رواية المتشردة والغيور الفصل السادس عشر بقلم مرج البحر
ﺭﻳﺎ ........ ﺑﻌﺪﻧﻲ ﺟﺎﻱ ﺍﺳﻮﻟﻒ ﻭﻱ ﻧﻮﺭ ﻭﺍﻛﻮﻟﻠﻬﺎ ﺍﺧﺠﻞ ﺍﺑﻘﻰ ﻛﺪﺍﻡ ﺣﻤﺰﺓ ﺑﺪﻭﻥ ﺣﺠﺎﺏ ﻭﻫﻲ ﻛﺎﻟﺘﻠﻲ ﻻ ﺯﻭﺟﺞ ﻭﻣﻮ ﻋﻴﺐ ﺍﻟﻌﻴﺐ ﺗﺘﺤﺠﺒﻴﻦ ﻛﺪﺍﻣﻪ ﺑﻌﺪﻧﺎ ﻧﺴﻮﻟﻒ ﺍﻧﺪﻙ ﺍﻟﺒﺎﺏ ﻭﻗﺒﻞ ﻻﻧﻜﻮﻝ ﻣﻨﻮﻭ ﺩﺧﻞ ﺣﻤﺰﺓ
ﻧﻮﺭ ﻃﻠﻌﺖ ﻫﻮ ﺳﺪ ﺍﻟﺒﺎﺏ ﻭﺍﺟﺔ ﻳﻤﻲ ﺍﻧﻲ ﻭﺍﻛﻔﺔ ﻭﻣﺪﻧﻜﺔ ﻭﺍﻓﺮﻙ ﺑﻴﺪﻱ ﻫﻮ ﻛﺎﻝ
ﺣﻤﺰﺓ ....... ﻫﺎﺍﺍ ﺷﺒﻴﺞ ﻟﻴﺶ ﻣﺪﻧﻜﺔ ﺍﺭﻓﻌﻲ ﺭﺍﺳﺞ
ﺭﻳﺎ ....... ﺭﻓﻌﺖ ﺭﺍﺳﻲ ﻫﻮ ﻳﺒﺎﻭﻋﻠﻲ ﺭﺟﻌﺖ ﺩﻧﻜﺖ ﻫﻮ ﺿﺤﻚ ﻭﻛﺎﻝ
ﺣﻤﺰﺓ ........ ﻫﻬﻬﻬﻬﻪ ﺷﻮ ﺍﻟﻴﻮﻡ ﻃﻮﻻﻧﺔ ﺷﻨﻮ ﺍﻟﺴﺎﻟﻔﺔ
ﺭﻳﺎ ....... ﻣﻦ ﻓﻄﺎﺭﻳﺘﻲ ﻋﺒﺎﻟﻲ ﻣﺎﻳﻌﺮﻑ ﺍﻧﻲ ﻻﺑﺴﺔ ﻛﻌﺐ ﻛﻮﺗﻠﻪ ﻻ ﻣﻮ ﻻﺑﺴﺔ ﻛﻌﺐ ﻫﺎﻙ ﺷﻮﻑ
ﺣﻤﺰﺓ ....... ﻫﻬﻬﻬﻬﻪ ﺟﺎ ﻣﺎﺍﺩﺭﻱ ﺗﻜﻮﻟﻴﻠﻲ ﺍﻛﻌﺪﻱ ﺧﻞ ﻧﺴﻮﻟﻒ
ﺭﻳﺎ ........ ﻛﻌﺪﺕ ﻫﻮ ﻇﻞ ﻳﺴﻮﻟﻒ ﻭﻳﺎﻱ ﻛﺎﻝ
ﺣﻤﺰﺓ ........ ﺷﻮﻓﻲ ﺍﻟﺴﺎﻟﻔﺔ ﻻ ﻋﺒﺎﻟﺞ ﺗﻨﻄﻢ ﻭﻣﺤﺪ ﻳﺪﺭﻱ ﺑﻴﻬﺎ ﻻ ﻭﺍﻟﻠﻪ ﻟﻮ ﺑﻌﺪ ﺍﺟﻴﺎﻝ ﻫﻢ ﺗﻄﻠﻊ ﺑﺲ ﺍﺭﻳﺪ ﺍﻛﻮﻟﺞ ﺍﻧﻲ ﻭﻳﺎﺝ ﻭﻣﺎﺍﻋﻮﻓﺞ ﻟﻮ ﺷﻴﺼﻴﺮ ﺑﺲ ﺍﻧﺘﻲ ﺧﻠﻴﺞ ﻭﻳﺎﻱ ﻣﺎﺷﻲ
ﺭﻳﺎ ....... ﻭﺍﻟﻠﻪ ﺍﻥ ﺟﺎﻥ ﺍﻟﺤﺎﻳﻂ ﺍﻓﺘﻬﻢ ﺍﻧﻲ ﺍﻓﺘﻬﻤﺖ ﺑﺲ ﻛﻮﺗﻠﻪ ﻣﺎﺷﻲ ﻫﻮ ﺻﻔﻦ ﺑﻴﺔ ﻭﺭﺟﻊ ﻛﺎﻝ
ﺣﻤﺰﺓ ....... ﻃﺎﻟﻌﺔ ﺣﻠﻮﺓ
ﺭﻳﺎ ....... ﺩﻧﻜﺖ ﻣﺴﺘﺤﻴﺔ ﻣﻨﻪ ﻭﺍﻧﻲ ﻣﺪﻧﻜﺔ ﻭﺍﻓﺮﻙ ﺑﻴﺪﻱ ﺣﺴﻴﺘﻪ ﺻﺎﺭ ﻗﺮﻳﺐ ﻋﻠﻴﺔ ﺍﺣﻨﺔ ﺟﻨﻨﺎ ﻛﺎﻋﺪﻳﻦ ﺑﺎﻟﻜﺎﻉ ﺍﻧﻲ ﻛﺎﻋﺪﺓ ﻋﻜﺲ ﻭﻫﻮ ﻣﺮﺑﻊ ﺧﻠﺔ ﺍﻳﺪﻩ ﻋﻠﻰ ﺍﻳﺪﻱ ﺭﻓﻌﺖ ﺭﺍﺳﻲ ﺍﺭﺟﻒ ﻭﺷﻔﺎﻳﻔﻲ ﺗﺮﺟﻒ ﺧﺠﻞ ﻭﺧﻮﻑ ﺳﻴﻄﺮ ﻋﻠﻴﺔ
ﻫﻮ ﺟﺎﻧﺖ ﻋﻴﻮﻧﻪ ﺗﻤﺸﻲ ﻋﻠﻰ ﻣﻼﻣﺢ ﻭﺟﻬﻲ ﻛﻠﻬﺎ ﻣﻦ ﺷﺎﻑ ﺷﻔﺘﻲ ﺗﺮﺟﻒ ﻛﺎﻝ ﻭﻫﻮ ﺻﻮﺗﻪ ﺍﺷﺒﻪ ﻟﻠﻬﻤﺲ
ﺣﻤﺰﺓ ....... ﻟﻴﺶ ﺗﺮﺟﻔﻴﻦ
ﺭﻳﺎ ........ ﺑـ ﺑـ ﺑﺮﺩﺍﻧﺔ
ﺑﺲ ﻛﻤﻠﺖ ﺣﺠﺎﻳﺘﻲ ﻫﻮ ﺧﻠﺔ ﺍﻳﺪﺓ ﻋﻠﻰ ﺭﻛﺒﺘﻲ ﻣﻦ ﻭﺭﺍﺀ ﻭﺳﺤﺒﻨﻲ ﺍﻟﻪ ﻭﺟﻬﻲ ﺻﺎﺭ ﻗﺮﻳﺐ ﻟﻮﺟﻬﻪ ﻛﻮﺗﻠﻪ ﺣﻤﺰﺓ ﺍﺭﻳﺪ ﺍﺭﻭﺡ
ﺣﻤﺰﺓ ....... ﺷﺒﻴﺞ ﺧﺎﻳﻔﺔ ﻣﻮ ﺟﻨﺘﻲ ﺗﺮﺩﻳﻦ ﺗﺮﻭﺣﻴﻦ ﻭﻳﺎﻱ
ﺭﻳﺎ ....... ﻳﺤﺠﻲ ﻭﻋﻴﻮﻧﻪ ﻟﺸﻔﺎﻳﻔﻲ ﻭﺍﻧﻲ ﻛﻤﺖ ﻣﺎﺍﺣﺲ ﺑﺄﻃﺮﺍﻓﻲ ﻭﺟﺴﻤﻲ ﻛﻠﻪ ﻳﺮﺟﻒ ﺩﻓﻌﺘﻪ ﻣﻦ ﺻﺪﺭﻩ ﺑﺲ ﻣﺎﻭﺧﺮ ﻗﺮﺏ ﺍﻛﺜﺮ ﻭﺑﺎﺳﻨﻲ ﻇﻠﻴﺖ ﺑﺲ ﻓﺎﺗﺤﺔ ﻋﻴﻮﻧﻲ ﻣﺘﻔﺎﺟﺄﺓ
ﺩﻓﻌﺘﻪ ﺑﺲ ﻣﺎﻭﺧﺮ ﺩﻓﻌﺘﻪ ﺍﻗﻮﺓ ﻫﻢ ﻣﺎﻭﺧﺮ ﺷﻮﻱ ﻭﺧﺮ ﺑﺲ ﺍﻳﺪﻩ ﻋﻠﻰ ﺭﮔﺒﻴﺘﻲ ﺧﻠﺔ ﺧﺪﻩ ﻋﻠﻰ ﺧﺪﻱ ﻭﺣﻠﻜﻪ ﻗﺮﻳﺐ ﻋﻠﻰ ﺍﺫﻧﻲ ﻭﻛﺎﻝ
ﺣﻤﺰﺓ ....... ﺍﺣﺒﺞ ﺭﻳﺎ ﻭﺍﻟﻠﻪ ﺍﺣﺒﺞ
ﺭﻳﺎ ......... ﺍﻧﺼﺪﻣﺖ ﻫﺬﺍ ﺷﺒﻲ ﺷﻴﺤﺠﻲ ﻛﻮﺗﻠﻪ ﺣﻤﺰﺓ ﺷﻮﻛﺖ ﻋﺮﻓﺘﻨﻲ ﻭﺣﺒﻴﺘﻨﻲ
ﺣﻤﺰﺓ ....... ﺭﻳﺎ ﺑﺪﻭﻥ ﻣﺎﺍﻋﺮﻓﺞ ﻭﻗﺒﻞ ﻻ ﺍﺷﻮﻑ ﺣﺴﻨﺞ ﻭﺟﻤﺎﻟﺞ ﺣﺒﻴﺘﺞ ﻣﻦ ﻳﻮﻡ ﺍﺣﺘﻤﻴﺘﻲ ﺑﻴﺔ ﺣﺒﻴﺘﺞ
ﺭﻳﺎ ....... ﺻﺎﻓﻨﺔ ﻭﻣﺼﺪﻭﻣﺔ ﻣﻦ ﺍﻟﻤﻮﻗﻒ ﺍﻭﻝ ﻣﺮﺓ ﻭﺍﺣﺪ ﻳﺒﻮﺳﻨﻲ ﻭﺍﻭﻝ ﻣﺮﺓ ﺑﺤﻴﺎﺗﻲ ﺍﺳﻤﻊ ﻫﻴﺞ ﺣﺠﻲ ﻇﻠﻴﺖ ﻣﺘﺼﻨﻤﺔ ﻣﺎﺍﻋﺮﻑ ﺷﺄﻛﻮﻝ ﻭﺷﺤﺠﻲ ﺭﺟﻊ ﻫﻮ ﻳﺮﻳﺪ ﻳﺒﻮﺳﻨﻲ ﺍﻧﺪﻙ ﺍﻟﺒﺎﺏ ﻫﻮ ﻇﺎﺝ ﻭﻭﺧﺮ ﻭﺻﺎﺡ
ﺣﻤﺰﺓ ....... ﻣﻨﻮﻭﻭ
ﺯﻫﺮﺍﺀ ......... ﺗﻌﺎﻟﻮ ﺻﺒﻴﻨﺎ ﻋﺸﺎﺀ ﻳﺎﻟﻠﻪ ﺍﻧﺰﻟﻮ
ﺭﻳﺎ ........ ﺣﻤﺰﺓ ﻇﻞ ﻳﻤﺴﺢ ﻭﺟﻬﻪ ﺑﺎﻟﻜﻠﻨﺲ ﺻﺎﺭ ﺑﻲ ﺣﻤﺮﺓ ﻭﺑﺎﻭﺩﺭ ﺑﺨﺪﻩ ﺑﺲ ﺍﻟﻜﻠﻨﺲ ﺍﻟﻨﺎﺷﻒ ﻣﺎﻳﻤﺴﺢ ﻛﻤﺖ ﻭﺍﻧﻄﻴﺘﻪ ﻛﻠﻨﺲ ﻣﺮﻃﺐ ﻣﻦ ﺟﻨﻄﺘﻲ ﻫﻮ ﻣﺎﻳﺤﺠﻲ ﺍﺧﺬﻩ ﻭﻛﺎﻝ
ﺣﻤﺰﺓ ........ ﻳﺎﻟﻠﻪ ﺑﺪﻟﻲ ﻭﺍﻣﺴﺤﻲ ﻣﻜﻴﺎﺟﺞ ﻭﺍﻧﺰﻟﻲ ﺗﻌﺸﻲ ﺍﻧﺘﻈﺮﺝ ﺟﻮﺓ
ﺭﻳﺎ ........ ﻫﺰﻳﺖ ﺭﺍﺳﻲ
ﻫﻮ ﻃﻠﻊ ﺍﺧﺬﺗﻠﻲ ﺻﻔﻨﺔ ﺍﺑﺎﻭﻉ ﺑﺎﻟﻤﺮﺍﻳﺔ ﻭﺍﺟﻊ ﺍﺻﻔﻦ ﺍﺣﺲ ﻧﻔﺴﻲ ﻣﺎﻋﻨﺪﻱ ﺛﻘﺔ ﺑﻲ ﻭﺧﻔﺖ ﻣﻦ ﻛﻼﻣﻪ ﺍﺧﺎﻑ ﺍﺻﺪﻛﻪ ﻭﻣﺎﻳﻄﻠﻊ ﺻﺎﺩﻕ ﻭﺍﺧﺎﻑ ﺍﻛﺬﺑﺔ ﻭﺍﻇﻠﻤﻪ ﺧﻮﻓﺔ ﻟﺰﻣﺘﻨﻲ ﻣﺎﺍﻋﺮﻑ ﺷﻨﻮ ﺍﺗﺼﺮﻑ ﻭﻣﺎﺍﻋﺮﻑ ﺑﺴﻮﺍﻟﻒ ﺍﻟﺤﺐ
ﻭﺍﻧﻲ ﺍﻓﻜﺮ ﻭﺍﻣﺴﺢ ﺑﻮﺟﻬﻲ ﻭﺻﺎﻓﻨﺔ ﺍﻧﺘﺒﻬﺖ ﻟﺸﻜﻠﻲ ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ ﺟﻦ ﺍﻟﻠﻴﻞ ﺻﺎﻳﺮﺓ ﺍﻟﻤﺎﺳﻜﺮﺍ ﻳﻢ ﺷﻔﺘﻲ ﺍﻟﺤﻤﺮﺓ ﻣﻦ ﺍﻻﺫﻥ ﻟﻼﺫﻥ ﺍﻟﺘﺎﺗﻮ ﻧﺎﺯﻝ ﻟﻠﺠﻔﻦ ﻭﺻﺎﻋﺪ ﻋﻠﻰ ﻛﺼﺘﻲ ﺍﺣﻤﺮ ﺍﻟﺨﺪﻭﺩ ﺻﺎﻳﺮ ﺧﺮﻳﻄﺔ ﺍﻟﻴﺸﻮﻓﻨﻲ ﺗﺼﻴﺮ ﺑﻲ ﺧﻮﻓﺔ ﻭﭬﻮﺑﻴﺎ ﻣﻦ ﺍﻟﺒﺸﺮ ﻛﻠﻬﻢ ﺍﻧﻲ ﻣﺎﺍﻋﺮﻑ ﺍﻣﺴﺢ ﺍﻟﻤﻜﻴﺎﺝ ﻭﻣﺴﺤﺖ ﻭﺟﻬﻲ ﺑﺸﻜﻞ ﺩﺍﺋﺮﻱ ﻭﺍﻟﻠﻪ ﺻﺎﺭ ﺷﻜﻠﻲ ﻳﺨﻮﻑ ﺍﻧﻲ ﺧﻔﺖ
ﺩﺧﻠﺖ ﻧﻮﺭ ﺑﺲ ﺷﺎﻓﺘﻨﻲ ﻋﺎﻃﺖ ﺑﺼﻮﺕ ﻋﺎﻟﻲ ﻭﺭﺟﻌﺖ ﻭﺳﺪﺕ ﺍﻟﺒﺎﺏ ﻭﺭﺟﻌﺖ ﻓﺘﺤﺘﻪ ﻭﻣﺪﺕ ﺭﺍﺳﻬﺎ ﻛﺎﻟﺖ ﺑﺨﻮﻑ
ﻧﻮﺭ ........ ﻭﻟﺞ ﺑﺲ ﻻ ﺍﻧﺖ ﺭﻳﺎ
ﺭﻳﺎ ........ ﻫﻬﻬﻬﻬﻬﻬﻪ ﺗﻌﺎﻟﻲ ﻧﻮﺭ ﺳﺎﻋﺪﻳﻨﻲ ﺑﺎﻋﻲ ﺷﺴﻮﻳﺖ ﺑﻨﻔﺴﻲ
ﻧﻮﺭ ........ ﻫﺎﻱ ﻣﻨﻮ ﻣﺴﻮﻱ ﺑﻴﺞ ﻫﻴﺞ ﺑﺲ ﻻ ﺣﻤﺰﺓ
ﺭﻳﺎ ........ ﻻﺍﺍ ﺍﻧﻲ ﺍﻣﺴﺢ ﺑﺎﻟﻤﻜﻴﺎﺝ ﻭﻫﻴﺞ ﺻﺎﺭ ﺑﻴﺔ
ﻧﻮﺭ ........ ﻭﺟﻊ ﻫﻮ ﻫﻴﺞ ﺍﻟﻴﻤﺴﺢ ﺍﻟﻤﻜﻴﺎﺝ ﻏﻴﺮ ﺷﻲ ﻭﺭﺍﺀ ﺷﻲ ﺍﻭﻝ ﺷﻲ ﻋﻴﻮﻧﺞ ﻟﻮ ﺣﻤﺮﺗﺞ ﻭﻫﻴﺞ ﻭﺗﻤﺴﺤﻴﻦ ﺍﻟﻤﻜﻴﺎﺝ
ﺭﻳﺎ ......... ﺷﻤﺪﺭﻳﻨﻲ ﻫﻮ ﺍﻧﻲ ﺍﻋﺮﻑ؟؟
ﻧﻮﺭ ......... ﻫﺎﻱ ﻋﻮﺩ ﺍﻧﺘﻲ ﺑﺄﺭﺑﻴﻞ ﻭﻛﺬﺍ ﺍﻧﻲ ﻣﻦ ﻛﺎﻟﻮﻟﻲ ﻣﺎﺟﺎﻧﺖ ﺗﺘﺤﺠﺐ ﻭﺳﺎﻓﺮﺓ ﻭﺑﺄﺭﺑﻴﻞ ﻛﻮﻟﺖ ﺭﺍﺡ ﺗﻄﻠﻊ ﺻﺎﻟﻮﻧﺔ
ﺭﻳﺎ ........ ﻭﺩﺍﻋﺔ ﻣﺎﻣﺎ ﺑﺤﻴﺎﺗﻲ ﻣﺎﻣﺨﻠﻴﺔ ﻣﻜﻴﺎﺝ ﺍﻛﺒﺮ ﺷﻲ ﺳﻮﻳﺘﻪ ﺩﺧﻠﺖ ﻧﺎﺩﻱ ﻭﻧﺤﺘﺖ ﺟﺴﻤﻲ ﻭﻣﺎﻣﺎ ﻣﺎﻛﺎﻧﺖ ﺭﺍﺿﻴﺔ ﻋﻠﻴﺔ ﺑﺲ ﺍﻧﻲ ﻟﺤﻴﺖ
ﻧﻮﺭ ........ ﻳﺎﺍﺍ ﻳﻌﻨﻲ ﻣﺎﻛﺎﻥ ﺟﺴﻤﺞ ﻫﻴﺞ
ﺭﻳﺎ ....... ﻻ ﻣﻮ ﻣﻮﺣﻠﻮ ﺑﺲ ﻣﺎﻛﺎﻥ ﻳﻌﺠﺒﻨﻲ ﻭﺩﺧﻠﺖ ﻧﺎﺩﻱ ﺷﻬﺮ ﻭﺗﺮﻛﺖ
ﻧﻮﺭ ........ ﺩﻳﺎﻟﻠﻪ ﺑﺪﻟﻲ ﺧﻞ ﻧﻌﻮﻑ ﺍﻟﺴﻮﺍﻟﻒ ﻻﻥ ﺻﺒﻮ ﻋﺸﺎﺀ
ﺭﻳﺎ ........ ﻃﻠﻌﺖ ﻧﻮﺭ ﻭﻛﻔﺖ ﺑﺎﻟﺒﺎﺏ ﺍﻧﻲ ﻟﺒﺴﺖ ﺍﻟﺪﺷﺪﺍﺷﺔ ﺍﻟﺜﺎﻧﻴﺔ ﻟﻮﻧﻬﺎ ﻣﺎﺭﻭﻧﻲ ﻗﻤﺎﺷﻬﺎ ﻓﺎﻟﻴﻦ ﻛﻠﺶ ﺣﻠﻮﺓ ﺭﺩﻧﻬﺎ ﻃﻮﻳﻠﺔ ﻭﻫﻲ ﻃﻮﻳﻠﺔ ﻭﺑﻴﻬﺎ ﻗﻴﻄﺎﻥ ﻣﻦ ﺍﻟﺼﺪﺭ ﻳﻨﺮﺑﻂ ﻭﺗﺼﻴﺮ ﻋﺒﺎﻟﻚ ﻣﻠﻤﻮﻣﺔ ﻭﻣﻦ ﺟﻮﺓ ﺭﺍﻫﻴﺔ ﻛﻠﺶ ﺣﻠﻮﺓ ﻭﺑﻴﻬﺎ ﺭﺳﻤﺔ ﻣﻦ ﺟﻬﺔ ﺍﻟﺼﺪﺭ ﻭﺗﻨﺰﻝ ﻟﻠﺒﻄﻦ ﻟﺒﺴﺖ ﺷﺎﻟﻲ ﺍﻻﺳﻮﺩ
ﻭﻧﺰﻟﺖ ﻣﺴﺘﺤﻴﺔ ﻣﻨﻬﻢ ﺳﺎﻋﺪﺕ ﺍﻟﺒﻨﺎﺕ ﺑﺼﺐ ﺍﻟﻌﺸﺎﺀ ﻭﻧﻘﻠﻨﺎ ﻟﻠﻬﻮﻝ ﻭﻛﻠﻬﺎ ﻛﻌﺪﺕ ﺳﻮﺓ ﺍﻧﻲ ﻛﻌﺪﺕ ﺑﻴﻦ ﻋﻤﺘﻲ ﻭﻧﻮﺭ ﺣﻤﺰﺓ ﺻﺎﻳﺮﺓ ﺑﺎﻟﺠﻬﺔ ﺍﻟﻤﻘﺎﺑﻴﻠﻲ ﺑﺲ ﻣﻮ ﻛﺪﺍﻣﻲ ﺍﻛﻞ ﻋﻠﻰ ﻛﻴﻔﻲ ﺑﺲ ﻣﻦ ﺍﻟﺠﻮﻉ ﺑﻮﺩﻱ ﺍﻛﻞ ﺍﻟﺴﻔﺮﺓ ﻛﻠﻬﺎ ﻛﻞ ﺷﻮﻳﺔ ﺍﺷﻴﻞ ﺍﻟﺨﺒﺰﺓ ﻭﺍﺭﺟﻌﻬﺎ ﺍﻛﻮﻝ ﺧﻞ ﺍﺑﻠﻊ ﻳﺎﻟﻠﻪ ﺷﻴﻜﻮﻟﻮﻥ ﻋﻠﻴﺔ ﺣﻠﻜﻬﺎ ﻣﺘﺮﻭﺱ ﻭﻻﺯﻣﺔ ﺳﺮﺓ ﺑﻴﺪﻫﺎ ﻋﻴﺐ
ﻭﻋﻴﻮﻧﻲ ﻳﻘﻔﻠﻦ ﻣﻦ ﺍﻟﺘﻌﺐ ﺍﻛﺜﺮ ﺷﻐﻠﺘﻴﻦ ﺍﺣﺒﻬﻦ ﺍﻟﻨﻮﻡ ﺍﻻﻛﻞ ﻻ ﺑﻴﺔ ﺍﺯﻋﻞ ﺍﻟﻨﻮﻡ ﻭﻻ ﺑﻴﺔ ﺍﺯﻋﻞ ﺍﻻﻛﻞ ﻭﻻ ﺍﻛﺪﺭ ﺍﻛﻞ ﺑﺴﺮﻋﺔ ﺣﺘﻰ ﺍﺻﻌﺪ ﺍﻧﺎﻡ ﻭﻣﺤﺘﺎﺭﺓ ﺗﺎﻟﻲ ﻛﺎﻣﻮ ﻳﻨﺴﺤﺒﻮﻥ ﻣﻦ ﺍﻟﺴﻔﺮﺓ ﻭﺍﺣﺪ ﻭﺍﺣﺪ ﺑﺴﺮﻋﺔ ﺷﺒﻌﻮ ﻻﻥ ﻣﺎﻛﻠﻴﻦ ﻛﻴﻚ ﻭﺷﺒﻌﺎﻧﻴﻦ ﺑﺲ ﺍﻧﻲ ﺟﻮﻋﺎﻧﺔ ﻭﺍﺳﺘﺤﻲ ﺍﺑﻘﻰ ﻛﺎﻋﺪﺓ ﻋﺎﺩ ﻛﻤﺖ ﺑﺲ ﻭﺍﻟﻠﻪ ﺍﺑﺎﻭﻉ ﻟﻠﺘﻤﻦ ﺷﻜﻠﻪ ﻳﺸﻬﻲ ﻭﻋﺒﺎﻟﻚ ﻳﺼﻴﺤﻨﻲ
ﻋﺎﺩ ﻋﻔﺖ ﺍﻻﻛﻞ ﻭﻛﻤﺖ ﺟﻤﻌﻦ ﺍﻟﻤﻮﺍﻋﻴﻦ ﻭﻏﺴﻠﻨﺎﻫﺎ ﻭﻛﺎﻟﻮ ﺭﺍﺡ ﻧﺠﻴﺐ ﺣﻠﻮﻳﺎﺕ ﻭﻛﺮﺯﺍﺕ ﻭﺍﻟﺒﻨﺎﺕ ﻃﻠﻌﻦ ﻛﻴﻚ ﻭﺑﻴﺒﺴﻲ ﻣﻦ ﺍﻟﺜﻼﺟﺔ ﺑﺎﻗﻲ ﻫﻮﺍﻱ ﻣﻦ ﺍﻟﺤﻔﻠﺔ ﻫﻢ ﺟﺎﺑﻮ ﺯﻳﺎﺩﺓ ﻣﻮ ﻧﻘﺺ ﺍﻧﻲ ﺑﺲ ﺍﺑﺎﻭﻉ ﺑﻌﻴﻮﻧﻲ ﻣﺎﺍﺣﺠﻲ ﻭﻻ ﺍﺳﻮﻟﻒ ﻭﺑﺲ ﺍﻓﺘﺮ ﻭﺭﺍﻫﻦ
ﺍﻟﺘﻤﻴﻨﺎ ﻛﻠﻨﺎ ﻋﻴﻨﻲ ﻣﺎﺍﻛﺪﺭ ﺍﺭﻓﻌﻬﺎ ﺑﻌﻴﻦ ﺣﻤﺰﺓ ﺑﺴﺒﺐ ﺍﻟﻤﻮﻗﻒ ﺍﻟﺼﺎﺭ ﺑﺎﻟﻐﺮﻓﺔ ﻭﻻﻥ ﺍﻋﺘﺮﻓﻠﻲ ﺑﺤﺒﻪ ﺧﺎﻳﻔﺔ ﺍﺧﺎﻑ ﻻ ﻳﻄﻠﻊ ﻣﻮ ﺣﺐ ﻭﺍﺗﺄﺫﺓ ﺗﺎﻟﻴﺘﻲ ﻭﺧﺎﻳﻔﺔ ﻣﻨﻪ ﻣﺎﺍﻋﺮﻑ ﻟﻴﺶ
ﺍﻟﻤﻬﻢ ﺍﺟﺔ ﻋﻠﻲ ﺟﺎﻳﺐ ﺍﺷﻜﺎﻝ ﻭﺍﻟﻮﺍﻥ ﺍﻟﺒﻨﺎﺕ ﻣﺪﻥ ﺳﻔﺮﺓ ﺍﺳﺘﻌﻤﺎﻝ ﻭﺍﺣﺪ ﻭﻃﺸﺮﻥ ﺍﻟﺤﺐ ﻭﺍﻟﺤﻠﻮﻳﺎﺕ ﻭﺍﻟﻜﻴﻚ ﻭﺍﻟﺒﻴﺒﺴﻲ ﻭﺍﻟﺴﻔﺮﺓ ﻋﻠﻰ ﻃﻮﻝ ﺍﻟﻬﻮﻝ ﺍﻧﺘﺮﺳﺖ ﺗﺮﺱ ﺣﻠﻮﻳﺎﺕ ﻭﺍﻟﻜﻞ ﻳﺴﻮﻟﻒ ﻭﻳﻀﺤﻚ
ﺍﻧﻲ ﻛﺎﻋﺪﺓ ﺑﺼﻒ ﺣﻤﺰﺓ ﻛﺎﻋﺪﺓ ﻋﻜﺲ ﻭﻣﺮﺗﻜﺰﺓ ﻋﻠﻰ ﺍﻳﺪﻱ ﻭﺣﻤﺰﺓ ﻛﺎﻋﺪ ﻣﺮﺑﻊ ﻭﻣﺸﻐﻠﻴﻦ ﺍﻟﺘﻠﻔﻮﻥ ﻭﺭﺍﺑﻄﻲ ﺑﺎﻟﺘﻠﻔﺰﻳﻮﻥ ﻋﻠﻰ ﻣﺴﺮﺣﻴﺔ ﻛﻮﻳﺘﻴﺔ ﻳﺤﺒﻮﻫﺎ ﺑﻴﺖ ﺧﺎﻝ ﺣﻤﺰﺓ ﻛﻠﺶ ﺗﻀﺤﻚ ﻳﺒﺎﻭﻋﻮﻥ ﻋﻠﻰ ﺍﻟﻤﺴﺮﺣﻴﺔ ﻭﻛﻞ ﺷﻮﻱ ﻭﺍﺣﺪ ﻳﻜﻮﻝ ﻫﻴﺞ ﺭﺍﺡ ﻳﻄﻠﻊ ﻫﻴﺞ ﺭﺍﺡ ﻳﻜﻮﻝ ﻫﺎﻟﻜﺪ ﻣﺎﻋﺎﻳﺪﻳﻦ ﺍﻟﻤﺴﺮﺣﻴﺔ ﺣﺎﻓﻈﻴﻬﺎ
ﺑﺲ ﺻﺪﻙ ﺿﺤﻜﺖ ﺍﻧﻲ ﻓﻄﻴﺮﺓ ﺑﺴﺮﻋﺔ ﺍﺿﺤﻚ ﻋﺎﺩ ﻃﻠﻊ ﻣﻮﻗﻒ ﻣﻮ ﻛﻠﺶ ﻳﻀﺤﻚ ﻫﻢ ﻣﺎﺿﺤﻜﻮ ﺑﺲ ﺍﺑﺘﺴﻤﻮ ﺑﺲ ﺍﻧﻲ ﻃﻜﻴﺘﻬﺎ ﺿﺤﻜﺔ ﺑﺼﻮﺕ ﻋﺎﻟﻲ ﺣﺘﻰ ﺍﺧﺘﻨﻜﺖ ﻣﻦ ﺍﻟﻀﺤﻚ ﻭﻫﻢ ﺑﺲ ﺻﺎﻓﻨﻴﻦ ﻋﻠﻴﺔ ﻭﺣﻤﺰﺓ ﻛﺎﻝ
ﺣﻤﺰﺓ ....... ﺑﺮﺑﺞ ﺑﺲ ﻻ ﻋﻠﻰ ﻫﺎﻱ ﺿﺤﻜﺘﻲ
ﺭﻳﺎ ........ ﻫﺰﻳﺖ ﺭﺍﺳﻲ ﻭﺍﻧﻲ ﺑﻌﺪﻧﻲ ﺍﺿﺤﻚ ﻫﻢ ﻛﻠﻬﻢ ﺿﺤﻜﻮ ﻋﻠﻴﺔ ﻭﺑﺼﻮﺕ ﻋﺎﻟﻲ ﺍﻧﻲ ﺳﻜﺘﺖ ﻛﻮﻟﺘﻠﻬﻢ ﻫﺎﺍﻱ ﺷﺒﻴﻜﻮﻭﻭﻭﻭﻭﻡ ﻫﻴﺞ ﻣﺪﻳﺘﻬﺎ ﻫﻢ ﺍﺳﺘﺤﻮ ﻭﺳﻜﺘﻮ ﻭﺣﻤﺰﺓ ﺩﻏﻨﻲ ﻭﺍﺷﺮ ﺑﻌﻴﻮﻧﻪ ﺍﺳﻜﺘﻲ ﻭﻛﺎﻟﻮ ﻧﻜﻤﻞ ﺍﻟﻤﺴﺮﺣﻴﺔ
ﺧﻠﺼﻨﺎﻫﺎ ﺗﺼﻨﻴﻒ ﻭﺿﺤﻚ ﻭﻭﻧﺴﺔ ﻭﺍﻧﻲ ﺑﺲ ﺍﺿﺤﻚ ﺑﺲ ﺷﻮﻱ ﺍﻋﻠﻲ ﺻﻮﺗﻲ ﺣﻤﺰﺓ ﻳﻜﺮﺹ ﺭﺟﻠﻲ ﺍﺗﺼﻨﻢ ﻭﺍﺑﻄﻞ ﺿﺤﻚ ﻟﻤﻦ ﺧﻠﺼﺖ ﺍﻟﻤﺴﺮﺣﻴﺔ ﻛﻞ ﻭﺍﺣﺪ ﺍﺧﺬ ﺯﻭﺟﺘﻪ ﻭﺟﻬﺎﻟﺔ ﻭﻟﻠﻐﺮﻓﺔ ﻭﺍﻟﻮﻟﺪ ﻓﺮﺷﻮﻟﻬﻢ ﺑﺎﻻﺳﺘﻘﺒﺎﻝ ﺭﺍﺣﻮ ﻧﺎﻣﻮ ﻭﺍﺣﻨﺔ ﺻﻌﺪﻧﺎ ﻟﻠﻐﺮﻓﺔ ﻭﻣﺠﺰﻳﻦ ﻧﻔﺴﻨﺎ ﺑﺼﻼﺓ ﺍﻟﺼﺒﺢ ﻧﻄﺶ ﻧﺎﺱ ﺗﻄﻠﻊ ﻟﻠﺒﺼﺮﺓ ﻭﻧﺎﺱ ﺗﻄﻠﻊ ﻻﺭﺑﻴﻞ
ﺧﻔﺖ ﺍﻛﺜﺮ ﻣﻦ ﻗﺒﻞ ﻣﻦ ﺣﻤﺰﺓ ﻛﺎﻝ ﺍﺣﺘﻤﺎﻝ ﻣﺎﺗﻨﻄﻢ ﺍﻟﺴﺎﻟﻔﺔ ﻭﺗﻄﻠﻊ ﻭﺍﺧﺎﻑ ﻳﻌﻮﻓﻨﻲ ﻭﺗﺮﺟﻊ ﺣﻠﻴﻤﺔ ﻟﻌﺎﺩﺗﻬﺎ ﺍﻟﻘﺪﻳﻤﺔ ﻧﻤﺖ ﻣﺘﺄﺧﺮﺓ ﻣﻦ ﺍﻟﺘﻔﻜﻴﺮ ﻭﻛﻌﺪﺕ ﻟﻠﺼﻼﺓ ﻣﻦ ﺍﻟﻨﻌﺎﺱ ﻣﺎﺍﻧﺪﻝ ﻃﺮﻳﻘﻲ ﻭﻳﻦ ﺑﺤﻴﺚ ﻧﺰﻟﺖ ﺟﻮﺓ ﺑﺪﻭﻥ ﺣﺠﺎﺏ ﻋﺒﺎﻟﻲ ﺍﻧﻲ ﺑﺒﻴﺘﻨﺎ ﺷﻔﺖ ﻋﻤﻲ ﻭﻋﻤﺘﻲ ﻭﺣﻤﺰﺓ ﻭﺍﺣﻤﺪ ﻭﺧﺎﻝ ﺣﻤﺰﺓ ﻭﺯﻭﺟﺘﻪ ﻣﺼﻠﻴﻦ ﻭﻛﺎﻋﺪﻳﻦ ﺍﺣﻤﺪ ﺷﺎﻓﻨﻲ ﺩﺍﺭ ﻭﺟﻬﻪ ﻭﻣﺤﻤﺪ ﻛﺎﺑﻠﻨﻲ ﺍﺟﺔ ﻣﻦ ﺍﻻﺳﺘﻘﺒﺎﻝ ﻫﻢ ﻋﺎﻑ ﻭﺭﺟﻊ
ﺍﻧﻲ ﺷﻔﺘﻬﻢ ﻭﺗﺬﻛﺮﺕ ﺍﻧﻲ ﻭﻳﻦ ﻭﻃﻜﻴﺘﻬﺎ ﺭﻛﻀﺔ ﺻﻌﺪﺕ ﻟﻴﺶ ﻣﺎﻳﻼﻛﻴﻨﻲ ﻋﻠﻲ ﻃﺎﻟﻊ ﻣﻦ ﻏﺮﻓﺘﻪ ﺻﺮﺕ ﻣﺜﻞ ﺍﻟﺒﺰﻭﻥ ﺍﻟﺸﺎﺭﺩ ﻭﻳﺮﻛﻀﻮﻥ ﻭﺭﺍﺀﻩ ﺑﺴﺮﻋﺔ ﺩﺧﻠﺖ ﻟﻠﺤﻤﺎﻡ ﻭﺍﺑﺎﻭﻉ ﻣﻦ ﺯﺭﻑ ﺍﻟﺤﻤﺎﻡ ﺣﻤﺰﺓ ﺻﻌﺪ ﻭﺭﺍﻱ ﻭﻋﻠﻲ ﺷﺎﻓﻪ ﺣﻤﺰﺓ ﻣﺎﺣﺠﺔ ﺑﺲ ﻋﻠﻲ ﻛﺎﻟﻪ
ﻋﻠﻲ ....... ﻫﻨﺎ ﻫﻨﺎ ﺣﺮﻣﻚ ﺑﺎﻟﺤﻤﺎﻡ ﺷﺒﻴﻬﺎ ﺷﺎﺭﺩﺓ ﻣﻦ ﺍﻟﺼﺒﺢ
ﺭﺑﺎ ....... ﺷﻔﺖ ﺣﻤﺰﺓ ﺯﻓﺮ ﺍﻟﻬﻮﺍﺀ ﻭﺍﺣﺲ ﻋﻴﻮﻧﻪ ﺻﺎﺭﻥ ﺣﻤﺮ ﻏﻤﺾ ﻗﻮﻱ ﻭﺍﺟﺔ ﻭﻫﻮ ﻗﺎﺑﺾ ﺍﻳﺪﻩ ﻗﻮﻱ ﺿﺮﺏ ﺑﺎﺏ ﺍﻟﺤﻤﺎﻡ ﻭﻛﺎﻝ
ﺣﻤﺰﺓ ....... ﺍﻓﺘﺤﻲ ﺛﻮﻟﺔ
ﺭﻳﺎ ....... ﺟﺎﻥ ﻃﺎﺑﻚ ﺍﺳﻨﺎﻧﻪ ﻭﻳﺤﺠﻲ ﻭﺍﻧﻲ ﻃﻠﻌﺖ ﻣﺘﺮﻫﻴﺔ ﻛﻮﺗﻠﻪ ﻫﺎﺍﺍ ﻫﻤﺰﻳﻦ ﺭﺍﺡ
ﺣﻤﺰﺓ ........ ﺑﻨﺖ ﺍﻻﻭﺍﺩﻡ ﺣﺠﺎﺑﺞ ﻭﻳﻦ ﻋﻨﺞ
ﺭﻳﺎ ......... ﻳﺎﺍﺍﺍ ﻧﺴﻴﺘﻪ ﺍﺻﻼ ﻧﺰﻟﺖ ﻣﻄﻔﻴﺔ ﻋﺒﺎﻟﻲ ﺑﺒﻴﺘﻨﺎ
ﺣﻤﺰﺓ ......... ﺍﻣﺸﻲ ﺍﻟﺒﺴﻲ ﻻ ﺍﺣﻄﻠﻲ ﺑﺴﻤﺎﺭ ﻭﺍﺩﻛﻪ ﺑﺮﺍﺳﺞ ﻭﺍﻟﻌﺒﺎﺱ
ﺭﻳﺎ ...... ﺍﻧﻬﻀﻤﺖ ﻣﻦ ﺻﺎﺡ ﻋﻠﻴﺔ ﻗﺎﺑﻞ ﺍﻧﻲ ﻣﺘﻘﺼﺪﺓ ﺩﻧﻜﺖ ﻭﻣﺸﻴﺖ ﺷﺎﻳﻔﻴﻦ ﻣﻦ ﻭﺍﺣﺪ ﻳﻨﻜﺴﺮ ﺧﺎﻃﺮﻩ ﺑﺲ ﻳﺮﻳﺪ ﻳﻠﺰﻡ ﻧﻔﺴﻪ ﻣﺎ ﻳﺒﺠﻲ ﺑﺲ ﻣﻘﻬﻮﺭ ﻭﺗﺼﻴﺮ ﺭﺟﻔﺔ ﺑﺤﻨﺠﺔ ﺍﻧﻲ ﻫﻴﺞ ﺻﺎﺭ ﺑﻴﺔ
ﺩﺧﻠﺖ ﺻﻠﻴﺖ ﻭﻧﻮﺭ ﻭﺯﻫﺮﺍﺀ ﺟﺎﻫﺰﺍﺕ ﻃﻠﻌﺖ ﺳﺒﺤﺖ ﺑﺴﺮﻋﺔ ﻭﻟﻔﻴﺖ ﺷﻌﺮﻱ ﻭﻫﻮ ﻣﺒﻠﻞ ﻭﺑﺪﻟﺖ ﺑﺴﺮﻋﺔ ﻟﺒﺴﺖ ﺍﻟﺒﻨﻄﺮﻭﻥ ﻭﺍﻟﻠﺒﺴﺔ ﺍﻟﻄﻮﻳﻠﺔ ﻻﻥ ﺍﺩﻓﻰ ﻣﻦ ﺍﻟﺘﻨﻮﺭﺓ ﻟﻔﻴﺖ ﺣﺠﺎﺑﻲ ﻭﺣﻤﺰﺓ ﺧﺒﺼﻨﻲ ﻭﺍﻛﻒ ﺑﺒﺎﺏ ﺍﻟﻐﺮﻓﺔ ﻻﻳﻜﺪﺭ ﻳﻔﻮﺕ ﺍﻟﺒﻨﺎﺕ ﻧﺎﻳﻤﺎﺕ ﻭﻻ ﻳﻜﺪﺭ ﻳﻨﺰﻝ ﻳﺮﻳﺪﻧﻲ ﺍﺳﺘﻌﺠﻞ
ﺟﺎﻥ ﺍﻟﺠﻮ ﺑﺎﺭﺩ ﻭﻓﺠﺮ ﺍﻟﺠﻮ ﻇﻠﻤﺔ ﻭﺍﻟﺼﻮﺕ ﻫﻤﺲ ﻣﻦ ﻧﺤﺠﻲ ﻳﺨﺒﻞ ﻫﻴﺞ ﺟﻮﺓ ﻭﺍﻭﻝ ﻣﺮﺓ ﺍﻛﻌﺪ ﻫﻴﺞ ﻭﻗﺖ ﻭﺍﻃﻠﻊ ﻋﻨﺪ ﺍﻫﻠﻲ ﻣﺎﻃﺎﻟﻌﺔ ﺑﻬﻴﺞ ﻭﻗﺖ ﺍﺑﺪ ﻟﻤﻴﺖ ﻣﻼﺑﺴﻲ ﺑﺴﺮﻋﺔ ﺭﺅﻯ ﺍﻧﻄﺘﻨﻲ ﺟﻨﻄﺔ ﻣﻨﻬﺎ ﺟﺒﻴﺆﺓ ﺍﺟﻤﻊ ﻣﻼﺑﺴﻲ
ﻃﻠﻌﺖ ﻣﺨﺒﻮﺻﺔ ﻭﺍﺭﻛﺾ ﺣﺘﻰ ﻧﺴﻴﺖ ﺭﺯﺍﻟﺔ ﺣﻤﺰﺓ ﺳﻠﻤﻨﺎ ﻋﻠﻰ ﺍﻟﻜﺎﻋﺪﻳﻦ ﻭﻛﻮﻟﻨﺎﻟﻬﻢ ﻳﺴﻠﻤﻮﻟﻨﺎ ﻋﻠﻰ ﺍﻟﻨﺎﻳﻤﻴﻦ ﻭﻃﻠﻌﻨﺎ ﻫﻢ ﺳﻠﻤﺖ ﻋﻠﻰ ﻋﻤﻲ ﻭﻋﻤﺘﻲ ﻭﺍﻟﻮﻟﺪ ﻭﺍﻟﺒﻨﺎﺕ ﺍﻧﻲ ﻭﺣﻤﺰﺓ ﻧﺮﺟﻊ ﻻﺭﺑﻴﻞ ﻭﺍﻟﺒﺎﻗﻴﻦ ﻳﺮﺣﻮﻥ ﻟﻠﺒﺼﺮﺓ ﺑﺴﻴﺎﺭﺓ ﻣﺤﻤﺪ ﺟﺒﻴﺮﺓ
ﺍﺣﻨﺔ ﺻﻌﺪﻧﺎ ﻭﺣﺮﻛﺖ ﺳﻴﺎﺭﺗﻨﺎ ﻭﺍﻟﻠﻪ ﻭﻻ ﺑﺒﺎﻟﻲ ﺍﻟﺰﻋﻠﺔ ﺍﺑﺪ ﺍﻟﺠﻮ ﺣﻠﻮ ﺭﻏﻢ ﻣﺎ ﺑﺎﺭﺩﺓ ﻓﺘﺤﺖ ﺍﻟﺠﺎﻡ ﻭﺍﺷﻢ ﺑﺎﻟﻬﻮﺍﺀ ﺑﺎﺭﺩ ﻭﻳﺨﺒﻞ ﻫﻮ ﻛﺎﻝ
ﺣﻤﺰﺓ ......... ﺭﻳﺎ ﺳﺪﻱ ﺍﻟﺠﺎﻡ ﻻﺗﺒﺮﺩﻳﻦ ﺗﻮﺝ ﺳﺒﺤﺎﻧﺔ
ﺭﻳﺎ ......... ﺳﺪﻳﺖ ﺍﻟﺠﺎﻡ ﻭﻛﻌﺪﺕ ﻋﺪﻝ ﻭﺍﻧﻲ ﻣﺒﺘﺴﻤﺔ ﻭﺍﺑﺎﻭﻉ ﻟﻴﻜﺪﺍﻡ ﻫﻮ ﻛﺎﻝ
ﺣﻤﺰﺓ ....... ﺑﻌﺪﺝ ﺯﻋﻼﻧﺔ
ﺭﻳﺎ ........ ﻋﻠﻰ ﺷﻨﻮ
ﺣﻤﺰﺓ ........ ﻻﻥ ﺯﻣﺨﺖ ﺑﻴﺞ
ﺭﻳﺎ ........ ﻳﺎﺍﺍﺍ ﻧﺴﻴﺖ
ﺣﻤﺰﺓ ........ ﺷﻨﺴﻴﺘﻲ
ﺭﻳﺎ ........ ﻧﺴﻴﺖ ﺍﻧﺖ ﺯﻣﺨﺖ ﻋﻠﻴﺔ
ﺣﻤﺰﺓ ........ ﺍﻣﺪﺍﺝ ﻋﺒﺎﻟﻲ ﻧﺎﺳﻴﺔ ﺷﻐﻠﺔ ﻣﻬﻤﺔ ﻣﺎﻝ ﺍﻟﺜﻮﻝ
ﺭﻳﺎ ......... ﺻﺪﻙ ﺣﻤﺰﺓ ﻟﻴﺶ ﺭﺯﻟﺘﻨﻲ ﻭﺍﻟﻠﻪ ﻧﺴﻴﺖ ﺍﻧﻲ ﻭﻳﻦ ﻋﺒﺎﻟﻲ ﺑﺒﻴﺖ ﺍﻫﻠﻲ ﺣﺘﻰ ﺟﻨﺖ ﺣﻠﻤﺎﻧﺔ ﺣﻠﻢ ﺣﻠﻮ ﺑﺲ ﺿﻮﺟﺘﻨﻲ
ﺣﻤﺰﺓ ........ ﻭﻟﺞ ﻧﺎﺯﻟﺔ ﺑﺪﻭﻥ ﺣﺠﺎﺏ ﺧﺎﻟﻲ ﻭﻭﻟﺪﻩ ﻭﺍﺣﻤﺪ ﻭﻣﺤﻤﺪ ﻛﻠﻬﻢ ﺷﺎﻓﻮﺝ ﻭﺍﻧﺘﻲ ﺭﻛﺒﺘﺞ ﺷﻌﺮﺿﻬﺎ ﻭﺍﻟﺪﻟﻌﺔ ﺷﻜﺒﺮﻫﺎ ﺷﻌﺮﺝ ﺷﻜﺒﺮ ﺍﻟﻜﻔﺸﺔ ﻭﺗﻔﺘﺮﻳﻦ ﻛﺪﺍﻣﻬﻢ
ﺭﻳﺎ ........ ﻭﺍﻟﻠﻪ ﻣﺎﺍﺩﺭﻱ ﻧﺴﻴﺖ ﻏﻴﺮ ﺟﻨﺖ ﻧﺎﻳﻤﺔ ﻭﺑﻌﺪﻳﻦ ﻏﻴﺮ ﻋﺎﺩﻱ ﻫﻢ ﺍﺧﻮﺍﻧﻚ
ﺣﻤﺰﺓ ....... ﻭﺍﺫﺍ ﺍﺧﻮﺍﻧﻲ ﻳﺎﺑﺔ ﻣﺎﺗﺘﺤﺠﺒﻴﻦ ﻛﺪﺍﻣﻬﻢ؟؟
ﺭﻳﺎ ....... ﻏﻴﺮ ﻋﺎﺩﻱ
ﺣﻤﺰﺓ ........ ﻫﺎﺫﺍ ﻳﺎﺻﺨﻞ ﻛﺎﻝ ﻋﺎﺩﻱ
ﺭﻳﺎ ........ ﻧﺴﻮﺍﻥ ﺍﺧﻮﺍﻧﻲ ﻣﺎﻳﺘﺤﺠﺒﻦ ﻛﺪﺍﻡ ﺍﺧﻮﺍﻧﻲ ﻳﻌﻨﻲ ....
ﺍﺟﻴﺖ ﺍﻛﻤﻞ ﻫﻮ ﻭﻛﻒ ﺍﻟﺴﻴﺎﺭﺓ ﻭﻛﺎﻝ
ﺣﻤﺰﺓ ....... ﺍﻧﻲ ﺷﻜﻠﺖ ﻣﻮ ﻛﻮﻟﺖ ﻣﺎﺗﺴﻮﻳﻦ ﻣﺜﻠﻬﻦ ﻫﻦ ﻫﻢ ﺑﺸﺮ ﻭﺗﺴﻮﻳﻦ ﻣﺜﻠﻬﻦ ﻗﻨﺎﺩﺭ ﻣﺎﺍﺧﻠﻴﻬﻦ ﺑﺮﺟﻠﻲ ﺭﺿﻴﺘﻲ ﻣﺎ ﺭﺿﻴﺘﻲ
ﺭﻳﺎ ....... ﺍﺗﻔﺎﺟﺄﺓ ﻟﻴﺶ ﻫﻴﺞ ﺳﻮﺓ ﻇﻠﻴﺖ ﺳﺎﻛﺘﺔ ﻣﺎﺣﺠﻴﺖ ﺑﺲ ﻧﺰﻟﺖ ﺩﻣﻮﻋﻲ ﻫﻮ ﺭﺟﻊ ﺣﺮﻙ ﺍﻟﺴﻴﺎﺭﺓ ﻭﻛﺎﻝ
ﺣﻤﺰﺓ ......... ﻧﺴﻮﺍﻥ ﺍﺧﻮﺍﻧﺞ ﻣﺎﺗﺴﻮﻳﻦ ﺷﻜﻮ ﺷﻐﻠﺔ ﻳﺴﻮﻧﻬﺎ ﻣﺎﺍﺭﻳﺪﺝ ﺗﺴﻮﻳﻦ ﻣﺜﻠﻬﻦ ﻣﺎﺷﻲ
ﺭﻳﺎ ........ ﺑﺠﻴﺖ ﻭﻛﻮﺗﻠﻪ ﻣﺎﺷﻲ
ﺣﻤﺰﺓ ....... ﻻ ﻋﻠﻰ ﻛﻠﺸﻲ ﺗﺒﺠﻴﻦ ﻛﺎﻓﻲ ﻳﺎﻟﻠﻪ ﻭﻟﺞ ﻭﺍﻟﻠﻪ ﺣﺮﻛﺘﻲ ﺩﻣﻲ ﺷﻔﺘﺞ ﺑﺪﻭﻥ ﺣﺠﺎﺏ ﺻﻌﺪﺕ ﻭﺭﺍﺝ ﺍﻧﻄﻴﺞ ﺍﻟﺨﺎﻭﻟﻲ ﻣﺎﺷﻔﺘﺞ ﺷﻔﺖ ﻋﻠﻲ ﻛﻮﻟﺖ ﻫﻤﺰﻳﻦ ﻣﺎﺷﺎﻓﺞ ﻃﻠﻊ ﺷﺎﻳﻔﺞ ﻏﻴﺮ ﻃﻠﻌﺖ ﺭﻭﺣﻲ
ﺭﻳﺎ ........ ﻣﺪﻧﻜﺔ ﻭﺳﺎﻛﺘﻪ ﻭﻫﻮ ﻳﺤﺠﻲ ﻃﻠﻌﺖ ﺍﻟﺸﻤﺲ ﻧﻌﺴﺖ ﻭﻏﻔﻴﺖ ﺑﺎﻟﺴﻴﺎﺭﺓ
ﺣﺴﻴﺖ ﻋﻠﻴﻪ ﻳﻜﻌﺪﻧﻲ ﻭﻭﺍﻛﻒ ﺑﺼﻔﻲ ﻛﻮﺗﻠﻪ ﻫﺎﺍﺍ
ﺣﻤﺰﺓ ...... ﺍﻛﻌﺪﻱ ﺗﺮﻳﻜﻲ ﺟﺒﺖ ﺭﻳﻮﻙ
ﺭﻳﺎ ........ ﻻ ﻣﺎﺍﺷﺘﻬﻲ
ﺣﻤﺰﺓ ....... ﺩﻛﻮﻣﻲ ﻛﻮﻣﻲ ﺣﺘﻰ ﺷﻮﻱ ﻭﻧﺮﺟﻊ ﻧﻜﻤﻞ ﻃﺮﻳﻖ
ﺭﻳﺎ ........ ﺑﺎﻭﻋﺖ ﺯﻳﻦ ﺍﺣﻨﺔ ﻃﺎﺑﻜﻴﻦ
ﺑﻜﺮﺍﺝ ﺑﺲ ﻣﺎﻛﻮ ﻫﻮﺍﻱ ﺳﻴﺎﺭﺍﺕ ﺷﻔﺘﻪ ﺟﺎﻳﺐ ﺭﻳﻮﻙ ﻟﻔﺎﺓ ﺟﺒﻦ ﻫﻮ ﺟﺎﻳﺐ ﺻﻤﻮﻥ ﻭﺟﺒﻦ ﻭﻣﺴﻮﻱ ﻟﻔﺎﺓ ﺍﻧﻄﺎﻧﻲ ﺍﻛﻞ ﻫﻮ ﻓﺎﺗﺢ ﺍﻟﺒﺎﺏ ﻭﻭﺍﻛﻒ ﺑﺼﻔﻲ ﺍﺟﺔ ﻭﺍﺣﺪ ﻳﺒﻴﻊ ﺟﺎﻱ ﻛﻮﺗﻠﻪ ﻣﺎﻟﺮﻳﺪ ﺍﺷﺮﺏ ﺟﺎﺏ ﺑﺲ ﺍﻟﻪ ﺟﺎﻱ ﻭﻇﻞ ﻳﺸﺮﺏ ﺧﻠﺺ ﻭﺍﻧﻲ ﺍﻛﻞ
ﺣﻤﺰﺓ ....... ﻳﺎﻟﻠﻪ ﻛﻤﻠﺘﻲ
ﺭﻳﺎ ......... ﺍﻳﻲ
ﻣﺸﻴﻨﺎ ﻭﻛﻤﻠﻨﺎ ﺍﻟﻄﺮﻳﻖ ﺣﻤﺰﺓ ﺳﺎﻛﺖ ﻭﺍﻧﻲ ﻣﻄﻠﻌﺔ ﻟﻌﺒﺔ ﺑﺎﻟﺘﻠﻔﻮﻥ ﻭﺍﻟﻌﺐ ﺳﻤﻌﺘﻪ ﻛﺎﻝ
ﺣﻤﺰﺓ ........ ﻣﺎﺳﺄﻟﺘﻴﻨﻲ ﻋﻠﻰ ﺍﻟﺬﻫﺐ ﻭﺍﻟﻔﻠﻮﺱ ﻭﻳﻦ
ﺭﻳﺎ ....... ﺻﺪﻙ ﻧﺴﻴﺘﻬﻦ ﻭﻳﻦ
ﺣﻤﺰﺓ ........ ﺍﻛﻮﻟﺞ ﺗﺘﺬﻛﺮﻳﻨﻲ ﺍﻧﻲ ﻣﻨﻮ ﻟﻮ ﻫﻢ ﻧﺎﺳﻴﺘﻨﻲ
ﺭﻳﺎ ........ ﻻ ﻣﻮ ﻣﺄﻣﻨﺔ ﻋﻠﻴﻬﻦ ﻋﻨﺪﻙ
ﺣﻤﺰﺓ ....... ﻫﺎﺍﺍ ﻭﺷﻤﺪﺭﻳﺞ ﻣﺎﺍﺑﻴﻌﻬﻦ
ﺭﻳﺎ ........ ﻣﺎﺗﺴﻮﻳﻬﺎ
ﺣﻤﺰﺓ ....... ﻫﺎﺍﺍﺍ ﻭﻟﻴﺶ ﻣﺎﺍﺳﻮﻳﻬﺎ
ﺭﻳﺎ ...... ﻻﻥ ﺍﻧﺖ ﺍﻣﻨﺖ ﺣﻴﺎﺓ ﺑﻨﻴﺔ ﺷﺎﺑﺔ ﻭﺻﻐﻴﺮﺓ ﻭﻣﺎﻧﻄﻴﺖ ﺑﻴﻬﺎ ﻣﺎﺗﺨﻮﻥ ﺍﻻﻣﺎﻧﺔ ﻭﺗﺼﺮﻑ ﺍﻟﺬﻫﺐ ﻭﺍﻟﻔﻠﻮﺱ
ﻛﻤﻠﺖ ﻛﻼﻣﻲ ﻭﺭﻓﻌﺖ ﺭﺍﺳﻲ ﻫﻮ ﺍﺑﺘﺴﻢ ﻭﻛﺎﻝ
ﺣﻤﺰﺓ ....... ﺍﺣﺒﺞ
ﺭﻳﺎ ....... ﺩﻧﻜﺖ ﻭﺳﻜﺘﺖ ﻭﺑﻌﺪ ﻣﺎﺣﺎﺟﻴﺘﻪ ﻭﺻﻠﻨﺎ ﺍﺭﺑﻴﻞ ﻭﻧﺰﻟﻨﺎ ﻳﻢ ﺍﻟﺒﻴﺖ ﺗﻌﺒﺎﻧﺔ ﻣﻦ ﺍﻟﻄﺮﻳﻖ ﻧﺰﻟﻨﺎ ﻭﻧﺰﻟﻨﺎ ﺍﻻﻏﺮﺍﺽ ﺷﻔﻨﺎ ﻣﺮﺍﺩ ﻳﻠﻌﺐ ﻫﻮ ﻭﺍﺑﻨﻪ ﺍﻳﭭﺎﻥ ﺑﺎﻟﻄﻮﺑﺔ ﻳﺨﺒﻞ ﺷﻜﻠﻬﻢ ﺩﺧﻠﻨﺎ ﺳﻠﻤﻨﺎ ﻭﺗﺤﺎﻇﻨﻮ ﻫﻮ ﻭﺣﻤﺰﺓ ﻭﻧﺰﻟﺖ ﻣﻬﺎ ﺳﻠﻤﺖ ﻋﻠﻴﻨﺎ ﻣﺎﻛﺪﺭﻭ ﻳﺠﻮﻥ ﻟﻠﺨﻄﺒﺔ ﻻﻥ ﻫﻮ ﻣﺎﺻﺎﺭﻟﻪ ﻫﻮﺍﻱ ﺭﺍﺟﻊ ﻣﻦ ﺑﻐﺪﺍﺩ ﻭﻋﻨﺪﻩ ﺷﻐﻞ ﻣﺎﻛﺪﺭﻭ
ﺩﺧﻠﻨﺎ ﻟﻠﺒﻴﺖ ﺭﺣﺖ ﻟﻠﻐﺮﻓﺔ ﺑﺪﻟﺖ ﻭﻟﺒﺴﺖ ﻣﻦ ﺍﻟﻤﻼﺑﺲ ﺍﻟﺸﺘﺮﻳﺘﻬﻦ ﻳﻌﻨﻲ ﺩﺷﺪﺍﺷﺔ ﻭﺷﺎﻝ ﺍﻓﺘﺮﻳﺖ ﺑﺎﻟﺒﻴﺖ ﻧﻀﻴﻒ ﻣﺎﺑﻲ ﺷﻲ ﺣﻤﺰﺓ ﺑﻌﺪﻩ ﻳﺴﻮﻟﻒ ﺑﺮﺓ
ﺷﻮﻱ ﺩﺧﻞ ﻭﺑﺪﻝ ﺍﻧﻲ ﻛﺎﻋﺪﺓ ﺑﺎﻻﺳﺘﻘﺒﺎﻝ ﻫﻮ ﺍﺟﺔ ﻛﺎﻝ
ﺣﻤﺰﺓ ....... ﻃﺎﻟﻊ ﺍﺟﻴﺐ ﻏﺪﺍﺀ ﻣﺤﺘﺎﺟﺔ ﺷﻲ
ﺭﻳﺎ ....... ﻻ ﺑﺲ ﺍﻟﻤﺪﺭﺳﺔ ﺭﺍﺡ ﺗﺒﺪﻱ ﻭﺍﻟﻌﻄﻠﺔ ﺭﺍﺡ ﺗﺨﻠﺺ
ﺣﻤﺰﺓ ....... ﺍﻳﻲ ﺗﺪﺍﻭﻣﻴﻦ ﺑﻨﻔﺲ ﻣﺪﺭﺳﺘﺞ
ﺭﻳﺎ ........ ﺍﻳﻲ ﺍﺭﻳﺪ ﻛﺘﺒﻲ ﻭﻣﻼﺑﺴﻲ
ﺣﻤﺰﺓ ....... ﻫﺴﺔ ﺍﻧﻲ ﻃﺎﻟﻊ ﺗﻌﺎﻟﻲ ﺍﻗﻔﻠﻲ ﺑﺎﺏ ﺍﻻﺳﺘﻘﺒﺎﻝ ﻭﺭﺍﻱ ﻭﻣﻦ ﺍﺭﺟﻊ ﺍﻟﻠﻪ ﻛﺮﻳﻢ
ﺭﻳﺎ ........ ﻃﻠﻊ ﻭﻗﻔﻠﺖ ﺍﻟﺒﺎﺏ ﺍﺻﻼ ﻫﺬﺍ ﺍﻟﺒﺎﺏ ﺍﻟﻮﺣﻴﺪ ﺑﺎﻟﺒﻴﺖ ﻳﻄﻠﻊ ﻟﺒﺮﺓ ﻣﺎﻛﻮ ﺑﺎﺏ ﺑﺎﻟﻤﻄﺒﺦ
ﺭﺟﻌﺖ ﻛﻌﺪﺕ ﻣﺎﻋﻨﺪﻱ ﺑﺲ ﺻﺎﻓﻨﺔ ﻭﺭﺟﻌﺘﻠﻲ ﻛﻞ ﺫﻛﺮﻳﺎﺗﻲ ﻋﺒﺎﻟﻚ ﺟﻨﺖ ﺑﺤﻠﻢ ﺣﻠﻮ ﻭﺻﺤﻴﺖ ﻣﻨﻪ ﺍﻭﻭﻭﻑ ﻣﻨﺞ ﺍﺭﺑﻴﻞ ﺷﻴﺒﺘﻲ ﻛﻠﺒﻲ ﺭﺑﻊ ﺳﺎﻋﺔ ﺍﺟﺔ ﺣﻤﺰﺓ ﺟﺎﻳﺐ ﻏﺪﺍﺀ ﺧﻠﻴﺘﻪ ﺑﺎﻟﻤﻄﺒﺦ ﻭﻛﻌﺪﺕ ﺑﺎﻟﻤﻄﺒﺦ ﻭﻫﻮ ﺑﺎﻻﺳﺘﻘﺒﺎﻝ
ﺍﺫﻥ ﻫﻮ ﺻﻠﻰ ﻭﺍﻧﻲ ﻭﺭﺍﺀﻩ ﻛﻜﻠﻨﺎ ﺻﻼﺓ ﺧﻠﻴﺖ ﺍﻻﻛﻞ ﻫﻮ ﺍﺟﺔ ﻛﻌﺪ ﻭﻛﺎﻝ
ﺣﻤﺰﺓ ....... ﺍﻳﻴﻲ ﺷﻨﻮ ﺍﻟﺘﺮﺩﻳﻨﻪ ﻣﻦ ﺑﻴﺘﻜﻢ
ﺭﻳﺎ ........ ﻣﻼﺑﺴﻲ ﻭﻛﺘﺒﻲ ﻭﻫﻮﺍﻱ ﺷﻐﻼﺕ ﻫﻢ ﺍﺣﺘﺎﺟﻬﻦ
ﺣﻤﺰﺓ ........ ﺯﻳﻦ ﺍﺧﺬﺝ ﺑﺎﻟﻠﻴﻞ ﻭﺟﻴﺒﻲ ﻛﻠﺸﻲ ﺗﺤﺘﺎﺟﻴﻨﻪ
ﺭﻳﺎ ...... ﻓﺰ ﻛﻠﺒﻲ ﻣﻦ ﻛﺎﻝ ﺍﺧﺬﺝ ﻛﻮﺗﻠﻪ ﻫﺎﺍﺍ ﻟﻴﺶ ﺗﺎﺧﺬﻧﻲ ﻳﻌﻨﻲ ﺫﺑﻴﺘﻨﻲ
ﺣﻤﺰﺓ ........ ﻫﺎﻱ ﺷﺒﻴﺞ ﻏﻴﺮ ﺗﺠﻴﺒﻴﻦ ﻣﻼﺑﺴﺞ
ﺭﻳﺎ ....... ﺑﺮﻃﻤﺖ ﻭﺑﺠﻴﺖ ﻛﻮﺗﻠﻪ ﻣﺎﺍﺭﻳﺪ ﺍﺭﻭﺡ
ﺣﻤﺰﺓ ........ ﻫﺎﻱ ﺷﺒﻴﺞ ﻣﻨﻴﻦ ﺧﺎﻳﻔﺔ ﻏﻴﺮ ﺍﻧﻲ ﻭﻳﺎﺝ ﻧﺠﻴﺐ ﻛﻠﺸﻲ ﺗﺤﺘﺎﺟﻴﻨﻪ ﻭﻧﻨﻄﻴﻬﻢ ﻣﻮﻋﺪ ﻟﻠﻌﻘﺪ ﺣﺘﻰ ﻳﺠﻮﻥ ﻭﻧﺒﺎﺷﺮ ﺑﻌﻘﺪ ﺍﻟﻤﺤﻜﻤﺔ
ﺭﻳﺎ ....... ﻛﻠﺒﻲ ﻭﺟﻌﻨﻲ ﻇﻠﻴﺖ ﻇﺎﻳﺠﺔ ﺣﺘﻰ ﻣﺎﺍﻛﻠﺖ ﻫﻮ ﻛﻞ ﺷﻮﻱ ﻳﻜﻮﻝ ﺍﻛﻠﻲ ﺑﺲ ﻣﺎﺍﻛﻞ ﻭﻟﻠﻴﻞ ﺍﻧﻲ ﺑﺲ ﺍﺑﺠﻲ ﻭﺍﻛﻮﻝ ﺑﺲ ﻻ ﻳﺴﻮﻭﻟﻲ ﺷﻲ ﻟﻮ ﺣﻤﺰﺓ ﻳﻌﻮﻓﻨﻲ ﻭﻳﺬﺑﺠﻮﻧﻲ
ﺗﺪﺭﻭﻥ ﻟﻴﺶ ﺍﻧﻲ ﻫﻴﺞ ﺧﺎﻳﻔﺔ ﻻﻥ ﻛﺎﻟﻮ ﻧﺬﺑﺤﺞ ﻭﺍﻧﻲ ﺷﻔﺖ ﻓﻴﺪﻳﻮ ﻟﻠﺪﻭﺍﻋﺶ ﻭﻫﻢ ﻳﺬﺑﺤﻮﻥ ﻋﺮﺍﻗﻲ ﺍﻟﻠﻪ ﻳﻨﺘﻘﻢ ﻣﻦ ﺍﻟﺪﻭﺍﻋﺶ ﻇﻞ ﺍﻟﻤﺸﻬﺪ ﺑﻌﻴﻨﻲ ﻛﻞ ﻣﺎﺍﺗﺨﻴﻞ ﺭﺍﺡ ﺍﻧﺬﺑﺢ ﺍﻧﺴﻰ ﻛﻠﺸﻲ ﻭﺍﻇﻞ ﺍﺭﺟﻒ ﻭﺑﺒﺎﻟﻲ ﺑﺲ ﻳﺘﺮﺍﻭﺍﻟﻲ ﺍﻧﻲ ﺭﺍﺡ ﺍﻧﺬﺑﺢ
ﻟﻠﻴﻞ ﺍﺟﺔ ﺣﻤﺰﺓ ﻛﺎﻝ
ﺣﻤﺰﺓ ....... ﻳﺎﻟﻠﻪ ﺟﻬﺰﻱ ﻧﻔﺴﺞ ﺣﺘﻰ ﻧﺮﻭﺡ
ﺭﻳﺎ ........ ﺣﻤﺰﺓ ﺑﻐﻼﺓ ﺍﻣﻚ ﻻﺗﺨﻠﻴﻬﻢ ﻳﺬﺑﺤﻮﻧﻲ
ﺣﻤﺰﺓ ........ ﺭﻳﺎ ﺷﺒﻴﺞ ﻏﻴﺮ ﺍﻟﺒﺴﻬﻢ ﺷﻴﻞ ﻧﺴﻮﺍﻧﻬﻢ ﺍﻟﻴﺤﺎﺟﻴﺞ ﺍﻣﺸﻲ ﻻﺗﺨﺎﻓﻴﻦ ﻣﻨﻬﻢ ﻭﺍﺫﺍ ﻣﺎﺗﺮﺩﻳﻦ ﻋﻮﻓﻴﻬﻦ ﺍﻧﻲ ﺍﺷﺘﺮﻳﻠﺞ ﻣﻼﺑﺲ ﻭﻛﺘﺐ ﺟﺪﺩ
ﺭﻳﺎ ....... ﻻ ﻻ ﻧﺮﻭﺡ ﻳﺎﻟﻠﻪ ﺭﺍﺡ ﺍﺑﺪﻝ
ﺑﺪﻟﺖ ﻭﻃﻠﻌﻨﺎ ﺍﻧﻲ ﻭﻳﺎ ﻛﻠﺒﻲ ﻳﺪﻙ ﻭﻭﺟﻬﻲ ﺍﺻﻔﺮ ﺭﻳﻜﻲ ﻣﺎﻳﻨﺒﻠﻊ ﺩﺧﻨﺎ ﺑﻤﻨﻄﻘﺘﻨﺎ ﺍﺗﺬﻛﺮﺕ ﺍﻟﻠﻴﻠﺔ ﺍﻟﻄﻠﻌﺖ ﺑﻴﻬﺎ ﻣﻦ ﺍﻟﺒﻴﺖ ﻭﻛﻤﻴﺔ ﺍﻟﺮﻋﺐ ﺍﻟﺠﻨﺖ ﺷﺎﻳﻠﺘﻪ ﺑﺲ ﻣﻮ ﻣﺜﻞ ﻣﻦ ﺩﺧﻠﻨﺎ ﺑﻔﺮﻋﻨﺎ ﺍﻧﻘﺒﺾ ﻛﻠﺒﻲ ﻭﺧﻔﺖ ﻭﺑﻨﻔﺲ ﺍﻟﻮﻗﺖ ﺑﺠﻴﺖ ﺣﻨﻴﺖ ﻻﻫﻠﻲ
ﻧﺰﻝ ﺣﻤﺰﺓ ﻭﺩﻙ ﺍﻟﺒﺎﺏ ﻧﺰﻟﺖ ﻭﺭﺍﺀﻩ ﺍﻣﺴﺢ ﺑﺪﻣﻮﻋﻲ ﻭﻫﻮ ﻳﻮﺻﻴﻨﻲ ﺍﺻﻴﺮ ﻗﻮﻳﺔ ﻭﻣﺎﺍﺑﺠﻲ ﻛﺪﺍﻣﻬﻢ ﺣﺘﻰ ﻻ ﻳﻜﻮﻟﻮﻥ ﺗﺨﺎﻑ ﻣﻦ ﻋﻨﺪﻧﺎ ﺍﻧﺘﻲ ﺑﺸﺠﺎﻋﺘﺞ ﺧﻮﻓﻴﻬﻢ ﻭﻭﻭﻭ ﻣﻦ ﻫﺬﺍ ﺍﻟﺤﺠﻲ ﺷﻮﻱ ﻭﺍﻧﻔﺘﺢ ﺍﻟﺒﺎﺏ ﻭﺷﻔﺖ .........
شكرا لزيارتكم عالم روايات سكيرهوم
