رواية دخيل في بيتنا الفصل السادس عشر بقلم جمانه السعيدي
سعاد...العرس كانو حلو بشكل حيل اتونسنا بي
خالتي ام محمود جانت حاضره بلعرس
وهلمره جايه تخطب وحده المحمود تعقدلها هنا وادزها ورا
البنيه الي جايه خالتي تخطبها اخوها عايش بكندا
وياا محمود
بينا وبين محمود صداقه صار ٣ سنوات
من طلع محمود لليوم وهما عايشين سوا ويشتغلون
سوا
هذا الولد هلكد ماشاف اخلاق محمود حلوه
قرر ينطي اخته تكون زوجه اله
طبعا محمود يشتغل هناك ويحصل فلوس خير من الله والدوله منطيته بيت وراتب
حتى ضمان اجتماعي عدهم والطبابه على حساب الدوله
يعني وضعه اكثر من ممتاز
محمود متصل على خالتي ومنطيها العنوان حتى تروح تشوف العروس
بيت العروسه مو نفس منطقتنا لا بمركز المحافظه
ثاني يوم بلعرس خالتي اخذت امي وراحن يشوفن العروسه
ويتفق وياا اهلها على التفاصيل
بقيت اني ثاني يوم بيت عمي اساعدهم لان تجيهم ناس تبارك الهم
من رجعن امي وخالتي العروسه شكلا ماكانت عاجبه خالتي
بس محمود كان محرج من اخوها
يستحي يرفضها
امي...خوش بنيه هسه تحف وترتب نفسه وتصير غير شكل
خالتي...سمينه وسمره اكيد محد مكلبها وضاله بلدار
واخوها يريد يمشيها برأس محمود
امي...بكيفج شوفي محمود شيكووول
ثاني يوم العرس خالتي رجعت البغداد
وبعد ماعرفنا شي غير ورا فتره هواي كم شهر ثنيين او اتلاثه
كالو محمود عاقد على هاي البنيه
وراح تطلع ورا للخارج
على العموم اني بلنسبه اليه محمود صفحه ونطوت
حياتي وزوجي واولادي اهم شي
الحمد لله شغلي حيل اطور وكمت اسوي سلف واجمع
سنة ٩٧ كدرنا نشتري بيت ملك
صح ازغير بس احسن من الايجارات
غفران بس سمعت اني اشتريت بيت تخبلت على حسن
شنو سعاد الفكر تشتري بيت
واني باقيه خدامه بيت اهلك
قابل سعاد احسن مني
رغم هي بيت اهلي كله بايدها
بقت كل يوم زعلانه بيت اهله اريد بيت
حسن يكلها هو هذا بيتنا شنو بعد
لا مصممه تريد بيت وحدها وتستقل مثلي
جمانه السعيدي
اتقلنا البيتنا بخير وسلامه
تعرفون الانتقال للبيت الجديد شكد صعب ومتعب
واني احرك واحمل واشيل
وكعت من طولي اني كنت حاسه بتعب
صار كم يوم احس نفسي حيل تعبانه توقعت من الشغل
اخذني علي للمستشفى
بعد التحاليل طلعت حامل
اتخبلت كمت ابجي بلمستشفى
علي يربد يسكتني ماكووو مااريد جهال
ذولي الي عندي كافي
قررت لازم انزل هذا الحمل مااريده
رجعت للبيت اشيل بلغراض اصعد الدرج وانزل
اكمز اريده يوكع ماكوووو
علي...استغفري ربك رزق وجاج لا تتعافين
سعاد...مااريده اني ماعندي وقت شغل طول النهار
ويني وين الحمل والولاده
علي...كولي استغفر الله لا يطلع منغولي لو متخلف
وتحيربن بي
جهالنا كبرو نريد طفل نلعب علي
سعاد...مااريده
علي...انتي بس اجيبين وتكومين بلسلامه اني احتار بي
مالج شغل اني اريد اطفال
طبعا صار خمس سنوات من جبت ابني الزغير
وابد مامتوقعه ارجع احبل مره ثانيه
ماخذه كل الاحتياطات اللازمه
بس على رائي علي رزق وجاي من رب العالمين
قبل ماكو سونار بلمحافظات بس بمركز المدينه
وبغداد ماعرفت شنو جنس الطفل منا للولاده يله عرفت
كوه كملت الحمل لان اشتغل ونسوان داخله طالعه
صحيح علي شايل مني شغل البيت كله
بس هم تعبانه
جمانه السعيدي
هلمره جبت بنيه تخبل ماعدنا بلعائله طفله بجمالها
حيل تشبه امي وبعد احلى
عيونها عجيب شلون كبار ورموشها يخبلن
بيضه شعرها يجنن عبالك لابسه باروكه
اخاف اطلعه اذا احد اجا علينا اخاف عليه
شكد فرحت بيها واخيرا صار عندي بنيه
علي كل شويه وكال اشمرها بلشارع
سعاد...يمه بنيتي
علي...انتي مو ماترديها مو ردتي تنزلينها خل نشمرها
يضحك عليه
سعاد...دشوف الجمال تخبل
حتى علي متعلق بيها حيل ويفضلها على الولد
اول مايدخل من الباب وصاح وين بنيتي
سميتها ايه لان هي اية من الجمال
على عينها بدا شغلنا يتوسع اكثر جمعنا فلوسنا
ودخلنا بسلف سنة ٢٠٠١ علي فتح مشروع
محل مفروشات
يشتغل خير من الله
اني بطلت اشتغل حايره بجهالي وبيتي الولد ثنيبنهم مدارس وآية زغيره
يله الحك على شغل بيتي
مرت السنيبن جهالي كبرو كدرنا نشتري بيت اكبر وننتقل
رب العالمين عوضنا خير عن سنيبن الفكر والضيم
بيت عمي كلما يحتاجون شي يجون ركض علينا
بقو على نفس بيتهم مااطورور ابد
والجنه الجديده مااستحملت سنه وشردت من بيتهم ووضعهم زوجها راح وراها
حماي الثالث اتخرج وكبل ازوج وحده مااا سكن وياهم
علي دوم يذكرهم وياخذ عمي للطبيب وخالتي يدزلها مصرف مهمها يكون اهله
رضا الله من رضا الوالدين
اما الحدث الي صاير واني ماادري بي ولا اي احد يعرف بي
حسن ماخذ امي للتسجيل العقاري
ومخليه كاتبه البيت باسمه على اساس هو ينطي الكرم حصه
محد من عدنا يعرف مقنعها بس تموتين يجون النسابه ويطالبون بحصص
وكرم طايش اذا كتبتي نص البيت بااسمه
راح يضيع كلشي
خلي حصته وياي اني احافظ عليه
هذا الحجي من السنه الي اني اشتريت بيها بيت
ونتقلت اول مره
وبتحريض من غفران لان كتلتها الغيره شلون اني صار عندي بيت وهي لا
جمانه السعيدي
غفران حتى ماهان عليه ناخذ كل واحد حصته من بيت اهلي
سنة ٩٩ ازوج كرم بنيه غريبه مو من كرايبنا رغم غفران رادته ياخذ اختها
بس هو رفض يكول مااريد من الكرايب ابد
الحمد لله صار عنده وولد ثنيبن وبنيه زوجته كلش حبابه وبت اصول
دائما تجيني وتذكرني وجيبلي
اما اختي الزغيره شكد حاولت عليه خالتي ام علي رادته الابنها بس ماقبلت ابد
اتاخرت حيل يله ازوجت
ازوجت واحد غريب اخته موضفه وياها وخطبتها اله
اما اني كنت حيل حريصه على جهالي وعلى تربيتهم
ماحبيت جهالي يعيدون نفس حياتي
ماعندي تفرقه بين وولد وبنيه كلهم سوا
علمتهم يحبون اختهم ويسئلون عنها واذا عدهم شي
يتقاسمونا وياها
واي احد منهم عند اي مشكله يجي يحجيلي
اني صديقتهم قبل لا اكون امهم
كنت طول هاي السنيين بلصدفه اله اسمع شي عن محمود
بس الي اعرفه
من كلام الاهل والاقارب علاقته مو زينه بزوجته
رغم صار عندا منها ثنيبن اولاد
سنة ٢٠١٥ توفت خالتي الجبيره
محمود حضر الفاتحه ومن بعدها قرربسكن بلعراق
بعد مايرجع للخارج
سمعت محمود جايب زوجته وأولاده وجاي يستقر بلعراق
لان مريض بسبب كثرة الجكاير
كلبه شويه تعبان
اني الصراحه ماحضرت الفاتحه لان بغداد
ومااكدر اعوف بيتي والولد ثنيبنهم جامعه
وآية جانت صف سادس علمي
علي وخالتي وامي وحسن حضرو للفاتحه
طبعا بيبي ام امي توفت سنة ٢٠٠٠
لو تعرفون شكدحزنت على بيبي كانت حنينه عليه اكثر من امي دائما تسئل عني وتحاول تطيب خاطري
اني اصلا مااهتم اسئل عن اخبار اي احد لان مشغوله
بحياتي بس مرات علي يجيبلي اخبار الأقارب من يروح الاهله
جمانه السعيدي
ولدي وواحد يدرس كلية تربيه
والثاني تحليلات
اما ايه طلعت كلية صيدله انقبلت بغداد
ماهان عليه تكعد بقسم أجرنا شقه كعدت بيها هي و بنيه من منطقتنا
كل اسبوع ابوها يااجر سياره ويروح يجيبها
نشوفها وتأخذ نصرف واكل وترجع البغداد
كلما تكبر تحلى اكثر
شكد ناس اجتنا عليه كل الي يشوفها يكول اريدها
وهي بلمتوسطه كل يوم يجي عليه واحد
ابوها يموت عليه
بليوم يتصل عليه اربع مرات اكثر
إلى أن اجت بيوم وفاجئتني
ايه...ماما اني مااعرف أضم عليج اكو موضوع مهم اريد اخذ رائيج بي
سعاد...اسمعج
ايه...اكو ولد وياي هو سابقني بمرحله يدرس طب عام
سعاد...لزمت كلبي بايدي وكتله اي
ايه...يريد يتقدملي
سعاد...بس بعدكم طلاب
ايه...يكول بس خطوبه يكول خاف تروحين مني
سعاد...انتي تعرفي زين
ايه...اي ولد اخلاقه ممتازه
سعاد...انتي اطلعين ويااا
ايه...لا نحجي داخل الكليه
سعاد...تحبي
دنكت ماحجت
سعاد...جاوبيني تحبي
ايه...اي اني بلبداية ماقبلت احجي ويااا
بس هو كان يلاحقني دائما واذا احتاج مساعده
يعني كتب ملازم يساعدني
هاي كانت أول سنه
ثاني سنه علاقتنا قوة اكثر بس اني ابد ما مجاوزه الحدود ويااا
هو دائما يحمد اخلاقي
سعاد...وليش اني مااعرف احنا مو صديقات
ايه...حبيت اتاكد من مشاعري ومشاعره بلاول
سعاد...اخاف ترتبطون وينزل مستواي بلدارسه
تعرفين الصيدله مو هينه ابد
ايه...يعني اوصله خبر انتي ماموافقه
سعاد...اخاف عليج حبيبتي
ايه...بس اني احبه ومتعلقه بي
سعاد...خلاص اذا انتي تحبي ماكو مشكله
يكدر يجي ويجيب اهله حتى نتعرف علي
تعارف ايه سمعتيني تعارف وبعدين نقرراذا كان يناسبج لو لا
ايه...اي اني اوصله خبر
سعاد... اهم شي عندي تنجحين فهمتي لو لا
ايه...اي فهمت يااحلى ام
اني كتله اذا امي وافقت يعني كلشي تمام
سعاد...هااا هيج الحجي
