رواية لست خائنه الفصل التاسع عشر 19 بقلم انين الليل

//////🌹🌺🌷🌹🌺🌷//////

سلام 

وره ما سمعت من رضوى موافقتها على التنازل مقابل اطلكها انا وافقت لكن انصدمت من سمعت بالمبلغ 

الي تريده مقابل التنازل جان نفس المبلغ الي طلبه فواز الله يرحمه مني انا وخالي علمود يطلع من البيت انا من 

سمعت لزمتها من شعرها وضربت راسها بالحايط وغلطت عليها وطلعت رحت لام عادل 

وصلت يمها تلكتني 

هلا يمه سلام هلا بيك 

هلا خاله 

شلونك يمه 

الحمد لله 

سلام يمه شبيك شو ما الك خلك شصاير 

خاله تعبان تعبان كلش 

اسم الله عليك يمه شخيرك 

انا بحسره كتلها ::خاله اتركي انا هسه راح اروح البيتنا وهاي الجوه انا اجي وانطيها اكل وادخلها للحمام 

ام عادل/:يمه ولو تحسبني اتدخل بس ليش هيج يمه تسوي عادل يكول هو صار شاهد على عرسك 

جاوتها بنتر ::خاله شفتهمتي ديري بالج مثل ما وصيتج 

ام عادل /:صار خاله تدلل

حسيت ام عادل ضاجت بس انا ما اهتميت لان انا بيه قهره لو تتوزع ع العالم هم يبقى منها 

صعدت السياره وطلعت من المزرعه وخابرت كوثر 

كوثر/:هلا حبيبي 

هلا كوكا ساعه ان شالله وانا يمج 

كوثر/:هلا بيك ليش اتصل وما ترد 

::شبيج مشغول يالله مشتاق 

كوثر/:وانا هم 

سديت التلفون وصرت اضرب على الاستيرن وانفخ واگول ::ههه اي كوثر لو تدرين هسه انا اتزوجت 

رضوى شتسوين 

::بس شكد اكرهج ياكوثر صرت اكره رضوى اضعاف وهاي بت الكلب الا اخليها خدامه الج والامج 

::صدك سلام تخلي رضوى خدامه ؟

::اي اخليها مو ذلتني هي وفواز هسه اجه الوكت الي اذلها بي الحقيره الصلفه 

صحت حيل :::اااه يارضوى ما اعرف شسوي بيج ما اعرف

عضيت اصبعي حييل وبقيت اتنفس بقوه 

قبل لا اروح للبيت مريت بولد صايغ واخذت مداليه ذهب وخلاها الصايغ بعلبه واخذتها بعد ان دفعت فلوسها 

وبعد ان اتصلت بفارس وطلعلي من المعرض ع الشارع اخذ سيارته وانا اجرت تكسي وصلت تلكتني كوثر

 وهي تحضني وتبوسني انا بادلتها وانا ما طايق نفسي دخلت للغرفه واخذت حمام وغيرت ملابسي وسالتني اذا

 اريد اكل جاوبتها ::ما اشتهي ماكل بالطريق

هي اجت يمي واتقربت علي وكعدت بحضني وصارت تمرر اديها بجسمي وراحت للكنتور لبست بدلة نوم 

قصيره كلش وبعدين طلعت شيت الحبوب المانع وشربت حبايه كدامي يعني شوف انا اشرب الحبوب واجت

 كعدت ع الجربايه وراي وصارت تعصر بجسمي من يم الركبه وتخلي جسمها يطخ بظهري انا مظطر اسايرها 

لان بصراحه روحي ما تطيعني عليها رغم اعرف هي شكد تحبني اتقربت منها وهي بادلتني شعور الحب وبحراره 

وظلت بحظني ما تقبل حتى تخليني انام ع صفحتي وهي تكلي

- - مشتاقتلك احبك مو بيدي متخبله عليك ما اريد شي بس انت

وصارت تبوسني وتشمني واريدك لا تعوفني 

انا اكلها ::مو يمج ما اعوفج 

كوثر /:تدري اتخبل اذا تعوفني 

انا حضنتها وكتلها ::ما اعوفج ما الي خلك خبالاتج خليني انام حدي تعبان

غفيت شويه العصر كلش كمت سبحت وهي دخلت وراي سبحت من اتزوجنا انا وكوثر ما اقبل نسبح سووا 

صدكوني جان ممكن احبها بس تصرفاتها وتصرفات امها خلتني ما اطيقها 

من طلعت صارت كبال المرايه تجفف بشعرها انا طلعت المداليه ولبستها الها وبستها بركبتهاهي باوعتلي 

وكلتلي بدلال 

- - شكرا سلام ياروحي تخبل بس ليش ماجبتلي ملابس يكولون باربيل الملابس تهوس 

::حبيبتي ما صار عندي مجال التهيت اروح وارجع على ما كملت الشغل هاي قبل لا اجي للمطار مريت واشتريتها 

كوثر بخبث // ها يعني ما تونست ولا رحت للمناطق السياحيه 

باوعتلها بنص عين ::اكلها ملتهي تكلي مناطق سياحيه ولا تزعلين ياروحي بس استقر من ناحية الورث اخذج 

شهر الاربيل 

كوثر حضنتني /:الله لا يحرمني منك 

انا بادلتها الحضن فتحت جرارة الميز وطلعت منها ورقتين وكتلها ::هاج كوكا اشتري الي تردي 

هي صارت تبوسني وتكلي //شكرا حبيبي ياروحي انت 

بعدين انا طلعت ورقه وكتلها 

- - كوثر هاي انطيها العطاء كليلها سلام مالحك يجيبلج هديه 

--طبعا كوثر ما ترهم اذا ما تخرب اي لحظه سعيده --

كوثر بعصبيه وعاكفه كصتها /:وليش يمه شنو اخوها ابوها زوجها وتنطيها خو انا اخذهن اشتري بيهن الي احسن 

انا رديت عليها ::ليش مو هسه انطيتج وما اتصور مقصر منج وبعدين عطاء اختي وانا دائما من اشتري شي اشتريلها 

كوثرباستهزاء /:سلام ذاك اول هسه انت رجال متزوج تره واكفه منك هاج انطي العطاء اصلا وجودها بالبيت 

اكبر غلط لا وماخذه راحتها وتنزل وتدخل للمطبخ وتكعد ويانا ع السفره مو تشوفها كلش واكفه يعني

رديت باستغراب ::شنو هالحجي هذا عطاء بت عمنا وعيب هيج تحجين 

كوثركعدت وحطت رجل على رجل /:اي حبيبي بت عمنا وعدها اب وهوالي لازم يصرف عليها ليش ملتهي 

بس بسهير خاتون وجهالها خو بدل ما انطي الورقه العطاء انطيها الاديان اختي خطيه طالبه وتحتاج هواي شغلات

بذيج اللحظه نزلت كوثر من عيني احسها حقيره وعينها فارغه اتذكر من جنت اشتري شي الرضوى ما تقبل الا 

اشتري مثله العطاء اووووو يارضوى هم صرتي بالنص 

انا سحبت الورقه منها وطلعت من الغرفه وكفت يم الدرج صحت 

::عطاء عطاء 

نزلت من فووك ودموع بعيونها ادري جانت تبجي على فواز

عطاء بابتسامه باهته /: هلا سلام الحمد لله ع السلامه 

::الله يسلمج اشلونج عطاء 

- - الحمد لله بخير  

دووم --وشلت الورقه وانطيتها الها وكتلها --

::هاج عطاوي ما لحكت اجيبلج شي وياي الشغل الفوك راسي هاي الج اشتري شي على ذوقج 

عطاء وهي مدنگه /:شكرا خويه بس والله كل شي عندي ما محتاجه شي 

::مي خالف اخذيهن مني 

عطاء /:تسلم ربي يحفظك

اخذتهن عطاء وصعدت وادري بكوثر تتنصط لان من طلعت ما سديت الباب انا رحت اخذت سيارتي ورحت 

ع المحلات شفت العمال وبعدها رحت على فارس وصلت يمه ورحنا تعشينا ورجعنا واحنا نسولف كعدنا بالكوفي 

واشوف فارس بعيونه حجي انا كتله 

::ابو الفوارس احجي شتريد تكول .

فارس/:لا والله سلام ما كوشي 

::ما طول كلت ماكو شي يعني عدك حجي سولف فروس اسمعك شنو تضم علي 

فارس بخجل /:والله سلام مستحي منك انت تعرف فواز الله يرحمه مثل اخوي وانا ما يهون علي افرح 

--وسكت فارس--

انا جاوبته ::تريد تخطب انوار بت عمي رحمن 

فارس /:والله مستحي منكم بس اخاف البنيه تكون مرتبطه او يجيها احد وابوها ينطيها 

::لا فارس ليش تستحي الحياة لازم تستمر وماكو واحد بقى حزين طوول العمر وانت هم يالله تكمل نص دينك 

ويصير عندك جهال وتستقر 

فارس/:سلام والله ما اعرف شكلك بس اريدك تحجي ويه عمي رحمن يعني يشوف البنيه وامها اذا يقبلون على 

مود اتوكل 

:: بس هاي صار وتدلل باجر احجي ويا واتفق ع الجيه شكم فارس عندي 

فارس/:تسلم يا صاحبي اردها الك -اهنا فارس عبالك تذكر صار يضحك --صدك اردها شنو رديتها الك اثنين 

نسوان وانا اروح منا وارد منا 

انا جريت حسره ::وداعتك فارس خويك طاح حظه 

فارس/:افه سلام انت هيج تكول عمي انت ذيب امعط 

::خاب ياذيب كوول جريدي 

فارس يضحك /: محشوم ابو اسد بس الحجي ابيناتنا صحيح يا اخي النسوان يدوهنن هسه انا بعدني ما خاطب 

وداعتك اثول من الرئيسي

وتمينا نضحك انا بيني وبين نفسي جنت اتمنى فارس ياخذ عطاءءبس مثل ما يكولون الزواج قسمه ونصيب 

وفارس مو نصيب عطاء الله يوفقه ويوفق عطاء هاي المسكينه الي انخذلت من اقرب الناس الها 

رجعت من يم فارس تقريبا الساعه تسعه ونص مريت اخذت حلويات وصلت للبيت دخلت لكيت عمي

صاحب وسهير كاعدين ويمهم كوثر كاعده وتلعب بالنقال انا سلمت كام بوجهي عمي صاحب باوسته وهو يكلي

- - اشلونك يا بطل الحمد لله ع السلامه 

::الله يسلمك عمي 

سهير/:الحمد لله على سلامتك سلام سفره سعيده 

::هلا ام انمار انتي شلونج

- - الحمد لله 

انا باوعت الكوثرعود زعلانه كعدت يمها حجيت ::الله بالخير 

هي بدون ما تباوع كالت من وره خشمها /:هلا 

انا هم لبستها واخذت اولاد عمي وصرت ابوس بيهم وادغدغدهم وهمه يضحكون وانوب صرنا نسولف انا وعمي 

بعدين سالته 

::عمي وين مرت فواز مو كلت تاخذها للزياره 

صاحب /:اي عمي رحنا انا وياها وعمتك عليه هم راحت ويانه وزرنا وبتنا ليلتين شو من رجعنه نزلت 

ويه امها البيتها وكالت تريد تبقى شكم يوم عدها 

انا باستغراب ::هاا 

صاحب گال //اي من شفتها اتأخرت انا هم خابرت عليه اسالها اشو كلتلي راحت الكربلا تكول اريد ابقى يم بيت 

عمي انا تريد الصدك اول مره ما قبلت بس تالي كلت خليها شكم يوم وتالي اروح اجيبها لاتنسى هي صار شگد 

لا تطلع ولا تمشي 

سهير /:هي اول وتالي لازم تجي علمود الو،،،

صاحب خزرها وماخلاها تكمل وكال //شنو عمي سلام شفت بيدك علاكه شجايب بيها

انا باوعت الكوثر وكتلها ::كوثر كومي خلي حلويات وفواكه بمواعين

هي راحت للمطبخ دقايق واجه الغزو المغولي على كولة رضوى

ااه يا رضوى ااه منج انا اخذتج انتقم منج واذلج هسه انتي جاي تساوميني تردين تلووين ايدي 

اجو بيت عمي طاهر وسلمت عليهم وكعدو ما شاء الله انمسحن المواعين بدقايق وانا اباوع واتذكر رضوى من 

تكلي افواه وارانب انا ابتسمت صبيحه كالت 

صبيحه /:شنو بعدهي ما شرفت المسعده 

كوثر /:عمي ابو انمار يكول رايحه العمامها 

وهو انتفض طاهر وظل يرجف /:ها وشتسوي وتمشي بكيفها وهسه اخابر عليه واطيح حظها شنو ما الها رداد 

يتصرفن من يمهن 

صبيحه /:هاي سوالف اختك تريد تبعدها بكل وجه اليكون 

طاهر /:هسه اخابر عليه وارزلها شنو صارن يمشن بكيفهن ما يخافن 

انا بهدوء ::اترك عمي عوفها ما عدنا وياها شي 

صبيحه /:يا وتخلونها تروح العمامها 

انا /:انتي كلتيها ام صلاح عمامها يعني اهلها يعني اصلها وفصلها 

طاهر /:شنو اصلها شنوفصلها هي ربت بهذا البيت واحنه مسؤولين عنها 

انا ::عمي عوفها هالشكم يوم احسن 

طاهر يباوعلي /:شبيك عمي سلام اشو مالك خلك وكوه تحجي 

انا ::اي والله عمي تعبان شويه ما بيه شي تعرف راجع من السفر وانوب طلعت شفت الشغل 

طاهر يباوعلي ويگول /:شنو ما اعرفك سلام شبيك ؟

انا جريت حسره ::عمي تعرف اسبوع الجاي لازم اكعد ويه المحامي واشوف الي الي والمو الي لذلك 

انا من كال عمي صاحب راحت العمامها انا ارتاحيت على الاقل عندي وكت الملم روحي 

طاهر/: شلون يعني شتسوي 

سلام ::لازم الكى منفذ قانوني 

طاهر /:واذا ما تلكى حلالك وحلال اخوك تاخذه رضوى 

صبيحه /:يا شنو تاخذه تايه الها 

باوعت الصبيحه وهزيت راسي :: اي عمي تاخذه القانون والشرع وياها 

طاهر وكف وحجى بعصبيه /:ما تاخذه ولا تتهنى بي بعد جم يوم اخطبها الصلاح وغصبن ما عليها تقبل 

انا وكفت وباوعت العمي صاحب ::عمي من رخصتكم انتم اخذو راحتكم البيت بيتكم تصبحون على خير 

دخلت واسمعهم يحجون 

صبيحه /:يا هذا شبي شو يحجي من وره خشمه 

صاحب بنتر /:شنو شبي رجال تعبان وجان ابغداد يركض ع المحامي بلكي يلكاله درب يرجع حلاله وانتم ما 

اعرف شلون تحجون 

صبيحه /:يا ابو انمار شحجينا 

صاحب /:ها شحجيتو كدامه تكولون نخطبها الصلاح وغصبن عليها توافق

طاهر /:ها صاحب و شكو بيها شبي كلامنا وانت متنرفز 

صاحب /:طاهر ياخي هو هذا هم حجي تكول اخطبها الصلاح مبين مثل عين الشمس تردون تاخذونها على 

مود الفلوس الي هنه بالحقيقه فلوس سلام وفواز الله يرحمه 

طاهر /:اي ياخذها صلاح احسن بدل ما ياخذها الغريب ويتهنى بحلالنا 

صاحب /:انوب صار حلالنا 

طاهر /:اي حلال ولد اخونا حلالنا

صاحب /:جا خوش ما طول هيج تحجي اكلك طاهراريد اسالك من ياخذها صلاح ترجعون حلال سلام اله لو 

تاخذونه مو تكولون الحلال واحد يعني تاخذونها الصلاح على مود تردون حلال سلام علوا بس خاف ياخذها صلاح 

ويفلس سلام ذاك الوكت شنو فرقكم عن الغريب 

طاهر /:اكلك صاحب البنيه زغيره اول وتالي تتزوج ليش الحلال يروح للغريب وسلام ما عايز 

صاحب /:هم صحيح كلامك ابو صلاح بس انا اكول ليش يروح للغريب

وليش يتزوجها صلاح خو يتزوجها سلام ويرجع حلاله وحلال اخو

صبيحه بزمخه وعصبيه /:صاحب انت شتحجي شلون هيج تكول تريد تعم على بتي 

كوثر احس بكلامها رجفه /: يمه همزين سلام راح نام بالله هو هذا هم حجي عمي تريد رجلي يتزوج علي 

ومني رضوى 

صاحب /:والله العظيم هسه لو رضوى تتنازل السلام عن الورث محد يكلبها لا صلاح ولا فلاح 

صبيحه /:خويه ابو انمار هاي الحجايه لا تجيبها بعد على السانك شلون تقبل ياخذ رضوى على كوثر جا كوثر 

مو مثل بتك (صبيحه باوعت السهير )سهير اكلج انت ما تحاجين رجلج لايقرا براس سلام 

سهير /:شنو هالحجي هذا صاحب شلون هيج تحجي شعوزها كوثر وسلام ياخذ عليها 

صاحب كال /:هو انا شكلت قابل صحت السلام وكتله تعال اخذ رضوى بس انا شفتها صارت عزيزه

 اثاري الله ينطي فلوسها (وگف صاحب وگال )ياالله سهير خلي نصعد باجر عدي شغل 

تصبحون على خير

انا متمدد واسمع كلامهم درت وجهي وهمه وره هاي المحادثه اسمع صاحب صعد هو ومرته بيت طاهر بقو وصبيحه 

توصي بكوثر //ديري بالج كل ما يجي صاحب وهاي الحيه يم سلام ظلي گاعده لا يقرا باذنه 

وراحو بعدين اجت كوثر للغرفه انا سويت روحي نايم هي اتمددت ومدت ايدها وحضنتني من ظهري وانا 

احس بروحي مختنك واحجي ويه نفسي 

::هيج ولج رضوى صرتي سلعه كلها تريدج على مود فلوسج الي هي بالحقيقه فلوسي وفلوس اخوي وهمه

 ما يدرون رضوى صارت ملكي وما اتخلى عنها حتى لو تنازلت الا اخليها خدامه الج ياكوثر على مود ابرد 

نار كلبي وارضي غرورج وغيرتج

اتخيلت كوثر شلون تامر على رضوى وشلون هي وامها يدولبن بيها ويضربنها واجي انا اكمل الكتله اتخيلت صرت 

اضرب بيها وهنه يضحكن

بس فجاه تحضني وتبجي وتكلي /:ليش سلام مو انا حبيبتك

انا بالحقيقه ما سيطرت على نفسي صرت اشهك من البجي ما احس الا كوثر 

- - سلام سلام اسم الله شنو ليش تبچي تتحلم 

انا بدون ما اباوع الها فتحت عيوني /:هاا اي كابوس

كامت صبتلي ماي انا شربت شويه ورجعت نمت ثاني يوم طلعت من الصبح ورحت على المحل وخابرت عمي 

رحمن وكتله اريدك تمرلي بالتسعه واجه وانا حجيت ويا على بته انوار الفارس هو كلي عمي سلام وين الكه واحد 

مثل اخلاق فارس وامانته انا موافق اذا البنيه تقبل اسالها وارجع خبر

صرت يوميه ارووح للمزرعه الصبح اروح انطيها ريوك واطلعها للحمام والعصر هم انطيها وجبه وتروح للحمام 

وارجع اقفل عليها الباب انا وياها ساكتين ما نحجي وانا ما اباوع بوجهه وهي ابد ولا تحجي وياي 

جنت كل يومين تلاثه اخابر عمتي عليه وانطيها الفون تحجي ويه امها الي فهمتها تكول راحت العمامها حتى الرقيه

وعمه قسيمه 

وعمي رحمن وره شكم يووم كال البنيه موافقه وانتم يمته ما تجوون هله بيكم

💝💗💖💝💗💖💗💖💝💗💖💝💗💖💝💗💖💕

/////ام عادل ////

لمن اجه سلام وجاب ويا مره لابسه عبايه انا اباوع من بعيد ودخل وياها للغرفه وره اكثر من ساعه 

اجه سلام سلم عليه وكال 

::خاله اريد دشداشه منج سوده 

- - اي يمه تدلل 

::مشكوره --باوع العادل وكله --اريدك شاهد اليوم راح اعقد على مرت فواز 

انا بيني وبين روحي كلت 

- - شصار بعده ماكو حتى خمس تشهر وتريد تعقد على ارملة اخوك ويلااه صار الي يموت ماله قيمه

انطيته دشداشه سوده جديده عدي واشوفه راح البيته وطلع جودليه ومخده وجرجف 

وره شويه شفت سيارته الي اجه بيها ونزلو منها تلث زلم تلكاهم سلام ابيته واجه عادل يكلي 

- - يمه لازم نسوي غدا السلام وربعه 

- - اي يمه صار 

عادل /:والله حجيه شاك لو مااعرف سلام خوش انسان جا كلت خاطفينها البنيه هو وعمه

- - ليش يمه ؟

عادل/:شنو ليش الله عليج اكو واحد يتزوج وحده يلبسها دشداشه سوده ويكعدها بحجره طين 

- - يمه مو هيه البنيه حزينه على رجلها فواز الله يرحمه 

عادل // يعني هيه مرت فواز عجيبه امس مات شبساع 

- - يمه مالنه غرض البيوت اسرار الله اليعلم 

عادل /:ما ادري ياالله اول وتالي تصفى

اشوف سلام يروح البيته الي بالمزرعه احنا اول يوم طبخنالهم غدا هو اتغدا ابحدا لان الي اجو ما رضو 

يبقون وانوب اخذ للبنيه بصينيه واشوفه طلع وسد الباب ما اكدر اساله يبقى هو ابو الشغل وناكل خبزه من ورا 

بقى على هاي الحال اسبوع او اكثر بعدين اجه يمي كلي ::خاله اشلونج 

- - هلا بيك يمه 

جر حسره وگال ::خاله هاي الي بالغرفه انا اجي وانطيها اكل واطلعها للحمام

حاولت احجي ويا بس ما خلاني جان التعب والقهر مبين علي هو من قبل ما يتوفى فواز مبين علي القهر

 ومن اتوفى فواز صرت اشوفه مكسور بس من كال العادل تعال اشهد اريد اعقد على ارملة فواز الصحيح طاح 

من عيني بس ما بينتها عادل كلي 

- - يمه على گولتج مالنه غرض احنا نشتغل عدهم نسيتي فواز الله يرحمه شنو جان يجيب للبيت يوميه وحده 

استغفر الله 

انا /:اي يمه عادل صدك بس فواز الله يرحمه ما يتجاوز ع الشريف هذني الي يجيبهن الله يستر على بناتنا تعرف 

شنو هنه 

عادل /:اي اعرف وهم اعرف شكد سلام مؤدب وما عده سوالف اكيد من يسوي هيج اكو سبب 

انا /:الله العليم يمه الله يستر بستره

اجاني وره الظهر سلام وكلي ::خاله انا راح اروح مو احد يفتح الباب انا اجي وافتحه 

وصدك ثاني يوم الصبح اجه جاب مسواك النه اكثر شي فواكه لان احنه مخلين قطعه زغيره نزرع بيها 

خضره وباذنجان وباميا وفلفل اخضر وبالمزرعه عادل يزرع بصل وثوم وركي وطماطه وسلك شفت بيده 

علاكه زغيره وراح يم مرته شويه وراح ركب 

سيارته انا ما اشتغل بالبيت عادل يشتغل ومن يصير جمع المحصول همه يجيبون عمال انا ساعات اطلع 

بالمزرعه اتمشى لو اروح اجيب مخضر وره ما راح سلام انا طلعت اتمشى ما حسيت روحي الا يم الحجره 

الطين جان بيها شباج زغير احنا نسمي (رازونه) انا وصلت يمها باوعت من الشباج شفت البنيه كاعده ودايره 

وجهه انى شايفتها مره او مرتين وبفاتحة رجلها انا رحت 

بس سلمت عليها هي مو هلكد تعرفني انا حجيت وياها 

- - اشلونج خاله 

هي فزت من مكانها خافت وترجف انا كتلها 

- - خاله اسم الله لا تخافين انا ام عادل شنو ما عرفتيني 

هي باوعتلي متفاجئه وكالت =هلا خاله ام عادل --وصارت تبجي --

انا انقهرت عليها /:يمه سوده عليه شبيدي عليج لا تبجين 

=خاله والله ما مسويه شي بس هذا حكم القوي ع الضعيف 

انا باستغراب/:يمه ليش هيج سلام يسوي وياج هو انا مربيته والله خوش ولد وشريف بس ليش هيج يسوي 

هي سكتت انا رجعت سالتها //يمه ما عندج ابو اخو يسالون عنج 

جاوبتني والعبره كاسره صدرها =هو خاله لو عدي اب اخ هيج يصير حالي هي بس امي وهو فهمها 

تزوجنا وسافرنا 

- - يمه انتي مو جنتي تجين ويه ام فواز الله يرحمها وبنية صاحب 

=اي خاله ام فواز تصير مرت خالي 

- - هاايمه انتي بتمن 

=خاله انا بت عليه وسلام يصير ابن خالي صبار 

انا متفاجئه سالتها /:يمه انتي بت جاسم ؟

هزت راسها مستغربه = اي خاله انتي تعرفين ابوي 

- - شلون ما اعرفه الله يرحمه برحمته الواسعه 

=خاله انا ولا اتذكره ياريت متت ويا ولا صار الصار بيه

- - يمه بنيتي اذكري الله ابوج اله دين بركبتي اليوم القيامه يوميه اتذكره واترحمله وكل ما يصير عدنا شكم 

فلس نسويله ثواب

رضوى مستغربه ==ها خاله الله يرزقكم 

- - يمه ابوج الله يرحمه خوش انسان خيير ومن اهل الله بس والله هو سبع وما انسى فضله للموت

رضوى اول مره تسمع احد يجيب طاري ابوها ويكول سبع كل ما يتذكرونه يكولون فقير وخلوق ومن اهل الله 

عاد هي سالت ام عادل 

=شلون خاله ومنين تعرفين ابوي الله يرحمه 

ام عادل صفنت وجرت حسره وجاوبت /: يمه احنا اول ما اجينه لهنا عدي عادل عمره سبع سنين وجاينيء 

على تلث بنات الله ما قسملي بالويلاد بس يصير عدي ولد اطرح بالاشهر الاولى الى ان صار عادل 

وجانو بالمزرعه توهم حافرين بيير جديد كملو بنيانه بس سياجاته بعدهن جان عادل يلعب عثر طاح 

سمعنا بس الصرخه بيومها ابوج جان جاي ويه خالج ابو فواز الله يرحمهم هو من 

شاف عادل وكع اجه يركض وشد الحبل وذب روحه لكاه مايدري 

عدل ميت شده بالحبل والعمال سحبو خالج اخذه وظل يضرب 

على ظهره لمن ما اتنفس عادل وابوج بقى بالبير لمن ما

خالح الله يرحمه كال 

- - اكلكم جاسم ظل بالبير شمروله الحبل وكوه طلع جان منتهي

بس الله نقذه لان هو صار سبب بانقاذ ابني وهسه انتي بته الزغيره عمت عيني عليج خاله ليس هيج يسوي 

وياج سلام احجيلي انا مثل امج يمكن امج ما تساعدج اهنا بس انا خالتچ خاليه مختليه وما عدي شي اخاف 

علي العيشه مدبرها ربج اذا انتي على حق وما مسويه شي رگبتي گدامج شنو يطردني اسليم نعيش مانموت

من الجوع بس شوفي سولفيلي كل شي اذا ترديني اساعدج لا تضمين عليه شي وانا وروح ابوج ما تطلع مني 

جلمه للموت بس لا تچذبين

وصارت رضوى تسولفلي وانا اسمع مذهوله اتسودنت من سمعت حجيت ويه روحي 

- - ولكم اكو هيج جساره فواز هيج يسوي اي ويسوي ازيد انا الاعرفه فواز دووم يجيب نسوان اللهم ياكافي 

انا اعرفه هو شريف ويه الشريفات وموزين ويه الموزينات مو من يجي ما يرفع عينه على مرت عادل لو على بناتي 

بس وين جان ويامن ياهي منهن وطاحت براس المكروده 

انا نشدت رضوى 

- - اكلج يمه هو فواز جاز عليج ؟

هي ظلت صافنه 

- - يمه ليش ما تحجين جاز عليج يو لا ؟

رضوى باستغراب = شنو يعني خاله 

ام عادل /:هاا نسيت ما تعرفون حجينا احنا العرب اكول يمه فواز اخذج يعني انتي صرتي مرته اخذج شرعي 

يعني رجال ومره 

هي جاوبتني بخجل =لا خاله

عكفت حواجبي //شنو لا 

رضوى =خاله انا ما خليته يمس شعره مني والله انا يمه البس طويل ومحجبه ما انزع الحجاب ومن يوم المصيبه 

الحد ما مات مانام بالغرفه ابد ولا ليله 

جاوبتها بشك /:يمه رضوى كليلي الصدك لا تقشمرين عليه 

رضوى = خاله بيش ترديني احلفلج والله هذا الصدك ما مجذبه عليج 

صرت اعض عضات خفيفه على شفتي /:وسلام ماجايسج يعني انتي هسه بت بيت 

هي هزت راسها وكالت =اي خاله انا حالفه السلام محد غيره يمسني لو ادري اموت 

ام عادل /:عمت عيني عليج يمه هاكثر تحبينه 

رضوى صارت تبجي =جنت احبه خاله كولي جنت اموت علي بس هو 

ام عادل /:شبي هو ما تشوفينه وجهه ها طوله عبالج المر بي شويه الله يساعده شلون كظ روحه ما حطاكم 

وكتلكم بساعيتكم 

رضوى زادت بالبجي وصارت تضرب على خدها =ياريته كاتلني ومريحني ولا ما خذ كوثر (وصارت تنحب وتبجي)

ام عادل /:كافي يروحي لا تبجين 

هي صارت تشهك وتحجي وهي مبرطمه =خاله انا من كثر ما احب سلام حتى شعري كصيته كلت ما اريد احد 

يشوف طوله اله سلام وهو هسه يريدني خدامه الكوثر 

ام عادل حجت بنتر /:خايبه اسكتي ياخدامه ولج سلام مدوهن ويريد يموت عباله خاينته 

رضوى =ادري وانا الله يشهد عليه ماخنته لو حتى بالحلم 

ام عادل /:ادري بيج خاله اريد منج اتحملين لو شيسوي بيج بس هاليومين وما لج غرض اله اخلي سلام

يعض اصبع الندامه ويحب الكاع الي تمشين عليها 

هي متعجبه =شنو خاله تسويله سحر 

ام عادل /:هههههه لا يكلبي بس خليني اتوكد وارد لج خبر عدي شغيله ابالي 

رضوى =فدوه خاله بالله وبيج والله اروح العمامي ومحد يعرف طريقي واتنازل السلام على كل شي بس 

يعوفني الحالي

ام عادل/:شنهي اتنازلين شني تعوفيله كل شي توج تكولين اموت علي 

رضوى =خاله جنت گبل هسه اكرهه واخاف منه 

ام عادل عوجت حلگها //ام تكرهه شايفه روحج من تذكرين اسمه ترجفين لا تخافين كولي ياالله يمه 

وما عليج بس اصبري هاي الرگبه (واشرت بايدي ) مطلوبه دين ودين چبير الجاسم واجه الوكت نرد هذا الدين

رديت البيتنا وانا اتذكر كلش زين لمن اجو بيت طاهر وياهم سلام كبل يوم جان فواز جاي هو او وحده وراحو

 للبيت وانا جانن الدجاجات طالعات ورحت وراهن يم بيت فواز سمعتها تحجي بصوت عالي وتكله

- - فواز غصبن عليك تشتريلي بيت كبل لا تتزوج اريد استقر باجر تتزوج وتشمرني مثل الجلب 

فواز /:احجي عدل ونصي صوتج 

- - اي انصي صوتي بس اريد بيت 

فواز /:انا مقرر بدون ما تحجين اشتريلج بيت وبعدين منو كلج انا راح اتزوج 

- - ليش مو انت واخوك مقررين هالشهر تخطبون وتعقدون 

فواز تحسر وكال /: متوهمه بس سلام راح يخطب رضوى انا مستحييل لا اخطب ولا اتزوج

- - ليش شراح تسوي 

ما عليج انا احلها 

ليش اتكلي ما عليچ مو انا حبيبتك 

اتحسر وكال // لا انتي مو حبيبتي انتي غلطة عمري 

هي ضحكت وكالت /:بس الله عليك مو احلى غلطه 

فواز /:ياالله اتحضري على مود نرجع

صرت بسد البيت وشفت البنيه الي اجت ويا فواز وثاني يوم ردت اكل السلام بس وده علي عمه وما لحكت وادور 

عرس فواز وانوب سلام وصار فواز مو هلگد يجي للمزرعه واذا اجه يجي مهموم وتعبان 

من مات فواز الله يرحمه بعد نسيت شكول شي راح وانتهى ويه صاحبه

ثاني يوم الصبح تانيت على ما اجه سلام وكتله

ام عادل /:يمه من تروح اريد اروح وياك اشوف بتي ام منذر كالولي

ما الها خلك ومن ترد العصر مر عليه اذا ما تصير عليك زحمه 

هو كلي ::رحمه ام عادل تدللين اخليج على راسي 

- - عساك سالم بعد خالتك 

انا رحت البتي هي ماخذه بالبصره وسلام وصلني البيتها من ردت انزل شالي فلوس وكلي 

::هاج خاله هذا مصرف الج 

- - يمه سلام عدي من خير الله وخيرك 

::مي خالف انا مثل عادل اخذيهن خاله

اخذتهن ورحت شفت بتي وانطيتها القاسمه الله وانا ماخذتلها مخضر

واطيتها فلوس راحت جابت دوه العصر مرعليه سلام بالسياره انا صعدت وسلمت علي وكتله

- - خاله سلام وديني البيتكم اسلم ع البنات وانا جايبه وياي دهن حر وشويه سمسم من رحت للناصريه 

صوغة الاحباب 

هو كلي ::خاله والله ما نعتب عليج ليش تزاحمين نفسج 

- - شبيك خاله من الباب اسلم ع العايله وارد ما اخسرك عشا 

::افه ام عويدل انا تضيك عيني منج والله البيت بيتج تجين وتكعدين وتباتين علواا والله نفرح اقلها اشبع خبز بالدهن 

ام عادل /:جنك على خبز بدهن بس ارد 

::تسلمبن ما تقصرين 

ام عادل /: الله يرحم امك وابوك واخيك ياطيب

اتحسر وگال ::يرحم والديج

وصلنه هو دخل كبلي واتلكانه صاحب واجت عطاء سلمت عليه وباوستني ودخلتني للصاله خليت العلاكه 

ع الطاوله مالت المطبخ وانوب اجت مرت سلام كوثر بس 

سلمت وصاحب صاح على مرته 

ام انمار تعاي سلمي على ام عادل 

اجت مرت صاحب سلمت وسلام وصاحب واكفين باوعت السلام

- - ياالله يمه دربنا بعيد 

عطاء ما قبلت //لا خاله وين رايحه ابقي يمنا باتي نتونس بيج

انا كتلها /:خاله عادل متانينه يم ابو التصليح سيارته عطلت وخلف الله على سلام اجه وجابني من خابره عادل 

ياالله يمه سلام هسه نلكى عادل مكمل السياره وانت هم على مود تروح الشغلك مانريد نعطلك 

عطاء/:بس خاله هاي ما نحسبها جيه 

ام عادل /:ان شالله على يوم اجي واتغده واتعشى وابات على ما تطردوني 

صاحب /:افه ام عادل ما تشيلج الكاع نحطج على راسنا بيتج هذا 

ام عادل /:كوول وفعل خويه

وسلمت عليهن وطلعت ركبت بالسياره سلام باوعلي 

::شنو هاي عادل سيارته بالتصليح من يمته وانا ما ادري 

باوعتله وحجيت /:جا اكلهن سلام جابني من المزرعه على مود شعده ومرتين يرد وليش ما وديتي الصوغه بيده 

::والله عمي ذكيه ام عويدل 

ام عادل انا عكشت خشمي وكتله /:ها شني بس الكاظ دفتر وقلم يفتهم لا وداعتك يمكن واحد مثلي لا يقرا ولا يكتب 

وربك يسخره البشر تايه ويدلي

سلام ::والله كلامج ذهب

ونزل سلام يم محل يبيع فواكه وانوب وصل يم مطعم وصى على صينية مشاوي واخذهن وصلنه للمزرعه 

العصر وكلي سلام ::خاله هذني الكم 

- - شني يمه بدل 

::لا والله خاله بثواب اهلي 

عساك سالم وتتذكرهم والله يرحمهم برحمته الواسعه ويرحمنا 

سلام ::اميين 

انا نزلت واخذتهن كتله //يمه سلام اوكف خلي اسوي المرتك لفه ما طول ثواب

حسيت بي ما قبل بس سكت هو راح البيته وانا كت المرت عادل

هاج يمه حطيلي بماعون وخبزتين وفواكه كملت الصينيه ورحت دكيت الباب وطلع سلام انطيته الصينيه هو شافها كال

::خاله شدعوه رجعي منه 

- - يمه سلام اخذها واكل وياها هاك يمه الخير هواي

شفته اخذ الصينيه وراح وكعد شويه وطلع جاب الصينيه وانطاها الي ورجع اخذ جكاية ماي وراح كعد شويه وانوب 

صعد سيارته وراح وكف يم عادل شويه وبعدها ساق سيارته ورجع البيتهم 

انا رحت على عادل بالمزرعه كتله //عادل يمه اذا واحد سووا ويانا معروف واحسان جبيير شلون نرجعه اله 

عادل باوعلي وكال /:يمه الله سبحانه وتعالى يكول بسم الله الرحمن الرحيم (هل جزاء الاحسان الا الاحسان)

صدق الله العلي العظيم 

ام عادل /: صدق الله العلي العظيم ها يمه جا ما طول هيج اسمع ياابني اليوم اجه وكت نرد الاحسان بس ها 

يجوز ردنا للاحسان نبطل من الشغل ونشيل من دويرتنا 

عادل /:يمه اذا على حق تره العيشه كافلها الله مو بيد البشر يجوزخلصت خبزتنا يم سلام بس يم ربج ما تخلص 

كولي حجيه وانا جاهز 

ام عادل حصرتني البجيه /:عفيه ابني الله يرضى عليك

//////////////////💔💔////////////////