رواية خيط الدم الفصل التاسع عشر بقلم زينب طالب
بسوادّ الليل
تتلملم حَمامات الحزن بيّة
ومَصابيح المدينة تموت .
......
شفق...
_ شعور الألم والحزن وكسرة الگلب والخيبة والفقد
وكل شعور مؤلم بالدنيا جااي امر بيه حاليا من ذيچ الساعة الدخلت للبيت ولگيتهها مذبوحها وغرگانة
بدمهاا وميتة واني متت وياهااا انذبحت بنفس السچين الذبحوهاا بيهاا وندفنت بنفس الحفرة لدفنوهاا بيهاا
_بيبي مو مثل كل البيبياات بيبي جمارة ام واب الية ولأختي حنية الدنيا كلهاا بيهة ورحمة الله مبينة بوجهاا حچيهاا دوة لجروحي چان وايدهاا مرهم لألامي ودعوتهااا شفاء لروحي من يووم مات ابوية لليوم صاارت النةة خيمة ونختل بسدهاا شگد تحملت اذية لخاطرنة وشبعت ضيم على مودنةة
_من انقهر واضوج اناام بحضنهاا واشكيلهاا بكلامهاا تقويني وترشدني شنو اسووي، بيتنة منور بيهاا چاان وهسة صاار اظلم موحشش مابيه رووح ولابيه حياة
قتلوهاا بلاذنب اخذوهاا منة وسلبوا الضحكة والراحة لچنةة بيهاا مادامت الفرحة عدنة طفوهاا بحقدهم وطمعمم
_يتردد ابالي السؤوال ليشش ومنو ليش قتلوهاا ومنو قتلها منوو مارحم كبر سنها ولااحترم شيبتهاا
منوو حرمنةة منهاا منوو؟
گاعدة على الدرج وعيني بمكانهاا دومهاا تحب تگعد بالصالة متحب بالغرفة تگول اختنگ من ينسد علية باب چاشلون هسةة بيهاا شلون سدوا باب اللحد عليهاا
_تقرب مني صارم گعد بصفي وعينة للمكان حچة
يصبرني
صارم :: ماكافي شفق؟
_شنو الكافي؟
صارم :: كافي بچي عيونچ نعمن
شفق :: ياريت
صارم :: شفق
_نداريت علية وجههة تعبان وعيونة حمر ولحيتة عالية حچيت مستهزءة
::أنتَ كافي صارم انتَ عبالك ماادري بيك تطلع برة تبچي حتى مااشوفك
صارم :: ماابچي تتوهمين
::لا تبچي لاتستحي بيبي تستاهلل نبين حزنة عليهاا تستاهل نبچي ونحزن عليهاا العمر كلة
ابچي صارم ابچي جمارة تستاهل تعمي عيونة لأجلهاا
_سحبني حيل لحضنةة وايدة تمسح على ضهري شهگت اصررخخ
:: اخخخخ يانار گلبي يايمة والله مااگدر اتخيل بعد مااشوفهاا ولااسمع صووتها ولك شلوون شلوون يعني بعدد ماكو جمارة ماكوو الحنينة
تمنيت ميتةة ولاعايشةة هالشعوور تمنيت عيوني نعمت وماشفت هذيچ الشووفة اريدهاا معليةة اريدهاا ولك گلبيي يوجعني اخذني الهاا گووم وديني اشتاقيتلهاا گووم
صارم :: اخذچ والله اخذچ بس يصير الصبح اخذچ
:: لاهسة هسةة مااگدر اناام صاارم عيوني يحرگني اخذني الله عليكك هسةة
_بعدني عن حضنة مسح دموعي عدل شعري وگالل
صارم :: امشي بدلي
_گمت بسرعةة بدلت ملابسي ورحت لجوري لگيتها نايمة بفراشها وحاضنة مخدتهاا تقربت يمهاا وگعدتهاا فزت مرعووبة
جوري :: هااا بيبي اجت بيبي موو
::اسم الله جوري شبيچ؟
جوري :: بيبي چاانت هناا ليش گعدتيني ليشش
ردت احضنهاا
:: گومي نرووح الهاا
جوري :: صدگ شفق
::اي والله صارم ياخذنة يلة گومي
_گامت بسرعة غيرت هدومهاا ولزمت ايدها وطلعت لگيتة جايب تكسي ومنتضرنة بالباب
أشرلي اصعدد صعدنة ورة وهو صعد يم السايق
الطريق طويل والوقت متأخر جوري راسها على چتفي ودموعها تنزل واني ابچي ويااها لهاي اللحظة مامصدگة بيبي ماتت ورايحين لقبرهاا اخخخ شگد صعبة هالكلمة
_بعد تعب يلة وصلنةة نزلنة قريب الأمام تمشينة ساكتين اشترة صارم النة ملفع صلاة لبسناه و
دخلنة هو راح وية الزلم واني وجوري دخلنة مع النساء زرنة ولزمنة الشبااك وراهاا گعدنة اني بقيت اقرة الزيارة وجوري تمددت على رجلي اجت المفتشة
ماخلتها گعدت ووراسهاا على الحايط ودموعها تنزل
صرت اقرة الزياة مناا لمن صارت صلاة الفجر
صلينة وطلعنة لنفس المكان لحددة ألنة
_لگيناه منتضرنة من شافنة گال
صارم :: زيارة مقبولة
:: شكراً يلة نرووح
صارم :: امشن لزمي اختچ لاتوگع روحهاا رايحة
ولو انتِ محتاجة احد يلزمچ
::مابية شي لتخاالف بس استعجل گلبي رااح يطگ
_باوعلي بحيرة ومشى قبلنةة لازمة جوري حيل احسهاا بالگوة تمشي وهو يمشي سريع يادوب نلحگ بيه صعدنة ستوتة لأن المقبرة بعيدة عن الأمام
يمشي سريع يريد يطير كلسااع صارم صايح بيه بس هو مستعجل عيوني نترست ترااب غمضتهاا الى ان وگفت نزلنة منهاا مشينة مسافة باوعتلة أشرلي على القبر
_درت وجهي اباوع من بعيد اذا تقدمت وشفتةة يعني خلاص اگطع الأمل بيبي ماات جوري سبقتني واني درت وجهي ارووح صاحني هوو
صارم :: ويين رايحةة
::مااريد ارووح مااريد اصدگ صاارم مااگدر والله مااگدر
صارم :: تعالي حبيبتي شفق صيري قووية شجااج
::ياقوة ياقوة تحچي عنهاا منين اجيبهاا رجعني گتلك مااتقدم
_ماسمع مني سحبني من ايدي واني افلت منةة ما سمع منيي عبرني الگبوور اتعثرر الى ان وصلت لقبرهاا جوري نايمة عليه وتعاتبها وتبچي اباوع
على اسمهاا وتااريخ ووفاتهاا حسيتهن محفورات على گلبي مو على القبر صاارم وااگف مسافة يدخن وداير وجهةة درت وجهي گعدت خليت ايدي احچي ويااهاا
:: هاا جمارة ها حبيبتي شلوون عفتيني ورحتي شلوون انطااچ گلبچ يابعد گلبي انتِ ولچ يمةة
البيت وحشةة بدونچ وحق علي يمةة گلبي يوجعني گومي حاچيني حجيةة جماارة گعدي والله گلبي مايحمل فراگچ والله ولچ نااار ناار وتسعر بيةة يمةة شلوون انطااچ گلبچ شلوون هنت عليچ تشووفيني مفرفحة وما تگعدين وما تفتحين لحدچ وتگوومين تمسحين دموعيي
::اخخخخخ ياناار گلبي ياايمة ياكسرتي وياا هضيمتي من بعددچ ياااذلتي ومهاانتي خلاافچ
يااا جرحح گلبي لمايشفى كل العمرر يمةة ولچ يمة
:: بس والله والله وحق علي دمچ مايرووح والله وثارچ مايموتت والله وحتى زياارة مااجيج اذا مااخذذ حقچ واعررف منو الكتلچ وحرمنةة منچ
_سمعت صوت صارم قريب يمي رفعت راسي باوعتلة أشررلي على جورري الأنتهت على الگبرر تقرب منةة
صارم :: گومي اختچ وگومي كاافي لا تموتن يلة شفق تأخرر الوقت گومي حبيبتي گوومي
_سمعت منة بست گبرهاا وگومت جووري ووگفنة على صفحةة غسل القبر وقرة الفاتحةة وبقى صاافن شووية حسيتة يريد يبقى وحدة ابتعدنة منة بقيت انتضرة ربع سااعة ورجع عيونة حمرر عرفتة چاان يبچي حيل يحب بيبي هو مشى قبلنة رحت وراه وجوري وياي صعدنة ستوتة وصلتنة للشارع اخذنة تكسي وانطلقنة لبغداد
_اليووم مرة على وفاة الغالية اكثر من اسبووع
مخلصة اليووم بچي وعتااب احس گلبي رااح ينفجر
غيرر كوون ارتااح غيرر كون تبرد نااري بسس وين احس ناار وشاعلة بيه شگد صاارم يحجي ويااي ويهوون عليةة بس ابدد مااگدر مااگدر يااناس والله ميحس بالوجع بسس صاحبةة ام هدووء يومية ادز النةة غدة وهدوء تجي يمنة لليل كلشش يلة ترووح ماقصروا ويانة حتى الحجية ام جعفر وجعفر يجي يبقى يم صاارم
_اليووم گاعدة بالغرفة يم جورري مااعوفها حتى اناام يمهاا رجع صاارم من الشغل لگانةة نبچي
وگف بالباب وصااح بنفااذ صبرر
صارم :: وتاالي شلوون راح تعمن شفق شبيچ شووفي اختچ رااح تمووت شووفيهاا
::شسووي يعني شبيدي عليهاا
صارم :: بيدچ كلشي بيدچ انتِ الچبيرة المفروض تقوينهاا كاافي عااد حتى بيبيتچن متقبل بالجااي تسوونة حراام عليچن تعذبنهاا شيفيدنهاا دموعچن تأذيهاا متنفعهاا
::اطلع صاارم
صارم :: مااطلع گومي اختچ واحجي وياهاا وخليها تقرة بعد يومين امتحانهاا شفقق شبييچ
::اريد اموووت
صارم :: استغفر الله
_تقرب مني اخذني الحضنة بعدني ولزم وجهي بأدية
مسح دموعي وگال
صارم :: لاتحچين هيچ شلوون تعوفيني امووت من بعددچ مااتحمل شفقق مااحب اشوفچ هيچ
ماتعودت اشووفچ ضعيفةة انتِ قووية
::كسروني بيها صاارم
صارم :: ماعااش ولاكان ليكسررچ واني موجود
::لا عاشوا وكسرووني واخذوا روحي
صارم::شنوو قصدچ شفق شتحچين
::روح للغرفة هسةة اجي
صارم ::لاتتأخرين
_هزيت راسي الةة عافني ورااح تقربت على جوري اخذتهاا لحضني بچت بصووت عاالي وصااحت
جوري :: بيبي شفق بيبي رااحت وعافتني وحدي بعدني ماشبعت منهاا والله ماشبعت خلي تجي بعد مااضوجها واخلي حنةة شكد متريد والله مااحچي
بس خلي تررجع
::جووري حبيبتي كاافي ورااچ امتحاناات شوفي حالتچ
جوري :: ماامتحن مااريد شلي بيهاا بعدد
::بس بيبي تزعل منچ تقبلين تزعليهاا
جوري :: وعدتهاا اخذهاا عمرة بس يصير عندي راتب مالحگت ولچ مالحگت
::كاافي ولچ كاافي والله معايرزة اني جوري اذا تحبيهاا وتردينهاا تفررح امتحني ونجحي هيةة تشوفنةة وتفرح لفرحنة
جوري :: مااكدر والله عقل مابرااسي ياامتحان هذا
::لخاطري شفق لخاطر بيبي ضغطي على نفسچ واقرري
جوري :: احاول
::يلة گومي غسلي واقري شووية حتى تنامين واگعدچ من وقت تكملين
_هزت راسهاا بستهاا وگمت دخلت للغرفةة لگيتة منتضرني اول ما دخلت صاحني أشرلي اگعد گباالة سألني بدون مقدماات
صارم :: احچيلي شفق شنوو ضامة علية منو همةة لكسرووچ تقصدين منوو بكلاممچ؟
حچيت واني خايفة من ردة فعلة بس خلاص مالازم اسكت سكتت قبل وراحت بيبي اكيدد همةة ماكو غيرهمم
::تتذكر من رحنة نشتري غراض المدرسة لجوري
صارم :: اي؟
::بيوومها چانت سيارة تراقبنةة ركزت بيهاا زين طلعت سيارة الباشا اعرفهاا كل مرة اطلع الكاهل تراقب لو هيةة لو سيارة غيرهاا اكيد هو يدزهاا
_بس حجيت هيچ گاام من مكاانة لزمت ايدة اصبرر ماخلصصت
صارم :: شصبرر ولچ شصبررر شيريدد هالكلب ليش يراقب البييت اكيدد الةةة يد بالسالفةةة
::مو وحدةة
صارم :: شنوو؟
::مو وحدة وليد وياه
صارم :: رجل امچ؟
::اي هو قبل فترة اجاانة للبيت وگعد يهدد الباشا هو لدزة ويريد مني اتطلگ وارجع الةة واذا ما سويتهاا يندموني وصدگ ندموني صاارم همة همة لكتلووها ماكوو غيرهم همةة يردون يحرگوون گلبي واللة
صارم :: الله اكبررر ليشش متحچينن ليش ماگلتِ
وااحد يرااقبچ وااحددد يجي للبيت يهددچ ويساوومچ وحضرتتتچ سااكتة شووكت ناوويةة تحچين شوكت ناووية تگوليين للزماال العنددچ
::لاتصيح لاتصيح خف اگلك اي خفتت ترووح تتعارك ويااهم لو يسوون الك شيي وترووح مني شستفاد اني بووقها
صارم ::وهسةة شنوو هسةة شنوو لأستفاديتي دخلووا للبيت بددم باارد ذبحوهاا حتى يحرگون كلبچ ويذلووني يشووفوني ماگدرت احمي بيبتي
::ماعبالي هيچ تووصل بيهم والله ماعبالي يسوون هيچ ماتصورتهمم بهالبشااعةة والله عبالي بس يهددون حتى يخوفوني وانفذ ليردووه
صارم :: ولچ انتِ تعررفين وليدد تدرين شنوو مسووي ولچ هذا اارذل خلق الله سااقط زايعتة الدنياا وين اكوو شغلة حراام هو مسويهاا مايبين عليه بسس اني عرفتةة ولچ عرفتةة ليش ماگتيلي اجةة هناا ليشش
::موو وحدة هوو الباشا دززة وگتلك خفت عليكك والله خفت عليك
صارم :: هم گاالت خفت عليك شنوو زعطوط گدامچ انييي
::لتصيخ وگلي الباشا عندة هيچ سوالف يعني يقتل بس لان ماصرت الةةة معقولة صارم؟
صارم :: الباشا انگسس منةة مشترري الدنيا بفلووسة ابوو نسووان ملعب ماكوو مرة تضل بنفسةة كل وحدة تعجبةة يجيبهاا للدررب وانتِ
عصيتي عليه واني هنتةة رادد يضربنة ضرربة
مووت ومالگة غيرر جمارة لأن انتِ متطلعين بدوني وجوري اني اخذهاا واجيبهاا مابقت
بسس هية وسواهاا ويسوي الاضرب ليش مستغربةة
::مااصدگ مااصدگ معقوولة بس لهيچ سبب يقتلوهاا بهالطريقةة شنوو عصابات لو مافايا
ذابحسها ذبح صاارمم
صارم ؛: واكثرر يسوون اكثرر
_لزمت ايدة بستهاا سحبهاا مني حيل
صارم :: شسووين انتِ
::اذا تحبني وتريدني ارجع شفق القديمةة اخذ حقهاا منهم لاتسكت الهم بررد گلبي وطفي نارةة والله مااسوي شي من غير علمك ولااضم عليك شي بعدد بس بردد گلبي ورجعلي حقهاا اذا منهم لو من غيررهم صاارم ابووس ايدك
صارم :: بدوون متحچين شفق القضية فتحتهاا بس ماچنت ادري بهذا الكلام راح اتصل بالضابط اكرام واحچيلة واشوفة شنوو ينصحني
::ليش هو لزم القضيةة؟
صارم ::لا موهو بس معارفة هوااي وهو وعدني يعمل كل جهدة ومايقصر
::وين شفتة انتَ؟
صارم :: ماعافني طول ايام الفاتحة وگف وگفةة ترفع الراس هو وشيخ جعفر صدگ النااس تبين بالمواقف وهمة بين معدنهم شنوو
::الله يحفظةة اني اروح اسوي عشةة
صاؤم :: لااني جبت بس جهزي هسة برد وصيحي اختچ تااكل وياانة قويهاا شفق من تشوفچ هيچ تنتكس بالزايد
_هزيت راسي وطلعت حضرت العشة خليتة بالمطبخ مالي گلب اكل بذاك المكاان رحت لجوري لگيتهاا لازمة الكتااب وصافتةة
::گومي اكلي جوري
جوري :: مااشتهي
::لاتعبيني گومي حتى تناامين تأخر الوقت
جوري :: شفق لاتلحين گتلچ مااريد
_سمع صاارم النقااش دخل من غير كلام سحبهاا من ايدهاا وهية تتملص منةة وگعدهاا وعااط بيهاة
صارم ::اكلي لاتعلين گلووبنة الماتت مو بس بيبتچ لو عزيزر بس عليچ الراحت عزيزة علينة كلنةة ولو يطلع بيدنةة نمووت وراهاا بس هااي الحيااة والله يريد هيچ تعترضين على ارادة الله اكلي وشدي حيلچ ورااچ امتحاان ومااريد اسمع منچ اي اعترااض مفهووم
_ماردت عليه مدت ايدهاا وبدت تاكل يادوب كم لگمة وگامتت ماضغط عليهاا اكثرر اني هم اكلت شووية وگمت اسوي چااي صااح علية
صارم ::شكلتي يمعودةة
::وداعتك مااگدر اكثرر اكل انتَ بالعافية معليك بينةة
_بس خلص ىقدمت الچااي ونضفت المطبخ قبل لايدخل للغرفة حچة يسألني
صارم :: وين تنامين اليووم؟
::يم جووري
صارم :: بس اشتاقيتلچ
::مااگدر اعوفهاا
صارم :: براحتچ حبيبتي
_ابتسمت بوجهاا عافني ودخل توجهت لغرفتها فتحت الباب ناايمة علة فراش بيبي بس حست بية دخلت حچت وهية على وضعهاا
جوري :: شفق كاافي رووحي نامي بغرفتچ
::معليچ
جوري :: لاتضوجيني روحي شنو جاهلة ونايمة يمي
::اي جاهلة يلة ادني سويلي مجاال
جوري :: روحي بفراشي ناامي
::لااانام هناا يمچ
جوري ::ميكفي
::بس اسكتي هو يكفي ادني شوو
_ادنت سحبتهاا لحضني شبگتني وبچت نزلت دموعي ويااهاا حچت بشهگةة
جوري ::شلوون نتعود شلوون؟
::ربچ يصبرنةة ويبردد گلووبنة ادعي جوري ادعي انتِ بريئة ادعي ربي يبرد گلبچ وگلبي
جوري ::يارب ياارب
_حضنتهاا حيلل والعب بشعرهاا اعرف بيهاا تحب هالحركةة حسيت انفاسهاا ثگلت من نامت يلة گدرت اناام
_الصبح فزيت على صوت الباب وصوت صاارم يصيح
صارم ::شفق شفق يلةة گعددي
_سحبت نفسي منهاا وفتحت الباب صبحت عليه
::شعندك من الصبح؟
صارم :: گعدي اختچ تقرة واني طاالع محتاجة شي اجيبةة
::اي ماعندة مسوواگ ام هدووء صار اسبووعين خطية تجيب الغدة زحمة منهاا
صارم ::اي والله صدگ بس ماالحگ ادخل للبيت الگاهاا جاية ورايحةة خابريهاا گليلهاا لاتسووي شي اني اجيب جااهز
::لااني اسوي بس جيب المسوواگ قبل وقت
صارم :: تگدرين
::اي اي اگدر
صاؤم ::يلة اروح اني
::متتريگ
صاؤم ::لاهنااك اكل تإخرت
::الله ويااك
_طلع من البيت واني رحت غسلت وصليت وحضرت الريوگ وگعدت جوري تريگتة سوية وسط هدوء تاام وراهاا هية راحت تقرة واني خابررت ام هدووء گتلها لاتجين بقت تحجي عليةة بالگوة حلفتهاا يلة اقتنعت متجي وتجيب غدة سديتهاا منهاا وگمت نضفت البيت اشتغل ودموعي تجري كلماا اريد الهي نفسي الگة نفسي افكرر بيهاا وعيوني تهمل گداام جوري احااول الزم نفسي حتى
تگوم على حيلهاا و
تگدر تمتحن وتنجح على خير
_خلص اليووم على خير باليل بعد العشة صارم راح للغرفة واني دخلت لجوري لگيتها تحضر ملابسهاا شافتني صااحت
جوري :: ها خيرر شو هناا جاية؟
::غير اناام يمچ شبيچ
جوري :: لاحبيبتي روحي لرجلج كاافي
::اششش معليچ انتٓ
_حجيتها وگعدت على الفراش اجتي سحبتني من ايدي ودفعتني ناحية الباب وتحچي
جوري :: روحي عمي روحي شنو لزگتي مااحب احدد يناام يمي
::يااياا ولچ جوري عوفيتني
جوري :: والله ترحين يم رجلج شفق لاتلحين وياي اني اريد اناام وحدي يااختي شكوو لازگةة يمي
::هاا هيچ صاارت امداچ لعدد طالعةة
جوري :: الله وياااچ
_باوعتلها صفح وغميتها وطلعت ادري بيهاا تستحي من صارم لان عايفتة وحدة والا هية تكيف انام يمهاا
فتحت الباب الباب لگتية يتصف بتليفوونة شاافني
شمراه وفتح ايدة اليةة سديت الباب ورحت ركضت ختلت بحضنةة عصرني حيل ويبووس براسي نزلت دموعي ماحچة بقيت ابچي ابچي الى ان حسيت گلبي بررد رفع راسي مسح دموعي وباسني من عيووني وحچة
صارم :: كافي تعبتيهن مالاتي ذني
:: موبيدي
صارم :: لابيدچ بيدچ مااسمحلچ تبچيهن بعد
::من وحدهن يمهملن، گلبي يوجعني صارم
صارم :: شلوون اشيل الوجع عنچ يعلة گلبي
::من تاخذ حقهاا منهم
صارم :: اخذة اخذة وحق من زرع حبچ بگبلي اخذة
::تعبتك وياي
صارم :: مثل العسل على گلبي
:: شلون اجازيك
صارم :: من اشوف عيونچ تضحك
:: ماتضحك الا اعرفف منو سوة هيچ منوو
وليش بس اسألة سوؤال واحدد ليش كتلها ليشش؟
صارم :: كافي شفق كافي والله ينعرف والله وكل كلامچ حجيتة للضابط وگال خلي الباقي عليةة
يردون بس يلزمون عليهم دليل او أي شي يدينهم حتى يصيدوهم
::يارب يلزموههم يارب ويبردد گلبي واروح اووگف على گبرهاا اگلهاا طلع حقچ هيچ وتصير صدگ صارم
صارم :: وداعة عيونچ تصيرر بس ريحي عقلچ ولاتفكرين هوااي
_باوعتلة بيأس سحبني عليه ونومني بحضنة وغطاني شبگتة حيل ونمت للصبح حسيت بيه يگعدني رفعت نفسي باوعتلةة ضحك وگاال
صارم :: مو وقت صفنة حبيبتي روحي گعدي اختچ حتى اخذهاا بطريقي لاتتأخر على امتحانهاا
::اي هسةة
_نهضت من الفراش غسلت ورحت گعدتهاا بس اتريگوو طلعوا البيت نضيف رجعت نمت غافية واسمع الباب يندگ بقووة فزيت مرعووبة وخايفة منوو يجي جوري يجيبهاا صارم وعدهم مفتااح
خااف هدوء لو اهلهاا لميت شعري وطلعت اركض
من باب المطبخ صحت منووو اجاني صوتهاا
::اني فتحي الباب
_شعدهاا جاية هااي رحت بسررعة فتحنها دخلت وطبگت الباب صااحت
سهام :: وين چنتِ سااعة على ماتفتحين الباب
::شعندچ هناا ومنين عرفتي بيتنةة
سهام :: امداچ اكوو وحدة هيچ تستقبل امهاا
شو متعرفين الأصول انتِ
_حچتها ودخلت للبيت رحت وراهاا گعدت بالمطبخ على الكرسي خلت رجل على رجل لابسة بنطرون لازگ على جسمهاا وبدي ربع ردن احمر وشعرهاا صابغتةة احمر ومكيااج طووخ فتحت الجنطة طلعت الجگارة وادخن حچت بتعالي
سهام ::شلونچ؟
:: ششوفيني
سهام :: تعباانة بس حقچ حقچ جمارة عزيزة عليچ چانت يلةة هذا يومهاا شتسوين قابل
:: ليش جاية لهنا تتشمتين ؟
سهام :: چچچ مع الأسف عليچ هيچ تضنين بية ضن سووء ليش هوو الموت بيه شماتة خاصة اذا قتل لااا ابد مابيه
:: گومي طلعي بررة ترة مالي خلگ اخذ واطي ويااچ بالكلام گومي
سهام :: مجاية عليچ وين جوري اريدهاا اريد اخذهاا يمي بيبتهاا وراحت بعد شعدهاا هناا يم رجال غريب مخبل ماامن عليهاا
::متأمنين لعد شلوون امنتي بيهاا عد رافدد؟
سهام :: وشبيه رافد عيني يبچي دم عليهاا يردها بس ترجع واني انطيتةة كلمةة ارجعها امشي صيحهاا دااحجي وياهاا
::اگلچ ليش تخليني اتجاوز عليچ واهينچ اگلچ طلعي مناا طلعيي ولاتجين بعدد هنااا ماعولت خلصت منچ لحگتيني شكووو
سهام :: ماميتةة على شكلچ الزفررر اني گتلچ اريد اخنچ
::كل عقلچ انتِ كل عقلچ شنوو اختي شنوو تخبلتِ
اخليچ تاخذيهاا لو حتى تشووفيهاا وصلت للموت بسسبچ وهسة جااية بكل عين صلفةة تاخذيهاا
سهام ::موبكيفچ والله اشتكي عليچ واذب رجلج سجن اذا عاندتي اتهمكم خاطفين بنتي وتعرفني اسوويه
::اي اعرفچ وحدة بلاضمير ولاانسانية سووت العمايل بناتهاا حتى يخلالهاا الجو وتعيش على حل شعرهاا گوومي طلعي گلبي يووجعني گوومي
سهام ؛: عليمن گلبچ يووجعچ ولابسة اسوود وعيونچ رايحة كلةة علموود جمارة شنوو شابة ومقهورة عليهاا هية عجيزز وخلصتي منهاا من الله لايرحمهاا
::الله لايرحمچ انتِ يااسااقطة
_شلت الگلااص وشمتة عليهاا دنگت مااجة بيهاا تقدمت اسحل بيهاا واصيحح
::طلعي مناا طلعي لاتجين بعدد الله يااخذچ ويخلصني منچ ريتچ انتِ ميتةة ولا هيةة
_گعدت بالگااع ادگ على راسي فقدت اصيحح
::طلعييي حقيررة كلبةة طلعي مناا سااقطةة ولچ تمنيت الذبجج الچ تمنتيچ انتِ بمكانهاا الا احني أييدي بسس تمووتين ساامعةة سهاام الا ارگص بيووم عززااچ واحني اديةةة الله يلعنچ الله يااخذچ..
جوري..
_وصلني صارم للمدرسة وراح وگال ساعتين يخلص امتحانچ واجي عليچ دخلت للصف تلگني صديقاتي م ن شافني لابسة اسود وسألني گتلهن بالصار صارن يوواسني ويصبرن عليةة وراها امتحنت وطلعت
تعبانة وامسي برووح خااوية لگيت صارم منتضرني يخاف علية سألني جاوبتي بس هزيت راسي ماعندي قابيلة اخذ وانطي بالكلام حچة
صارم :: راح اوصلچ للبيت وارجعع للشغل
::براحتك تعبتك اني
صارم :: نچبي جوري
::خوش
_مشى قبلي واني وراه وصلنة للبيت بعدنة بالباب ونسمح عيااط شفق وگع گلبي ماصدگت صاارم يفتح الباب وندخل دخل قبلي ركض عليهاا چانت فاقدة ادگ على وجهاا وتبجي وتغلط عليمن تغللط وانتبه عليهاا المرة الأسمهاا امي واگفةة وتباع لبنتهاا بتشفي فتحت عيوني على وسعها واني اشوفها باهالمنضر هذا واللبس والصلافة تقدمت عليهاا بعد ما هدئت شفق باوعتلي وفتحت اديهاا صاحت
سهام :: جوري بنيتي تعالي مشتاقة الچ
_تقربت تحضني دفعتهاا وحچيت
::شعندچ هناا؟
سهام :: حتى انتٓ جوري حتى انتِ عليةة اجيت اشووفچ واختچ تطردني ولچ تغلط عليةة
::ليشش جاااية شتردين بعدد شتردين مني ماكفااچ لسويتي بيةة شنوو بقى عنددي وجااية تاخذي شنوو
سهام :: شسويت اني شسوويت ليش بس تردن تحملني الذنب فوگ مازوجتت زلمة يسووة راسچ وعيششچ بعزز ودلال لو مامرتة ولسووتة هسةة انتِ ام ابنةة ومددلة بجالةة احسن من گن الدجاج هذا العيشين بيهه
:: ههه مدللة يادلا تحچين عنةة يادلاال غيرر وصلوني للموت ولو ماربچ سترر اني هسة ميتةة لو معميةة يادلال شبيچ ةنتٓ!
سهام :: مو هو هاي غصوون واخوهاا والا هو يحبچ ويتمنى ترجعين الةة اليوم قبل بااچر وشتردين يسوويلچ ولچ جووري يگول اكتب البيت بأسمهاا بس ترجعلي شتردين اكثرر من هيچ
::الله ياخذة هوو وبيتة وياخذچ وياهمم ويخلص العالم منكم انتٓ شبيچ ماعندچ احساس ماعندچ ضميرر ولچ البزوونة احن منچ على اطفالها واذا واحد وصل الهمم تاكلة بسنونهاا انتٓ شبيچ بايعتنة ليششش احنةة بنااتچ لو لاا گليلي والله راح اتخبل بنااتچ احنةة حبلتي بينةة ورضعتينةة لو لااا جاووبينيي
سهام :: اي صخاامي بناتي بنااتييي
::چاليششش هيچ تسووين بينةة ليش هيچ محاربتنةة ولچ يمةة والله حراام اگلچ يمةة هاي الكلمةة چبيرةة عليچ ماتستتاهليهاا لا والله ماتستاهليهاا بعدد كلشي سويتي وهسةة جااية بياا عين جااية بيااعين تجين وتوگفين گدامنة
سهام :: ليش شسووست عيني شسوويت اجرمت من زوجتج واذا على اختچ فأختچ الدايحة ادزز زلم على رجلي يضربوو وطردتهاا من البيت لانها عايقةة وتستاهلل سمعي لچ من الأخيرر تلمين هدومج وتمشين وياي مالچ گعدة هناا بعدد
::اي مو هيةة بكيفچ شنوو زعطوطة گدامچ اني وتتحكمين بيةة طلعة مناا مااطلع وجية ويااج مااجي لو اعرف اگعدد بالشارعع
سهام :: بس تندمين جوري تندمين
_بعدني مرادة عليهاا نهضض صاارم بعصبيةة عايفف شفق وتقدم عليهم ضربهاا راجدي طير وجهها بيه صااحت بيهه
سهام :: ايااا كلب ولكك تمد ايدك عليةةة اني سهاام واحدد ساقط مثلك يضربني والله الا اندمك واللهه
صارم :: واني منتضرچ اريدچ تندميني شلوون
سهام :: ماشي بعيني اذا ما طينت عيشتكمم مااطلع اسمي سهاام
صارم :: طلعي برة ساقطة طلعي لاتخليني اطللعچ بطريقتيي
سهام _بسيطة بسيطية
_باوعتلة بغل وراحت لحگهة لوة ايدهاا وتقرب حچة بأذنهاا باوعتلة خايفةة ابتسم باستفزاز و طلعت وطبگت الباب حيل وراهاا راح لشفق گومهاا يحجي عليهاا
صارم ::كم مرة گايلچ لاتفتحين الباب لاتفتحين الباب ليش متردين
شفق :: ردت اشوفهاا شتريد عبالي اتندمت ماعبالي جاية تتشمت بيةة وتريد تاخذ اختي مني
صارم :: هيچ نااس ميعرفون الندم شنوو مفكرين الدنيا بس الهمم ميعرفون ضربة الله شلوون توگهم
وگعة مايگدرون يگومنون منهاا
شفق :: خاف تشتكي وتاخذ جوري
صارم ::متسويهاا
شفق :: صارم لاتستهان بيهاا ترة امي مو قليلة
صارم ::گتلچ متسويهاا لاتفكرين يلةة گومي مااحب اشوفچ بهالضعف هذا
_گومها وباس راسهاا وطلع تقدمت منهاا شبگتني قوي خاييفة علية طمنتهاا
::مااعوفچ لتخافين
شفق :: اي اي جاوبتي؟
:: اي جاوبت سهلة
شفق :: عفية عليچ يلة فوتي ارتاحي بين مااسوي غدة
::لااني اسوي
شفق :: روحي جوري لاتعبيني اني اسووي يلة بدلي ونامي شوية للصلاة اگعدچ تصلين وتقرين
::ماشي لاتتعصبين
_بستهاا وفتت للغرفة بس بدلت ونمت وهيچ مرت ايام الأمتحانات صارم يوديني ويجيبني بأيدة الى ان خلصت وعطلت وامي ماسمعنة بعدد خبر عنهاا
من يوم الراحت ماشفناهاا ابد
اليووم گاعدين اني وشفق الضهر نجهز الغدة دخل صارم مثل عادتة سلم ووباوعلي وگال
صارم :: جوري اليووم طلبوا ايدچ مني ؟
شفق ::منووو؟
باوعتلة منتضرتة يحچي ولازمة گلبي تنهد وگال...
شكرا لزيارتكم عالم روايات سكيرهوم
