 |
رواية بنات نعمة الجزء الثاني (الدرويش) الفصل الثامن عشر والتاسع عشر بقلم احمد حسن
جبر الخواطر من العباد لبعضها شيئ عظيم إذا كان من قريب
زادت محبته وإذا كانت من غريب ولدت محبته ولاكن في
الحالتين تولد المحبة مع إنكسار النفس
أما إذا كانت من الخالق فيرتاح القلب ويهدأ البال فتدمع
العين فرحة بمن أعطى جبرا دون مقابل ، فهذا هو العطاء
الوحيد اللذي يرفع الشأن ويعز النفس دون إنكسار
فاللهم عطاء وجبرا يليق بعظمتك
في روايتنا النهاردة ،ندم لأحدهم وإحساس بالذنب
و24 ساعة فارقة في حياة الأخر
جلسة واحدة من هدى تحدث الفارق مع ريهام
اما نظيمة فستبدأ بأستخدام السلاح الدنيوي السائد
في عصرنا الحالي
فؤاد يضع خطة مستقبلية غريبة على بيت المغازي
ناصر يدخل مرغما في دوامة لا نعلم متى سيخرج منها
مفتاحها مفقود وجدرانها هشة
سبحان المعز المذل حيث يجبر الله كسر أحدهم ويذل نفس
الأخر 👌
تعالوا نشوف حصل ايه في حلقات النهاردة
__________
في المستشفي
بعد فترة ترقب وقلق من ناصر خرج الدكتور من غرفة
العمليات ومعاه الممرضة شايلة ابن ناصر وخداه على
الحضانة
ناصر .. خير يادكتور طمني
الشيخ مسعد .. طمني علي بنتي يادكتور
الدكتور ..مكدبش عليكم الحالة حرجة لوعدت 24 ساعة نقدر
وقتها نتطمن شوية ادعولها
ناصر .. طب ممكن ندخلها
الدكتور .. اسف مينفعش روح بس افرح باإبنك ال ملوش
ذنب وخليها علي الله
___________
في بيت نعمة
تغريد .. ياااااه كان يوم جميل بشكل يابت ياريهام بس
تعرفي يابت ياريهام أنا أول مرة أكتشف إن الواد فؤاد دمه
خفيف 😅 ،، شوفتي إزاي قدر يحول موضوع التار لضحك
وهزار اهو ده ال ما عمرنا سمعنا عنه
ريهام .. ( صامتة )
تغريد .. هتفضلي لحد ايمتا يااختي حرمانا من صوتك😔
شوية ودخلت هدي
هدي .. روحي يابت ياتغريد اعمليلنا كوباية شاي وخدي
راحتك وانتي بتعمليها
تغريد .. الحقي ياريهام أختك هدى بتوزعني😅
___________
هدي .. وبعدهالك ياريهام هتفضلي اكده لحد ميتا , لو كان
الحزن بيرجع ال فات كان رجع كامل جوزي الله يرحمه، انا
حزنت وبكيت واتحسرت عليه وبرضو مرجعش ، يمكن انتي
وجعك أهون من وجعي ، ايوه متستغربيش ، أنا عندي كان
كامل يخوني أو يسيبني اهون عليا من انه يرحل عالأقل كان
هيفارقني من غير ما ازعل عليه
اما ال بيموت ياريهام بيموت وانتي بتحبيه مابالك بقا لما
يفاديكي بروحه ، كامل فداني بروحه ياريهام 😥 صدقتي
لما قولتلك اني كان عندي يخوني أو يسيبني بس مايرحلش
ريهام .. 😭😭😭
هدي .. ابكي ياحبيبتي ابكي وطلعي ال جواكي بس عايزاكي
تقومي من فرشتك وانتي ناسية كل حاجة وتبدأي من جديد
ياحبيبتي
ريهام .. ناصر كسرني ياهدي😥
هدي .. هو ال خسر حبك يااختي وتأكدي إنه هيندم على ال
عمله ده في يوم من الأيام
__________
في بيت المغازي
كوثر .. الواد ابراهيم وحشني قوي ياصابر انا قولت يمكن
عايز يغير جو عند اخواته ويرجع بس لما شفته النهاردة وهو
مبسوط في وسطيهم حسيت إنه ناوي يكمل معاهم ومش
ناوي على رجوع لبيت المغازي
صابر .. انتي عارفة اني ضد الموضوع ده ياكوثر وان ال
بيحصل ده ميرضيش ربنا ولازم ابراهيم يعرف السر عشان
نحط النقط على الحروف
كوثر .. يانهار اسود انت بتقول ايه ياصابر ، انت عايز تعترف
لإبراهيم بعد العمر ده كله إنه مش إبنك !! انت عايز تكسره
ياصابر!
صابر .. مسيره في يوم هيعرف ياكوثر وهيحس إننا خدعناه
طول السنين دي كلها وهيسأل على ابوه وقتها هنقوله إيه ؟!
كوثر .. ابوه سابني وأنا حامل فيه شهرين ياصابر وابراهيم
اتولد ووعي عالدنيا لقيك في وشه ومكتوب على اسمك
صابر .. خايف نكون ال عملناه ده ياكوثر يغضب ربنا
كوثر .. قففل على الموضوع ياصابر وانسي الكلام ال بتقوله ده
___________ روايات أحمد حسن
في الناحية الأخرى
نظيمة .. ياواد يافؤاد نمت ولا لسه
فؤاد .. ادخلى ياعمتي انا صاحي
نظيمة .. الحمدلله ياغالي خلصنا من موال جوز البت هدى
اخيرا هننام وبالنا رايق
فؤاد .. لا ياعمتي مش هنام ولا يهدالي بال غير لما ارجع كل
مال المغازي واقتل الدرويش
نظيمة .. راجل ياواد طول عمري بقول ان مرسي الله يرحمه
خلف راجل
فؤاد .. كل همي دلوقيت ارجع الوكالة والمحلات وبيت ابوي
نظيمة .. طب يعني كنت عايزة أسألك سؤال أكده
فؤاد .. عارف ياعمتي مش قصدك يعني نصيبكم في الورث ؟
متقلقيش كله هياخد نصيبه ، انا اتعلمت ياعمتي من عمايل
ابوي الله يرحمه ،ابوي خسر كتير بسبب جريه ورا المال وأول
حاجة خسرها أهله وناسه وانا مش مستعد أخسركم كيف
ابوي ياعمتي
______
في المقابر
الدرويش .. ياااااه ياامي استعجلتي قوي يااماي 😥
عيشتي عمرك كله عشاني 😥 حرمتي نفسك من كل حاجة
حلوة عشان تريحيني ،انا فاكر كل حاجة ياأمي ، فاكر لما
كنتي بتحرمي اللقمة على نفسك عشان مجوعش ، وفاكر لما
بعتي سريرك ونمتي عالأرض عشان أعيد وسط العيال بكسوة
جديدة😥
وأااااااه ياصفية ااااه ياأمي 😥
خدوكي مني ياأماي 😥 حرموني منك ياصفية 😥
بس متقلقيش ياأمي ، كل حاجة كان نفسك فيها هتحصل
بداية من خراب بيت المغازي لحد قتل نعمة ال كان نفسك
فيه والواد ال قتلك أوعدك ياأمي قريب هيحصلك هو وال
وراه الكلب ال اسمه الكبير كلهم هيموتو ياأمي
خلاص ال كان مانعني عنهم هو خوفي عليكي ، بس خلاص
كده معنديش حاجة أخاف عليها
_______________
نروح عند رياض وفرحات
فرحات .. وووووبعدين ياصاحبي ههههنقعد حاطين ايدنا
على خدنا إكده ؟!
رياض .. عايزني اعمل ايه يافرحات !
فرحات .. الدنيا هديت رررروح لهدي وقولها على كگكل حاجة
رياض .. بالعكس يافرحات الدنيا ولعت ، دلوقيت الدرويش
فاكر إني الكبير وإن انا السبب في قتل أمه
فرحات .. ييينهار مش فايت هو احححنا خلصنا من هدى
عشان يييطلعلنا الدرويش
رياض .. وأنت خايف من ايه يافرحات !!
فرحات .. يييعني مشوفتش كنت هروح فففي شربت ميه كيف
رياض .. قصدك في الفرح 😅 انا نفسي بس أفهم لما انت
خوفت طب اجري في الشوارع او اهرب في أي حتة ملقيتش
دولاب هدوم هدى وتروح تستخبى فيه والله لولا تغريد
لحقتك كانت هدى اديتك طلقة وخلصت عليك😅😅😅
فرحات .. ووووانا اعمل ايه في حححظي المهبب ممممعرفش
إن دي أوضة هدى انا قققولت استخبى وخلاص
_______
نروح عند الكبير ونعمة
نعمة بتصلي والكبير وقف وراها سمعها بتدعي وتقول
ياااااارب عارفة اني ذنوبي كتير بس عارفة إن رحمتك أكبر
من ذنوبي فيارب عاملني برحمتك ، رحمتك يارب 😥
رحمتك ياكريم😥
يارب هون على قلب بناتي وكون معاهم في محنتهم يارب😥
يارب بناتي جناحهم مكسور وملهمش حد غيرك😥 خليك
معاهم يارب 😥
يارب يامن نجيت يونس من بطن الحوت وموسي من البحر
وفرعون ويوسف من قاع البئر نجينا أنا وبناتي من الهلاك
والمصائب وسواد الحال😥
يارب شربنا المر حتي مللنا من السقى والساقي فهون يارب
😥هون يارب😥 هون يارب😥
يارب وقفت معايا في أشد المحن وعندي ثقة وإيمان إنك
هتنجيني ببناتي فاللهم لا تخيب ظني واجبر بخاطري يارب 😥
اللهم جبرا يليق بجلال وجهك وعظيم سلطانك😥
يارب قد ضاقت عليا الدنيا بما رحبت فخذني من رحاب الهم
الى رحاب فضلك😥
يارب اهدي الشخص ال حابسني وخليه يرجعني لبناتي يارب😥
يارب اهديه 😥 يارب اهديه 😥 يارب اهد ..😥😥😥
بكت كتير اوي نعمة ظلت تبكي وتدعي ربها حتى احمرت
عيناها من كثرت البكاء ثم التفتت ورائها لتتفاجئ باالكبير
جالس ورائها ودموعه تنهمر من عينه 😥
ثم تقدم الكبير نحوها وقبل يداها ثم رأسها وقال لها
الكبير .. جهزي نفسك انا منتظرك بره
نعمة .. ؟؟!!
الكبير .. بناتك ماوحشوكيش ولا ايه 😊
نعمة .. بجد ! ياما انت كريم يارب 😥😥 ياما انت كريم يارب😥😥😥
الكبير .. خلاص بقا كفياكي بكا ، تعز عليا دموعك والله
يانعمة😥 يلا جهزي نفسك قبل ما النهار يطلع
وبالفعل نعمة جهزت نفسها ورجالة الكبير طلبوا منه انهم
يوصلوها بس هو رفض وأصر يوصلها بنفسه
ركب عربيته وركب نعمة جنبه وطلع بالعربية وفي الطريق
سألته نعمة على شخصيته الحقيقية بص ليها الكبير وضحك
المهم في النهاية وصلو عند بيت نعمة وهناك نزل الكبير
وشال نعمة حطها عالكرسي بتاعها ونعمة طلبت من الرجالة
يفتحو طريق وفعلا وصل الكبير ومعاه نعمة عند الباب
فتحت تغريد كالعادة اتفاجئت بأمها قدامها صرخت من
الفرحة واخواتها اتلمو وكلهم اتلمو حوالين نعمة
بصت هدى شافت واحد خارج ومن ضهره عرفت انه الكبير
قالت الكبير ؟! هي قالت كده ورجالتها اتلمو بالسلاح حواليه
نعمة صرخت فيهم وقالتلهم سيبوه !
هدى ٠٠ طب هو مين ياأمي ؟!!
نعمة .. متسأليش🤚 وبصت للكبير وقالتله
( خلي بالك من نفسك )
بصت هدي لأمها وللكبير بإستغراب بس في حضرت نعمة لا
يعلو صوتا فوق صوتها👌
