلشي بية كلشي متعبني
_شاركني خليني اشيل تعبك
صارم :: لاا مااريد اضووجج بس رجعيلي
مثل قبل مااريد اشوف دموعچ ولچ ينزلن
تيزاب على گلبي
_هذا هو ماابچي بعدد لاتضووج، ابتسم بوجهي
وتمدد وسحبني لصدرة عصرني بحضنة حيل
صارم :: مشتاقلچ
_واني هم
صارم :: صار كم يوم حضني فارغ
_بعد مااعيدهاا
صارم :: عفية بزونتي
_اني بزونة؟
صارم :: عيونچ مثل عيون البزونة شلن حالي
_حلوات
صارم :: چاغير وگعني
_شحبيت بية شو كلما اشوفك نتعارك
صارم :: كل عركة تجمعنة حبي يزيد الچ
اخخخ يسمرة يم عيوون الخضر شليتي حالي
_شگد حلو وانتَ هيچ حباب
صارم :: والله اني دووم حباب بس انتٓ برعة حبيبتي
_ااني غيرر انتَ مستفزز وتحرگ گلبي
صارم :: احب اشوف عصبيتچ
_هاا تتونس على أذيتني
صارم :: أذذي روي وماأذيچ
_يمكن خجلت كاافي مااحب هاي العلامات
صارم :: ياعلامات؟
_علامات الخجل مال بنات شبيك
صارم :: چا انتِ شنوو حبيبتي ولدد
_اني بعشرر زلم بيبي تگلي
صارم :: شطيح حضنة غير جمارة
_شو انتَ بايع ميانة وياهاا
صارم :: معليچ لچ
_خليني انام لأن بديت ترجع صارم المخبل
سكت شوية غمضت عيوني جاي اغفة حچة
صارم :: شفق تحبيني؟
_مااعرف
صارم :: لعد تكرهيني
_لااا شنو اكرهك بس مااعرف شنو مشاعري
ويااك ساعة اريد اگعد وواسولف ويااك وساعة
مااطيق الك كلمة من تطلع اضووج ومن ترجع
اكيف بس ماابين اللك ماادري ماادري لاتسألني
هيچ
_وانتَ تحبني؟
صارم :: اشهگچ وحق علي
_ابتسمت ابتسامة چبيرة بحيث طلعن
سنوني وغمضت محد حچة بعد نمت
گعدت الصبح لگيتة طالع باوعت الساعة
بالعشرة طلعت غسلت ورحت للمطبخ بيبي
گاعدة تلگط خضرة صيحت عليها شافتني
فرحت صار ايام معتزلة عنهم
جمارة يمةة هلا بهالصبااح هسة نور البيت
_رحت بستهاا حبيبتي بيبي منو بوجودج
شنو تريگتي حتى جاي تسوين بالخضرة
جمارة :: اي اكلت الصبح وية جوري ورجلج
وسويت الغدة يلة تعالي تريگي
_والله معدلة شسويتِ بلة حچيت وفتحت الجدورة
بعدهي تفور طابخة تبسي وتمن والله مبين طيب
الريحة تخبل
جمارة :: فتحي ريگچ حتى ماتنسد نفسچ
وتاكلين ويانة من يجون
_اي ماشي سويت لفة جبن وكلاص چاي
وگعدت يمهاا اكل وهية تسولف وياي وتسألني
على حمزة سولفت الهاا ضلت تترحملة وگالت
راح اهديلة ختمة قراءن فرحت هذا احسن
شي ممكن اقدمة الةة
_بعدنة نحچي ندگ الباب تعجبنة منو يجينة
اصلاً منعرف احد هناا گالت بيبي
جمارة :: يمة شفق لاتفتحين الباب الدنيا
تخووف واحنة محد يمنةة
_شكوو بيبي منين نخاف صدگ تحچين
خليني اشووف منوو اخذت السچين من
المجر خليتهة بجيبي وطلعت فتحت الباب
وانصدم ولييدددد
_دفعني ودخل وسد الباب وراة باوعلي
وباوع للبيت وگاال
وليد :: هاا ولچ شردتتِ ومابينتِ بعدد اشتاقينالچ
_امش اطلع برةة لك امششي شعندك هناا
منين عرفت عنوانةة
وليد :: ولچ اني وليد مينضم علية شي
بس تعالي حليانة هيچ لمخبل مفعولة قووي
حچاها وغمزلي رفعت ايدي اضربة لزمهاا
ولواهاا ورة ضهري
وليد :: اكسرهاا الچ سامعةة اكسرهاا
_عوفني جباان عوفني هد ايدي خليني
اربيك هددني
وليد :: سمعي لچ اجيت احچي كلمتين
وارووح لتتضلين تنطنطين
_عووفين اگلك عوفني دفعني اجيت اوگع
كمل كلاامة
وليد :: الباشا دزني عليچ
_هااا يا باشا
وليد :: ليش كم واحدد عندچ هو نفسة
الباشا رجلج شنو نسيتِ
_اني رجلي تاج راسك وراسةة شيرد هذا
الجباان لازم ماتاب من ذيچ المرة صارر
مثل الفارة بيد صاارم
وليد :: ولچ غير هوو ماخلاه براسةة لو
يريد يمحي محيي يصعب علي ولچ هذا
رجل وااصل مو مثل رجلج المسودن
_والله ماغيرك مسوود انتَ وياه امشي اطلع
لايجي ويطلع سوادينة عليك واضنك مجربة
وليد : سمعي الباشا ندل بيتكم يگول تتطلگ
من هذا الجربوع وترجعلي لو ادخل بنص
بيتهااا اسحلها من شعرهاا واسويها وياها
لاعقد ولا سيد ونصيحة ترة يسوويها
فأمشي وياي احسلج
_ههههه والله ضحكتني ترة لاانتَ ولاعشرة
مثل الباشا مالتك يخوفوني وهسةة يجي
صگاركم واعرف شلوون اخليه يربيكم عدل
امشي اطلعع مناا
وليد :: اني طالع بس حبيت اكسب بيچ
اجرر واسوي زين وابلغچ لا بعدين تضلين
تنوحين وتگولين محد گلي
_الزين ليجي منك مااريدة اعترف شگد
اطاك فلوس وتريد تبيعني الةة مثل مابعت
جووري لرافدد
وليد :: مابعتهاا اريد الچن الزين احسبچن
بناتي بس انتن چلبات ميغزر بيچن
_اطلع ترة لعبت روحي منك اطلعع
وليد :: طالع ومررض لاتصيحسن بس فكري
بالگتلچ عليه لاتصيرين غبيةةة
_حچاها وطلع رگعت الباب وراه درب
الصد مارد ان شاء الله الله يطيح حضك
وحظ الباشا مالتك منين عرفة شگد شيطان
_دخلت بيبي گبالي واگفه والوجه مدخن من شافتني صاحت بيةة
جمارة :: شرااد منچ وليدد شفق شنوو هالاكلام
هذا ياباشا وشنوو رجلج احچيلي ولچ لاتجذبين
عليةة
_اخذت ايدها گعدتها اهديهاا اطيتهاا مي شربي
بيبي وهسة احچيلچ كلشي بس اعصابچ
فدوة اروحلچ شربت وگالت
جمارة :: يلة احچي احچي لاتضمين شي
ترة والله ازعل منچ واطلع من البيت وماتشوفين
وجهي بعدد
_گعدت يمها وسولفت الهاا شلون ساومني
نوب خطفني وعقد علية وشنو سوة صارم
حتى يخلصني منةة اني اسولف وابچي
وهية دموعهاا تجري وياي من كملت سحبتني
لحضنهاا
جمارة :: يمةة سودة بوجهي هيچ يصير ويااچ
واني ماادري يمةة علي تعال شووف بناتك
شلون الدنيا لطشت بيهن ولك يمةة ولوهن
من بعدك ولوهن
_ضلت تنعي وتبچي كاافي بيبي ضغطچ
راح يصعد لو ادري هيچ محاچية كافي اروحلچ
فدووة بيبي گوومي راح يجي صارم واذا
شافنة هيچ يبقى يحقق ويانة گوومي وياي
_بالگوة گومتهاا غسلت وجها وتوضت وراحت
للغرفة عفتهاا ورحت للمطبخ كملت الخصرة
ولميت الهوسة طفيت الجدورة اشتغل واني
فكري كلة بكلامةة معقولة يسويها ويجي لهناا
_اخخخ والله لچمني گلبي من شفتة ذاك
اليوم يراقب بيةة هية سيارتة هاي متأكدة.
هو مو غيرة شگد حقيرر شيريد مني شيريد
صارم :: منو هذا ليريد منچ
_يمةة اسم الله فززتني احچي گول شنوو جني
صارم :: صار هواي واگف بس انتِ بغير
عالم ماانتبهتِ شبيچ ومنو ليريد منچ
_ماكو شي يمعوود شبية قاابل ماگلتي
شوراجع وحدك جوري وين؟
صارم :: اجيت اشوفكم شنو محتاحين واروح
اجيبهااا واتسوگ الغراض بدربي
_اسألهاا هيةة اني ماادري صارلي اسبوع
مااعرف شعدنة ماعدنة
صارم :: اكوو وحدة متعرف بيتها شمحتااج
اختبارك صعب ربي
_عافني وطلع والله لوتعرف منو چان هناا
الا تطيح حضي غسلت ادية ورحت اريدد
اصلي قبل لايرجعوون
_مديت السجادة وصليت ودعيت لحمزة
الله يرحمة ويصبر گلب اهلة من اتذكرة
گلبي يوجعني سجدت ودعيتلة من كل گلبي
ودموعي تنزل حسيت الباب انفتح عرفتة
هو خفت ارفع راسي ويشووف دموعي
ويبقى يحچي بقيت على وضعي سمعت
الباب انفتح ونطبگ عرفتة راح يسبح
_رفعت راسي مطنأنة هو طلع اباوع والگاه
بووجهي يمةةة اسم الله هااي شبيك هيچ
متقرب اجة يوگف گلبي
صارم :: ليش تبچين شگلت اني شفق
_اتذكرت ابوية فززني من عااط
صارم :: لاتجذبين گاعدة على السجادة
وتجذبين مو حرام عليچ
_تعرف الحرام والحلال انتَ؟
صارم :: چا شگالوچ عني كاولي
_لعد ليش متصلي ترة حرام عليك ماشفتك
فديوم ساجد لربك شنو ملحد انتَ
صارم :: معليچ اني وربي لاتتدخلين بعدين
شمدريچ مااصلي؟
_شنو شمدريني غير عايشة ويااك
صارم :: اصلي بس انتِ ماتشوفيني
_شنو من تصلي تتخفى لو شنوو؟
صارم :: دگومي علوية شفق صبي غدة لاتبقين
تنطين حكم ومواعض مالي خلگچ
_استغفر الله عفتة وگمت لگيت جوري گدامي
تشمشم بالجدورة صحت بيهاا
امشي بدلي يمعودة راح اصب وصيحي بيبي
ويااچ
جوري :: اي عفية بسرعةة ترة ميتة جووع
_شجاكم كلكم مجاعة روحي روحي، عافتني
وراحت حضرت السفرة والتميننة على الغدة
بيبي تاكل وساكتة مو مثل كل مرة صارم
يداهر بيهاا وهية بس تبتسم من غير نفس
اعرف بيهاا مقهورة علية ويجوز محملة نفسها
ذنب
_بس هيةة شنو بيدهاا قابل نفسها ماگدرت
تحميها مو انوب تحمينة الصوچ على لأسمها
امي كلشي مرينة بيه اني وجوري بسببها
هية وعمري مااسامحهاا لو اعرف تموت
وبس اسامحهاا تعيش اخليها تمووت ولا
اسامحهاا
_قطع صفنتي صارم وهو يحجي وياي
صارم :: اليوم كثرانة صفناتچ حبيبتي شماكلة.
_لفة جبن وهسة تبسي
صارم :: عبالي ماكلة لحم ابو صابر لأنچ
مو خالية
جوري :: منوو ابو صاابر
صارم :: هاولچ ماتعرفينةة؟
جوري :: لامااعرفة شنو صاحبك؟
صارم :: لاا رجل امچ
_يمة نمغص بطني من جااب سيرتة عبالي
يعرف شنوو معقولة صدفة حجيت مغيرة.
الموضوع يلةة كافي گومي احمي الچاي
وصبيلهم ونامي حتى تقرين واني راح
انضف المطبخ
جوري :: اي والله كومة دروس عندي ماعدى
المتراكم عليةة
_لعد همي ايدچ ،گامت قبلي لميت السفرة
ونضفت المطبخ صبت چاي لبيبي وراحت
للغرفة وصاحت علية
جوري :: عليچ الله ساعة وگعديني لاتبقيني
نايمة هواي
_خووش، اخذت الچاي ودخلن لگيتة متمد
تشررب صبيتلك نهض وگال
صارم :: اي والله اجةة بوقتةة
_گعد يشرب ويگلب بتليفونة واني عيوني
عليه صفنت بوجهاا يمكن اول مرة اركز هيچ
بيه البشرة سمرة والعيون حادة حواجبة
ثخان وسود والخشم رفيع اللحية خفيفة
والشعر بيه كسرة بسيطة نازل على عيونة
الا يثبة يلة ينرفع عندة تفاحة ادم مزينة
رگبتة
_چان لابس فانيلة تعلاگة مبينة عضلات
جسمة كلشي بيه حلو ويجذب كل بنت
لعد ليش زوجتة خانتة بعد كل الحب
والدلال القدمة الهاا هيچ جازتة سكتي
شفق سكتي لاتلومين احد لومي نفسچ
ليش لهسة مخلية حدود بينكم ليش مصايرة
زوجة فعلية الةة شنوو منتضرة يعني ؟
_فززني صوتة وهو يگول
صارم :: اليوم الحلو خلصهاا صفنات بس
هالمرة الصفنة غيرر ليش تباوعيلي هيچ
لچ شنوو ماعندچ اخووان
_ههههه لاماعندي والله
صارم :: شفق انتِ بلااحساس تدرين بنفسچ
حبيبتي؟
_اني ليشش
صارم :: حقوقي الزوجية شو مغلسة عنهااا
لاتگليلي مااعرف اكبرر لوتية انتِ
_يااا عزززة خجلني ابن الحبابة، هااي شبيك
صاارم احنةة مو اتفقنة نبقى هيچ وانتَ قبلت
شتغير هسةة هاا
صارم :: لتغير انتِ يمي وتنامين بحضني واني
مو معصووم ترة على ساعةة اخلف الاتفاق
وانعل ابووو
_هاي شبيك عيني اذا هيچ أنتَ خطرر
بعد حتى ماا انام يمك اروح بذيچ
الغرفة أمن اليةة تحركت اگووم سحبني
من ايدي وگعني علية وقيدني بحضنة
_هاي شبيك صاارم مو هيچ مد ايدة
وخر الشعر من عيوني وحچة بصوت رايح
صارم :: مااتحمل بعدد
_خجلت ودنگت راسي مااعرف شرد عليه
بسرعة گلبني وتبادلنة الادوار صرت جواه
ادية منا ومنا ويباوع علية واني عيوني
مركزة بيه دنگ طبع بوسة على عينوني
غمضت جسمي يرجف رفع راسة وعيني
بعيني ركزت نضراتة تخبل كلها حب
_ بس سرعان ما تحولت هالنضرات الى
نضرات حادة تخوف نهض من يمي وگف على حيلة
لازم راسة ويفترر بالغرفةة ويحچي بخفوت
بس سمعتة
صارم :: طلعي من راسي طلعيي طلعيي
_يحچي ويضر على راسةة باوعلي عيونة
حمرر نگلب حالة برمشة عينة سحب تشيرتة
وطلع من الغرفة ركضت وراه بسرعة طلع من
البيت خفت علية لبست نعالي ولحگتة يمشي
بهمةة مااگدر الحگ بيه
_وگف سيارة من الشارع وصعد بيهاا
وين راح لازم الحگة بسرعة صعدت غير
سيارة وأشرتلة الحگ هاي السيارة ما گال
شي الزلمة لحگة بدون مايلفت الأنتباه
مشت السيارة الى ان دخلت للمنطقة
مالتنةة شعندة هناا مااعرف
_دخلت بشارع بيتهم نزل منهاا
وفتح الباب ودخل تعجبت شنو بعد
يجي لهذا البيت نزلت من التكسي راد
الفلوس گتلة ماعندي رزلني وراح خطية
نقهرت علية بس شسووي عقل ماضل براسي
من وراه
_تقربت للبيت الدنيا الضهر ومحد بالشارع
دفعت الباب لأن چان مفتووع دخلت
واسمع صووت عالي وجع گلبي
جااي من داخل البيت...
شكرا لزيارتكم عالم روايات سكيرهوم
