رواية خيط الدم الفصل السادس عشر بقلم زينب طالب
شفق...
_تقربت للبيت الدنيا الضهر ومحد بالشارع
دفعت الباب لأن چان مفتووع دخلت
واسمع صووت عالي وجع گلبي
جااي من داخل البيت، ركزت زين صوت
صارم وهو يصرخ بكل صوتة
_دخلت اركض ادور عليه نسيت خوفي
من هذا البيت مااهتميت لأي شي فتحت
اول غرفة ماكو ولاالثانية هم مموجود
صارت گدامي الغرفة لحبسني بيهاا تقربت
منهاا الصوت جاي من داخلهاا
_فتحت الباب وانصدم بمنضرة اديه كلها
دم والشباك مكسوور الغرفة مكسرة مابيها
شي صاحي چان گاعد على الچرباية واديه
فوگ راسة من حس عليه رفع راسة فتح
عيونة متعجب نهض بعصبية بأتجاهي
لزمني من ايدي وعصرني قووي
صارم :: شعندچ هناا ليش جايةة حتى تتشمتين
بيةة موو احچي شعندچ لحگتيني تردين
تشووفين ضعفي وانهياري بس اني موضعيف
ولاجبااان لأن ماخذت حقي منهم بس همةةة
اختفوا اي اختفوا ومااگدرت الزم الخيط ليوصلني
الهمم ديري باالچ تفكرين اني جبان اني موجبان
مو جباان
_لزمت وجهة بأدية واحچي ويااه بهدوء
انتَ موجباان انتَ اشجع شخص شافتة
عيني صاارم انتَ قوي وشجاع تحملت
لمحد گدر يتحملة خيانة ،وغدر، وخذلان
وسجن ومستشفى مجانين ووحدة، وحشةة
كلهن تحملتهن وعديتنه دست عليهن ومشيت
_ووگفت على حيلك من شفت بنت يتيمة
مكسورة الخاطر استنجدت بيك وگفت وياها
وصرت الها زوج واب وصديق واخ حنون لأختها
وإبن باار لجدتهاا گدرت تلم عائلة بعد ماچانت
مهدد بالضياع انتَ لميتنة وجمعتنة وراح تاخذ
حقنة من كل شخص اذانة عندي ثقةة بيك
اني
_ابد مااقبل تگول على نفسك هيچ ولااحب
اشوف يصير بيك هيچ اذا ضجت لو تذكرت
شي يضووجك ابقى يمي اشكيلي عصب علية
كسرر يمي بس لاتطلع من البيت ولاتجيي هناا
اشمرر حملك علية واني اشيلةة
_احچي وهو صافن علية عيونة حمر وگلبة
يدگ سرريع من الحرگة بس خلصت كلامي
سحبني حيل وحضني ويحچي بكسرة
صارم :: كلهم أذوني وغدروني محد يحبني
محد ووگف ويااي لاتصيرين مثلهم وتعوفيني
اذا رحتِ عني امووت والله امووت شفق
صارم بيچ عااش ومن غيررچ يمووت
_مااعوفك ماعووفك وين الگة مثلك حتى
اعووفك بلة اشووف ايدك بعدتة عني سحبت
اديه تجري دم سحبتة بهدوء وگعدتة على الچرباية
باوعت منا منا اريد شي الف ايدة بيه لگيت
التشيرت مالتة نازعة سحبتة سويتة نصيين
ولفيت اديه بيه وهو يباوع علية عايفني
براحتي خلصت وگتلة لازم نروح مستشفى
خااف يحتاجن خيااط
صارم :: ميحتااج من وحدهن يطيبن
_شلون ميحتاج غير تلتهبب صفن بيةة
وگال بكسرةة
صارم :: حبيتهاا ونذرت عمري لأجلها
ماقصرت بحقها بيووم ليش ماحبتني ليش
هيچ سووت معقولة اني موحلو گليلي شفق
اني بشعع…
_انتَ احلى زلمة شافتةة عيوني
صارم :: زين شنوو بية ريحتي مو طيبة
گليلي لو ممهتم بنفسي لو شخصيتي ضعيفة
احجي شفق احچي لاتجامليني گليلي عيوبي
شنوو مو راح اتخبل
_والله تخبل وريحتك تخبل ومابيك كل
لولة ولانقص بس هية ناقصة هية البيها
النقص والخلل مو بيك انت لعدهاا مثلك
متباوع لغيرك هية رخيصة وميملي عينهاا
احسن رجاال لتتلووم نفسك وتحملها
الذنب مابيك لانقص ولاقصورد
صارم :: واخووي اخووي ولچ شفق
اخووي لربيتة ووصلتة ماخليتة يتعب
ولايطلع للشغل اجيب واخلي فلووس
بيدة ركبتة احسن سيارة بس دخل جامعة
وشنوو يريد حاضر وتم تاالي يطمع بمرتي
ولچ مرت اخوو لچان شاهد على حبي الهاا
والأضرب امي لوگفت وياه وصارت تذب
الصووچ بيةة بيووم لردت احاسبهم هزمتهم
ونهرمت وراهمم واخذت ابني ولچ ابني وقطعة
مني صاار سنين مااعرف شي عنةة
_يحچي بخنگة وايدة ترجف من الأعصاب
سحبت راسة لصدري كافي صارم كافي والله
موزين تسووي هيچ اني بحاجتك اذا صاار
عليك شي منو اليةة سلمهم بيد الله هو لياخذ
حقك منهم صدگني الله ميعووف احدد بس
ادعيلة
صارم :: دعيتة هوااي بس احضى بيهم ومااستجاب
اليةة
_اكيد الة بيها حكمة مايريد تضيع نفسك على
نااس متسوة وتخسر الدنيا والأخرة كاافي
مامتعودة عليك هيچ وين لسانك ورزايلك
لتنعش روحي
صارم :: تتونسين من ارزلچ
_ههههه اي هسة اسمع كلامي وخليني
نروح للمستشفى
صارم :: لتلحين اني اداويهن بالبيت يلة امشي
نطلع وبعدين احاسبچ على طلعتچ من غير شوري
_هااا گلبنةة مو هسة چنة حبايب؟
صارم :: صدگ تعاي لچ شعندچ لحگتيني ومن اگول
عنچ برعة تزعلين
_حبيت ادلع علية اغير مودة حچيت اجرر الحچاية
جرر غيرر خفت عليك ياعيني باوعلي وابتسمم
صارم :: اروح فدوة للخايف علية، يلة نرووح
_يلةة طلع قبلي باوعت للغرفة وانتبه لصورة
واگعة بالگاع تقربت منها بفضول واشووفة هو
ووبنية مبينة زوجتة نفسهاا لأن لابسة بدلة عرس
الأبتسامة مالية وجهة وهية تباوع بوجه ناشف
چانت حلوة حيل بس اكيد مو احلى مني
عرفت هاي نفسهاا الصورة لچانت معلگة ومگلوبة
لأن مكانهاا فاارغ صافنةة اباوع عليهم سمعت
صوتة صااح شمرتهاا وطلعت اركض باوعلي ضايج
صارم :: وين صرتِ؟
_اجيت يلة خلينة نروحح طلعت قبلة قفل
الباب و لحگني اخذ ايدي ورحنة نمشي
للشارع ووگف تكسي وصعدنةة وصلنة للبيت
نزلت قبلة باوعت سيارة شخطت من عدنة
انتبهت هاي سيارة الباشا ضلت عيني عليها
عززة بعينة لهسة يراقبنة شنو ماعندة شغل
وعمل هذا فززني صوتةة من صااح
صارم :: وينن صافنة متفووتين
_باوعتلة يباوعلي بشك تهربت بنضراتي
فتت للبيت مستعجلة دخلت لگيت جوري
تبچي رحت عليهاا شبيچ ليش تبچين بيبي
بيهاا شي؟
جوري :: لا مابيهاا بس المواد صعبة وماالحگ
خااف ارسب شلووون
_دمغتهاا على راسهاا الله يطيح حضچ وگعتِ
گلبي خبلةةة انتِ؟ شو هااي زادت بالبچي
دخل صارم بدوون ميابوع راح للغرفة تربعت
وگعدت يمهاا شوو جيبي شنوو عندچ خليني
اشرحلچ
جوري :: صدگ تعرفينن؟
_اي اعرف بس خليني اشووف صارم واجيج
دخلت علية متمد ومغمض عيونة تقربت منة
صااارم اگعد خليني اداوي اديك
صارم :: مابيهم شي روحي لختچ اريد
اناام
_بسس اعقمهن عاااط بيةة جفلننيي
صارم :: طلعععي گللت
_اسم الله شبيك رايحة رايحة لاتعصب
عفتة وطلعت شگد تعبني مزاجيتةة
رحت لهاي الثانية بعدهي تلعي سحبت
الكتاب منهاا ركزيي ويااي بلا بچي لچ
_ چاانت
مادة التاريخ گعدت اشرح الهاا بصورة مبسطة
وهية تتجاوب وياي للمغرب احنة على فد گعدة
طلعت بيبي من الغرفة شادة راسهاا گمت عليهاا
_هابيبي شبيچ حبيبتي شبيه راسچ؟
جمارة :: ضغطي يمكن هابط سويلي نومي
بصرة بلكت يتعدل شووية اريد اصلي
_اي مو تتدليين بس لاتفكرين مو حسرة اگلچ
شي تتمرضين تجبريني اضم كلشي عليچ
جمارة :: روحي سويلي واذا ادري بيچ بعد
ضامة علية شي نتخارب كلشش امشي
_فديت العصبية اني هسةة اسويلچ اطيب
نوومي يعدل الراس
جمارة :: رجلج طاالع؟
_لااليوم ماطلع العصرر تعباان شووية
جمارة :: گعديه دنيا غرووب ميصلح
_صاار بس اخلي القوري على الناار، رحت
للمطبخ سويت نومي خليتة ورحتلة فتحت
الباب الغرفة ظلمة شغلت الضوة كررمش
عيونةة وصااح
صارم :: طفي رااسي
_اليووم كلها تصيح من راسهاا اگعد دنيا غروب
ميصلح يلةة گووم رحتلة سحبتة من ايدة ميتحرك
دگووم شثگلك يمعوود سويت نوومي تعالل اشررب
صارم :: مااريد عوفيني
_اهووو ترة مااحب اشوفك هيچ گووم
باوعلي ضايج وگاام وهو يدردم علية
صارم :: متخلين الواحد يرتااح شگد مزعجة
جيبيلي هدوووم بسرعةة
_حچاها وطلع ياا شو هذا عايشش الدوور
يلة خليني اخذة على ماية بلكت يفك اخذت
المنشفةة وتراكسوود ورحت دگيت الباب
هااي هددوم استاذ صارم طلع راسة وشعرة
ينگط مي
صارم :: بلة اشووف شجايبةة
_هذا خاولي وهذا تراكسوود وفانيلة
داخليةة غيررر
صارم :: چاا وين ال..اس
_عزززة هاي شبيك استحي مااجيب
صارم :: امشي لچ تستحي روحي جيبي
ترة اطلع هيچ واشوفچ المستحة على اصولهاا
_صووتك مناا العاالم مو وحدك شگد سخيف
عفتةة ورحت فتحت المجر اخذت واحد وطلعت
دگيت الباب هااك افتح فتح الباب اخذة. مني
گلبة وگال
صارم :: مااريد هذا اريد غيرر لوون
_هااي شبيك يمعووود مو صوجك تدرري.والله
ولاااغيرر لو تبقى للصبح جوةة، عفتة ورحت
اسمعة يضحك فتت للمطبخ بيبي تشررب نومي
هاا جااي اصبلچ انيي
جمارة :: احترگ وانتوو تتعاركون على لون
ال.ااس ياتصبيلي
_يمةة متت بدمي سمعتنة يعني، بيبي شبيچ
جمارة :: شبية يمة راسي يوجعني
_جووري وين؟
جمارة :: جوة بالغرفة
_يلة اروح اصلي
جمارة :: صبي لرجلج وروحي
_صبيت الةة ودخلت للغرفة لگيتة ينشف
بشعرة خليتة على الميز وطلعت توضيت
ورجعت چان يشررب ماباوعت علية فرشت
السجادة وصرت اصلي وراها قريت سورة
ياسين هديت ثوابهاا لحمزة ودعيت الةة
بالرحمة وگمت صااح علية
صارم :: تعالي يمي
_رحت گعدت گبالة صفن بعيوني بدون حچي
أشرتلة شكوو شتريد
صارم :: اباوع بس اباوع هم حرامم لو ممنوع؟
_لاعيني باوع محد لازمك اگلك صدگ
عندي موضوع ويااك
صارم :: اسمع اطربيني
_هاا بدينة بالأستهزاء
صارم :: هسةة شگايل اني احچي اسمعچ
_اگلك اني مليت من گعدة البيت واشوفك
انتَ تعبان والحمل كلة عليك خليني اطلع
اشتغل ويااك هم اتونس وهم اخفف من الحمل
عنك هاا شگلت؟
صارم :: شفق
_هاا
صارم :: نچبي حبيبتي
_بس خليني اتناقش ويااك
صارم :: ماكو نقاش بهالموضوع سدددي
_موبكيفيك عااط بيةةة فززني
صارم :: بكيفي ونصص لعد بكيف منووو
هاا بكيف منوو اني رجلج ومسؤول عننچ
متخطين خطوة وحددة اذا مو بشووري
شنوو مو بكيفك
_اعصاابك هااي شبيك كلة لأن گتلك اريد
اشتغلل سويتهاا شكبرهاا
صارم :: شتشتغللين شنو الشغل لبيه خيرر
لأشتغلتية فرااشة بمدرسةة لو عاملة بمطعم
هذا شغلل حلوو ويونسس لو بس المهم تفترين
بالشووارع مووو ماعجبتچ گعدة البيت اي
طبعااً وين چنتِ النهار كلة تفترين هسة
حبسسة ماصرفلچ هالحچي
_لتعيطط فاهم لتعيططط شنوو تعيرني بشغلي
اني ماحابتة بس مجبوررة چنت مجبورة
اذا بالمدرسة او بالمطعم اشتغلت حتى اعيش
اهللي ليش تعيريني شنوو تگلي افتر بالشوارع
شنوو قصددك وضحح
صارم :: تفهمين قصدي كلشش زين رحتِ
اشتغلتي بمطعم كلة زلم وانتِ بنية ترجعين
لوحدچ بنص االيل لحدما طمع بيچ ذااك
الكلب واخذ عليچ نضرةة انو انتِ سهلة
العالم الهاا الضاهر تشوفچ حلوة وصغيرة
وطالة من الصبح وترجع اخر االيل متگول
هاي تريد تعيش لااا تگول غير كلام وتألف
عليچ قصص
_ميهمني كلام النااس اخررر همي ليش
منو من الناااس من ماات ابوية لليوم
اطانة لگمة خبزز لو دگ بابنة منو من النااس
يعرف امي شلوون عاملتنة وشنوو سووت بينة
_منو من الناس شافهاا وهية تضرب
وتحاسب على اقل شي واذا ماجبت الها
فلووس تهددني ببيبي لو تهددني بشرفي
ولكممم وين اكوو ام تهددد بتهاا تدخل عليها
زلممم وين اكوو بنت تنام بيت اهلها وهية
قافلة الباب تخاف لاامها تغدرهاا لو رجل
امهاا يعتدي عليهاا
_منو من النااس يعرف شلوون عشت وشلون
چنت اناام منو من الناسس يعرف شلوون جوري
عاشت وشنوو صار ويهاا وهية كل عمرها 16سنة
طفلة لاتگلي النااس اخرر همي الناااس ساامع
اخرر همي
_عفتة وطلعت من الغرفةة صااح وراية رااد
ماعبرتةة دخلت للغرفة جوري تقرة وبيبي.
تصلي عفتهن وصعدت فووگ فتحت باب
السطع اول مرة اصعدد گعدت على طابوگة
موجودة خليت راسي بين رجلية ونزلت
دموعي أبچي بقهرر
_شگدد حقيرر كلما اريدد ابدي وياه من جديد
يرجعني لنقطة الصفر واني الثولة نقهرت عليه
اليووم وهسة يعيرني بشغلي ويگلي تحبين
الفرفرة بالشوارع بسيطة اني الك بسيطة
صاارم نزيت من صووتة
صارم :: ممعيرچ اني لچ غير اخاف عليچ
_باووعت واگف گبالي وادية بجيوبة، صحت
بيه شعندك لحگتني خيررر واحد ميااخذ راحتة
يعني ماكو خصوية
صارم :: لا ماكو بينة خصوصية امشي نزلي
جوة نسولف
_ماعندي حچي ويااك رووح
صارم :: يعني متگومين؟
_لاااا تقرب بسرعة شالني بيد ادية بخفة
ونزلني واني اعيط عليه وخرر مني يلةة
وخرر نزلني لتتصير مكرووه وهو ولايمةة
طلعت بيبي وجوري على عياطي من شافني
ضلن يضحكن تعاالن اخذني منة شكوو تضحكن
ولاتحركن دخلني للغرفة وشمرني على الچرباية
صارم :: ثبتي لچ
_عوفني معليك بيةة اريدد اطلع
صاؤم :: ماكو طلعة گعددي خلينة نحچي
_ماعندي حچي ويااك طلع اني موزينة
بنضرك ودايحةة بالشوارعع عوفني يلةة
تقرب سحبني وعصرني بحضني واني اقاومة
صارم :: ماقصدت هيچ والله لاتزعلين مني
بس اني ضاايج وطوخت بالكلاام شفق حبيبتي
اخااف عليچ مااريدچ تعبين مادام اني موجوود
مستحيل اخليچ تشتغلين
_يحچي بتوسل هديت شوية بس ضوجتني
حيل اني ردت بس اساعدك وهم اضوج هناا
صارم :: لاحبيبتي اني مااحتاج مساعدة اريدچ
مرتاحة بيتچ واذا على الضووجة السنة التجي
اقدملچ جامعة وية هاي صديقتچ مرت المتدين
_وية هدوء
صارم :: اي وية عاصفة صاحبتچ
_هدوء هدوء مو عاصفة
صارم :: هسة عوفينة منهاا خلينة بالمهم
_شنوو المهم
صارم:: انتِ زعلانة موو؟
_اي هوواي همم
صارم :: اصالحچ؟
_اي شلوون
صارم :: غمضي عيونچ
_غمضت مبتسمة، حسيت انفاسة قريبة
مني طبع بوسة على عيني اليمنة وبوسة
على عيني اليسرة نزل باس خشمي ابتسمت
باس خدودي منا ومناا واني هادئة تقرب اكثر
باسني من شفتي اول مرة يسوويهاا فتحت
عيني متفاجئة چانت عيونة ذبلانة وتباوعلي
بحب خجلت من نضرتةة ودنگت
صارم :: تصالحنة لو اصالحچ بطريقة
ثانية
_حچاها وغمزلي، لا كافي اتصالحنة
صارم :: ماالله يهديچ وتطيني حقي
_مالك كل حق يمي
صارم :: ليش هاا ليش ترة مايصير هيچ
وعلي
_اگلك من تحچي عبالك تطلبني دين
شسالفةة
صارم :: يعني اذا احچيها بطريقة افضل
توافقين
_لااا ممستعدة هسةةة صير حباب ترة
حتى ماانام يمك بعدد
صارم :: لا هذا هوو سكتت يلة گومي سوي
عشةة ترة جعت
_خووش عفتة وطلعت برة لگيت بيبي
بالمطبخ وجوري يمها شافني وابتسمن
شگد خجلت ماحچيت ساعدتهن بالعشة
_گاعدين كلنة على الصينة بالعشة نگعد
بالصالة حتى نتفرج على التلفزيون
بنص الاكل طفت الكهرباء صارت ظلمة
صااحت جووري
جوري :: لياكل هو حمااار
_صاارت صنتة گرصتهاا وحچيت العووبة
صمي حلگچ خزيتينةة شنوو زعطوطةة
جوري :: لعد بس انتِ چنتِ تسويهن بينة
من چنةة صغار ارجعهاا الچ
_چاا گدامهم ترجعيهاا بهاللحظة اجت الكهربااء
بيبي تباووع علينة وتضحك، صارت عيني
على صارم اللگمة مثل الطوبة بحلگة لايگدر
يذبهاا ولايگدر يبلعهاا وصاافن متعجب
ضحكت على منضرةة
_ههههه هاي شبيك يمعوود هااي جوري
وسوالفهاا بلع اللگمة وكفخهاا على راسهاا
صارم :: الله يطيح حضچ بقيت حااير
اذا اذبهاا زحمة واذا ابلعهاا اصير حماار
شگدد غبيةة
جوري :: اااي راسي يمعوود لعد شنوو
تخلصوون الاكل بالظلمة واني انغدر
شكوو تاكل وهية طافية تستاهلل
صارم :: شبيچ ولچ محرومةة لو ماانگل
النهار كلة بعدين توني خليت اللگمة بحلگي
وطفت شسوووي بت العوبة
جمارة :: عوفهاا يمة هاي هنة من قبل هيچ
لايكبرن ولايعقلن امسحهاا بوجهي
_هابيبي شعليةة اني شو شملتيني وياهاا
صارم :: بشررفي انتِ كبيرهم لعلمهم السحرر
_باوعتلةة صفح اكل اكل لاتطفى الكهرباءء
تعشينةة ونظفت المطبخ بقى بالصالة
يتفرج تلفزيون هو وبيبي واني رحت يم
جوري جوة اساعدهاا اني اكتب الهاا وهية
تقرة هواي عدهاا دروس
_اخررشي تعبت شمرت القلم وصحت بيهاا كاافي ترة بااچر جمعةة اخذي استراحةة يمعودة
جوري :: خااف ماالحگ
_بس بطلي بچي تلحگين والله تلحگين عفتها وطلعت لگيت بيبي تشرح لصارم احداث المسلسل
وهو مركز وياهاا باوعت هم هندي بيبي متملين
جمارة :: ياا غير يخبلن وقصص حلوة شمعرفچ
انتِ.
_منين قصص حلوة بس يطيرون فيالة
الله وكيلچ
جمارة :: دتعالي باوعي ويانةة وسكتي
_لامااريد تعبت ارووح انام نعسانة اليوم
گضيتهاا ركضة وحرگان گلب
باوعلي درت وجهي منةة وعفتهم وفتت
للغرفة غيرت ملابسي بجامة مال نووم مريحة
وفتحت شعري يتنفسس وتمددت
حسيت عليه دخل للغرفة غمضت عيوني
سويت روحي نايمة بقى شوية مدري شيسوي
يمكن يبدل لأن سمعتة فتح الكنتور وراها
اجةة يمي مد ايدة وسحبني داراني عليه
وجهة مقابيل وجهي فتحت عيني اباوعلة
_ضلينة هيچ واحد يباوع للثاني من غير
كلام حسيت ايدة صارت تتجول على جسمي
بهدوء لزمتها مانعتة باوعلي بتوسل هزيت
راسي لااا تقرب مني اكثر باسني من شفتي
مااعرف شلوون ضعفت وتجاوبت وياه
ايدة صارت تتجرء اكثر حسيت على روحي
ودفعتةة اهز راسي راافضةة قربة
_شمررر الغطة ونترر بيةةة
صارم :: وتالي يعنني ليششش تصديني
ليششش
_نزلت دمعتي مااريد عفية ليش تلحح
وياي
صارم :: لشووكت غيرر اعرف لشووكت
وليششش
_مااعرف مااعرف بس موو هسةة موهسةة
صارم :: يعني ماعندچ عذرر بس اسمة عنااد
موو شبيچ شفق شبيچ
_مو گتلك لاتلح وياااي لاتلحح حتى مااناام يمك
بعدد شلت مخدتي وگمتت لحگني بسررعة
لزمني من ايدي وشمرني على الچربايةة
نزع البدي مالتتة وهوو يتقرب علية ويحچي
صارم :: انتِ مو مال عيني واغااتي اني
اعررف شلوون ارووضچ تعبتيني...
...
....
هدوء...
_باووعت جعفر بالصورة وهية قريبة منةة
مديت ايدي اسحب الجهاز ماخلتني بسرعة
غلقتة وضمتة بالجنطةة باوعتلي و تقربت
حيل مني مدنگة راسهاا علية واديها مثبتتهن
منا ومنا على الميززز حچت بخبث وكلامهاا
مثل الصاعقة ونزل على راسي
:: سمعيني زينن وفتحي عقلچ جعفر احبة
ويحبني منوو انتِ وتجين تاالي ووقت
تدخلين حياتة بسررعة وتااخذي منيي اربع
سنين اني احبةةة ومنتضرة يجي يخطبني
اتفاجئ بيه قبل كم يووم مزووج ؟!
::شفتِ الصورة وشفتِ علاقتنةة چاان
منتضرر اتخررج يلةة يزووجني شنوو سويتِ.
الةة وخليتي يززوجج شلوون گدرتِ تااخذين
وااحد گلبة متعلق بغيررچ نصيحةة مني مادام
بعدكمم بالبداية طلعي من حيااتة قبل لايصير
بينكم طفل طلعي ولچ مالتي هووو منو انتِ
وتااخذي منوو
_شفتي ترجف كلامها أذاني اريد اردد عليهاا
لسااني نعگدد بلعت الغصة ورديت عليهاا
بخنگةة وكسرةة احاول اسيطر على اعصابي
جذابة انتِ جذابةة جعفر
ميحبچ ولايعررفچ مستحيل اصدگچ مستحيل
:: ليش انتِ شنوو تعرفين عنةة ماصارلچ
اياام
ويااه اني طالبة عندةة اربع سنين وكلشي
اعرف عنةة وعلاقتنة قووية وشفتِ الصورة
بعينچ
_هه تردين امشي على صورتچ شنوو واذا عندچ
صورة وياه انتِ طالبة وهو استاذج لابد ماخذة
صورة وياه تردين اصدگ عندچ علاقة ويااه من
صورررة انتِ غبيةة؟
:: بكيفچ لاتصدگين بس اني اجيت وگتلچ
ونصحتچ واذا ماعفتي تحملي اليجي مني
والله اسوي سواية ويااچ اخليچ دوام متگدرين
اداومينن ساامعةة
_شتسووين سوي مااخاف منچ غيرر عين
وقحة جااية تهددني اعووف رجلي ترة انتِ
بمكان للدراسةة مو للعلاقات وتدورين رجولة
:: خوش هددوء كبري راسچ ولاتاخذين
كلامي بس لاتلوميني على اليلطع مني
_حچت هيچ وغادرت المكان تاركتني
وسط صدمة على عصبية على تعجب من صلافتهاا
بقيت بمكااني مااگدر ادخل للمحاضرة فات احد
طلاب شعبتي گال
:: هددوء بدء الامتحاان ترةة ليش گاعدة
_باوعت عليه ومارديت هزز ايدة وعافني
وراح ياامتحان ليش بقت معلومة بعقلي
من وراهاا لنهااية الدوام اني على گعدتي
وكلامها يرن براسي سمعت تليفوني يدگ
ايدي ترجف مااگدر افتحة خلصت المكالمة
ومارديت
_دگ مرة ثانية سحبتة من الجنطة وخليتة
على اذااني بدون مااحچي اجاني صوتة
جعفر :: هدوووء وينچ يااابة
_اسمعك
جعفر :: شبيه صووتچ صاير ويااچ شي؟
_بالبيت نحچي
جعفر :: وين انتِ ؟
_بالكافترياا
جعفر :: ابقي بمكاانچ جايج
_خووش، سديت الخط وضميت التليفوون
وگعدت انتضرةة عيوني مغوشةة وراسي
يريد ينفجرر من الوجع الأحس بيه هسةة
_شوية واجاني تقرب مني خاايف لزم ايدي
ويحچي بحنية
جعفر :: هدوء شبيچ يابة ليش هيچ وجهج
يوجعج شي لو ماجاوبتِ بالأمتحاان احچي
ليش سااكتةة
_باوعتلة بحقد ، اخذني للبيت راسي يوجعني
مااگدر احجي هسةة
جعفر :: على راحتچ يلة امشينةة
_نهض قبلي مد ايدة الزم بيه مثل كل
يوم ماقبلت حس اكوو شي عافني براحتي
ومشى قبلي واني وراه كل شوية يلتفت
علية يشوفني ويكمل طريقة
_هه خاايف علية حضرة الشيخ المحتررم
بسيطة اني اللك بس خليني اووصل
واعرف شسووي بعيني حضرة الدكتور
بعيني..
_صعدنة للسيارة الطريق كلة سااكتين
يسووق وعينة كلساع تلتفت علية
واني عيوني ليگدامم ماباوعت عليه
_وصلنة للبيت نزلت بسرعة قبلة دخلت
لگيت خالتي بالمطبخ سلمت وبست راسهاا
مثل كل يووم
ام جعفر :: هلا يمة هلا بيكم يلة بدلوا
وصلوا وتعالوا الغدة كامل
_عاشت ايدچ حبيبتي، رحت للغرفة
غيرت ملابسي وغسلت دخل هوو
تجاهلت وجودة وصليت بسرعة
حتى اطلع اساعدهاا
_كملت وطلعت لگيتهاا دتصب بقيت
يمهاا رتبت الصينة ويااههاا واخذتها
للصالة طلع هوو گعدنة ناكل بدون
صووت چنت اگلب بالأكل مااشتهي
نفسي مسدودة بس عيب منهاا خطية
طابخة ومتعبة نفسهاا اجي اگلها مااكل
زحمةة
_بس كملوا شلت الصينة ونظفت المطبخ
صبيت الهم الچاي ودخلت للغرفة شوية ولحگني
سد الباب وگعدد مقابيلي باوعتلةة
جعفر :: شبيچ شصايرر ويااچ الصبح عغتچ
مثل الوردة ليش هسة ذبلانةة؟
_حچيت بدون مقدماات جعفر انتَ تحب؟
وياماگلتها نزلت دمعتي تفاجى من سؤالي
ورد عليةة
جعفر :: شنو مناسبة هالكلام شبيچ هدوء؟
_بس جاوبني بداعة امك صحيح انتَ
تحب وحدةة ومواعدهاا بس تتخرج
تتزوجون بس حچيتها ابتسم بسخرية.
ليش تضحك ردد عليةة والله گلبي جااي
يحترگ
جعفر :: تعرفين اني عنددي هيچ سوالف
اني العب على بناات النااس ماتوقعت
تتهميني هيچ اتهاام ابد ماتوقعت
_مااتهمتك اني شفت بعيني
رد بعصبيةة
جعفر :: شنوو شفتِ ممكن توضحين شنو لشفتيه
ولخلاچ تشكين بيةةة
_اليووم اجتني بنت ووحچتلي هيچ
وسردت عليه كلامها كللةة وطلعت
تليفونهاا صورة انتَ ويااها اذا اجذب
كلامهاا الصورة شنو معناها وليش تااخذ
ويااك صورة شنو اي وحدة تريد صوورة
تااخذ ويااك شنوو مشهور حضرتك؟
جعفر :: من تحچين لاترفعين صوتچ
انتبهي على نفسچ وناقشيني بأسلوب
حتى اردد عليچ اذا بقيت بهذه طريقتچ
اعووفچ واگووم
_يلة حجيت عدل جاوبني وريح گلبي
والله رااح امووت
جعفر :: سمعي البنت هذه لااعرفها ولاشايفها
ومستحيل اووعد بنت وأاملها بالزواج ومستحيل
اسووي علاقةة وية اي بنت ماعندي هالحركاات
ولمفرووض تعرفني انتِ واذا على الصورة هوااي طلاب يجوون
ولد وبناات ياخذون وياي وماارد احدد استاذهم
ويحبون تبقى ذكرى بينة صوورة مو مشكلتي
لشنوو يستخدموهاا مادام اعرف اني شنوو
ومامسوي شي غللط مااخاف من شي
_بس هيةة تگول تحبك وهددتني اذا مااعوفك
تسوي شي انددم عليه وگالت اني خربت بينكم
جعفر :: ميهمني شنوو تحچي وشنوو تگول
ليهمني انتِ مو اي احدد يجي يحجي كم كلمة
يمچ تصدگيه لمفرووض اذا انتِ تعرفين رجلج
وواثقة منةة من يمچ تسدين الموضوع
_اذا كلامها صحح ليش ماتزوجتهاا شنوو ليمنعني
لاعندي احد يعترض ولاشي هوواي حاولن ويااي
بس اني مااريد مااريد اغضب ربي على شي
ميسووة تجين هسة تشكين بيةة عندي علاقاتت!
_مع الأسف عليچ والله تخيلت عقلچ اكبرر من
أن يصدگ هيچ حيل واكاذيب بس مااعديها
الچ هيچ هدوء مااعديهاا
_عافني وتمدد على فراشة صااح طفي الضوة
طفيتة وتمدد دايرة وجهي شعور الندم بدة
يسيطر علية كلامة كفخني على راسي وصحااني
_عززة بعينچ هدووء شلوون تشكين بالرجاال
وتتهمينة وينة ووين هالسوالف هااي شگد
غبية يربي، بس والله كلامها يسم البدن چان
يعني اي بنت يجون يحچوون على رجلها
هيچ كلام گدامهاا لو شماا يكوون راح تشك
وتضوج وتنقهر وتغاار واذا ماسوت هيچ يعني
كل احساس ماعدهاا
_النومة طاارت من عيني وراسي يوجعني
بقيت اتگلب والچرباية تطگطگ صااح بية
ضاايج
جعفر :: شلوون يعنيي منااام
_نخلست بمكاني بدت الحرب قبل
ساعة چنت صاحبة الحق هسة نگلب
عليةةة بقيت بمكاني بالشفااعات يلة
نمت
_گعدت على حركتةة بالغرفة چان
يبدل عرفتة رايح للجامع كمل وطلع
بدون سلام نهضت ضايجة لملمت الغرفة
ورحت توضيت وصليت بعدهاا رحت
يم خاالتي چانت بغرفتهاا دخلت يمهاا
گاعدة وترتب بكنتورهاا حجيت وياهه
عوفيهن خالة اني اسويهن الچ
ام جعفر :: لا حبيبتي اني اعرف مكانهم
بس اذا ماعندچ شي گعدي يمي ونسيني
_اي مو تددلين وهااي گعدةة
ام جعفر :: فدوة لسانچ عسل
_هههه حبيبتي خالةة
ام جعفر :: شبيه جعفر طلع هسة حسيتة
ضاايج صايرر وياه شي؟
_ها لامابيه لايضل باللچ بس لأن گاعد
من النووم باوعلتي وابتسمت مامقتنعة
ام جعفر :: الله يهدي سركم يووم
هم مخابرة اممچ مشتاقتلها صايرة متجيي
قبل لاتتزوجن دائماً تجيني شو هسةة گطعتهاا
_تلگيهاا مشغوولة
ام جتفر :: شعدهاا يمعودة بس اني اعرفهاا
لأن صرتِ عدنة تتحسس تجي بي بسيطة
اني اعلمهاا شنوو غربة احنةة وتسوي هيچ
_بعد بينچن اني طلعني من السالفةة
صارت تضحك بقيت يمهاا تسولف اليةة
على جعفر وطبعة وتعلمني گالت
ام جعفر :: بس شي واحد مو حلو بيه
"شنوو
ام جعفر :: اذا زعلل هذا هو يقفل بعد شيصالحة
يمللچ وميمل الايتووبچ يلةة
_صفنت عاشت ايددج حجيةة طمنتني
شلوون چنت عايزة اني احچي بگلبي
ام جعفر :: هاا شو صفنتِ؟
_لاماكو شي ارووح احضر العشة على جية
هسةة
ام جعفر :: روحي يووم هسة اجي
اساعدج
_تعالي بس گعدي يمي مااخليچ تسووين
شي كاافي الغدة عليچ ابتسمت لكلامي
واني طلعت اجهز العشة اجت يمي
رادتت تساعدني ماقبلت بقت تسولف
وياي بعدني ممخلصة سمعتة دخل
_فاتت من المطبخ سلم ودخل للغرفة
يغير هدومة كملت الاكل بسرعة ووديتة
اكلنة وغسلت المواعين نظفت البيت ماخليت
شي حتى الصبح ماعندي شي غسلت هدووم
كلشي سويت للعشرة دخلت للغرفة
_چان گاعد على الميز ويقرة بكتاب عفتة
ودخلت سبحت وطلعت لبست شي خفيف
وگعدت اقرة شويةل12 طفيت بعدد
لميت الكتب وهو بعد على گعدتة
_ردت اكسرر الزعل رحت يمةة وحچيت
جعفر تعال خلي ننام بدون ميردد جاوبني
جعفر :: نامي معليچ بيةة
_يااا كبسني بس انتَ وراك گعدة وو..
ماخلاني اكمل عااط بيةة
جعفر :: نااامي گلتتت
_الدمعة بطرف عيني بس حبستهاا
عفتة ورحت لفراشي مختنگة من اسلوبة
ليش هيچ يسووي وياي كلها لأن عاتبتة
خلي يخلي نفسة مكاني يقبلها على نفسةة
_بچيت ماحسيت على نفس صووت الشهگة
علة بدون قصد اسمعة يستغفررر گام من مكانة
مسحت دموعي وغمضت مقهورة حسيت عليه
تمدد بصفي سحبني عليه ودارني مسح دموعي
وضماني بحضنةة بدون كلام
_كيفت للوضع والا وين اگدر اناام وهو بعيد
عني الصبح فزيت على صوت المنبه گعدت
قبلة جهزت الريوگ ورحت گعدتة دخل يسبح
واني بقيت ابدل بالليل سبحت مايحتااج
كملت وطلعت قبلة شوية ولحگني تريگنة
وطلعنة بدون كلام عرفتة لسةة زعلان بس
البارحة انقهر عليةة لااكثرر
_وصلني لقسمي وراح دخلت اخذت محاظرات
البارحة من البنات اجاني مسؤول الشعبة هذا
والسجاج گال
:: هدوء ترة البارحة تسجلتي غياب والدكتور
گال الغياب راسبين روحي احچي ويااه
_شحچي ويااه استحي خااف يرزلني
:: لاشرحيلة وضعچ وليش ماحضرتِ اكيد
يتفهم ولو هو نحس شووية
_شوكت اروح؟
:: هسةة روحي قبل لايبدي محاظرات ويتعصب
_ماشي رايحة عفتة ورحت سألت ودلوني لغرفتة
دگيت الباب صااح تفضلي دخلت الباب مفتوح
عفتة چان يمة دكتوور ثاني شافني گال
الدمتور :: خيرر بابا تفضلي؟
_دكتور اني البارحة ماامتحنت تعبت
وماگدرت افووت للقاعة
الدكتور :: اجيتي طلبتي اجازة ؟
_لادكنور ماگدرت
الدكتور :: روحي راسبةة هالشهر
_لافدوة دكتور والله اني قارية اذا تريد
هسة امتحن لاترسبني عفية
الدكتور ::ماكوو ولاعذر اتقبل روحي بابا
روحي حتى الشهر اليجي متتهاونين
_ والله ممتهاونة اني حباب.. عاط بيةة
الدكتور :: شنو حباب طلعي مناا ماكو
راسبة يعني راسبةة
_عفتة وطلعت ابچي سحبت تليفني خابرتة
جاوبني ويمةة هوسةة
جعفر :: نعم هدوء شصاير
_حچيت بشهگة الدكتور ميقبل يمتحني
يگلي راسبةة
جعفر :: ليش تبچين احچي على كيفچ خليني
افتهم
_تعال معلية تعاال
جعفر :: استغفر الله جاي جاي
_سد الخط وانتضرتة شوية واجاني يمشي
سريع من شافني تقرب سألني
جعفر :: ليش تبچين مو كلشي بچي
انتِ مو طفلة
_هو رزنلني وطردني وميقبل اعيد الامتحان
واني من وراك ماامتحنت
جعفر :: حلو هسة طلعت اني السبب
_اي انتَ يلة حاچي معلية مااريد ارسب
والله ابوية يزعل مني
جعفر :: كافي سكتي مسحي دمووعچ
اشووف
_حچاها ومسح دموعي وگال
جعفر :: انتضريني هسة اجي
_عافني ودخل للغرفة بعد ماطرق الباب
اسمع من بعيد سلامهم الحار وياه لأن الباب
مفتوح الصوت واضح گال الدكتور تفضل اگعد
رد علي يحچي بمزح
جعفر :: مااگعد زعلان منك اني
:: هااليش يمعودد والله ميهون زعلك تعرف
انتَ شگد غالي عندي
جعفر :: اذا غالي عندك شلون تبچي زوجتي
هاا دكتور شلون
::منو زوجتك
جعفر :: تعالي هدوء
_صااح علية ودخلت باوعلي الدكتور متعجب
:: زوجتك؟
جعفر :: اي البارحة صار عدهاا مشكلة
برة وماگدرت تفوت للقاعةة وطلعنة للبيت
بدون منشرح سبب غيابهاا هم يعتبر تقصير
من عدنة بس گتلك بوقتهاا مافكرنة غير
بالطلعة من الجامعة لأن تعبت
:: مااعرف بيهاا والله اعذرني
جعفر :: لا تعتذر دكتور هذا واجبك ودتسوي
بس على كيفيك وياهمم خطية بعدهم مرحلة
اولى وبداية الدوام هيچ راح تشردهم شوكت.
تبطل هالتشدد هذاا
::هههه انتَ تعرف ماعندي يمة ارحميني.
بالشغل واموت من التقصير بس هسة لخاطرك
وجيتك لهناا غالية علية راح امشيهاا لهدوء
بس كوون متنعااد
جعفر :: لاان شاء الله تنذكر متنعاد هسة
شوكت تمتحن
:: بااچر ان شاء الله مو بس هيةة كل الاطلاب
الغياب حتى لايتعتبر تفرقةة
جعفر :: عاشت ايدك واني اريدها حالها حال
الطلاب حتى تشد حيلهاا
:: ادلل دكتور ادلل
_تسالموا وطلعنة من الغرفة، باوعلي وگالل
جعفر :: وهاي نحلت الشغلة بس لاتستهانين
اول واخر مرة اتوسط الچ مااحب هالسوالف
ابدد ركزي بدارستچ وعوفي الشغلات التافهة
_كلة من ورااك اني شعليةة
جعفر :: روحي لقاعتچ الله يهديچ
_عاافني وراح انتبهت اكو طلاب تبااوع النة
مااهتميت عفتهم ودخلت للقاعة اجاني
حبيب السچاچ مال شعبةة سألني
حبيب :: هاا بشرري شسويتِ؟
_راح اعيدد الأمتحاان
حبيب :: شعجب وافق دكتور علاء صعب
_هسةة الله هداه ووافق ليش تصعبهاا انت
حبيب :: على كيفچ ليش عصبية ماحچيت شي
مجرد سؤوال
_واني رديت عليكم شكراً لأهتمامك، حچيت
ودرت وجهي افتهم وعافني وراح شگد لزگةة
دخل الدكتور نفسة وبلغ الطلاب بااچر اعادة
كيفوا خطية الحمد لله هوواي غياب مو بس
اني
_خلصت الدوام و اني بالقاعة ماطلعت خفت
انزل وتطلع هاي السفيهة بوجهي احترمت نفسي
وگعدت وسكتت اكو بناات تعرفت عليهن بقيت
اسولف وياهن
_هواي طلاب ميعرفوون اني زوجة الدكتور جعفر
خاصتاً طلاب قسمي واني اصلاً محاچية بيهاا
صحيح يشوفني اطلع ويااه بس محد يسألتي
شنوو يقرب منچ غير كم وحدة واني مرتاحة
لهالشي لايگوولون تنجح بالواسطاات فسكتت
ابرد راس اليةة
_خلص الدوام ورحت للقسم مالتة اقرب
الةة بس شافني أشرلي على السيارة
وصعدنة منطلقين للبيت، بس تغديت
ونمت شوية گعدت ادرس لأن بااچر
اريد درجة زينة بعدد زحمة لان عرف اني
زوجتة لازم اصير شاطرة
_امتحنت ثاني يووم والحمد لله جاوبت
وخلص الأسبووع هذا واحنة منحچي بس
للضرورة الدينا ضاگت بعيني مناا هو زعلان
ومناا اني تعبانةة احس روحي مسحوونة
واريد بس اناام وفوگ كل هذا اشتاقلة حيل
اتمنى بس اناام على صدرة واشتم عطرة
واذا طاله احضن مخدتةة مدري شبية
_اليووم گعدت ابچي العصر صادفت
جمعة مالگيتة اكيد بالجامع تربعت على
حيلي وابچي أريدة نووب سحبت المخدة واشتم
بيهاا افيشش شگد طيبةة وينك خبيث ليش
تحرمني من حضنك ولك ماااگدر مااگدر ليش
تعاقبني هيچ احجي بصووت عالي
_دخلت خالتي علية شافتني ابچي ومخدتة
بحضني تقربت مني تمسح دموعي خايفة
ام جعفرر :: يمةة اسم هدوة شبيچ يعمري
ليش تصيحين وتبچين شصااير ويااچ
_احچي وابچي خاالة ابنچ خبيث حارمني
من حضنة وميحضني من يناام وولايحچي
وياي واني مدري شبيةة اريدة خالة اريدة
ريحتة طيبة بس هو خبيث اي خبيث
وميحبني صاار اسبووع معاقبني لأن غرت
عليه غيرر احبة اني شبيدي يعني ابنچ ينحب
والله ينحب
_احچي وابچي واشم بالمخدة اباوع عليهاا
وجهاا صار احمرر وهية حاصرة الضحگة
حچت تاخذني على گد عقلي
ام جعفر :: شحدة يزعلچ هسة بس خلي يجي
العب بيه طووبة يمة يزعل بنيتي ومينومچ
بحضنةة غيرر امووتة
_سحبتني بحضنها اي خاالة گليلة هية تحبك
لاتصير خبيث ويااها وتحرمهاا من حضنك
فزيت وحچيت بسسس صدگ خاالة شواني
صاايرة فدنووب احب عطرة ماچنت هيچ
شوو هسةة زدت صاار اسبووع شنو لأن زعلان
عليةة صفنت وحچت بفرحةة
ام جعفر :: يايمةة صلوات ولچ هدوة خااف
حامل يووم
_حامللل شلوون وشووكت
ام جعفر :: شلون وشوكت انتِ اعرف بس
اعراضج مبينة مال حمل لأن متخبلة وفيوزاتچ
طاگة وتحبين ريحة رجلج وراسچ يوجعج اذا
الله ماكذبني حامل
_وشلوون نعرف؟
ام جعفر :: هسة اروح للصيدلية واجيبلج
تحليل واجي بسرعة ونتأكدد يمة يووم
عيد اشووف جهال جعفوري يمةة
_عافتني وراحت مستعجلة واني صفنت
عوود صدگ اصير حاامل ياي شگد حلو ويجيني
شيخ صغيرون نفسةة مااصدگ حضنت المخدة
وتمددت انتضرهاا ماطولت شوية ورجعت
فاتت وعبايتهاا براسهاا اطتني التحليل
وعلمتي
ام جعفر :: يلة فووتي منتضرتج بسرعة
يووم بسرعةة
_اخذتة وفتت للحمام استعملتة بين ماغسلت
طلعن خطين واضحاات يمةة گلبي طلعت
اركض الهاا خالة حاامل والله حاملل اخذتة
شافتة وصارت تهلهل وتبچي
ام جعغر :: گلووووش گلووووش يمة
صلوات على النبي دخيلك ربي مافشلتني
واستجابيت دعوتي بسااع محمود مشكورر
ربي
_اخذتني لحصنةة وتبچي نوب صرتت اصبر بيهاا
خالةة شبيچ ليش تبچين المفرووض تكيفين
مو تبچينن راح تصيرين بيبي ابتعدت عني
ومسحت دموعهاا
ام جعفر :: دمووع الفرح هااي امي دمووع الفرح
يمة هدوة ديري باللج على نفسچ بنيتي حافضي
على الروح لبداخلچ اروحلچ فدوة..
_اسم الله عليچ خاالة ان شاء الله لاتخاافين
علية الله الحافظ بس خالة اطلب منچ طلب
ام جعفر :: عيوني الچ گولي
_سالمات عيونچ لاتگولين لجعفر اريد اني
اسويلة مفاجئة بلكت نصالح
ام جعفر :: ولو گلبي مايتحمل اريد اشووف
الفرحة بعيونة بس لخاطرچ يووم مااحچي
اطمأني
_بستهاا من راسهاا يمة فدوة احل عمةة
بالدنيا
ام جعفر :: اووي غدي لاتگولين عمةة اني
خالة اكره العمةة
_ ههههه احلى خالة والله، باستني وطلعت
غسلت وجهي صاير خريطةة وصليت لأن
أذن طلعت وياها نجهز العشة وهية تحچي
شتجيب للطفل وشتخلي واني اسايرهاا
بس كملنة دخل للبيت سلم وراح بدل
واجةة
_گعدنة نتعشةة وخالتي الابتسامة متگدر
تضمهاا حچةة هوو
جعفر :: خير يماي الوجه يضحك اليوم
ام جعفر :: فرحانة يووم فرحانة
جعفر :: دومچ ان شاء الله بس على شنوو
فرحينة ويااچ
_لزمت گلبي خفت تحچي ردت عليه
ام جعفر :: بعدين امي بعدين اكل عوفك مني
جعفر :: امرچ حجية بعدين بعدين
_خلصنة اكل نضفت المطبخ وگعدنة شوية نتفرج
تلفزيون وياهاا للعشرة راحت تنام راح هوو
واني طفيت التلفزيون ولحگتة دخلت لگيتة
متمدة يگلب بتليفونة مامعبرني عفتة ورحت
اخذت ملابس ودخلت للحمام سبحت وبدلت
وطلعت
_وگفت گباال المرايةة مشطت شعري وخليت
سيرووم حتى ميكووش سويت مكيااج
قووي ورشيت عطر باوعت لروحي لابسة
ثووب ربع رد ستن من فووگ تول يوصل
لنصف الفخذ لوون ابيض بارز جسمي
باوعت لگيتة صاافن علية من حس انتبهت
عليه داار وجهةة بسطية شيخ بسيطةة
_فتحت المجر طلعت العلبة لخليت
بيها التحليل ورحت يمةة گعدت گباالة طفى التليفون
باوعلي وگال بدون اهتمام
جعفر :: وخري اريد اناام
_اي ناام بس شووف هااي يلةة..
جعفر :: شنوو؟
_حچاها واخذ العلبة من ايدي باووع زين
ماعرف شنوو سالني
جعفر :: شنو هاي؟
_متعرف شنوو؟
جعفر :: لاوالله مااعرف
_حچيت بفرحة اني حامل، صفن بوجهي
مامستوعب حركت ايدي گبالة هاا وين رحت
شبيك
جعفر :: هددوء احجي صدگ؟
_والله شبيك حامل راح تصير احلى ابووو
بس حچيتةة سحبني قووي لحضنة يتنفس
سريح ويردد
جعفر :: الحمد لله الحمد لله
_بعدت منة كيفت؟
جعفر :: اذا اگلچ احلى خبر اسمعة بحيااتي
متصدگين صدگ هدوء حامل حامل
_هههه اي والله حامل حامل ، عافني وگاام باوعتلة
بسرعة سجدد للگااع دمعت عيني من شفتة
هيچ طول هواي يلة گاام تمددت بمكاني وحچيت
بدلع يلة طفي الضوة اريد اناام
جعفر :: تنامين؟
_اي انتَ غير نعسان وزعلان هم شعندي بعد
گاعدة خلي اناام احسن تقرب مني لزم ايدي
وگال
جعفر :: منو گاال زعلان يابة
_انتَ صارلك شگد حارمني منكك ومتحچي
وياي يلةة وخرر نزلت دمعني
جعفر :: صايرة حساسة مرتي حيل
تعالي يمي
_لا مااجي عوفني
جعفر ::موبكيفيچ
_حچاها وگاام طفى الضوة واجة تمدد وسحبني
عليه دارني باوع بعيووني نزلت دمعتي مسحها
بهدوء تقرب باسني بشفتي وحچة بصووت خافت
جعفر :: مبروك حبيبتي
_فتخت عيني اول مرة يحچيهاا حبيبتك؟
جعفر :: اي حبيبتي ومرتي وام جهالي واحلى
نعمة ربي نعم بيهاا عليةة
_يمةة يحجي وگلبي يدگ سرريع حچيت
تحبني جعفررر؟
جعفر :: امووت عليچ هدوئي
_تقرب مني بكل حنية وهو يشرح حبة
بلمساتة السحرية لتخليني اضيع بين اديه
كل حركة منة تثبتلي صدگ يحبني احلى
ليلة چانت وياه بعدد ما ثبت حبة الية
بأفعالة قبل
شكرا لزيارتكم عالم روايات سكيرهوم
