رواية بنات نعمة الجزء الثاني (الدرويش) الفصل العشرون والفصل الواحد والعشرون
نعمة تقوي جبهتها 👉
ظهور شخصية عبدالقادر السوداني لغز كبير !!👉
نعمة تخطط وهدى تنفر وأحدهم يعامل كالجواري👉
فرحات هيدفع ضريبة الرجولة مع رياض👉
ناصر يسير على خطى حيرت قلبي معاك👉
ريهام تحاول ان تتعايش مع الخذلان وتبدأ من جديد👉
صعقة كهربائية واحدة تكفي 👉
الدرويش بدأ خطت الدمار على نار هادئة👉
خلينا نشوف حصل ايه النهاردة👇👇👇
______
في الصباح
تغريد .. ياااه صباح الفل ياست الكل هتفضلي كده منيمة
ريهام في حضنك ومطنشانة 😅
نعمة .. انتي هتغيري منها ولا ايه 😅 دا انتي ياما ادلعتي
هي ما خدتش نصك😅
ريهام .. استئذنكم انا هروح الحمام
نعمة .. يعني رياض مجاش لحد دلوقتي يابت ياتغريد
تغريد .. ها ! بصي ياامي انا هحكيلك على كل حاجة
فعلا حكت تغريد كل حاجة لأمها ونعمة رغم زعلها على رياض
بس وجود رياض في المزرعة المهجورة بالليل خلاها تدخل
في علامات استفهام كتيرة وبالبلدي سكتت من حيرتها
وتركت الوضع كما هو عليه لحين إشعار أخر
____________
في المستشفي وبعد مرور 24 ساعة
الدكتور .. الحمدلله الوضع مستقر نوعا ما وياريت نحافظ
على الإستقرار ده ويمكن فرحة انتظارها لمولودها ساعدها
في إنها تتحدي نفسها وتقوم من المحنة الصعبة ال هي فيها
فياريت نحاول اننا نحفزها أكتر لأن زي ما انتم عارفين
الوضع استقر أه بس ده مش معناه اننا خرجنا من دايرة
الخطورة وحابب اعرفكم انها لازم ترتاح عالأقل 6 شهور
يعني لازم متعملش أي مجهود بدني اتمنى تكونو فاهمني
ناصر .. فاهمين يادكتور
الشيخ مسعد .. ياما انت كريم يارب
الدكتور .. ودلوقتي واحد واحد يدخل عندها ومش أكتر من
خمس دقايق وعلفكرة هي تحت تأثير المخدر بس بتحس
وتسمع ال جنبها
ناصر .. حاضر يادكتور
فعلا دخل ناصر عند سمية وسامع صوت نبضات القلب على
الأجهزة ومحاليل وأكياس دم متعلقة وشكل التعب باين على
سمية وهي نايمة ، ناصر شاف المنظر حس بالذنب وحس إنه
كان السبب في كل ال بيحصل لسمية ، قعد جنبها حط ايده
على ايدها وعينه بدأت ترغرغ بالدموع وبدأ يكلمها وقال
عاجبك ال حصل ده ياسمية شوفتي عملتي في نفسك ايه
في نفس اللحظة افتكر كلام الدكتور لما قاله إنها بتحس
وتسمع فسكت كده وتمالك نفسه وغير نبرة العتاب وبدأ
يحفزها وقالها مش يلا بقا ياسمية تشدي حيلك وتقومي لينا
بالسلامة انا وولدك في انتظارك ، ولا انتي بقا مش عايزة
تشوفي ابنك ، عارفة يابت ياسمية الواد قمر شبهك بالظبط
مش واخد مني غير ملامح بسيطة بس اوعي يابت الواد
يشغلك عني وياخد قلبك لوحده ، لا انا مستحملش قلبك
ده بتاعي انا وبس زي ما انتي كمان ساكنة قلبي ومتربعة
فيه ، يااااااه ياسمية غبي ال يلاقي حد يحبه الحب ده كله
ويفرط فيه ، الحب رزق وكنز بيحطه ربنا في قلب العاشقين
للمعشوقين ، والبني ادم مننا لما يحب بيربط كل حاجة في
حياته بالحب ده سواء سعادته او ضحكته او حتى اي امل
وطموح ليه في الحياة البني ادم لما يحب بيمتلك الدنيا كلها
تخيلي انا وصفتلك البني ادم لما يحب ، ما بالك بقا لما يتحب
،، وفي نفس اللحظة وهو بيكلم سمية افتكر ريهام ، إحساس
فظيع حس بيه ناصر ، في اللحظة دي حس إنه مقسوم نصين
عينه دمعت أكتر وقام من مكانه عشان يمشي وبيسحب ايده
من ايد سمية اتفاجئ بسمية مسكت علي ايده بصلها لقيها
فتحت عينهاوقالتله بجد بتحبني ياناصر ولا بتضحك عليا😥
ناصر .. بجد ياسمية 😥 بجد😥
________________
في بيت نعمة
هدي .. نورتي بيتك ياأمي
نعمة .. منور بيكم يابنات ماشاء الله البيت عال العال
تغريد .. تلاميذك ياامي 😊
نعمة .. وانتي يابت ياريهام ساكتة ليه
ريهام .. هقول ايه ياامي
نعمة .. مالك يابت دمك تقل ليه إكده فرفشي واضحكي إكده
امال وبلاش الوش ال يقطع الرزق ده عالصبح
تغريد .. هههههههههههههههههههه
نعمة .. مالك ياجزمة نازلة من بوكس الاداب ولا ايه😡
هدي .. 🤭🤭🤭🤭😂😂😂
ريهام .. 😄
تغريد .. ايه ال عتقوليه ده ياامي 😳 وبعدين عجبتك دي
قوي ياست هدي 😏 وانتي ياريهام يعني مفيش حاجة
تضحكك غير كلام امك عليا 😏 طب ماشي😌
الباب خبط
هدى .. اعوذ بالله انت تاني 😡
فؤاد .. ايه ده !! شفتي عفريت 🙄 وسعي كده
تغريد .. فؤاد 😅
فؤاد .. ازيك ياست نعمة الف حمدلله عالسلامة
نعمة .. الله يسلمك يافؤاد ازيك عامل ايه دلوقتي والجرح
اخباره ايه
فؤاد .. الحمدلله خفيت وبقيت زي الفل منها لله ال كانت السبب
هدي .. لم نفسك ياض واحمد ربنا انا لو عارفة انك كنت
هتعيش كنت اديتك بدل الرصاصة اربعة
فؤاد .. عاجبك كده ياست نعمة
نعمة .. وبعدين معاكي ياهدي ، حقك عليا يافؤاد اقعد افطر
فؤاد .. طبعا هقعد دا انا على لحم بطني من امبارح
تغريد .. بالهنا والشفا
فؤاد .. اممممم الا قولولي مين ال عمل الفطير ده😍
تغريد .. هدي ياسيدي اصرت تعمله بنفسها عشان امي بتحبه
فؤاد .. يعني هدى ال عملته ؟
هدي .. ايوة انا ال عملته متاكلش منه بقا
فؤاد .. هو مش معمول كويس بس هناكله وخلاص😏
هدى .. ولاااا طب تصدق ما انت واكله وكمل بقا فطارك
عيش وجبن
فؤاد .. لاااا والنبي دا غلبان ويتيم وتجوز عليا الصدقة
تغريد .. هههههههههه
نعمة .. ههههههه
ابراهيم .. ههههه
ريهام .. هههه
نعمة .. قولي يافؤاد شغال في ايه اليومين دول
فؤاد .. ولا حاجة ، الوكالة والمحلات وبيت ابويا زي ما انتي
عارفة كله تحت سيطرت الدرويش
نعمة .. وناوي على ايه ؟
فؤاد .. بصراحة ياست نعمة اول حاجة بفكر اعملها اني الم
شمل المغازية ونصفي كل حسابتنا مع بعض ونحط ايدينا في
ايد بعض علشان نقدر نواجه الوباء ال اسمه الدرويش
هدى .. وايه بقا ال مخليك مقتنع إننا هنحط ايدينا في ايدك
فؤاد .. انتي عارفة انا كلنا اعداء للدرويش وبعد قتل صفيه
امه ال ملوش غيرها قدام عنيه هيرجع ينتقم من الكل
هدي .. طب بردو وإحنا مالنا ،صفية ابوك قتلها
والدرويش قتل ابوك يعني القاتل والمقتول ماتو الاتنين
يبقا خليك صريح وقول إنك عايز تجيب رجلنا معاك عشان
انت مش هتقدر على الدرويش لوحدك بس احب اطمنك
مشكلتنا معاه كانت أمنا واهي الحمدلله رجعت لينا تاني
يبقا كده ملناش عنده حاجة عشان نقف في وش بعض روح
انت بقا حل مشكلتك معاه احنا مش ناقصين مشاكل
فؤاد .. الدرويش كان عايز يقتل امك ومازال عايز يقتلها
هدي .. ويقتلها ليه !!؟ مشكلته مع امي كان عشان انها شافت
ابوك وهو بيغتصب صفية ومتكلمتش بس خلاص ابوك
اتجوزها واعترف بجريمته واعترف كمان ان الدرويش ابنه
يبقا بردو مفيش دافع إنه يحاول يقتل امي !!!
فؤاد .. انا معرفش الدافع بس الوحيدة ال تعرفوا امك
نعمة .. فؤاد عنده حق يابنتي
هدى .. ازاااي !!!
نعمة .. من سنين وقتلي هو وصية صفية الوحيدة للدرويش
هدي .. طب ايه السبب !!!!
نعمة .. ابوكي هو السبب
هدي .. ابويا !!!! ايه اللخبطة دي !! وابوي دخله ايه !!!؟
نعمة .. صفية عشقت ابوكي ولما ابوكي فضلني عليها قلبها
اتحرق من ناحيتي ومتهيقلها ان انا ال خطفته منها
وان انا السبب في كل حاجة حصلتلها ولولا الكبير خدني
من المكان ال كانو خطفيني فيه كان زمانها قتلتني
فؤاد .. ها ايه رأيك ياهدى؟!
هدي .. ايه ال بيحصل معانا ده !! هو ليه كل ما نخلص من
قصة تطلعلنا قصة من تحت الأرض !!!
نعمة .. المكتوب على الجبين لازم تشوفه العين يابنتي وده
قضاء الله وقدره ومحدش يقدر يعترض على قضاء ربنا
هدى .. لا ياأمي ربنا مبيرضاش بالظلم وال بيحصلنا ده مش
مكتوب على الجبين ، ده حد بيكتبه على الورق وإحنا
مجبرين ننفذ أفكاره بس وديني ما هرحم كل واحد
كتب سطر في تعبنا وشقانا بداية من الدرويش ال حطه في
سكتنا لحد الكبير ال منعرفلوش قبلة
فؤاد .. قصدك ايه !!
هدي .. ال بيحصلنا ده مش صدفة وتراكم الأحداث والكوارث
بردو مش صدفة دا كله متدبر ومتخطط ومتنفذ صح الصح
وانا لازم اعرف نهاية الموضوع ده ايه
نعمة .. خلينا في المهم ، دلوقيت انا عايزاك يافؤاد تنزل معانا
المحل وتقف جنب البنات لأني زي ما أنت شايف حركتي
قليلة ولحد ما اخلص فترة علاجي وارجع اقف على رجلي
محتاجاك سند معايا
فؤاد .. من عيني حاضر ياست نعمة
هدي .. مين ياامي ال هيقف معانا !!! فؤاد !!
فؤاد .. هو انتي مالك مستقلية بيا كده ليه ! ايوا طبعا اقف
جنبكم واسندكم ، في النهاية انتم بنات
هدي .. وانت بقا ديك البراري ال هتقف جنمبنا !!!!
نعمة وتغريد وريهام وابراهيم .. 🤭🤭😅😅😅
فؤاد .. استغفر الله العظيم هو انا شفاف خالص قدامك
ياهدى ،مالك كده محسساني إني خالتك سعاد وسطيكم
ريهام وتغريد .. هههههههههههههههه
هدي .. اخيرا حسيت بقيمتك وسطينا يارب بقا تحس علي
دمك وترفض
فؤاد .. برضو موافق ياهدى وهنزل الشغل من النهاردة كمان
نعمة .. بطلو بقا ناقر ونقير مع بعض وانتي ياهدى اهدي
شوية على فؤاد وريهام كمان هتنزل الشغل معاكم
ريهام .. انا !
نعمة .. ايوة انتي ، عايزاكي تنسي ال حصل واتعاملي مع
الناس طبيعي والشغل هيشغلك عن التفكير في الموضوع
الهباب ده
____________
نروح عند رياض وفرحات
فرحات .. بببيقولو نعمة جت يارياض
رياض .. عرفت يافرحات
فرحات .. طططب كده يبقا كويس ليك عشان تتترجع
رياض .. يافرحات افهم انا مشكلتي مع هدي ونعمة صغيرة
هما كل ال عايزين يعرفوه ان انا كنت بعمل ايه في المزرعة
المهجورة وانا مش مستعد ابوح ليهم بالسر دلوقتي اما
مشكلتي الأساسية فهي مع الدرويش ال فاكر اني الكبير وان
انا ال ورا قتل امه
فرحات .. طب وووهتعمل ايه دلوقتي ؟؟!
رياض .. مبدئيا عايزك تراقب كل تحركات الدرويش من غير
ما حد ياخد باله
فرحات .. انا😳!!!
رياض .. ايوة انت يافرحات انا دلوقتي مليش غيرك يقف
جنبي هتتخلي عن صاحبك يافرحات ؟!
فرحات .. ها ! لا طبعا ففففرحات ميتخلاش عن صاحبه واصل😯
رياض .. تسلم يافرحات كنت عارف إنك راجل وصاحب صاحبك بجد
فرحات .. طب قققولي بقا هههبدأ ايمتا؟!
رياض .. هنبدأ دلوقتي يافرحات ، هتروح على الوكالة وهناك
هتلاقي الدرويش عايزك تعرف مين ال بيروح عنده وهو لما
بيخرج بيروح فين ، الخلاصة عايزك تراقب كل نفس بيتنفسه
_____________ روايات أحمد حسن
في الوكالة
الدرويش .. في حد سأل عليا ياسالم؟
سالم .. ايوة يامعلم في واحد تقريبا اكده سوداني اسمه
المعلم عبد القادر وقالي اقولك انه منتظرك في المندرة بس
مقليش المندرة دي فين وقالي انك هتفهم
الدرويش .. ومقولتليش ليه ياطحش
سالم .. نسيت معلش يامعلم
الدرويش .. نسيك الموت يابهيم روح جهز العربية
وفعلا الدرويش طلع بعربيته وفرحات كان جاهز
بالموتوسيكل بتاعه وطلع وراه
وبعد ساعة مشي بالعربية وصل الدرويش عند بيت كبير
وعليه حراسة مشددة دخل الدرويش والباب اتقفل وراه
وقف فرحات جنب البيت ومسك تليفونه وكلم رياض وعرفه
بكل حاجة
حوار كبير دار مابين الدرويش وعبد القادر
وفي نهاية الحوار جه واحد من رجالة عبد القادر وشوشه
في ودنه ، وبعدها عبد القادر قال للدرويش انت جاي لوحدك
ولا في حد معاك ؟!
الدرويش قاله لا جاي لوحدي
راح عبد القادر فتح الكاميرات الخارجية وخلى الدرويش
شاف فرحات وهو واقف جنب سور البيت
الدرويش قال معرفوش !! وبص لصورة فرحات لحظات كده
وافتكر إنه شاف الوجه ده في الفرح ، وعلى الفور طلب من
الرجالة يجيبوه وفعلا حصل
الدرويش كتف فرحات وحطه في شنطة العربية وخده معاه
__________________
في محل نعمة
هدي .. بصي ياريهام انا هشرحلك طبيعة عملك في خمس
دقايق ركزي معايا عشان هغيب عنك النهاردة هروح استلم
طلبية جديدة
فؤاد .. انا هعمل ايه ؟
هدي .. بصي ياريهام انتي طبعا هتحلي محلي في كل حاجة
هتقابلي التجار وتتفقي معاهم علي السعر
فؤاد .. وانا هعمل ايه !
هدي .. وكمان ياريهام هتستلمي البضاعة وتقيديها وتوزعيها
علي التجار بمعرفتك
فؤاد .. طيب ، انا ، هعمل ، ايه 😡
هدي .. الحسابات ياريهام ركزي عليها كويس ويستحسن
تقعدي تراجعي عليها بنفسك دلوقتي على ما اروح استلم
الطلبية الجديدة
فؤاد .. هو انا جاي اخدلك الغسيل فومين ولا حاجة 😡 ما
تقوليلي انا هعمل ايه 😡😡
هدي .. الخمس دقايق خلصت هروح انا عشان متأخرش على
ابني في البيت
فؤاد .. طب عالأقل اروح ارضع ابنك لحد ما ترجعي 😡
هدي .. لا مش ضروري ، يلا سلام ياريهام
ريهام .. 😅😅😅😅
فؤاد .. عاجبك حرقت الدم بتاعت اختك دي 😡
ريهام .. معلش يافؤاد لازم تعذرها برضو
فؤاد .. اختك لو اشترتني من سوق العبيد مكانتش هتعاملني كده!
ريهام .. ههه خلاص متزعلش نفسك انا هقولك هتعمل ايه
فؤاد .. ايوة اترسمي بقا عليا واعملي معلمة
ريهام .. نعم !!
فؤاد .. بقول المفروض انك تكوني المعلمة 😊
ريهام .. هههه طب يلا بقا وبلاش غلبة😏
____________
ونرجع عند فرحات ال الدرويش علقه من قفاه
الدرويش .. انت مين ياد!
فرحات .. ملكش دددعوة
الدرويش .. طب كنت جاي ورايا ليه ؟!!
فرحات .. ممممعرفش
الدرويش .. طب مين ال بعتك ورايا؟!!
فرحات .. مممعرفش
الدرويش .. ههههه بص ياد يااهبل ماهو انت هتعترف يعني
هتعترف يبقا خليها بالذوق كده وقولي مين ال بعتك ورايا
فرحات .. يييبقا انت لسه ممعرفتش فرحات 😂 دا ععلى جثتي😏
الدرويش .. ههههههههه هاتولي سلك الكهربا ووصله الكهربا
لجتت فرحات عشان عقبال عندكم هنقدم ليه عالعداد😂😂
فرحات .. اااااااااه ، اااااااه ، ففرحات 30سنة وبعتني ررياض
وهو نايم في بيتي دلوقتي سسسسيبونييييي
الدرويش .. ههههههه طب اصبر شوية ملحقناش 😂
فرحات .. 🥴
الدرويش .. عايزكم تظبطوه كويس وبعد كده خلوه ياخدكم
علي بيته وتجيبوا الكلب رياض
