رواية بنات نعمة الجزء الثاني (الدرويش) الفصل السابع عشر
كلام الناس يهدم النفوس قبل البيوت
عندما ترتبط حياة أحدهم بك وقتها لا مجال أن تسعى وراء ما يريده قلبك
العفو عند المقدرة
في المستشفي
هدي .. طمني يادكتور ؟!
الدكتور .. للأسف إنهيار عصبي حاد
تغريد .. يعني ايه يادكتور!
الدكتور .. يعني هتاخد شوية على ما تخف وياريت تحاولو
تساعدوها بإنكم تخرجوها من الحالة دي بسرعة لأن الوضع
مع مرور الوقت هيزداد صعوبة
تغريد .. يالهوي يالهوي ريهام هتروح مننا ياهدى😥
الدكتور .. لاااا مينفعش ريهام تشوف ال انا شايفه ده ! لازم
تبعد عن الزعل بجميع أشكاله ، واظن انتي ياهدي خريجة
طب وفاهمة الكلام ال بقوله
هدى .. فاهمة يادكتور
تغريد .. طب ندخلها دلوقتي ؟
الدكتور .. مفيش مشكلة بس ياريت محدش يبكي قدامها
معاكم 5 دقايق وتخرجو عشان لازم ترتاح هي دلوقتي تحت
تأثير المهدأ
__________ روايات أحمد حسن
نروح عند سمية وناصر
الدكتور .. الحقيقة إن الجنين متأثر بسبب الكدمات وحالت التوتر ال اتعرضتلها الأم وده أدى لمضاعفات نتج عنها إننا
في مأزق دلوقتي
ناصر .. مش فاهم ! مأزق ايه ؟!
سمية .. يعني ايه يادكتور !
الدكتور .. لابد إن الجنين ينزل لأن الحمل لو أستمر فيه خطر
على حياة الأم
ناصر .. خلاص نزله يادكتور
سمية .. لاااااا مش هنزله يادكتور😥
الدكتور .. مفيش حل غير إنه ينزل يامدام
سمية .. طب ولو منزلش يادكتور ؟!
الدكتور .. للأسف انا لازم أكون صريح معاكم عشان دي امانة
سمية .. قول الحقيقة يادكتور
الدكتور .. موت😔
سمية .. موافقة
ناصر .. خلاص هتنزليه
سمية .. موافقة إني أموت
الدكتور .. انتي مجنونة يابنتي
سمية .. انا لو نزلته يادكتور هيبقا هو ده الموت الحقيقي
الدكتور .. ياريت ياناصر ياابني تتكلم معاها وتحاول تقنعها
استئذنكم أنا
ناصر .. اعقلي ياسمية ونزلي الواد
سمية .. عشان خاطري ياناصر سيبني براحتي انا خدت قراري
ناصر .. قرار ايه وزفت ايه ! انتي متعرفيش ال في بطنك ده
اتسبب ليا في إيه ! عارفة يعني ايه أسيب حبيبتي في يوم
فرحها ؟! تعرفي قد ايه حجم الكسرة والوجع ال إتعرضتله
بسببك وبسبب ال في بطنك !!؟ أنا دمرت حياتها حرفيا
سمية .. طب ليه أنقذتني 😥 ماكنت سبتني أموت وأرتاح😥
ليه بتنقذ حياتي على حساب حياة حد تاني !!! وهو ليه لازم
أكون أنا أو هي ال غلطانين !! إحنا الأتنين ضحيتك أنت
إتخليت عني وعن إبنك بسببها وإتخليت عنها بسببنا ودايما
بتحطنا جناه في وش بعض ! اقعد مع نفسك وإحسبها انت
مش ملاك ياناصر وعالعموم انا مش عايزة منك غير إنك
تكتب عليا بعد ما نخرج من المستشفى وبعدها طلقني وروح
ليها انا برضو ميرضنيش تكسرها وتجرح مشاعرها
وانا وابنك لينا رب متكفل بينا
ناصر .. وانا موافق ياسمية وبجد كنت عارف إن مش هيهون
عليكي تدمري حياة المسكينة ريهام ال ربنا يعلم هي حالتها
عاملة إزاي دلوقتي
ابتسمت ريهام ابتسامة مزيفة في وش ناصر لحد ما خرج
من الأوضة وبعدها إتفتحت في البكا والحسرة لما حست
إن حياتها مش فارقة مع ناصر وإنه أصلا مش حاسس بيها
ناصر .. خرج ناصر وراح عند الدكتور وسأله إنهم ممكن
يخرجو عادي النهاردة
الدكتور .. طبعا إن شاء الله ، بس طمني اقنعتها إنها تنزل الجنين ؟!
ناصر .. لا يادكتور هي مصممة إنها متنزلوش
الدكتور .. دا اسمه جنون !! طيب عالعموم في حاجة عايز
أقولهالك حاول على قد ما تقدر متخليهاش تزعل أو تتوتر
أو تتحرك كتير عشان نسبة نجاتها متتعداش 10% ولو
حصلت أي حاجة من ال ذكرتهم ليك للأسف هتموت قبل
ما توصل لميعاد الولادة
ناصر .. ايه !!!!!!!
--------
ناصر قعد يفكر في كلام الدكتور وحس إن لازم يكون جنبها
في الفترة ال باقية لحد ما تولد لأنه خاف يشيل ذنبها ويقعد
طول عمره بيعاني من تأنيب الضمير
________________ ( بعد مرور شهرين )
في بيت المغازي
نظيمة .. يلا يافؤاد الفطار جاهز
فؤاد .. لا افطرو انتي ياعمتي انا عندي مشوار ضروري
نظيمة .. مشوار ايه ! وبعدين ايه حكاية مشوايرك ال كترت دي؟!
فؤاد .. خير ياعمتي متقلقيش
فعلا خرج فؤاد وسلاحه في جيبه وركب عربيته لحد ما
وصل عند الكبير دخل جوة لقي الكبير قاعد على مكتبه
الكبير .. اهلا يافؤاد
فؤاد .. ازيك ياكبير
الكبير .. اتأخرت كتير
فؤاد .. موضوع قتل ابوي قدامي كان صعب وكان لازمني
اخد شوية وقت عشان استوعب ال حصل بس الحمدلله
بقيت كويس ومستعد للتعليمات الجديدة
الكبير ..تمام طبعا انا وأنت عارفين إن عدوك واحد
فؤاد .. لا اتنين ! الدرويش وهدي ال قتلتلها جوزها
الكبير .. وهو ده الموضوع ال انا عايزك عشانه
فؤاد .. مش فاهم !!
الكبير .. هتاخد كفنك وتروح لهدي
فؤاد .. ايه !!!!!!! انت فاكر اني هصعب على هدي !!! دي
هتدبحني وتروح تكمل فطارها عادي !
الكبير .. نفذ ال بقولك عليه من غير كلام كتير ! انا عارف انا
بقولك ايه ، ولما تخلص معاها هقولك هتعمل ايه ،
فؤاد .. طب ممكن طلب ؟
الكبير .. طلب ايه ؟
فؤاد .. ممكن اشوف الست نعمة ؟
الكبير .. دخلوه عند نعمة
____________
نعمة .. مين فؤاد ! ايه ال رجعك تاني !
فؤاد .. عرفتي ال حصل ياست نعمة؟
نعمة .. الكبير حكالي البقية في حياتك
فؤاد .. انا هروح أقدم كفني قدام الناس كلها لهدي ياست نعمة
نعمة .. جدع يافؤاد معيزاش الناس تفرح فينا وان شاء الله
هدي هتعفي عنك
فؤاد .. كنت اتمني ان الموضوع يحصل وانتي موجودة على
الأقل كنت هبقا متطمن شوية
نعمة .. والله ياولدي ما عارفة إيه أخرت الحبسة دي بس
متقلقش هدي فعلا بقت قاسية بس عمر الدم مايبقا ميه
وهتعفي عنك
_______________
نروح لبيت نعمة
وهناك طبعا الجميع بيحاول إن يساعد ريهام من إنها تخرج
من الصدمة وبالفعل في تطور بسيط بيحصل في حالتها
هدي .. ايه ياقلب امك بتعيط ليه ياواد ياكامل
تغريد .. ايوا افضلي كده دلعي فيه لحد ما يطلع عيل خيخة😅
هدي .. شوفتي ال اختك بتقوله ياريهام بقا انا ابني هيطلع خيخة قال
ريهام .. بصت ليهم ومتكلمتش لأنها من ساعة الصدمة مبتكلمش حد
ابراهيم .. صباح الخير ياريهام ايه القمر ده ياناس
تغريد .. اشمعنا يااخويا بتدلع ريهام هو انا مش قمر برضو☺️
ابراهيم .. امشي يابتاعة انتي كده بقا عايزة تساوي نفسك
بالجميل ال قاعد ده 😍
فجأة الباب خبط
وفي صوت دوشة قدام الباب
خرجت هدي اتفاجئت بناس البلد ملمومة وفؤاد واقف قدام
الباب وكفنه علي إيديه
فؤاد .. انا قدامك خدي حق جوزك مني ياهدي
هدى .. وقفت لحظة تستوعب الموضوع وبعدها دخلت جوة
جابت السلاح وشدت الأجزاء
وقالت يعني انتم ياناس البلد دلوقيت ملمومين عشان تشوفو هيحصل ايه !!
زي برضو ما في الفرح كنتم بتتفرجو وكلامكم ال وصل ودان
أختي في وقتها وانتم بتضربو كف على كف والسم ال كان
بيخرج من السنتكم بسببه اخته مش عارفين نداويها
انا عافيت عنك يافؤاد ، اما انتم ياناس البلد معاكم دقيقة
ال هشوفو واقف علي بابي ( ومسكت سلاحها ومن فوق
رؤسهم رصاص ملوش عدد بيتطاير، الناس طلعو يجرو وفي
لحظة المكان كان فاضي 😅
فؤاد .. لقي نفسه واقف لوحده قدام الباب بلع ريقه بالعافية
وقالها انتي قولتي إنك عافيتي عني صح ؟!
هدي .. مع اني كان نفسي اقتلك بس هعمل ايه من جالك
بيتك جاب الحق عليك
فؤاد .. من فرحته جري علي هدي حضنها وقالها تسلميلي
ياهدهد ياعسل 😍
هدى .. باااا😳!بععععد عني يامخبول انت احسن عظيم بالله
ارجع في كلامي وأطخك !
تغريد .. 😅😅😅😅😅😅
ابراهيم .. 😅😅😅😅😅😅
فؤاد .. بتلقائية كده دخل جوة البيت وسأل هي فين ريهام ؟!
هدي .. رايح فين المجنون ده 😳
فؤاد .. إزيك ياريهام
هدي .. خد ياد انت ! بتعمل ايه !؟
فؤاد .. انتي عايزة إيه ! كان ليكي تار وخدتيه ! ودلوقيت أنا
قاعد مع بنات عمي ، ربنا قدرك تعملي كوباية شاي يبقا
توشكري مش هتعملي يبقا نقطينا بسكاتك
تغريد .. هموت 😅😅😅😅😅😅😅😅😅
ابراهيم .. 😅😅😅😅😅😅
هدي .. لااااا انا غلطانة إني مقتلقش
فؤاد .. بيستخبي في ريهام الحقي ياريهام حوشي ياتغريد
دي مجنونة وتعملها😳
ريهام .. تبسمت قليلا
تغريد .. ايه ده 😍😍😍 ريهام ابتسمت 😍
هدي .. ياما انت كريم يارب😍
ابراهيم .. ايوا بقا 😍
فؤاد .. أنا مش فاهم حاجة 🤔
شوية ودخل صابر وبيت المغازي كله وراه بعد ما سمعو الخبر
من ناس البلد كانو مرعوبين بس إتفاجئو بالمنظر قدامهم
رحبت بيهم تغريد وقعدو شوية ومشيو
_________________
نروح عند سمية وناصر
ناصر .. الحمدلله الدكتور طمنا وقال ان الوضع مستقر
سمية .. مقولتليش ياناصر هو انت ليه مطلقتنيش بعد ما
كتبت عليا زي ما اتفقنا
ناصر .. عشان مقدرش استغنى عنك انتي وولدك
سمية .. نفسي أصدقك ياناصر نفسي
ناصر .. لا صدقي ياسمية
سمية .. الدكتور قال إن ميعاد الولادة بعد اسبوع من دلوقتي
ناصر .. ربنا يسهل ياسمية المهم خلي بالك من نفسك
سمية .. لو مت ابني امانة في رقبتك ياناصر
ناصر .. متقوليش كده ياسمية هتعيشي ان شاء الله وهتربي
ابنك بنفسك
سمية .. مش حاسة اني هقوم منها ياناصر
ناصر .. املنا في ربنا كبير
.......( بعد اسبوع )
الدكتور .. جاهزة ياسمية ؟
سمية .. جاهزة يادكتور
ناصر .. ربنا معاكي ياسمية
سمية .. قبل ما ادخل العمليات ياناصر عايزة أقولك لو كان
ده هو أخر كلامي .. إني حبيتك اوي ياناصر حبيتك فوق ما
تتخيل وعارفة إنك وقفت جنبي ومرضيتش تسيبني عشان
قلبك فيه رحمة ومش عايز تحس إنك السبب في موتي
وصيتي ليك ابني ياناصر ،، ابني ياناصر ياناصر ملوش ذنب
في أي حاجة حصلت ، كان نفسي أعيش ليه ياناصر 😥
كان نفسي أشوفه بيكبر قدام عينيا 😥 كان نفسي أسمع
منه كلمة ماما 😥 بس ال هيهون عليا ويريحني في رقدتي
لو مت إني عارفة إنك عمرك ما هتفرط في ضناك 😥
ناصر .. هتعيشي ياسمية 😥
سمية .. ابننا ياناصر 😥
الدكتور .. يلا ياسمية
سمية .. يلا يادكتور , اشهد ان لا اله الا الله وان محمد رسول الله
