رواية خيط الدم الفصل الثامن عشر بقلم زينب طالب
أَيَّتُهَا الحَيَاةُ، عِندَمَا قُلتُ: 'آتِ بِمَا عِندَكَ'، مَا عُدتُ أَبَالِي. فَكَثُرَ الخَيبَاتِ قَد جَعَلَتنِي أَعتَادُ عَلَى الوَجَعِ. صَدَقِينِي، لَم أَعمِد تِلكَ العِبَارَةَ، بَل كُنتُ أُمزِحُ مَعَكِ. لِمَاذَا نَقَضتِ وَعدَكِ لِي؟
هَل اِستَكتَرتِ عَلَيَّ الرَّاحَةَ؟
هَل تَطلُبِينَ مِنِّي ثَأرًا أَم مَاذَا؟
قَد أَوجَعَتنِي بِأَحبَابٍ كَانُوا هُم سُلُوتِي، سَرَقَتِهِم وَاحِدًا تِلُو الآخَرِ. أَيَّتُهَا الحَيَاةُ، هَل لِي أَن أَعقِدَ هُدنَةً مَعَكِ؟
تَعِبتُ مِنَ الأَلَمِ وَالوَجَعِ حَتَّى مَا عُدتُ أَشعُرُ بِشَيء لَا الصَّرَاخُ يَسكُنُ الأَلَمَ، وَلَا السُّكُوتُ يَجدِي نَفعًا. فَجُرْحٌ عَلَى جُرْحٍ، وَطَعنَةٌ تِلُو الطَّعنَةِ، وَخَيبَةٌ تَتبَعُ خَيبَةً، جَعَلَتنِي أُصبِحُ جُثَّةً عَلَى قَيدِكِ، أَتنَفَّسُ."
للمبدعة salama194
_____
جوري
_هنااك واسمع احدد يصيح بأسمي الصوت مو غريب علية رفعت راسي وانصدم بالشخص الواگف گباالي لايالله شجابة هذاا هناا، حچيت بدهشةة
رافدد!!
_تقدم عليةة يحچي ويتمسكن
رافد :: جوري حبيبتي شلونچ جوري والله ماادري ماادري همة سوو بيچ هيچ سامحيني ورجعيلي ابووس اديچ
_باوعتلة بحقد واحس اريد افترسةة كلشي صاار بسببة بسبب ضعفة وجبنةة وطمعة بيةة حچيت
بغضب وحقدد
:: شعنددك هنااا ليش لاحگني منين عرفتت طريقي راافد رووح ولاتخليني اشووفك بعدد واريدك ادز ورقتي وتخلصني منك ومن كل شي يربطني بيكك
_رد علية مثل عادتة يعيش دوور الضحية براسي
رافد :: جوري بس سمعيني والله اني احبچ جوري ماادري بغصون الحقيرة هيةة واخوهاا هيچ مسووين بيچ حتى برائة طلعت لأن مو ذنبي موذنبي الصار تعالي ويااي خلينة نفتح صفحة جديدة واوعدچ اتغيرر والله اعيشچ ملكة والله
:: ترة جاي تلعب نفسي منك تدري لو لااا اني ماعولت اخلص منكم حتى لو على حساب نفسي بس المهم خلصتت وتريدني هسةة ارجع برجلي الا عقلي ضرررب رافدد رووح وطلگني بلامشااكل احسن الك واليةة
رافد :: مااطلگ اني احبچ واريدچ ترجعين وتحجبيلي طفل ولچ ابني رااح غيرر تعوضيني بيهه اني مكسوور مناا انتِ وابني منا زوجتي ونسيبي ليش كلكم علية ليشش والله ماادري بكلشي صارلچ ليش متصدگين
:: صحيح متدري بس بسسبك الصار كلشي صاار بية بسبيك انتَ الأجيت واشتريتني من امي ورجلها العاار وانتَ لدخلتني بيتك وخليت غصوون تسوي بية العمايل ولك گدامك چانت تضربني وتسووي اشكال بية حلگك متفتحة ويااهة وتدافع عني هسة تجي وتريد تصيرر ضحيبة براسي اذا انت المظلووم اني شنوو اني شنوو رافدد!
رافد :: حقچ والله حقچ بس ماچنت اگدر الهمم اني وحدي وهيةة واخوهاا عليه حالي ومالي بيدهم اذا اعترضت مو بعيدة يقتلووني مثل ماسوو ويااچ بس هسة هسة خلصنة منهم منوو يأذيچ بعدد تعالي رجعي والله اعوضچ جوري اعوضچ حبيبتي بس رجعيلي
_بعدني مرادة علية شفت صاارم من بعيد اجةة وعيونة علينةة تتطافر شرار وصل يمةة زنگة من رباطةة وسحبة حيل ووجهة قريب عليه ويحچي
صارم :: شعندك هنااا لك ليشش جااي اني شگتلك مو گتللك مااريد اشووف وجهك وتطلگ غصباً عليك گتلك لو لاااا
_يحچي بعصبية وصيااح العالم التمت علينةة رافد نخلس بأيدة يرد علية بخووف
رافد :: گتلي والله گتلي بسس ردت احجي ويااها واقنعهاا ماردت شي والله ماأذيتهاا
صارم :: مااريدك تلمح ضلها مو تحچي ويااها ضلهاا ماتشووفة اسمعع لكك اذا شفتك جااي صووب جوري بعدد لو تهاونت بالطلاگ ماتكلفني غير طلقة براسكك سااامع
رافد :: اي اي سمعت والله سمعت
_دفعا ووگع بالگااع العالم گومتة مااهتم سحبني من وسط الهووسة ويمشي بيةة اريد الحگ عليه مااگدر احسة يحفر الگااع بمشيتةة احجي وياه ميردد علية
::صارم صارم ايدي عفية شبيكك مناا العالم عيب عوفني هاي شبيك ياا مواحجي ويااك متررد
_ ولاكأن يسمعني على فرد ركضةة وصلنة للبيت فتح الباب ودفعني عطت بهه
:: انتَ شبيكك لليشش هيچ تتصررف والله فشلتني
عاط بيةة متعصب
صارم :: ليششش توگفين يمةة ليشش لچ جووري انتٓ غبيةة شنوو واگفةة تتفاصلين ويااه
:: شسووي يعني هوو يحچي اعووفة وارووح
صارم :: اي اي تعوفيه وترحين لعدد عاجبچ وگفتچ ويااه بنص الشارع مو بسببة وصلتِ للمووت شلوون تسولفين ويااه شلوون !
_على صياحة طلعت بيبي وشفق خايفاتت مايعرفن السالفة يسألن منرد عليهن
:: ماصار الةة هوااي چنت منتضرتك تجيي وين اروح مو ماا تقبل اتحرك من مكاني شسووي يعني
صارم :: وهيچ انتِ تسمعين كلامي شفتي لطشش اعوفة واروحح اغير مكاني لو راجعةة وحدچ للبيت ولا وگفتچ ويااه بالشارع
شفق :: شكو صاارم شصايرر
جمارة :: هسة غيرر يفهمونة شكوو
صاؤم :: سألن الخاتوون واگفة تدگ سوالف وية الشخص لوصلها للموت ولچ قبل كم يووم اني مطيح حضةة اريدة يطلگ وهسةة انتِ تاخذين وتنطين وياا اخخخخ يابة
_عضض اصبعةة بحرگةة متعصب وعافنة ودخل للبيت تقربت شفق مني تسألني حچيتلهاا الصار
صااحت بيبي
جمارة :: صحيح كلامة انتن ليش متعرفن تتصرفن شفتي هذا الطرن اجاج اعوفة واروح شنوو راح يركض وراچ
:: بيبي انتِ بس تنطين الحق الةة حتى لو غلطاان
جمارة :: ماغلطان الرجاال يخاف عليچن بس انتن ماتنگدرن يبيبي عطبتن گلبةة
شفق :: بس اني فقيرة الحمد لله
:: هسةة طلعت اني الموزينة موو انعم الله عليكم
_ عفتهم وفتت للبيت مااعرف الغلط وين بية لوبيهم والله حيخبلووني غيرت ملابسي وطلعت اغسل
كملت ورجعت للغرفة صليت چنت جوعانة مو مال ازعل على الغدة عفت الكرامة بالغرفة وطلعت
گعدت بدون سلام وگمت اكلل
صارم :: تدرين شفق العقل لو ينباع اشتري
شفق :: ألمن؟
صارم :: لوحدة ثولة محتاجتة
_حچيت واني اكل
:: ماارد عليك اجاوزك بأخلاقي
صارم :: مموجه حچي الچ لچ
شفق :: صارم عوفهاا خطية خليها تاكل لاتزعلهاا
صارم :: لخاطرك يحلو راح اسكت
جمارة :: هاا ولك قبل شووية نافش ريشك علينة بحچاية منها قشمرتك
صارم :: شنوو جمارة تغارين اعترفي تردين رجل
موو بس عبالچ تلگين مثلي يدللچ مثل مامدلل
مرتي ابدد هو اني واحدد وصادتني ام عيوون خضرر السمرة
جمارة :: زوج مخابيل منو يغاار منكم
شفق :: اكل حبيبي اكل تغدة سودة علية تعبنك
اختي وبيبيتي شسووي تحملهن لخاطري
صارم :: هو شمصبرني عليهن غيرچ كلشي يسقط يم عيونچ وداعت من زرع حبچ بگلبي
::نريد نااكل كاافي شگد تحچون
صارم :: تعالي اكليني بعدد
_ماحاچيتة كملت اكلي وعفتهم بس غسلت نمت للعصر، مر اسبووع على اختفاء اكرام وجية رافد للمدرسة اليوم العصر ندگ الباب صارم چان موجود
طلع شوية وصااح سوو طريق دخلنة كل احنة بالغرفة نسمع دخل نااس وحدة تسأل الثانية منوو شوية ودخل وجهلي الحچي
صارم :: غيري ملابسچ وتعالي وراي
:: وين؟
صارم :: حتى تخلصين من الدثوا للأبد
شفق :: شنوو صارم فهمنةة؟
صارم :: ميحتاج افهمچ رافد هناا حتى يطلق جوري وكلمن يروح بدربةة استعجلي انتِ
_الابتسامة ضهرت عليةة واخيرا راح اخلص منة غيرت ملابس بسرعة وطلعت وراه تلگاني صارم أشرلي اگعد دخلت چان اكو سيد معمم واثنين زلم ورافد وياهم انتبهت عليه وجهة صاير خريطةة عزةة منو مسوي هيچ بيه؟ گعدتة قلقلة يرفع عيونة يباوع علية ويرد يباوع لصارم يخزرة يدنگ
_راسي يفتر بينهم خزرني نزلت راسي خايفة منة
بدة السيد بالكلام وسوالف الطلاق وميصير وهو ابغض الحلال عند الله الطلاق صارم رد عليه
صارم :: سيدنا الموضوع منتهي لااتعب نفسك
خلصهاا الله يخلصك
_هزز راسة بأسف وراها بدة بصيغة الطلاق وسألني على اسمي رديت اخرر شي وجهه كلامة لرافد گلة ارمي عليها اليمن
_رفع راسة وباوعلي وعيونة تترجاني اتراجع درت وجهي منةة كارهتةة حچة مجبور
رافد :: جوري انتِ طالق طالق طالق
أبتسمت بوجهه بفرح أشرلي صارم اطلع من المكان
نهضت فرحانة دخلت للغرفة تلگتني شفق حضنتهاا اضحك
::خلصت منةة شفق خلصت منةة
شفق :: الف مبروك حبيبتي الف مبروك
جمارة :: بالعافية يبيي الله يعوضچ بالأحسن منة بحق الحسين الشهيد
__ اخخخ بيبي اروح فدوة لدعواتچ تدرين احس روحي بقفص وتحررت منةة طول الفترة الفاتت خايفة من المووضوع ماعبالي يخلص بهالسهولة بس خلصت خلصت
جمارة :: البركة برجل اخيتچ يمةة لو ماهو چاان احة اخذچ من نص البيت ومحد يردة
شفق :: شوفن زوجي شلوون كفوو وانتن تحچن عليه
:: منو حاچي عليه بس هوو ساعاتة مو سوة شاخط احسةة
_بهالأثناء فتح الباب ودخل سمعني احجي عليه
صارم :: هاولچ الثولة منو الشاخط اني
:: ها لا العفو العفو مااگدر احچي عليك عيب هسة خلصتني من رافد نوب اذمك مشكور صهري مسند ضهري الله لايحرمني هالرجولة
صارم :: يلة لچ بلا لواگة نگلبتي سورية براسي
شفق :: صارم عوفك منها خليك وياي
صارم :: كلي ويااچ اني
شفق ':هسة شنو خلصت منةة لو اكو اجرائات غيرهن
صارم :: كل اجرائات ماكو همة بس عقد سيد حتى محكمة تضمن حقها بيه ماكوو امچ بايعتهاا
جمارة :: الله لايطيهاا كوون
شفق :: هسة الحمد لله خلصنة منهم بهاي المناسبة السعيدة يراد نطلع
::لاعفية مو اليووم عندي واجب خلوهاا بس اعطل لان قبل الامتحانات نگعد كم يوم نراجع بيها ونطلع
صارم :: براحتكم بعدد اني طالع شفق تعالي اريدچ
_طلعت وراه واني تمددت بحضن بيبي بقت تمسح على راسي وتسولف وياي
::تدرين بيبي اذا ماانتِ بحياتنة اني وشفق حياتنة متسووة شي عوضيتة فقدان الأب وحنان الأم لنحرمنة منة وهية موجودة
جمارة :: اروحلكم فدوة يبيبي انتو البقالي ب هالدنيا من ريحة الغالي، احمد ربي طلعتوا عليه مو على امكم چان اني هسةة بالشارع
::ماعاش ليشمرچ بالشاارع هسة خليني اكبرر واخلص دراستي واتعين اول راتب اخذچ للعمرة هذا ووعد عليةة
جمارة :: بس خاف تشوفين الفلوس ويصيرن عزيزات وماتوديني
:: افةةة ماتغلى عليچ فلووس الدنيا كلهاا جمارة گلبي
جمارة :: كبرانة جوري ولسانچ صاير ينگط عسل
:: چاشعبالچ صرت مرة معتبرة
جمارة ::: ههههه فدوة اروحلچ
::اسم الله عليچ
_اخذت ايدهاا وبستهن وغفيت بحضنهاا وهية تفلي بشعري الخركة الأحبهاا منهاا
، مرت الايام واحس دخلت بكآبة مناا اختفاء اكرام ومناا الامتحانات المابقى الهاا شي واحس نفسي ارسب بيهاا
_اقترحوا علية صارم وشفق ونطلع ماگلت لا اريد اغير جوو شوية من عطلت لليوم مطالعة لحينة على بيبي تجي ويانة ماقبلت عفناها براحتها وطلعنة خطية ونسوني ماقصر ابدد ايدة سخية حيل وشنو ردنة جااب النةة لليل يلة گال امشوا تأخرنةة
_رجعنة للبيت شفق شافت الباب مفتووح تخبلت دفعها صارم وفات وهية لحگتة رحت وراهم قبل لااوصل سمعت صرخةة شفق بأسم بيبي
شفق :: لاااا بيبي لااا دخيلچ لاا تعوفينييي
_مااريد اصدگ لسمعتةة رجلية جمدن ماگدرت احملهن هنةة خطوات بس خطوات بيني وبين الصالةة اريد اووصل مااگدر سحلت نفسي سحل اتجي بالحايط وصراخ شفق يفزع الگلب وگفة صاارم وعيونةة المفتوحةة رعبتني تقدمت واني اجذب لسمعتةة دخلت للصالة وريتني ميتة ولاشفتها بهالمنظر هذا
_بيبي بحضن شفق مذبوحة من الوريد للوريد راسها يدندل المكان عبارة عن دم اريد ارمش مااگدر عيوني يبسن صاارن يحرگني حسيت احد لزم چتفي
درت وجهي صارم باوعتلة دموعة تنزل ويحچي بصعوبة
صارم :: جوري شبيچ
_خايف علية من شافني جامدة بمكاني ماگدرت اجاوبة تقدمت گعدت يمها على ركبي شفق ادگ وتلطم وتحضن بيهاا واني بس اباووع اريد امد ايدي اخذهاا لحضني مااگدر احس أدية ترجف بالگوة سيطرت عليهاا مديت ايدي ناحيتهاا
بألف ياعلي گدرت اخذهاا شبگتهاا بقووة جسمهاا باردد مو مثل كل مرة حضنهاا فااهي مو جمارة هاي مو بيبي ام حضن الدافي احضن بيهاا واحچي بروح رايحةة مو مصدگة الگاعد يصير
:بيبي لا عليچ الله لاا لاتسويهاا لااا ولچ بيبي فدووة گوومي شلوون تروحين مو گتلچ حياتنة من غيررچ متسووة شنوو بيبي هيچ هنةة عليچ ولچ نمووت والله نمووت گوومي اروحلچ فددوة گومي لاتعووفينةة بيبي گوومي ولچ بيبي گووومي
_سحبتهاا شفق مني تصرخ بكل صووتها ماتعرف شنوو تسووي ساعة تبوسها سااعة تعاتبهاا وساعة تگعد بيهاا اريد اخذهاا منها ماگدرت اجة صارم
بأيدة غطة يريد يغطيها وهية فقدت ادگ على وجهاا وتصيح
شفق :: صااارم شسووي لكك صارمم لااا اموت والله امووت مااتحمل لاتسوي بيةة هيج وخررر عوفهاا لاتغطيهاا تختنگ ولك تختنگ متحبب الغطة متحبةة عوووف بيبيتييي صاارم وخرر عنهاا وخرر
_تفرفخ مثل الطير المذبوووح وادگ على وجهااا بيبي بحضني واباع عليهاا اخذهاا لحضنة يريد يهدي بيهاا ميگدر تشيل روحهاا وترگعهاا بالگااع العالم التمت علينةة دخلووا النااس شافوا المنضر نفزعوا كلها طلعت خايفةة بس احنة ماجاي نشوفها مذبوحةة منضرهها مثل ماهو حلو بعيني وريحتهاا حلوة مثل عادتهاا
:: گعدي بيبي گعدي شوفيهم خاافوا منچ بس انتِ حلووة بكل حالاتچ حلووة بيبي گومي شفق راح تمووت بيبي منوو اليةة بعدد گعددي بيبي ولچ بيبييييي
_بلاعيمي طكت الصووت اختفى احسةة البيت انخبص وسيارات الشرطة اصواتها رجت المنطقةة
دخلوا للبيت يردوون يوخرونة منهاا ماكوو اني حاضنتهاا بكل قوتي وشفق تريد تفلت من حضن صاارم وتجي يمهاا لازمهاا ويصيح بية اروح واني اهزز براسي لااا احتار بينةةة مااعرف منوو سحبني حيل ووخرني بقيت انگزز اريد اوصلهاا جسم ضخم لازمني اشووفهاا گدام عيني غطووهاا وحاوطوا المكاان چانت تقرة قرأن مشمور يمهاا كلة دم تقدم صاارم سحبني من ايدي ودخلني اني وشفق للغرفةة
وطلع طگ القفل لو تسودنت گعدت بفراشهاا ابچي وهية ادگ الباب مفرفحة روحهاا
شفق :: افتح البااب صاارم فتحةة ولك صاارم طلعني بس اشبگهاا اريددد ابوسهاا اخرر مرة صاارم عليك العباااس تعااال ولك لاتحرمني من حضنهاا الأخيرر وينكك صاارم تعااال بداعةة ابنك صاارم حبيبي تسمعني مووو بس اشووفها عفية حباب مااسوي شي بس اسمهاا والله مااصيح بعدد تعاال وينك
_تغيرت نبرتهاا من الصيااح للتوسل بيه تريد يفتح الباب فقدت اختي واني ويااها رحت يمهاا سحبتها لحضني شبگتني وصارت تصررخ
شفق :: بيبي بيبي ولچ جوري بيبي جماارة ذبحووها ليش ليشش شمسووية ولچ شنوو ذنبهاا حرمونةة منهااا جووري بعدد ماكوو جمارة ماموو تيتمنة مرة ثانيةة جورري
::اخخخخ يمةةة ولچ شفق والله مامصدگة مامصدگةة صدگ لوو جاي احلم اني يعني شنوو بعدد ماكو بيبي چاا منو يناام يمي منووو يگعدني لدواميي ولچ منووو يونسني ويصبرني بسوالفةةة
_بقينةة وحدة تواسي الثانية نفتح الباب دخلت هدوء شافتهاا ركضنت عليهاا شبگتهااا وصاحت
شفق :: ولچ هدووء كتلووها الميخافوون الله كتلوو جمارة كتلوو امي هدووء يتموني مرة ثانية تعالي ولچ تعاللي گليلي شووولن اصبرر وماشوفهاا بعددد شلوون صدگ عوود!
هدوء :: من اجاني اخبر احس حيلي انهدد بيبي جمارة المرة الطيبة الخيرة لكلمن يشوفهاا يحبهاا ام سوالف الدافية ماتت نوب قتل ماصدگت ماعولت البس عباتي وخالتي وياي وصلني جعفر الهمم دخلت للبيت هوسة شرطة والعالم ملتمة جعفر ووگف يم صاارم واني دخلت للغرفة اصواتهن جااية من جووة تمرد الگلب بس شافتني شفق عافت اختهاا وشمرت نفسهاا بحضني تشكيلي
::شفق كاافي شفق حبيبي ولچ انتٓ القووية شفق لاتسووين هيچ رااح تموتين
شفق :: ولچ خليني خليني شلي بحياتي بعدد شليي
اخخخ ولچ ناار نارر وشاعلةة بگلبيي خليني اطلع ارووح اشوولهها ولچ خليني هدوء لاتلزميني
هدوء :: وينن ترحين مايخلوون ولچ اخذووها
_اني حچيت هيچ لو هيةة تخبلتتت
شفق :: وينن اخذوهاا ويننن ولچ ماشعبت منهاا هديني خليني اطلعع هديني
:: والله يرجعوهاا بسس يطلع التقرير يرجعوهاا
شفق اهددي
_اريد اسيطرر عليهاا مااگدر بس تريد تطلع جوري نايمة بفراش الحجية وتبچي وخالتي يمهاا وهاي تنكزز بيدي وتفرفرح مثل الطير المذبووخ
فوگ الساعتين على هالحطة لا تعبت ولا هادت
دخل صاررم عافتني وراحت الةة تضررب بصدرة وتصيح محتركة روحهاا
شفق :: وينن حبستني وين اخذووها ولككك بيبي
وين رجعهاا اليةةة صاارم رجعهاا اريد بيبتي صااارم عفتهم ياخذووها وحدهاا خليني ويااه خليني
_حضنهاا قويي ويحجي ويااها
صارم :: والله ترجع ترجع بي يخلصوون الاجرائات ترجع شفق اريد اطلع لاتخلين بالي يمچ ولچ والله
تربطيني
شفق :: وين ترووح وين رووح جيبهاا يلةة راح اگعدد واسكت رووحي لاتحرگ روحي اگلك رووح
_تدفع بيه تريد يطلع يجيبهاا باسها من راسهاا وراحح عافتني وگعدت بالگااع تحجي وية روحهاا تقربت منهاا امسح دموعهاا وتنزل باوعتلي وحچت
بكسرةة
شفق :: يتموني مرة ثانية هدووء كسروني بيهاا اخذوا روحي ويااها ليش هيچ سوو هية ممأذية احد ولچ عفناها تريد تصلي ذابحيها على سجادتها هدوء قرءانها مدمر دمم شنوو سوت شنوو جرمهاا گليلي ماكسرت خاطرهم ماشافوهاا مرة چبيرة تعبانة ما تتحمل حرارة السچين شگالت روحها وهمة يذبحوون بيهاا هم اجيت على بالهاا هم فكرت بينةة اني واختي منو النة بعدهاا هدوء بعد ماكو جمارة راحت يم ابنهاا وعافتني
_تحچي بروح رايحة مااعرف شلون اواسيهاا بس دموعي تنزل وياهاا كل كلام الدنيا هسةة ميواسي مصيبتهاا جوري انتهت بحضن خالتي تصبر بيهاا وهية بس دموعها تنزل وشفق راسها مرجعتة على الحايط ولازمة گلادتها وتذكر سوالفها ودموعها تجري على هالحاالة
ودخلت امي الوجه احمر والعيون تهمل بس شافتهاا شفق فتحت اديها اجتي امي اخذتهاا لحضنهاا
تشكيلهاا
شفق :: خالة ولچ خالة كتلوو بيبي خالة ذبحوهاا وهية وحدهاا محد يمهاا خالةة هااي امي هااي امانة ابووية هااي لگيتهاا مذبوحةة خاالة
ام هدوء :: يمة يعينچ علي يمةة شفق يمةةة
مصيبتچ چبيرةة حبيبية الله يساعدچ يمةة
_خلتها بحضنهاا وصارت تنعي بصووت يفطر الگلب
:: يمةةة يأم علييي يمة يجمارة يمةة يالخيررة
يأم ملگةة الحلوو يمةةة طبيت لدارچ اظلم حبيبية يأم علييي يمةة
اخخخخخ خيةة
ويلاه يمّه غابت ضحكتج
وانكسر بيها البيت بعدچ
يأم علي يمةةة
يمة شفق گليلها منووو النة بعد منوو
يمّه منو يلمنا بعدچ ومنو يواسينا بغيابچ
رحتي يأم علي اليوم وضلينة يتامى خلاافچ
_تبچي وتنعي بگلب مفجووع اول مرة اشوف امي هيچ صااحت بيهاا خالتي
ام جعفر:: كافي دادة ام هدوء حراام ميجووز
هيچ تعذبووها انتوو يلةة گومن صارت الصلاة صلن واقرن الها قرأن هذا ليفيدهاا مو البچي والنعاويي گومن اشووف
_سحبت جوري تگومهاا وهية بألگوة شايلة حالهاا
اخذته اتغسل الهاا شوية ورجعت متوضية فرشت الهاا وگعدت تصلي لأن صارت صلاة الفجر وهنة على فرد بچيةة
_امي اخذت شفق وهم خلتها تتوضىء طلعت برة وامي وراية البيت كلةة دم وووصخ من العاام الدخلت الةة حچت امي وياي وهية عيونهاا مورمة
ام هدوء :: شدي حزامج وياي خلينة نضف قبل لاتجي الجنازة يلة يمةة ولو انتِ تعبانةة بس هاي اخيتچ اليووم محتاجة وگفتچ يهدوة لاتقصرين
_رحت وشمرت روحي بحضنهاا أبچي
:: يمة مامصدگة والله مامصدگةة ليش كتلووها ليشش شنو مسوية الهم قبل كم يووم شفتهاا ووصتني على شفق وهسة اجي الگاها ميتةة اخخخ يمة شلوون راح يصبرن والله مايتحملن فراگهاا تدرين شگدد عزيزة عليهن لو لاا
ام هدوء :: ليش منوو بينة مصدگ ولچ عشررة عمرة هااي جيرانة من سنين من تزوجت ابووچ
وگعدنة بالبيت هية موجودة هنااك وهسة بيووم وليلة ترووح والله من حچالي ابووج ماصدگت
مو روحة عاديةة لاا مكتولة كتلل
::چا شلوون هنةة يتحملن اذا احنةة مامصدگين
هنةة شلوون يمةة
ام هدوء :: الصبر من صاحب الصبر يمةة هو ليبرد گلوبهاا يلةة همي ايددچ يمة قبل لاتجي العالم وينصبون الفاتحةة خواتج مايشيلن روحهن ترة بس على كيفچ لاتنسين لبطنچ
_تحزمت وياهاا انضف البيت ماخلتني انضف الصالة والدم دفعتني للمطبخ اسمعها تغسل بالدم وتبچي
غسلت المطبخ فتحت الاستقبال نضيفة مابيهاا شي
بس رتبتهاا وشغلت بيها بخور خلصنة كلشي وراهاا امي سوت ريووگ واخذتها غسلت ورحت وراهاا
دخلت للغرفة لگيتها تتوسل بشفق تاكل وخالتي ام جعفر تتوسل بجوري شگد حاون وياهن مااكو
_رحت يم جوري نايمة بحضن خالتي بستهاا اتوسل بيهاا
::جوري حبيبتي گومي اكلي شووية حتى يصير بيچ حيل
جوري :: عوفيني هدووء عوفيني هسة تجي بيبي تسويلي ريووگ اني مااحب الاكل الا من ايدهاا
_بچيت واني اشوفهاا فاقدة عفتهاا مأيسة وگمت لشفق لحالتهاا متقل اذا مواكثر من جوري لابسة احرام الصلاة وگاعدة لحيلهاا عينهاا لباب چنها تنتضر احدد رحت يمهاا اتوسل بيهاا ولانطقت كلمة تعبت حيل ضهري احسةة نگسم بالنص تمددت بالگاع حسيت امي تغطيني رادت منهن ينامن ماقبلن ابدد
غمضت عيني ورحت بالنوم مااعرف شگد مرر الوقت وسمعت الصيااح فزيت مفزوعةة وحدي بالغرفة لفيت حجابي زين وطلعت
الجنازة بالصالة جوري وشفق شامرات روحهن عليهاا
صارم فووگ راسهنن واني خالتي يمهن يدگن ويلطمن جوري نايمة على التابوت وتبچي بهدوء وتحچي وياها وشفق ادگ على وجهاا وكلسااع تريد وتفتح التابوت وامي تمنعهاا تصيح بگلب مفجووع
صوتها رايح
شفق :: گعدي گعدي بيبي ولچ بيبي گعدي حاچيني شعنددچ ناايمةة هناا گوومي لاتعووفيني وحدددي مااتحمل فراااگج والله مااتحملل بداعتي مو تحبيني بداعتي گووومي والله گلبي رااح يووگف شلعتي گلبي من البارحة لليووم بيبي گوومي كااافي لاتتدلليين عليةة اگلچ گوومي
_ادگ على التابووت وتحجي وياهاا وجهاا يجري دمم وشعرهاا تگطع دخل جعفرر ويااه اثنين ولد أشرر لصارم يشيل التابووت تقدم يگومهاا لو تسوودنت فقدت گلت راح تمووت صاحبتي
شيل بروحهه وترگعهاا يريد يسيطر عليهاا مايگدر يبووس براسهاا ويحجي وياهاا ولوتسمعا لحدما وگعت بيدة تخبل عليهاا اخذتها امي منةة وگالتلة روح معليك اني يمهاا خالتي سحبت جوري لنتهت من البچي دخلو الزلم شالو التابوت وصوتهم يردد
لااله الا الله لا اله الا الله
_صاحت جووري بصوت رايح
جوري :: لله ويااچ بيبي الله ويااچ مكاانچ بالجنةة حبيبتي الدنيا غدارة ماتلوگ الچ روحي هنااك اكوو رب رحيم هو ياخذ حقچ منهممم الله ويااج يغاليةة
_بس اختفووا من گدامهاا گعدت بالکااع ادگ على راسهاا خالتي تلزم ايديهاا تمنعهاا شبگتهاا حيل تخاول تهدئها بسس وين شيصبرهنن وشلون يستوعبن فقدهاا
_اخذوهاا وطلعوا للنجف وهناا ا نصبو الچادر لأن صاارم بالنجف بس جعفر بقى هناا صارم وصاه وهو قام بالواجب بدت العالم تجي علينةة النسوان الجيران حتى من منطقتنة الناس لتحبهاا اجتي
الأستقبال انترست نسووان امي وجيراناا ووگفن بالفاتحةة خالتي يم البناات واني اروح وارجع عليهنن للمغرب دخل صاارم من كفن النسوان بقينة بس احنةة گامت شفق تلگتة وگفت گدامة تعاتبةة
شفق :: هاا صاارم دفنتهاا ولك شلوون انطاك گلبك تهيل عليها الترااب شلوون ولك صاارم الدنيا ظلمة شلوون عفتهاا وحدهاا مو هيةة تحبك ودافعلك شلون عفتها واجيت اخخخ يمةة ولچ بيبي تعااليي
_اخذهاا لحضنة وصاار ينحب بكل صووتة بدال ميصبرهاا اول مرة اشوفة بهالحالةة مثل الطفل يبچي ويشهگ وهية تبچي وياه
_گامت خالتي اخذتها منة تحچي عليه مسح دموعة بتشيرتة اجةة جعفر سحبة وطلع هو ويااه، ايام الفاتحة كلهاا احنة هناا جعفر يم صارم بالاستقبال وابوية ويااهم واحنة بالغرفةة 3ايام وامي ودعت البنات ووعدتهن تجيهن وراحت واني هم صار لازم ارجع لان جعفر عندة دوام واني همم لملمت البيت وسويت العشة ولبست عباتي ورحت يمهن لزمت ايد شفق احجي ويااها
::شفق حبيبتي اني ارووح صيري قوية شفق گومي على حيلچ خطية اختچ شوفي حالها مابقى شي لأمتحااتهاا بروح بيبيتچ خليني اروح واني مرتاحةة وكل يووم امر عليچ مااعوفچ خوش حبيبتي
_باوعتلي ونزلت دعمعتهاا وحچت بكسرة
شفق :: راح يفرغ البيت علينةة موو شيصبر گليلي شيصبرني؟
::الله يبردد گلبچ ويصبررچ
_مدت ايدهاا لزمت گلادتهاا وصااحت بصووت مفوجع
شفق :: ياعلي دخليكك ياعليي بيبي يمك ياعلي
عليكك بداعةة النبيي بررد گلبي يااعلي بردد گلبي
_حضنتهاا خيلي ابچي ويااها ذلوون اعوفهاا هيچ شلوون شوية وهدئت مسحت دموعهاا وحچت وصوتها بالگوة مبين من الصريخ
شفق :: روحي لبيتچ كافي عيب من عياالچ ماقصرتوا
::لاتحچين هيچ ازعل منچ ترة اني يومية امر عليچ قوي روحچ حبيتي
_بدون مترد بس هزت راسهاا اليةة بستهاا هية وجوري وطلعت من البيت الطريق كلهاا ساكتين اني وياه وخالتي ويانةة ماكو شي نگدر نحچي گلوبنة معبية بالحزن والهم دخلت للبيت واحس عفت گلبي يمهن البيت وسخ صار ايام مو هناا ماگدرت اسوي شي يادوب سبحت وتمددت بفراشي هو گدامي يقرة
قرأن خلص وطفى الضوة واجة يمي سحبني لحضنة بچيت بخنگةة
جعفر:: هدووء؟!
::جعفر مامصدگة والله ما مصدگةة جعفر احس عقلي ريريد ينفجر والله
جعفر :: اسم الله عليچ حبيبتي
::ليش ماتت ليشش
جعفر :: حرام هالكلام يومهاا هذا يابة يومها وساعتهاا
::بس بعدهم محتاجينهاا
جعفر :: ربچ يريدهاا يمةة
::بس مو بهالطريقة ذبج جعفر ذابحيهاا!
جعفر :: مصيبتهم مصيبتين الله يكوون بعونهم
والله من افكرر بالصار عقلي يوگف شنوو الخلاهم يقتلون مرة كبيرة بهالطريقة الوحشية هااي شنوو من قلب حاملينةة شنوو جرمهاا لسوتةة
::ماادري والله ماادري بس گلي جعفر شلون راح يتحملن شفق تمووت ماتتحمل فراگهاا ما تعرف شصار بيهاا من ذبتهاا امها بدار المسنين فرفحت روحهها ومن عرفت مامرتاحة تزوجت بس حتى تطلعهاا منااك عزيزة عليهاا حيل شلون تصبر شلون
_رد عليةة بحكمة وكلامة ليبرد گلبي مثل العادة
جعفر :: تصبر وتتتناسة لأن الله من من جعل الموت خلق وياه الصبر والنسيان لأن اذا ماكو صبر لو نسيان البشر اما يفقد عقلة او يموت اذا فقد احد احبابة
_واذا نريد نصبر على مصابنة نتذكر مصيبة غيرنة وماكو مثل مصيبة السيدة زينب (عليها السلام ) بيوم عاشورا من شافت اخوانها واهلها مذبحين گبالهاا وبقت واگفة بكل قوة وشجاعة مثل الجبل ولقت خطبتهاا گدام يزيد وعبيد الله(لعنهم الله) وصار لقبها جبل الصبرر لازم احنة كمسليمن نتخذهاا قدوة النةة ونتقدي بيهاا
ولو نجي نفكر بيهاا بحكمة نلگة بالموت راحة للميت، بس الفگدان للعدل وجعة ما يخلص
يبقى كل العمر ينهش بگلبة
الإمام علي (عليه السلام) گال: فقد الأحبة غربةة
يعني الغربة مو بس مكان بعيد، الغربة هي العيش بودونهم
_بالمختصر الله سبحانة وتعالى راح يبرد گلوبهن ويصبرهن صحيح يحتاجن وقت لأن مصيبتهم چبيرة بس بالأخير يتناسن ويتعايشن مع وجعهم بس تبقى غصتة فقدهاا موجودة بيهم
::تدري اتمنى تحچي هالكلام گدامهن بلكت يبرد گلبهن شووية
جعفر :: بعدة جرحهن اخضرر مو بالسهل يطيب
انتِ عليچ ادعيلهن وخلي الباقي على الله
::ونعم بالله، ماعرفتوا من سووة هيچ؟
جعفر :: لا صارم متخبل يريد يعرف منوو بس شنو طالع بأيدة القضية هسة قيد التحقيق وان شاء الله ميضيع دمهاا
::ياريت تدري لو نعرف القاتل وياهذ جزاتةة ينشال ولو شووية من همهن
جعفر :: ينعرف لابد يجي يووم وينعرف ويتحاسب يلة تعالي نامي تعبتي انتِ مو زين عليچ
_سحبني بحضنة دفنت راسي بصدرة وهو يقرة ايات علية الى انت غفيت ..
شكرا لزيارتكم عالم روايات سكيرهوم
